محتار هل الغي المطبخ الدخلي او اخليه وابني غرفة بالحوش

[جي قطر]

السلام عليكم ورحمة الله وبركاته

مثل ماهو واضح بالعنوان يا إخواني
عندي بالدور الارضي لاتوجد غرف
فقط مجلس وملحقاته وصاله ومطبخ

ومحتاج غرفة للعيال لألعابهم ويشوفون التلفزيون وتكون غرفة طعام بعد

فمحتار هل ألغي المطبخ الدخلي وأكتفي بالخارجي
او اخليه وابني غرفة بالحوش
مع العلم بأن عندي بعد بالدور الاول بانتري صغير

ومشكورين

[captin]

أولا أعتقد ان هذا الموضوع مكانه في النقاش الاقتصادي وبالتحديد
النقاش الخاص بالبناء

اذا فكرتك تخلي الدور الأرضي فقط كمرافق عامة وما فيها غرف نوم

انا اقترح عليك التالي أولا تسوي غرفة نوم وحدة بحمام ولتكن 5x5 على الاقل
والسبب انك ممكن تحتاج في يوم من الايام اذا عندك ضيف من اهلك او أهل الزوجة
او اذا كانت مسافر واحد بيبات عندكم من االاهل الخ .

احيانا كثيرة الناس تحتاج الغرفة بالدور الارضي اذا كان في حالة حمل وفي المراحل الاخيرة
والبيت ما فيه اصنصير فالمرة تحتاج انها تكون تحت في الدور الارضي لان حركتها تكون ثقيلة .

نرجع حق سوالك الرئيسي والخاص بالمطبخ هل هو ضروري بالدور الارضي ولا تكتفي بالمطبخ الخارجي

اذا كان المطبخ الخارجي ملاصق للفيلا وبينهم ممر وباب يدخلك على الفيلا انا أقترح انك :

تسوي غرفة طعام في المنطقة اللي داخل الفيلا مقابلة للمطبخ الخارجي وفي غرفة الطعام هاذي
تسوي كاونتر طويل مع كبت على وحده من لطوف لبعض الاواني و الأكواب والكاونتر ينفع ينحط عليه الاكل والمشروبات قبل التقديم
على طاولة الطعام مع ان امكن يكون في حمام قريب او على الاقل مغلسة يد على كاونتر رخام لغسل الايدي
في احدى الزوايا تكون صاده مب في وسط غرفة الطعام .

اتمنى باقي الاخوان يفيدونك

بالتوفيق ان شاء الله

[MAZEN37]

اذا في خدم ممكن خارجي واذا الاعتماد على ربة البيت داخلي انا عن نفسي افضل المطبخ داخل البيت ويكون بابه على مقلط

[سعود.]

انت صاحب القرار

[معماري قطري]

الحلول قليلة والسبب التخطيط والمكاتب الاستشارية

تبي ادرس مخططاتك وأعطيك حلول اكثر حسب رغبتك حاضر ولازم تشوف الصورة كاملة وتنسق كل شيء

[ولد المنصور]

دام فيه بانتري فوق مايحتاج بعد تحت ،،،
غرفه المعيشه اهم ...

[sweet qatar]

عليكم السلام ورحمة الله وبركاته

لا اخوي وجود المطبخ الداخلي غير ضروري والاهم منه الغرفة العائلية


موفق ان شالله

[لبيبة]

وعليكم السلام ورحمة الله وبركاته،

خلي عيالك عندكم جدامكم في الصالة اللي تحت يشوفون التلفزيون ويلعبون ألعابهم،

لا تخلونهم في غرفة بروحهم بلا رقيب عليهم،

هالشي اعرف ان نتايجه ابدا مب زينة،

يتعلمون اشيا انتوا ما ربيتوهم عليها ويربيهم التلفزيون والبلايستيشن والاجهزة اللي مثله على شي ما ربيتوهم عليه.

