مواقف مطار حمد

[جوال 11]

الانتظار في مواقف الركاب يسبب الازدحام بمطار حمد
الانتظار في مواقف الركاب يسبب الازدحام بمطار حمد
الدوحة - الراية : دعت الإدارة العامة للمرور السائقين الذين يقصدون مطار حمد الدولي إلى استخدام المواقف قصيرة الأمد لإيقاف سياراتهم بدلاً من استخدام مواقف الركاب حتى لا يتسببوا في زحام مروري بدون داع أمام صالات المطار. وقال الملازم خالد عرار الرميحي ضابط فرع الحركة المرورية بمطار حمد الدولي لـ الراية : إن المطار يضم عدداً ضخماً من المواقف طويلة الأمد التي يمكن لمستخدمي المطار إيقاف سياراتهم بها لبضعة أيام أو أسابيع، وهناك أيضاً مواقف قصيرة الأمد الحد الأقصى لإيقاف السيارات بها يصل إلى 12 ساعة، كذلك هناك مواقف الركاب وهي الموجودة أمام صالات المغادرين والقادمين ومساحة هذه المواقف وعددها محدود لأنها مخصّصة بالأساس للركاب القادمين أو المسافرين وليست لانتظار السيارات.
نشر هذا الخبر في جريدة الراية اليوم بالنسبة لهذا الموضوع كثير من السائقين يوقف سيارتة وينزل منها ويعطل الحركة وايضاً وجود التاكسي المخالف سيارات شخصية تقوم بعمل التاكسي لان الدولة بها ناس لا عمل لهم واحتمال بدون اقامة فيقومون بعمل التاكسي وتشديد الغرامة سوف يحل المشكلة اما التساهل فهو سبب هذا الازدحام

[jajassim]

سوء تخطيط المواقف ،،، هذا المهندس الي خطط ايش جنسية ووين درس ؟

[khaldoon]

اصلا مين يقدر يوقف قدام صالة المغادرون و القادمون ينتظر ....في سيارات شرطه ما تسمح الا بتنزيل الشنط بس

[يمامـة]

اصلا مين يقدر يوقف قدام صالة المغادرون و القادمون ينتظر ....في سيارات شرطه ما تسمح الا بتنزيل الشنط بس

وانت لازم اتخلينا في كل مرة نتكلم..

تتوقع من اللي بيوقف؟

اكيد اللي الشرطة ما تقدر تخالفهم......> محد بيودينا في داهية الا هو crazy

[Grnas]

الحل انك تخلي دخله الممر عشر دقايق بلاش وبعدين كل دقيقة خمس ريال..

[المبرمج صلاح]

المشكلة كلها في مواقف القادمون

المفروض ان يكون للقادمون جسر مباشر من داخل المطار الي مواقف قصيرة الامد مباشرة عشان يسهلون على الناس
ويكون واضح و ليس متاهة

الحاصل الان لو انا انتظرت في مواقف قصيرة الامد قريبي اللي خارج من المطار سوف يخرج للشارع ثم اتصل له واخبره انه يعبر الشارع والسيارات الي الباب المقابل صالة رقم 2 ثم يدخل صالة انتظار ثم يسير مباشرة ثم ياخد الباب اللي عاليسار حتى يخرج للمواقف قصيرة الامد

الحل انه يكون فيه جسر مباشر مخرجه يكون عالمواقف مباشرة او عالاقل صالة انتظار في المواقف

[راعي الكورفت]

اعتقد ان محد يصف في المواقف لأنها بفلوس .

[ya3coub]

المواقف كافية بس البشر للأسف و التخديد و التشغيل لكم عليه شوية اما كلشي موجود المناحس الي يعفس كلشي و بس

[جراسا]

اعتقد سبب هذه الظاهرة يعود الى منع مستقبلي و مودعي المسافرين من دخول مبنى المطار

[بانغ بانغ]

اصلا مين يقدر يوقف قدام صالة المغادرون و القادمون ينتظر ....في سيارات شرطه ما تسمح الا بتنزيل الشنط بس

شيخ خلدون تقدر اتصف عاليمين جدام القادمون اي بوابة ومحد ايكلمك .لو ساعة .

