من فيكم سمع بشركة الهدى للحدائق

[sultan01]

أيش رايكم بشركة الهدى للحدايق كتعامل وشغل

[sultan01]

للرفع لمن فاته التصفح

[اشراقة الشمس]

شركة ممتازة في العمل والمواعيد عن تجربة

[q6ryah]

انا صار لي فتره ابحث عن متخصص للحديقه وجربت شغل شركه تبع محل هولندي بلازا صراحه اسعار نار والشمس حرقت لي الزرع ما ستانست فيه الا كم شهر لكن كديكور ماجربتهم للامانه

[معماري قطري]

انا صار لي فتره ابحث عن متخصص للحديقه وجربت شغل شركه تبع محل هولندي بلازا صراحه اسعار نار والشمس حرقت لي الزرع ما ستانست فيه الا كم شهر لكن كديكور ماجربتهم للامانه

الشركات المفروض عندهم خبرة في الزراعة وفي وقتها وينصحون صح .. لي صديق يشتغل معاي من جماعة متولي الشعراوي الله يرحمه هو سائق شيول لكن الزراعة في دمه .. يقولون مشكوك إن لون دمه أخضر

كلمته مع بدايات الصيف حق يزرع لشخص قال غلط التوقيت واصبر لشهر 10 يكون الجو زين .. وهو يشارك سنوياً في لكل ربيع زهرة

اللي يبي شركة مختصة يسأل المشاتل يعرفون وانا عرفت شركة الثلاثي وشركة عمانية نسيت اسمها .. الثلاثي يسوون حلول للري وشبكة لإستعادة المياه الزايدة ومياه الأمطار وأكيد شغلهم غالي

[بوحارب]

ماعندكم سالفه تروحون للشركات الكبيرة لتخليص أمور الحديقة والديكور

ترى أي مزارع بسيط ممكن يسوي اللي تسويه الشركات الكبيرة وبفرق 70 - 80 % في السعر اقل

واللي يبي مزارع سعره رخيص وشغله ممتاز يراسلني على الخاص

[أم سعود00]

السلام عليكم

بوحارب لو سمحت ممكن رقم المزارع ..

[khalid-63]

بوحارب طرشتلك ع الخاص لاهنت اخوي

[HSMK]

بوحارب ممكن رقم المزارع ع الخاص لاهنت

[captin]

مشكلتنا في قطر ماعندنا الشركات المتوسطة في مجال الحدائق المنزلية

يا تكون شركات كبيرة وتاخذ مشروعات للدولة واسعارها غالية جدا لتنفيذ الحدائق المنزلية

او الشركات الوهمية اللي يديرها الشخص الواحد انا اسميها شركات بو سيارة بيك اب وجوال
هذا كل راس ماله وتلقاه ما يعرف يقرا ويكتب ولا يتعامل بالايميل ولا يعرف يعد عرض سعر تفصيلي
فيه كميات ومواصفات ولا يعرف يشتغل على برنامج الاتوكاد ويفتح التصاميم منه
ومعاه كم عامل يلقطهم من الشوارع تعطيه تصميم تعبان عليه ودافع فيه فلوس يروح يسوي الشغل من مخه.

وملاحظ ان النوعية هاذي من الشركات كثيرة وتارسه الجرايد بالإعلانات اليومية واغلبهم من الاخوة العرب
تعطيه التصميم عشان يدرسه ويسعر لك يقول لك ما يهمكش انا حعمل لك حديقة ما حصلتش انا عملت في
بيت الشيخ الفلاني او في مجمع العلاني .

تقول له يا ابن الحلال التزم بالتصميم شوف كميات أنظمة الري ومواصفاتها ونوع الموتور والسماكة والتزم فيها يقول
اللي عمل لك التصميم ما بيعرفش حاجه ما فيش داعي انابيت الري تكون بالسماكه دي او بالكميات دي.

تقول له يمين يقول لك يسار.

لك واحد من حلين يا تجيب شركة معروفة وتتاكد انهم فعلا نفذوا مشروعات مشابهة وحاول تشوف كم حديقة نفذوها
واسأل الملاك اللي تعاملوا مع هالشركة .

او انك تشوف الشركة الصغيرة بالتوصية من احد الأشخاص واتابع معاه تتاكد من مواصفات اهم شي شبكة الري
والدينمات تكون انجليزية اصلية وقوة الدفع توصل للمناطق البعيدة من الحديقة بالإضافة الى مؤقت الري.

بالتوفيق ان شاء الله

[معماري قطري]

أوجزت المشكلة اخوي كابتن

الشركات المتوسطة ضرورية وعمال الكتلوج والسيارة منتشرين

الزراعة تحتاج شيين رئيسين التاسيس وتخطيط المكان وهذا لازم من بداية الحفر ويكون مخطط له مع البيت وما يحتاج تكون مبالغ ولا مخفف .. بعدين الزراعة الفعلية وهذي فن اي حد ممكن يجيده

اي مكان فاضي حوله زراعة وباي شكل

[معماري قطري]

توني وانا اكتب جاءتني مسج دعاية حق شركة الامارات للحدائق

مب غلط نشوف بعد شركات كبيرة تسوي تصميم مبدئي وتسعير