تبليط البيت من الداخل

[Almuraikhi]

السلام عليكم
اخواني الكرام بغيت استفسر عن تركيب أرضيات البيت من الداخل
ناوي أنشالله اركب رخام على رمل مغسول مش بودره
كيف مراحل التركيب
يعني الحين أرضيت البيت خرسانه طبعا وفوق الخرسان تمديدات بيبات الكهربا هل ادفنها برمل المغسول وأركب عليها الرخام مع الإسمنت ولا اعمل صبيه ع بيبات الكهربا وعقب أدفن الرمل ؟
ياريت احد يشرحلي طريقة الدفان المضبوطه داخل البيت من بعد بيبات الكهربا

[Azizuk]

والله ياخوي انا معاك نفس المرحلة ولين الحين محتار

بس معظم اللي شارو على قالو لي دفان بودرة نظيفة مع كسر حصى صغير ويندك على مراحل ورش ماي لمدة سبوع

وبعدها صبيه خرسانية 5 سنتيميتر وفوقها مادة الغراء ( لصق ) وعليها البلاط

اما الرخام رمل مغسول مخلوط مع سمنت ابيض وفوق يجي الرخام

اما موضوع الخرسانة كاملة وفوقها مادة الغراء وبعدها يجي البلاط مانصحوني فيها يقولون لو في المستقبل احتجت تكسر لعمل صيانة او حبيت تغير الارضيات تحتاج ورور يكسر لك الارضية وبيشلخ لك السقف والحوايط

وان في بيوت لها اكثر من 15 سنة دفان بودرة وماصار هبوط

هو الموضوع ان لازم الدفان ينحط على مراحل ورش ماي مع دك بدكاكه خفيفه عشان بيبات الكهرب ماتتكسر

ولاحد الان ماقررت ايش اسوي

[سعود.]

اكثر موضوع يشتت المالك الدفان .

اخوي Azizuk رش الدفان لمدة اسبوع هل فيه خطر على صبية السقف مثلا انه يتسرب ؟؟؟؟

[Azizuk]

لا بيكون رش ماي خفيف مب تغريق الدفان بالماي زي الدفان اساسات البيت

في ماده سايله تنصب على الصبية قبل التبليط تستخدم للحمامات تكون بين الصبيه وبين مادة الغراء قبل التبليط تنباع في تدمر قسم البناء اللي في نجمه مقابل مبنى البلدية قسم الهندسة بالضبط المحل بين سوق الحراج وشارع الهندسة

بس ماتوقع ان الواحد يحتاج مثل هذي المادة الا في الحمامات كاحماية زيادة واذا عندك بنتري فوق

المادة هذي تدهن على الصبية زي الصبغ

وفي فنيين يحطون شبك بلاستيك فوق وتدهن عليها المادة

هذي مواصفات تطلبها بعض مكاتب الاستشارين على المقاولين للفنادق وبعض المشاريع

هي ماتكلف تقريبا الحمام الواحد مايكلفك 100 ريال مع الشبك

الشبك رول واحد في 50 متر ب300 ريال ايطالي

وفي صيني الرول ب 100 ريال بس مب ذيك الجوده

الايطالي اجود

بحط صورة الشبك لكم اذا صورته

اذا الواحد مقتدر ممكن يحط الشبك مع المادة على البيت كله

او

يكتفي بالمادة

[Azizuk]

اخوي معماري قطري له وجهة نظر اخرى بخصوص الدفان

ماينصح بدفان البودرة

وينصح بالصبية الخرسانية كامله وفوقها التبليط

طبعاً احسن من الدفان وصبيه خرسانية خفيفه وبعدين التبليط

وفي نفس الوقت بعد اذا صبيه كاملة يكون حمل ثقيل على السقف

على سبيل المثال عندي المستوى المتفق مع المهندس يكون مستوى البيت كامل 15 سنتيميتر مع البلاط

يعنى اذا البلاطة 8 مم الفني يعمل حساب سمك ( سماكة ) البلاطة ومادة الغراء والخرسانة في الاخر يطلع صافي المستوى 15

واذا رخام 2 سنتميتر ويعمل حساب الخلطة سو كانت مادة غراء او سمنت ابيض مع رمل مغسول وسماكة الخرسانة

والدرج دايمن يكون رخام سماكة 3 سنتميتر

وعندك اماكن فيها رخام واماكن فيها بلاط كل مكان له وازنية

[سعود.]

