الحل؟؟؟ لتقشر الصبغ الداخلي بسبب الرطوبة

[الإكسير]

السلام عليكم ورحمة الله وبركاته
الصبغ الداخلي للبيت يتقشر بسبب الرطوبة...الي عنده حل للصبغ لا يبخل علينا الله يجزاكم خير

[شموخ دائم]

,

,

مرحبا

شرحك مو كافي للمشكله
ماعرفنا سبب الرطوبه هل هناك تسريب قديم
اومن اثر المطر
او رطوبه ( تحت ) قريب البلاط

الصح نعرف سبب الرطوبه نعالجه وبعدها نصبغ
وهناك مواد خاصه نحطها لمكان الرطوبه


افضل طريقه لمشاكل الصبغ القديم من تقشر او كراكات او شروخ
يحط ماده اسمها
( فايبر مش )
للحوائط الاربعه
ويعمل عليها معجون وبعدها الصبغ

http://www.hoshenlee.com/wp-content/uploads/2013/12/fibre-mesh.jpg

http://falcon.vodien.com/~sinyuana/media/wysiwyg/fibre_glass_drywall_joint_tape2.jpg

تكون فاصل بين الحيط والصبغ وما تظهر الكراكات فيها

,

,

[معماري قطري]

صحيح وفيه مثل الخيش بلاصق يتركب وينصبغ فوقه .. طريقته اسهل وارخص اتوقع

لو البيت جديد في الغالب بعض المقاولين يركبون طابوق طري او مرشوش بالماء ولم يترك ليجف .. يكون الطابوق ضعيف وما كمل عملية الادامة لفترة أسبوعين بالماء وأسبوع اقل شيء لينشف الماء

مشكلة الطابوق اللي ما انعملت له إدامة كاملة يجي ضعيف ويتشلخ بسهولة ويكون رطب

الرطوبة البعض يتخيل حلها سهل في موقع البناء وينرش الطابوق بمياه قليلة حتى ما يشرب ماء البلاستر وبعده تنعمل عملية رش للبلاستر حتى ينعمل إدامة وتقوية للبلاستر بعدها ننتظر فترة طويلة أقلها شهر او شهرين نخلص الاعمال الباقية لين يجي وقت الصبغ يكون البلاستر ناشف والطابوق ما تشبع ماء فوق الماء اللي فيه من المعمل

[سالم الزهران]

موضوع جميل و منكم نستفيد

[معماري قطري]

ورق الجدران كذلك بديل رخيص وناجح وفيه انواع مقاومة للرطوبة وتستعمل لدورات المياه

[sweet qatar]

اول شي تتعرف على سبب الرطوبة

في اجهزة تكشف التسرب

بعد ما تستبعد اي مشكلة في البايبات تقدر تفكر بالحلول للشكل الخارجي

[لبيبة]

وعليكم السلام ورحمة الله وبركاته،

ما ينفع يرد ينصبغ لأن مصدر الرطوبة ما تعالج،

لازم تكتشف من وين مصدرها، وتوقف الرطوبة بعدين تقدر تعيد الصبغ.

واذا تكونت فطريات او عفن ترى خطر على الصحة، ولازم توقف الرطوبة قبل إزالة الفطريات.

[سعود.]

مثل مقال الاخوان .

وفيه حل اخر نزيل كامل الصبغ في مكان الرطوبة بعدها
( دريل ) يحفر في اماكن الترطيب على اساس تطلع الرطوبة ونتركها كم يوم بعدها ( نار حرق ) بجيب معدة نفس الي يستخدمها عمال العزل لحرق الرولات ونحرق الطوفه على اساس تجف تماما الطوفه .

[الإكسير]

التقشير سببه الرطوبة والبيت مافيه اي تسريب من قبل لا من الحمامات او المكيفات....ألطريقه الي انت كاتبها جربتها ولا حد من الأعضاء جربها؟؟؟

[الإكسير]

مثل مقال الاخوان .

وفيه حل اخر نزيل كامل الصبغ في مكان الرطوبة بعدها
( دريل ) يحفر في اماكن الترطيب على اساس تطلع الرطوبة ونتركها كم يوم بعدها ( نار حرق ) بجيب معدة نفس الي يستخدمها عمال العزل لحرق الرولات ونحرق الطوفه على اساس تجف تماما الطوفه .