[حليتان*]

يالربع ترا صج الاجانب مايخلونهم يدخلون فيضطرون يوقفون قدام الباب

قبل لما يصير يدخلون عادي كانو يصفون فالمواقف من جي كان مافي زحمه عند الباب


الغريب واحد من الربع وقف عند الباب ركب هله وحرك صكوه مخالفه حتى بدون لايكلمونه ولا عطوه ستكرر!!!
مادري عشان عنده ستاندر يمكن ههههههه!!

[شيخ الديرة]

اما مواقف طويلة الأمد فحدث ولا حرج، تحتاج ابن بطوطة حتى يدلك على طريق دخولها، وبطوطة حتى يدلك كيف تخرج منها

[مرتبش]

الكثير يصفون عند تقاطع الباراشوت .. في ساحة واسعة جانب حائط سكن عمال المطار تجد السيارات تتنظر فيها وباعداد كبيرة..والمسافة منها الى بوابات المطار دقائق.. اللي يبي دريوله ينتظره يخليه هناك والو وانت طالع وانحلت المشكلة..لكن اللي مايتعاون ويبي يمشي وغيره ينتظر هذا مشكلته شي ثاني لا دورية ولا مواقف ممكن تحلها

[Azizuk]

يوم رجعت من السفر ولد اخوي جاي يستقبلنا وفرحان بولد عمه ان جاي من السفر في المطار مع السائق

المهم اتصلت عليه أقول له وينك ماشوفك رد علي مسكين يقول الأمن ماخلوني ادخل داخل واقف في الحر

مع العلم السائق موقف السيارة في المواقف

طيب السائق لا تخلونه يدخل هالولد الصغير وماعتبره صغير عمره 13 سنة الله يحفظه خلو يدخل

واذا الموضوع موضوع زحمه يسببونها الأجانب داخل صالة القدوم

خلو عيالنا يدخلون مهب ينطر في الحر وهو فرحان بجيت ولد عمه

شلون تبون الناس تنتظم واهم يسببون الزحمه بطريقتهم عدم دخول المستقبل داخل صالة القدوم للاستقبال ومواقفهم الصعبه تتعب وانت ادز هالعربانة لين توصل للسيارة

وانا اشوف ان اول مسار لسيارات المفروض يقفل لان خطر آمنياً

اول مسار قريب جداً عند باب خروج المسافرين

وبعدين المسافر يطّلع مايقدر يعبر الطريق عشان يوصل للمواقف بسبب السيارات

او لازم تطلع فوق بالفت عشان تعبر الممر الواصل للمواقف بعدين يمكن تنزل تحت للسيارة

يعني الموضوع مب عملي للمسافر

حتى مواقف التكسي احس مكانه جداً صغير وضيق

او لازم تكون من الطبقة المخملية عشان تفتح لك الأبواب :victory:

أرجو من هيئة الطيران المدني والمشرفين على المطار والجهات المختصة اعادة تصميم مخارج ومداخل المطار

[khaldoon]

شيخ خلدون تقدر اتصف عاليمين جدام القادمون اي بوابة ومحد ايكلمك .لو ساعة .

بل بل بل...والله ما عندي فكره.... الناس توقف علشان تنتظر القادمون ساعتين ثلاثه احيانا و ما يدفعون فلوس المواقف.....لا حول ولا قوة الا بالله

كل الشكر يا الغالي على التوضيح

[khaldoon]

وانت لازم اتخلينا في كل مرة نتكلم..

تتوقع من اللي بيوقف؟

اكيد اللي الشرطة ما تقدر تخالفهم......> محد بيودينا في داهية الا هو crazy

لسه ما وضحت الفكره يا ستو اليمامه ....مين يعني ما فهمت هههههه

كان ودي اكتب تعليق مناسب بس خلني ساكت احسن :secret:

[يمامـة]

لسه ما وضحت الفكره يا ستو اليمامه ....مين يعني ما فهمت هههههه

كان ودي اكتب تعليق مناسب بس خلني ساكت احسن :secret:

الصمت هواء الحكماء.. فانت حكيم في سكوتك ستو خلدون..
خلك ساكت في هالمواقف بتجنبنا اهوال الدنيا و مصايبها..