مشكور اخوي Azizuk
على التوضيح

[hamadazoz]

دفان بودرة نظيفة مع كسر حصى صغير ويندك على مراحل ورش ماي

وبعدها صبيه خرسانية 5 سنتيميتر وفوقها مادة الغراء ( لصق ) وعليها البلاط

احسن طريقة صدقني ترتاح عقب باذن الله

[معماري قطري]

كان استشاريي للكهرباء والميكانيك والإنشائي قوي كثير ونصحني بالصبية على دفعتين بدون رمل نهائي .. والصبية تسوي سطح سيدة تركب عليه أي نوعية أرضية بلاصق جيد ومناسب للاستخدام .. للحمامات والمطابخ نحتاج للرمل وفوقه صبية يدوية بسلوب بسمك حول 5 سم - 7 سم

بالنسبة للتكسير وازالة البلاط من تزيل بلاطة يستوي الباقي سهل ويحتاج شوية مجهود .. حتى اللاصق فيه أنواع عازلة للماء والمونة أو القراوت كذلك

الصبية لو كانت مايعة تستوي self leveling ذاتية الاستقامة أو الاستواء بمجرد صبها ولا فيه داعي تنطلب قوية وأي مادة مقوية ومضادة للشقوق تكفي ولا حتى ينصب عليها ماي .. الصبية الانشائية غير تحت ذيك وفوقها التمديدات

حتى في أماكن السجاد نقدر ما نحط بلاط ونركب السجاد مباشرة عليها وللرخام عندي بس للدرج ومتحسف ركبته تشمخ والبورسلان وايد أحسن منه ما تغير ولمعته فيه وفيه نوعيات فيها خشونة للدرج وأرخص بكثير

بهذي الطريقة تضمن تركيب صح وتضمن بيتك يكون حشرات فري أو حشراتلس أو بدون حشرات خصوصاً النمل

باقي الطرق ممكنة بس المساويء موجودة كالرطوبة اللي تبقع في الرخام واختلاف المستوى لأن تعتمد على انتباه اللي بيسوي القشرة البسيطة .. اللاصق على صبية مستوية يعطينا سطح مستوي وبعد فحص البايبات وتركيب الحبال فيها نادر ما يستوي انسداد لسوء الشغل والخرسانة حماية دايمة للبايبات

[معماري قطري]

إخوي المريخي إسئل بو ظاهر بيفيدك ما شاء الله مصمم قصر على مستوى ومنتبه لهذي الأشياء البسيطة الله يوفقه في بنيانه ويوفق كل من يبني

نقطة أخيرة يستحسن نستعجل في الصبيات قبل السقف وتكون سطح جاهز للسقالات ونظيف لا غبار ولا حصى وبسهولة نقدر نركب اللي نبي للسقف ونرجع نخلص الأرضيات والحمامات وبعدها الحوائط

[Almuraikhi]

مشكورين اخواني وماقصرتوا ع المشاركة
بس أنا لين الحين ماعرفت طريقة التركيب بضبط*بنسبه
للرخام برمل المغسول
اللي اعرفه اجيب رمل مغسول واوزعه في البيت على البيبات مباشرة واعمله بلاستر بدون دك وأركب الرخام مع الإسمنت هل هذا صحيح ؟

[Azizuk]

مشكور اخوي Azizuk
على التوضيح

الله يعافيك اخوي سعود

الحمدللله قسم البناء والتشطيب يفيد كل الاعضاء

وكل واحد يستفيد من خبرة الاخر

[Azizuk]

