علاج الصداع

[Miss]

من واقع تجاربكم :

شنو احسن علاج للصداع قبل البنادول :(

[لبيبة]

السلام عليكم ورحمة الله وبركاته،

بشكل عام، لازم الواحد يتأكد انه يشرب ماي كفاية، لأن الجفاف يسبب الصداع،

كذلك الجوع من اسباب الصداع،

نقص النوم يسبب صداع،

اذا كانت هناك مشاكل في ضغط الدم ممكن تسبب صداع.

القلق يسبب صداع،

يعني الحل ياكل يشرب ينام.

والله يشافي الجميع.

إضافة كنت لازم أقولها من البداية:

وضع الإبهام والسبابة (اليد اليمنى) على الصدغ بحيث يكون الإبهام على الجانب الأيمن والسبابة تضغط على الجانب الأيسر للصدغ. وقراءة سورة الفاتحة ثم قول اللهم صل وسلم على سيدنا محمد سبع مرات مع الضغط بقوة بشكل مستمر وثابت. والله الشافي.

[معماري قطري]

يضرب مكان الصداع بمطرقة مب قوة ولا شوي شوي

[رجل الجزيرة]

النوم.

[سالم الزهران]

الصداع صار يجينا ، ومعه نبضات بفكفك الصفوح

لكن فيه ناس استفادوا من السجود الطويل على الرمل

كان طلعتو شاطيء ، صلي هناك و سجود طويل حول العشر دقايق

( هذا نفع ناس كان عندهم الصداع فعلاً موقف حياتهم و بشهادة الشيخ احمد الحواشي )

مقطعة موجود في اليوتيوب

[سعود.]

الحجامة

على الاقل كل 6 شهور مرة .

توه من اسبوعين تقريبا انتشرت صور للاعبين منتخب الامريكي المشاركين في الاولمبياد البرازيل للسباحة اغلبهم مسوين حجامة على الكتوف والظهر

اما للصداع اكيد تكون في الرأس . وفيه علاج شعبي ( الفري )

[Miss]

السلام عليكم ورحمة الله وبركاته،

بشكل عام، لازم الواحد يتأكد انه يشرب ماي كفاية، لأن الجفاف يسبب الصداع،

كذلك الجوع من اسباب الصداع،

نقص النوم يسبب صداع،

اذا كانت هناك مشاكل في ضغط الدم ممكن تسبب صداع.

القلق يسبب صداع،

يعني الحل ياكل يشرب ينام.

والله يشافي الجميع.

إضافة كنت لازم أقولها من البداية:

وضع الإبهام والسبابة (اليد اليمنى) على الصدغ بحيث يكون الإبهام على الجانب الأيمن والسبابة تضغط على الجانب الأيسر للصدغ. وقراءة سورة الفاتحة ثم قول اللهم صل وسلم على سيدنا محمد سبع مرات مع الضغط بقوة بشكل مستمر وثابت. والله الشافي.



تسلميين لبيبه بجرب هالطريقه

يضرب مكان الصداع بمطرقة مب قوة ولا شوي شوي
نص ونص يعني :rolleyes2:

النوم.

صج صج محتاجته :(

[Miss]

الصداع صار يجينا ، ومعه نبضات بفكفك الصفوح

لكن فيه ناس استفادوا من السجود الطويل على الرمل

كان طلعتو شاطيء ، صلي هناك و سجود طويل حول العشر دقايق

( هذا نفع ناس كان عندهم الصداع فعلاً موقف حياتهم و بشهادة الشيخ احمد الحواشي )

مقطعة موجود في اليوتيوب
جزاك الله خير
اول مره اعرف هالمعلومه

الحجامة

على الاقل كل 6 شهور مرة .

