:: الـمدارس المستقلـه Vs المـدارس الخاصـه ::

[Charisma]

السلام عليكم ورحمة الله وبركاته






الموضوع باختصار : أيهما تفضل لأبنائك ، المدارس المستقله ام المدارس الخاصه ؟ ولماذا ؟





النقاش مفتوح في المقارنه وذكر الايجابيات والسلبيات لكل منهما .



مرحبا بالجميع .

[khaldoon]

ما راح اقدر اصوت لانه المدرستين فيهم عيوب كبيره و مزايا كبيره

سؤال جد اريد اعرف جوابه...كم نسبة الرسوب في المدارس الخاصه.... يعني بمعنى ادق هم ينجحون الطلاب و الا الطلاب ينجحون بشطارتهم ....

[بانغ بانغ]

صبحبح يا بوس

عن نفسي دخلت معظم اعيالي مستقلة وافكر في الصغار ادخلهم خاصة مستقبلا مع اني اشوف المستقة ما تفرق عن الخاصة في التخرج الا في كم شغلة ( باستثناء اللغة والثقة الاكاديمية يمكن )

انا اشوف كثير من الناس ايفكرون في الجانب الاجتماعي لابناءهم على اساس انهم في مدرسة خاصة وكثير من الطلاب يتعبون في نص المشوار ويرجعون للمستقلة وانا اعرف ناس منهم .

القضية مب قضية تعلم انجليزي وايكون بلبل بقدر قوة المخرجات التعليمية واللي مب شرط اتكون في الخاصة احسن منها في المستقلة

بعد الثانوية الاثنين بيكملون جامعة والاثنين بيتوظفون والاثنين بينطلب منهم اختبار قبول من بعض الجامعات

خاصة ان مؤخرا زادت اعداد خريجي الثانوية اللي ايدشون الشرطة او العسكرية من خلال معاهدها الممتازة ومش مطلوب لا لغة انجليزية عالية ولا شي ..... وعند التخرج بيحصلون رواتب عالية ووظائف ممتازة


الله يوفق وتشكر عالموضوع

[قطريه ماركه]

المدارس الحكوميةأفضل بكثير من جميع النواحي

[راجي الْعفو]

وعليكم السلام ورحمة الله و بركاته
ان كان القصد بالخاصة : الاجنبية غيرالعربية
فيهمني الجانب الديني والتربوي و الاجتماعي قبل التعليمي

ولذلك ( x ) بأكبر حجم ممكن تصوره عليها !!!

أما الخاصة العربية واللي فيها تشابه مع الحكومية المستقلة

فهذا ممكن يصير فيه دراسة بحسب المدرسة

متشكر يا فندم ..

[بانغ بانغ]

وعليكم السلام ورحمة الله و بركاته
ان كان القصد بالخاصة : الاجنبية غيرالعربية
فيهمني الجانب الديني والتربوي و الاجتماعي قبل التعليمي

ولذلك ( x ) بأكبر حجم ممكن تصوره عليها !!!

أما الخاصة العربية واللي فيها تشابه مع الحكومية المستقلة

فهذا ممكن يصير فيه دراسة بحسب المدرسة

متشكر يا فندم ..

صباحو يا شيخ رجرج

يعني بتدخل ولدك المصرية مثلا او السودانية ؟ مع احترامي للمدرستين طبعا

يرجى التوضيح وشكرا

[راجي الْعفو]

صباحو يا شيخ رجرج

يعني بتدخل ولدك المصرية مثلا او السودانية ؟ مع احترامي للمدرستين طبعا

يرجى التوضيح وشكرا

صباح النور بنج بنج

لا طبعا و لذلك قلت ينظر لها نظرة خاصة و أيضا يكون فيه تشابه بينهم ، يعني ع سبيل المثال لا الحصر مثل مدارس الاندلس و الفرقان سابقا ..

عفوا ^_^

[بانغ بانغ]

صباح النور بنج بنج

لا طبعا و لذلك قلت ينظر لها نظرة خاصة و أيضا يكون فيه تشابه بينهم ، يعني ع سبيل المثال لا الحصر مثل مدارس الاندلس و الفرقان سابقا ..

عفوا ^_^

شوكرن جزيلن شيخ

[راجي الْعفو]

شوكرن جزيلن شيخ

عفون كتيرن شيخنا

[الهديل]

افضل المدارس المستقله للبنات لعدم الاختلاط
طبعاً مش اي مدرسه مستقله في مدارس سمعتهم زينه
الأولاد افضل المدارس الخاصه

[JN000N]

صباحو يا شيخ رجرج

يعني بتدخل ولدك المصرية مثلا او السودانية ؟ مع احترامي للمدرستين طبعا

يرجى التوضيح وشكرا

مدرسة الحياة خاصة وادارة عربية وممتازة

[Charisma]

ما راح اقدر اصوت لانه المدرستين فيهم عيوب كبيره و مزايا كبيره

سؤال جد اريد اعرف جوابه...كم نسبة الرسوب في المدارس الخاصه.... يعني بمعنى ادق هم ينجحون الطلاب و الا الطلاب ينجحون بشطارتهم ....

صباح الخير ،

وش هي العيوب والمزايا من وجهه نظرك ؟ وبالنسبة لسؤالك ان شاءالله احد من الأعضاء يفيدنا .

[Charisma]

صبحبح يا بوس

عن نفسي دخلت معظم اعيالي مستقلة وافكر في الصغار ادخلهم خاصة مستقبلا مع اني اشوف المستقة ما تفرق عن الخاصة في التخرج الا في كم شغلة ( باستثناء اللغة والثقة الاكاديمية يمكن )

انا اشوف كثير من الناس ايفكرون في الجانب الاجتماعي لابناءهم على اساس انهم في مدرسة خاصة وكثير من الطلاب يتعبون في نص المشوار ويرجعون للمستقلة وانا اعرف ناس منهم .

القضية مب قضية تعلم انجليزي وايكون بلبل بقدر قوة المخرجات التعليمية واللي مب شرط اتكون في الخاصة احسن منها في المستقلة

بعد الثانوية الاثنين بيكملون جامعة والاثنين بيتوظفون والاثنين بينطلب منهم اختبار قبول من بعض الجامعات

خاصة ان مؤخرا زادت اعداد خريجي الثانوية اللي ايدشون الشرطة او العسكرية من خلال معاهدها الممتازة ومش مطلوب لا لغة انجليزية عالية ولا شي ..... وعند التخرج بيحصلون رواتب عالية ووظائف ممتازة


الله يوفق وتشكر عالموضوع

صباح النور مسيو بوفيصل ،

عند التفكير في المدارس الخاصه ، هل يتم الأخذ في الاعتبار مدى قوة مناهج اللغة العربيه والتربية الأسلامية ؟ ام ان التركيز فقط على اللغة الأنجليزية ؟

المدارس الخاصه ( اغلبها ) طاقم اداري وتعليمي ( أجنبي ) ، هل لهذا دور في تغيير نمط حياة الطالب / تفكير الطالب / نظرته للأمور من ناحية اجتماعيه ودينيه ؟

[Charisma]

المدارس الحكوميةأفضل بكثير من جميع النواحي

مرحبا ،


اذكري لنا بعض من هذه النواحي حتى يستطيع القارىء والمشارك الأستفاده منها .

[Charisma]

وعليكم السلام ورحمة الله و بركاته
ان كان القصد بالخاصة : الاجنبية غيرالعربية
فيهمني الجانب الديني والتربوي و الاجتماعي قبل التعليمي

ولذلك ( x ) بأكبر حجم ممكن تصوره عليها !!!

أما الخاصة العربية واللي فيها تشابه مع الحكومية المستقلة

فهذا ممكن يصير فيه دراسة بحسب المدرسة

متشكر يا فندم ..

صباح الخير مستر r .


أعتقد أن اللغة الانجليزية في المدارس المستقله مستواها ( متواضع ) ، بعكس المدارس الخاصه ، وهذا مايجذب بعض أولياء الأمور للاهتمام في موضوع اللغه على حساب الجوانب الأخرى ، كون اللغة شرط أساسي للابتعاث واكمال الدراسة الجامعيه ، هل من حلول ؟ وهل هنالك مدارس خاصه تراعي الجانب الاجتماعي والديني بالأضافة إلى مستوى عالي في تدريس اللغة الانجليزية ؟.

[Charisma]

افضل المدارس المستقله للبنات لعدم الاختلاط
طبعاً مش اي مدرسه مستقله في مدارس سمعتهم زينه
الأولاد افضل المدارس الخاصه

صباح الخير اخوي الهديل ،


اختيارك للمدرسة الخاصه بالنسبة للأولاد ، مبني على ماذا ؟ بمعنى اخر .. ماهو اهم شي في اختيار المدرسة الخاصه ؟.

وهل صحيح ان المدارس الخاصه أصبحت ربحيه بنظام ( بزنز ) بحت ، لايهتم بالمخرجات التعليميه أكثر من أهتمامه بالشفط ؟

[راجي الْعفو]

صباح الخير مستر r .


أعتقد أن اللغة الانجليزية في المدارس المستقله مستواها ( متواضع ) ، بعكس المدارس الخاصه ، وهذا مايجذب بعض أولياء الأمور للاهتمام في موضوع اللغه على حساب الجوانب الأخرى ، كون اللغة شرط أساسي للابتعاث واكمال الدراسة الجامعيه ، هل من حلول ؟ وهل هنالك مدارس خاصه تراعي الجانب الاجتماعي والديني بالأضافة إلى مستوى عالي في تدريس اللغة الانجليزية ؟.

صباح النور مc

هل صحيح ان اللغة الانجليزية مستواها متواضع لهالدرجة؟ على حسب ما سمعت ان اللغة الانجليزية تطورت كثيرا مع المدارس المستقلة
ولكن لو قلنا فعلا انها متواضعة، فبالإمكان تقوية الشخص في المعاهد خارج المدارس او توفير المدرس الخصوصي
- الحفاظ على الدين و الهوية يسوى انك تدفع روحك دونهم و تتعب -

أعتب على وزارة التعليم إنها اصلا من الاساس سمحت للناس ادخل عيالها في المدارس الاجنبية
وكان المفروض انها توفر بيئة اجادة اللغة الانجليزية في المدارس الحكومية ، شالمانع ؟

للاسف ما اعرف مدارس جمعت بين الشيئين ، ولكن لا اظن بل اقول: غير صحيح اعتقاد ان الطالب اذا ما دخل المدارس الاجنبية انه ما يقدر يطور نفسه في الانجليزية،

والمسلم حياته في مجاهدة و تعب وما بيحصل كل شي بالساهل ، لانه يراعي في كل اموره دينه

ولو قلنا انه مافي هناك حلول ابدا الا عن طريق ادخال الطالب في مثل هالمدارس:

فالدين مقدم عليها
ومن يتق الله يجعل له مخرجا
والتوفيق هو حليفه و الله بييسر اموره
والطالب ما بيموت ولا بيطلع جاهل ^_^

اما انا نحط الدين اخر الامور
ويكون جل اهتمامي ان الولد كيف يطلع بلبل في الانجليزي
فهذا الشخص اعتبره ( غير عاقل )

[مرتبش]

بما اني معارض للمدارس الخاصة رغم تحفظاتي على المدارس الحكومية ..المدارس الخاصة (الاجنبية) تدرس بلغة اجنبية ما احبذها.. معلمين هذي المدارس لي خبرة في السكن في نفس سكنهم وكانوا ناس فوضويين همهم الشرب والحفلات وما ابي عيالي يدرسونهم هالاشكال.. تبقى الحكومية غير مختلطة ومدرسينها مثلنا .

