هل السلفية او السلفه بدون عازه صارت عاده ؟؟؟؟؟؟ شرايكم

[احمد1]

السلام عليكم اخواني خواتي الغاليين .... سوال دايم يدور في بالي هل احنا تعودنا على اخذ السلفيات وتختلف الاسباب من سياره من سفر من لوازم حياتية يوميه من امور ضرورية لا تتأجل ... تسلية ....
اعرف واحد خذ سلفية مليون و700 الف ولين الحين يردها على 15 سنه 4 مليون ... هل يعقل هذا ... وبعض الاوقات الاعبر من هذا يجدول السلفية كأنه يقول ببوقك مره ثانيه ... وهل الربا صار عادي سلفيه لشراء شيء بيت أي شيء وترده مع الربا ...
الزبده ثقافة شيء اسمه سلفه بنكية هل صارت موضه ولا حاجه ... شكرا

[شبح الصمت]

وعليكم السلام ورحمة الله وبركاته ،،،

صحيح ياخوي في ناس خذت السلف لحاجه يقضونها ومحتدين عليها
وفي الي خذوها عشان مشروع ومساكين انصب عليهم ودخلوا في محاكم
وفي الي خذوها عشان يطيرونها في هوى النفس ..
وفي وفي ..



الله يفكنا من هالسلف وما ناخذها الا لحاجة ملحة ..

[بومحمد المطاوعه]

اعوذ بالله من الربا

[بومحمد المطاوعه]

من الذنوب التي توبق صاحبها الربا، وقد قال الحق في الذين يأكلونه بعد أن بلغهم تحريم الله له: وَمَنْ عَادَ فَأُوْلَـئِكَ أَصْحَابُ النَّارِ هُمْ فِيهَا خَالِدُونَ [البقرة: 275 ]،

وقال: يَا أَيُّهَا الَّذِينَ آمَنُواْ لاَ تَأْكُلُواْ الرِّبَا أَضْعَافًا مُّضَاعَفَةً وَاتَّقُواْ اللّهَ لَعَلَّكُمْ تُفْلِحُونَ وَاتَّقُواْ النَّارَ الَّتِي أُعِدَّتْ لِلْكَافِرِينَ [آل عمران: 130-131 ].

وقد عده الرسول صلى الله عليه وسلم في الحديث المتفق عليه واحداً من سبعة ذنوب توبق صاحبها، ففي (الصحيحين)

عن أبي هريرة رضي الله عنه قال: قال رسول الله صلى الله عليه وسلم: ((اجتنبوا السبع الموبقات قالوا: يا رسول الله وما هنّ؟ قال: الشرك بالله، والسحر، وقتل النفس التي حرم الله إلا بالحق، وأكل الربا، وأكل مال اليتيم، والتولي يوم الزحف، وقذف المحصنات المؤمنات الغافلات)) (1) (2)

[بومحمد المطاوعه]

اهم شي الواحد يبتعد عن الربا

لو مثلآ شخص تسلف من البنك لشراء منزل وسياره

لاشك ان شاءالله

بس اهم شي يكون البنك اسلامي مب ربوي
والله ولي التوفيق

[MAZEN37]

موضوع مهم
القروض ما وراها الا عوار الراس

[ya3coub]

اي والله ما وراها إلا عوار الراس كنت ضد السلفيات خير شر

و للأسف خذيتها لأني بشتري سيارة حق امس الي بخاطرها و كنت توني مشتغل

و قلت غيرها ما راح اخذ شوية صارت ظروف لقيت نفسي لا شعوريا ماخذ سلفية ثانية و مسوي اعادة جدولة.

و حاليا أخلصهم و بإذن الله بلا سلفيات و بلا عوار راس السلفية هم انطر بس أخلصهم.

و الي يتساهل بالسلفية علشان موضوع, او فزعه او مساعده بعدها بيتهاون عدة مرات


والله يفك الجميع من هوس و تساهل السلفيات, نصيحه اخذوها بأعلى مبلغ تقدرون تدفعونه شهريا للسلفة بأقل مدة

[قطريه ماركه]

اللي يتسلف بس عشان الفشخرة و السفر و الأمور التافهه هذا سفيه

و عنده سوء استخدام للمال !!