توه من اسبوعين تقريبا انتشرت صور للاعبين منتخب الامريكي المشاركين في الاولمبياد البرازيل للسباحة اغلبهم مسوين حجامة على الكتوف والظهر

اما للصداع اكيد تكون في الرأس . وفيه علاج شعبي ( الفري )
لا الحجامه مستحيل اخاف
شنو العلاج الثاني اول مره اسمعه؟

[بريق الحق]

عندي واحد من الربع يعاني من صداع مش لابد
راح أمريكا والحين فحوصات
مرات الرقبه تسبب صداع
كان يقولي عن استرجات يسويها
والماسكا دول بعد مفيد للصداع
الماي ونقص الأوكسجين وعدم وصوله للرأس يسبب الصداع

[لبيبة]

والماسكا دول بعد مفيد للصداع
الماي ونقص الأوكسجين وعدم وصوله للرأس يسبب الصداع

ماسكادول هذا مسكن الام للعضلات من عائلة البنادول، البنادول احسن منه في حالة الصداع.

النقطة الثانية اتفق معاك، مثل ما ذكرت سابقا عن نقص الماء، الاكسجين شكرا ذكرته لأني نسيت اكتبه.

[بريق الحق]

مشاكل الغازات فالبطن تسبب صداع
أشياء كثيره تسبب الصداع لكن نقص الأوكسجين لحظته فالقسم عندنا
الصداع عند الكل منتشر فالقسم بسبب قلة الأوكسجين
المسكا يساعد على النوم هذا جيد بعد
صحيح البندول وفي حبة ثانيه افضل من البندول بعد

[سعود.]

الفري

هو علاج شعبي ( ربط الرأس ) او صبخه لرأس

اعرف واحد راح سواه بسبب الصداع المستمر وتشافي منه بأمر الله والاهم انه بعد هذا العلاج قط النظارة ؟؟؟

رد نظرة طبيعي 6/6 . مشكلتنا مانحب الطب الشعبي . البعض يمكن يستخف فيه .

عندنا في سوق واقف محل حق ( قطرية ) تعالج عددة امراض شعبي ويجونها من كل دول الخليج يتعالجون عندها .

[سالم الزهران]

العلاج بالسجود ( التعبدي ) ذكره ابن القيم رحمه الله ، تابعوا كلام الشيخ

الكلام عن الصداع من الدقيقة الرابعة و عشر ثواني ( اخر المقطع تقريباً )


https://youtu.be/8cb0E5lXmIQ

[Miss]

اكثر اجاباتكم عن الماي
وانا مع الماي مب اصلاح :(
بجرب الحلول ومن الله الشفاء

سعود اي عرفت اللي تقصده بس ما كنت اعرف الاسم

[بوخالد911]

لو الصداع مستمر
أنصحج بمراجعة الطبيب
يمكن هي بداية لمرض الضغط.
الله يشفي كل مريض.

[حليتان*]

صلي وطولي فالسجوووود وادعي لي

[نجم سهيل]

السلام عليكم

أنا من النوع اللي أعاني من الصداع لكن على فترات متباعدة وبعض الأسباب عكسها هو علاجها .. وانا طريقتي يمكن تكون غريبة للبعض لكنها بالنسبة لي فعالة عن تجربة شخصية لي أنا لما يجيني نوع الصداع اللي في قفا الراس أو في محاجر العيون

يالنسبة لي ماحب اخذ أدوية ، اكل لي وجبة مشبعة وبعدها بساعة يجي دور الشاي وكمحب للشاي كعلاج للصداع من عدة سنين لين تعودت عليه وماعاد ينفعني .. طبعا أقصد الشاي الاسود من النوعيات الجيدة ودايما أفضل الكيني أو الافريقي لانه ثقيل أما الليبتون فهو صبغ ونكهة شاي فقط .

