هل تتأثر بالدعايات ؟؟

[الحياة الخالدة]

السلام عليكم ورحمة الله وبركاته

يا كثر الدعايات اللي نشوفها .. سواء في التلفزيون أو في النت .. أو في الشوارع أو المولات أو غيرها
يا ترى .. تتأثرون بها وتصدقونها .. وتشترون من المنتجات اللي يتم الترويج لها ؟؟
والا في نظركم كلها مجرد كلام وضحك على الذقون ؟؟

تحياتي لكم جميعاً

[سالم الزهران]

معصي , كلها كذب بكذب

المناهج الجديدة في التسويق , تقول لا تركز على العيوب اخفيها

والنبي عليه الصلاة والسلام قال للرجل الذي اخفى عيب السلعة(ما هذا يا صاحب الطعام؟)قال: أصابته السماء يا رسول الله

قال: ( أفلا جعلته فوق الطعام كي يراه الناس؟ من غشّ فليس مني) رواه مسلم .

و للأسف في دورة من الدورات جلس المحاضر يعلمنا كيف تتهرب من الأسئلة اللي تكشف واقع الحال

وكيف تتعامل مع المستثمر و تلهية بأمور ثانية ؟؟ يعني مناهجنا تعلّم الكذب و الغش و الاخ مسمي روحه دختر

امحق و امحق و امحق مليون مرّة والله و تالله لن تقوم لنا قائمة طالما مشينا وراء هالأشكال اللي لا دين و لا مذهب

[لبيبة]

وعليكم السلام ورحمة الله وبركاته،

في أكثر الأحيان ما تأثر فيني، وأعتقد إن لو كانت الدعايات موجهة لي فقط، إنهم يصرفون فلوسهم على الفاضي.

اشوفها ضرورية للتعريف بالمنتجات الجديدة، بحيث يستوعب المستهلك الخيارات اللي امامه ويقدر يختار.

اما ان الدعاية تخليني مثلا اروح اشتري المنتج على طول، ما اتذكر اني سويت هالشي،

يعني مثلا سلة المشتريات عندي في امازون، فيها اغراض لها سنين ما اشتريتها،

لأني اغير رايي عنها او ما اشوف اهمية اني اشتريها الحين وبسرعة،

عادة اشتري حاجتي بس،

يعني لو الدعاية كانت لحاجة أبيها من قبل،

أو كانت لمنتج/اختراع جديد وما في مثله في السوق،

وأشوف إني بحاجته، ممكن أدرس المنتج وأشوف مدى حاجتي له ثم أشتريه.

[معماري قطري]

انا تاثر فيني الدعاية بس أسوي بحث مستفيض واشوف السلعة وأفكر مرات لين أقرر أخذ او لا ودوم أقارن بين البداءل

[الحياة الخالدة]

معصي , كلها كذب بكذب

المناهج الجديدة في التسويق , تقول لا تركز على العيوب اخفيها

والنبي عليه الصلاة والسلام قال للرجل الذي اخفى عيب السلعة(ما هذا يا صاحب الطعام؟)قال: أصابته السماء يا رسول الله

قال: ( أفلا جعلته فوق الطعام كي يراه الناس؟ من غشّ فليس مني) رواه مسلم .

و للأسف في دورة من الدورات جلس المحاضر يعلمنا كيف تتهرب من الأسئلة اللي تكشف واقع الحال

وكيف تتعامل مع المستثمر و تلهية بأمور ثانية ؟؟ يعني مناهجنا تعلّم الكذب و الغش و الاخ مسمي روحه دختر

امحق و امحق و امحق مليون مرّة والله و تالله لن تقوم لنا قائمة طالما مشينا وراء هالأشكال اللي لا دين و لا مذهب
وانا تقريباً نفس رايك .. ما اقتنع بالدعايات أبداً
أحس الهدف منها ربحي محض .. والجيد يفرض نفسه وما يحتاج دعاية
اللهم إلا فيما يخص التعريف بمنتج جديد ينزل السوق لأول مرة .. وحتى هذا يحتاج وقت عشان نعرف إذا يستاهل أو لا

طبعاً أنا ما أنكر أهمية الدعاية والتسويق .. ولاني مختصة بهالامور
وسؤالي مجرد تساؤل من شخص عادي .. حبيت أعرف رأي الناس بهالموضوع

شكراً لمشاركتك أخوي سالم

[bohilal191]

اللي يسوي دعايات ماعنده ثقة

[شموخ دائم]