[Charisma]

صباح النور مc

هل صحيح ان اللغة الانجليزية مستواها متواضع لهالدرجة؟ على حسب ما سمعت ان اللغة الانجليزية تطورت كثيرا مع المدارس المستقلة
ولكن لو قلنا فعلا انها متواضعة، فبالإمكان تقوية الشخص في المعاهد خارج المدارس او توفير المدرس الخصوصي
- الحفاظ على الدين و الهوية يسوى انك تدفع روحك دونهم و تتعب -

أعتب على وزارة التعليم إنها اصلا من الاساس سمحت للناس ادخل عيالها في المدارس الاجنبية
وكان المفروض انها توفر بيئة اجادة اللغة الانجليزية في المدارس الحكومية ، شالمانع ؟

للاسف ما اعرف مدارس جمعت بين الشيئين ، ولكن لا اظن بل اقول: غير صحيح اعتقاد ان الطالب اذا ما دخل المدارس الاجنبية انه ما يقدر يطور نفسه في الانجليزية،

والمسلم حياته في مجاهدة و تعب وما بيحصل كل شي بالساهل ، لانه يراعي في كل اموره دينه

ولو قلنا انه مافي هناك حلول ابدا الا عن طريق ادخال الطالب في مثل هالمدارس:

فالدين مقدم عليها
ومن يتق الله يجعل له مخرجا
والتوفيق هو حليفه و الله بييسر اموره
والطالب ما بيموت ولا بيطلع جاهل ^_^

اما انا نحط الدين اخر الامور
ويكون جل اهتمامي ان الولد كيف يطلع بلبل في الانجليزي
فهذا الشخص اعتبره ( غير عاقل )

نعم تطورت وفي تطور مستمر ، وذكري بان مستواها متواضع هو مقارنة بالمدارس الأجنبيه .

واشكرك على مشاركتك ، كنت انتظر ذكر بعض النقاط وذكرتها .


:nice:

[Charisma]

بما اني معارض للمدارس الخاصة رغم تحفظاتي على المدارس الحكومية ..المدارس الخاصة (الاجنبية) تدرس بلغة اجنبية ما احبذها.. معلمين هذي المدارس لي خبرة في السكن في نفس سكنهم وكانوا ناس فوضويين همهم الشرب والحفلات وما ابي عيالي يدرسونهم هالاشكال.. تبقى الحكومية غير مختلطة ومدرسينها مثلنا .


مراحب مرتبش ،

أتفق معك ، أفضل ان يقوم على تعليم الأبناء أدارة ومعلمين من محيطنا ، نتشارك معهم في امور عديدة ( اجتماعيه ودينيه ) ، تعطي نوع من الاطمئنان على سلامة مايتلقونه من تعليم وافكار ، حتى لو كانت هنالك بعض الملاحظات ، إلا ان هذه النقطه هي من أهم النقاط ، وأهم بكثير من موضوع اللغة ، التغريب حاصل في بعض المدارس الاجنبية حتى ان بعض الطلبة أصبح نمط حياته أجنبي بامتياز ، ولنا في الاخبار بين الحين والاخر بعض التجاوزات اللتي تقوم بها هذه المدارس من نشر ثقافة تغريبيه ترسخ في الطلبه معتقدات وافكار مخالفه .


ملاحظه : المشاركه هذه تخص بعض المدارس الاجنبيه ولاتعمم على المدارس الخاصه .

[الهديل]

صباح الخير اخوي الهديل ،


اختيارك للمدرسة الخاصه بالنسبة للأولاد ، مبني على ماذا ؟ بمعنى اخر .. ماهو اهم شي في اختيار المدرسة الخاصه ؟.

وهل صحيح ان المدارس الخاصه أصبحت ربحيه بنظام ( بزنز ) بحت ، لايهتم بالمخرجات التعليميه أكثر من أهتمامه بالشفط ؟

من ناحية المستوى الأكاديمي سواء خاصه ام مستقله الأهل لازم يتعبوا مع عيالهم في الدراسه

من ناحية الاولاد
المدارس الخاصه اذا الطالب سلوكه سيّء بياخذ إنذار و بعدها طرد فتقل فيها السلوكيات السيئه
اما المدارس النموذجيه ما فيها لا إنذار ولا طرد فيكثر فيها السلوكيات الغير مرغوبه

أتمنى أكون وصلت الفكرة

[ضوى]

احب المستقلات جدا وأفضلها عالخاص

ولكن ولاعتبارات كثيره اهمها تمسكي بمدرسه الارقم الخاصة للبنات واللي هي قويه اكاديميا ودينيا حطيت بنتي الصغيرة فيها ولانها اقرب مدرسه للبيت غير سمعتها طبعا ولو الله ماكتب لها القبول في الارقم خياري بيكون المستقلات

[Charisma]

من ناحية المستوى الأكاديمي سواء خاصه ام مستقله الأهل لازم يتعبوا مع عيالهم في الدراسه

من ناحية الاولاد
المدارس الخاصه اذا الطالب سلوكه سيّء بياخذ إنذار و بعدها طرد فتقل فيها السلوكيات السيئه
اما المدارس النموذجيه ما فيها لا إنذار ولا طرد فيكثر فيها السلوكيات الغير مرغوبه

أتمنى أكون وصلت الفكرة


وصلت ، شاكر لك مشاركتك وعسى الله يحفظ لك عيالك .

[Charisma]

احب المستقلات جدا وأفضلها عالخاص

ولكن ولاعتبارات كثيره اهمها تمسكي بمدرسه الارقم الخاصة للبنات واللي هي قويه اكاديميا ودينيا حطيت بنتي الصغيرة فيها ولانها اقرب مدرسه للبيت غير سمعتها طبعا ولو الله ماكتب لها القبول في الارقم خياري بيكون المستقلات

مرحبا اختي ،

والله يحفظ لكم عيالكم ، هل توجد مدارس مثل ماوصفتي ( قوية اكاديميا ودينيا ) غير المدرسة اللي ذكرتيها ؟

[ضوى]

مرحبا اختي ،

والله يحفظ لكم عيالكم ، هل توجد مدارس مثل ماوصفتي ( قوية اكاديميا ودينيا ) غير المدرسة اللي ذكرتيها ؟

شخصيا ماعرف والله اي مدارس ، لانه الارقم من سنين كنت احاول ادخل بنتي الكبيرة فيها والله ماكتب ، اما الاولاد فكنت مرتاحه بالمستقلات والحكوميه وماكنت اشتكي من شي لذلك ماكنت ابحث عن الخاص لذلك ماعرف عن قوة المدارس الخاصه خاصه دينيا ، اتمنى للجميع التوفيق

[راجي الْعفو]

تذكرت
للبنات ، مدرسة اقرا يمدحونها

[Charisma]

شخصيا ماعرف والله اي مدارس ، لانه الارقم من سنين كنت احاول ادخل بنتي الكبيرة فيها والله ماكتب ، اما الاولاد فكنت مرتاحه بالمستقلات والحكوميه وماكنت اشتكي من شي لذلك ماكنت ابحث عن الخاص لذلك ماعرف عن قوة المدارس الخاصه خاصه دينيا ، اتمنى للجميع التوفيق

امين ،

شكرا .

[Charisma]

تذكرت
للبنات ، مدرسة اقرا يمدحونها

https://confluence.atlassian.com/s/en_GB/6220/de9b463eb65c5ca13c0266eed77e2bf49f4c6fe8.27/_/images/icons/emoticons/thumbs_up.png

[يمامـة]

بما اني جاهدت على اني الحق عيالي في ما كانت تدعى المدارس العلمية ونجحت في الحاق أربعة منهم
ومن ثم تحولت المدارس بقدرة ايادي معروفة الى مدارس مستقلة.. وتم تقليل حصص الدين واللغة العربية فيها..

اهتميت في مخرجات التعليم بما ان التعليم الديني واحد في المدارس الحكومية المستقلة او الأجنبية العالمية..
فسحبت 2 من عيالي الى مدرسة اجنبية تدرس حصص في الدين واللغة العربية.. حصص فقيرة جدا لا ترتقي للطموح..
في المقابل المستقلة لا ترتقي للطموح أيضا.. وسجلت الثالث من نعومة فكره في مدرسة اجنبية..

فاليوم لو اعادوني للوراء وخيروني ما بين المستقلة او المدارس الأجنبية
لان هناك فرق ما بين الأجنبية او الخاصة اللي اتدرس عربي..
راح اختار الأجنبية لان مخرجاتهم العلمية تختلف عن مخرجات المدارس المستقلة..

بس لازم احط مليون خط تحت طبيعة شخصية طفلي او طفلتي اذا كانوا من النوع المنفلتين المتهورين
او الهاديين الصاخين.. لان طبيعة الشخصية تلعب دور في المدارس المختلطة..

[أعمار]

المدارسة المستقلة في رايي حيث ان البيئة المحيطة تكون غالبا قريبا من ديننا وعادتنا اكثر من المدارس الخاصة التي تحاول دايم فرض رؤاها ومناهجها والتي تكون في كثير من الحالات مخالفة للدين والعرف ( اختلاط , حفلات مختلطة, دروس موسيقى , تعليم معتقدات منحرفة....الخ)

[ورد الدوحه]

انا دخلت اثنين من عيالي مدارس خاصه
والبنت في مستقله

لاحظت فرق كبير في التأسيس
طبعاً الخاصه كانت أفضل

والسلام عليكم :)

[Charisma]

بما اني جاهدت على اني الحق عيالي في ما كانت تدعى المدارس العلمية ونجحت في الحاق أربعة منهم
ومن ثم تحولت المدارس بقدرة ايادي معروفة الى مدارس مستقلة.. وتم تقليل حصص الدين واللغة العربية فيها..

اهتميت في مخرجات التعليم بما ان التعليم الديني واحد في المدارس الحكومية المستقلة او الأجنبية العالمية..
فسحبت 2 من عيالي الى مدرسة اجنبية تدرس حصص في الدين واللغة العربية.. حصص فقيرة جدا لا ترتقي للطموح..
في المقابل المستقلة لا ترتقي للطموح أيضا.. وسجلت الثالث من نعومة فكره في مدرسة اجنبية..

فاليوم لو اعادوني للوراء وخيروني ما بين المستقلة او المدارس الأجنبية
لان هناك فرق ما بين الأجنبية او الخاصة اللي اتدرس عربي..
راح اختار الأجنبية لان مخرجاتهم العلمية تختلف عن مخرجات المدارس المستقلة..

بس لازم احط مليون خط تحت طبيعة شخصية طفلي او طفلتي اذا كانوا من النوع المنفلتين المتهورين
او الهاديين الصاخين.. لان طبيعة الشخصية تلعب دور في المدارس المختلطة..


مرحبا ام خوسيه ..

في حال كان الولد في مدرسة أجنبيه ، هل المتابعه الدائمة كفيلة بحل مشكلة ترسخ بعض المفاهيم والأفكار الغربيه "هذا حاصل في المدارس الاجنبيه" ؟

[Charisma]

المدارسة المستقلة في رايي حيث ان البيئة المحيطة تكون غالبا قريبا من ديننا وعادتنا اكثر من المدارس الخاصة التي تحاول دايم فرض رؤاها ومناهجها والتي تكون في كثير من الحالات مخالفة للدين والعرف ( اختلاط , حفلات مختلطة, دروس موسيقى , تعليم معتقدات منحرفة....الخ)


شخصيا أتفق معك ، واشكرك اخوي اعمار على المشاركه .

[Charisma]

انا دخلت اثنين من عيالي مدارس خاصه
والبنت في مستقله

لاحظت فرق كبير في التأسيس
طبعاً الخاصه كانت أفضل

والسلام عليكم :)

وعليكم السلام ورحمة الله وبركاته ..


