جامعة قطر.. وكلام الناس!!

[شاب قطري]

السلام عليكم..

انا طالب جديد في جامعة قطر..

طبعاً ما اخفيكم اني سمعت كلام محبط جداً عن الجامعة..

ـ الدكاترة مب زينين!

ـ الجامعة صععععبة

ـ ماراح تتخرج

ـ روح المجتمع او ادرس برع احسن لك

ومن هالقبيل..

فـ ابي اعرف هل جامعة قطر فيها هالكلام وكيف هي الحياة الجامعية!

افيدونا ججزاككم الله خخير.. :)

[ضوى]

كلام محبط ، يثبط العزيمه واكيد ماسمعته الا من فاشلين او كسالى او اللي ماحصلت لهم فرصه للقبول بالجامعه ، جامعه قطر من احسن الجامعات ونعم انظمتها شوي صعبه ومعقدة لكن كشهادة ممتازة
ماعليك من هالكلام ولا تشغل بالك ، بتدخل الجامعه وساعتها بتندم انك سمعت مجرد سمع لهالتفاهات ، الله يوفقك ان شاء الله وسنه دراسيه سعيدة عالجميع

[Charisma]

كلام محبط ، يثبط العزيمه واكيد ماسمعته الا من فاشلين او كسالى او اللي ماحصلت لهم فرصه للقبول بالجامعه ، جامعه قطر من احسن الجامعات ونعم انظمتها شوي صعبه ومعقدة لكن كشهادة ممتازة
ماعليك من هالكلام ولا تشغل بالك ، بتدخل الجامعه وساعتها بتندم انك سمعت مجرد سمع لهالتفاهات ، الله يوفقك ان شاء الله وسنه دراسيه سعيدة عالجميع

صحيح ،

وعسى الله يوفقك .

[وحش قطر]

ماعليك من السوالف

انا لي قصه غريبه مع الجامعه وصعبه اسردها هني

بس الخلاصه شد حيلك وبتحصل نفسك في الصفوف الاولى

اصعب مرحله اول كورسين والتغير في الروتين

لكن بعد التعود وتكوين الصداقات بتكون الامور سهالات

ولا تلتفت للمحبطين

وعلى قدر اهل العزم تاتي العزائم

[حليتان*]

لا صعبه ولا شي

انا طالب فالجامعه مع اني صاير بليد لكني ماشي ماعليك*

صحيح في دكاتره يتساهلون مع الطلاب لكن مش معناه ان في دكاتره يظلمون الطلاب
الدكتور الي ييقيم على المعاير المطلوبه بصورة دقيقه الطلاب يعتبرونه طالم وهالشي مب صحيح
لان تحصل طلاب درجاتهم عاليه وطلاب لا

[شموخ دائم]

,

,


مرحبا


ان شاء الله راح تكون احلى ذكريات حياتك

شد حيلك

انت في ( مصنع الرجال )

كل شي في الحياه يبي اجتهاد وصبر

لاتسمع لحد

فكر تكون ( جامعي )

ترى الدراسه في خارج قطر

( غربه )

ومايعلم بقسوتها الا الي جربها

وانت هنا بين اهلك وناسك واصدقائك

احمد الله على هذي النعمه

,

,

[بانغ بانغ]

ما ازيد على اللي قالوه الاخوان ..

يوم دخلت الجامعة ... كنت احلم بالقانون ودخلت كورس وغيرت لاقتصاد ...... تعقدت وطلعت ... هاي سنة طافت بس استغليتها في اخذ مواد المتطلبات الاختيارية او التأسيس ذيك الايام

عقبها دخت انجليزي والحمدلله خلصت

والله مروا علي شباب كانوا ايقولون مافي امل اتخلص التخصص صعب ولكني آمنت في ارادتي وخلصت الصعاب

فبتمر عليك مراحل صعية واحباطات وناس محبطين

لا تلتفت لهم ابدل

[بوخميس]

ما عليك من كلام الناس

انت ابذل جهدك واشتغل على نفسك والأمور سهالات بإذن الله

انا كنت متخوف لما دخلت الجامعة، وكانوا يحذرون من بعض الدكاترة انهم ما يعطون معدلات عالية

