اللي ما يعرفك .. ما يثمنك

[الحياة الخالدة]

السلام عليكم ورحمة الله وبركاته
صبحكم الله بالخير

لما تصادف شخص لأول مرة في حياتك ويصير بينك وبينه موقف يعاملك فيه بغلظة أو بطريقة سيئة .. فلا تشره عليه .. لأنه ما يعرفك
هذا الشخص ممكن يكون في أي مكان : في دائرة حكومية ، في مجال عملك ، في مستشفى ، في المطار ، في محل تجاري ، في مطعم أو في فندق أو أو أو
انت بالنسبة له شخص مجهول .. ونفس الشي هو بالنسبة لك
ما تعرف شنهي ظروفه وخلفيته الثقافية أو الاجتماعية .. والحال كذلك بالنسبة له

المقصود أن لو صار هالشي .. صحيح ممكن تتضايق و تعصب ( حسب الموقف )
لكن في النهاية .. انتو الاثنين ما تعرفون بعض
فلا تحط في بالك وايد .. لأن اللي ما يعرفك .. ما يثمنك

[شبح الصمت]

وعليكم السلام ورحمة الله وبركاته ،،

صادقه يالحياه
اخبر واحد معاي فالمدرسة كنت اشوووفه نفسية ووجه يدل على انه متكبر ..
سبحان الله ، الله جمعني فيه بصف واحد وعرفت الرجال وكان زي اللوز ودمه خفيف وقلت له ياخي كنت ما ادانيك قبل يضحك ..

يقول انا طبعي جذيه الي يشوفني ما يدانيني ويعترف
ربي يحفظك يا جاسم وين ما كنت ..

مبطي منه لكنه في القلب
وعن المواقف الاخرى فيا كثرها

ونتحفظ عليها
:secret:

[م/ عبدالله]

عادي انك تكره الشخص من اول مره وعقب يوم تعرفه عدل تحبه ،،
المصيبه اذا حبيته من اول مره ومع الايام اكتشفت انك غلطان !!

[الحياة الخالدة]

وعليكم السلام ورحمة الله وبركاته ،،

صادقه يالحياه
اخبر واحد معاي فالمدرسة كنت اشوووفه نفسية ووجه يدل على انه متكبر ..
سبحان الله ، الله جمعني فيه بصف واحد وعرفت الرجال وكان زي اللوز ودمه خفيف وقلت له ياخي كنت ما ادانيك قبل يضحك ..

يقول انا طبعي جذيه الي يشوفني ما يدانيني ويعترف
ربي يحفظك يا جاسم وين ما كنت ..

مبطي منه لكنه في القلب
وعن المواقف الاخرى فيا كثرها

ونتحفظ عليها
:secret:
صارت معانا وايد
يعني في ناس مساكين شكلهم جذي .. يوحي لك أنه متكبر والا حتى شرير
لكن بس تعاشره يثبت لك العكس
وفي أشخاص يمكن بحكم وظيفتهم يضطرون يعاملونك بجفاء .. من كثر أصناف الناس اللي تمر عليهم
ويبيلهم وقت لحد ما يتعودون على التمييز بين الناس اللي يتعاملون معاهم

شكراً أخوي شبح على مشاركتك الطيبة

[الحياة الخالدة]

عادي انك تكره الشخص من اول مره وعقب يوم تعرفه عدل تحبه ،،
المصيبه اذا حبيته من اول مره ومع الايام اكتشفت انك غلطان !!