دفان بودرة نظيفة مع كسر حصى صغير ويندك على مراحل ورش ماي

وبعدها صبيه خرسانية 5 سنتيميتر وفوقها مادة الغراء ( لصق ) وعليها البلاط

احسن طريقة صدقني ترتاح عقب باذن الله

تسلم يالغالي ماتقصر

[Azizuk]

مشكورين اخواني وماقصرتوا ع المشاركة
بس أنا لين الحين ماعرفت طريقة التركيب بضبط*بنسبه
للرخام برمل المغسول
اللي اعرفه اجيب رمل مغسول واوزعه في البيت على البيبات مباشرة واعمله بلاستر بدون دك وأركب الرخام مع الإسمنت هل هذا صحيح ؟

انا قدام عيني بيت جاري الفني كان يركب الرجام

كان يحط خلطة اسمنتسة سودة فوق الرمل المغسول ويحط قطعة الرخامة ويضربها بمطرقة وبعدين يرد يشيلها ويحط خلطة زيادة ويرجع قطعة الرخامة مره ثانية يركبها وبعدها يحط مادة زي الغرا شوي، قطرة يقول لي غراء قوي

بس يوم سالت قالو لي ان مادة الصق تجي خاصة حق الرخام وتخلط مع مادة سايلة ويتركب عليها الرخام بس شوي التكلفة غالية و افضل من الاسمنت

ومعظم اصحاب تركيب الرخام يركبون الرخام برمل مغسول مع سمنت ابيض عشان الرخام اذا متص الرطوبة بعد فترة مايتغير لون الرخام وخاصة اذا الرخام بيج والا ابيض والا لون فاتح دايمن ينصحون بالاسمنت الابيض

لان سمنت الاسود بعد فتره يخرب الرخام لدرجة ان تحصل في بعض الرخام الرديئ يحصل في فجوات ويتاكل واخاصة اذا في منطقة الدفنه والاساسات مب مدفونه دفان مضبوط بعد فترة الرخام يمتص الاملاح الموجوة في الدفان ويتغير

هذا شفته في بيت صديق لي في الدفنة


http://www.mapei.com/mobile/

وهذي الشركة اللي عندها نوع الاصق حق الرخام الكيس مع خلطة السايل تغطي مساحة 15 متر مربع

والمحل موجود في طريق سلوى جنب مغربي ومحلات فحص السيارت وجنبهم DHL

واطلبو منه سعر المشاريع المحل مفتوح من 8 لين 12 بعدين فترة غداء يسكر ساعه ونص ويرعج يفتح لين 6 او 5 مب متاكد

واحسن ناس تركب رخام هم السيخ شاطرين بس سعرهم غالي ويركب على راحته ودايمن تحصلهم ثنين او ثلاثة مايكثرون ناس عشان مايخترب تركيب الرخام وخاصة اذا جاك سلابت مقصوصة ومرقمه

[معماري قطري]

انا قدام عيني بيت جاري الفني كان يركب الرجام

كان يحط خلطة اسمنتسة سودة فوق الرمل المغسول ويحط قطعة الرخامة ويضربها بمطرقة وبعدين يرد يشيلها ويحط خلطة زيادة ويرجع قطعة الرخامة مره ثانية يركبها وبعدها يحط مادة زي الغرا شوي، قطرة يقول لي غراء قوي

بس يوم سالت قالو لي ان مادة الصق تجي خاصة حق الرخام وتخلط مع مادة سايلة ويتركب عليها الرخام بس شوي التكلفة غالية و افضل من الاسمنت

ومعظم اصحاب تركيب الرخام يركبون الرخام برمل مغسول مع سمنت ابيض عشان الرخام اذا متص الرطوبة بعد فترة مايتغير لون الرخام وخاصة اذا الرخام بيج والا ابيض والا لون فاتح دايمن ينصحون بالاسمنت الابيض