,

,


مرحبا

شكرا على الموضوع الجديد على قسم الحوار

في انواع جيده وتحتاج لها تعريف عند الناس
وفي انواع لا تستحق الشراء

بدون دعايه كيف راح نعرف ان في منتج نزل وشنو فائده وشنو مواصفاته
وشنو يسوي
:)

نعم تاثر علي وعلى الجميع بلاشك ولكن
في ناس تقارن وفي ناس يحب ( يجرب )

الدعايه الفكره منها والغرض هي ( غرس اسم المنتج ) في العقل
حتى يصير مألوف

يعني لو كل يوم يحطون دعايه
( عصير )
كل يوم
كل يوم
كل يوم

الاسم راح يتركز بعقل المشاهد

لازم راح يجربه لو فكر يشتري عصير ولو من باب التجربه
الاسم فرض نفسه على عقولنا


ولذلك شركه البيبسي تحط دعاياتها بشكل ( يومي )
وهي مو محتاجه دعايه ومنتجها منتشر ولكن
حتى ما تعطي فرصه لشركه المنافسه تسيطر على عقل الناس وخاصه
الشباب الصغار ويروح يشتري
كولا مثلا

هي بختصار
وضع اسم المنتج بعقل الناس من خلال ( التكرار )
يكفي نشر الاسم ليتقبله الناس

,

,

[السيف5]

اكثرها مافيها مصداقية

[JN000N]

مولعه اليوم

احس اكثر منتج يروجون له للدعايه هو افشل منتج خخخ
الا الديتول :)
حبيب القلب

[غايه الطواش]

اي اثاتر بش مب في كل شي
اكثر شي اثار فيه دعايه المطاعم :) الي يسونها البلوقر والفاشنستات
لدرجه اني ابي اروح كويت بس اكل واشتري جلابيات واروح سراديب المباركيه

[الحياة الخالدة]

وعليكم السلام ورحمة الله وبركاته،

في أكثر الأحيان ما تأثر فيني، وأعتقد إن لو كانت الدعايات موجهة لي فقط، إنهم يصرفون فلوسهم على الفاضي.

اشوفها ضرورية للتعريف بالمنتجات الجديدة، بحيث يستوعب المستهلك الخيارات اللي امامه ويقدر يختار.

اما ان الدعاية تخليني مثلا اروح اشتري المنتج على طول، ما اتذكر اني سويت هالشي،

يعني مثلا سلة المشتريات عندي في امازون، فيها اغراض لها سنين ما اشتريتها،

لأني اغير رايي عنها او ما اشوف اهمية اني اشتريها الحين وبسرعة،

عادة اشتري حاجتي بس،

يعني لو الدعاية كانت لحاجة أبيها من قبل،

أو كانت لمنتج/اختراع جديد وما في مثله في السوق،

وأشوف إني بحاجته، ممكن أدرس المنتج وأشوف مدى حاجتي له ثم أشتريه.

أحييج أختي لبيبة على النظرة المتأنية في الشراء
عندي بنت أختي كلما تشوف دعاية في التلفزيون تقول أبي منها .. وانا اقول لها كله كذب .. يعني الشامبو اللي ينعم ويطول .. الكريم اللي ينعم ويرطب .. الصابونة اللي تعطر لفترة طويلة .. وغيره وغيره وغيره
طبعاً العمر والخبرة في الحياة يلعبون دور في الموضوع

تحياتي لج عزيزتي

[عاشق العديد]

والله عن نفسي ..

ابدا ما اتاثر ..

مادري احس ما اقتنع ..

[الحياة الخالدة]

انا تاثر فيني الدعاية بس أسوي بحث مستفيض واشوف السلعة وأفكر مرات لين أقرر أخذ او لا ودوم أقارن بين البداءل

أهم شي التأني والتفكير قبل اتخاذ القرار
مافي أي سبب يدعو للاستعجال .. والمنتجات ما راح تطير ولا تختفي من السوق

تحياتي لك يا بوعبدالله

[العقل المدمر]

ردة فعلي تجاه الدعاية نفس ردة فعل الطوفة
بس عكس لما اسمع تجارب الناس حق شي هني اصدق علطول :tease:

[طلعة الروح]

أحيانا يكون الإنسان عنده الpreconception او الفكره المسبقه عن السلعه التي ينوى شرائها حتى تظهر دعاية ما تعزز لديه الرغبه في الاستقرار على منتج دون غيره وفي هذه الحاله تكون الدعاية عامل مساعد للاختيار وليست الدافع الاساسي للشراء

[الدوحه1]

لا ماتأثر..

