حملة توعيه باستخدام الأشارة الضوئيه للمركبه - تعبنا

[حمد بن سعد]

السلام عليكم ورحمة الله وبركاته

الى ادارة المرور

والله عن نفسي تعبت نادر جدا من يستخدم الاشارة الضوئيه للسياره يلف عليك مره وحده ادق له هرن يزعل وياشر .


ياليت ادراة المرور اتسوي حمله خاصه للاجانب بوسترات مسجات

هرمنا

[بانغ بانغ]

اي والله صادق

ثقافة غائبة

العن شي واحدة ايلف بدون اشارة

خاصة الدوريات والشرطة

يوم تحشره بهرن يعطيك نظرات غريبة ..... لا ويزعل ويمكن ايوقفك

تبي الصراحة القطريين نادر ما يستخدمون الاشارة عاد تعال هرن له ... كأنك سابه

[@north_star@]

السلام عليكم ورحمة الله وبركاته

الى ادارة المرور

والله عن نفسي تعبت نادر جدا من يستخدم الاشارة الضوئيه للسياره يلف عليك مره وحده ادق له هرن يزعل وياشر .


ياليت ادراة المرور اتسوي حمله خاصه للاجانب بوسترات مسجات

هرمنا

هذا اكثر شي يقهر ويرفع الضغط يلف عليك بدون اشارة ويغير مساره بشكل فجائي كنها الغمازات أو الاشارات مجرد زينة ومالها حاجة بالسيارة

[Rider]

عند بعض الناس استخدام الاشارة عيب يقول في نفسه انا اطق اشاره

[حمد بن سعد]

اي والله صادق

ثقافة غائبة

العن شي واحدة ايلف بدون اشارة

خاصة الدوريات والشرطة

يوم تحشره بهرن يعطيك نظرات غريبة ..... لا ويزعل ويمكن ايوقفك

تبي الصراحة القطريين نادر ما يستخدمون الاشارة عاد تعال هرن له ... كأنك سابه


البعض من القطرين يتاسف لك او يزيد من سرعته يزعم يرقع لاكن االجنبي نفس السرعه وبريك

[حمد بن سعد]

عند بعض الناس استخدام الاشارة عيب يقول في نفسه انا اطق اشاره

يقول اشدعوه هندي ان هههههههههههههههههه

والهندي تلقاه ابرك منه

[.قطر.]

اذا طقيت اشاره اللي بتروح جدامه بيزيد سرعته ومابيخليك تدخل سيده اللي جنه مسجله بأسمه :omen2:

[معماري قطري]

لين رجعت من سفر وكنت أسوِّق أكون كله إشارات لين مرة عيالي قاموا يضحكون ويقولون هندي

[حمد بن سعد]

اذا طقيت اشاره اللي بتروح جدامه بيزيد سرعته ومابيخليك تدخل سيده اللي جنه مسجله بأسمه :omen2:

مصري عنده باص سواها فيني خليته يوم قرب سويت له حركة السوداني ههههههههههههههه

[حمد بن سعد]

لين رجعت من سفر وكنت أسوِّق أكون كله إشارات لين مرة عيالي قاموا يضحكون ويقولون هندي



الله يخليلك اعايلك ان شاء الله

[م/ عبدالله]

ويشوفون لنا حل مع الناس اللي تمشي ويخلي الدنجر شغال، خاصة ايام الغبار والضباب. لازم يفهمون انه الدنجر تشغله وانت واقف فقط، ما يصير تسوق وانت مشغله!

[ساراام]

مافي فايده تعطي اشاره اذا الطرف الثاني مايخليك تدخل المسار لو شيصير

اغلبهم جي يناحسون بس مب الكل طبعا

وحتى لو خلاك تدش اللي وراه بيعصب ويمكن يسوي مسيره من الهرانه ههههه والله حاله

[م. عبدالعزيز]

صراحه ياشباب عن نفسي احترت
اذا اعطي اشارة لليسار، كل اللي على اليسار يسرعون وما يعطوني فرصة
ولو لفيت بدون اشارة، يطلع لي واحد وراي بهرن من اليوم لبكرة

واعتقد الحل الوحيد اسوي الاثنين أعطي اشارة وادخل

في دبي شي عجبني صراحه وهو لما اعطي اشارة يعطوني مجال الف ولاحظتها وايد لما ااجر سيارة هناك

[معماري قطري]

الله يخليلك اعايلك ان شاء الله

والله يخلي غاليك ويرحم والديك يالسمي

[دايموند]

اكثر حركه ترفع الضغط وتبط مرارتي لما اكون في شارع فرعي وصار لي ساعه انتظر يفضى الشارع ويجي الاخ من الشارع الرئيسي يلف يدخل الشارع الفرعي!!انزين وانا الي صار لي ساعه انتظر الشارع يفضى او حد بيدخل اللفه علشان اقدر اطلع لشارع الرئيسي!!!

لو ضارب اشارة عالاقل بفهم انه بيدخل اللفه وانا بطلع..