الحمد لله تخرجت بمعدل أعلى من 3.5 من 4 مع اني كنت ادرس المسا واشتغل الصبح

وجبت امتياز عند د. محمد المسفر اللي الكل كان يذمه. والحين طالب ماجستير ولله الحمد

[معماري قطري]

شقال المطرب اللي صوته يخرع .. كلام الناس لا بيئرب ولا يأخر

أي دراسة أو عمل يبي له بذل مجهود ولازم بتحصل صعاب وبتحصل ناس محبطين

انا خذت كورس واحد في الجامعة بس جامعة قطر قصدي وعجبتني وقتها .. كان مكثف ثلاث أيام من صبح لين العصر .. بس عجيبة وقت التخريج شفت وجوه معانا تخرجت كلش ما شفناها في الثلاث أيام

[شاب قطري]

الله يسمع منكم

[بنت شرق]

جامعة قطر عادية ، التزم بالقوانين وواظب على الدراسة وعمل الوظائف بتنجح
الشباب الي حوالينا يسألون عن الدكاترة قبل التسجيل معهم ويسألون من سبقهم عن نظامه هل هو الانضباط والحضور أو درجات الامتحانات والواجبات
وياخذون امتحاناته السابقة
ويعطون الطلاب عادة الواجبات لمتخصصين بعمل الواجبات الجامعية سواء بالعربي أو الانجليزي
غالبا الدراسة تحتاج لتركيز وصبر الله يعينك

[سهم ماينزل]

الجامعة رائعة قد تكون هناك سلبيات لكن الايجابيات اكثر
وأكثر طلاب جامعة قطر او الضعيف منهم يعرف البحوث والعروض والمنتديات والنقاش


ربي يوفقك والدراسة سهله للي بيشد حيله

[ضوى]

دش منتدى جامعه قطر وايد بترتاح ، الله يوفقك

تخرجتا منها احنا وخواتنا وكنا ايام المنحنى اللي كان ظلم علينا بس الحمد لله ماستسلمنا ،وضعكم الحين وايد احسن منا الحمد لله

[Summer Fruits]

ما راح انصور لك انك بتعيش في جامعة قطر حياة وردية لان فيها صعوبة لكن اذكر ان الدكتور مرة كنسل المحاظرة ودخلنا محاطرة لشخص معروف بقطر ومن االكلام اللي قاله لنا ان الشركات والمؤوسسات بقطر تفضل طلاب جامعة قطر عن غيرهم بنسبة تزيد عن سبعين بالمية "لان عارفين اللي مروا فيه يمكن" :)

خاطري اعرف ذيلا اللي يقولون مب متخرج منها كم ساعة يدرسون بالاسبوع بس
كلنا دخلنا فيها وتخرجنا الحمدلله وكانت ايامها حلوووه

[بوخميس]

دش منتدى جامعه قطر وايد بترتاح ، الله يوفقك

تخرجتا منها احنا وخواتنا وكنا ايام المنحنى اللي كان ظلم علينا بس الحمد لله ماستسلمنا ،وضعكم الحين وايد احسن منا الحمد لله

ايااااااااااااام المنتدى

صكروه من زمان، المفروض الجامعة كانت تكرم بو يعقوب مؤسس منتدى جامعة قطر على الجهد اللي سواه.

[متروس]

عينك على الشهادة وبس وبتجيبها انشالله

انت والي بيتخرج من هارفرد كلكم نفس المستوى اذا اشتغلتوا بعد التخرج من ناحية الدرجة الوظيفية والمخصصات.

الحين مش وقت نصايح الحين وقت اعقلها وتوكل على الله

[ابوالكلام]

روح وماعليك من الكلام انت الي تحدد مي الناس مايناسب الناس من الممكن يناسبك وعموماً اغلب من في مجتمعنا راعي كلام ولا يعطيك الحقيقة روح هذي حياتك واصنعها بنفسك. وانت كفو بالتوفيق. وعذراً للمجتمع الجميل. الي احبه.

