هل توافق... توافقين ؟؟؟ انسهل الزواج قانونا ... كما في دوله مجاوره؟

[احمد1]

السلام عليكم ورحمة الله وبركاته ... بدون لا اطول عليكم

شرايكم في تسهيل الزواج بسن قانون يلزم بعدم التكلف والاسراف والتبذير لمنع الاحراج بالتباهي بين ... فئه من الناس يا يتزوج ويصير مديون لكم سنه قدام ويا يقول لا والله احنا مب اقل من الناس .. أي ناس تقصدهم .... ياما اعراس كان فيه من التبذير والتباهي .. يقعدلك اثنين على حاشي ... ليش اسود ... يقولك ياخي ماتعرف هاذي الكرامه .... انه ضد التكلف ومع العمل بالشيء المعقول والله المستعان ...... دوله مجاوره فرضت ان المهر مايكون اكثر من 20 الف وسلام وتفاول وتقهوى ... مع اني اقول اولم ولو بشاة ...على قد ما تقدر توفي الموجودين حقهم .. بس ماتعمل حساب قطاوة الفريج بعد ....

[Riku3]

مايصير يحطون قانون في كل شي .. حتى في حياتنا الشخصية ..

عندك فلوس تدفع خذ المبذره الي تبي 15 حفلة قبل العرس .. ماعندك لا تتقدم حق ناس يحبون المفوشر !! ..

في ناس لين اليوم تقبل مهور معقولة .. وفي ناس ماعندهم بيت ويبي يزوج بنته بـ 500 الف .

وحتى لو حطوا قانون مين الي بيوقف فلان التاجر والا الراهي انه يصرف ملايين على عرس ولده او بنته ؟ .. والا بس على الي ماعندهم واسطه بيطبق القانون @_@ .

[رآعي موآجيب]

القانون يعتبر أمر مُلزم للجميع ،ومثل هذه الامور تعتبر ثقافه وقناعه وتحتاج شخصيه قويه لا يهمها مقولة فلان قال وفلانه قالت

انا شخصيا نفذت هالمقترح في محيطي بشكل كبير ، بل وكان لي تأثير قوي على المقربين مني من ابناء عمومتي و اصدقائي وبعض معارفي

الغالبيه قاموا يقتنعون باللي اسويه

مهر معقول لا يتجاوز الـ 70 الف بأي حال من الاحوال
الرياجيل عشاء في المجلس
الغاء كل مظاهر الشو والمبالغات وشوفوفني مليونير وانا ماعندي الا راتبي
الغاء مبالغات حفلات الحريم اللي مالها سنع مثل ( حفلة ملكه / حفلة حنا / حفلة دخول العروس للبيت ) هذا كله كلام فاضي واستنزاف جائر لجيب الرجل

مابقت الا مشكله قاعة النساء ، للحين البدائل غير مجديه ولا زلنا نعاني منها

ولكن حال افضل من حال ، ناخذ قاعات ولكن ما نعطيهم الخيط والمخيط ، يعني كوشه بـ 30 الف وتلبيسه كراسي بـ 20 الف مافيه :nono:

قاعه تجمّل الضيوف وتكون بالمستوى الطيب وضيافه طيبه ومشرفه ويتعشون عليهم بالعافيه وكلن يروح لبيته

ولا عمرنا سمعنا عن زواج نجح لأن تكاليفه عاليه جدا ولا سمعنا عن زواج فشل لأن تكاليفه متواضعه


لذلك الموضوع مهم جدا ، ولكن يبقى في اطار ثقافة الشخص نفسه ، ولازم يقتنع ان كلمة ( ليلة العمر ) هي اللي بتخليه مديون ( طول العمر )

لا يظلم بنت الناس ولا يقصر في واجبها وفرحتها ، ولا يظلم عمره ويحمّل نفسه حمل ما يطيقه ولا له سنع من الاساس .

[بوجبر]

البعض يتدين من اجل شراء رقم مميز او شراء سيارة فارهة ....الخ

لكن حق الزواج يدعي بانة غير قادر ع تكاليف الزواج!!!!

[بن جعران]

انا اشوف يسهلون ويساعدون الشباب اللي ناويين ياخذون الثانيه

الواحد وده ياخذ الثانيه بس الدنيا مولعه لا في الايجارات ولا في المهور والمصاريف

[مرتبش]

المسألة تبدا بحسن الاختيار و ثانيا تدخل ولي امر الفتاة وعدم ترك الموضوع للحريم بحجة هذا شغلهم.. لازم يتدخل ويحط حدود ويسهل التكاليف المادية .

[ya3coub]

لا تعليق ياما شباب اعرفهم المهر ولا شي بس ليرة ذهب قطعه صغيرة جدا او اشياء ما تجي حتى شيء يذكر

بس العرس بنفسه بالمليون و مليون و نص توابع العرس غير حفلة الخطوبة الي تكون وقت الملجة :eek5:


انا اقول يعطوني الأرض و عقب افكر اتزوج حاليا اجمع للأثنين الزوجة و الأرض يمكن وقتها أكون جاهز

طبعا عقب ما اغير سيارتي و اخذ دراجة جديدة :shy:
و لربما اخذ ماستر طالما اني قاعد انطر

[asulaiti]

ما اعتقد أن سن القوانين راح تحكم المسألة .. الموضوع يحتاج لحملات توعية وخطب أيام الجمعة يذكر فيها الخطيب مساوئ هذا الإسراف والتبذير ..
وخطر التثقيل على الشباب بحيث يبدأ حياته الزوجية بديون على ظهره تمدد لسبع سنوات .. وقد تصل إلى عشر سنوات لما تتراكم عليه الديون ..
بسبب اضطراره لأخذ ديون جديدة بعد الزواج جراء ضيق الحالة المادية .. وهكذا ..

وفي الأخير اللي بتاكلها هي ابنتكم .. زوجها مو قادر يصرف على البيت بشكل ميسور وقد تسوء العلاقة بين الرجل وزوجته بسبب ضيق الحالة المادية .. الخ
وكم من حالة طلاق حدثت بسبب الضيق المادي ..

قبل سن القوانين في تحديد المهور وتقليل تكاليف الزواج .. لابد من حملات توعية وندوات نقاشية وبرامج حوارية تلفزيونية مكثفة ..
ولابد للدولة أن تفتح أو تسهل موافقة الزواج من الخارج .. لأن إذا الشخص يبغي يتزوج بقروض بسيطة من البنك ما راح يقدر يتزوج ..
وفي الاخير الدولة بسكوتها عن هذا الأمر هي من تجبر الواحد على الذهاب للبنوك وأخذ قرض كبير جداً ليغطي تكاليف المهر وحفلات الزواج ..

ولابد من الأباء أن يفهموا أنهم هم القادرين على تغير هذه الظاهرة ..

أنت أيها الأب .. يجب أن تتدخل ويكون لك رأي في موضوع .. يجب أن يبدأ التغيير منك أنت .. لا تقل للمتقدم ما نبغي منك مهر .. واحنا نشتري الرجال وغيره من الكلام اللي يطيب الخاطر ..
لا .. حدد له قيمة المهر وقل له: خمسين ألف بس .. أو سبعين ألف بس .. لأن لو تركت أمر تحديد المهر على الشاب اللي متقدم لإبنتك ما راح يقدر يعطيك إلي هو قادر عليه ..
لأنك حطيته في الشيمة .. وهو يعرف ويشوف مستوى المهور في قطر وين وصل .. فطبيعي علشان يتخلص من الإحراج .. راح يتسلف من البنك وفي الأخير ما سوينا شيء ..

