قطعت الكهربا بمنطقتكم؟

[الشفق الحالم]

السلام عليكم ورحمه الله..

مثل ماهو واضح بالعنوان الكهربا حاليا مقطوعه ببعض مناطق بالدوحه وبدون سابق انذار !
حد يفهمنا شسالفه! بنموت من الحر هذا وقت يقطعون فيه الكهربا الله يهديهم :(

[BoFahed]

السلام عليكم ورحمه الله..

مثل ماهو واضح بالعنوان الكهربا حاليا مقطوعه ببعض مناطق بالدوحه وبدون سابق انذار !
حد يفهمنا شسالفه! بنموت من الحر هذا وقت يقطعون فيه الكهربا الله يهديهم :(

اختي مقطوعه عندنا في ام صلال والوكره واحاول اتصل من نص ساعه بطواري كهرما يرد علي مسج عندنا مشكله بالنظام :tease::anger1:

حركات مال امها داعي علا الاقل يردون علينا بدال مسج

[نيساني]

نعم


الله المستعان

[الشفق الحالم]

هالحركه تخرب المكيفات حاولو تسكروا سوتشات البيت كلها .

[mr. abdulla]

الهلال من دون كهربا ... و ظ©ظ©ظ، عليهم ضغط ... الظاهر في عطل في محطة توليد الكهربا

[عيسى111]

نفس الشي عندنا في روضة اقديم شمالي بني هاجر مقطوعة

[فهد الخاطر]

كما هو الحال بين عام 1999 الى عام 2002

[الشفق الحالم]

الحمدلله عادت الكهربا عندنا بالثمامه .. بس الحركه صج مالها داعي ولازم تفسير وتوضيح من الساده المسؤولين لو كان الامر خارج عن ارادتهم

[@north_star@]

اي نعم كانت قاطعة بجزء من منطقة مسيمير والحمد لله رجعوها وللاسف تتصل على 991 يرد واحد بالانجليزي ويقول خلل بالنظام اتصل مرة اخرى

[شموخ دائم]

,

,



مرحبا

واضح انه عطل فني خارج عن الاراده ما دام مافي اشعار بالقطع
ان شاء الله ترجع الامور والله يعينكم في الحر شي لاطاق بدون كهرباء

الحمدالله السنوات الاخيره تطور الوضع كثيرا
وصارت الكهرباء نادر ما تنقطع بفضل من الله
والاخوان جزاهم الله خير مستمرين بالتطوير
واستبدال محطات الكهرباء القديمه
بمحطات جديده

,

,

[الشفق الحالم]

يقولون خلل بسبب ارتفاع درجات الحراره.. طيب الخلل وارد وبنسامح فيه بس عالاقل مثل ماقلت يردون على ارقام الطواري او يحطون تنبيه بموقعهم او يطرشون رسائل عالجوال يطمنوننا وقبل هذا كله المفروض يوزعون نشرات تنبيهيه بالخطوات الواجب عملها في حالة انقطاع الكهرباء المفاجي يعني اشلون نتصرف هل نبند كهربا البيت من الموزع الرئيسي ولا بس نسكر الدينما والمكيفات ولا نطنش وبس

[الشفق الحالم]

98134

من تويتر كهرماء وانستا حسن الساعي ..

[رجل الجزيرة]

http://www14.0zz0.com/2016/08/31/16/144487062.jpg (https://www.0zz0.com)

[MAZEN37]

اتصلت بمحل بالمنطقه الصناعيه قالي الكهرباء مقطوعه

[ya3coub]

غريبه توني واصل البيت من نص ساعه مافي اي شي

تصير صحيح امس و اليوم في رطوبه عالية الي يشتغلون فالبحر او فالمشاريع او تحت الأرض يحسون فيها

احس نفسي صرت مقياس للحرارة و الرطوبة تقريبا.

الله يعينكم و الحمد الله بأن كلشي تمام و تصيدنا كثير فالسايت انه تنقطع الكهربا بعض المرات حتى خمس ساعات بدون كهرب, الدولة ما قصرت عندنا كهرماء الموزعين و عندنا الشركة القطرية للكهرباء و الماء الي يسون الكهرب و يوزعونه و عندهم عده محطات اخرها الي اعلنو عنها فعمان للطواري و للخليج

و بعد عندنا راس ابو فنطاس تم توسيع و افتتاح محطتين بجانب المحطة الي موجوجة اصلن لتوليد الكهرباء و وحدة منهم تعمل بالــــ "نسيت اسمه" تحريك الماس مما يولد الكهرباء و طريقه جديدة من الحرق السابق و توليد الكهرباء بالتوربيناتو البخار.


عساهم عالقوة و الأشياء المفاجئة ما يمديهم يكتشفونها لولا انه العملاء يبلغونهم و من بعدها على حسب نشاط القسم الإعلامي و مدى جاهزية قسم الكمبيوتر لديهم بأن يحدثون الموقع و وسائل التواصل الإجتماعي لهم

[حليتان*]

اكيد انه شي مفاجئ وله الحمدلله ياجماعه من كم سنه ماسمعنى ان بتنقطع الكهربه او بيقطعونها بدون اخطار !