مرحبا اخوي سعود.... المقاول يقول سبب الرطوبة من اساسات البيت مب من الطوفه نفسها

[الإكسير]

ورق الجدران كذلك بديل رخيص وناجح وفيه انواع مقاومة للرطوبة وتستعمل لدورات المياه

المقاول يقول فيه صبغ معين ينحط على الطوفه قبل المعجون بس يقول ماعندي ضمان انه ماراح يرجع يطيح الصبغ

[الإكسير]

,

,

مرحبا

شرحك مو كافي للمشكله
ماعرفنا سبب الرطوبه هل هناك تسريب قديم
اومن اثر المطر
او رطوبه ( تحت ) قريب البلاط

الصح نعرف سبب الرطوبه نعالجه وبعدها نصبغ
وهناك مواد خاصه نحطها لمكان الرطوبه


افضل طريقه لمشاكل الصبغ القديم من تقشر او كراكات او شروخ
يحط ماده اسمها
( فايبر مش )
للحوائط الاربعه
ويعمل عليها معجون وبعدها الصبغ

http://www.hoshenlee.com/wp-content/uploads/2013/12/fibre-mesh.jpg

http://falcon.vodien.com/~sinyuana/media/wysiwyg/fibre_glass_drywall_joint_tape2.jpg

تكون فاصل بين الحيط والصبغ وما تظهر الكراكات فيها

,

,

فايبر مش ينحط مكان تقشير ولا على كل الطوف ....

[سعود.]

مرحبا اخوي سعود.... المقاول يقول سبب الرطوبة من اساسات البيت مب من الطوفه نفسها



ليش الاساسات مافيها عازل ولو فيها عازل اكيد الرطوبة جاية من الجسور الارضية لان المقاولين يعزلونها فقط من الجوانب . والمفروض من الاعلى ايضا . على اساس ماتصعد الرطوبة .

[الرايــق]

اذا موضوع الرطوبة انحل يا ليت تخبرنا لان عندي نفس المشكلة ...

يعطيكم العافية

[معماري قطري]

فايبر مش ينحط مكان تقشير ولا على كل الطوف ....

اسمح لي اجاوب نيابة عن اخوي شموخ دايم

المفروض كل الحائط لكن ممكن لو الرطوبة مركزة تحت تسوي متر وعشرين سم بمش والاقي صبغ غير وفيه مش يجي بتشكيلة

[معماري قطري]

ليش الاساسات مافيها عازل ولو فيها عازل اكيد الرطوبة جاية من الجسور الارضية لان المقاولين يعزلونها فقط من الجوانب . والمفروض من الاعلى ايضا . على اساس ماتصعد الرطوبة .

ما تنتقل الرطوبة لفوق بسهولة خصوصا في الخرسانة الا تكون متشبعة رطوبة

احد الاخوان زرت بيته وكانت عنده مشكلة في البنتهاوس وسرب الحمام على غرفة وصلح الخلل مثل ما وضح لي بس بعد الصبغ تقشر قرب الارضيّة .. السبب في ظني ان البلاط تحته رمل والرمل تشبع ماء وتمت الحوائط تمتصه ويخرب الصبغ من تحت .. حل المشكلة صعب ويمكن يحتاج شيل البلاط وتجفيف التربة بالحرارة او بالهواء او ازالة الرمل وعمل صبية

حلول ثانية هي عمل حائط مستعار بفراغ فوق الحائط الأصلي بالجبس او الخشب ونصبغ فوقه

[معماري قطري]

المقاول يقول فيه صبغ معين ينحط على الطوفه قبل المعجون بس يقول ماعندي ضمان انه ماراح يرجع يطيح الصبغ

يمكن مادة ضد الرطوبة ولو انعملت صح بعد بتكون حل مناسب

[معماري قطري]

اول شي تتعرف على سبب الرطوبة

في اجهزة تكشف التسرب

بعد ما تستبعد اي مشكلة في البايبات تقدر تفكر بالحلول للشكل الخارجي

عندي الجهاز بسيط وعلى بطارية بس يعطي نسبة تزيد كلما قربنا من مصدر الرطوبة ورطوبة بايب تبين بوضوح

[معماري قطري]