[نوفا91]

اياااا عليج ياجامعة قطر :(

راجعة لج للماستر ان شاء الله

لاتصدق توكل على ربك وشد حيلك وكل واحد يحصد اللي جناه

بالتوفيق

[كشمه]

أنت بين خيارين يا تعيش وناسة الأيام اليومية وما تنغص على عمرك وتستصعب الجامعة وتسمع كلام الناس
أو تحب الجامعة والدراسة من كل قلبك وتخطط لمستقبلك وتترك الوناسة والراحة شوي
في غمضة عين باذن الله بتاخذ الشهادة

في عراقيل وهي ضرورية لإختبار الصبر عندك خلال دراستك
الحياة الجامعية جدا جميلة .. خل توكلك دائما على الله

[قطريه ماركه]

ما عليك من كلام الناس ادرس و توكل على رب العالمين

كلننا تخرجنا منها و لله الحمد

[pure]

اولا الله يوفقكك يارب ويوفق كل الطلاب

جامعة قطر ماكانت شي مستحيل مثل الكلام اللي طلع صعبه و مستحيله

بالعكس مع شدة الحيل والالتزام بالحضور بتعدي

و الدكاتره عموما بتلقى الشديد وبتلقى المتساهل وبتلقى الماده الصعبه والماده السهله

وبتمشي الحياه اهم شي تتوكل على الله و استمتع لان تجربة الجامعه وحياة الجامعه مرحلة حلوه بحياتك

[نوفا91]

دش منتدى جامعه قطر وايد بترتاح ، الله يوفقك

تخرجتا منها احنا وخواتنا وكنا ايام المنحنى اللي كان ظلم علينا بس الحمد لله ماستسلمنا ،وضعكم الحين وايد احسن منا الحمد لله



اي استفسار يضيف حساب طلاب جامعة قطر على تويتر وسناب صار هو المرجع لكل الطلاب بعد ماتسكر المنتدى

[qatarman8008]

والله ياخوي اتمنى لك التوفيق ولا افكر احبط من معنوياتك خصوصا انك في مرحلة حرجة من عمرك..
لكن.. عندي في الشغل كثير شباب طلعوا من جامعه قطر..
منهم اللي راح اشتغل ومنهم اللي راح يكمل دراسته برى..
الاسباب كانت مثل اغلاق التخصص وتحويلهم لاخصص اخر غير مرغوب فيه..

[سهم ماينزل]

الله يوفق جميع الطلاب لخدمة قطر واميرها المفدى

http://www.raya.com/Mob/GetPage/f6451603-4dff-4ca1-9c10-122741d17432/e8aae865-48c1-4e4a-886e-5660414cee88

[khaldoon]

اخوي اهم شي اول فصلين...معدل تراكمي عالي اول فصلين مهم جدا جدا

بالتوفيق ان شاء الله

[Alm@n$ei]

.
.
ما عليك من كلام الناس انا طالب في الجامعة

اهم شيء تكون مقتنع في التخصص اللي اخترته انت بنفسك

الجدية والانتباه

عدم التأخير على المحاضرات

تسوي التكاليف اول بأول

حاول تخلي المعدل التراكمي في البداية عالي فوق الثلاثة

قبل الدوام خذ الجدول الدراسي وروح الجامعة عشان تعرف اماكن المحاضرات

تعرف على مرشدك الأكاديمي

صور الخطة الدراسية واقعد مخمخ فيها لكن بعدين عشان ما تعور راسك في البداية

اسأل عن الدكتور قبل ما تسجل عنده

خل معاك دفتر صغير عشان تدون الملاحظات المهمة لان بعض الاسالة في الاختبارات تكون من المحاضرات وموب موجودة في الكتاب او الباور بوينت "سؤال او سؤالين فقط"

الأندية الطلابية مهمة لانها تصقل مواهب الطلاب القيادية والادارية ولكن لا تدخل أي نادي الا عقب ما ترفع المعدل التراكمي وتثبته في البداية يعني بعد ما تخلص 60 ساعة امورك طيبة

الجامعة موب مثل قبل الحين الطلاب يشاركون القرارات المهمة والمؤثرة خصوصا عن طريق المجلس التمثيل الطلابي

وأخيرا تابع هالحسابين في تويتر qustudents و qataruniversity لمعرفة اخر الأخبار في الجامعة

بالتوفيق الشيخ واكيد لنا لقاء معاك وصدقني راح تستمتع في الحياة الجامعية

.
.