[qrt_trading]

الحمد لله ولا عمري خذت سلفيه عن طريق بنك وإن شاء الله الله ما يحوجني لها، احسن سلفيه هي إللي تاخذها من الشغل لا ربا ولا هم يحزنون على قد ماخذت إترجع.

[بومحمد المطاوعه]

اللي يتسلف بس عشان الفشخرة و السفر و الأمور التافهه هذا سفيه

و عنده سوء استخدام للمال !!

باااااااااااااااااااااااااااال موجودين هالناس والعياذ بالله

[الدوحه1]

حتى الدول ابتليت بالديون؟؟؟

الديون الخارجية لدول الخليج.

1 - الامارات : 171 مليار دولار
2 - السعوديه : 166 مليار دولار
3 - قطر : 156 مليار دولار
4 - الكويت : 35 مليار دولار
5 - البحرين : 18 مليار دولار
6- عمان :10 مليار دولار

اكبر دوله مديونه في العالم هي امريكا والمبلغ 17 تريليون دولار(17 الف مليار دولار)!!!!!!



المصدر:

http://www.globalfirepower.com/external-debt-by-country.asp

[Qt.1]

انشهد ان الدين مصيبه , مهب الكل خذها علشان يلعب فيها في الي محتاج فعلا لها والله اعلم بظروفه ,,

[معماري قطري]

العام مع الربكة والخوف من تقليص الموازنة

بعت شهر إجازات وباقي همجة بعد وخذت سلفة سيارة وسلفة راتب وللحين عندي بانتظار التقاعد

[الحياة الخالدة]

السلام عليكم ورحمة الله

هل السلفية او السلفه بدون عازه صارت عاده ؟؟؟؟؟؟ شرايكم

نعم للأسف أنها أصبحت كذلك لدى البعض : يعني طاح خاطري في سيارة معينة والا ساعة غالية والا أي شي غالي فوق إمكانيتي
أروح أتسلف حتى لو من بنك ربوي ( مع تحفظ البعض حتى على قروض البنوك الإسلامية )
وما يكتفي بسلفة وحدة .. بل يتكرر الموضوع مرات ومرات .. وسلفة تجر سلفة .. وخلاص ما عاد يستنكر السالفة وتصير سهلة عليه
بينما الديون تتراكم وتتجمع وتصل للملايين
والغريب أنه يحط راسه وينام من غير ما يفكر هالديون اللي فوق راسه شلون ومتى بيمديه يسددها
خاصة لما يكون الشخص مسؤول عن أسرة وبيورث ديونه حق أهله وعياله .. لو الله قدر وتوفى فجأة

الله يكفينا شر السلف والدين .. ويعين المضطر ويفرجها عليه
ويهدي الفئة اللي تكلمنا عنها ويردهم لعقلهم وصوابهم ولا يبتلينا

[JN000N]

^ الحياه مشكله اذا طاح ف خاطرج شي انتي خخخخخخ

والله الي بياخذ سلفة ويراكم ديون ع قلبه عشان اشيا ماتسوى هذي مدمغ
من يشتري الهم بفلوسه واييب لعمره الشقا


امس سمعت ان في ناس لعبو ف فلوس القرض مالت البنيان
وخاصه الحين بعد عقب ما سوو القانون ان يعطونك نص المبلغ وعقب تعطيهم تقرير بحالة البنيان ووين وصلت عشان يكملون باقي ال600 الف الي راح شراله سياره والي راح فسفسها ف سفر
لا وفوق هذي بعضهم يعرفون المقاول ف يعطيهم تقوير (وهمي) بحالة البنيان عشان يعطونه باقي السلفه
يعني فوق شينهم بوقهم عيني عينك

المهم الله لا يبلينا ولو كان هالشي يسبب فتنه ومشاكل لازم تكون القوانين اصعب من جذي
الحين الناس تتحلطم ليش صعبو موضوع القروض وهالامور (لان الشر يعم) شنسوي

[سالم الزهران]

هلا بك يا احمد 1 , لو ركز الانسان على حاجته الآنية و الضرورية لتفادى الكثير من السلفيات !