التقشير سببه الرطوبة والبيت مافيه اي تسريب من قبل لا من الحمامات او المكيفات....ألطريقه الي انت كاتبها جربتها ولا حد من الأعضاء جربها؟؟؟

التجفيف بسشوار ممكن ينفع بس فيه جهاز يدفع هواء قوي وحار يجفف اي شيء النار طريقة بداءية وممكن تضعف الطابوق

[معماري قطري]

مرحبا اخوي سعود.... المقاول يقول سبب الرطوبة من اساسات البيت مب من الطوفه نفسها

صعبه يا اخوي الرطوبة تطلع من الأساسات الا في حالة المياه الجوفية مرتفعة وتحفر شوي تطلع الرطوبة واضحة

[سعود.]

بعض التسريب يمكن يجي الامطار من بيبات السطح مثل : المكيف والكهرباء والدشات .

[معماري قطري]

بعض التسريب يمكن يجي الامطار من بيبات السطح مثل : المكيف والكهرباء والدشات .

صحيح ونعرفها لو واضحة في مكان محدد لكن المفهوم من صاحب المشكلة ان التقشر في كم مكان .. سبب اخير ممكن يكون خطا في خلط الصبغ والعليمية وايد

[سعود.]

صحيح ونعرفها لو واضحة في مكان محدد لكن المفهوم من صاحب المشكلة ان التقشر في كم مكان .. سبب اخير ممكن يكون خطا في خلط الصبغ والعليمية وايد

هلا والله اخوي ( بو عبدالله )

قصدي بشكل عام .
وبعض الرطوبة بعد تجي من تجمع مياه الامطار على عتبة النوافذ اذا كانت مافيها اغلاق محكم او عدم عمل ميول للخارج .

[الرايــق]

ما تنتقل الرطوبة لفوق بسهولة خصوصا في الخرسانة الا تكون متشبعة رطوبة

احد الاخوان زرت بيته وكانت عنده مشكلة في البنتهاوس وسرب الحمام على غرفة وصلح الخلل مثل ما وضح لي بس بعد الصبغ تقشر قرب الارضيّة .. السبب في ظني ان البلاط تحته رمل والرمل تشبع ماء وتمت الحوائط تمتصه ويخرب الصبغ من تحت .. حل المشكلة صعب ويمكن يحتاج شيل البلاط وتجفيف التربة بالحرارة او بالهواء او ازالة الرمل وعمل صبية

حلول ثانية هي عمل حائط مستعار بفراغ فوق الحائط الأصلي بالجبس او الخشب ونصبغ فوقه


مرحبا اخوي

طيب واذا الرمل تشبع ماي من تسرب قديم هل ممكن بعد فترة ينشف او لا
لان عندي الرطوبة تطلع احيانا باماكن معينة يمكن من تسريب سابق وما تزيد او تظهر باماكن جديدة..
فقط تنشف وترجع من اول بنفس حدود الاماكن او اعلا قليلا

[معماري قطري]

مرحبا اخوي

طيب واذا الرمل تشبع ماي من تسرب قديم هل ممكن بعد فترة ينشف او لا
لان عندي الرطوبة تطلع احيانا باماكن معينة يمكن من تسريب سابق وما تزيد او تظهر باماكن جديدة..
فقط تنشف وترجع من اول بنفس حدود الاماكن او اعلا قليلا

اتوقع اخوي صعب ينشف خصوصا الرطوبة محصورة بين البلاط وصبية الارضيّة .. التنشيف بالهواء ممكن بس لازم ينكشف وينشال البلاط .. دوم الإشراف الهندسي على البنيان هو الحل لكل هذي المشاكل

[الإكسير]

شباب مافيه طريقة مجربة لحل مشكلة التقشير...الحلول واجد فالنت المطلوب حل مجرب والشركة الي اشتغلت...

[معماري قطري]

الشركة او اي عامل يسوي اللي تتفق عليه معاه

انا من حول عشرين سنة ركبت خشب بلايوود على طوفة بأعمدتها واخفيتهم وأخفيت كل عيوبها وحطيت فوقه ورق جدران .. ومرة ركبت القماش اللي يسوي تشكيلة وعليه صبغ وذكرت ان هذا موجود عند صباغين كثيرين بس الأهم في حالتك معرفة لو فيه مصدر ماء يسرب هذا بيخرب اكثر

[ashhal_q]

السلام عليكم جميعا ...