هذه نقطة، والنقطة الأخرى هو بعد عقد القران وتسليم المهر، اعتقد أنه من الأفضل أن يقوم الأب بجس النبض عن حفلة العرس كيف ستكون ..
اذا قدر الأب أن يعرف أن زوج ابنته سوف يسحب قرض من البنك فليتدخل إذا استطاع ذلك ويمنع حدوثه .. ويحاول إقناع إبنته بأن هذا الأمر خطأ وسوف ينعكس عليها في الأول والأخير ..

هذه وجهة نظري واعتقادي من أين يبدأ الحل .. وكيف نبدأ فيه ..

[سالم الزهران]

القانون يعتبر أمر مُلزم للجميع ،ومثل هذه الامور تعتبر ثقافه وقناعه وتحتاج شخصيه قويه لا يهمها مقولة فلان قال وفلانه قالت

انا شخصيا نفذت هالمقترح في محيطي بشكل كبير ، بل وكان لي تأثير قوي على المقربين مني من ابناء عمومتي و اصدقائي وبعض معارفي

الغالبيه قاموا يقتنعون باللي اسويه

مهر معقول لا يتجاوز الـ 70 الف بأي حال من الاحوال
الرياجيل عشاء في المجلس
الغاء كل مظاهر الشو والمبالغات وشوفوفني مليونير وانا ماعندي الا راتبي
الغاء مبالغات حفلات الحريم اللي مالها سنع مثل ( حفلة ملكه / حفلة حنا / حفلة دخول العروس للبيت ) هذا كله كلام فاضي واستنزاف جائر لجيب الرجل

مابقت الا مشكله قاعة النساء ، للحين البدائل غير مجديه ولا زلنا نعاني منها

ولكن حال افضل من حال ، ناخذ قاعات ولكن ما نعطيهم الخيط والمخيط ، يعني كوشه بـ 30 الف وتلبيسه كراسي بـ 20 الف مافيه :nono:

قاعه تجمّل الضيوف وتكون بالمستوى الطيب وضيافه طيبه ومشرفه ويتعشون عليهم بالعافيه وكلن يروح لبيته

ولا عمرنا سمعنا عن زواج نجح لأن تكاليفه عاليه جدا ولا سمعنا عن زواج فشل لأن تكاليفه متواضعه


لذلك الموضوع مهم جدا ، ولكن يبقى في اطار ثقافة الشخص نفسه ، ولازم يقتنع ان كلمة ( ليلة العمر ) هي اللي بتخليه مديون ( طول العمر )

لا يظلم بنت الناس ولا يقصر في واجبها وفرحتها ، ولا يظلم عمره ويحمّل نفسه حمل ما يطيقه ولا له سنع من الاساس .

كلام من ذهب .... الغنيمة اليوم هي الرجال الكفو , لا هي الحفلة و لا القاعة

[ضوى]

اتذكر في حمله سووها نسوة فيهم خير اسمها ماهان تبارك ، مدري شصار عليها

[mubarak750]

القانون يعتبر أمر مُلزم للجميع ،ومثل هذه الامور تعتبر ثقافه وقناعه وتحتاج شخصيه قويه لا يهمها مقولة فلان قال وفلانه قالت

انا شخصيا نفذت هالمقترح في محيطي بشكل كبير ، بل وكان لي تأثير قوي على المقربين مني من ابناء عمومتي و اصدقائي وبعض معارفي

الغالبيه قاموا يقتنعون باللي اسويه

مهر معقول لا يتجاوز الـ 70 الف بأي حال من الاحوال
الرياجيل عشاء في المجلس
الغاء كل مظاهر الشو والمبالغات وشوفوفني مليونير وانا ماعندي الا راتبي
الغاء مبالغات حفلات الحريم اللي مالها سنع مثل ( حفلة ملكه / حفلة حنا / حفلة دخول العروس للبيت ) هذا كله كلام فاضي واستنزاف جائر لجيب الرجل

مابقت الا مشكله قاعة النساء ، للحين البدائل غير مجديه ولا زلنا نعاني منها

ولكن حال افضل من حال ، ناخذ قاعات ولكن ما نعطيهم الخيط والمخيط ، يعني كوشه بـ 30 الف وتلبيسه كراسي بـ 20 الف مافيه :nono:

قاعه تجمّل الضيوف وتكون بالمستوى الطيب وضيافه طيبه ومشرفه ويتعشون عليهم بالعافيه وكلن يروح لبيته

ولا عمرنا سمعنا عن زواج نجح لأن تكاليفه عاليه جدا ولا سمعنا عن زواج فشل لأن تكاليفه متواضعه


لذلك الموضوع مهم جدا ، ولكن يبقى في اطار ثقافة الشخص نفسه ، ولازم يقتنع ان كلمة ( ليلة العمر ) هي اللي بتخليه مديون ( طول العمر )

لا يظلم بنت الناس ولا يقصر في واجبها وفرحتها ، ولا يظلم عمره ويحمّل نفسه حمل ما يطيقه ولا له سنع من الاساس .

والله إنك كفو ولو بس نسبة 25% من الحال تسوي هالشكل جان الأمور بتغير عدل، والنسبة بتزيد.
كفو كفو كفو

[رجل مثالي]

السلام عليكم ورحمة الله وبركاته ... بدون لا اطول عليكم

شرايكم في تسهيل الزواج بسن قانون يلزم بعدم التكلف والاسراف والتبذير لمنع الاحراج بالتباهي بين ... فئه من الناس يا يتزوج ويصير مديون لكم سنه قدام ويا يقول لا والله احنا مب اقل من الناس .. أي ناس تقصدهم .... ياما اعراس كان فيه من التبذير والتباهي .. يقعدلك اثنين على حاشي ... ليش اسود ... يقولك ياخي ماتعرف هاذي الكرامه .... انه ضد التكلف ومع العمل بالشيء المعقول والله المستعان ...... دوله مجاوره فرضت ان المهر مايكون اكثر من 20 الف وسلام وتفاول وتقهوى ... مع اني اقول اولم ولو بشاة ...على قد ما تقدر توفي الموجودين حقهم .. بس ماتعمل حساب قطاوة الفريج بعد ....

شكرًا اخي الفاضل على موضوعك المفيد

وذلك لما يترتب على النكاح من المصالح العظيمة ، كتكثير الأمة ، وتحقيق مباهاة النبي صلى الله عليه وسلم لغيره من الأنبياء ، وتحصين الرجل والمرأة من الوقوع في المحرم . . . وغير ذلك من المصالح العظيمة .

ولكن بعض الأولياء وضعوا العقبات أمام الزواج ، وصاروا حائلا دون حصوله في كثير من الحالات.

وذلك بالمغالاة في المهر ، وطلبهم من المهر الشيء الكثير مما يعجز عنه الشاب الراغب في الزواج .

حتى صار الزواج من الأمور الشاقة جدا لدى كثير من الراغبين في الزواج .

والمهر حق مفروض للمرأة ، فرضته الشريعة الإسلامية ، ليكون تعبيرا عن رغبة الرجل فيها ، قال الله تعالى : ( وَآتُوا النِّسَاءَ صَدُقَاتِهِنَّ نِحْلَةً ) النساء /4 .

ولا يعني هذا اعتبار المرأة سلعة تباع ، بل هو رمز للتكريم والإعزاز ، ودليل على عزم الزوج على تحمل الأعباء وأداء الحقوق .