لان سمنت الاسود بعد فتره يخرب الرخام لدرجة ان تحصل في بعض الرخام الرديئ يحصل في فجوات ويتاكل واخاصة اذا في منطقة الدفنه والاساسات مب مدفونه دفان مضبوط بعد فترة الرخام يمتص الاملاح الموجوة في الدفان ويتغير

هذا شفته في بيت صديق لي في الدفنة


http://www.mapei.com/mobile/

وهذي الشركة اللي عندها نوع الاصق حق الرخام الكيس مع خلطة السايل تغطي مساحة 15 متر مربع

والمحل موجود في طريق سلوى جنب مغربي ومحلات فحص السيارت وجنبهم DHL

واطلبو منه سعر المشاريع المحل مفتوح من 8 لين 12 بعدين فترة غداء يسكر ساعه ونص ويرعج يفتح لين 6 او 5 مب متاكد

واحسن ناس تركب رخام هم السيخ شاطرين بس سعرهم غالي ويركب على راحته ودايمن تحصلهم ثنين او ثلاثة مايكثرون ناس عشان مايخترب تركيب الرخام وخاصة اذا جاك سلابت مقصوصة ومرقمه

الشيخ لو اسمنت أسود جاف وما فيه رطوبة وعليه طبقة اللاصق خلاص بينه وبين الاسمنت مادة عازلة والأهم الأرضية قوية وعريضة ومستوية باقي الكلام اللي تسمعه وتشوفه أكثره تسويقيشن

[معماري قطري]

في المواصفات نصيحة اللي يبي شغل زين يسوي كت أند بيست للطريقة اللي شرحتها ويوديها للمشرف ويفهمه شيبي أي شيء ثاني ممكن بس هذا المضمون

مثل ما ممكن تبني بيت بطين والا برماد بركاني ويعيش عمر ممكن بعد تبنيه باسمنت وطابوق وخرسانة وبعد يعيش عمر

[معماري قطري]

إذا الواحد يهمه السعر الفرق بسيط جداً وإذا عن الوزن إخوي عبدالعزيز الوزن ولا شيء ومحسوب أضعاف هذا الوزن في التصميم

مقارنة الوزن هي كالتالي .. عندك 15 سم رمل وفوقه صبية اسمنت ماخذه 5 سم خل نقول و1 سم البورسلان .. طبعاً البورسلان أثقل شيء بس 1 سم ولا شيء .. وهذي كثافتها التقريبية حول 2000 كجم لكل متر مكعب يعني وزن المتر المربع بسمك 15 سم حوالي 300 كجم

الطريقة الثانية خرسانة خفيفة ولنفترض مثل ما ذكرنا في الفائت بورسلان يتركب على صبية كثافتها حول 2200 كجم في المتر المكعب بتعطينا وزن حق ال 15 سم حول 330 كجم في المتر المربع

يعني الوزن كلش ما يفرق كثير مقارنة بالخرسانة الانشائية تحت اللي أحياناً يكون سمكها 25 سم أو 30 وكثافتها 2400 كجم في المتر المكعب غير عن وزن الحديد .. 25 سم تعطينا حول 600 كجم في المتر المربع ومصممة لتحمل أضعاف وزنها

مثال لوزن حوض سباحة فوق السطح بعمق 1.2 متر وعرض 5 متر وطول 7 متر = كثافة الماء معروفة 1000 كجم في المتر المكعب 1000 في 1.2 في 5 في 7 = 42000 كجم بس كوزن موزع على المساحة وطبعاً ينضاف له وزن المعدات والحوض بيطلع أكثر .. لكن وزن الأرضية المخصصة له يطلع لنا 2400 في 35 سم في 6 في 9 فرضاً الرقمين الأخيرين هي أرقام مساحة الغرفة اللي عليها الحوض .. تطلع لنا = 45360 كجم ونلاحظ وزن الصبية مقارب للحوض لكن الصبية تشيل وزنها وتشيل أضعاف وزنها بسبب تسليحها بالحديد وتصميمها لوزن ميت ووزن حي متغير حسب القوانين وحسب مبالغات بعض المهندسين بدون أي مشاكل