ما المقصود بالتأسيس ؟ اللغة ؟

[ضوى]

لاحظت من اغلب المشاركات مشكله التأسيس هل فعلا تقصدون اللغه !؟؟ اذا عاللغه الكل يكتسبها ويقدر يتعلمها لكن الدين واللغه العربيه اذا ضاعت شيرجعهم !؟؟ حوالي نماذج تعور القلب لانهم ركزوا على اللغه واهملوا الدين مع انه كان في محفظ يحفظهم القران بس مانفع هالشي ولا اثر في ثقافتهم الاجتبيه

[ضوى]

احد هذي النماذج عربي ماتتكلم ولا تعرف تصلي

[Charisma]

سؤال عام موجه للجميع ،


ان كنت من مؤيدي المدارس الخاصة ، فأي المدارس تنصح بها ولماذا ؟

[Charisma]

لاحظت من اغلب المشاركات مشكله التأسيس هل فعلا تقصدون اللغه !؟؟ اذا عاللغه الكل يكتسبها ويقدر يتعلمها لكن الدين واللغه العربيه اذا ضاعت شيرجعهم !؟؟ حوالي نماذج تعور القلب لانهم ركزوا على اللغه واهملوا الدين مع انه كان في محفظ يحفظهم القران بس مانفع هالشي ولا اثر في ثقافتهم الاجتبيه


احد هذي النماذج عربي ماتتكلم ولا تعرف تصلي

وجهة نظر سليمة ، واعتقد ان المقصود بالتأسيس هي اللغة ، ننتظر التعقيب .

[R 7 A L]

افضل المستقلة

خلهم مع الحكومة ابرك

[ورد الدوحه]

وعليكم السلام ورحمة الله وبركاته ..


ما المقصود بالتأسيس ؟ اللغة ؟

اخوي الكريم
انا قصدي دخلت اعيالي الاكاديمية في عمر أربع سنوات وماراحوا
الصف الاول إلا وهم يعرفون كل شي ، قراءة الأحرف بشكل صحيح
والأرقام ، وحفظ بعض سور القرآن وماتعبت أبداً في تعليمهم

على عكس البنت اللي في المستقله أطلعت من كي جي 2
ماتعرف شي
ليش؟؟!
طول الأسبوع حفلات وأغاني :)
ألحين انا أحاول أطلعها من المستقله وأدخلها الأكاديمية

وسلامتك....

[Charisma]

افضل المستقلة

خلهم مع الحكومة ابرك

مراحب اخوي رحال ، منووور .

نقدر نقول ان في انقسام واضح ( الاستطلاع ) بين مؤيدي المستقلة ومؤيدي الخاصة ، وكلن يملك أسبابة .

اشكرك على المشاركة .

[Charisma]

اخوي الكريم
انا قصدي دخلت اعيالي الاكاديمية في عمر أربع سنوات وماراحوا
الصف الاول إلا وهم يعرفون كل شي ، قراءة الأحرف بشكل صحيح
والأرقام ، وحفظ بعض سور القرآن وماتعبت أبداً في تعليمهم

على عكس البنت اللي في المستقله أطلعت من كي جي 2
ماتعرف شي
ليش؟؟!
طول الأسبوع حفلات وأغاني :)
ألحين انا أحاول أطلعها من المستقله وأدخلها الأكاديمية

وسلامتك....

شكرا على التوضيح اختي ، وصحيح التأسيس قبل المدرسة يلعب دور ، لكن للاسف اغلب الحضانات والروض اغاني وحفلات مثل ماذكرتي ( فاهمين مونتيسوري غلط ) ، والتركيز على التعليم قليل جدا .



سؤال عام موجه للجميع ،


ان كنت من مؤيدي المدارس الخاصة ، فأي المدارس تنصح بها ولماذا ؟

[يمامـة]

مرحبا ام خوسيه ..

في حال كان الولد في مدرسة أجنبيه ، هل المتابعه الدائمة كفيلة بحل مشكلة ترسخ بعض المفاهيم والأفكار الغربيه "هذا حاصل في المدارس الاجنبيه" ؟

مراحب مليون اخوي كريزما
كل ما كنت قريب من ولدك كل ما سهل عليك تستوعب الأفكار اللي يتلقاها من مدرسته..

حط في بالك شي مهم.. الطفل طفلك انت .. انت اللي تغذيه في البيت وانت اللي تشربه الدين وانت اللي تحثه على مكارم الاخلاق..
فلما يدخل عالم مب عالم بيئته.. يتصادم مع أفكار مخالفة للي تربى عليها.. فلو كنت قريب من ولدك راح تفهمه ان لهم دينهم ولي دين..
وان في أمور تجوز لهم حسب اعتقادهم المحرف وفي أمور ما تجيز لنا لأن احنا مسلمين ..

فلا تتوقع من طفل أساسه الديني سليم في البيت وهله تعبانين عليه.. انه يعتقد أفكارهم بكل سهولة..
لكن توقع ان أي طفل في البيت مب مأسس على أسس دينية ومافي شي اسمه حرام او حلال
وما في اشراف ومتابعة ومجالسة مجانسة مع الطفل.. فالطفل بيشل كل شي وبيحطه في مخه ويصعب
تغيير مفاهيمه..

حفلة الهالويين.. قلنا حق عيالنا لا.. هذي مب لنا .. لأن أساسا مب من دينهم هذا أولا
ثانيا ما يجوز احنا نركض ورى خزعبلاتهم.. وطالبنا المدرسة باحترام عقول عيالنا وكان لنا ما نريد
ولو المدرسة ما سوت اللي نبيه ( نغيب الولد في هاليوم ونفرحه بالغياب)

اسمح لي أوضح نقطة بخصوص الجزء الملون بالاحمر..
لما تكلمت عن شخصية الطفل.. لو عندي بنت شخصيتها مثل شخصيتي في أيام المراهقة
مندفعة و اجتماعية لابعد الحدود.. مستحيل ادخلها مدرسة مختلطة!! وخاصة ما عقب المرحلة الابتدائية..

لو عندي ولد عارفة طبيعة شخصيته انه يتأثر بشكل كبييير لو دخلته وشفت التأثير عليه بسحبه..
حتى لو كنا نتابعه في البيت ونكون وراه ونقعد معاه..

فاليوم لما تستشيرني وحدة عن بنتها او ولدها.. أقول هذي تنفع وهذي ما تنفع
واذا ما تقدرين اتابعينهم بشكل مستمر في المدرسة المختلطة ولا وحدة فيهم تنفع..

الاختلاط صعب ومصيبة. واحمد الله ان ربنا سلمنا منه في الأمور اللي طافت.. لكن مثل ما ذكرت
في أمور ننجبر عليها مب حبا فيها... ننجبر عليها و ايادينا على قلوبنا.. ونسأل الله التوفيق والسلامة..

[ورد الدوحه]

ليش حاطين في بالكم ان كل المدارس الخاص مختلطه؟؟!

[مخطط قطري]

مراحب مليون اخوي كريزما
كل ما كنت قريب من ولدك كل ما سهل عليك تستوعب الأفكار اللي يتلقاها من مدرسته..

حط في بالك شي مهم.. الطفل طفلك انت .. انت اللي تغذيه في البيت وانت اللي تشربه الدين وانت اللي تحثه على مكارم الاخلاق..
فلما يدخل عالم مب عالم بيئته.. يتصادم مع أفكار مخالفة للي تربى عليها.. فلو كنت قريب من ولدك راح تفهمه ان لهم دينهم ولي دين..
وان في أمور تجوز لهم حسب اعتقادهم المحرف وفي أمور ما تجيز لنا لأن احنا مسلمين ..

فلا تتوقع من طفل أساسه الديني سليم في البيت وهله تعبانين عليه.. انه يعتقد أفكارهم بكل سهولة..
لكن توقع ان أي طفل في البيت مب مأسس على أسس دينية ومافي شي اسمه حرام او حلال
وما في اشراف ومتابعة ومجالسة مجانسة مع الطفل.. فالطفل بيشل كل شي وبيحطه في مخه ويصعب
تغيير مفاهيمه..

حفلة الهالويين.. قلنا حق عيالنا لا.. هذي مب لنا .. لأن أساسا مب من دينهم هذا أولا
ثانيا ما يجوز احنا نركض ورى خزعبلاتهم.. وطالبنا المدرسة باحترام عقول عيالنا وكان لنا ما نريد
ولو المدرسة ما سوت اللي نبيه ( نغيب الولد في هاليوم ونفرحه بالغياب)

اسمح لي أوضح نقطة بخصوص الجزء الملون بالاحمر..
لما تكلمت عن شخصية الطفل.. لو عندي بنت شخصيتها مثل شخصيتي في أيام المراهقة
مندفعة و اجتماعية لابعد الحدود.. مستحيل ادخلها مدرسة مختلطة!! وخاصة ما عقب المرحلة الابتدائية..

لو عندي ولد عارفة طبيعة شخصيته انه يتأثر بشكل كبييير لو دخلته وشفت التأثير عليه بسحبه..
حتى لو كنا نتابعه في البيت ونكون وراه ونقعد معاه..

فاليوم لما تستشيرني وحدة عن بنتها او ولدها.. أقول هذي تنفع وهذي ما تنفع
واذا ما تقدرين اتابعينهم بشكل مستمر في المدرسة المختلطة ولا وحدة فيهم تنفع..

الاختلاط صعب ومصيبة. واحمد الله ان ربنا سلمنا منه في الأمور اللي طافت.. لكن مثل ما ذكرت
في أمور ننجبر عليها مب حبا فيها... ننجبر عليها و ايادينا على قلوبنا.. ونسأل الله التوفيق والسلامة..

هالمشاركه المفروض تتثبت وتنحط اول الموضوع تغريده مثبته اختصرت كل شي وماخلت لنا كلام نعقب عليه احييج واشكرك على هذا الرد الناضج الوافي الكافي

[يمامـة]

سؤال عام موجه للجميع ،


ان كنت من مؤيدي المدارس الخاصة ، فأي المدارس تنصح بها ولماذا ؟

اليوم لو بنتكلم عن التأسيس العلمي للطلاب.. هناك مدرستين هنديتين .. ومدرسة شويفات
الطلاب فيهم علميا يعدون 10 مواد في الجماعة..
من كلكلس 1 يوصل 5 وم نفيزا 1 يوصل 3 ومن أي سي تي ما ادري كم يوصل 3
يايين الجامعة وهم ماخذين مقررات منها وهم في المدرسة..

لكن لو بنتكلم دينيا وفي اللغة العربية...
للأمانة ما عندي فكرة..

لكن ارجع و أأكد ان الطالب سواء كان في مدرسة اجنبية ولا عربية فهو بحاجة الى دعم من البيت
فمن غير المعقول الطالب ما يقرى قصص عربية في البيت.. من غير المعقول الطالب ما يصلي في البيت
ومن غير المعقول الطالب ما يعرف ان الخمر حرام من البيت وان اكل الخنزير حرام وان الخنزير حيوان نجس!!

تكمن مشكلة التغريب وتغيير الأفكار لما دور البيت يكون مغيب في حياة الطفل ونبي المدرسة تسوي له كل شي..
عندي نماذج طلاب مستقلات وحكومي ما يعرفون شي في سنن الصلاة او أركانها..
تقول لي دكتورة في الدراسات الاسلامية ان خريجات مدارس مستقلة ما يعرفون شنهو يعني سنن الرواتب..
للامانة ما كنت اعرفها ( هاهاها) كنت اعرف ان الفروض وراها صلوات سنة بس ما كنت اعرف اسمها..:shy:

فتقول ما يعرفونها وما يعرفون شنهي سالفتها!!

فهل المدارس المستقلة فادتهم في حال غياب متابعة الاهل لتقييم مستوى عيالهم؟

[Charisma]

مراحب مليون اخوي كريزما
كل ما كنت قريب من ولدك كل ما سهل عليك تستوعب الأفكار اللي يتلقاها من مدرسته..

حط في بالك شي مهم.. الطفل طفلك انت .. انت اللي تغذيه في البيت وانت اللي تشربه الدين وانت اللي تحثه على مكارم الاخلاق..
فلما يدخل عالم مب عالم بيئته.. يتصادم مع أفكار مخالفة للي تربى عليها.. فلو كنت قريب من ولدك راح تفهمه ان لهم دينهم ولي دين..
وان في أمور تجوز لهم حسب اعتقادهم المحرف وفي أمور ما تجيز لنا لأن احنا مسلمين ..