ولم يحدد الشرع المهر بمقدار معين لا يزاد عليه .

ومع ذلك فقد رَغَّب الشرع في تخفيف المهر وتيسيره .

قال النبي صَلَّى اللَّهُ عَلَيْهِ وَسَلَّمَ : (خير النكاح أيسره) رواه ابن حبان . وصححه الألباني في صحيح الجامع (3300) .

وقال صَلَّى اللَّهُ عَلَيْهِ وَسَلَّمَ : ( خير الصداق أيسره ) رواه الحاكم والبيهقي . وصححه الألباني في صحيح الجامع (3279) .

وقال النبي صلى الله عليه وسلم لرجل أراد الزواج : ( التمس ولو خاتماً من حديد ) . متفق عليه .

[بنت شرق]

اعتقد إنها ثقافة وتوعية مش قانون

[qatara]

الزواج رابط شرعي وليس رابط قانوني

ولا يجب ان يتدخل به القانون ومنذ ادخل قانون الاسره الأحوال الشخصيه والحضانه للمراه والزيجات في فشل ودمار

ولا يستمر والي قبل القانون مستمر تهدم بعد خلط القانون بالشرع والعمل بقانون الاسره واصبح الزوج من ولايه لشراكه

بدليل التقكك وكثر نسب الطلاق وستزيد ولا حل الا بارجاع الشرع البحت لان الزواج رابط شرعي وليس شركه تجاريه

ولو ضل كما كان لما وصل التبطر في المهور والشروط لهذه الدرجه فكانت المراه تطلب الستر وليس التفلسف والان لاستنادها

على الحضانه لصالحها قانونيا سيطرت على الأولاد والأولاد يلزمون الاب فبذالك هي مسيطره على الاب حتا بعد الطلاق بحجة الحضانه

وشرعا فيما سبق الولد بعد السنتين يرجع لابيه والبنت 7 سنين وترجع لابيها لاكن بعد هذا القانون بهدل الاب في أولاده وحياته وماله

لذالك تجدها تفوشر وتتشرط مقدما وضامنه النهايات لصالحها حتى لو تقصيرها واصل للسماء

وحتى لو حلو مشكله المهور فلا حل لمشاكل كثر الطلاق اذا لم يعاد
تطبيق الشرع كما كان في الزواج من بدايته لنهايته بدون أي تدخل قانوني

[كيلو حديد]

المفروض المتقدم لو طلبوا مهر مرتفع يسفههم وتنتهي السالفه

المشكله من ينتقد من يتزوجون بمهور مرتفعه يرضخ لكل القرارات وشفت هالشيء بكثير من الربع

ينتقد ينتقد ومن يتقدم :secret: يدفع ويبذر و يرضي الناس ههههه

[الماريّة]

.
.
السلام عليكم

المشكله مش هذه غلا المهور بس

المهور ممكن تنحل يا اما فعلا عوايل يحددون مهور بناتهم وهذا الي صاير
في اغلب العوايل والقبايل

المشكله هي الحياه بعد الزواج

ليش لاحظنا كثر الطلااااق وعدم تحمل المسؤوليه بين الطرفين
سوا الرجل او البنت وخصوصا الصغار في السن

نزوجهم صغااار نبغي لهم الخير والستر والعفاف لكن المشكله
مافيه تفاهم وعدم صبر وتبدا المشاكل لصغيره وتتحول لطلاق
او هجران

هذه هي اكبر المشاكل واكثرها حاليا في مجتمعنا وياليت يكون لها
حل..

وهالمشكله صارت سوا كان الزواااج مبالغ فيه او الزواااج بسيط جدا

نسأل الله السلامه والسعاده لكل المتزوجين

/
/

[احمد1]

القانون يعتبر أمر مُلزم للجميع ،ومثل هذه الامور تعتبر ثقافه وقناعه وتحتاج شخصيه قويه لا يهمها مقولة فلان قال وفلانه قالت

انا شخصيا نفذت هالمقترح في محيطي بشكل كبير ، بل وكان لي تأثير قوي على المقربين مني من ابناء عمومتي و اصدقائي وبعض معارفي

الغالبيه قاموا يقتنعون باللي اسويه

مهر معقول لا يتجاوز الـ 70 الف بأي حال من الاحوال
الرياجيل عشاء في المجلس
الغاء كل مظاهر الشو والمبالغات وشوفوفني مليونير وانا ماعندي الا راتبي
الغاء مبالغات حفلات الحريم اللي مالها سنع مثل ( حفلة ملكه / حفلة حنا / حفلة دخول العروس للبيت ) هذا كله كلام فاضي واستنزاف جائر لجيب الرجل

مابقت الا مشكله قاعة النساء ، للحين البدائل غير مجديه ولا زلنا نعاني منها

ولكن حال افضل من حال ، ناخذ قاعات ولكن ما نعطيهم الخيط والمخيط ، يعني كوشه بـ 30 الف وتلبيسه كراسي بـ 20 الف مافيه :nono:

قاعه تجمّل الضيوف وتكون بالمستوى الطيب وضيافه طيبه ومشرفه ويتعشون عليهم بالعافيه وكلن يروح لبيته

ولا عمرنا سمعنا عن زواج نجح لأن تكاليفه عاليه جدا ولا سمعنا عن زواج فشل لأن تكاليفه متواضعه


لذلك الموضوع مهم جدا ، ولكن يبقى في اطار ثقافة الشخص نفسه ، ولازم يقتنع ان كلمة ( ليلة العمر ) هي اللي بتخليه مديون ( طول العمر )

لا يظلم بنت الناس ولا يقصر في واجبها وفرحتها ، ولا يظلم عمره ويحمّل نفسه حمل ما يطيقه ولا له سنع من الاساس .

كلام من ذهب

[احمد1]

الزواج رابط شرعي وليس رابط قانوني

ولا يجب ان يتدخل به القانون ومنذ ادخل قانون الاسره الأحوال الشخصيه والحضانه للمراه والزيجات في فشل ودمار

ولا يستمر والي قبل القانون مستمر تهدم بعد خلط القانون بالشرع والعمل بقانون الاسره واصبح الزوج من ولايه لشراكه

بدليل التقكك وكثر نسب الطلاق وستزيد ولا حل الا بارجاع الشرع البحت لان الزواج رابط شرعي وليس شركه تجاريه

ولو ضل كما كان لما وصل التبطر في المهور والشروط لهذه الدرجه فكانت المراه تطلب الستر وليس التفلسف والان لاستنادها

على الحضانه لصالحها قانونيا سيطرت على الأولاد والأولاد يلزمون الاب فبذالك هي مسيطره على الاب حتا بعد الطلاق بحجة الحضانه

وشرعا فيما سبق الولد بعد السنتين يرجع لابيه والبنت 7 سنين وترجع لابيها لاكن بعد هذا القانون بهدل الاب في أولاده وحياته وماله

لذالك تجدها تفوشر وتتشرط مقدما وضامنه النهايات لصالحها حتى لو تقصيرها واصل للسماء

وحتى لو حلو مشكله المهور فلا حل لمشاكل كثر الطلاق اذا لم يعاد
تطبيق الشرع كما كان في الزواج من بدايته لنهايته بدون أي تدخل قانوني

كلام جميل .... بس حبيت انوه ان ان المهر المعقول هو تطبيق للشرع وفي حديث للرسول صل الله عليه وسلم بذلك يوم قلت سن القانون قصدت تطبيق الشرع ودايم يوم نخبط في حياتنا باي قوانين كانت عادات وتقاليد ولا امور مكتسبه ... يوم نرجع لدينا يكون هو الحل دايما .. شكرا

[احمد1]

اعتقد إنها ثقافة وتوعية مش قانون

واذا الاغلب مايبون يتثقفون ... ممكن يقنن كما صار في دوله مجاوره ويمشون عليه... السواد الاعظم منهم..