فيه سيارات موقفينها عند البيت بعضها ماخذها سلفية ؟ الحين اقول لنفسي ( يا الله الصلاح منك ) لو اني ما سويت

من يركز على نفسه بيلاقي نفسه قاعد يصرف مئات الألوف وهو ما يدري عن نفسه ,, ليش ما اسدد ديوني طالما اني اقدر اعطي فلان عشرين و فليتان خمستعش !

ركز على نفسك و اهل البادية عندنا يقولون في مثلهم الشعبي ( من بدا على نفسه في النار )

[7llo]

اخوي أحمد ماياخذ سلفيه غير الشخص المحتاج يعني واحد متوظف عنده سياره البيت اكيد بياخذ سلفه عشان يشتري سياره, واحد يبي يسوي مشروع واهله على قد حالهم من وين بيجيب فلوس؟ اكيد بياخذ له سلفه عشان يبدا من الصفر وياسس حياته, او واحد يبي يشتري بيت شلون بيشتري قيمته 2 مليون او 3 مليون ؟ من وين بيجيب هل المبلغ اكيد بياخذ سلفه عشان يشتري بيت وياسس بيت لعياله , يمكن انت وضعك المادي جيد يعني مالك حاجه للسلفه بس غيرك وضعه المادي شوي صعب لازم ياخذ سلفه عشان يرتب حياته لاتحكم على الناس مافي انسان عاقل ياخذ سلفه بدون هدف لولا الحاجه ماخذ الواحد قرض بس الانسان مجبور عشان يرتب اموره ولا يذذل نفسه لفلان وعلان

[مرتبش]

البنوك شغلها وربحها كله من السلف.. الربوية بربا والاسلامية بفايدة .. وحلية الاجراءات لاتعني ان السلف عادي او مافيه ضرر.. نحتاج ثقافة بنكية وكيفية الادخار وتوعية اجتماعية بدل المطالبات بالغاء الديون اللي نسمعها بين فترة واخرى

[احمد1]

اخوي أحمد ماياخذ سلفيه غير الشخص المحتاج يعني واحد متوظف عنده سياره البيت اكيد بياخذ سلفه عشان يشتري سياره, واحد يبي يسوي مشروع واهله على قد حالهم من وين بيجيب فلوس؟ اكيد بياخذ له سلفه عشان يبدا من الصفر وياسس حياته, او واحد يبي يشتري بيت شلون بيشتري قيمته 2 مليون او 3 مليون ؟ من وين بيجيب هل المبلغ اكيد بياخذ سلفه عشان يشتري بيت وياسس بيت لعياله , يمكن انت وضعك المادي جيد يعني مالك حاجه للسلفه بس غيرك وضعه المادي شوي صعب لازم ياخذ سلفه عشان يرتب حياته لاتحكم على الناس مافي انسان عاقل ياخذ سلفه بدون هدف لولا الحاجه ماخذ الواحد قرض بس الانسان مجبور عشان يرتب اموره ولا يذذل نفسه لفلان وعلان

هلا الشيخ يا مرحبا وسهلا بك العكس الغالي انه ما عممت وممكن يكون في انسان مضطر لها وممكن اكون انه يوم من الايام اضطر ان اخذ سلفه .....؟ بس السوال والهدف من طرح الموضوع هل كل من تسلف وحط على نفسه ديون وفوايد هو فعلا محتاج للسلفه ....
مثلا زمان ايام الطيبين الناس تجمع فلوس وتسافر ... الحين في وايد ناس تتسلف عشان تسافر ؟
زمان الواحد يجمع او ياخذ سياره اقساط ويستخدمها لين تعتج ؟ الحين ياخذ سياره وبعد سنتين او البعض سنه يبيعها بخساره وياخذ سياره فوق طاقته (مفوشر) يشوفك على طرف الاشاره بنص عين ... وتتفاجأ في البنك انه يترجى الموظف يأجل القسط

في واحد يسولف في العنه من فتره يقول فصلت لي بورت كابن ب 80000 ريال قلت مشاء الله زين ... عقب ما حرك قالو الربع تراه ماخذ فلوس البنيان ولعب بها ....عشان كذي طرحت موضوع السلف وشكرا...