فلا تتوقع من طفل أساسه الديني سليم في البيت وهله تعبانين عليه.. انه يعتقد أفكارهم بكل سهولة..
لكن توقع ان أي طفل في البيت مب مأسس على أسس دينية ومافي شي اسمه حرام او حلال
وما في اشراف ومتابعة ومجالسة مجانسة مع الطفل.. فالطفل بيشل كل شي وبيحطه في مخه ويصعب
تغيير مفاهيمه..

حفلة الهالويين.. قلنا حق عيالنا لا.. هذي مب لنا .. لأن أساسا مب من دينهم هذا أولا
ثانيا ما يجوز احنا نركض ورى خزعبلاتهم.. وطالبنا المدرسة باحترام عقول عيالنا وكان لنا ما نريد
ولو المدرسة ما سوت اللي نبيه ( نغيب الولد في هاليوم ونفرحه بالغياب)

اسمح لي أوضح نقطة بخصوص الجزء الملون بالاحمر..
لما تكلمت عن شخصية الطفل.. لو عندي بنت شخصيتها مثل شخصيتي في أيام المراهقة
مندفعة و اجتماعية لابعد الحدود.. مستحيل ادخلها مدرسة مختلطة!! وخاصة ما عقب المرحلة الابتدائية..

لو عندي ولد عارفة طبيعة شخصيته انه يتأثر بشكل كبييير لو دخلته وشفت التأثير عليه بسحبه..
حتى لو كنا نتابعه في البيت ونكون وراه ونقعد معاه..

فاليوم لما تستشيرني وحدة عن بنتها او ولدها.. أقول هذي تنفع وهذي ما تنفع
واذا ما تقدرين اتابعينهم بشكل مستمر في المدرسة المختلطة ولا وحدة فيهم تنفع..

الاختلاط صعب ومصيبة. واحمد الله ان ربنا سلمنا منه في الأمور اللي طافت.. لكن مثل ما ذكرت
في أمور ننجبر عليها مب حبا فيها... ننجبر عليها و ايادينا على قلوبنا.. ونسأل الله التوفيق والسلامة..

اشكرج على ردودج ، واثرائج للموضوع ، واسمحي لي "اطمع" واستزيد .


اتفق معاج اتفاق كلي في نقطة متابعة الأهل وتأسيسة من البيت .

لكن ذكرتي ان شخصية البنت تحدد قرار دخولها مدرسة مختلطه ، وفي اخر الموضوع ذكرتي ان في امور ننجبر عليها ، السؤال يقول : لو كانت شخصية البنت متزنه ، هل قرار دخولها مدرسة مختلطه ( امر بسيط؟ ) ، وهل فعلا مجبورين على اتخاذ مثل هالقرار ؟ بمعنى اخر ليش مب مدرسة خاصه ( بنات فقط ) ، او مدرسة مستقله ؟




اليوم لو بنتكلم عن التأسيس العلمي للطلاب.. هناك مدرستين هنديتين .. ومدرسة شويفات
الطلاب فيهم علميا يعدون 10 مواد في الجماعة..
من كلكلس 1 يوصل 5 وم نفيزا 1 يوصل 3 ومن أي سي تي ما ادري كم يوصل 3
يايين الجامعة وهم ماخذين مقررات منها وهم في المدرسة..

لكن لو بنتكلم دينيا وفي اللغة العربية...
للأمانة ما عندي فكرة..

لكن ارجع و أأكد ان الطالب سواء كان في مدرسة اجنبية ولا عربية فهو بحاجة الى دعم من البيت
فمن غير المعقول الطالب ما يقرى قصص عربية في البيت.. من غير المعقول الطالب ما يصلي في البيت
ومن غير المعقول الطالب ما يعرف ان الخمر حرام من البيت وان اكل الخنزير حرام وان الخنزير حيوان نجس!!

تكمن مشكلة التغريب وتغيير الأفكار لما دور البيت يكون مغيب في حياة الطفل ونبي المدرسة تسوي له كل شي..
عندي نماذج طلاب مستقلات وحكومي ما يعرفون شي في سنن الصلاة او أركانها..
تقول لي دكتورة في الدراسات الاسلامية ان خريجات مدارس مستقلة ما يعرفون شنهو يعني سنن الرواتب..
للامانة ما كنت اعرفها ( هاهاها) كنت اعرف ان الفروض وراها صلوات سنة بس ما كنت اعرف اسمها..:shy:

فتقول ما يعرفونها وما يعرفون شنهي سالفتها!!

فهل المدارس المستقلة فادتهم في حال غياب متابعة الاهل لتقييم مستوى عيالهم؟

سمعت عن المدارس الهنديه وكذلك مدرسة شويفات ، والكثير يمدحهم وانطباعاتهم جيدة ، اتمنى من المشاركين ذكر ايجابيات ومساوء هذه المدارس وترشيح مدارس أخرى ، النقاش في هذا الجانب يفيد الزوار أيضا .

[Charisma]

ليش حاطين في بالكم ان كل المدارس الخاص مختلطه؟؟!

نعرف ان في مدارس خاصه للبنين وكذلك للبنات ، النقاش بشكل عام عن مساوء وايجابيات كل من المدارس الخاصه والمستقله ، والخوض في نقطة المدارس المختلطه جزء من الموضوع .

نتمنى ترشيح بعض المدارس الخاصه وذكر الأنطباعات عنها .

[يمامـة]

[font="tahoma"][size="2"]

اشكرج على ردودج ، واثرائج للموضوع ، واسمحي لي "اطمع" واستزيد .


اتفق معاج اتفاق كلي في نقطة متابعة الأهل وتأسيسة من البيت .

لكن ذكرتي ان شخصية البنت تحدد قرار دخولها مدرسة مختلطه ، وفي اخر الموضوع ذكرتي ان في امور ننجبر عليها ، السؤال يقول : لو كانت شخصية البنت متزنه ، [color="#800000"]هل قرار دخولها مدرسة مختلطه ( امر بسيط؟ ) ، وهل فعلا مجبورين على اتخاذ مثل هالقرار ؟ بمعنى اخر ليش مب مدرسة خاصه ( بنات فقط ) ، او مدرسة مستقله ؟







اعفوك من الشكر.. لأن هذا واجبنا تجاه أي موضوع يطرح ويستحق النقاش..
والشكر موصول لكم ياللي تطرحون المواضيع وتتعبون على ادارتها..

بخصوص اسئلتك..

بالنسبة لي مع اني كنت ادري ان الاختلاط غلط.. بس كنت فاهمة لو لحاجة مب غلط.. الأهم ان البنت ما تتبرج وما تخالط الصبيان في المدرسة ولا في الجامعة بشكل مباشر ولا تتواصل وياهم ..فما كان يهمني أصلا الا ان تخلص دراستها بمخرجات قوية تعينها في حياتها الجامعية...> حلوو؟

انزين دام انه حلوو..

اليوم هي في جامعة مختلطة.. كنت احثها انها تحصل القبول في هالجامعات
ولما حصلت القبول صحى ضميري وقلت لها :" ماما شيصير لو رحتي جامعة قطر
اقلها مب اختلاط"
قالت لي بالحرف الواحد:" ماما فات الأوان.. جامعة قطر مب طموحي.." وحطيت نقطة وبلعت ريجي وجنيت ما صنعته يداي.. ودخلت جامعة مختلطة.. واليوم
اشوف ان الاختلاط بحد ذاته حرام.. حتى لو البنت كانت محترمة.. الموضوع صار اني انا ما علي من احترام البنت من عدمه.. علي انفذ الدين كما طلب مني .. واترك الباقي لتوافيق رب العالمين..

فاتزان البنت مهم جدا في حال هالمواقف اللي ننحط فيها ونكون احنا سبب فيها.. او بضغوط خارجية تشل سيطرتنا في التحكم على الأمور..
يعني حتى الولد ما يقل عن البنت.. فاللي محرم على البنت في الاختلاط فهو محرم على الولد.. لكن واقعنا اليوم يسحبنا للاختلاط في كل مكان.. كل عيالنا اصبحوا في أماكن مختلطة بداية من جامعتهم لين شغلهم لين سفراتهم!!

اكلمك بضمير اللي خايف من محاسبتنا على الاختلاط.. لكني ممكن تلقاني باجر لو عندي بنت غيرها اخليها في مدرسة مختلطة لعلها تطلع نفس اختها..ليقيني التام ان مخرجات المدارس تختلف حسب قوة التعليم فيها.. وشخصيا ابحث عن المخرجات اللي اشوفها قوية وتساعدهم على مسيرتهم العلمية..

أتمنى وجود مدرسة خاصة للبنات مخرجاتها قوية.. احنا في الأخير نبي الزين اللي ما يكون فيه الشين..
المدارس الأجنبية شينها الاختلاط اما علميا فهم ازين بمراحل من المستقلة..

اما بخصوص المستقلة.. بطلب من بنتي طلبت نقلها من مدرستها الأجنبية للالتحاق بأحدى المدارس المستقلة.. وافقت لها على شرط ان المدرسة
هذه تمنح الدبلومة الدولية ib بجانب دراستها للثانوية العامة القطرية.. فما كان عندي مانع ابدا انها تكون في وسط بنات دام ان المدرسة هذه راح تعطيها فرصة انها تتخرج بمخرج قوي.. فلاحظ ان مخرجات التعليم هي الأساس في قراراتي اللي اتخذتها وقد اتخذها مستقبلا..

فما يصير بنتي هذي لما كانت في المستقلة في الصف الرابع الابتدئي وكنت ناقلتها من مدرسة خاصة نظامها اجنبي.. تجيب 55 من 50 في اللغة الإنجليزية....> ولما راحت المدرسة الأجنبية قيموها طالبة في الصف الثاني الابتدائي.. وفوقه حتى نظام التعليم والمنهج مختلف نهائيا.. والتطور اللي حصل في مستوى عيالي اكاديميا
خلاني اضرب x كبير أي شي اسمه مدارس مستقلة دامها في وضعها الحالي..

فلما أتكلم في هالموضوع أتكلم وعندي عيال متخرجين من عدة أماكن ولله الحمد الله يحفظهم ويحفظ كل عيالكم ويابرك فيهم.. ولا واحد فيهم يقبل شي اسمه مدرسة مستقلة!!! ولا واحد فيهم يقبل مدرسة أي كلام.. لأنهم شافوا مخرجات التعليم في المدارس المختلفة.. وشافوا مخرجات التعليم في المدارس المستقلة.. او المدارس الخاصة .. و عرفوا يميزون الطلاب من مخرجاتهم التعليمية ويتعرفون على مدارسهم..

فخسويه اخوه الثاني قال لي لو وشو ما اتدخلينه مدرسة مستقلة وهو اللي متخرج من مدرسة مستقلة وبنسبة 98% فهل تفوقه في المدرسة المستقلة خلاه يشجعني على تسجيل خوسيه في المستقلة؟ طبعا لا.. لأنه انصدم بواقعه مقارنة بواقع الطلاب اللي متخرجين من مدارس مخرجاتها قوية..



أتمنى.. أتمنى.. أتمنى.. ان تكون هناك مدارس مستقلة بمناهج قوية تستوعب من يبحث عن مخرجات قوية لابناء قطر.. احنا ندري ان الطلاب أصحاب قدرات وفورقات في الاستيعاب.. بس ما يصير كل الطلاب في قطر يدرسون نفس المنهج ونفس الأسلوب ونفس المستوى!!