[احمد1]

شكرًا اخي الفاضل على موضوعك المفيد

وذلك لما يترتب على النكاح من المصالح العظيمة ، كتكثير الأمة ، وتحقيق مباهاة النبي صلى الله عليه وسلم لغيره من الأنبياء ، وتحصين الرجل والمرأة من الوقوع في المحرم . . . وغير ذلك من المصالح العظيمة .

ولكن بعض الأولياء وضعوا العقبات أمام الزواج ، وصاروا حائلا دون حصوله في كثير من الحالات.

وذلك بالمغالاة في المهر ، وطلبهم من المهر الشيء الكثير مما يعجز عنه الشاب الراغب في الزواج .

حتى صار الزواج من الأمور الشاقة جدا لدى كثير من الراغبين في الزواج .

والمهر حق مفروض للمرأة ، فرضته الشريعة الإسلامية ، ليكون تعبيرا عن رغبة الرجل فيها ، قال الله تعالى : ( وَآتُوا النِّسَاءَ صَدُقَاتِهِنَّ نِحْلَةً ) النساء /4 .

ولا يعني هذا اعتبار المرأة سلعة تباع ، بل هو رمز للتكريم والإعزاز ، ودليل على عزم الزوج على تحمل الأعباء وأداء الحقوق .

ولم يحدد الشرع المهر بمقدار معين لا يزاد عليه .

ومع ذلك فقد رَغَّب الشرع في تخفيف المهر وتيسيره .

قال النبي صَلَّى اللَّهُ عَلَيْهِ وَسَلَّمَ : (خير النكاح أيسره) رواه ابن حبان . وصححه الألباني في صحيح الجامع (3300) .

وقال صَلَّى اللَّهُ عَلَيْهِ وَسَلَّمَ : ( خير الصداق أيسره ) رواه الحاكم والبيهقي . وصححه الألباني في صحيح الجامع (3279) .

وقال النبي صلى الله عليه وسلم لرجل أراد الزواج : ( التمس ولو خاتماً من حديد ) . متفق عليه .

صدقت الغالي و قال صلى الله عليه وسلم : ( أقلهن مهراً أكثرهن بركة )

[Dana’1]

ضد تحديد المهر...ومع تحديد ما يخص الحفل

[qatara]

كلام جميل .... بس حبيت انوه ان ان المهر المعقول هو تطبيق للشرع وفي حديث للرسول صل الله عليه وسلم بذلك يوم قلت سن القانون قصدت تطبيق الشرع ودايم يوم نخبط في حياتنا باي قوانين كانت عادات وتقاليد ولا امور مكتسبه ... يوم نرجع لدينا يكون هو الحل دايما .. شكرا


وكذاالك انا حبيت انوه بالسبب الرئيسي و بالاسباب
المتراكمه موخرا التي أدت لكل هذه الامراض ولو دقق
انسان محايد منصف بعقلانيه بدون حساسيه لحكم بصحة
ماذكر وانت ذكرت انه كلام جميل وجزاك الله خير وما
قصدي الا الإصلاح فكلنا بمركب واحد ومجتمع واحد
وابعدنا قريب بنسب او قرابه او معرفه الله يصلح الحال

[aloosh]

والله الواحد في العرس مو مجبور يعزم الكل
والذبايح اهل قطر نادر ما يكلون منها في ها الزمن
والبعض يجي يسلم ويحرك
الافضل اذا المجلس كبير تسوي استقبال الرجال فيه وتعزم اهلك وجماعتك واهل العروس

اما بذخ على الفاضي مايصير

والله الذي لا اله الا هو

ان مهر بناتي وحده 100 ريال وحده 1000 ريال
وقلت للمعرس اذا بتدفع شي هذا راجع لك ما اتدخل فيه

والحمدلله سبحانه تسهلت الامور اللهم لك الحمد

[Mooon15]

أوافق ومع وضع قوانين تحد من الطلاق

[الصغيره]

الموضوع اذا فيه حريم ماراح يفيد أي تسهيل او تقنين حتى ام المعرس بتعطي حتى لو ما به شي المهم عرسهم احسن

يازين السعوديه مهر 50 الف للعروس وعشاء بصاله للرجال جهه والنساء جهه والسلام

اغلبيه عيالنا صاروا يتزوجون من السعوديه حتى اللي تزوجوا مره ثانيه او ثالثه من السعوديه


والساحه تشهد

[الصغيره]

والله الواحد في العرس مو مجبور يعزم الكل
والذبايح اهل قطر نادر ما يكلون منها في ها الزمن
والبعض يجي يسلم ويحرك
الافضل اذا المجلس كبير تسوي استقبال الرجال فيه وتعزم اهلك وجماعتك واهل العروس

اما بذخ على الفاضي مايصير

والله الذي لا اله الا هو

ان مهر بناتي وحده 100 ريال وحده 1000 ريال
وقلت للمعرس اذا بتدفع شي هذا راجع لك ما اتدخل فيه

والحمدلله سبحانه تسهلت الامور اللهم لك الحمد

اعرف ناس يقولون ملكنا على ريال واحسانا يقولون 120 الف لكن والله ان به اسراف وبذخ واخرتهم مطلقين بعد شهر وان كثروا سنه

[الماريّة]

الموضوع اذا فيه حريم ماراح يفيد أي تسهيل او تقنين حتى ام المعرس بتعطي حتى لو ما به شي المهم عرسهم احسن

يازين السعوديه مهر 50 الف للعروس وعشاء بصاله للرجال جهه والنساء جهه والسلام

اغلبيه عيالنا صاروا يتزوجون من السعوديه حتى اللي تزوجوا مره ثانيه او ثالثه من السعوديه


والساحه تشهد


وفيه الي يتزوجون في السعوديه يبون رخص الصالات
مش انه يتزوجون سعوديات لا كلهم قطرين ويتزوجون هناك عشان ارخص

وبالنسبه لبعض الي تزوجوا سعوديات ترى حتى السعوديه بياخذها صحيح بمهر رخيص وتكاليف رخيصه
بس لما تجي هني الدوحه تطلع طلباتها من بيت وخدم وسياره وحسبالها لقطري بنك يمشي

[JN000N]

المهر مش سبب للطلاق
مب من اهم اسبابه وان كان في حالات قليله تدخل المهر كسبب ف الطلاق
امور كثيره تؤدي للطلاق الحين حتى الكبار

