محطات وقود .. قنبله موقوته

[الوسيط العقاري]

عدد المحطات قليله جدا في قطر

حجم المحطات صغير جدا

مداخل ومخارج المحطات كلها غلط لدرجه ان اغلبيه الازدحام في المحطات يوصل للطريق الرئيسي العام


التعليق لكم

[jajassim]

عادي عيل اشلون نربح وقود ،، لازم نقطع ارزاق الغير :rolleyes2:

[JN000N]

اقوى محطة اللي عند دوار عبدالغني
تحفة التخطيط :)

[Riku3]

انا ما ادري مين قالهم بعدو المحطات عن الشارع مع مدخل طويل واخرتها خل المدخل حق سيارتين علشان الكل يعلق عليه @_@ .

[بريق الحق]

وقود والمصمم يحتاجون رئيس كوريا الشمالية يتفاهم معاهم

[GENIUS]

بعض المحطات اللي فيها ديزل تعال شوف طابور الشاحنات فيها يغلق المدخل بالكامل لدرجة تخليك تكمل طريقك وتتجنب المحطة.

[شموخ دائم]

,

,

مرحبا

اعتقد بيحتاجون 4 سنوات قادمه ايرتبون امورهم
ويصير اكتفاء بالمحطات
هم الان في ( المعمعه )
:)

الي يبي يشوف المدخل والمخرج الغلط وتضييع الوقت
يشوف محطه وقود ام قرن او الضعاين
ما اعرف اسم المحطه
بين مدينه الخور والدوحه على الطريق الساحلي
تخطيط رهيب
اعتقد الي خطط ما يبي حد يصب بترول
:)

,

,

[نيساني]

انا لاحظت الهوز الطويل ممكن ممكن يسبب كارثه لاقدر الله


والسبب اني شفت اكثر من واحد يحاول يزرق بين المواتر لو بالغلط حك في الهوز ياهو بيصير فلم والسبب الضيقه ارض الله واسعه
بس مادري ليش يحبون الضيقه

بالاضافه لماتفظلوا فيه الاخوان والله معاناه


وشكراً

[معماري قطري]

عن محطات وقود ضيقة بالعكس واسعة وكبيرة لكن توزيعها غلط ومداخلها غلط وطويلة وبعيدة عن الشارع

حطيت صور لمحطات في بعض الدول بعضها جوية وبعضها من تصويري .. بس موزعة صح ولا تستوي عندها زحمة وقريبة من الشارع وبعضها مدخلها ومخرجها واحد وواسع متصل مع الشارع لكن حجمها صغير وعدد المضخات قليل

[مستثمر_]

تعال شوف محطه معيذر الجنوبي على طريق السيليه امتداد طريق الوعب غرب نادي معيذر الرياضي حدث ولا حرج

[مضارب دوسري]

,

,

مرحبا

اعتقد بيحتاجون 4 سنوات قادمه ايرتبون امورهم
ويصير اكتفاء بالمحطات
هم الان في ( المعمعه )
:)

الي يبي يشوف المدخل والمخرج الغلط وتضييع الوقت
يشوف محطه وقود ام قرن او الضعاين
ما اعرف اسم المحطه
بين مدينه الخور والدوحه على الطريق الساحلي
تخطيط رهيب
اعتقد الي خطط ما يبي حد يصب بترول
:)

,

,

هذي اقوى محطه
الى درجة يوم عرفوا غلطتهم راحوا وسووا محطه بالجانب الاخر في سميسمه

محطة الضعاين 24 ساعه فااااضيه

[مرتبش]

الاحتكار ومايسوي

[fzaa_qatar]

المصيبه يبنون محطات تحت عمارات سكنيه مثل محطه تحت عماره فشارع الريان بعد المحكمه الشرعيه استغربت من مكانها والزحمه اللي راح اتسببها للشارع ولخطرها ع سكان العماره ...

[توشيبا]

علتي في محطه وقود مشيرب وباصات كروه يصبون منها

طول الوقت الشارع الرئيسي مسكر بسببهم

لو يصير لاقدر الله حريق محد يقدر يطلع منها الا انه يترك سيارته ويشرد واهو حافي

[.قطر.]

محطه وقود اللي ف الهلال توصل الزحمه فيها لين برع المحطه*
يعني تخيلوا الشارع ثلاث حارات وبسبة زحمه المحطه يتحول حاره وحده :eek5:
وشوفوا العفسه :omen2:

[ابوالعبد]

اغلب المحطات مسببه زحمه وحوادث ومنها محطه الي جنب دوار الساعه كانك ايح الكورنيش كله حوادث

[شيخ الديرة]

يبدو البلدية ما عندها اعتراض

[الوسيط العقاري]

اغلب المحطات مسببه زحمه وحوادث ومنها محطه الي جنب دوار الساعه كانك ايح الكورنيش كله حوادث


صدقت والله

[حمد بن سعد]