[ضوى]

مدري ليش يا يمامه مصرة على انه المدارس المستقله مخرجاتها ضعيفه ؟! بنتي خريجه مستقله بنسبه عاليه وجاها قبول في تكساس وجاها قبول في جامعه قطر طبعا انا اصريت على جامعه قطر لاني اعرف اشكثر قويه بحكم تخرجي منها ، وبنتي دائما وابدا تنصح بالمستقلات واي احد يطلب رايها تنصح بالمستقله وبقوة فأنا مب عارفه الخلل وين ؟ في حين انتي تمجدين في المدارس الخاصه وتذمين وايد بالمدارس المستقله ، ناسيه انه في وايد خريجين مستقلات حصيلنهم العلميه عاليه ومنهم بنتي ماشاء الله تبارك الله بدليل اجتيازها الايلتس والاي تي سي وكم امتحان قبول في جامعه قطر فما ادري اشلون حكمتي خريجات مستقله ومستواهم ضعيف ؟ للعلم اخوها على خطاها وماشاء الله عليه ايضا اجتازالامتحانات الحمد لله ماشوف اي فشل في مخرجات التعليم المستقل عالقل في اللي حوالي ،

[يمامـة]

هالمشاركه المفروض تتثبت وتنحط اول الموضوع تغريده مثبته اختصرت كل شي وماخلت لنا كلام نعقب عليه احييج واشكرك على هذا الرد الناضج الوافي الكافي

العفو اخوي مخطط قطري.. وجزاك الله خير على هذا التشجيع..

[يمامـة]

مدري ليش يا يمامه مصرة على انه المدارس المستقله مخرجاتها ضعيفه ؟! بنتي خريجه مستقله بنسبه عاليه وجاها قبول في تكساس وجاها قبول في جامعه قطر طبعا انا اصريت على جامعه قطر لاني اعرف اشكثر قويه بحكم تخرجي منها ، وبنتي دائما وابدا تنصح بالمستقلات واي احد يطلب رايها تنصح بالمستقله وبقوة فأنا مب عارفه الخلل وين ؟ في حين انتي تمجدين في المدارس الخاصه وتذمين وايد بالمدارس المستقله ، ناسيه انه في وايد خريجين مستقلات حصيلنهم العلميه عاليه ومنهم بنتي ماشاء الله تبارك الله بدليل اجتيازها الايلتس والاي تي سي وكم امتحان قبول في جامعه قطر فما ادري اشلون حكمتي خريجات مستقله ومستواهم ضعيف ؟ للعلم اخوها على خطاها وماشاء الله عليه ايضا اجتازالامتحانات الحمد لله ماشوف اي فشل في مخرجات التعليم المستقل عالقل في اللي حوالي ،

صباح الخير يا ام الخير عزيزتي ضوى..

في البداية خليني أوضح نقطة مهمة.. اني في الموضوع هذا حالي من حال أي عضو حب يشارك بوجهة نظره ورايه الشخصي في الاستطلاع.. ولما فضلت المدارس الأجنبية على المدارس المستقلة ما فضلتها علشان اقلل من المدارس المستقلة.. فضلتها لان صار عندي طموح اكبر لمستوى تعليمي افضل لعيالي.. وهالشي خاص فيني ولا يلزم احد بأنه يقتدي فيني.

ومن ثم اعتذر لو رايي سبب أي ضيقة لأي شخص يفضل المدارس المستقلة على المدارس الأجنبية الخاصة ..فكل ما فعلته في مشاركاتي اني تجاوبت مع الأسئلة المطروحة في الموضوع وعبرت عن وجهة نظري الخاصة والمبنية على تجارب حصيلتها كانت انطباع عام عن المدارس المستقلة و المدارس الأجنبية وعرفت الفرق ما بينها .. فمن جذيه عند المفاضلة راح افضل الأجنبية ورايي هذا يخصني ولا اجبر احد على اتباعه ...


ولا يعني اني لما افضل المدارس الأجنبية فالمدارس المستقلة ما تخرج طلاب متفوقين.. الطالب اللي يجتهد لابد انه يتفوق على مستوى مدرسته
لكني أتكلم عن النظام التعليمي في المدارس المستقلة.. هل مخرجاتها قوية؟...أقول حسب تجاربي مع عيالي لا..لأنهم هم اللي جربوا المستقلة وجربوا الخاص ..


فبنتج الله يبارك لها في حياتها و تتفوق اكثر واكثر ومنها للاعلى.. تفوقت وحصلت قبول في تكساس ( اعتقد انها حصلت قبول في كارنجي مب تكساس)
ودخلت جامعة قطر وهي متفوقة فيها.. رايها عن المستقلات له كل تقدير واحترام.. لكن في المقابل عندي عيال دخلوا جامعات المدينة التعليمية يرفضون شي اسمه مدارس مستقلة فأحد ابنائي خريج مدرسة مستقلة وبنسبة 98% ما شاء الله تبارك الرحمن ،، من دخل الجسر الاكاديمي ودرس في جامعته و تخرج بتقدير امتياز مع مرتبة الشرف ما شاء الله تبارك الرحمن وهو يرفض شي اسمه مدارس مستقلة.. فهل تفوقه في مدرسته المستقلة سبب في رفضه للمدارس المستقلة؟ ولا لأنه شاف أمور في جامعته خلته يقول لا للمدارس المستقلة؟


مرت السنين وصار لي طالب ثاني في احد الجامعات في المدينة التعليمية .. من خلالها عرفت ان الحياة في الجامعة غير عن متطلبات الجامعة.. ونوع التعليم اللي يلقاه الطالب في المدرسة له دور في راحته في الجامعة.. و عرفت ان اختبار الايلتز او الاي سي تي او السات او التوفل.. مالهم قيمة بعد قبولهم في الجامعة.. لأنهم يعتبرون بمثابة تأشيرة للقبول في الجامعة.. او تأشيرة للدخول من البوابة الرئيسية للجامعة.. بينما الحياة في الجامعة عالم ثاني .. نفس لما ناخذ تأشيرة لدخول أمريكا.. لكن الحياة في أمريكا غير عقب ما ندخلها.. وتحتاج لمتطلبات ثانية غير عن التأشيرة.


هالمتطلبات لابد ان نوفرها لعيالنا في سنوات دراستهم في المدارس علشان في الجامعة تبدأ رحلة ثانية منفصلة نهائيا عن رحلة الحصول على المتطلبات الأساسية للقبول..



اهنيه في بداية الرحلة في الجامعة وفي رحلة المسير فيها يبدأ الطالب يلتفت حوله ويقارن ما بين مخرجاته التعليمية ومخرجات الطلاب الاخرين من المدارس الثانية
وبناء عليه يا عزيزتي ضوى أقول حسب وجهة نظري وطموحي لمستقل عيالي العلمي اني ابي لهم مدارس غير عن مخرجات المدارس المستقلة..


والأسباب كثيرة ومقنعة بالنسبة لي.. وراح اعرض لج بعض منها.. بنيتج الله يحافظها اسئليها بشهادتها مالت الثانوية العامة.. كم مادة عادلوا لها إياها في جامعة قطر واذا نظام جامعة قطر ما يسمح بمعادلة الساعات( لأن ما عندي فكرة عن النظام ) .. واذا التحقت بجامعات المدينة التعليمية كم مادة ممكن يعادلون لها من هالشهادة؟.. بتقول لج ولا مادة تعادل من شهادة الثانوية العامة في مدارس قطر الحكومية..

بينما الطالب المتخرج من مدارس ذات نظام امريكي او بريطاني.. تعادل مواده وتحسب له ساعات في الجامعة ويبتدي مشواره وهو متخلص من 10 او 20 ساعة مكتسبة..حسب المواد اللي نجح فيها في الثانوية و عادلوها إياها.. و ممكن تنحذف له لابات بعد..


فاليوم بفضل دراسة ولدي حق النظام البريطاني المتمثل في IGCS و As or A level فيدرس الطالب الاي جي سي اس كتحضير في سنة 10 و في سنة 11 يدرسه بامتحان انترناشيونال وفي سنة 12 يدرس ايه اس.. لو خذ 5 مواد في الايه اس وياب تقدير C تتعادل له هالمواد.. ولو كمل دراسته حسب النظام البريطاني ب 13 سنة ودرس ايه ليفل يسقط عنه السنة التأسيسي في الجامعات البريطانية وتحسب له ساعات في الجامعات العالمية..

اما النظام الأمريكي عندهم ال IB .. وعندهم AP.. الاي بي يدرسه الطالب في سنتين وهم 11 و 12 من سنوات دراسته في المدرسة.. اما ايه بي ما عندي فكرة نظامه اشلون.. وفي كل من النظامين الإنجليزي والامريكي الطالب يتعامل معاه على انه طالب مدرسة بنظام جامعي.. يعني عنده بحوث عنده مقالات يكتبها.. وفي الاي بي عنده لابات حتى في الرياضيات عنده لابات.. فيدخل الجامعة وهو مستوعب الحياة الجامعية ويستسهل عليه الامر من بعد فضل الله عليه.. وفوقهم عنده ساعات محسوبه له...


بينما الطالب في المدارس المستقلة ماله غير علاماته ونسبته لما يخلص 12 سنة دراسة.. ويدرس من اول ويديد في الجامعة كل المواد يعني ما يعادلون له ولا مادة من المواد في الشهادة.. يعني شهادته حالها حال اختبار الايلتز.. تأشيرة عبور للجامعة فقط..


واذا طلاب المدارس الأجنبية ما عادلوا لهم المواد عند تحديد مستوياتهم الطلاب يعدون المستويات بكل سهولة.. فطلاب مدرسة شويفات يعدون كلكلس ون و تو ويمكن ثري.. وعند فور اييبون A

( على فكرة مب كل طلاب شويفات مستوياتهم عالية.. لأن عندهم نظامين نظام اختبارات انترناشيونال.. واختبارات تصصح في قطر.. فطلاب الانترناشيونال هم الأقوى )

اما طلاب المدارس الهندية مب عارفة شنهي انظمتهم.. بس الطالب يدخل الجامعة ويرص ايات في الفيزيا والكيميا و الرياضيات و الكمبيوتر واصابعه على قولة ولدي ترقص في البرمجة واحنا ياادوب نركب جملة برمجية ...ولما يسئلونهم اشلون المادة سهلة عندكم؟ يردون أصلا احنا دارسينها في المدرسة.. وعيال المدارس المستقلة تطلع روحهم ويدوب ينجحون فيها او يعيدونها ويرسبون..

اما طلاب المستقلة كثير منهم مغرزين في الجامعة ويتم تأسيسهم من اول ويديد وفي اللي ينفصل بسبب رسوبه المتكرر وفي اللي يحفظ ماي ويهه ويحول جامعة قطر ( نستثني المتفوقين بشكل كبير من طلاب المدارس المستقلة) . ... وهذا ما يعني ان ما في طلاب متفوقين من المدارس المستقلة .. بالعكس هناك طلاب قطريين او طلاب خريجي عمر بن الخطاب او البيان او آمنة متفوقين
قد يكونون متفوقين من الأساس او تفوقهم هذا احتاج لمجهود كبييير منهم في الجامعة اضعاف ما يبذله الطالب القادم من مدارس اجنبية..

فالطالب لما يدخل مثل هالاجواء وهو المتفوق في مدرسته ويشوف غيره من مدارس ثانية يعدونه بكل سهولة فهل تعتقدين بيكون بليد وبيفرح بنسبته في المدرسة المستقلة ولا بيقارن وبيفاضل عند الكلام عن المدارس المستقلة والمدارس الاجنبية؟!! فمن جذيه رافعة سقف طموحي ومتطلباتي في تعليم عيالي.. لما ارفع هالسقف لا يعني ان عيالي عباقرة او انهم في التوب :( ....ارفعه علشان ارفع من مستواهم العلمي والفكري للحاضر والمستقبل.. يعني اليوم لما يتخرج ولدي او تتخرج بنتي من مدارس مخرجاتها التعليمية عالية ويستوعبون أهمية هالمخرجات في الجامعة ان شاء الله يكون لهم دور في تطوير التعليم في قطر.. أتمنى يا ضوى مدارسنا المستقلة تواكب أنظمة التعليم في المدارس الأجنبية.. وطلاب المدارس المستقلة ونظامها التعليمي يوازي ما يحصل عليه الطالب في المدارس الأجنبية من مميزات في الجامعات..