بعضهم صارو اجداد وتطلقو
في قطر مب المهر الي بينعطى للبنت غالي التجهيزات هي الغاليه وهي الي عيزنا واحنا نتذابح مع المحلات عشان ينزلون فلاسعار ومحد قادر عليهم
كوشة تطلع فالسنة ست مرات تقريبا كل مره سعرها اغلى وتنخش سنه ويردون يطلعونها مره ثانيه لزباين جداد ع اساس انها يديده وبسعر اغلى
طاولات وكراسي ماتغيرت اشكالهم من ثمان سنين بس سبحان الله الفرق كان السعر النص
مستحيل ماتروح اكثر من 100 او 150 الف على قاعة
وبالنسبة للقاعات
في الفنادق وفي المجانيه وكل شخص يختار على حسب قدرته ولا يكلف الله نفسا الا وسعها
وشكثر بنات عرسو في القاعات المجانيه وحتى لو تم توفير مبالغ الا ان الخساير نفسها
بتدفع ف القاعات المجانية لقيمة العشا للضيوف والضيافة في حين ف الفندق العشا محسوب من ضمن سعر القاعة
واسعار التجهيزات وحده لان يعتمد على حجم القاعة وعدد المعازيم
لحد يقارن بينا ويين اي دولة مجاورة في موضوع اسعار الاعراس
ولحد يقول هني ارخص وهني اغلى ويرخص في بنات قطر الي هم اصلا ضحية حالهم حال الشباب ف المجتمع
تبي عرس حلو تبي تفرح وتستانس ولكن الغلاء عندنا يمنعها شتسوي يعني؟
بعدين وايد عوايل سوو تسويات واتفقو على امور العرس بينهم في الي تقاسمو المصاريف على المعرس كذا وعلى العروس كذا وفي الي عطاها 300 والا 400 وقال هذا مهرج وفلوس التجهيز وكل شي تحتاجينه وما يزيدها اكثر
وهي تتصرف على حسب المبلغ الي عندها
من البداية الاتفاق اصلا قبل كل شي
لكن لحد يحط عذر الفلوس سبب لطلاق او عزوف عن زواج
لان الفلوس تتبذر في امور وايد تافهه ماتسوى ومحد تكلم
صحيح ما ننكر ان في حديث اقلهن مهراً اكثرهن بركه بس مب معناته الي مهرها اقل من الثانيه يعني هي مابتتطلق لانها مهرها رخيص والثانيه بتتطلق لان غالي
ومافي حد جادم على زواج الا وهو مكون نفسه وعنده مبلغ موفره للزواج واموره طيبه فالشغل وراتبه يمشي
اما بيي واحد من الاساس عليه دين الموتر الي ماخذه ودين كم سفره وساحب سلفة 150 حق زواج وراتبه متقصص ويقول زوجوني! وعقب يتحلطم يبي كل شي برخيص؟ قدر ويهه يروح يدور الرخيص من برا واييبه هني ويتبهدل عقب فالصرف الي بيتفاجأ فيه

[Zarr]

السلام عليكم ورحمة الله وبركاته ... بدون لا اطول عليكم

شرايكم في تسهيل الزواج بسن قانون يلزم بعدم التكلف والاسراف والتبذير لمنع الاحراج بالتباهي بين ... فئه من الناس يا يتزوج ويصير مديون لكم سنه قدام ويا يقول لا والله احنا مب اقل من الناس .. أي ناس تقصدهم .... ياما اعراس كان فيه من التبذير والتباهي .. يقعدلك اثنين على حاشي ... ليش اسود ... يقولك ياخي ماتعرف هاذي الكرامه .... انه ضد التكلف ومع العمل بالشيء المعقول والله المستعان ...... دوله مجاوره فرضت ان المهر مايكون اكثر من 20 الف وسلام وتفاول وتقهوى ... مع اني اقول اولم ولو بشاة ...على قد ما تقدر توفي الموجودين حقهم .. بس ماتعمل حساب قطاوة الفريج بعد ....


عليكم السلام ورحمة الله وبركاته
هلا بـك اخوي احمد1 ،،

والله يا اخوي انا ضد وبالقوو بعد .. مايصير ياجماعة الخير نتدخل ونتحكم في حياة الناس ~
والزواج من اكثر الاشياء خصوصيةً ، كل بيت وضعه يختلف ، وحتى داخل البيت الواحد الوضع يختلف ..



واللي يعزز كلامه بالحديث اللي يقول : " اقلهن مهرا اكثرهن بركة "
انا مش عالم دين ولا ابي ادور على تفسير الحديث لكن من فهمي المتواضع الأغلب يستخدم هالحديث بشكل خاطئ

هالحديث المقصود به الناس اللي لين جاهم واحد عنده اخلاق ودين وسنع بس مش مقتدر يدفع مهر فوق 50 الف ردوه وقالو له سوري
بس تحت مية الف مانقدر نرضى فيك .. هني بتفق معاك اذا قلت اقلهن مهراً اكثرهن بركة ، لأن صج اللي يفكرون بهالطريقة ماتوقع فيهم خير وبركة
وترا ينقصون من قدر بنتهم بدون مايحسون ..

لكن مثلا واحد راح يطلب بنت وقالوا له المهر مية أو الف بس ، مثل ماذكر احد الأعضاء ، وبعضهم يقولون بس ريال !
بس هو - مقتدر- ومن نفسه حب يعطي نص ولا ربع مليون ، نجي نقول له هالبنت ولا هالزواج مافيه بركة !
لا والله مستحيل الدين يكون بهذي السطحية !


اما بخصوص باقي تكاليف العرس ، حتى لو تصك مليون ولا مليونين ماشوف فيها تبذير اذا كان الشخص عنده خير .!
حتى لو كان يوجد بدائل بسعر اقل ومستوى اقل ..

على سبيل المثال في صاله بـ ثلاثين الف ، وفي ب مية الف ، نفس الحجم والمساحة بس التجهيز يختلف ،
اذا واحد حجز اللي بمية بنقول عنه مبذر ؟ لان في وحده اقل وتفي بالغرض ؟؟
انزين بنفس هالمنطق المفروض الكل ياخذون استاندر ومحد ياخذ vx-r ولا vx-s ، عشان مانقول عنهم مبذرين ..

لا يباا مانقدر نحكم هالشكل ، وبعدين الله ما انعم ع الناس ورزقهم عشان يصيرون كلهم نفس المستوى ..

التبذير اللي ارفضه اللي يكون ف الأكل فقط ، من منطلق أنها نعمة وف الاخر بتنقط ف الزباله وانتو بكرامة
لكن صالة ولا طاولات ولا حتى كروت دعوه ، ماشوف فيها شي ، وكلن واستطاعته ..


والمشكلة في ناس فيهم تناقض عجيب !
يعني مثلا يقول لا تسرف ف العرس وحاول توفر قد ماتقدر حتى لو عندك فلوس ،
واذا قلت له مثلاً ابي ابني بيت ، يقول لك حتى لو حصلت شي زين دور اللي ازين منه !
انزين ليش يالحبيب ؟ يقول لان ذي بيت العمر !
يعني عادي عنده يصرف على طابوق ورمل لانه بيكون بيت العمر !
وما يبي يصرف على " انسانه بتكون شريكة العمر "
ياخي مخه تجاري ٨ سلندر هههههه



نقطه اخيرة ~~

احس السبب ورا هالقانون هم اللي يفوشرون عن طريق السلفيات وبعدين يبتلش هو والمسكينة !
مادري شقول ، بس الثواره مايبيلها قانون !



شكــراً ,’

[احمد1]

مرحبا بك الغالي .... اتفق معاك في نقاط واختلف في اخرى ... عمر المهر ما كان يقاس بقدر البنت .. بعدين انه قصدت الناس من السواد الاعظم يعني اغلبيتهم الي من عامة الشعب واحنه هل قطر عارفين بعض والظروف الي وصلنا لها ماديا .... واتفق معاك ان الي عنده ومرتاح يعطي مرته .. ليش لا بتصير شريكة حياته والجيب واحد ......
وقارنت مصاريف الزواج الي بتنصرف في ليله وتمر .... بشراء vxr او ستاندر .... اختلف معاك الموتر لو ببيعه بقط عشره وببيعه ثاني يوم .. بس مصاريف العرس لين راحت وخلص العرس ... اقعد رد السلفية كم سنه ونغص على الزوجين حياتهم من الالتزامات المادية ..