والمطبخ الداخلي مهم جدا للكل،

حتى احنا سوينا مطبخ داخلي وارتحنا وايد،

الوضع الحالي عندك ممتاز ولا تغيره،

والله يصلح لك عيالك ويبلغك فيهم.

[معماري قطري]

ممكن المطبخ الداخلي يكون صغير ونسوي معاه صالة .. يكون مثل الممر بعرض مترين والجهتين للكبتات واثلاجات

[sweet qatar]

ممكن المطبخ الداخلي يكون صغير ونسوي معاه صالة .. يكون مثل الممر بعرض مترين والجهتين للكبتات واثلاجات

ممكن ياخذ طوفة وحدة الي بيحط فيها التلفزيون للثلاجة و خزانة وكاونتر طويل تحت التلفزيون

باقي الغرفة تكون للجلسة و ممكن طاولة طعام على جنب حسب عدد سكان المنزل

الغرفة هذي بتكون متصلة بالمطبخ الخارجي مستحيل تكون فاضية يعني اليهال تحت نظرهم*

[khaldoon]

لا انصح الاعتماد على المطبخ الخارجي الا لو كان الممر من الملحق للفيلا مغلق و مكيف لانه ست البيت او اي شخص يبي يستعمل المبخ و طالع نازل على المطبخ الخارجي بيموت من الحر غير الحشرات و الزواحف

[sweet qatar]

لا انصح الاعتماد على المطبخ الخارجي الا لو كان الممر من الملحق للفيلا مغلق و مكيف لانه ست البيت او اي شخص يبي يستعمل المبخ و طالع نازل على المطبخ الخارجي بيموت من الحر غير الحشرات و الزواحف

حشرات و زواحف عاد هههههه

قديما كانت البيوت القطرية فيها مطبخ واحد خارجي كبير

الحين ماخذينها عادة حتى لو ما في حاجة يحطون مطبخين*

[معماري قطري]

لا انصح الاعتماد على المطبخ الخارجي الا لو كان الممر من الملحق للفيلا مغلق و مكيف لانه ست البيت او اي شخص يبي يستعمل المبخ و طالع نازل على المطبخ الخارجي بيموت من الحر غير الحشرات و الزواحف

ممنوع والسبب الخوف من الحريق انا سكرت بالمنيوم وبولي كاربونيت والشمس تنور المكان بس يكون بارد .. وسكرت الجوانب بابواب مع نعلة رخام تخلي الباب زواحف تايت

طلع المكان بارد من داخل البيت وداخل المطبخ الخارجي وتقريبا الباب كله مفتوح

[معماري قطري]

ممكن ياخذ طوفة وحدة الي بيحط فيها التلفزيون للثلاجة و خزانة وكاونتر طويل تحت التلفزيون

باقي الغرفة تكون للجلسة و ممكن طاولة طعام على جنب حسب عدد سكان المنزل

الغرفة هذي بتكون متصلة بالمطبخ الخارجي مستحيل تكون فاضية يعني اليهال تحت نظرهم*

بعد وجهة نظر طيبة .. ليش انا بغيت المخطط .. حتى اقدر استعرض حلول كثيرة

[khaldoon]

ممنوع والسبب الخوف من الحريق انا سكرت بالمنيوم وبولي كاربونيت والشمس تنور المكان بس يكون بارد .. وسكرت الجوانب بابواب مع نعلة رخام تخلي الباب زواحف تايت

طلع المكان بارد من داخل البيت وداخل المطبخ الخارجي وتقريبا الباب كله مفتوح

👍👍👍👍👍👍

[shoog]

افضل الاثنين مع بعض غرفه للاطفال ومطبخ داخلي لكن لو انحطيت في موقفك اختار الغرفه

خل مكان لعبهم وقعدتهم فالغرفه والبيت يكون مرتب ونظيف وتكون مثل القعده اليوميه واذا حجمها حلو تحط لك قعده للاكل يكون غداكم فيها بعد شي حلو
مثل هالفكره انا بسويها ان شاءالله

breakfast nook

98099

[جي قطر]

