الجامعة الامريكية بقطر لماذا لا

[بنت شرق]

السلام عليكم
تتواجد مايسمى الجامعة الامريكية في الامارات في الكوين في مصر في لبنان
فلماذا لاتوجد جامعة امريكية بقطر

[ya3coub]

عندنا بدالها أختي بنت شرق 6 جامعات امريكية و لله الحمد

خل يعادلون شهادات عيالنا الي تغربو و ادرسو و اجتهدو و تخرجو و اهني ما عادلولهم شهادتهم الي شغال فالخاص عن طريق التصديق و الي كلش كأنه بثنوية عامة و الي راح و رجع يتغرب و يعيد الدراسة من اول و جديد بسبب بعض القرارات العشوائية و الرفض الي من غير سبب مقنع !!!

[معماري قطري]

صادق اخوي يعقوب

انا تخرجت بتخصصين قالوا لي بنعادل لك شهادة وحدة .. قلت زين وفلان راسلينه يدرس وعادلتوا له ويشتغل وفلان في التخصص الثاني في نفس الجامعة .. هنا عرفوا أني مب ساكت وعادلوا لي التخصصين

زطاطوة جنه من مخابيهم

[معماري قطري]

بنت شرق اذا بتفتتحين جامعة أمريكية سجليني شريك

[يمامـة]

هم حاطين جامعات بعينها.. والمطلوب زيادة جامعات اكثر ..

ومنا للمسؤولين يا بنت شرق

[R 7 A L]

ما نبي زيادة جامعات
نبي طلابنا يستفيدون منها أكثر من غيرهم

[كاشف الغطاء]

الجامعات الموجودة صعبة نبي جامعات في مستوى الطلاب وخصوصاً اللي يشتغلون

[Dexter]

الجامعات الموجودة صعبة نبي جامعات في مستوى الطلاب وخصوصاً اللي يشتغلون

لو الجامعة في مستوى الطالب شنو الي بيستفيده الطالب منها؟ لازم الواحد يتحدى نفسه ويشد حيله اذا يبي يطلع بفايدة حقيقية مب شهادة اي كلام

[الجـــوديّ]

شنو مميزاتها الجامعة الامريكية عن غيرها ؟

مافيه احلى من الجامعة الوطنية مع كل مشاكلها ... ماتجي عند مشاكل التغريب وغسيل المخ اللي يصاحب الجامعات الأجنبية هنيه.

[يمامـة]

لو الجامعة في مستوى الطالب شنو الي بيستفيده الطالب منها؟ لازم الواحد يتحدى نفسه ويشد حيله اذا يبي يطلع بفايدة حقيقية مب شهادة اي كلام

اعجبتني مشاركتك...

لأني في الوقت نفسه استغرب من أولياء الأمور اللي يقولون مناهج عيالنا صعبة علينا!!

فهل المطلوب ان التعليم يتقف عند حدود معرفة الوالدين؟
ولا المفروض الاجيال تواكب التطور في التعليم من كل نواحيه؟

وعلى نفس المنوال .. ناس يطالبون بجامعات سهلة.. في الوقت اللي الدولة عندها لستة
خارجية للجامعات وتمنع جامعات ثانية..

فمب عارفين شنهو يعني جامعات سهلة؟!!

[Dexter]

اعجبتني مشاركتك...

لأني في الوقت نفسه استغرب من أولياء الأمور اللي يقولون مناهج عيالنا صعبة علينا!!

فهل المطلوب ان التعليم يتقف عند حدود معرفة الوالدين؟
ولا المفروض الاجيال تواكب التطور في التعليم من كل نواحيه؟




احنا مشكلتنا الاساسية في البيئة مب في المناهج او الفرص المتوفرة

الحين اي قطري لو يبغي يشد حيله الدولة توفر له كل الفرص يدرس في قطر او برع قطر احسن الدراسات والتخصصات وعلى حسابها، وتمشي له راتب بعد وين تحصلينها ذي؟

لكن وين الطموح؟ وين الارادة والرغبة في انك تكون X او Y ؟


وعلى نفس المنوال .. ناس يطالبون بجامعات سهلة.. في الوقت اللي الدولة عندها لستة
خارجية للجامعات وتمنع جامعات ثانية..

فمب عارفين شنهو يعني جامعات سهلة؟!!


جامعة سهلة يعني مال بو تلعبين طوول السمستر لعبة ووناسة، ووقت الامتحانات تدرسين اسبوع وتنجحين.

من وجهة نظري الدراسة الجامعية الحقيقية تكون حياة بحد ذاتها، منها مشاريع عملية ملموسة ممكن تشتغل عليها لمدة شهر في السمستر او اكثر وندوات من قادة في مجال العمل الي تدرس له.. وتعاون بين الطلاب والدكتور في مشاريع جانبية لأندية او مسابقات دولية.. كلها امور شفتها بعيني ومنهم قطرين يرفعون الراس

لكن لا، الخيار الأول سهل وبدون عوار راس وفي النهاية وظيفة وراتب قوي وعيش حياتك :nice::nice:

[ذكي جدااا]

السلام عليكم
تتواجد مايسمى الجامعة الامريكية في الامارات في الكوين في مصر في لبنان
فلماذا لاتوجد جامعة امريكية بقطر

جامعة تاكسس جامعه امريكيه.
جامعه جورج تاون جامعه امريكيه
جامعة وايل كورنيل جامعه امريكيه
جامعه كالجاري ميلون كندية

[بنت شرق]

جامعة تاكسس جامعه امريكيه.
جامعه جورج تاون جامعه امريكيه
جامعة وايل كورنيل جامعه امريكيه
جامعه كالجاري ميلون كندية
لا نبغي الجامعة الي اسمها الجامعة الامريكية