[Azizuk]

يابوعبدالله احنا مالنا الا الظاهر نسمع ونشوف ونتعلم من الاخطاء اللي نمر فيها

وضحيه في يد هالبنغال وهالعلمية لو الجهات المختصة تشترط علي جميع المقاولين وجميع مكاتب الصيانة الصغيرة وعندهم مواصفات خاصة كان محد تعب

بس احنا قاعدين تحت يدهم كل واحد يجي لك بطريقة

البناني يقول شي والبنغالي يقول هذي طريقتنا والمصري عندة الخلطة المصرية يركب بلاط الجدران بالمونه

وانت يابوعبدالله دارس هندسة معمارية تعرف المواصفات المعتمدة عالميا

هني حتى لو تقول له ركب هذي الطريقة وهو مايبي يحاول يقنعك واذا لزمت عليه قال لك يحاول يقنعك انها مكلفة ومالها داعي ومن هالكلام

واذا اجبرته يسوي اللي انت تبيه لازم تكون مفرق نفسك توقف على روسهم والا بيعفس عليك الدنيا وبعدين بيقول لك انا قلت لك ان مايحتاج

والله ياليت في شروط من البلدية لتزم السوق بتوفير الاحتياجات المطلوبة

في اشياء تسال عنها عند الوكيل يقول لك اجيبها بس عند الطلب ويجيبها للمشاريع اذا كمية بسيطة مايوفرها لك

انا واحد مجرب السوق وادخل عليهم اذا شاف انك تتكلم عن فيلا يتغير وجهه كله يبون مشاريع الطمع يبذحهم

بس الدول الثانية فيها متوفر للمشاريع وفي للافراد

[معماري قطري]

كلامك أغلبه واقعي وصحيح والمشكلة السوق مليان من الطالح أكثر من الصالح

انا والله تعلمت من مشاريع الحكومة أيام العز الهندسي ألحين يمكن فيه انحدار وشعوذات منتشرة ويقنعون العامة بها .. الشغل الهندسي لازم يكون شغل فريق من الاختصاصيين لو جاك واحد منهم مبتديء وقليل خبرة خرب في مجال تخصصه .. وغالبية مخططات وعقود المكاتب ناقصة نقص كبير وقابلة للتأويل وتعدد الخيارات وتدويخ الشخص العادي

عني انا ما احب الاسترخاص في شيء مهم واحب اللي يسوي شيء صح يذكرني بخير .. والناس يخسرون ملايين في أشياء جانبية في البنيان والأساسيات يقصرون فيها .. الأساسيات هذي عرفناها انا وباقي اللي أفنوا عمرهم في هذي الشغلة من خلال دراسة ومتابعة وقراءات كثيرة وكانت عندنا قوانين وتوجيهات صارمة بخصوص عدم استعمال البودرة مثلاً .. وتجينا منشورات بأسماء شركات ردي مكس قوية بعدم التعامل معاها بسبب فشل العينات ومن البلدية أيام عزها وأيام كانت مسيطرة على كل هذي الشغلات

لي اخو نصحته وكلمت العمال المصريين عنده بس كلامي غير ملزم وهو اقتنع بكلامهم ونفذ .. حصل عنده انتفاخ وغير البلاط وخسر وقت وشغل وفلوس بعد التركيب وتصليحهم بعد فيه خلل ومب مضمون

وأي عامل تسوي له الأرضية عن طريق المقاول الرئيسي سيدة ومرتبة ونضيفة بيقول لك مشكور وهذي تنفع معاي .. تقول له ركب المونة الفلانية بيركبها ولو تسئله شالأفضل بيقول لك اسمنت أبيض وبيقول لك تعال الأرضية مب مخشنة وبيبدأ يفتي لك في كل شيء .. العملية هندسية ولازم حد فاهم يتابع الاتفاقيات هذي ويحدد كل شيء .. التخشين ضروري لبعض مواد اللصق وغير ضروري لغير من المواد ودوم كل مشكلة هندسية لها حلول بس بعضهم ما يعرفها ودور المهندس الاستشاري المتابع مهم جداً