اذا حبيت اشتري اي شي ادش على الانترنت واقرأ راي الزبائن(customer review) في البضاعه المراد شرائها.

فمثلا يوم بغيت اشتري مكيفات للبيت قررت اشتري مكيفات ميتسوبيشي بعد ماشفت ان اغلبية اراء الزبائن تمدح الميتسوبيشي..

[غير البشر]

انا بصراحه فيني شي غريب :rolleyes2:

مادري هو عناد او ايش بالضبط

الدعايه او الكلام الزايد يبعدني عن الشي حتى لو كان ممتاز

بالنسبه للدعايات بالشوارع او الجرايد او التلفزيون ماعمري تأثرت او اخذت شي

وبالنسبه لدعايات الناس عن مطعم او كوفي او اي سلعه
هذا يعطيني العكس حتى لو كان ببالي ازوره
اذا شفت الناس كلها تتكلم عنه وتمدحه مستحيل اروح :rolleyes2:


حد عنده علااج !! :rolleyes:

[الماريّة]

السلام عليكم

وانا عني مااتاثر واجد فيها ولا اعطيها بال

وخصوصا هذيلا مال دعايه الالكترونيات شركه رينبو
غربلهم الله المزعجين باتصالاتهم اذيييه
:rolleyes2:

[بوخالد911]

يعتمد ع المنتج.
بس لو جاني اتصال يا ويله
بسمعه كلام ولا عمره اسمعه.

[ya3coub]

يعتمد على نوع الدعاية و المنتج نفسه

في الي يخليني اطير و اجرب

و في الي يكرهني بنفسي نفس بعض دعايات رمضان الطويله المملة ام قصه سخيفه اخر شي رصيدك طال عمره ....... اولاحد ما يبي يغلط بس من الي وافق و نمم الي فكر و من الي اعتمد نفس هالسخافه الي ادت واجبها و لزقت فعقلي و انا مو مستفيد منها

[رُفق المجنّا]

بالطبع اتأثر وبالذات

الخدمات الحكومية ( اذا كنت مستفيد )
المطاعم والترفيه والسفر ( اذا يناسب ذوقي)
المسلسلات والافلام ( ع جوّي )

الدعاية والتسويق تؤثر في كل الأشخاص واكبر تسويق يصير هو تسويق الشخص لذاته وإلا ما كان عندنا أصدقاء وشركاء ولكن الخطا هو في الفهم بان التسويق كله كذب

[معماري قطري]

أهم شي التأني والتفكير قبل اتخاذ القرار
مافي أي سبب يدعو للاستعجال .. والمنتجات ما راح تطير ولا تختفي من السوق

تحياتي لك يا بوعبدالله

ولج احلى التحيات اختي الفاضلة

زين الدعايات تبقى اغلبها في اليوتيوب واكيد تذكرين دعاية السيارة اللي تسابق طلقة المسدس

أقول لعيالي بعد ما شفت الدعاية شريتها وهم يضحكون مصدقين

[الحياة الخالدة]

اللي يسوي دعايات ماعنده ثقة

أحترم رأيك أخوي بوهلال
قد تكون الدعاية لمنتج جديد ينزل السوق لأول مرة .. وصاحبه يريد التعريف به

[الحياة الخالدة]

,

,


مرحبا

شكرا على الموضوع الجديد على قسم الحوار

في انواع جيده وتحتاج لها تعريف عند الناس
وفي انواع لا تستحق الشراء

بدون دعايه كيف راح نعرف ان في منتج نزل وشنو فائده وشنو مواصفاته
وشنو يسوي
:)

نعم تاثر علي وعلى الجميع بلاشك ولكن
في ناس تقارن وفي ناس يحب ( يجرب )

الدعايه الفكره منها والغرض هي ( غرس اسم المنتج ) في العقل
حتى يصير مألوف

يعني لو كل يوم يحطون دعايه
( عصير )
كل يوم
كل يوم
كل يوم

الاسم راح يتركز بعقل المشاهد

لازم راح يجربه لو فكر يشتري عصير ولو من باب التجربه
الاسم فرض نفسه على عقولنا


ولذلك شركه البيبسي تحط دعاياتها بشكل ( يومي )
وهي مو محتاجه دعايه ومنتجها منتشر ولكن
حتى ما تعطي فرصه لشركه المنافسه تسيطر على عقل الناس وخاصه
الشباب الصغار ويروح يشتري
كولا مثلا

