مشكلة في سيارة النيسان

[سالي 123]

السلام عليكم ورحمة الله وبركاته
اليوم سيارة البيت ا لنيسان توقفت ما شتلغت بدون سبب حاول فيها سا يق يوم اشتغلت وانا اتكلم برع السيارة اسمع صدى صوتي:shy: ابي اعرف ها ى شنو من السيارة اوديها الشركة ولا اى كراج.:shy:

[بن غيث]

تشيكوا على البطارية .. احتمال تحتاج تتغير

[سعود.]

انا موتري نيسان باترول

ودي اساعدك بس سؤالك مافهمته !!!!

[سالم الزهران]

وانا كذلك يا اخ سعود ، يمقن تقصد اسمع صدى صوتي ان السيارة ما تشتغل و لا تدور السلف حتى ! والله اعلم

[سالي 123]

الدريول يوم جا يشغل السيارة مره ثانيه ما شتغلت راح يا ب واحد من محل الكراج حاول فيها داس ابريك طلع صوت قوى خفت تنفجر من قوه الصوت قلت له بندها وبعدها وداها محل تغير البطاريه قاله راعي المحل ما يصير ودها الشركة ها ي شغل كمبيوتر لازم تجيك بالكمبيوتر وبس .انا مسوية لها تجيك قبل رمضان بيوم .

[سالم الزهران]

يعني العامل اللي جاء من الكراج شغلها ! لكن طلع صوت ؟

الله يكفيكم الشر ،، لا يكون الدريول جاب العيد و السيارة صخنت معه المشوار الاول ؟

مب واضح يمكن تكون مشكلة بسيطة ، لان توصيفكم مب دقيق ولا ندري الصوت من المكينة ولا شيء بالمروحة ؟

ما تشوفون شر بإذن الله واذا السيرة على صيانة الوكيل ودوها له

[بوخالد911]

الوكالة وبس.

[jassas]

هذا رقم بريك دون بيجي وبيشغلها اذا المشكله في البطارية او مشكلة بسيطه واذا ماشتغلت بيوديها الشركة
77663557

[عاشق العديد]

راي مثل جساس اتصال ع بريك داون ويوديها الوكاله احسن ..

[A-Alansari]

ممكن تكون المشكلة من حساس البريك

وهاذي مشكلة شايعة في النيسان ومجرد يخترب السيارة ماتشتغل وتبديلة ماياخذ اكثر من 5 دقايق

[ya3coub]

الدريولية و ما ادراك ما الدريولية اليوم واحد يسابق معاي عالخط !!!!!!

ريييييييييييييييس لين الدوار او الرادار و يرجع بريك قوي جدا جدا

حاسبو منهم و يجب مراقبة سواقتهم

ان شاء الله الموضوع بسيط اما حساس بريك او البطارية نفس ما اذكرو الأخوان

[بومتعب]

نصيحة لاتهملون سياراتكم مع دريوليه .....

كذا مرة اشوف دريول ينطر معازيبه.... عند صالون والا مدرسة والا في موقف مول والسيارة شغالة وسادح الكرسي وقاعد عالجوال والمكيف شغال..... طبعا مب نشاد.... السيارة قيمتها فوق الربع مليون وراتبه على الف ريال ومو مستهم اختربت والا لا ...... الواحد قلبه يعوره من كثر مايشوف هالمنظر.....

نصيحة راقبوهم وديروا بالكم على حلالكم

[بوخالد911]

والحين هل صلحت الموتر ولا ؟؟؟؟

[بوحارب]

الشركة تشييك سريع وببين كل شي فيها

بس غريبة طلع صوت انفجار !!

[سالي 123]

الدريول يقول نيسان 2015 موب زين الناس صارت ترجع سياراتهم موديل 2015 عشان مشكلة التشغيل يعني يوم الدريول اول مايحط المفتاح صوت المكينه قوى يعني موب نفس السيارات الثانية . اذا جبتها من التصليح وطلع الصوت مزعج يعني نفس المشكلة ايصير ارجعها ولا .

[رآعي موآجيب]

الدريول يقول نيسان 2015 موب زين الناس صارت ترجع سياراتهم موديل 2015 عشان مشكلة التشغيل يعني يوم الدريول اول مايحط المفتاح صوت المكينه قوى يعني موب نفس السيارات الثانية . اذا جبتها من التصليح وطلع الصوت مزعج يعني نفس المشكلة ايصير ارجعها ولا .

اختي انتي تتكلمين جد والا تمزحين !!؟

ما يصير اللي تقولينه ابد ،، هذا سواق حده يمسك الدركسون ويدل كم شارع

الامور الفنيه والتقنيه خصوصا في المواتر الحديثه مش شغلته ، لو كانت شغلته ماكان اشتغل عندكم سواق بـ 1500 ريال !!

ما عليش منه ولا عاد تسمعين له ، اذا حولش حد من الرياجيل يسنع الموتر كلميهم يسنعونه ، ما حولش احد فلا تتعبين نفسش ، طرشي الموتر الشركه وهذا هو الحل الافضل مع كل المواتر الحديثه ، لأن المواتر الحديثه الحين تتحكم بها البرمجيات ، صدقيني اذا كنتي مواضبه على تبديل الزيوت ( وهذا الاهم ) فالموضوع بيكون بسيط بس لازم الشركه ، واتركي عنش كلام السواق .