انا بعطيك فكره بسيطه وجربها وباذان الله بتنحل المشكله بنسبه كبيره

الكل متفق بوجود رطوبه داخل الطوف وسببها وجود مياه وهذه المياه بسبب الحراره تتحول الى بخار
والبخار يمشي بالجدران ويسبب تقشر الصبغ وخاصة في المناطق القريبه من الارض

طيب الحل كالاتي ...

اعمل ثقوب فوق النعله مباشره يعني كل متر متر اومتر نص ثقب صغير بالدرل
هذا الثقب يساعد على خروج البخار الناتج عن حرارة البناء وتحول الماء الى بخار
وبهذا الشكل تساعد على خروج البخار من الحوائط
ومنعه بالانتشار داخلها

نرجع لموضوع تسرب المياه ... اذا هذه المشكله تزداد في الصيف فالارجح تصريف مياه المكيفات السبب
اما اذا كانت مستمره طول العام فمن الممكن شبكة الصرف او شبكة المياه تعاني من تسريب
والحلول بسيطه
منها ضغط شبكة المياه والتاكد من عدم وجود اي تسريب
وبالنسبة لشبكة الصرف الصحي حلولها ليست بصعبه منها اعادة عمل الجراوت لدورات المياه وخلافه

تقبل مروري ودمتم سالمين ....

[الوطنيه]

موضوع مفيد جزيتو خير

[سعود.]

بعض التسريب يمكن يجي الامطار من بيبات السطح مثل : المكيف والكهرباء والدشات .

99401

حاليا مستأجر فيلا وصار عندي كذا .
:shy:

[سعود.]

للي يبني حاليا .
اطلب من الكهربائي يعمل لك بايب المكيف الي في السطح بزاوية خفيفه . مش رأسي على اساس ماتتسرب مياة الامطار لداخل وأمن علية ( بفوم ) .

[معماري قطري]

بفوم وفوق الفوم لزقة قوية

الحمد لله بيتي بعد ما اكتشفت التسريب الخفيف صوب القبة وطلع من إحدى النوافذ الثمان فيها ما سرب السنة .. والحل ما كلفني شيء لكن سيليكون ويخترب سرعة لازم اشوف نوع أفضل

[$الملياردير$]

الله يمسيكم بالخير ... اخوي بوعبدالله ... واخوي سعود ... سبحان الله اليوم الظهر اسولف مع واحد من ربعي يسوي صيانة صبغ حق بيته في الدفنة ... وقالي عن فكرة اول مرة اسمعها ... قالي عشان يحل مشكلة الرطوبة في الطوفة استخدم مادة البوتمين بعد ازالة الصبغ القديم و المعجون عمل صنفرة ومن ثم دهن الحائط بارتفاع متر او متر ونصف بالبوتمين و من ثم البرايمر و المعجون و الصبغ .... اول مرة اسمع عن الفكرة فهل تنفع وهل يمسك المعجون و الصبغ فوق البوتمين .... ولكم شكري

[معماري قطري]

الله يمسيكم بالخير ... اخوي بوعبدالله ... واخوي سعود ... سبحان الله اليوم الظهر اسولف مع واحد من ربعي يسوي صيانة صبغ حق بيته في الدفنة ... وقالي عن فكرة اول مرة اسمعها ... قالي عشان يحل مشكلة الرطوبة في الطوفة استخدم مادة البوتمين بعد ازالة الصبغ القديم و المعجون عمل صنفرة ومن ثم دهن الحائط بارتفاع متر او متر ونصف بالبوتمين و من ثم البرايمر و المعجون و الصبغ .... اول مرة اسمع عن الفكرة فهل تنفع وهل يمسك المعجون و الصبغ فوق البوتمين .... ولكم شكري

حسب نوع الصبغ بس اتوقع الفكرة ارتجالية وممكن تطلع عيوبها بعد فترة .. للخارج فيه بتومين أبيض وفيه أصباغ ايبوكسي قوية مقاومة للرطوبة

في ألمانيا لاحظت يسوون قص في التقاء الحائط بالأرض ويثبتون عليه قطعة معدن واستنتجت انها لإبعاد الرطوبة

[سعود.]