هي بختصار
وضع اسم المنتج بعقل الناس من خلال ( التكرار )
يكفي نشر الاسم ليتقبله الناس

,

,

الشكر لله أخوي شموخ دائم
مشاركة مميـــــزة وتحليل رائع كالعادة
أعجبتني فكرة ترسيخ اسم المنتج بالتكرار
لكن للأسف .. أغلب المنتجات اللي يعيدون ويزيدون في الدعاية لها ( وأهمها المشروبات الغازية ) لا فائدة منها .. وعلى العكس قد يكون ضررها أكبر من نفعها

تحياتي لك أخي الكريم

[الحياة الخالدة]

اكثرها مافيها مصداقية

أتفق معك تماماً
حياك الله أخوي

[الحياة الخالدة]

مولعه اليوم

احس اكثر منتج يروجون له للدعايه هو افشل منتج خخخ
الا الديتول :)
حبيب القلب

هههههههه كنت إجازة أمس .. عشان جذي متفرغة وهلت علي الأفكار
عاد انتي والديتول حبيبج مشكلة
أشوا إني ما جربته للغرض المضر بالصحة

[الحياة الخالدة]

اي اثاتر بش مب في كل شي
اكثر شي اثار فيه دعايه المطاعم :) الي يسونها البلوقر والفاشنستات
لدرجه اني ابي اروح كويت بس اكل واشتري جلابيات واروح سراديب المباركيه

عاد هذيلا تأثيرهم جداً كبير .. ويطال شريحة كبيرة من الناس
وبخصوص المطاعم أتفق معاج
أما الكويت هاذي قصة ثانية .. حق التسوق والأكل مافي مثلها ههههههههههه

[الحياة الخالدة]

والله عن نفسي ..

ابدا ما اتاثر ..

مادري احس ما اقتنع ..
ولا مرة ؟؟ ولا اشتريت أي شي من باب التجربة ؟؟
ما شاء الله عليك

[الحياة الخالدة]

ردة فعلي تجاه الدعاية نفس ردة فعل الطوفة
بس عكس لما اسمع تجارب الناس حق شي هني اصدق علطول :tease:

ههههههههههه
والتجربة خير برهان

[pink pearl]

فن الدعاية لها دراسة متخصصة، يعني لو تلاحظون أغلب المطاعم السريعة تختار اللون الأحمر أو الأصفر لأنه يفتح الشهية خصوصا للأطفال، ودايما يربطون الأكل بالسعادة مثل happy meal ويحطون معاها لعبة، وأنا أشوف بعض الأطفال بس يطلب الوجبة ومتحمس للعبة علشان يفتحها..

وغير الشعارات اللي يحطونها بشكل متكرر مثلا أنا أحبه- نوصلك الطعم اللي تحبه-تذوق طعم الأبطال.... الخ، حتى إن فيه بعض المطاعم السريعة تكون الراعي الرسمي لفعاليات خيرية حتى يصير لها تأثير، فعلا الدعاية والتصوير والتسويق صاير عامل مهم في التأثير علينا وعلى الأطفال بشكل أو بآخر..

[النهار]

انا اطب رويسي شريت اشياء اشكثر والسبه الدعايه بعد فتره اقطهم
اقول في نفسي يمكن ينفع في يوم من الايام

[العلياا]

مممم اذا تقصدين ترويج عن طريق تلفزيون او مسجات لا ابدا ما تاثر فيني
بس اذا عن طريق البلوقرز وبنات انا احب ذوقهم اي تأثر فيني
احب اجرب منتجات جديدة وخصوصا منتجات جمالية

وفيني طبع غريب اذا منتج معين كل الناس اعلنت عنه وشفت الكل هب فيه انا مايجذبني ولا اخذه :rolleyes2:

[khaldoon]

الدعاية مهمه جدا و بتحفر الاسم حفر في رووس الناس خصوصا ايام رمضان و الدعايات بين المسلسلات

الدعاية هي السبب انه نلغي اسم الشيء و نصير نطلق عليه اسم المنتج اللي بالدعايه

مثلا بدل ما نقول اعطيني محارم ورق اقول اعطيني فاين او كلينكس

اعطيني بندول و ادول

حليب رينبو و ابو قوس و نيدو و كليم طعمه اطيب هههه

اما طبعا اشوف دعاية اقوم اشتري على طول طبعا هالكلام ما يصير......هذا انا بكون ريسيفر استقبل كل شي و مخي مأجره لمروجي الداعايات يعبون راسي بأي شي