والابتعاد عن أي إضاءة وقت الصداع خصوصا شاشة الجوال وانوار السيارات والشارع وإغماض العيون لفترة طويلة

المشي أو الحركة لين تحس بنبضات في قفا الراس

تجنب البرودة وتدفئة الراس من الخلف للرقبة

النوم بدون وسادة لنص ساعة أو ساعة

والله الشافي وهو المعافي

[aziz4z]

في أكثر من سبب للصداع
لازم تعرف سبب الصداع عشان تلقى حل
من أمثلة على ذلك: مشكلة بسيطة في الاسنان يسبب صداع ، وجود غازات في الجسم يسبب الصداع ، مشكلة في العين يسبب صداع
لازم معرفة السبب عشان تعالج الصداع للابد

[جمال اليافعي]

في أكثر من سبب للصداع
لازم تعرف سبب الصداع عشان تلقى حل
من أمثلة على ذلك: مشكلة بسيطة في الاسنان يسبب صداع ، وجود غازات في الجسم يسبب الصداع ، مشكلة في العين يسبب صداع
لازم معرفة السبب عشان تعالج الصداع للابد

نقص فيتامين d يضاعف الصداع الى 10 مرات ...

[بعيد النظر]

جيكي على النظر ..


انا عانيت فترة من الصداع .. لين اكتشفت ان النظر رايح فيها

[Miss]

لو الصداع مستمر
أنصحج بمراجعة الطبيب
يمكن هي بداية لمرض الضغط.
الله يشفي كل مريض.
هو مب مستمر
لكن ممكن اقوم من النوم بسبته مع اني ما أكون كملت ساعتين فالنوم
واذا كنت مصدعه ونمت عشان يروح ما يروح يزيد علي
جزاك الله خير

صلي وطولي فالسجوووود وادعي لي
والله حزات ماقدر اطول يا اماف
احس راسي بينفجر اذا طولت فالسجود وانا مصدعه

[Miss]

السلام عليكم

أنا من النوع اللي أعاني من الصداع لكن على فترات متباعدة وبعض الأسباب عكسها هو علاجها .. وانا طريقتي يمكن تكون غريبة للبعض لكنها بالنسبة لي فعالة عن تجربة شخصية لي أنا لما يجيني نوع الصداع اللي في قفا الراس أو في محاجر العيون

يالنسبة لي ماحب اخذ أدوية ، اكل لي وجبة مشبعة وبعدها بساعة يجي دور الشاي وكمحب للشاي كعلاج للصداع من عدة سنين لين تعودت عليه وماعاد ينفعني .. طبعا أقصد الشاي الاسود من النوعيات الجيدة ودايما أفضل الكيني أو الافريقي لانه ثقيل أما الليبتون فهو صبغ ونكهة شاي فقط .

والابتعاد عن أي إضاءة وقت الصداع خصوصا شاشة الجوال وانوار السيارات والشارع وإغماض العيون لفترة طويلة

المشي أو الحركة لين تحس بنبضات في قفا الراس

تجنب البرودة وتدفئة الراس من الخلف للرقبة

النوم بدون وسادة لنص ساعة أو ساعة

والله الشافي وهو المعافي
ما عاد يجيب نتيجة الشاي
والبنادول يتعبني عشان جي مخليته آخر الحلول
جزاك الله خير

في أكثر من سبب للصداع
لازم تعرف سبب الصداع عشان تلقى حل
من أمثلة على ذلك: مشكلة بسيطة في الاسنان يسبب صداع ، وجود غازات في الجسم يسبب الصداع ، مشكلة في العين يسبب صداع
لازم معرفة السبب عشان تعالج الصداع للابد
عندي فقر دم بس ما أظن انه السبب

[Miss]

نقص فيتامين d يضاعف الصداع الى 10 مرات ...
كل أهل قطر عندهم نقص هالفيتامين :(

جيكي على النظر ..


انا عانيت فترة من الصداع .. لين اكتشفت ان النظر رايح فيها

لا الحمدلله النظر سليم

[كشمه]

انا كان سبب صداعي الرئيسي ضعف الدم او فقر الدم الشديد

رفعت نسبة الهيموجلوبين والحين أشوى

اولا فيتامين الحديد ومكملات غذائية وتخفيف الكرك والقهوة

عسل سدر مقويات الدم مثل التمر والشمندر والسمسم والعسل الأسود

[شبح الصمت]

الافضل انج تستشيرين دكتور ..