صحيح .. ويالها من مصيبة :secret:
لكن الانسان يتعلم من أخطاءه .. وبمرور الوقت يكتسب الخبرة الكافية لتمييز الغث من السمين

حياك الله معانا

[JN000N]

اللي يبي يثمنك عدل بيثمنك حتى لو مايعرفك ما بيحكم عليك من كيفه وبيقول ماعرفه
حتى لو اول مره جاف منك موقف وهو حس بحساسيه اتجاهه ممكن انه يقول معليه اول مره مايعرفني ولو عرفني عدل مابيسوي جي
الا قولي البلا ف اللي يعرفونك ويتكلمون فيك ويشوهون سمعتك
عموما تثمين الناس للشخص سواء كان ايجابي او سلبي مايزيد ولا ينقص منه

[شبح الصمت]

اللي يبي يثمنك عدل بيثمنك حتى لو مايعرفك ما بيحكم عليك من كيفه وبيقول ماعرفه
حتى لو اول مره جاف منك موقف وهو حس بحساسيه اتجاهه ممكن انه يقول معليه اول مره مايعرفني ولو عرفني عدل مابيسوي جي
الا قولي البلا ف اللي يعرفونك ويتكلمون فيك ويشوهون سمعتك
عموما تثمين الناس للشخص سواء كان ايجابي او سلبي مايزيد ولا ينقص منه



متاكدة من انه ما يزيد والا ينقص ..

عيل ليش نتضايق اذا حد تكلم فينا
وليش نزعل ونسوي سالفه


ما ظنتي كلام الناس او نظرة الناس لنا ما تآثر

[سالم الزهران]

تصير و يا كثر ما تصير

الحين صرنا للأسف نحط الناس في الخانة الرمادية اذا جمعتنا بهم الظروف حتى نتأكد انهم أسوياء

مع بالغ الأسف . التعبان اليوم هو الأنسان الطيب و الصدوق

لو شفت الموظف الحكومي كيف يصرفك من عند الشباك و كيف يقلبون و يلعبون في الأنظمة ! من باقي يحسن الظن فيهم الا اللي ما يعرفهم ؟

[شبح الصمت]

وصراحة يالحياه اتعب نووعية الي تجين تبين تخلصين معامله عنده


فوق ويه مب مبتسم لا ويماطل في المعاملة يحسسك انج تطلبينه بشيء خاص .. !!

اقول لمثل هالاشكال الي استغفر الله العظيم باليه نفسها بنفسها
نفسيتك حطها في بيتكم وعامل الناس على انك انت تطلبهم مب هم يطلبونك


والدنيا دواره
اليوم حاجة الشخص عندك
بكره حاجتك عند غيرك وراح يسوي فيك نفس الشيء

[JN000N]

متاكدة من انه ما يزيد والا ينقص ..

عيل ليش نتضايق اذا حد تكلم فينا
وليش نزعل ونسوي سالفه


ما ظنتي كلام الناس او نظرة الناس لنا ما تآثر

حزة الحزة لما تسمع عن حد تكلم فيك تتضايق صج
بس ترى هل هالشي نزل من قدرك؟ بالعكس مع الوقت تقول عساهم ما يجوفون مني الا الي يقهرهم وزود
تصيدك مناعه ههههه

[الحياة الخالدة]

اللي يبي يثمنك عدل بيثمنك حتى لو مايعرفك ما بيحكم عليك من كيفه وبيقول ماعرفه
حتى لو اول مره جاف منك موقف وهو حس بحساسيه اتجاهه ممكن انه يقول معليه اول مره مايعرفني ولو عرفني عدل مابيسوي جي
الا قولي البلا ف اللي يعرفونك ويتكلمون فيك ويشوهون سمعتك
عموما تثمين الناس للشخص سواء كان ايجابي او سلبي مايزيد ولا ينقص منه
وانت كله معصبة ومستنة :nice:
كلامج يمكن عن الشخص اللي بتحتكين فيه أكثر من مرة أو بتضطرج الظروف تتعاملين معاه فترة من الزمن قد تطول أو تقصر
لكن أحياناً تلقين واحد أو وحدة في الاستقبال أو في المطعم مثلاً يتكلم معاج بطريقة مب حلوة وكأنه شاك في ذمتج ( مثلاُ يعني ) وهو أول مرة يشوفج
يمكن مروا عليه أصناف من الناس .. هم بالفعل من طبعهم الغش و النصب
فتروحين انتي تعصبين و تتنرفزين وتتهاوشين معاه لأنه ما يعرفج وما يعرف أنج صادقة و أمينة في تعاملج
هذا طبعاً كله على سبيل المثال عشان أقرب لج القصد من كلامي