[احمد1]

السلام عليكم ورحمة الله

هل السلفية او السلفه بدون عازه صارت عاده ؟؟؟؟؟؟ شرايكم

نعم للأسف أنها أصبحت كذلك لدى البعض : يعني طاح خاطري في سيارة معينة والا ساعة غالية والا أي شي غالي فوق إمكانيتي
أروح أتسلف حتى لو من بنك ربوي ( مع تحفظ البعض حتى على قروض البنوك الإسلامية )
وما يكتفي بسلفة وحدة .. بل يتكرر الموضوع مرات ومرات .. وسلفة تجر سلفة .. وخلاص ما عاد يستنكر السالفة وتصير سهلة عليه
بينما الديون تتراكم وتتجمع وتصل للملايين
والغريب أنه يحط راسه وينام من غير ما يفكر هالديون اللي فوق راسه شلون ومتى بيمديه يسددها
خاصة لما يكون الشخص مسؤول عن أسرة وبيورث ديونه حق أهله وعياله .. لو الله قدر وتوفى فجأة

الله يكفينا شر السلف والدين .. ويعين المضطر ويفرجها عليه
ويهدي الفئة اللي تكلمنا عنها ويردهم لعقلهم وصوابهم ولا يبتلينا
كلام من ذهب

[mr. abdulla]

الحمدلله رب العالمين.. اول سلفة شريت فيها بيت و سكنته و المبلغ تسدد.. و السلفة الثانية شريت فيها بيت ثاني و اجرته ... السيارات كلها ما تتعدى الظ¢ظ¥ظ* و عن طريق غرض حسن من الدوام ...

[احمد1]

الحمدلله رب العالمين.. اول سلفة شريت فيها بيت و سكنته و المبلغ تسدد.. و السلفة الثانية شريت فيها بيت ثاني و اجرته ... السيارات كلها ما تتعدى الظ¢ظ¥ظ* و عن طريق غرض حسن من الدوام ...


الله يوفقك اخوي عبدالله ويبارك لك قليل الي يقدر يوظف القرض بالهطريقه الي نفعت فيها نفسك وعايلتك ان شاء الله عندك اصرار وتخطيط قلبت السلفه الي هي شيء سلبي الى ذخر من بعد الله وهو شيء ايجابي عساك على القوه والله يزيدك ويبارك لك ...

[بومحمد المطاوعه]

السلام عليكم ورحمة الله

هل السلفية او السلفه بدون عازه صارت عاده ؟؟؟؟؟؟ شرايكم

نعم للأسف أنها أصبحت كذلك لدى البعض : يعني طاح خاطري في سيارة معينة والا ساعة غالية والا أي شي غالي فوق إمكانيتي
أروح أتسلف حتى لو من بنك ربوي ( مع تحفظ البعض حتى على قروض البنوك الإسلامية )
وما يكتفي بسلفة وحدة .. بل يتكرر الموضوع مرات ومرات .. وسلفة تجر سلفة .. وخلاص ما عاد يستنكر السالفة وتصير سهلة عليه
بينما الديون تتراكم وتتجمع وتصل للملايين
والغريب أنه يحط راسه وينام من غير ما يفكر هالديون اللي فوق راسه شلون ومتى بيمديه يسددها
خاصة لما يكون الشخص مسؤول عن أسرة وبيورث ديونه حق أهله وعياله .. لو الله قدر وتوفى فجأة

الله يكفينا شر السلف والدين .. ويعين المضطر ويفرجها عليه
ويهدي الفئة اللي تكلمنا عنها ويردهم لعقلهم وصوابهم ولا يبتلينا

