السيارات الجديدة و العيوب المصنعية

[الحريف]

السلام عليكم
كثرت في الفترة الأخيرة المشاكل المصنعية في السيارات الجديدة و انا واحد من اللي عانوا من هالموضوع و خصوصا مشاكل الجير

نصيحة للإخوان اللي يشتري سيارة جديدة من الوكالة انه يطلب تجربة السيارة نفسها قبل يدفع ثمنها

و اللي بيشتري اصفار من معرض يفحص كل شي و لا يقول السيارة اصفار و ما فيه داعي افحص

مشاكل الجير المصنعية تكون واضحة مثل:
1. ارتجاج بين الغيارات و خصوصا الأول و الثاني
2. تأخر في النقل بين الغيارات
3. نقل خشن او دفشه ملحوظه
سماع صوت مع خبط على الريوس

أما خلل او خطأ في كمبيوتر السيارة فممكن كشفه باستخدام أجهزة الفحص او ملاحظة تأخر في تشغيل أنظمة في السيارة مثل الشاشة و المكيف اذا اتشغل على Auto

[ya3coub]

الله يعينك أخوي و مشكور على النصيحه

[سالم الزهران]

جزاك الله خير يا الطيب و السيارة وا ختيارها صار هم !

تشتري جديد بذيك القيمة و تلاحظ انه يتهالك بسرعة و العزل حق الهواء يخترب و لا تقول الا خير

بالنسبة للجيربكس فهناك شركات فشلت فشل ذريع و انا اقصد الامريكي و صار عمر الجيربكس سنتين وبعده بع بع بع بع

من واقع تجربة و لا تنسى اليوم وسائل السلامة بدل ما تتحسن صار فيها مشاكل عيوب ايرباقات وعيوب مثبت سرعة و الكمبيوتر قصة ثانية

( اتفق معك ان الواحد لازم يستأجر السيارة او يشوف الوكالة اذا عندهم تجربة قيادة .. وافضل انه يستأجرها لاجل يبرد قلبه صدق )