هالحركه ترفع ضغطييييييي

[حمد بن سعد]

بس لازم حمله توعيه صح في ناس عنيده وناس تتفهم الوضع لاكن ان اشوف ان الشريحه العنيده توصل تقريبا 70% .


هرمنا تعبنا كل ماله السيارات اتزيد الحين زادو شركات اليموزين اكيد الكل لاحض سياره صغير وعليها ستكر شركه انتشرو بصوره غريبه وهذولي ان بنفسي اعاني منهم .


ساعدونا يا ادارة المرور

[مرتبش]

ملاحظين ياجماعة اختلاف وتعدد الملاحظات المذكورة..ليش؟
لان المرور مايقومون بدورهم وكثير من المشاكل سببها غياب المرور.. حولوا كل شي الى كاميرات ورادارات وهم العنصر الاساسي في الشارع ! مالهم وجود

[غايه الطواش]

الصرراحه اكثر ناس اشوفهم مايستخدمون الاشارات هم القطريين

[qatari911]

الصرراحه اكثر ناس اشوفهم مايستخدمون الاشارات هم القطريين

1+
واذا دقيت هرن عليه يايوسع او يمشي مثل الخلق

يطالعك كأنك الا سابه والا ذابح حد من اهله

[حمد بن سعد]

1+
واذا دقيت هرن عليه يايوسع او يمشي مثل الخلق

يطالعك كأنك الا سابه والا ذابح حد من اهله

ماختلف معاكم في قطرين وفي اجانب

الحين نبي نوصل هالشي للناس نبي حمله وين نقدر نوصل الموضوع

[Faz]

للاسف اقل ناس يحترمون القوانين هم الشرطه نفسهم في سالفه تجاوز اذا مستعيل يدم لك زين شغل الرماق اذا صج مستعيل ولا امش مع العالم ويلفون بدون اشارات

وفوق هذا كله شفت في برنامج على قناة الريان الشرطي يوم نازل يخالف يرفع الحزام يعني احزامه مب مربوط عدل :eek5: زين شلون تخالف العالم اذا انت مب ملتزم لازم انت تكون المثل للسواقين

بدايه التوعيه لازم تكون من المرور ومنها يتم النشر لثقافه السواقه الصحيحه

[حمد بن سعد]

الصرراحه اكثر ناس اشوفهم مايستخدمون الاشارات هم القطريين

ماختلفنا لاكن اكثرهم يتاسفون يسلم ولا يعطي اشاره وحده على اليسار يعني اسمح لي طبعا احنا الشباب بس نعرف هاللغه هههههههه والاهم انه يمشي ويزيد من سرعته لاكن الاجنبي يصك بريك في ويهج

[حمد بن سعد]

للاسف اقل ناس يحترمون القوانين هم الشرطه نفسهم في سالفه تجاوز اذا مستعيل يدم لك زين شغل الرماق اذا صج مستعيل ولا امش مع العالم ويلفون بدون اشارات

وفوق هذا كله شفت في برنامج على قناة الريان الشرطي يوم نازل يخالف يرفع الحزام يعني احزامه مب مربوط عدل :eek5: زين شلون تخالف العالم اذا انت مب ملتزم لازم انت تكون المثل للسواقين

بدايه التوعيه لازم تكون من المرور ومنها يتم النشر لثقافه السواقه الصحيحه

صح كلامك طريقة لحزام اهي انه يكون مربوط قبل لا يركب وحاط الجزء الى يكون على الصدر ورا الكرسي يركب ويسحبه ياكثرهم

والمشكله اغلبية الشباب الي يركبون مخفي ثقيل ولا يحفصون ولا يستهترون اغلبيتهم من رجال الشرطه

الله المستعان

[معماري قطري]

كنت في بانكوك وهي يغلب عليها الفقر لكن الناس سياراتهم ما فيها ضربات ولا تشوف حوادث الا نادر

طبعاً التسامح موجود ولو الزحمة تاخذ وقت وأحيانا الطرق كلها متشبعة سيارات ولا تتحرك الا بتنظيم المرور .. لكن ما شفت حد يتناحس وفي الغالب من يشوف حد بيدخل مساره وبإشارة يسمح له

الدراجات أوقات يتجاوزون والكل يحاسب لهم والشرطة متفهمين لكل وضع مع وجود الكاميرات في كل مكان وبعض الطرق 3 أدوار وصج جسور متعوب عليها ولا اظن كلفتهم قد شوارعنا

البايبات بسبب بعض الجداول والأنهار اللي قاطعة الطرق تحصلونها ظاهرة شوي حتى النهر ما يخربها وفوق مستوى الشارع وراجعة نازلة تحت الأرض وبدون مضخات مستحيل يسونها بهذي الطريقة .. مب احنا بلاد الطاقة للحين بايباتنا معتمدة على الجاذبية والحفر الغزير .. لا والجزيرة اللي يمر فيها البيب يمكن متر عرضها وفيها زراعة حول البيب .. حاولت اصور بس في السيارة وبسرعة وأكثر الوقت السيارة مخفية

دخلت موضوع ثاني في الموضوع بس المهم التنظيم وثقافة المرور