الله يمسيكم بالخير ... اخوي بوعبدالله ... واخوي سعود ... سبحان الله اليوم الظهر اسولف مع واحد من ربعي يسوي صيانة صبغ حق بيته في الدفنة ... وقالي عن فكرة اول مرة اسمعها ... قالي عشان يحل مشكلة الرطوبة في الطوفة استخدم مادة البوتمين بعد ازالة الصبغ القديم و المعجون عمل صنفرة ومن ثم دهن الحائط بارتفاع متر او متر ونصف بالبوتمين و من ثم البرايمر و المعجون و الصبغ .... اول مرة اسمع عن الفكرة فهل تنفع وهل يمسك المعجون و الصبغ فوق البوتمين .... ولكم شكري

ويمسيك بمثلة اخوي

هذي طريقة ينصح بها المهندس ( عبدالغني الجند )

https://youtu.be/WuJtSO0dH7Q

[معماري قطري]

صباح الخير جميع

الطريقة اخوي سعود تنفع وأسلم للأوجه الخارجية أو نكتفي بالبلاستيك بعد صبغ البتومين .. للداخل عندنا البورد القابل للانضغاط يتشبع بالرطوبة ويمررها لفوق لو ما عليه طبقة ماستك والبلاط ومن الأفضل عمل خط سيليكون في زاوية التقاء البلاط مع الحائط الداخلية .. بعدين تجي النعلة فوق

ال 3 ملم أو حتى 6 ملم تعزل الرطوبة بس ما تسمح بتمدد الأرضية أو الخرسانة تحتها .. أما البورد هش ويسمح وسمكه 20 ملم لذلك الأفضل استخدام البورد وكشط الجزء العلوي قبل التبليط ومعالجته بقطرات من دواء النمل وتسكير الجزء المكشوط بحبل ماستك وماستك فوق الحبل بعدين يجي البلاط يغطي أكثر المسافة وينملى الفاصل بين الحائط والبلاط بسيليكون أفضل .. بعده تجي النعلة وبعد في زاوية التقائها مع البلاط نحط شوية سيليكون .. ظهرها ينلصق مع الحائط بلاصق مناسب

[معماري قطري]

الله يمسيكم بالخير ... اخوي بوعبدالله ... واخوي سعود ... سبحان الله اليوم الظهر اسولف مع واحد من ربعي يسوي صيانة صبغ حق بيته في الدفنة ... وقالي عن فكرة اول مرة اسمعها ... قالي عشان يحل مشكلة الرطوبة في الطوفة استخدم مادة البوتمين بعد ازالة الصبغ القديم و المعجون عمل صنفرة ومن ثم دهن الحائط بارتفاع متر او متر ونصف بالبوتمين و من ثم البرايمر و المعجون و الصبغ .... اول مرة اسمع عن الفكرة فهل تنفع وهل يمسك المعجون و الصبغ فوق البوتمين .... ولكم شكري

الله يمسيك بالنور سامحني مساعة ركزت في الرد ونسيت السلام

[سعود.]

صباح الخير جميع

الطريقة اخوي سعود تنفع وأسلم للأوجه الخارجية أو نكتفي بالبلاستيك بعد صبغ البتومين .. للداخل عندنا البورد القابل للانضغاط يتشبع بالرطوبة ويمررها لفوق لو ما عليه طبقة ماستك والبلاط ومن الأفضل عمل خط سيليكون في زاوية التقاء البلاط مع الحائط الداخلية .. بعدين تجي النعلة فوق

ال 3 ملم أو حتى 6 ملم تعزل الرطوبة بس ما تسمح بتمدد الأرضية أو الخرسانة تحتها .. أما البورد هش ويسمح وسمكه 20 ملم لذلك الأفضل استخدام البورد وكشط الجزء العلوي قبل التبليط ومعالجته بقطرات من دواء النمل وتسكير الجزء المكشوط بحبل ماستك وماستك فوق الحبل بعدين يجي البلاط يغطي أكثر المسافة وينملى الفاصل بين الحائط والبلاط بسيليكون أفضل .. بعده تجي النعلة وبعد في زاوية التقائها مع البلاط نحط شوية سيليكون .. ظهرها ينلصق مع الحائط بلاصق مناسب

صباح النور ( ابا عبدالله )

كلام جميل

[معماري قطري]

صباح النور ( ابا عبدالله )

كلام جميل

مرحبا اخوي سعود

مرورك الأجمل

[بوخالد911]

ومنكم نستفيد.