ونفس الشيء التبذير في العرس ما يقارن ببناء بيت ... البيت ذخر وبيتم لك يا تسكن فيه يا اجرته واستفدت منه ... الغالي الاختلاف لا يفسد للود قضيه ممكن تكون صح وانه غلط او العكس مشاركتك اثرت الموضوع وتسلم

[AL_MUTAEM]

الافضل التسهيل للزواج من الاجنبيه ونترك غاليات المهور في ذمة اولياء امورهن ..

[الماريّة]

^
^

تزوجوا الاجنبيه وخربوا النسل العربي

[BoFahed]

الافضل التسهيل للزواج من الاجنبيه ونترك غاليات المهور في ذمة اولياء امورهن ..

الافضل اخوي حملة وصحوة دينية وشرعية واجتماعية للاباء والامهات والمقبلين عليه من الطرفين لتشجيع الشباب على الزواج وزيادة الوعي والحس ب المسؤولية وعظم الامانه اللي يحملونها الطرفين

الواحد يسمع في المجالس او من اهل الاختصاص في المحاكم ومن شؤؤون الاسرة سوالف تحز في القلب من تفاهة وفراغ وضحالة تفكير المتزوجين هاليومين

الفاحشة انتشرت بشكل رهيب وصار فيه تساهل عجيب من انتهاك حرمات الله


الواحد بس يدخل انستغرام فضفضفة قطر ويقرى اللي ينكتب يه يصير له اكتئاب والصراحة ساعات احس انه فيلم او مسلسل رمضاني

[سالم الزهران]

تعقيب بسيط يا أخوان : تدرون مجتمعاتنا تغيرت

جيراننا مسافرين ، احنه لازم نسافر

قريبتنا غيرت كنب ، لازم نروح نغير كنب

نصرف ، ونشتري و حتى الرصة في الدواليب منظمة لأن عندنا أشياء بتغليف السوق ما فكيناها

( لماذا ؟ )

الإسراف يبدأ من حفلة الخطوبة اللي تكلف عند الطبقة الوسطى من عشرين الى ثلاثين ألف

ويستمر الى ما بعد الزواج ، و نجي نتسائل عن سبب الهموم و قلة البركة

( يا رب اصلح أحوالنا )

[بوحارب]

وفيه الي يتزوجون في السعوديه يبون رخص الصالات
مش انه يتزوجون سعوديات لا كلهم قطرين ويتزوجون هناك عشان ارخص

وبالنسبه لبعض الي تزوجوا سعوديات ترى حتى السعوديه بياخذها صحيح بمهر رخيص وتكاليف رخيصه
بس لما تجي هني الدوحه تطلع طلباتها من بيت وخدم وسياره وحسبالها لقطري بنك يمشي

يعني قصدج ان فيه قطري يروح مع زوجته لين السعودية عشان يسوي العرس هناك

بحجه ان الصاله رخيصه !!

من أين هذا الكلام يالماريه ؟

ونفس ما قالت الصغيرة اغلب الشباب صاروا يتزوجون من برع

بحجه المهور اقل والطلبات معقوله

مب عندنا تطلب اشياء حتى المليوينير ما يقدر عليها هههههههه :(

[قطريه ماركه]

انا اشووف اللي يبي الزواج الله بيسهل له
اللي عنده بيدفع و اللي ما عنده يدور بيتين ثلاث بيحصل اللي يشترون الريال و لو بالقليل

المشكلة هني اللي عنده و اللي ما عنده يفوشر و يسوي و يدفع

(( اللي عندو يلزموو و اللي ما عندوش ما يلزمووش ))

[الـقـاسـي]

حتى لو فرضوا قانون مراح يختلف الوضع كثير ,

مراح تقدر تحكم هالشي لان فيه عقليات ترفض للرفض فقط

موضوع الزواج اسهل بكثير من ما الناس يسوونه , لازم اولا تنشر في المجتمع مفهوم الزواج شنو لازم المجتمع يوعى ان الزواج مب المقصود فيه اجمع اهل قطر كلهم واقولهم شوفوا انا تزوجت

الاشهار بالزواج هو المقصد ويتم لو اجتمعوا عشر اشخاص وسويت لهم عشا وانتهى الموضوع

لما يكون ولي الامر على وعي كافي ويفكر شوي راح يحسبها صح ويشوف أثر المصاريف على بنته بعد الزواج

عن نفسي عمي جزاه الله خير انسان متفهم وواعي وكان يفكر بشي انا ماحسبت حسابه ابدا اول ماتكلمت وياه في الموضوع قالي ياولدي

شرطي الوحيد انك ماتسوي احتفالات وامور مبالغ فيها العرس في البيت فقط تكلمت انا وياه ليش يعني عرسي وابي افرح واستانس قالي اللي يصير الحين لايرضي الله ولا رسوله مبالغات واسراف

ودام البنت في ذمتي مراح اتشارك معاك في الذنب اذا طلعت من ذمتي وخذتها في البيت سو اللي تبي وتحمل الذنب وحدك ( صدمني جدا بكلامه ) وغير هذا قالي فلوسك تشقى وتتعب فيها تعطيها المحلات على شي مب دايم لك ليله وحده فقط

مع العلم الله يبارك له ويرزقه مليونير وتاجر وماعنده اي مشكله هو يسوي افخم الاعراس ولكن زوج بناته وعياله بهالطريقه , بفضل الله تزوجت وسافرت ودفعت المهر ولا اقترضت ريال واحد لله الحمد وعايش ومرتاح وعندي عيال

الغالبيه العضمى تقول المهور مشكله عن نفسي ما اشوف المهر عائق ابدا مافي مشكله تدفع 100 ولا 150 الف مهر اشوفه شي بسيط جدا في النهايه تصرف المهر هذا على نفسها لكن عندي مشكله ادفع 500 الف او اكثر في امور تافهه ماتفيدني لا انا ولا البنت اللي بتزوجها

يعني احسبها بالمنطق ادفع 800 الف ولا مليون عشان فلان يقعد في كرسي لونه مادري شلون ولا وحده تاكل اكل مادري من وين وحلويات وتوزيعات وخرابيط ليش هذا كله

افضل اعطي البنت 200 او حتى 300 الف لها تصرفها على نفسها تشتري اللي تبيه ولا اني ادفع مبالغ على قاعات وخرابيط

[بومحمد المطاوعه]

مايصير يحطون قانون في كل شي .. حتى في حياتنا الشخصية ..

عندك فلوس تدفع خذ المبذره الي تبي 15 حفلة قبل العرس .. ماعندك لا تتقدم حق ناس يحبون المفوشر !! ..

في ناس لين اليوم تقبل مهور معقولة .. وفي ناس ماعندهم بيت ويبي يزوج بنته بـ 500 الف .

وحتى لو حطوا قانون مين الي بيوقف فلان التاجر والا الراهي انه يصرف ملايين على عرس ولده او بنته ؟ .. والا بس على الي ماعندهم واسطه بيطبق القانون @_@ .