رأيي الخاص : تثمين الناس لشخصي لما يكون سلبي من أشخاص متعددين .. بعد ما يعاشروني ويعرفوني عدل .. أكيد بيأثر فيني
ويخليني أراجع نفسي .. مب لاقتناعي بأني فعلاً سيئة .. وإنما لأن طريقة سلوكي وتعاملي مع الناس يمكن تكون هي اللي خلتهم ياخذون عني هذا الانطباع .. وبالتالي ماشوف في مشكلة من أني أحاول انتهاج وسائل أخرى للتقرب إليهم

[JN000N]

وانت كله معصبة ومستنة :nice:
كلامج يمكن عن الشخص اللي بتحتكين فيه أكثر من مرة أو بتضطرج الظروف تتعاملين معاه فترة من الزمن قد تطول أو تقصر
لكن أحياناً تلقين واحد أو وحدة في الاستقبال أو في المطعم مثلاً يتكلم معاج بطريقة مب حلوة وكأنه شاك في ذمتج ( مثلاُ يعني ) وهو أول مرة يشوفج
يمكن مروا عليه أصناف من الناس .. هم بالفعل من طبعهم الغش و النصب
فتروحين انتي تعصبين و تتنرفزين وتتهاوشين معاه لأنه ما يعرفج وما يعرف أنج صادقة و أمينة في تعاملج
هذا طبعاً كله على سبيل المثال عشان أقرب لج القصد من كلامي

رأيي الخاص : تثمين الناس لشخصي لما يكون سلبي من أشخاص متعددين .. بعد ما يعاشروني ويعرفوني عدل .. أكيد بيأثر فيني
ويخليني أراجع نفسي .. مب لاقتناعي بأني فعلاً سيئة .. وإنما لأن طريقة سلوكي وتعاملي مع الناس يمكن تكون هي اللي خلتهم ياخذون عني هذا الانطباع .. وبالتالي ماشوف في مشكلة من أني أحاول انتهاج وسائل أخرى للتقرب إليهم

شسوي بعد كله منكم خربتوني خخخخ


اييي مريت بهالاسكال وخاصه ف الجمارك طريق بر يحسسج مهربه شخنة مخدرات
بالذات في دولة مجاوره الله يهديهم
نفسيات الله بالخير ومرات بالعماله اصلا يسوون حركات يستفزون الواحد فيها
بس عني انا واللي معاي نتعامل مع هالمواقف ببرود لان فالبدايه نكون حاطين ف اعتبارنا ضغط الشغل والزحمه والجو وفوق هذي الاشكال الي مرت عليهم
في نفس الوقت مايتم الموضوع ف بالي ولا افتكر شنو الفكره الي ممكن رسخت ف بالهم عني او رسخت ف بالي عن هالشخص لاني ماعرفه ولا ابي اعرفه ولا بيعرفني

وفي نوعية ناس انتي تكونين بشوشه معاهم وهم نفسيات ف يقولون شفيها ذي خفيفه خخخ واذا تثيقلتي قالو مغروره
رضى الناس غاية لا تدرك ف ريحي بالج وعيشي مرتاحه

[احمد1]

السلام عليكم ورحمة الله وبركاته
صبحكم الله بالخير

لما تصادف شخص لأول مرة في حياتك ويصير بينك وبينه موقف يعاملك فيه بغلظة أو بطريقة سيئة .. فلا تشره عليه .. لأنه ما يعرفك
هذا الشخص ممكن يكون في أي مكان : في دائرة حكومية ، في مجال عملك ، في مستشفى ، في المطار ، في محل تجاري ، في مطعم أو في فندق أو أو أو
انت بالنسبة له شخص مجهول .. ونفس الشي هو بالنسبة لك
ما تعرف شنهي ظروفه وخلفيته الثقافية أو الاجتماعية .. والحال كذلك بالنسبة له