تعبنا وحنا نتكلم

اهم شي الربح عندهم زحمه مهب زحمه كيفك دبر نفسك يا ايها المواطن

[khaldoon]

محطه وقود اللي ف الهلال توصل الزحمه فيها لين برع المحطه*
يعني تخيلوا الشارع ثلاث حارات وبسبة زحمه المحطه يتحول حاره وحده :eek5:
وشوفوا العفسه :omen2:

هذه اغبى محطة شوفتها و سبيت على اللي سواها....برمضان الساعه وحده ونص بالليل الطابور كبير جدا....مصخره

[ماجد البدر]

كله صايريين فنتك وغير شكل ماصدقنا تصير عندنا محطات متطورة وجميله ولكن مداخلها تعيسة جدا

كل البلدان من الشارع الرئيسي شارع موصل مباشرة الى المحطة لاصارت حوادث ولا صار شي من الي يتخيلونه

الي حاصل روحوا شوفوا المحطات طريق الشمال تاخذ جسر وترجع كم كيلو علشان تصب بترول ومضيعة للوقت و البترول من جديد
ولا يتناسب مع الخط الرئيسي كلش

وهكذا في معظم شوارع الدوحة الي فيهم محطات وقود
بس للامانه خوش ترتيب من الداخل سوبر ماركت واحد ومحلات صيانه ومسجد انتهى

احسن من محطة مدينة خليفة و المرخية و بوهامور جيش عرمرم من المحلات وهي القنبله الموقوته بالفعل
محطة البترول الي احترقت عند لاند مارك صارت ضجه وقت حدوث الكارثة حتى اليوم لم نرى شي سوى تجديد المحلات وجاري العمل لفتح المحطه من جديد بنفس الصيغه
و نفس الخطر ولا عبره ومن يعتبر
ولا حول ولا قوة الا بالله

[سليمان احمد]

(( مشكلتنا ان الحلول عندنا قائمه على ردات الفعل مو المبادرات فلذلك تاتي الحلول حلول وقتيه مبنيه على ردات الفعل وما ان تنتهي المشكله الا وترجع الامور مثل اول ))

[راعي الكورفت]

انا ادخل المحطه بعد الساعه 12 بالليل .
مافي احد ولا في زحمه .

[الوسيط العقاري]

انا ادخل المحطه بعد الساعه 12 بالليل .
مافي احد ولا في زحمه .

اكيد الناس راقده :)

[بانغ بانغ]

اقوى محطة اللي عند دوار عبدالغني
تحفة التخطيط :)

اي والله اسوا محطة

اتمنى ارسال المصمم لكوريا الشمالية يتقهوى عند بو راس

[الوسيط العقاري]

لايفوتكم وقود اللي في شارع الهندسة

[khaldoon]

يا جماعة التخطيط العمراني.... ارحمونا و وفروا محطات بترول كافيه...والله الذهاب لمحطات البترول اصبح مشقه و يحسب له حساب و نوقف بطابور مثل طابور العيش....والله عيب ....

[وسمي2016]

وقود والمصمم يحتاجون رئيس كوريا الشمالية يتفاهم معاهم

,,,:nice:,,,,,,:secret:,,,,,,:waiting:,,,,,,:playb all:,,,,,

ههههههههههه ,,,,,,:omg:,,,

[يوسف0]

اضن سبب الزحمه فمحطات وقود هي بطء مضخات الوقود فيها

ما اعرف هل المكاين الحديثه اتكون ابطأ ولا هم يجيبون مكاين تعبان ولاعشان الناس تنزل تتشرى

[bohilal191]

لايفوتكم وقود اللي في شارع الهندسة
حدث ولا حرج

اضن سبب الزحمه فمحطات وقود هي بطء مضخات الوقود فيها

ما اعرف هل المكاين الحديثه اتكون ابطأ ولا هم يجيبون مكاين تعبان ولاعشان الناس تنزل تتشرى

انا لاحظت هالشي ان العداد بطيء فلذلك اعتقد أحد الاسباب

[مضارب دوسري]

العداد بطيء بسبب العمال هم يتعمدون ذلك احيانا

لان كل مضخه فيها 3 سرعات
بطيء
وسط
سريع
دايما اتهاوش معاهم عشان يحطون سريع

[jajassim]

العداد بطيء بسبب العمال هم يتعمدون ذلك احيانا

لان كل مضخه فيها 3 سرعات
بطيء
وسط
سريع
دايما اتهاوش معاهم عشان يحطون سريع


اول مرة ادري في 3 سرعات
لهذا بيحطون بطي حتى العامل يرتاح

وشكرا لك

[bohilal191]

العداد بطيء بسبب العمال هم يتعمدون ذلك احيانا

لان كل مضخه فيها 3 سرعات
بطيء
وسط
سريع
دايما اتهاوش معاهم عشان يحطون سريع

زين بلغتنا عيل عشان اعرف جزاك الله خير

[يوسف0]