500 ألف
خل يقرطس بنته ويخزنها عنده

[بومحمد المطاوعه]

مب شرط من السعوديه ولا اي دوله ان بيحصل ارخص
او مهر قليل او مافي تبذير

الحمدلله ف قطر في عوائل ماعندهم خربطيشن الزواج
ولا مهور كثيره ،،

لكن الي يبي المفوشر والصرف حتى وين راح بيدفع ،،

الواحد يسوي الشي المعقول الي يقدر عليه ولا يبهدل نفسه على كم ساعه

لو تفرش سجاد من ذهب حق الضيوف فالاعراس بعذ بتحصل القيل والقال
وانتقادات وبر بر بر بر

ف الواحد يسوي الي يقدر عليه ويتوكل على الله ويعيش مع زوجته ولا يقصر معاها

اما الي بيحط ديون على ظهره وعقب كل ماتبي شي بيقولها ماعندي
سويت عرس ودفعت وايد

شالفايده عقب

هل المعازيم بيدفعون وبيشترون لك لو ماعندك تشتري حق زوجتك ،،


سوو وادفع على قد فلوسك ولاتهتم حق كلام الناس
خلهم يقولون الي يقولونه

[احمد1]

حتى لو فرضوا قانون مراح يختلف الوضع كثير ,

مراح تقدر تحكم هالشي لان فيه عقليات ترفض للرفض فقط

موضوع الزواج اسهل بكثير من ما الناس يسوونه , لازم اولا تنشر في المجتمع مفهوم الزواج شنو لازم المجتمع يوعى ان الزواج مب المقصود فيه اجمع اهل قطر كلهم واقولهم شوفوا انا تزوجت

الاشهار بالزواج هو المقصد ويتم لو اجتمعوا عشر اشخاص وسويت لهم عشا وانتهى الموضوع

لما يكون ولي الامر على وعي كافي ويفكر شوي راح يحسبها صح ويشوف أثر المصاريف على بنته بعد الزواج

عن نفسي عمي جزاه الله خير انسان متفهم وواعي وكان يفكر بشي انا ماحسبت حسابه ابدا اول ماتكلمت وياه في الموضوع قالي ياولدي

شرطي الوحيد انك ماتسوي احتفالات وامور مبالغ فيها العرس في البيت فقط تكلمت انا وياه ليش يعني عرسي وابي افرح واستانس قالي اللي يصير الحين لايرضي الله ولا رسوله مبالغات واسراف

ودام البنت في ذمتي مراح اتشارك معاك في الذنب اذا طلعت من ذمتي وخذتها في البيت سو اللي تبي وتحمل الذنب وحدك ( صدمني جدا بكلامه ) وغير هذا قالي فلوسك تشقى وتتعب فيها تعطيها المحلات على شي مب دايم لك ليله وحده فقط

مع العلم الله يبارك له ويرزقه مليونير وتاجر وماعنده اي مشكله هو يسوي افخم الاعراس ولكن زوج بناته وعياله بهالطريقه , بفضل الله تزوجت وسافرت ودفعت المهر ولا اقترضت ريال واحد لله الحمد وعايش ومرتاح وعندي عيال

الغالبيه العضمى تقول المهور مشكله عن نفسي ما اشوف المهر عائق ابدا مافي مشكله تدفع 100 ولا 150 الف مهر اشوفه شي بسيط جدا في النهايه تصرف المهر هذا على نفسها لكن عندي مشكله ادفع 500 الف او اكثر في امور تافهه ماتفيدني لا انا ولا البنت اللي بتزوجها

يعني احسبها بالمنطق ادفع 800 الف ولا مليون عشان فلان يقعد في كرسي لونه مادري شلون ولا وحده تاكل اكل مادري من وين وحلويات وتوزيعات وخرابيط ليش هذا كله

افضل اعطي البنت 200 او حتى 300 الف لها تصرفها على نفسها تشتري اللي تبيه ولا اني ادفع مبالغ على قاعات وخرابيط
تسلم وماقصرت كلامك ذهب

[فيصل99]

تذكرة مقولة عمر يوم كان خليفه والناس اشتكت غلاء سعر اللحم فقال ارخصوه انتم اتركوه لهم
بمعنئ انطلب منك تدفع مهر مبالغ فيه ومصاريف لها بدايه ومالها نهاية بدون داعي اترك هذا البيت
وانطر نصيب يرضيك
ولو كل معرس بعرس عمل بهذا الشرط جان شفنا كلشي بحدود المعقول
والموضوع صعب يحكمه قانون الشرع خير قانون لمن اراد تطبيقه

[Zarr]

مرحبا بك الغالي .... اتفق معاك في نقاط واختلف في اخرى ... عمر المهر ما كان يقاس بقدر البنت .. بعدين انه قصدت الناس من السواد الاعظم يعني اغلبيتهم الي من عامة الشعب واحنه هل قطر عارفين بعض والظروف الي وصلنا لها ماديا .... واتفق معاك ان الي عنده ومرتاح يعطي مرته .. ليش لا بتصير شريكة حياته والجيب واحد ......


هلا اخـوي احمد1 ، عيدك مبارك وكل عام وانت بخير ..

حـلو انا وانت متفقين ع النقطة هذي ..



وقارنت مصاريف الزواج الي بتنصرف في ليله وتمر .... بشراء vxr او ستاندر .... اختلف معاك الموتر لو ببيعه بقط عشره وببيعه ثاني يوم .. بس مصاريف العرس لين راحت وخلص العرس ... اقعد رد السلفية كم سنه ونغص على الزوجين حياتهم من الالتزامات المادية ..
ونفس الشيء التبذير في العرس ما يقارن ببناء بيت ... البيت ذخر وبيتم لك يا تسكن فيه يا اجرته واستفدت منه ...

بالنسبة لي ماعندي مانع اصرف مبلغ كبير " اذا كنت مقتدر "
حتى لو كان هالمبلغ بيروح في يوم واحد او مع انتهاء العرس

لسبب بسيط / انا ما اقيس الموضوع بالمدة الزمنية ، ولكن بمكانة هاليوم عند الطرف الثاني ..
يعني اكيد توافقني ان مكانة وأهمية يوم العرس عند البنت اكبر بمرااااحل من الشاب ،

لذلك اقول اللي عنده خير مافي مانع انه يدفع مبلغ كبير لأن هاليوم له مكانة كبيرة
وكل ما كان احلى اكيد زوجته بتستانس وتفرح اكثر ..

واعترض بشدة على اطلاق كلمة تبذير أو اسراف على هالموضوع ،،
لانك بتدفع اكثر على شي افخم واحلى ، ومثال الفكسار كان لتوضيح اعتراضي ! حاول تقراه مره ثانية اذا ماوصلك المعنى بشكل صحيح ..

نقطة ثانية ، انا بعد ارفض كلام اللي يقول عادي ادفع نص مليون على موتر لاني اقدر ابيعه ، ولكن مابصرف هالمبلغ على عرس لانها ليلة وبتعدي !
بنفس المنطق : انت لما تسافر اسبوع او اسبوعين وتصرف 50 الف مثلاً ،
اذا سألتك ليش تقط هالمبلغ على سفرة ، هل تقدر تبيع السفرة وترجع المبلغ !؟ بتقول لا بس اهم شي الواحد يستانس ويوسع صدره
(( وكذلك يوم العرس )) !!

وكل كلامي ي اخوي احمد في هالموضوع يحكمه وضع الشخص المادي ،
ولا يكلف الله نفس إلا وسعها ..


