انا في لندن اشلون الطريقة استفسار

[طباخة قطرية]

انا في لندن سويت فيزا حق لندن بس والحين ابي اروح فرنسا هل اقدر افيز من لندن ع فرنسا اشلون الاجراءات .
وشكراً لكم

ملاحظة ماكان في وقت اسوي شنغل من قطر

وشكرا

[لبيبة]

السلام عليكم ورحمة الله وبركاته،

حسب القانون لن يتم إصدار أي فيزا شنغن من القنصلية الفرنسية في لندن لغير المقيمين في لندن، يعني اللي عندهم فيزا الزيارة (فيزا لندن)، هذا من موقعهم (http://www.ambafrance-uk.org/How-and-where-to-apply-for-a-visa):

the French Consulate, London, is not competent in processing visa applications of people not resident in the UK, i.e. holders of ’C-Visit’ visas or of a British visa valid for 6 months or less. People who are not resident in the UK must apply for their Schengen visas at the French Consulate in their country of residence.

الحين تختارين واحد من الحلين:

1- ما تسافرين فرنسا.

2- ترجعين الدوحة وتقدمين طلب فيزا شنغن في السفارة الفرنسية في الدوحة.

في حال إنج تبين ترجعين وتقدمين طلب شنغن، لا تقدمينها في أي سفارة أوروبية غير الفرنسية إذا كانت وجهتج فرنسا، لأن تصير مشاكل توصل إلى تسفير ومنع دخول للأبد، مثل اللي صار للزوجين السعوديين (http://www.qatarshares.com/vb/showthread.php?622039-%E3%E4%DA-%E3%E4-%CF%CE%E6%E1-%CF%E6%E1-%C7%E1%C7%CA%CD%C7%CF-%C7%E1%C3%E6%D1%E6%C8%ED-%E1%E1%C3%C8%CF).

وبالتوفيق إن شاء الله.

[غير البشر]

مرحبا اختي


صحيح كلام اختنا لبيبه لازم ترجعين الدوحه وتفيزين
مايصير تقدمين على الشنغن انتي بلندن

لو العكس كان يصير لو عندج شنغن تقدرين تاخذين فيزا الكترونيه من فرنسا وتروحين لندن

اخر سفره الي رجعت منها قبل كم يوم
عملت فيزا الكترونيه حق لندن وانا بجنيف
على اساس بطير من شتوتغارت الى لندن
والحمدلله كانت الامور كلها تمام والامور ميسره

الله يعينكم ان شاء الله ويسهل اموركم

[ذكي جدااا]

كان المفروض سويتي فيزا الشنقن قبل تسافرين او تسألين لانه بريطانيا فيزتهم غير عن دول اوروبا للاسف.

[غير البشر]

واختي ابغي اعطيج معلومه ان شاء الله تفيدج وتفيد الجميع

لما تقدمين على فيزا لندن بالمرات القادمه وماعندج وقت للشغن لان السفر قريب
السفاره البريطانيه في الدوحه عندهم خدمه وهي تقدمين اوراقج بالسفاره وقت الموعد وتدفعين مبلغ اضافي
وياخذون صوره من جواز السفر فقط وماياخذون الجواز نفسه
والجواز نفسه يكون معاج تقدرين بنفس اليوم تقدمين على الشنغن ويخلصون مع بعض
عشان مايكون في تأخير او ضغط با الايام

يعني تاخذين موعد للفيزا البريطانيه والشنغن بنفس اليوم
بشرط يكون موعد الفيزا البريطانيه قبل الشنغن


او ان الحل تقدمين على الفيزا الالكترونيه سهله جدا

[دولة قطر.]

استفسار من للاخوان اشكثر اللي بيقدم ع الفيزا الشنغن تاخذ

[ذكي جدااا]

استفسار من للاخوان اشكثر اللي بيقدم ع الفيزا الشنغن تاخذ
على حسب السفارة بس المعدل تقريبا خمس ايام عمل اذا كانت أوراقك كاملة.

حبيت أضيف انه خمس من يوم المقابله. يعني ممكن تحصل موعد المقابله بعد اسبوعين او ثلاث انت وحظك حسب الزحمه والسفارة. وبعدها اذا سلمت أوراقك كامله تطلع الفيزه بعد خمس ايام بالغالب.

[Broker85]

ممكن بس الإجراءات تأخذ وقت

[ya3coub]

انا في لندن سويت فيزا حق لندن بس والحين ابي اروح فرنسا هل اقدر افيز من لندن ع فرنسا اشلون الاجراءات .
وشكراً لكم

ملاحظة ماكان في وقت اسوي شنغل من قطر

وشكرا

لا أخوي ما يصير بحكم انه ما عندك

قالو بيسهلون الأجرائات بس ما اعتقد صارت

انا كنت شغال و عندي اقامة فلدن بحكم شغلي هناك من سنتين تقريبا, حاولت عدة مرات و عالفاضي للأسف معنه السفارة بقطر قالولي سوها هناك و عادي. هناك طلبو ثلاث اشهر تقريبا و انا كنت تقريبا كل اسبوع اسافر في المملكة الممتحدة او خارجها لدول شمال افريقيا.

و اهني فالدوحة لما رجعت و قدمت ما خذت يوم واحد قدمت الظهر ثاني يوم في أقل من 24 ساعه كان جوازي جاهز مع فيزا شنجن لمدة انتهاء الجواز.

لا اتعب نفسك معاهم هناك أخوي ارجع الدوحة و عقب ارجع روح هناك منها نقاط كيومايلز و منها فيزا عدله و معتمدةو مافيها كثرة التدقيق و التحقيقات نفس اذا بتقدم عليها و انت هناك.

انا عمتي كان فيها الخبيث و حالتها كانت خطرة, و جايب لهم رسالة من ريل عمتي و من السفارة القطرية الي بفرنسا و الملحق الطبي و من المستشفى و بعد ما افتكرو بأي شي.

[ya3coub]

ممكن بس الإجراءات تأخذ وقت

ثلاثه اشهر يبلغونك اهي تخلص قبل بس بعد ما تقدر اتقول وين جوازك او تأخرو بالموافقه غير يرجعون يكلمونك عقب فترة يقولونلك نبي حسابك اشلون مقيم بلندن و ما عندك كشف حساب فلندن و كل شوي يبون شي زود

ما تسوى عليك اهني يوم واحد و كان الله غفور رحيم

[لبيبة]

ممكن بس الإجراءات تأخذ وقت

كيف ممكن؟ وبنفسي متأكدة من موقع السفارة الفرنسية إن ما يسوون شنغن نهائيا للي جاي لندن بفيزا زيارة (ما عنده إقامة في لندن).

[بوخالد911]

استفسار من للاخوان اشكثر اللي بيقدم ع الفيزا الشنغن تاخذ

ما بين 2- 3 أيام

بس العام دفعت 1000 رسوم إضافية ل 5 جوازات معاملة vip
قدمتها اس 4 العصر واستلمتها ثاني يوم 4 العصر.

[طباخة قطرية]

الله المستعان