تلزم المقاول باتفاقيات وعقد صارم وتتابع كل مرحلة وتشيك مع الاستشاري أو الاستشاري يشيك ويصور ويرسل لك .. الخرسانة خلصت وانعمل لها تقوية أو كانت قوية بالفايبر والاضافات بس ننطرها تنشف ونبدأ نركب حسب بعد رسومات ونقشات معينة متفق عليها سابقاً .. شأنظف من هذا؟ وأسهل من هذا واللي يستصعبه عامل فهلوي لازم بيكون

أحد زملاء المهنة مهندس ميكانيكي وبنى هو واخوانه بيوت متشابهة وعن طريق ما يسمى بالشركة الخاصة .. واجهته مشاكل كثيرة لأن يحتاج خبرات ثانية غير عن تخصصه وحتى في التنفيذ كان يتخذ قرارات هندسية معمارية غلط .. بعدين انتبه وجاب مهندسة تصميم داخلي ورجع يكسر ويغير وتأخر بنيانه وزادت التكاليف وسكن .. زرع أشجار الكورناكابلس الطويلة ودخلت جذورها للمنهولات بسبب رداءة الشغل وعدم وجود حمايات قوية .. المفروض ما يتعلم من أول بنيان المفروض يستأجر مكتب مختص يتابع له الشغل والمكتب لازم يوفر التخصصات .. أما مكتب توقيع أو مكتب المهندس الفذ اللي فاهم في كل شيء هذا لازم نبعد عنه

رجع رفيجنا بنى بنيان ثاني وطلعوا هو واخوانه منطقة خاصة بهم وأجروا بيوتهم بعد تصليحات كثيرة وبعد عدم قناعتهم بها

في النهاية البنيان توفيق من الله بس لازم نسعى لهذا التوفيق باختيارات صحيحة .. كثيرين يهمهم المنظر وينقلب التجميل الزائد والمبالغ فيه لقبح واختيارات غير موفقة والمفروض بعد سماع نصيحة المختصين والتجميل بحدود معقولة وبدون البذخ لأنه شيء ما يرضي الله سبحانه ولازم نبتعد عن الرياء والمبالغة والصرف الزايد .. داخل البيت تبي راحتك وتقدر تسوي اللي تبي وبرا حاول يكون متوسط والجمال جمال كتلي وليس نقشي

[شموخ دائم]

,

,

مرحبا

موضوع طيب وما بزيد على كلام الاساتذه عندنا والمهندسين

بس عندي

ملاحظه

اكثر المشاكل الي مرت علي بسبب ( الدفان الكثير )

http://4.bp.blogspot.com/-UnyqPpbqF2Y/UAMRPxjDdgI/AAAAAAAACO0/Q0ejlhlPc4I/s1600/DSC01274.JPG

ما اسهل ان الرخام يهبط لكثره سماكه الرمل
مو محتاجين كل هذه الكميات العاليه
شويه رمل بس افضل والباقي سمنت للتركيب

فوق الصبيه العاديه وبعد تمديد البيبات للكهرباء يحطون دفان ( 20 سم ) واحيانا 30 سم وبعدها يبلط او يركب الرخام
وهذا يسبب هبوط للرخام او السيراميك
90% من البيوت الي شفتها الي هبط فيها الرخام بسبب هذي المشكله

لذلك
تجنب الدفان ما يزيد عن 10 سم الي يكفي لتغطيه البيبات
ويركب بعدها باسمنت ابيضلالوان الرخام الفاتحه
واسمنت اسود لالوان الرخام الغامق