فالموضوع مب ذم في المدارس المستقلة كثر ما هو رفض للنظام بالنسبة لي لأن هناك الأفضل ومن حقي كأم اني ابحث عن الأفضل دام اني تعرفت عليه.. ..
فاليوم لما اييني واحد ويقول لي المدارس الأجنبية في قطر مخرجاتها ضعيفة قياسا مع مثيلاتها في الدول الام.. ما اقدر أقول لا.. لأن حتى في هذي عيالنا مظلومين للأسف لان الطالب تأسيسه هناك يكون غير عن اهنيه في مدارس الدولة الام..واعتقد الخلل في الجهات المسؤولة على مراقبة هالمدارس...

[Abdulraman]

المدارس الخاصه في التعليم افضل من المستقله
المدارس المستقله في التربيه افضل من الخاصه

[ضوى]

ماقدر اقيم مدارس مستقلة بمدى كم مادة ممكن يعادلونها في الجامعات الاجنبية او جامعة قطر ، هذا مايقلل من مستواها ابدا ، وكل شي له سنه ووقته ، دام كل شي بياخذونه بياخذونه ليش اضغط عليهم ، وفعلا محد ملزم براي احد لكن قليل من الانصاف مطلوب ، للعلم لما درست المواد العلمية لعيالي اتضح انه اللي ياخذونه باعدادي وثانوي انا خذته بالجامعة ، واللي تاخذه بنتي في الجامعة الحين تقول نفس اللي مر علينا بالمدرسة يعني مافي اي صعوبة واللي يبنجر صدقيني هذا مو شاد حيله او انه من ذو الفروق الفردية اللي انا اؤمن فيها وبقوة وهذا مايعني ابدا فشل مخرجات المدارس المستقلة
ملاحظة
بنتي جاها قبول في جامعتين تكساس وكارنيجي ( وحصلت سبونسر بجامعة قطر )

[يمامـة]

ماقدر اقيم مدارس مستقلة بمدى كم مادة ممكن يعادلونها في الجامعات الاجنبية او جامعة قطر ، هذا مايقلل من مستواها ابدا ، وكل شي له سنه ووقته ، دام كل شي بياخذونه بياخذونه ليش اضغط عليهم ، وفعلا محد ملزم براي احد لكن قليل من الانصاف مطلوب ، للعلم لما درست المواد العلمية لعيالي اتضح انه اللي ياخذونه باعدادي وثانوي انا خذته بالجامعة ، واللي تاخذه بنتي في الجامعة الحين تقول نفس اللي مر علينا بالمدرسة يعني مافي اي صعوبة واللي يبنجر صدقيني هذا مو شاد حيله او انه من ذو الفروق الفردية اللي انا اؤمن فيها وبقوة وهذا مايعني ابدا فشل مخرجات المدارس المستقلة
ملاحظة
بنتي جاها قبول في جامعتين تكساس وكارنيجي ( وحصلت سبونسر بجامعة قطر )

احترم وجهة نظرج يا عزيزتي ضوى.. ولا افرض عليج رايي.. الله يوفق بنتج في جامعة قطر او أي جامعة تحب تكمل فيها دراساتها العليا
وذكرت أسباب تفضيلي للمدارس الأجنبية.. والله يوفق كل عيالنا.. اللهم آمين..

[Bo jassim 33]

كله واحد ..

بس وحده ببلاش .. والثاني بفلوس ( للمفوشر )

[راجي الْعفو]

اهم شي ان الواحد يحط هالقاعدة في عقله:

التربية قبل التعليم
تعليم بتربية متخلخلة ( ما نبيه )
و تربية مع تعليم قاصر ( نبيه )

وموفقين

[Charisma]

اعفوك من الشكر.. لأن هذا واجبنا تجاه أي موضوع يطرح ويستحق النقاش..
والشكر موصول لكم ياللي تطرحون المواضيع وتتعبون على ادارتها..

بخصوص اسئلتك..

بالنسبة لي مع اني كنت ادري ان الاختلاط غلط.. بس كنت فاهمة لو لحاجة مب غلط.. الأهم ان البنت ما تتبرج وما تخالط الصبيان في المدرسة ولا في الجامعة بشكل مباشر ولا تتواصل وياهم ..فما كان يهمني أصلا الا ان تخلص دراستها بمخرجات قوية تعينها في حياتها الجامعية...> حلوو؟

انزين دام انه حلوو..

اليوم هي في جامعة مختلطة.. كنت احثها انها تحصل القبول في هالجامعات
ولما حصلت القبول صحى ضميري وقلت لها :" ماما شيصير لو رحتي جامعة قطر
اقلها مب اختلاط"
قالت لي بالحرف الواحد:" ماما فات الأوان.. جامعة قطر مب طموحي.." وحطيت نقطة وبلعت ريجي وجنيت ما صنعته يداي.. ودخلت جامعة مختلطة.. واليوم
اشوف ان الاختلاط بحد ذاته حرام.. حتى لو البنت كانت محترمة.. الموضوع صار اني انا ما علي من احترام البنت من عدمه.. علي انفذ الدين كما طلب مني .. واترك الباقي لتوافيق رب العالمين..

فاتزان البنت مهم جدا في حال هالمواقف اللي ننحط فيها ونكون احنا سبب فيها.. او بضغوط خارجية تشل سيطرتنا في التحكم على الأمور..
يعني حتى الولد ما يقل عن البنت.. فاللي محرم على البنت في الاختلاط فهو محرم على الولد.. لكن واقعنا اليوم يسحبنا للاختلاط في كل مكان.. كل عيالنا اصبحوا في أماكن مختلطة بداية من جامعتهم لين شغلهم لين سفراتهم!!

اكلمك بضمير اللي خايف من محاسبتنا على الاختلاط.. لكني ممكن تلقاني باجر لو عندي بنت غيرها اخليها في مدرسة مختلطة لعلها تطلع نفس اختها..ليقيني التام ان مخرجات المدارس تختلف حسب قوة التعليم فيها.. وشخصيا ابحث عن المخرجات اللي اشوفها قوية وتساعدهم على مسيرتهم العلمية..

أتمنى وجود مدرسة خاصة للبنات مخرجاتها قوية.. احنا في الأخير نبي الزين اللي ما يكون فيه الشين..
المدارس الأجنبية شينها الاختلاط اما علميا فهم ازين بمراحل من المستقلة..

اما بخصوص المستقلة.. بطلب من بنتي طلبت نقلها من مدرستها الأجنبية للالتحاق بأحدى المدارس المستقلة.. وافقت لها على شرط ان المدرسة
هذه تمنح الدبلومة الدولية ib بجانب دراستها للثانوية العامة القطرية.. فما كان عندي مانع ابدا انها تكون في وسط بنات دام ان المدرسة هذه راح تعطيها فرصة انها تتخرج بمخرج قوي.. فلاحظ ان مخرجات التعليم هي الأساس في قراراتي اللي اتخذتها وقد اتخذها مستقبلا..

فما يصير بنتي هذي لما كانت في المستقلة في الصف الرابع الابتدئي وكنت ناقلتها من مدرسة خاصة نظامها اجنبي.. تجيب 55 من 50 في اللغة الإنجليزية....> ولما راحت المدرسة الأجنبية قيموها طالبة في الصف الثاني الابتدائي.. وفوقه حتى نظام التعليم والمنهج مختلف نهائيا.. والتطور اللي حصل في مستوى عيالي اكاديميا
خلاني اضرب x كبير أي شي اسمه مدارس مستقلة دامها في وضعها الحالي..

فلما أتكلم في هالموضوع أتكلم وعندي عيال متخرجين من عدة أماكن ولله الحمد الله يحفظهم ويحفظ كل عيالكم ويابرك فيهم.. ولا واحد فيهم يقبل شي اسمه مدرسة مستقلة!!! ولا واحد فيهم يقبل مدرسة أي كلام.. لأنهم شافوا مخرجات التعليم في المدارس المختلفة.. وشافوا مخرجات التعليم في المدارس المستقلة.. او المدارس الخاصة .. و عرفوا يميزون الطلاب من مخرجاتهم التعليمية ويتعرفون على مدارسهم..

فخسويه اخوه الثاني قال لي لو وشو ما اتدخلينه مدرسة مستقلة وهو اللي متخرج من مدرسة مستقلة وبنسبة 98% فهل تفوقه في المدرسة المستقلة خلاه يشجعني على تسجيل خوسيه في المستقلة؟ طبعا لا.. لأنه انصدم بواقعه مقارنة بواقع الطلاب اللي متخرجين من مدارس مخرجاتها قوية..



أتمنى.. أتمنى.. أتمنى.. ان تكون هناك مدارس مستقلة بمناهج قوية تستوعب من يبحث عن مخرجات قوية لابناء قطر.. احنا ندري ان الطلاب أصحاب قدرات وفورقات في الاستيعاب.. بس ما يصير كل الطلاب في قطر يدرسون نفس المنهج ونفس الأسلوب ونفس المستوى!!

كلنا نتمنى ذلك ، ويعطيج العافيه ام خوسيه على مشاركتج لنا انتي والأخت ضوى بتجاربكم الشخصيه ، العبره مب في الترفع والكبس دفاعا عن توجه معين ، ولا في الانتقاص من مخرجات التعليم ، مجرد معطيات وتجارب وقناعات لنا فيها وللقراء فائدة .


الله يحفظ لكم عيالكم ويبلغكم فيهم ماتتمنون ويرزقكم برهم .

[Charisma]

المدارس الخاصه في التعليم افضل من المستقله
المدارس المستقله في التربيه افضل من الخاصه

رد مختصر ، أميل له شخصيا في الغالب ومن غير تعميم .


شكرا على المشاركه اخوي عبدالرحمن.

[Charisma]

كله واحد ..

بس وحده ببلاش .. والثاني بفلوس ( للمفوشر )

امممم ماعتقد ان مثل هالامور يدخل فيها المفوشر ( ولا انكر ان ممكن تكون في حالات تفكر بهذه الطريقه ) .

الهدف من الموضوع مشاركة في الاراء وخصوصا من اصحاب التجارب ، اما الحكم والقرار الأخير فهو بيد القارىء وولي الامر .


شكرا يابوجاسم عالمشاركة .

[Charisma]

اهم شي ان الواحد يحط هالقاعدة في عقله:

التربية قبل التعليم
تعليم بتربية متخلخلة ( ما نبيه )
و تربية مع تعليم قاصر ( نبيه )

وموفقين

صدقت اخوي راجي .. :nice:

[Charisma]

إدارة الموضوع انتهت من صوبي ، واترك المجال للاعضاء في النقاش ومن يحب الأستزادة في هذا الجانب .

شكرا لكل من شارك ، والله يبلغكم في عيالكم ماتتمنون وتشوفونهم في أعلى المناصب .

[يمامـة]

اهم شي ان الواحد يحط هالقاعدة في عقله:

التربية قبل التعليم
تعليم بتربية متخلخلة ( ما نبيه )
و تربية مع تعليم قاصر ( نبيه )

وموفقين

جميعا اللهم امين..

امس في زحمة المشاركات نسيت اعقب على مشاركتك اخوي راجي.. واسمح لي وليسمح لي صاحب الموضوع ان اتطرق لنقاط التربية في مثل هالمواضيع..

اتفق معاك تماما ان التربية مهمة جدا.. سواء كان بتعليم ولا من غير تعليم فالمتربي و المتحلي بفضائل الاخلاق الدينية غير عن المتعلم الجاهل لامور دينه..