[عقرب]

أنا مشكلتي مع طوفة البيت من برا وداخل الصبغ يتقشر مايتم كم شهر إلا وهو منتفخ

ومابي أسوي شي إلا متأكد منه لأن السور 156 متر تقريباً لواجهة 3 بيوت غير السور الخلفي وأكيد بيكلف

قد هدمت جزء من السور وبنيته لبيت أيجار في طرف الأرض وما شاء الله الحين بيكمل سنتين والصبغ ماتقشر

وصعبة أني أهدم كل السور وأبنيه مره ثانيه

إلي عنده حل يفيدنا

[معماري قطري]

أنا مشكلتي مع طوفة البيت من برا وداخل الصبغ يتقشر مايتم كم شهر إلا وهو منتفخ

ومابي أسوي شي إلا متأكد منه لأن السور 156 متر تقريباً لواجهة 3 بيوت غير السور الخلفي وأكيد بيكلف

قد هدمت جزء من السور وبنيته لبيت أيجار في طرف الأرض وما شاء الله الحين بيكمل سنتين والصبغ ماتقشر

وصعبة أني أهدم كل السور وأبنيه مره ثانيه

إلي عنده حل يفيدنا

آذكر مشكلتك من فترة

أما الرطوبة في الأرض نفسها وتنشفط بطبيعة الرطوبة تتحرك من وسط رطب لوسط جاف .. أو الزراعة قريبة من السور وما فيه حماية من تحت ويتحرك الماء قريب من السور ويبدأ يرطبه ويخربه شوي شوي .. بعد فترة تحصل أملاح وبياض على السور وبعد فترة الطابوق يتآكل

ذكرت قبل كيف استوت فتحة في سور بيت الوالد وتوسعت مع مرور الوقت حتى استوى الياهل ممكن يدخل منها .. سويت حماية بلاستيك ألصقته في الطوفة بعد ما حفرت حول 60 سم وكان سميك أذكر شريت رول كبير ب 30 ريال .. ما ينحني بسهولة قصيناه وركبناه فوق بعض وسويناه مثل ال u وفتحته لفوق ودخلناه في الحفرة وحطينا دفان حق يثبت .. وفوق سويت شوية طابوق مرتفع يثبت طرف البلاستيك العلوي .. وسدينا الفتحة بطابوق وبلاستر ورفعنا السور 3 طابوقات وله مصلح حول 15 سنة .. صبغت البيت رش بس كان اللون مغامرة بنفس نوع الصبغ اللي ينخلط مع صبية الانترلوك وكانت الألوان محدودة رمادي أو أحمر أو برتقالي .. وانا اخترت البرتقالي مع الشجر شوي تنكسر حدة اللون

المساحة بحدود 45 في 40 متر يعني 170 متر طولي على 4 شوارع والحين فيه عدد من العائلات بعد ما تقسم وتأجر .. غير سويت صيانة للجسور الأرضية كان الحديد متآكل ومتشلخة .. ما اذكر شكثر كلفني ذاك الزمان بس في الطعشات يمكن 14000

ألحين تطورت الأصباغ وعندك الجوتاشيلد صج شيلد

[الإكسير]

فيه صبغ اسمه انتركوت يحطونه قبل او بعد المعجون مب متاكد وبعدين الصبغ الي تختاره...هذا الحل الي سمعته من اكثر من صباغ ويقولون احتمال يتقشر الصبغ بعد...بجرب وان شاء الله خير

[معماري قطري]

حلول الرطوبة اللي تسري في الجدران من الأرض تحت صعبة ولازم ينحفر حول الجدران وتعزل زين والمفروض عزلها من الأساس ببتومين حول الأساسات ومكمل لين فوق الدفان بشوي مع حماية ببلاستيك .. أما الرطوبة اللي تجي من الزراعة مثل ما ذكرت فوق .. للأسف سوء الشغل والكلام المخدر منتشر كثير عند المقاولين خصوصاً للإخوان اللي يبنون بدون اشراف