المقصود أن لو صار هالشي .. صحيح ممكن تتضايق و تعصب ( حسب الموقف )
لكن في النهاية .. انتو الاثنين ما تعرفون بعض
فلا تحط في بالك وايد .. لأن اللي ما يعرفك .. ما يثمنك

صحيح كلامك ... بالنسبه لي الانطباع يكون من اول مره واول تعامل بغض النظر عن المكان او الزمان او الموقف لاني انا عن نفسي مهما كان الظرف احاول قدر المستطاع اكون رسمي واتعامل بود واحترام... اذا انه مجهول عليه مهب عذر .. وهو بيتعامل بأسلوب يعكس بيئته وتربيته وعلى ذلك قيس ...والله المستعان ...

[طلعة الروح]

ياما شفنا الهوايل وعديناها اثناء التعامل مع الجمهور
ومن لغة الجسد صرنا نعرف اصناف الشخصيات والتعامل حسب الشخصية مهما تكون مضغوط كموظف وعلى راسك شغل كثير لانك تكتسب خبره تصنيف الناس ومستوى عقلياتهم مع الوقت

[@north_star@]

كلام سليم وللاسف العكس صحيح

[الماريّة]

يقولون في الامثال اذا تبغي تعرف رفيقك خاوه

طبعا لانحكم على الناس من اول موقف الا بعد العشره

حتى لو كان الشخص قدامك سلبي وفظ باسلوبه لابد نتحمل
وتصير انت الافضل لعل الايام تكشف لك معدنه الذهب

[بوخالد911]

فعلا اللي ما يعرفني ما يثمني.

[القلب المؤمن]

صحيح كلامك 100٪‏
قابلت شخصين بحياتي تعاملوا معاي اول مره بغلظة وكرهتهم لحظتها بس لما عرفتهم الله يشهد انهم افضل شخصين عرفتهم من اخلاق عاليه الله يذكرهم بالخير ويحفظهم اينما كانوا..
ممكن يكون تعاملهم غطاء لشخصيات رقيقة وخجولة وهذا هو الاغلب ههه

[نوفا91]

عادي انك تكره الشخص من اول مره وعقب يوم تعرفه عدل تحبه ،،
المصيبه اذا حبيته من اول مره ومع الايام اكتشفت انك غلطان !!


هنيه تأكل هواء

[الحياة الخالدة]

تصير و يا كثر ما تصير

الحين صرنا للأسف نحط الناس في الخانة الرمادية اذا جمعتنا بهم الظروف حتى نتأكد انهم أسوياء

مع بالغ الأسف . التعبان اليوم هو الأنسان الطيب و الصدوق

لو شفت الموظف الحكومي كيف يصرفك من عند الشباك و كيف يقلبون و يلعبون في الأنظمة ! من باقي يحسن الظن فيهم الا اللي ما يعرفهم ؟

نعم أخوي سالم .. الأغلبية صاروا يقدمون الخانة الرمادية .. من كثر ما شافوا وسمعوا
والإنسان صافي النية وطيب القلب ينحط في هالخانة مثله مثل غيره حتى يثبت العكس
حياك الله أخــــــوي

[الحياة الخالدة]

وصراحة يالحياه اتعب نووعية الي تجين تبين تخلصين معامله عنده


فوق ويه مب مبتسم لا ويماطل في المعاملة يحسسك انج تطلبينه بشيء خاص .. !!