اشكر كل اللي تفاعل مع الموضوع
لا خلا ولا عدم
وبخصوص طلب اخوي معماري قطر باذن الله بحط صورة للمخطط
وبانتظار المزيد من الاراء

[معماري قطري]

أسبوع ان شاء الله وراجع قطر ولو تبي مراجعة شاملة أرسل لي المخططات بصيغة اوتوكاد يكون اسهل لي

وشوف المقترحات الكثيرة في مراجعة المخططات المعمارية

[الدبلوماسي]

المطبخ الداخلي مهم للاشياء الصغيره سناك عصاير اشياء خفيفه انصحك تسوي جزء ف الدور الارضي بانتري
يفي بالغرض وتحول المطبخ الداخلي غرفه وايد بتستفيد وتبني محلق خارجي ك مطبخ رئيسي
وبعد اتمام البناء تغطي الجزء الفاصل بين البيت والمطبخ الخارجي ب مطله كويك سبان بحيث يكون الممر بين البيت والمطبخ الخارجي مكيف وبارد. ولاسمح الله صار حريق او شي ممكن الدفاع المدني يقصون المظله بسهوله البعض يوصله بالبناء وهذا ماانصح فيه من ناحيه السيفتي

[معماري قطري]

مع حلك اخوي الدبلوماسي بس السقف البلاستك سهل وينور

يمنع الحرارة بدرجة معقولة والبانتري او المطبخ الصغير كفاية

[جي قطر]

مع حلك اخوي الدبلوماسي بس السقف البلاستك سهل وينور

يمنع الحرارة بدرجة معقولة والبانتري او المطبخ الصغير كفاية

ياليت اخوي معماري قطر توضح كيف سقف بلاستيك وينور ؟

[khaldoon]

ياليت اخوي معماري قطر توضح كيف سقف بلاستيك وينور ؟

البلاستك سواء شفاف او غير شفاف اللي ينحط على البوابات الحديديه

[معماري قطري]

البلاستك سواء شفاف او غير شفاف اللي ينحط على البوابات الحديديه

ما قصرت اخوي خلدون وهذا هو وبفريم المنيوم خفيف ما يكلف شيء

كلفني حول 2000 ريال وان شاء الله باصوره لين رجعت

[جي قطر]

اكتشفت شي امس كنت ناسيه
اول ماشريت البيت نقلت درام الماي اللي برع
ووديته فوق الملحق ورا عشان استفيد من مساحته
وتذكرت انه مد توصيلات الماي وكهربت الدينمه تحت الانترلوك اللي بين المطبخ والملحق
اللي اهو المكان اللي ابي اسكره واسوي فيه سيراميك
فبغيت شوركم بالنقطه؟

[معماري قطري]

اكتشفت شي امس كنت ناسيه
اول ماشريت البيت نقلت درام الماي اللي برع
ووديته فوق الملحق ورا عشان استفيد من مساحته
وتذكرت انه مد توصيلات الماي وكهربت الدينمه تحت الانترلوك اللي بين المطبخ والملحق
اللي اهو المكان اللي ابي اسكره واسوي فيه سيراميك
فبغيت شوركم بالنقطه؟

الكهربة اللي حق البيت تجي تحت بلاط الحوش وكهربة الليتات بس يسوون لها نقاط فحص .. الماي انا مركب بيب طوله حول أربعين متر من برا لورا حق حوض سباحة بس ثبتته على الطوفة .. والبيب اللي واصل للملحق كذلك ومركب سيراميك وباني شوي طابوق والمنيوم فوقه بنيان خفيف يعني

بس صج لو تسريب مشكلة ما ينكشف

[sultan01]

مطبخ خارجي واحد يكفي ،،،

[سعود.]

مطبخ خارجي واحد يكفي ،،،

بالضبط

[معماري قطري]

إحنا نسوي مطابخ كبيرة ولا فيها تجهيزات متطورة عندنا الفرن الفخاري والتنور وفرن البخار وبعضها صحية ورخيصة وتجي صغيرة وبعضها فيها كم ميزة