لانه كل حالة من الحالات الي انذكرت غير يمكن ..


وماعليج شر
والله يشفيج ويشفي مرضى المسلمين آجمعين

[الحياة الخالدة]

السلام عليكم ورحمة الله
أذكر من فترة أختي مس إنج تعبتي و دشيتي المستشفى لفترة
أتمنى ما يكون للصداع اللي تعانين منه .. علاقة بتلك المشكلة الصحية

القصد أن الصداع العادي العارض تنفع معاه المسكنات
لكن لو كان مستمر ومتزايد في الحدة والتكرار فليس من الحكمة أبداً أن نعالجه فقط كشيء عرضي
لا بد من مراجعة الطبيب و إجراء الفحوصات كاملة .. ولا نعتمد على التقييم الذاتي ( أنا مافيني شي ) ولا تقييم غير المختصين
طبعاً أحترم وأقدر كل الآراء اللي انطرحت و أتفق مع أغلبها .. لكن ذلك ما يمنع من ضرورة مراجعة الطبيب

ماعليج شر حبيبتي .. أجر وعافية

[حمد بن سعد]

الاستنشاق


استنشاق الماء اثناء الوضوء وادخاله الى الجيوب الانفيه يساعد بعض الحلات .

[JN000N]

ماعرف شنو نوع الصداع الي يصيدج وشكثر اييج
بس عني انا ماعودت جسمي عالحبوب كفايه حبوب المعده
ف تلاقيني ماكل بندول وادول وهالمسكنات
بس حزة اييني صداع عادي استحمله الا اذا قوي هني اكل بندول وتاثيره يكون سريع لان الجسم مب متعود عليه

[عاشق العديد]

الرياضه .. ولاغير الرياضه ..

[لبيبة]

حصل اني كلمت طبيب اعصاب وسألته عن تخصصه، قال انه متخصص في الصداع،

وسألته عن اسباب الصداع، وقال من بينها العطش والجوع وباقي اللي ذكرتهم،

الأفضل اذا المشكلة مستمرة ومزعجة تروحين لطبيب اعصاب متخصص،

والله يشافيج ويشافي المسلمين.

[Miss]

انا كان سبب صداعي الرئيسي ضعف الدم او فقر الدم الشديد

رفعت نسبة الهيموجلوبين والحين أشوى

اولا فيتامين الحديد ومكملات غذائية وتخفيف الكرك والقهوة

عسل سدر مقويات الدم مثل التمر والشمندر والسمسم والعسل الأسود
جاتني فتره ورفعته
بس ما زالت المشكله

الافضل انج تستشيرين دكتور ..
لانه كل حالة من الحالات الي انذكرت غير يمكن ..
وماعليج شر
والله يشفيج ويشفي مرضى المسلمين آجمعين

اميين
جزاك الله خير

[Miss]

السلام عليكم ورحمة الله
أذكر من فترة أختي مس إنج تعبتي و دشيتي المستشفى لفترة
أتمنى ما يكون للصداع اللي تعانين منه .. علاقة بتلك المشكلة الصحية

القصد أن الصداع العادي العارض تنفع معاه المسكنات
لكن لو كان مستمر ومتزايد في الحدة والتكرار فليس من الحكمة أبداً أن نعالجه فقط كشيء عرضي
لا بد من مراجعة الطبيب و إجراء الفحوصات كاملة .. ولا نعتمد على التقييم الذاتي ( أنا مافيني شي ) ولا تقييم غير المختصين
طبعاً أحترم وأقدر كل الآراء اللي انطرحت و أتفق مع أغلبها .. لكن ذلك ما يمنع من ضرورة مراجعة الطبيب

ماعليج شر حبيبتي .. أجر وعافية
المسكنات ما اقدر عليها
تزيد ضربات القلب عندي
وكنت اخذ بداله بنادول المستشفى العادي ولازم نص مب كامله وما تجيب نتيجه طبعا
عشان جي كنت اترقد حزات