العداد بطيء بسبب العمال هم يتعمدون ذلك احيانا

لان كل مضخه فيها 3 سرعات
بطيء
وسط
سريع
دايما اتهاوش معاهم عشان يحطون سريع

يعطيك العافيه يجزاك ربي كل خير على المعلومه الجديده والمفيده

والله موضوع غريب عجيب وش السبب الي يخلونها بطيئه اذا عندك خلفيه عن الموضوع ؟

[بانغ بانغ]

العداد بطيء بسبب العمال هم يتعمدون ذلك احيانا

لان كل مضخه فيها 3 سرعات
بطيء
وسط
سريع
دايما اتهاوش معاهم عشان يحطون سريع

معقووول ؟

[MAZEN37]

لمعلوماتك البطيء افضلهم ويعطيك اللترات صح

[مضارب دوسري]

كلهم نفس الشي اخوي مازن يعطونك اللترات بنفس المقاييس سواء بطيء او وسط او سريع


استغربت انها معلومه جديده ان المضخات في كل محطات البترول سواء وقود ولا غيرها تكون ب 3 سرعات

بطيء
وسط
سريع

دايما اذا يبون الراحه يحطون وسط

لذلك احيانا يحصل تاخير

هذا غير التخطيط مش حالك
وامور اخرى متراكمه

[مضارب دوسري]

يعطيك العافيه يجزاك ربي كل خير على المعلومه الجديده والمفيده

والله موضوع غريب عجيب وش السبب الي يخلونها بطيئه اذا عندك خلفيه عن الموضوع ؟
الله يعافيك
ويجزاك ربي بمثله
نفس السبب
كان يحصل في البنوك لما تحصل زحمه في فرع مجمع

الموظف يريح نفسي ويخلص كل عميل ببطئ

يعني يريحون نفسهم

[مضارب دوسري]

هذي بالسرعه الوسط

لاحظوا المقبض

http://gulf-up.com/do.php?img=152742 (http://gulf-up.com/)


هذا النمط السريع
لاحظوا المقبض

http://gulf-up.com/do.php?img=152743 (http://gulf-up.com/)

[مضارب دوسري]

اول مرة ادري في 3 سرعات
لهذا بيحطون بطي حتى العامل يرتاح

وشكرا لك


زين بلغتنا عيل عشان اعرف جزاك الله خير

الله يجزاكم بمثله

[Fahad Alqahtani]

ازعجونا بمحاربة الاحتكار ومحاربة الاحتكار.. اذا بتخلي القانون يسمح بالاحتكار لا تدوشنا بمكافحة الاحتكار ..

وقود عندهم مشكلة في توزيع المحطات .. من شفت المحطات اللي على شارع سلوى وانا غاسل يدي منهم .. انتقلوا للمدن وسببوا زحمة مزعجة وصلت لتسكير الشوارع اللي صوب المحطة ..
يا اخي حطوا معايير للسلامة والجودة واي شخص يبي يفتح له محطة لازم يلتزم بالمعايير وتخلونه يدفع لكم رسوم التفتيش والمعاينة والموافقة .
بس المصيبة اذا معاييركم اي كلام .. شابكين المحلات بالمضخات ومافيه مساحة بينهم..
يوم الخميس بغيت اعبي من محطة وقود اللي ورى مستشفى العمادي يوم جيت الا زحمة مسكره الشارع وغيرت قلت بروح للمحطة اللي عند لفة مستشفى العمادي الا هي مسكره ورحت لمحطة راس بو عبود الا والزحمة مسكره الشارع واخيرا رحت للمحطة اللي برج الجيدة وبعد انتظار عبينا ..واللهم لك الحمد والشكر .. بغيت اسجد سجود الشكر يا جماعة

[MAZEN37]

كلهم نفس الشي اخوي مازن يعطونك اللترات بنفس المقاييس سواء بطيء او وسط او سريع


استغربت انها معلومه جديده ان المضخات في كل محطات البترول سواء وقود ولا غيرها تكون ب 3 سرعات

بطيء
وسط
سريع

دايما اذا يبون الراحه يحطون وسط

لذلك احيانا يحصل تاخير

هذا غير التخطيط مش حالك
وامور اخرى متراكمه


كلامي من واقع تجربه
يعطيك لترات صحيحه وتدفع اقل
طبعا غير ملاحظ الا اذا دققت والفرق بسيط جدا

[بومحمد المطاوعه]

جزاك الله خيرر

نزلت موضوع قديم عن المخارج والمداخل
للمحطة وضيقها

ولا في فايده كل ماشفنا محطه

سوء فالتخطيط والمداخل والمخارج ماتكفي ابد

الا كم محطه تمام

[الوسيط العقاري]

مهما نتكلم بخصوص الموضوع هذا التخبط سيستمر مع وقود

معقولة ولا محطة عدلة كلها سلبيات مافيها شي إيجابي غير الماركت اللي فيها فقط