[love life]

انا خريجة جامعة قطر ما في شئ سهل فالحياة اجتهد قد ما تقدر وتوكل على الله بخصوص الدكتور بتحصل المتشدد -المتساهل انت اختار الدكتور الزين من ناحية الدرجات وطريقة الامتحانات في دكاتره طلباتهم ما اتخلص كانه الواحد بس ماخذ مادته وبعضهم لا على حسب اسال قبل ما اتسجل

[كيلو حديد]

أي شيء فيه علم أدخل فيه وتعلم
لو في مجال بجامعه أفضل فخير
لو ما قدامك إلا جامعة قطر توكل على الله وكمل دراستك

درسنا فيها وتخرجنا ولله الحمد

[Charisma]

ايااااااااااااام المنتدى

صكروه من زمان، المفروض الجامعة كانت تكرم بو يعقوب مؤسس منتدى جامعة قطر على الجهد اللي سواه.


شكراً لكم .. فقد كنتم شموعاً تحترق .. لتضيء الدرب للأخرين ..

لن نوفيكم حقكم .. مهما خطّت أقلامنا ووصفت أحاسيسنا .. فأقل ما يمكننا تقديمه .. هو الدعاء لكم بالتوفيق دائماً وأبداً ..

BoYagoob
2003 - 2015

عسى الله يوفقه ، فعلا المنتدى قدم الكثير لطلاب الجامعه ولغيرهم .

[Qtr37]

جامعة قطر من احسن الجامعات وجودة التعليم ومخرجاته اقوى من جامعات كثيرة لكن (بعض) الناس الكسالى ينتقدون اي شي،،

[nagano]

انا مادري من اللي حسسك انك بتروح جهاد موب جامعة قطر

انا خريج جامعة قطر وبالنسبة لي كانت اسهل من الثانوية والدراسة مش معقدة وانا ماكنت مجتهد
وفي نفس الوقت ما اهملت كنت معتدل لأَنِّي للأسف ماكان عندي هدف أني اتخرج بتفوق كان الأهم عندي
أني اتخرج بتقدير جيد والدراسة كانت جدا سهلة واكيد تتحدد السهولة حسب التخصص فيه تخصصات
يبي لها جهد مضاعف وانت اللي تحدد التخصص المناسب لك والخطة الدراسية والدراسة حالها حال اي جامعة
واللي بيقولك الله يعينك وصعبة هذا يا انه ماقدر يكمل او يسمع كلام الناس فاتوكل على الله ولا تحط في بالك
انها صعبة والله يوفقك

[Salman911]

انا خريج جامعة قطر واقولك توكل على الله ومابتندم
شوف كم واحد يسجل ف الجامعة ويتخرج وكم واحد يطلع

[يمامـة]

من الملاحظ حولي الترويج المهول عن صعوبة الدراسة في جامعة قطر..

حسسوني اللي يدرسون في جامعة قطر انهم يدرسون في اصعب جامعات العالم
وان جامعة قطر متطلباتها او الدراسة فيها تخرج عباقرة يتوافدون عليهم كبرى الشركات
والمؤسسات ومراكز الأبحاث في العالم!!

العالم من الشطار او الكسالى او اللي مستواهم هيك وهيك دخلوا جامعة قطر..

احنا لو عندنا اختبار قياس القدرات ما بعد التخرج من الجامعة راح تطلع لنا فضايح كثيرة..

بس مشكلتنا ما عندنا اختبار قدرات لا للي مخلصين الثانوية العامة ولا للي مخلصين جامعة..

