الشلالات من الاحجار الطبيعية

[captin]

السلام عليكم يا اخوان

عندي ضمن تصميم الحديقة الخارجية في الحوش يوجد شلال بعرض وارتفاع معين
لما بديت اخذ عروض اسعار لتنفيذ اعمال الحديقة ومن ضمنها الشلال اغلب اخوانا العرب
وهم غالبا ماسكين شغل تنفيذ الحدائق اقترحوا تركيب شلال من الفايبر جلاس وواحد ثاني اقترح
انه يصف حصى ويبني عليه باسمنت

طبعا الفايبر جلاس شغل بيكون رديىء وبعد فترة بتطلع آثار الماي وممكن انه يتحرك من مكانه
الخ من العيوب وغير هذا كله الشكل العام بيكون غير مرغوب وبشع لما توهم نفسك ان عندك شلال طبيعي
وتشوف شلال صناعي مصنوع من الفايبر جلاس قدامك .

طبعا في امريكا والدول الاخرى يسون الشلال في الحدائق من المواد والصخور الطبيعية وما يبين انه صناعي بتاتا .

https://www.youtube.com/watch?v=Or39qC1VEnA

https://www.youtube.com/watch?v=wA-4kK8deBM

هل يوجد في قطر شركات متخصصة في تصنيع الشلالات وتستخدم الاحجار الطبيعية
مع تركيب مولد تدوير الماء بطريقة فنية مناسبة ؟

[معماري قطري]

الله يعينك قبل حصلت أندونيسيين مختصين ويسوون بنص سعر العرب سواء بالاسمنت بشكل الحجر ويكون مجوف او بالحجر الطبيعي ويخفون لك المضخة

يمكن رقمهم غيروه وعندي القديم في الدوحة والحين في بلاد الحي بانكوك

[معماري قطري]

تفيقت شوي في المطار سفرة الى جزيرة ساموي

لو تبي تسوي حجر اتوقع اي شركة حجر ممكن تسوي لك .. شفت في بانكوك شلال من غرانيت وسيدة ينزل الماي بانتظام وحائط الشلال كل قطعة متقدمة حول ثلاثة سم يضرب فيها الماي ويطيح على اللي تحتها لو مريت مرة ثانية باصور

الغرانيت اسود

[معماري قطري]

الذاكرة شوي لك عليها شركة متخصصة عندك جيمكو لبرك السباحة عند دوار سلاح الجو واحتمال تدمر بس جيمكو اكيد مسوين للمطار الجديد بس اكيد شغلهم غالي

[captin]

الذاكرة شوي لك عليها شركة متخصصة عندك جيمكو لبرك السباحة عند دوار سلاح الجو واحتمال تدمر بس جيمكو اكيد مسوين للمطار الجديد بس اكيد شغلهم غالي



مشكور أخوي معماري قطري ويعطيك العافية

مثل تعرف عندنا شح في الشركات المتخصصة والعمالة الفنية المحترفة
خصوصا لأعمال التشطيب والحدائق وغالبا ربعنا يجيبون شركات من برع حق المشروعات الكبرى
مثل المرافق الحكومية والمطارات والفنادق المشكلة اللي نشوفه في مثل هاذي المرافق ما نقدر نطبقه في البيوت
لأن عمالة الشركات اللي في السوق عمرها ما سوت ونفذت مثل هاذي الاعمال .

عموما بسأل عند الشركات اللي ذكرتها وان شاء الله احصل احد يقدر يسوى الشلال بطريقة طبيعية من الصخور .

[معماري قطري]

صورت لك شلال بنفس الطريقة اللي ذكرتها فوق حتى فيه فتحات فيها اضاءة بانزلها بعد أسبوع لو رجعت ان شاء الله

[sultan01]

حد سمع عن شركة الهدى للحدايق ... ودي أسال عن الشركة قبل لأبدى شغل معاهم

[معماري قطري]

صورت الشلال فيديو بس ما ادري وين الفلم ما حصلته باحط الصور واتوقع واضحة .. فيه فجوات بين الحجر فيها إنارة بس للأسف ما مريت وقت الليل

http://i.imgur.com/OFEmAuh.jpg

http://i.imgur.com/62URDFl.jpg

http://i.imgur.com/byiq68q.jpg

[F.A1]

فيه برنامج اسمه بيتنا في اليوتيوب للمصمم احمد العزاني برنامج رااااااائع جدا يتكلم فيه عن الشلالات والنوافير وتزين الحديقه ويشرح لك الطريقه كيف تشتري المواد ومن وين
والاحتياجات وطريقة عملها بصررراااحه انا استفدت منه كثييييير
وطريقته السهل الممتنع انا حاليا مطبق عندي في البيت طريقة الشلال لكن ينقصني (مصب الشلال) ماحصلته في الدوحه قريب ان شاءالله بسافر لدبي لشغل وبمر السوق الصيني
ان شاءالله وبشتريه من عندهم لانه متوفر عندهم بأحجام وانواع واشكال كثيره ورخيصه ..


انصحك بمتابعته حتى لو ماتعرف تطبقها بس تشرحها لاي عامل او فرومان وتجيب انت المواد من طابوق وفايبر وغيره من مواد محتاجها للتطبيق
بيطلع عليك ارخص كتكلفه واجمل لانك انت سويت شي بيدك وانجزته بنفسك في بيت العمر يكون لك بصمه

والله ياجماعه التصاميم والتطبيق سهل جدا بس يبي له شخص متفتح ويبحث بنفسه ويتعب على البحث ويتعلم مره ومرتين وثلاث لين يعرف يطبقها او يشرحها
للعمال اللي بيجيبهم ويشرف عليهم بنفسه .

اتمنى لك التوفيق .

[F.A1]

صورت الشلال فيديو بس ما ادري وين الفلم ما حصلته باحط الصور واتوقع واضحة .. فيه فجوات بين الحجر فيها إنارة بس للأسف ما مريت وقت الليل

http://i.imgur.com/OFEmAuh.jpg

http://i.imgur.com/62URDFl.jpg

http://i.imgur.com/byiq68q.jpg


مرحبا اخوي الكبير العملاق معماري ..

عجبني طريقة الممر ومدخل البيت وان شاءالله راح يتم تطبيقه في بيتنا الجديد بأذن الله .

[معماري قطري]

مرحبا اخوي الكبير العملاق معماري ..

عجبني طريقة الممر ومدخل البيت وان شاءالله راح يتم تطبيقه في بيتنا الجديد بأذن الله .

الله يوفقك إن شاء الله بس تحمل من خطورته على اليهال

بما إن الماء متحرك وينزل من فوق ولازم يتفلتر من ورق الشجر فوضع حوض سمك تحت ممكن .. شوف في موضوع يوتيوبيات البناء حطيت عن أحواض السمك

هذا كان مدخل المريديان في جزيرة ساموي في تايلاند وعجبتني الطريقة

انا مفكر اسوي قريبة منها في قوس نصف دائري يحدد الدوار