اقول لمثل هالاشكال الي استغفر الله العظيم باليه نفسها بنفسها
نفسيتك حطها في بيتكم وعامل الناس على انك انت تطلبهم مب هم يطلبونك


والدنيا دواره
اليوم حاجة الشخص عندك
بكره حاجتك عند غيرك وراح يسوي فيك نفس الشيء

ودك هالنوعية ما يحطونها في مواجهة الجمهـــــــور .. وتكون وظيفتهم مالها أي نوع من الاحتكاك بالمراجعين
يعني لو طيحك حظك في واحد منهم بينعسف يومك كله من الويه التعيس والمعاملة الغريبة اللي يعاملك فيها
لكن بالمقابل شوفه لما يروح هو يراجع دائرة ثانية .. تلقى الابتسامة اللي شاقة الويه والكلام الحلو اللي مافي مثله

حياك الله أخوي شبح

[الحياة الخالدة]

صحيح كلامك ... بالنسبه لي الانطباع يكون من اول مره واول تعامل بغض النظر عن المكان او الزمان او الموقف لاني انا عن نفسي مهما كان الظرف احاول قدر المستطاع اكون رسمي واتعامل بود واحترام... اذا انه مجهول عليه مهب عذر .. وهو بيتعامل بأسلوب يعكس بيئته وتربيته وعلى ذلك قيس ...والله المستعان ...
هذا هو التعامل النموذجي اللي المفروض يحدث .. أنك تتجرد من كل الأفكار المسبقة وتتعامل مع الشخص بكل حيادية .. تسوي اللي عليك لا إفراط ولا تفريط

حياك الله أخوي أحمد

[بانغ بانغ]

في هالعمر ايقنت ان العلاقات بين الناس يجب ان تكون مبنية على الثقة والتجرد من اي خلفيات ثقافية وايضا حتى لو بيني وبين اي شخص خبرة سيئة ماضية ، راح افرق بين موقف وموقف

طبعا تعلمت هالشي بعد سنين طويلة لان العواطف صعب تغلبها

خذ غرضك سواء معاملة او خدمة وامش . حتى الفض احيانا تكون له ظروف محد ايعرفها غيره

اما حمل الضغينة لموقف سابق اعتبره من الجهل

[Zarr]

السلام عليكم ورحمة الله وبركاته
صبحكم الله بالخير

لما تصادف شخص لأول مرة في حياتك ويصير بينك وبينه موقف يعاملك فيه بغلظة أو بطريقة سيئة .. فلا تشره عليه .. لأنه ما يعرفك
هذا الشخص ممكن يكون في أي مكان : في دائرة حكومية ، في مجال عملك ، في مستشفى ، في المطار ، في محل تجاري ، في مطعم أو في فندق أو أو أو
انت بالنسبة له شخص مجهول .. ونفس الشي هو بالنسبة لك
ما تعرف شنهي ظروفه وخلفيته الثقافية أو الاجتماعية .. والحال كذلك بالنسبة له

المقصود أن لو صار هالشي .. صحيح ممكن تتضايق و تعصب ( حسب الموقف )
لكن في النهاية .. انتو الاثنين ما تعرفون بعض
فلا تحط في بالك وايد .. لأن اللي ما يعرفك .. ما يثمنك


عليكم السلام ورحمة الله وبركاته ..

بالنور والسرور اختي الحياة الخالدة ..


انا ضد هالكلام جددا جدداً ، لسبب بسيط حتى لو هالشخص ما يعرفني ولا اعرفه

المفروض يكون فيه نوع من الاحترام البسيط المتبادل !
بالذات في الأماكن العامة الخدمية

يعني لين اروح اخلص شي عند موظف ما ابي منه يفرش لي المكان ورد ويحب راسي
وفي نفس الوقت لا يكلمني من طرف خشمه جني بايق حلاله !

واصلاً هني مب مطلوب منه يحكم حكم مسبق أو غيره ، بس يكون ادمي مانبي شي ثاني ههههه



بس البلا مب هني ، البلا ف اللي يقيمون الناس بنظرة سريعة حتى بدون احتكاك أو تعامل ، ويعطيي نظرة اللي للأسف تقيمي لك كلش مب زين هههههه ،
صراحه هالنوع اتم اطالعه ف نص عينه لين الله يفرجها
واللي يزعلني اكثر هالنظرة أحياناً تكون من شخص متدين وملتحي !!


شكـراً .,