الاستنشاق
استنشاق الماء اثناء الوضوء وادخاله الى الجيوب الانفيه يساعد بعض الحلات .
هذي سمعتها للي عنده جيوب

[Miss]

ماعرف شنو نوع الصداع الي يصيدج وشكثر اييج
بس عني انا ماعودت جسمي عالحبوب كفايه حبوب المعده
ف تلاقيني ماكل بندول وادول وهالمسكنات
بس حزة اييني صداع عادي استحمله الا اذا قوي هني اكل بندول وتاثيره يكون سريع لان الجسم مب متعود عليه
الصداع اللي ما يخليج توقفين ولا تدنعين
اللي مهما تربطين راسج ما يفچ
واللي ما يخلي شي في المعده :(
والمسكنات ماقدر عليها

الرياضه .. ولاغير الرياضه ..
ما قد جربتها كعلاج

حصل اني كلمت طبيب اعصاب وسألته عن تخصصه، قال انه متخصص في الصداع،
وسألته عن اسباب الصداع، وقال من بينها العطش والجوع وباقي اللي ذكرتهم،

الأفضل اذا المشكلة مستمرة ومزعجة تروحين لطبيب اعصاب متخصص،

والله يشافيج ويشافي المسلمين.
انا فعلا مع الماي كلش مب ربع
بداوم عليه فتره وبشوف

[قطر خضراء]

السلام عليكم
أختي الكريمة
السبب الرئيسي في الصداع الحاد هو عدم وصول نسبة كافية من الأوكسجين إلى الدماغ
عادة بسبب نقص الهيموغلوبين في الدم الذي يسببه نقص الحديد
الذي سببه فقر الدم
فأي نوع من فقر الدم لديك
هل هو المنجلي أو الانحلالي أو اللاتنسجي أو نوع آخر

عموما
يجب عليك التركيز على تناول
الشمندر
السبانخ
العدس
سمك السلمون

وإذا استمرت معك الأعراض لابد من مراجعة طبيب مختص في فقر الدم

[JN000N]

سويتي فحص على الاذن والانف والحنجره

[بريق الحق]

حصل اني كلمت طبيب اعصاب وسألته عن تخصصه، قال انه متخصص في الصداع،

وسألته عن اسباب الصداع، وقال من بينها العطش والجوع وباقي اللي ذكرتهم،

الأفضل اذا المشكلة مستمرة ومزعجة تروحين لطبيب اعصاب متخصص،

والله يشافيج ويشافي المسلمين.

الصداع النصفي شنو الحل معاه لا جوع ولا عطش ولا شي يفيد معاه الا عرق الرأس عالجنب تلاقيه ينبض

[النهار]

الصداع النصفي شنو الحل معاه لا جوع ولا عطش ولا شي يفيد معاه الا عرق الرأس عالجنب تلاقيه ينبض

الصداع والامساك وباقي مشاكل الجسم بسبب سؤ التغذيه
عدلوا في الاكل وخذوا المكملات الغذايه الطبيعيه كل الاعراض تختفي بالكثير خلال الاسبوع الاول

[نفسي عزيزه]

اسأل الله العظيم رب العرش العظيم ان يشفيج شفاءا لايغادر سقما ولا الما

الله يشفيج من حيث لاتحتسبي ويغنيج عن الادويه وخلقه اللهم امين

[حبر وقرطاس]

اءا صداع مزمن او ما يسمى بالشقيقه فعلاجه ابر البوتوكس

[لبيبة]

الصداع النصفي شنو الحل معاه لا جوع ولا عطش ولا شي يفيد معاه الا عرق الرأس عالجنب تلاقيه ينبض

الحل يروح لطبيب أعصاب متخصص. والله يشافي الجميع.