لذلك انت ما عليك من اللي يقول لك جامعة قطر صعبة.. لأن جامعة قطر صعبة للي ما يدرس
وسهلة للي يدرس.. واللي تخرجوا منها بتقادير مختلفة مب احسن منك..
فاللي تخرج بتقدير ممتاز مب احسن منك في شي.. واللي تخرج بتقدير مقبول مب احسن منك في شي..

فالصعب يستوي سهل بارادتك انت.. وما بالك انت أصلا داش جامعة تصنيفها العام عالميا فوق ال 1000
ففكر لو تصنيفها كان تحت ال 1000 او تحت 700 او تحتت 500 او تحت 300 او من افضل 10 جامعات في العالم
حزتها اشلون بتكون الصعوبة فيها؟
وشنهي المتطلبات المطلوبة؟
وشنهو الشروط اللي لازم تتوافر فيك؟

فقولوا الحمد لله عندنا جامعة تشل عيال قطر من نسب 70%
وتخرجهم بشهادة البكالوريوس ولا تقولون صعبة.. لأن فيها تأسيسي وفيها ترقد فيها
وتحذف مقرر وتدفع بدل الحذف ومافيها لمت معين للحذف.. ومافيها متطلبات صعبة..

[م. عبدالعزيز]

الكلام اللي سمعته بتسمعه بكل خطوه بحياتك (الدراسة ، العمل ، الزواج ، ... الخ) وهاي شي طبيعي لانه الحياه مب مثاليه ،، فالمطلوب اسمعه من الاذن اليمين وخله يطلع من الاذن اليسار

خلك ايجابي وبتكمل الجامعه باذن الله وبتفوق

جامعة قطر ممتازه وانا تخرجت منها - كليه الهندسه والحمد الله

[شبيه الريح]

كلام فاضي ولا تسمع كلامهم واجتهد

اصعب شي عندك التكاليف في اخر التيرم يكون وقتها واحد نفس الاسبوع او نفس اليوم و بيكون عليك ضغط شوي ولا باقي الامور سهله والحمد لله

[JN000N]

جامعة قطر افضل واقوى جامعة في قطر
تخسي وحده من جامعات المدينه التعليميه توصل نص مواصيل مخرجات التعليم ف جامعة قطر
بشهادة دكاتره وموظفين في المدينه التعليميه وباذني سامعتهم وقاعده معاهم ومتناقشه وياهم
موظفات خريجات من جامعة قطر افضل ف الانتاجيه ومرغوب فيهم اكثر من طلاب الجامعات الثانيه

[يمامـة]

جامعة قطر افضل واقوى جامعة في قطر
تخسي وحده من جامعات المدينه التعليميه توصل نص مواصيل مخرجات التعليم ف جامعة قطر
بشهادة دكاتره وموظفين في المدينه التعليميه وباذني سامعتهم وقاعده معاهم ومتناقشه وياهم
موظفات خريجات من جامعة قطر افضل ف الانتاجيه ومرغوب فيهم اكثر من طلاب الجامعات الثانيه


Pardon
الطالب المفصول من جامعة قطر ما يقدر يلتحق بإحدى جامعات المدينة التعليمية الا اذا كان مستواه عالي
وانفصل لظروف خاصة فيه.. وعندي بعض الأسماء القطرية المشرفة في هالمجال الله يبارك فيهم..

اما الطلاب المفصولين من جامعات المدينة التعليمية.. تتستقبلهم جامعة قطر بصدر رحب
ونتايجهم تكون طيبة وحلوة..

فعلى أي أساس مخرجات جامعة قطر صارت افضل من مخرجات جامعات المدينة التعليمية
اللي لهم رنك دولي معترف فيه واعلى من رنك جامعة قطر؟

[JN000N]

Pardon
الطالب المفصول من جامعة قطر ما يقدر يلتحق بإحدى جامعات المدينة التعليمية الا اذا كان مستواه عالي
وانفصل لظروف خاصة فيه.. وعندي بعض الأسماء القطرية المشرفة في هالمجال الله يبارك فيهم..

اما الطلاب المفصولين من جامعات المدينة التعليمية.. تتستقبلهم جامعة قطر بصدر رحب
ونتايجهم تكون طيبة وحلوة..

