< الدراسة في قطر وخارجها >

[شبح الصمت]

السلام عليكم ورحمة الله وبركاته ،،،

سؤال هل الجامعات الموجودة عندنا معتمدة دولياً

يعني بالعربي الخريجين منها اياً كانوا قطريين والا غير قطريين
هل لو تقدموا لوظائف خارج قطر هل راح يحصلون الوظائف بناء على الجامعات الي دارسين فيها ..
ام هي جامعات بس داخلية تفيد الخريجين داخل قطر فقط ..

وبعد البحث اطلعوا لي هالجامعات


جامعة قطر
جامعة تكساس أي أند إم في قطر
جامعة جورجتاون في قطر
جامعة كارنيجي ميلون في قطر
جامعة كالجاري قطر
كلية باريس للدراسات التجارية العليا
كلية شمال الأطلنطي في قطر
كلية لندن الجامعية قطر



الدول قاعده تضخ الملايين في هالجامعات وفي نفس الوقت قاعده ترسل الطلاب للخارج للدراسة ..

انتظر مشاركاتكم
ونظرتكم

حاولت اسوي استبيان لو حد يساعدني فيه من احد المشرفين ..
ويكون

هل
ترغب في دراستهم في قطر

ام هل ترغب في بعثتهم للخارج

[Rosso]

بحكم دراستي في جامعة محلية وجامعة خارج قطر، اكتشفت ان الجامعة المحلية (حضانة).
أنا مع الدراسة في الخارج ولكن ما يمنع أن تكون هناك جامعات محلية أخرى جيدة.

[سعود.]

أفضل انه للبنت تدرس في الدوحه بشرط جامعه غير مختلطه

أستر لها وعند اهلها بدال الغربة .

الحين الولد لاسافر برى يدرس تخاف عليه كيف البنت !!!!

[يمامـة]

افضل دراستهم في البلاد دام ان هالجامعات لها فروع في قطر..

واعتقد ان شهادات هالجامعات معترف فيها في أمريكا..
لأن حسب ما فهمت اللي يتخرج من كارنجي مثلا ينحط على شهادته خريج قطر وامريكا..
واعتقد بعد حسب ما سمعت من كم يوم اللي يتخرج من تكساس ايه اند ام بعد يعتبر خريج أمريكا..

[Bo jassim 33]

افضل الدراسه داخل البلاد

للشاب و للبنت

[JN000N]

جامعة قطر ماعليها قصور ومخرجات التعليم فيها قوية بغض النظر عن بعض المشاكل

[بانغ بانغ]

جامعة قطر ماعليها قصور ومخرجات التعليم فيها قوية بغض النظر عن بعض المشاكل

اتفق معك

ايضا في معاهد وكليات جديدة لازم الواحد ايفكر فيها لعياله مثل كلية الشرطة ( بكالوريوس علوم شرطية ) ووايد ناس مهتمين فيها للتسجيل



وغيرها

[PP]

جامعة قطر
جامعة حمد بن خليفة

اكاديميه بريدج قطر
كارنيجي ميلون في قطر
نورث اتلانتيك
جورجتاون كلية الشؤون الدولية في قطر
HEC Paris في قطر
نورث ويسترن في قطر
ستيندن في قطر
تكساس A&M في قطر
فرجينيا كومون ويلث في قطر
وايل كورنيل للطب في قطر
لندن الجامعيه في قطر
كاليجاري للتمريض في قطر

افضل استثمار هو الاستثمار للمعرفة،،

[الماريّة]

لاشك ان الدراسه في البلد افضل من الغربه والبعد عن الاهل

لكن في حال اذا التخصص مش موجود هني ماله الا البعثه خارجيا

[aloosh]

اهم شي ما بعد الدراسه
هل سوف توضع في المكان المناسب تخصصك
هنا السؤال
لاني اعرف شباب تخصص الى درسه وتغرب فيه غير عن الوظيفه

عقليات الثمانينات لحد الان متشبثه في الكراسي لا تبي تطور ولا احد يتطور
وهذا اللي جايب البلد للخلف

[كاشف الغطاء]

المشكلة معظم هذه الجامعات (المدينة التعليمية) صعبة للدراسة وتحتاج تفرغ كامل
وإضافة إلى ذلك التفرغ الدراسي صعب الواحد يحصله من دوامه إذا كان يدرس في الدوحة