وبما ان احنا أساسا مب مختلفين على أهمية منع الاختلاط.. وبما اني اعترف بتجاوزي لنقطة وجود عيالي في أماكن مختلطة.. الا اني احب أوضح ان كانت للمدارس الأجنبية مضار فعدم التربية له مضار أيضا.. وكلامي هذا لا اريد منه مدح أي جهة على حساب جهة اخرى.. بمعنى لا اريد ذم المدارس الأجنبية ولا مدح المدارس الحكومية ولا ذم المدارس الحكومية او مدح المدارس الأجنبية.. ولكنني سوف اركز على التربية في كلا المدرستين..

اخوي راجي كلنا درسنا في مدارس حكومية
وكلنا كنا نوجه من البيوت باحترام لبسنا و شكلنا و هيئتنا وغيره وغيره بحكم ان امهاتنا او إخواننا كانت لهم كلمة علينا و المجتمع كان يرفض خروجنا باشكال لا علاقة لها بشي اسمه فتاة مسلمة!! او خلنا نقول بنت قطرية عيب تطلع جذيه.....> كأقل مفهوم للعادات ذيك الأيام..

واليوم واحنا في أيامنا هذه نلاحظ ان التربية اختفت بدفاع من قبل الأمهات او باستسلامهم للامر الواقع
او بتمرد من البنات نفوسهم وعمل ما لا يقبلونه اهاليهم في البيت .. فالبنت تطلع متبرجة ملابسها من تحت العباية
فيها ما فيها.. تخرج مع الخادمة للمجمعات او تخرج بروحها تقضي امورها.. اذا كلمها سين او عين اتدافع عن نفسها او ممكن تتلاغى مع هالبائع او ذاك البائع.. فكل هالامور اللي قد تحدث من قبل الكثير من البنات يبين لنا ان هناك قصور كبير في التربية.. سواء كانت البنت في مدارس حكومية او اجنبية عالمية او خاصة أهلية ..

وعليه نشوف نتايج هالتربية في الأماكن المختلطة .. لكل من المنتسبين للمدارس الحكومية او المختلطة..

بمشاركتي هذه ابي أوضح اني ما اشجع على الاختلاط ابدا لأن في طلاب فاهمين الاختلاط في التعليم يعني ضرورة مصاحبة الجنس الاخر
بينما في طلاب الاختلاط في التعليم يعتبرونه مرحلة لنيل الشهادات سواء في المدارس او الجامعات.. واهنيه ايي دور التربية والتنبيه والمتابعة
والمراقبة و الاشراف والتحذير من مغبة الوقوع في المحضور عند الاختلاط......> وبيقع المحضور رغم ما سبق في حالات كثيرة لذلك الاختلاط امر خطير..

يتخرجون الطلاب من مدارس مختلطة او مدارس غير مختلطة ويجتمعون في جامعات مختلطة حينها ننصدم من الواقع اخوي راجي .. والمفاهيم الخاطئة التي يحملونها الطلاب ( مب كلهم طبعا) عند الاختلاط..فالمتخرج من مدارس حكومية شأنه شأن المتخرج من مدارس اجنبية.. عند الاختلاط تسقط الحواجز ويتشاركون طاولات الطعام والضحك و المزح وبل ممكن يسوون كفك او يضربون بعض على كتوف بعض بالغشمرة.( لحد يقول بنتي خبرتني.. لأني هالشي سمعته من مصدر موثوق .. وجه اللوم لبنتي لوجود مثل هالامور ) فكان ردها : الدفعات الأخيرة ما فيهم انضباط ويسوون أشياء تفشل ( طبعا مب كلهم ) الكلام اهنيه يخص المعنين بهذه الظواهر..

حزتها اخوي راجي نسترجع الكلام عن التربية.. كم هي مقادير التجاوزات اللي تصير في الأماكن العامة وأماكن الدراسة
عند اختفاء دور التربية ؟ كم هي؟

مجتمعنا بات يعاني من قلة تربية الأجيال من غير وجود مدارس او جامعات مختلطة.. وفي وجود مثل هالجامعات والمدارس تسقط الحواجز ويختلط الحابل بالنابل.. لذلك التربية مهمة.. واللي تشوف ان من حسن تربيتها لبنتها انها تمنعها من المدارس المختلطة أقول لها جزاج الله خير.. وقرارج سليم .. واللي تشوف ان من حسن تربيتها لبنتها انها تسجلها في مدارس
خاصة مافيها اختلاط أقول لها جزاج الله خير وقرار سليم .. لأنها اتبعت الأسلوب الأمثل لحفظ بنتها من خطورة الاختلاط.. ومع هذا التربية ما تتوقف عند هذا الحد ابدا..

واللي ينطبق على البنات ينطبق على الشباب.. بس احنا كمجتمع نجيز للرجل ما لا نجيزه للبنت فنتقاضى كثيرا عن الرجال في أمور أساسها محرمة على الاثنين و نركز فيها على الاناث فقط..
فلذلك أؤكد على كلامك.. شنهي فايدة العلم المتطور وبنتي من غير تربية ما تضع حواجز عند
التعامل مع الشباب في الأماكن المختلطة؟.. شنهي فايدة التربية وبنتي شبه متبرجة في الأماكن المختلطة؟
شنهي فايدة التربية وبنتي تتعطر باجمل أنواع العطور تجدده مابين أوقات تواجدها في أماكن الاختلاط؟
شنهي فايدة التربية وبنيتي تقضي وقت الفسح في مجالسة الشباب والضحك والمزح معاهم؟
شنهي فايدة تربيتي ومنعي لها من أماكن الدراسة المختلطة وهي تخرج متبرجة و متعطرة من البيت بشكل عام؟

فلا بد ان نركز على ان التربية تشمل أمور كثيرة محرمة لابد ان نطبقها على عيالنا.. وقد تحدث منا تجاوزات نبحث لها عن علل و تفسيرات خاصة تبرر لنا ما نقع فيه من محضور.. ولكن
في الأخير كل ما نقوم به يندرج تحت بند التربية المطالبين بحسن اداءها لابناءنا.. فأي خلخلة في التربية راح نجني احنا ثمارها في البيت قبل المجتمع..

قبل ما انهي كلامي لابد ان انوه ان هناك فتيات قطريات و عربيات فرضوا احترامهم على الجميع لأنهم حطوا حواجز عند التعامل مع الشباب
وان استدعت الحاجة الى التشاور او مناقشة أمور تخص الدراسة مع الشباب .. ومع هذا ما اقدر اشجع على الاختلاط وأقول رغم وجود المحترمات ان الاختلاط عادي.. الاختلاط ابدا مب عادي.. لكن شر رضينا به .. والله يفكنا منه في القريب العاجل..

[راجي الْعفو]

جميعا اللهم امين..

امس في زحمة المشاركات نسيت اعقب على مشاركتك اخوي راجي.. واسمح لي وليسمح لي صاحب الموضوع ان اتطرق لنقاط التربية في مثل هالمواضيع..

اتفق معاك تماما ان التربية مهمة جدا.. سواء كان بتعليم ولا من غير تعليم فالمتربي و المتحلي بفضائل الاخلاق الدينية غير عن المتعلم الجاهل لامور دينه..

وبما ان احنا أساسا مب مختلفين على أهمية منع الاختلاط.. وبما اني اعترف بتجاوزي لنقطة وجود عيالي في أماكن مختلطة.. الا اني احب أوضح ان كانت للمدارس الأجنبية مضار فعدم التربية له مضار أيضا.. وكلامي هذا لا اريد منه مدح أي جهة على حساب جهة اخرى.. بمعنى لا اريد ذم المدارس الأجنبية ولا مدح المدارس الحكومية ولا ذم المدارس الحكومية او مدح المدارس الأجنبية.. ولكنني سوف اركز على التربية في كلا المدرستين..

اخوي راجي كلنا درسنا في مدارس حكومية
وكلنا كنا نوجه من البيوت باحترام لبسنا و شكلنا و هيئتنا وغيره وغيره بحكم ان امهاتنا او إخواننا كانت لهم كلمة علينا و المجتمع كان يرفض خروجنا باشكال لا علاقة لها بشي اسمه فتاة مسلمة!! او خلنا نقول بنت قطرية عيب تطلع جذيه.....> كأقل مفهوم للعادات ذيك الأيام..

واليوم واحنا في أيامنا هذه نلاحظ ان التربية اختفت بدفاع من قبل الأمهات او باستسلامهم للامر الواقع
او بتمرد من البنات نفوسهم وعمل ما لا يقبلونه اهاليهم في البيت .. فالبنت تطلع متبرجة ملابسها من تحت العباية
فيها ما فيها.. تخرج مع الخادمة للمجمعات او تخرج بروحها تقضي امورها.. اذا كلمها سين او عين اتدافع عن نفسها او ممكن تتلاغى مع هالبائع او ذاك البائع.. فكل هالامور اللي قد تحدث من قبل الكثير من البنات يبين لنا ان هناك قصور كبير في التربية.. سواء كانت البنت في مدارس حكومية او اجنبية عالمية او خاصة أهلية ..

وعليه نشوف نتايج هالتربية في الأماكن المختلطة .. لكل من المنتسبين للمدارس الحكومية او المختلطة..

بمشاركتي هذه ابي أوضح اني ما اشجع على الاختلاط ابدا لأن في طلاب فاهمين الاختلاط في التعليم يعني ضرورة مصاحبة الجنس الاخر
بينما في طلاب الاختلاط في التعليم يعتبرونه مرحلة لنيل الشهادات سواء في المدارس او الجامعات.. واهنيه ايي دور التربية والتنبيه والمتابعة
والمراقبة و الاشراف والتحذير من مغبة الوقوع في المحضور عند الاختلاط......> وبيقع المحضور رغم ما سبق في حالات كثيرة لذلك الاختلاط امر خطير..

يتخرجون الطلاب من مدارس مختلطة او مدارس غير مختلطة ويجتمعون في جامعات مختلطة حينها ننصدم من الواقع اخوي راجي .. والمفاهيم الخاطئة التي يحملونها الطلاب ( مب كلهم طبعا) عند الاختلاط..فالمتخرج من مدارس حكومية شأنه شأن المتخرج من مدارس اجنبية.. عند الاختلاط تسقط الحواجز ويتشاركون طاولات الطعام والضحك و المزح وبل ممكن يسوون كفك او يضربون بعض على كتوف بعض بالغشمرة.( لحد يقول بنتي خبرتني.. لأني هالشي سمعته من مصدر موثوق .. وجه اللوم لبنتي لوجود مثل هالامور ) فكان ردها : الدفعات الأخيرة ما فيهم انضباط ويسوون أشياء تفشل ( طبعا مب كلهم ) الكلام اهنيه يخص المعنين بهذه الظواهر..

حزتها اخوي راجي نسترجع الكلام عن التربية.. كم هي مقادير التجاوزات اللي تصير في الأماكن العامة وأماكن الدراسة
عند اختفاء دور التربية ؟ كم هي؟

مجتمعنا بات يعاني من قلة تربية الأجيال من غير وجود مدارس او جامعات مختلطة.. وفي وجود مثل هالجامعات والمدارس تسقط الحواجز ويختلط الحابل بالنابل.. لذلك التربية مهمة.. واللي تشوف ان من حسن تربيتها لبنتها انها تمنعها من المدارس المختلطة أقول لها جزاج الله خير.. وقرارج سليم .. واللي تشوف ان من حسن تربيتها لبنتها انها تسجلها في مدارس
خاصة مافيها اختلاط أقول لها جزاج الله خير وقرار سليم .. لأنها اتبعت الأسلوب الأمثل لحفظ بنتها من خطورة الاختلاط.. ومع هذا التربية ما تتوقف عند هذا الحد ابدا..