[فيصل99]

لو يسوون دعاية من اليوم لي 100 سنه معصي تاثر

[قطريه ماركه]

نعم أتأثر بالدعايات و الاعلانات

[العقل المدمر]

فن الدعاية لها دراسة متخصصة، يعني لو تلاحظون أغلب المطاعم السريعة تختار اللون الأحمر أو الأصفر لأنه يفتح الشهية خصوصا للأطفال، ودايما يربطون الأكل بالسعادة مثل happy meal ويحطون معاها لعبة، وأنا أشوف بعض الأطفال بس يطلب الوجبة ومتحمس للعبة علشان يفتحها..

وغير الشعارات اللي يحطونها بشكل متكرر مثلا أنا أحبه- نوصلك الطعم اللي تحبه-تذوق طعم الأبطال.... الخ، حتى إن فيه بعض المطاعم السريعة تكون الراعي الرسمي لفعاليات خيرية حتى يصير لها تأثير، فعلا الدعاية والتصوير والتسويق صاير عامل مهم في التأثير علينا وعلى الأطفال بشكل أو بآخر..




أتذكر مرة شفت كنتاكي حاطين اعلان ان بيودون من اكلهم حق افريقيا من الفلوس اللي نشتري منها
علطول طرى فبالي بيسممون الفقارة المساكين خوش صدقة الصراحة :(

[حمد 2002]

ممكن الصراحه اتاثر بدعايه السناب شات لأنه صار أقوى من التلفزيون والوسائل الأخرى .. اصلا من يتابع تلفزيون الآن !! ..

جوفوا الدليل ..

لو واحد من مشاهير السناب سوى دعاية لمطعم ما .. تلقون مئة سياره صافه قدامة ..

ولذا حط راعي المطعم حط إعلانه بالتلفزيون أو الوسيط مال الجريدة ممم محد درى عنه ..

[الحياة الخالدة]

أحيانا يكون الإنسان عنده الpreconception او الفكره المسبقه عن السلعه التي ينوى شرائها حتى تظهر دعاية ما تعزز لديه الرغبه في الاستقرار على منتج دون غيره وفي هذه الحاله تكون الدعاية عامل مساعد للاختيار وليست الدافع الاساسي للشراء
وجهة نظر جديرة بالأخذ بعين الاعتبار .. يعني الدعاية قد تكون عامل محفز ومعزز لاتخاذ قرار شراء سلعة معينة

شكراً لج أختي طلعة الروح

[بعيد النظر]

اتاثر لحظيا" .. بس لو لهيت عنها ثواني ..
انسى السلعة وكل شي ثاني ..




زهايمر مبكر @@





بس للامانة هالايام اذا جفت دعاية منتج ..
سيدة ادور عنه واقرا في كل مكان .. لان اغلب الدعايات القوية
تكون عن منتج متواضع !

[eXpert*]

لو الدعايات ما تأثر كان ما شفنا جامعات عريقة تدرس تخصص (تسويق) وشركات مختصة في الدعاية والأعلان .

العقل الباطن يلعب دور كبير ،، يوم تشوف دعاية عطر في الشوارع وتدخل محل عطورات من البديهي عينك بتجي على العطر اللي عينك خذت عليه .

الدعاية تمثل مثلنا الشعبي اللي يقول : (كثر الدق يفج اللاحام) .

[بنت شرق]

نعم اتأثر بس ما اشتري على طول

[معماري قطري]

بالطبع اتأثر وبالذات

الخدمات الحكومية ( اذا كنت مستفيد )
المطاعم والترفيه والسفر ( اذا يناسب ذوقي)
المسلسلات والافلام ( ع جوّي )

الدعاية والتسويق تؤثر في كل الأشخاص واكبر تسويق يصير هو تسويق الشخص لذاته وإلا ما كان عندنا أصدقاء وشركاء ولكن الخطا هو في الفهم بان التسويق كله كذب

صادق وانا مثلك واعتبر التسويق شيء مهم وذاتيا أسوِّق للشيء الزين

[معماري قطري]

اذكر كنت دوم اسمع راديو ام بي سي نورت .. وكان وقتها ولدي صغير وكانت تطلع دعاية أرز ابو كاس وتم معلق يبي منه ولدي ويصيح ييبوا لي أرز ابو كاس ولا ينباع في قطر كان صج ورطنا وورطتنا ام بي سي نورت