الغالي الاختلاف لا يفسد للود قضيه ممكن تكون صح وانه غلط او العكس مشاركتك اثرت الموضوع وتسلم

اكيد فديت خشمك ، رأيك ع العين والراس

وترا كلامك في مجمله ماقول انه غلط ، الموضوع اختلاف اراء مش اكثر ..
ربي يسلمك


شكـراً .,

[Qtr37]

اللي عنده خله يسوي
المشكلة ان اللي ما عنده لازم يحط راسه براس اللي عنده، مثل ما قال احد الاخوة، ماعنده الا راتبه ويسوي نفسه مليونير!! المحلات قاصين على الفقاره والمساكين بس،، المشكلة اصلا من الطرفين، والمشكلة متفرعه ، مشكلة الاختيار والمهر والعرس وشهر العسل والسكن ومشاكل بعد الزواج وثم لا قدّر الله الطلاق والعيال ووووووو

الله المستعان

[حبر وقرطاس]

حسب عنجهه وسطحيه البنت وعين اهلها الفارغه .
يغترون بنفسهم بعض البنات .انا اشوف الي تصر على مهر عالي هذي ما تبي زواج استقرار هذي تسعر نفسها .فلا تلوم الزوج اذا تزوج عليها بسعر اقل

[الماريّة]

يعني قصدج ان فيه قطري يروح مع زوجته لين السعودية عشان يسوي العرس هناك

بحجه ان الصاله رخيصه !!

من أين هذا الكلام يالماريه ؟


اي نعم اخوي بوحارب قطريين الزوج والزوجه ويتزوجون
في الحسا لان الصاللات هناك ارخص لهم بكثير والترتيبات وكل شي
وخصوصا اذا كانوا ابناء عمومه او من قبيله وحده ومافيها شي :)

[طلعة الروح]

الافضل بدون عرس والاشهار مطلوب المعرس يعزم ربعه والعروس بأبسط الطرق تقدر تحتفل بزواجها
وكل شي راح يكون بالاتفاق طبعا لا ضرر ولا ضرار في النهاية العبره باستمرار الزيجه ونجاحها وليس
من سوا ومن جاب ومن حط.. حلو ان الامور تكون بالمعقول وبالاتفاق المسبق ( هاي اذا افترضنا حسن الاختيار من البدايه)

[طلعة الروح]

حسب عنجهه وسطحيه البنت وعين اهلها الفارغه .
يغترون بنفسهم بعض البنات .انا اشوف الي تصر على مهر عالي هذي ما تبي زواج استقرار هذي تسعر نفسها .فلا تلوم الزوج اذا تزوج عليها بسعر اقل

ما اعتقد انه في بنت طبيعيه تصر على المهر العالي باصرار وترصد وعلني الا اذا كانت محدثة نعمة او ملعوب بمخها
نرجع ونقول ان حسن الاختيار من عدمه له دور كبير في الزواج الناجح وضروري نعرف من راح نتزوج فعليا وطريقة تفكيره كيف مب مسألة قص ولزق نفس ماهو حاصل
في اغلب الزواجات هالايام اللي أخذها تيار المظاهر والفشخره. في النهاية كل واحد عقله في راسه وهو اللي يقرر شلون يتزوج وشلون يحتفل بزواجه مب الناس ولا الاهل اللي يتحكمون بهالشي

[ابوعلي]

القانون يعتبر أمر مُلزم للجميع ،ومثل هذه الامور تعتبر ثقافه وقناعه وتحتاج شخصيه قويه لا يهمها مقولة فلان قال وفلانه قالت

انا شخصيا نفذت هالمقترح في محيطي بشكل كبير ، بل وكان لي تأثير قوي على المقربين مني من ابناء عمومتي و اصدقائي وبعض معارفي

الغالبيه قاموا يقتنعون باللي اسويه

مهر معقول لا يتجاوز الـ 70 الف بأي حال من الاحوال
الرياجيل عشاء في المجلس
الغاء كل مظاهر الشو والمبالغات وشوفوفني مليونير وانا ماعندي الا راتبي
الغاء مبالغات حفلات الحريم اللي مالها سنع مثل ( حفلة ملكه / حفلة حنا / حفلة دخول العروس للبيت ) هذا كله كلام فاضي واستنزاف جائر لجيب الرجل

مابقت الا مشكله قاعة النساء ، للحين البدائل غير مجديه ولا زلنا نعاني منها

ولكن حال افضل من حال ، ناخذ قاعات ولكن ما نعطيهم الخيط والمخيط ، يعني كوشه بـ 30 الف وتلبيسه كراسي بـ 20 الف مافيه :nono:

قاعه تجمّل الضيوف وتكون بالمستوى الطيب وضيافه طيبه ومشرفه ويتعشون عليهم بالعافيه وكلن يروح لبيته

ولا عمرنا سمعنا عن زواج نجح لأن تكاليفه عاليه جدا ولا سمعنا عن زواج فشل لأن تكاليفه متواضعه


لذلك الموضوع مهم جدا ، ولكن يبقى في اطار ثقافة الشخص نفسه ، ولازم يقتنع ان كلمة ( ليلة العمر ) هي اللي بتخليه مديون ( طول العمر )

لا يظلم بنت الناس ولا يقصر في واجبها وفرحتها ، ولا يظلم عمره ويحمّل نفسه حمل ما يطيقه ولا له سنع من الاساس .

فعلا كلام من ذهب ،

ولكن ياخوي المشكلة اذا تركنا الأمر للحريم فهنا الدمار

مثلا انا بعرس بنتي خليت المعرس براحته وعرضت ان ما يسوي العرس للحريم في قاعة ولكن في البيت وبين الاهل ويسافر بنفس اليوم

ولكن للأسف كان الرد بأن والدة المعرس تبي في قاعة وتبي وتبي وبهالحالة صعب التدخل



وعندي قناعة كلما المعرس مرتاح وماعليه التزام البنت ترتاح معاه

[طلعة الروح]

اللي عنده خله يسوي
المشكلة ان اللي ما عنده لازم يحط راسه براس اللي عنده، مثل ما قال احد الاخوة، ماعنده الا راتبه ويسوي نفسه مليونير!! المحلات قاصين على الفقاره والمساكين بس،، المشكلة اصلا من الطرفين، والمشكلة متفرعه ، مشكلة الاختيار والمهر والعرس وشهر العسل والسكن ومشاكل بعد الزواج وثم لا قدّر الله الطلاق والعيال ووووووو

الله المستعان

عشان نقدر نواجه كل المشاكل والمضاعفات الناتجه عن قرار الزواج في البداية اختار الانسان الصح واللي في قرارة نفسك راح تكون راضي ومقتنع بأن تكون معاه ع الحلوة والمرة
هاي كل المسألة تتقبل عيوبه ويتقبل عيوبك ويكون فيه بينكم جو ملائم للتفاهم والاخذ والعطاء وهاي كله تقدر تكتشفه وتعرفه قبل الزواج مايتم فعليا وبشكل مبدئي وتبقى باقي الأمور
استعدادات شخصيه ونفسيه لانجاح العلاقه وتنميتها على عاتق الزوجين في المقام الاول.

[احمد1]

عشان نقدر نواجه كل المشاكل والمضاعفات الناتجه عن قرار الزواج في البداية اختار الانسان الصح واللي في قرارة نفسك راح تكون راضي ومقتنع بأن تكون معاه ع الحلوة والمرة
هاي كل المسألة تتقبل عيوبه ويتقبل عيوبك ويكون فيه بينكم جو ملائم للتفاهم والاخذ والعطاء وهاي كله تقدر تكتشفه وتعرفه قبل الزواج مايتم فعليا وبشكل مبدئي وتبقى باقي الأمور
استعدادات شخصيه ونفسيه لانجاح العلاقه وتنميتها على عاتق الزوجين في المقام الاول.

كلام عقلاني ومعقول جدا