[Miss]

السلام عليكم
أختي الكريمة
السبب الرئيسي في الصداع الحاد هو عدم وصول نسبة كافية من الأوكسجين إلى الدماغ
عادة بسبب نقص الهيموغلوبين في الدم الذي يسببه نقص الحديد
الذي سببه فقر الدم
فأي نوع من فقر الدم لديك
هل هو المنجلي أو الانحلالي أو اللاتنسجي أو نوع آخر

عموما
يجب عليك التركيز على تناول
الشمندر
السبانخ
العدس
سمك السلمون

وإذا استمرت معك الأعراض لابد من مراجعة طبيب مختص في فقر الدم
جزاك الله خير

سويتي فحص على الاذن والانف والحنجره
سويت فحص للعين والاذن بس



الصداع والامساك وباقي مشاكل الجسم بسبب سؤ التغذيه
عدلوا في الاكل وخذوا المكملات الغذايه الطبيعيه كل الاعراض تختفي بالكثير خلال الاسبوع الاول
تسلم النهار

اءا صداع مزمن او ما يسمى بالشقيقه فعلاجه ابر البوتوكس
لا هو مب مزمن
بس اذا صادني ما يروح بسهوله

[Miss]

اسأل الله العظيم رب العرش العظيم ان يشفيج شفاءا لايغادر سقما ولا الما

الله يشفيج من حيث لاتحتسبي ويغنيج عن الادويه وخلقه اللهم امين
اللهم اميين
جزاك الله خير

[حمد 2002]

تربطين راسج بقوه بغتره او حجاب او اي شيء ..

اتدهنين راسج بفكس ..

تاكلين حبه وحده الباندول الحمر وليس الازرق ..

ومن ثم تعرفين سبب الم الرأس

اذا كان بسبب ضرسج فيه سوس اتعالجينه

واذا سبب الصداع بسبب عدم النوم ترقدين

واذا بسبب الجوع تاكلين ..

واذا كان بسبب كثره استخدام الاجهزم الاكلترونيه اتقللينها قدر المستطاع ..

الخلاصه تبحثين عن سبب الصداع ..

مع الشكر الجزيل ..

حمد 2002

خبير بالطب الشعبي والامراض النفسيه والاجتماعيه والاقتصاديه واللوجستيه ..

[Miss]

تربطين راسج بقوه بغتره او حجاب او اي شيء ..

اتدهنين راسج بفكس ..

تاكلين حبه وحده الباندول الحمر وليس الازرق ..

ومن ثم تعرفين سبب الم الرأس

اذا كان بسبب ضرسج فيه سوس اتعالجينه

واذا سبب الصداع بسبب عدم النوم ترقدين

واذا بسبب الجوع تاكلين ..

واذا كان بسبب كثره استخدام الاجهزم الاكلترونيه اتقللينها قدر المستطاع ..

الخلاصه تبحثين عن سبب الصداع ..

مع الشكر الجزيل ..

حمد 2002

خبير بالطب الشعبي والامراض النفسيه والاجتماعيه والاقتصاديه واللوجستيه ..

ربطته بملفع يا حمد ولا فاد:(
اشكرك يا الخبير

[حمد 2002]

ربطته بملفع يا حمد ولا فاد:(
اشكرك يا الخبير

اكلي باندول الجيوب الأنفية ..

موجود بالصيدلايات ..


و

استنشقي بخار ماء مقلي منقوع بالزعتر وانتي متلحفه بالبرنوص ..

حمد 2002

خبير بالطب الشعبي والامراض النفسيه والاجتماعيه والاقتصاديه واللوجستيه ..

[العلياا]

افضل شي تراجعين دكتور مختص بهالامور
ولا تهملين الموضوع اول شي راجعي دكتور عقب شوفي حلول الاعضاء

ما عليج شر يالغالية :(

[Miss]

الله يسلمج حبيبتي ^

[الاستاندر]

انا مشكلتي في الصداع بسبب الالم الرقبه او بالاخص عضلات الرقبه ماينفع معاي اي مسكن غير المسك ادول وعيب المسك ادول يسبب حموضه بشكل خيالي