[khalid-63]

التجفيف بسشوار ممكن ينفع بس فيه جهاز يدفع هواء قوي وحار يجفف اي شيء النار طريقة بداءية وممكن تضعف الطابوق

اخوي معماري وين القى هذا الجهاز ؟؟

[khalid-63]

فيه صبغ اسمه انتركوت يحطونه قبل او بعد المعجون مب متاكد وبعدين الصبغ الي تختاره...هذا الحل الي سمعته من اكثر من صباغ ويقولون احتمال يتقشر الصبغ بعد...بجرب وان شاء الله خير

انا الصراحة جربت الانتركوت والحين صارله ازيد من شهرين وكل شي تمام والرطوبه اختفت .. انا في الاساس كان عندي تسريب ماي من الحمام الي فوق ( اعزكم الله ) والطوفه الي تحت تقشر الصبغ ورطبت وجبت صباغ سنفرها وتمت تقريبا شهر لين نشفت على الاخر وجاب هذه المادة طبعا عقب المعجون ولله الحمد الان كل شي تمام .

[معماري قطري]

اخوي معماري وين القى هذا الجهاز ؟؟

والله علمي علمك بس تقدر تسأل المحلات المختصة بوش يقولون سكروه .. جهاز الهواء متوفر حتى للتنظيف وهو يجفف بس مب حار .. المقاولين الصغار كله ما فيه معلوم عندهم بس منع الرطوبة ضروري من البداية

انا خذت جهاز صغير بطارية من ألمانيا يكشف الرطوبة حتى راحة اليد تكون فيها رطوبة حول 10% وجربته عند حوض سباحة رطوبة الحجر حول 30% وبعيد من الحوض حول نصها مع إن فيه مزيل رطوبة متطور .. وجربته في بيتي كان فيه تسريب خفيف كسرنا حوله وركبنا وصلة للبايب وبلاستر وبعدين جددت صبغ البيت كامل

العامل يقول لي بدل البايبات كلها وانا اشوف البايب كنه جديد بس كانت فيه ضربات مسمار والظاهر قاصدين يسونها العمال القبليين وتم 10 سنين يسرب شوي شوي ويخرب الصبغ لين تجرأ وخرب الصبغ داخل فسويت هذا الحل واظن كلفني أقل من 1000 مع إن التكسير كان في الخرسانة الخارجية .. الجدار طبقتين بينهم عازل ومكان البيبات كله خرسانة

[سعود.]

يقدر بعد ( بالحرق )
سلندر الغاز الي يستخدمونة شركات العزل لحرق وتثبيت رولات العزل . بس قبلها لازم تعالج سبب التسريب .


https://youtu.be/oEJG6W1Rqa8

[سعود.]

الزرع القريب من جدار الفيلا سبب رئيسي للرطوبة .
والحل وضعها في قالب وبس .
تقدر يكون القالب مدفون وتقدر فوق البلاط .

[معماري قطري]

الزراعة صج مشكلة اخوي سعود بس اللي يسوي حفرة ويحط في أطرافها طابوق معزول ويحط دفان زراعي ما عنده مشكلة وملاصق للطوفة صج يبي لك اصيصات

[معماري قطري]

يقدر بعد ( بالحرق )
سلندر الغاز الي يستخدمونة شركات العزل لحرق وتثبيت رولات العزل . بس قبلها لازم تعالج سبب التسريب .


https://youtu.be/oEJG6W1Rqa8

كنت متخيل خشب وفحم وتسود الطوفة وحالة .. بهذي الطريقة تطير الرطوبة أكيد بس ما يزيد وايد يضعف الحائط

1 - 0 لصالحك سعود

[سعود.]

الزراعة صج مشكلة اخوي سعود بس اللي يسوي حفرة ويحط في أطرافها طابوق معزول ويحط دفان زراعي ما عنده مشكلة وملاصق للطوفة صج يبي لك اصيصات

اخبرك كنت تقول كذا . بس القوالب اسهل

[سعود.]

كنت متخيل خشب وفحم وتسود الطوفة وحالة .. بهذي الطريقة تطير الرطوبة أكيد بس ما يزيد وايد يضعف الحائط

1 - 0 لصالحك سعود

ههههههههههههه