اذا الشخص مات ديونه تتسكر على طول
لان كل مديونيه تكون عليها تأمين ,,


وبخصوص الملايين
الحين يعطون من المصرف المركزي القرار
يحسبون الراتب الأساسي والاجتماعي فقط

على 70% منهم ويعطون مديونيه عليها

قبل كان في تلاعب يعطون على اجمالي الراتب
الحين حبسو حق العالم واحسن شي هالقرار

[الحياة الخالدة]

اذا الشخص مات ديونه تتسكر على طول
لان كل مديونيه تكون عليها تأمين ,,


وبخصوص الملايين
الحين يعطون من المصرف المركزي القرار
يحسبون الراتب الأساسي والاجتماعي فقط

على 70% منهم ويعطون مديونيه عليها

قبل كان في تلاعب يعطون على اجمالي الراتب
الحين حبسو حق العالم واحسن شي هالقرار

أول مرة أعرف هالشي
يعني الحين لو شخص مات وعليه ديون بالملايين للبنك .. ما ياخذون من املاكه سواء بيت أو سيارة أو أي ممتلكات ثانية ؟؟
معلومة جديدة .. أشكرك عليها يا بومحمد

[بومحمد المطاوعه]

أول مرة أعرف هالشي
يعني الحين لو شخص مات وعليه ديون بالملايين للبنك .. ما ياخذون من املاكه سواء بيت أو سيارة أو أي ممتلكات ثانية ؟؟
معلومة جديدة .. أشكرك عليها يا بومحمد

الشكرلله تعالى

اي مديونيه يالشيخه تصرف من البنك تكون مؤمنه
يعني عليها تأمين في حالة الوفاه يتسدد الي عليه

ابوي الله يرحمه عليه كان مليون وشوي في البنك
تسدد المبلغ كامل
بس كان عليه 15 ألف دفعنا عن الوالد الله يرحمه لان هذي المديونيه كانت بالأساس ماعليها تأمين

وبقت منها 15 الف سددناها

[ya3coub]

أول مرة أعرف هالشي
يعني الحين لو شخص مات وعليه ديون بالملايين للبنك .. ما ياخذون من املاكه سواء بيت أو سيارة أو أي ممتلكات ثانية ؟؟
معلومة جديدة .. أشكرك عليها يا بومحمد

نعم القانون الجديد البنك ما يعطي اي فرد سلفية إلا ضامن حقه من بعد المشاكل الي صارت سنة 2005 - 2007 و الأسهم و غيرها

قيمة التئمين ما يقارب 900 ريال قطري تندفع من البداية و اتكون محسوبة و صحيح يطيح الدين في حالة الوفاة فقط !!!
لأن تئمين على الحياة و ليس على البطالة او الخروج من عمل او اسباب صحية خارجة عن ارادة الشخص نفسه.

حرركة حلوة بس بعد يتم الشخص مديون.

الله يفكنا من الديون يا رب و على راس السنة بكون انسان مرتاح البال ان شاء الله

[طلعة الروح]

انا افكر اخذ قرض عقاري اذا فكرت اقترض ويكون بنك اسلامي. أما قروض استهلاكيه فإن شالله ما أقرب صوبها نهائي وانا اكره شي عندي سالفة القروض خاصه اذا على ماديات كمالية يستطيع أن يعيش الانسان بدونها او يؤجلها الى يتوفر لديه الكاش او الready money

[بنت شرق]

الحمدلله رب العالمين.. اول سلفة شريت فيها بيت و سكنته و المبلغ تسدد.. و السلفة الثانية شريت فيها بيت ثاني و اجرته ... السيارات كلها ما تتعدى الظ¢ظ¥ظ* و عن طريق غرض حسن من الدوام ...
ليش كم كان سعر البيت الأرقام مش واضحة

[بوخالد911]

نعم عند البعض

والبعض الآخر ما زال محتفظا بقدر كبير من العقل والاتزان.