خفف الرمل الدفان قد ما تقدرون

كل المشاكل الي شفتها بسبب سماكه الرمل
اكثر من اللازم

[معماري قطري]

إخوي شموخ دائم وليش العشرة سم رمل خلطة خرسانة خفيفة تكفي وأضمن لعمل سطح مستوي

بعدها يجي اللاصق وبنوعية مناسبة وشغل مضمون .. البنيان التجاري غير وحتى ما يحتاج رمل اللي يسويه صح أبرك له

[شموخ دائم]

,

,

اتفق معاك والله
ياريت لو نقدر نقنع الناس بهذي الطريقه
افضل ومضمونه

حاولت كثير وماقدرت اقنع اصحاب المنازل
تعودت الناس يشوفون الرمل
والعمال يقنعونهم فيه

لذلك صرنا نحط الرمل بسيط جدا

ولو ان بدونه افضل مثل ما تفضلت

,

,

[سعود.]

إخوي شموخ دائم وليش العشرة سم رمل خلطة خرسانة خفيفة تكفي وأضمن لعمل سطح مستوي

بعدها يجي اللاصق وبنوعية مناسبة وشغل مضمون .. البنيان التجاري غير وحتى ما يحتاج رمل اللي يسويه صح أبرك له

مساء الخير

خلطة خرسانية خفيفه ؟؟؟

ممكن يابوعبدالله توضيح !!!!

[معماري قطري]

مساء الخير

خلطة خرسانية خفيفه ؟؟؟

ممكن يابوعبدالله توضيح !!!!

هذي الله يسلمك ما تعتبر انشائية وقوة ضغطها حتى 15 كيلو نيوتن في المتر المربع تكفي .. الكيلو نيوتن تعني كجم في عجلة الجاذبية الأرضية متر في الثانية تربيع .. يعني 15000 كجم x تسعة وثمانية من العشرة أو تقريباً 10 لو بنحولها لكتلة تعطينا 1500 كجم كقوة ضغط على الأرضية لكل متر مربع والبلاط والأثاث مستحيل يوصلها

الخرسانات الانشائية عندنا توصل 35 كيلو نيوتن للمتر المربع وهي بعد قوة ضغط كبيرة ما نحتاجها هنا .. الخرسانة الضعيفة ممكن تكون مايعة أكثر وتستوي ذاتية الإستواء مثل سطح الماء .. طبعاً القوية والانشائية لازم تقلل كمية الماء وتزيد الاسمنت نسبة الماء للاسمنت تكون 45% وأقل .. لكن الخفيفة تقدر تزيد الماء بحيث تكون وقت الصب بفعل الجاذبية ذاتية الإستواء ولا فيها تعرجات .. وهذي تكون كثير رخيصة

انا صراحة حق بيتي ما سويت انشائية تحت دك زين وسيدة 15 كيلو نيوتن مايعة معاها فيبر سائل وقت الخلط يستوي خيوط قوية تمنع الشلوخ وهو الأهم .. سويتها بعدين للحوش كله واللي يحب يشوف للحين الحوش مثل المسطرة سيدة بعد 11 سنة صورته في موضوع الصبغ واللي يبي يعاين حياه .. التكلفة كانت بسيطة لأنها خرسانة رخيصة وخفيفة

مواصفات الفيبر واسمه التجاري موجود في الموضوع المثبت نصائح عن العقود واتوقع شركات الردي مكس تسويه الحين جاهز ولو سويته ما تحتاج حديد نهائياً .. فوق الخرسانة الانشائية قبل بعدين بعد التمديدات خرسانة الاستواء هذي

[سعود.]

جزاك الله خير اخوي بوعبدالله على التوضيح .

ممكن اخر سؤال : وش فرقها عن السكريد ؟؟؟ ولا هم نفس الشئ !!!

[معماري قطري]

جزاك الله خير اخوي بوعبدالله على التوضيح .

ممكن اخر سؤال : وش فرقها عن السكريد ؟؟؟ ولا هم نفس الشئ !!!