واللي ينطبق على البنات ينطبق على الشباب.. بس احنا كمجتمع نجيز للرجل ما لا نجيزه للبنت فنتقاضى كثيرا عن الرجال في أمور أساسها محرمة على الاثنين و نركز فيها على الاناث فقط..
فلذلك أؤكد على كلامك.. شنهي فايدة العلم المتطور وبنتي من غير تربية ما تضع حواجز عند
التعامل مع الشباب في الأماكن المختلطة؟.. شنهي فايدة التربية وبنتي شبه متبرجة في الأماكن المختلطة؟
شنهي فايدة التربية وبنتي تتعطر باجمل أنواع العطور تجدده مابين أوقات تواجدها في أماكن الاختلاط؟
شنهي فايدة التربية وبنيتي تقضي وقت الفسح في مجالسة الشباب والضحك والمزح معاهم؟
شنهي فايدة تربيتي ومنعي لها من أماكن الدراسة المختلطة وهي تخرج متبرجة و متعطرة من البيت بشكل عام؟

فلا بد ان نركز على ان التربية تشمل أمور كثيرة محرمة لابد ان نطبقها على عيالنا.. وقد تحدث منا تجاوزات نبحث لها عن علل و تفسيرات خاصة تبرر لنا ما نقع فيه من محضور.. ولكن
في الأخير كل ما نقوم به يندرج تحت بند التربية المطالبين بحسن اداءها لابناءنا.. فأي خلخلة في التربية راح نجني احنا ثمارها في البيت قبل المجتمع..

قبل ما انهي كلامي لابد ان انوه ان هناك فتيات قطريات و عربيات فرضوا احترامهم على الجميع لأنهم حطوا حواجز عند التعامل مع الشباب
وان استدعت الحاجة الى التشاور او مناقشة أمور تخص الدراسة مع الشباب .. ومع هذا ما اقدر اشجع على الاختلاط وأقول رغم وجود المحترمات ان الاختلاط عادي.. الاختلاط ابدا مب عادي.. لكن شر رضينا به .. والله يفكنا منه في القريب العاجل..

اهلا ام خوسيه..

نقطة التربية طبعا نقطة مهمة و عامل مساعد في من وقع في هالبؤرة المدمرة ( الاختلاط )

ولكن احب انبه لشيء :
يوم الشخص يقرب الحطب من النار مع إمكانية الاشتعال في اي وقت
هنا لن ينجو أحد ولو كان راس كبير في ( تربية المربين ) باختصار : لأنه لا عصمة لأحد

ولذلك تجدين النبي عليه الصلاة و السلام كان يحذر من مخالطة النساء و الدخول عليهم ، وهو يكلم من في المقام الاول ؟

الصحابة ، اعظم الناس تربية ، واعظمها ايمانا ، واكثرها طهارة بعد الانبياء !!

هذا يدلك ان التربية وحدها لا تكفي - وربما تتفقين معي في هذا -

الامر الاخر لو جينا للحقيقة :

من التربية : انك تبعد ابناءئك عن اماكن الاختلاط ، فإلقاءهم فيها هذا يُظهر وجود خلل في موضوع التربية أيا كان سببه :
جهل - ضعف دين - ..إلخ
ولكن في النهاية هو خطأ في موضوع التربية.

موضوع التسامح مع الشباب أكثر ، يمكن هذي نظرة عند كثيرين في المجتمع

في الحقيقة ، اظن انه مب هناك ذاك التساهل بالنسبة للشباب ، ولكن الاصل ان الرجل هو اللي يخرج و يعمل و يكد في مجتمعنا المسلم القطري
فلذلك هو الاصل في المجال ، و تخصيص البيئة الملائمة انما يكون في حق النساء لا الرجال ، لان الستر و الحشمة فيهم اصل اصيل

النساء اللي ما طاحوا في مساؤئ الاختلاط هذا يحتمل شيئين:
توفيق من الله عز و جل ، والا لا يمكن ان نعتمد على التربية في النجاة من مثل هذه المواقف فأطهر الخلق بعد الانبياء من سلفنا الصالح كانوا يخافون على انفسهم من مثل هالموضوع كما سبق ، واحنا لاشيء امامهم


- الاحتمال الثاني انه قد تكون البنت ساقطة في مساوئ الاختلاط ايا كانت درجتها
ولكن لما صار القلب الميت والايمان ضعيف واعتاد على المنكر وانعدم الاحساس
صارت تنظر لهذا الاختلاط انه امر عادي و ماضرها
وما تدري المسكينة انها فقدت امور من ورا هالاختلاط ، شعرت ام لم تشعر ، وهي قاعدة تبرر لنفسها !


اقول الله ينزع من قلوب الناس الاعتياد على هالطامة
لان التساهل صاير واضح بحكم انتشاره

( الكلام عام يا ام خوسيه و ادري انج فاهمة هالشي بس حتى ابعد التحسس و الحزازية )


والله اني اعتب عليكم يا رجال
اعتب عليكم يارجال
اعتب عليكم يا رجال

وين هي غيرتكم ؟!


موفقين ..

[يمامـة]

اهلا ام خوسيه..

نقطة التربية طبعا نقطة مهمة و عامل مساعد في من وقع في هالبؤرة المدمرة ( الاختلاط )

ولكن احب انبه لشيء :
يوم الشخص يقرب الحطب من النار مع إمكانية الاشتعال في اي وقت
هنا لن ينجو أحد ولو كان راس كبير في ( تربية المربين ) باختصار : لأنه لا عصمة لأحد

ولذلك تجدين النبي عليه الصلاة و السلام كان يحذر من مخالطة النساء و الدخول عليهم ، وهو يكلم من في المقام الاول ؟

الصحابة ، اعظم الناس تربية ، واعظمها ايمانا ، واكثرها طهارة بعد الانبياء !!

هذا يدلك ان التربية وحدها لا تكفي - وربما تتفقين معي في هذا -

الامر الاخر لو جينا للحقيقة :

من التربية : انك تبعد ابناءئك عن اماكن الاختلاط ، فإلقاءهم فيها هذا يُظهر وجود خلل في موضوع التربية أيا كان سببه :
جهل - ضعف دين - ..إلخ
ولكن في النهاية هو خطأ في موضوع التربية.

موضوع التسامح مع الشباب أكثر ، يمكن هذي نظرة عند كثيرين في المجتمع

في الحقيقة ، اظن انه مب هناك ذاك التساهل بالنسبة للشباب ، ولكن الاصل ان الرجل هو اللي يخرج و يعمل و يكد في مجتمعنا المسلم القطري
فلذلك هو الاصل في المجال ، و تخصيص البيئة الملائمة انما يكون في حق النساء لا الرجال ، لان الستر و الحشمة فيهم اصل اصيل

النساء اللي ما طاحوا في مساؤئ الاختلاط هذا يحتمل شيئين:
توفيق من الله عز و جل ، والا لا يمكن ان نعتمد على التربية في النجاة من مثل هذه المواقف فأطهر الخلق بعد الانبياء من سلفنا الصالح كانوا يخافون على انفسهم من مثل هالموضوع كما سبق ، واحنا لاشيء امامهم


- الاحتمال الثاني انه قد تكون البنت ساقطة في مساوئ الاختلاط ايا كانت درجتها
ولكن لما صار القلب الميت والايمان ضعيف واعتاد على المنكر وانعدم الاحساس
صارت تنظر لهذا الاختلاط انه امر عادي و ماضرها
وما تدري المسكينة انها فقدت امور من ورا هالاختلاط ، شعرت ام لم تشعر ، وهي قاعدة تبرر لنفسها !


اقول الله ينزع من قلوب الناس الاعتياد على هالطامة
لان التساهل صاير واضح بحكم انتشاره

( الكلام عام يا ام خوسيه و ادري انج فاهمة هالشي بس حتى ابعد التحسس و الحزازية )


والله اني اعتب عليكم يا رجال
اعتب عليكم يارجال
اعتب عليكم يا رجال

وين هي غيرتكم ؟!


موفقين ..

اهلين وسهلين اخوي راجي..

وجزاك الله كل خير على كل حرف كتبته في ردك المقتبس..

و مستحيل اتحسس من سطورك لأن كلامك كلام حق ما يرفضه الا الانسان الظالم لنفسه..
و لما رديت عليك في مشاركتي السابقة كنت ابي ابري نفسي من أي ظلم قد يلحقونه الاخرين بنفوسهم
لو اختاروا الاختلاط بناء على مدحي لمخرجات المدارس الأجنبية او الجامعات الأجنبية العالمية..

واحييك على ما تفضلت بذكره من الحاجة الى استثارة غيرة الرجال بشكل عام حتى نعود الى سنة
نبينا محمد صلى الله عليه وسلم.... في الوقت اللي مثل ما ذكرت انت نتحمل احنا وزر سوء تربيتنا لما
نسمح لعيالنا في التواجد في أماكن الاختلاط مهما كانت لنا مبرراتنا.. فالخطأ خطأ وان الله حفظ لنا عيالنا من براثن الاختلاط..

واشكرك على تنبيهي وتوضيح نقطة الاختلاط بالنسبة الى الرجال.. تفسير موفق منك عند التحدث
عن الاختلاط في العمل... بينما حسب ما قرأت فهناك تحريم من الاختلاط على مقاعد الدراسة للجنسين
الذكر والانثى.. الا لضرورة قصوى.. فوجود ابناءنا الذكور في مدارس مختلطة اجنبية حالها حال وجود بناتنا في هذه المدارس..
ولكن في جهات العمل تفسيرك جدا منطقي ويستحق الإشادة..

اعود واشكرك اخوي راجي على ردك ....> اليوم العالمي للشكر..
وجزاك الله كل خير..

[راجي الْعفو]

اهلين وسهلين اخوي راجي..

وجزاك الله كل خير على كل حرف كتبته في ردك المقتبس..

و مستحيل اتحسس من سطورك لأن كلامك كلام حق ما يرفضه الا الانسان الظالم لنفسه..
و لما رديت عليك في مشاركتي السابقة كنت ابي ابري نفسي من أي ظلم قد يلحقونه الاخرين بنفوسهم
لو اختاروا الاختلاط بناء على مدحي لمخرجات المدارس الأجنبية او الجامعات الأجنبية العالمية..

واحييك على ما تفضلت بذكره من الحاجة الى استثارة غيرة الرجال بشكل عام حتى نعود الى سنة
نبينا محمد صلى الله عليه وسلم.... في الوقت اللي مثل ما ذكرت انت نتحمل احنا وزر سوء تربيتنا لما
نسمح لعيالنا في التواجد في أماكن الاختلاط مهما كانت لنا مبرراتنا.. فالخطأ خطأ وان الله حفظ لنا عيالنا من براثن الاختلاط..

واشكرك على تنبيهي وتوضيح نقطة الاختلاط بالنسبة الى الرجال.. تفسير موفق منك عند التحدث
عن الاختلاط في العمل... بينما حسب ما قرأت فهناك تحريم من الاختلاط على مقاعد الدراسة للجنسين
الذكر والانثى.. الا لضرورة قصوى.. فوجود ابناءنا الذكور في مدارس مختلطة اجنبية حالها حال وجود بناتنا في هذه المدارس..
ولكن في جهات العمل تفسيرك جدا منطقي ويستحق الإشادة..

اعود واشكرك اخوي راجي على ردك ....> اليوم العالمي للشكر..
وجزاك الله كل خير..

مرحبا ام خوسيه
انا عارف رايج و موقفج و جميل ان تعليقج جا لدفع بعض ما يتوهم
وكان ذكري لموضوع الرجال والاختلاط القصد منه بيان من المستثنى من الموضوع و بينت سبب ذلك ، سواء في العمل او غيره

واذا كان اليوم هو يوم الشكر العالمي
فأيضا أقول انه يوم العفو العالمي
عفونا عنكم , واطلقوا سراحها يا حراس ..

امين و يجزاكم خير ..

[حنظلة]

كلنا نتمنى التحصيل العلمي الأفضل لأولادنا وحبذا لو باللغة الانجليزية لأهميتها لكن الموازنة بين تلقي الطفل للفكرة الخطأ فالمدرسة وتصحيحها في المنزل يحتاج استنفار مستمر من الوالدين ومتابعة حثيثة وهالشئ ممكن ما يتوفر دائما