تقريباً نفس الشيء بس ذي تكون بالردي مكس والسكريد في الغالب يدوي

فيه بعد للأسطح الواسعة خفيفة الوزن وتجي مثل الرغوة حق تغطية العازل وحق عمل السكريد بسلوب .. ووزنها أخف حتى من الرمل لأن غالبيتها فراغات

الخرسانة خلطات وفيه ناس تتفنن فيها وبمواد غريبة .. قبل حول 2400 سنة بدوا يبنون بالرماد البركاني في روما وبنيانهم للحين باقي .. وهي تقريباً أول بلاد تفننوا في صناعات السيراميك ووصلوا للبورسلان وكل مرة يطلعون بشيء جديد .. هم والألمان وبدرجة أقل الانجليز وباقي الدول تقلدهم والا تصنع تحت ماركتهم وموافقتهم وبعض الدول تقلد بالغصب مثل الصين

حتى بعض نوعيات الصابون تسوي فقاعات بسيطة وتصلح حق تعمل خرسانة خفيفة

طلع منتج جديد اللي هو الخرسانة البلورية وهذي حق البيسمنت والأساسات ما يخترقها الماء نهائياً .. ومنتج خرسانة فيها شوية شفافية وتدخل النور من الخارج

[Azizuk]

تقريباً نفس الشيء بس ذي تكون بالردي مكس والسكريد في الغالب يدوي

فيه بعد للأسطح الواسعة خفيفة الوزن وتجي مثل الرغوة حق تغطية العازل وحق عمل السكريد بسلوب .. ووزنها أخف حتى من الرمل لأن غالبيتها فراغات

الخرسانة خلطات وفيه ناس تتفنن فيها وبمواد غريبة .. قبل حول 2400 سنة بدوا يبنون بالرماد البركاني في روما وبنيانهم للحين باقي .. وهي تقريباً أول بلاد تفننوا في صناعات السيراميك ووصلوا للبورسلان وكل مرة يطلعون بشيء جديد .. هم والألمان وبدرجة أقل الانجليز وباقي الدول تقلدهم والا تصنع تحت ماركتهم وموافقتهم وبعض الدول تقلد بالغصب مثل الصين

حتى بعض نوعيات الصابون تسوي فقاعات بسيطة وتصلح حق تعمل خرسانة خفيفة

طلع منتج جديد اللي هو الخرسانة البلورية وهذي حق البيسمنت والأساسات ما يخترقها الماء نهائياً .. ومنتج خرسانة فيها شوية شفافية وتدخل النور من الخارج



ماشالله عليك داهية العرب يابوعبدالله

قايلك انك انت البحر الطامي في الهندسة

اللي مثلك المفروض محد يفرط في

لو بيدي عينتك رئيس هيئة اشغال

عشان تصلح الأخطاء الموجودة في الطرقات

[سعود.]

مشكور يابو عبدالله ماقصرت

[معماري قطري]

العفو اخواني بو سعود وسعود

السكريد اليدوي واللي ردي مكس مشكلته فيه شوية تعرجات وهبوطات ما تبين بسهولة وتعتمد على مهارة اللي يسويه .. يمكن الردي مكس فرصة تسويته بالمروحة وباليد اسهل .. والاثنين لو ينعملون بالكامل قبل التبليط ونجي نتأكد مناستواءها وتكون بدون اي ميلان وما فيها نتوءات ترفع البلاط بالليزر وباليد وبالمعاينة عن الشلوخ وبعدين يركب البلاط باللاصق زين

الخرسانة الرطبة والشبه سائلة يقويها الفيبر وما يخليها تتشلخ وأنها شبه سائلة تكون مستوية بدون اي ميول بفعل الجاذبية وبدون كتل بارزة حتى الغرف اللي بنحط لها سجاد ما فيه داعي التبليط فوق الخرسانة مباشرة بس نضبط المستوى مع الغرف المجاورة