فعلى أي أساس مخجات جامعة قطر صارت افضل من مخرجات جامعات المدينة التعليمية
اللي لهم رنك دولي معترف فيه واعلى من رنك جامعة قطر؟

على اساس انج ما عاشرتي الموظفين الي ف الجامعات كلهم ولا جفتي طريقة التدريس وتهيئة الطالب لسوق العمل والمجتمع
وعلى اساس اني طالبة متخرجه من جامعة قطر ومعاي الاف الطالبات والطلاب الي بصمتهم في المجتمع القطري اقوى من بصمة الي تخرجو من المدينه التعليميه
اذا اعتمدتي على كلام جرايد واحصائيات من نفس الطخه
ف انا اعتمدت على واقع انا حاليا اعيشه ومهما كان الكلام (المنتشر) سلبي عن جامعة قطر الا ان خريجينها يقولون العكس وطبعا اهل مكه ادرى بشعابها
طالبه متخرجه من جامعة قطر تشتغل في المدينه التعليمه اللي اساسا تستقبل وتوظف طالبات جامعة قطر اكثر من خريجين المدينه نفسها

[يمامـة]

على اساس انج ما عاشرتي الموظفين الي ف الجامعات كلهم ولا جفتي طريقة التدريس وتهيئة الطالب لسوق العمل والمجتمع
وعلى اساس اني طالبة متخرجه من جامعة قطر ومعاي الاف الطالبات والطلاب الي بصمتهم في المجتمع القطري اقوى من بصمة الي تخرجو من المدينه التعليميه
اذا اعتمدتي على كلام جرايد واحصائيات من نفس الطخه
ف انا اعتمدت على واقع انا حاليا اعيشه ومهما كان الكلام (المنتشر) سلبي عن جامعة قطر الا ان خريجينها يقولون العكس وطبعا اهل مكه ادرى بشعابها
طالبه متخرجه من جامعة قطر تشتغل في المدينه التعليمه اللي اساسا تستقبل وتوظف طالبات جامعة قطر اكثر من خريجين المدينه نفسها

شي طبيعي بيوظفون طلاب جامعة قطر.. لأنهم يتخرجون أساسا من غير سبونسرات
بينما القطريين في جامعات المدينة التعليمية اغلبهم يدرسون وكل طالب وراه سبونسر
يلزمه لما يتخرج يشتغل عنده..

فلو مخرجات جامعة قطر اقوى.. ومخرجات الجامعات العلمية بكل تخصصاتهم اقل
ليش الشركات تبحث عنهم وتوقع معاهم عقود؟

كل طالب يجد ويجتهد يستحق انه يكون صاحب مخرج قوي..
فعيب علي اقارن طالب مجتهد ومتخرج بتقدير عالي من جامعة قطر بطالب متخرج
من احدى جامعات المدينة التعليمية بتقدير مقبول.. هذا ظلم ..

لكني في الوقت نفسه.. ما اقدر امدح شي رنكه انزل من شي.. هذي هي الأرقام تتكلم

لما رياضيات تكساس تقبل في جامعة قطر.. بينما رياضيات جامعة قطر لا تقبل في جامعة تكساس
أقول ( بفضل جامعة تكساس) لأن جامعة تكساس عالمية ورياضياتها مقبولة في كل مكان..

قد تشوفين مخرجات جامعة قطر حسب كلام الموظفين افضل بملايين المرات من مخرجات المدينة التعليمية

الا اني احكم على المخرجات من حيث القبول والرفض.

و أتساءل ليش الطلاب المفصولين او المنسحبين من الجامعات المدينة التعليمية لصعوبتها عليهم
نتايجهم تكون طيبة في جامعة قطر..

سؤال ما أوجه لج أوجه للي يقول مخرجات جامعة قطر اقوى!!

ومع هذا ما اقلل من خريجي جامعة قطر ابدا..
لكني ما اقدر أقول جامعات المدينة التعليمية اقوى من جامعة هارفورد او كمبردج او كارونيل
لو خذنا نفس التخصصات!!

[غايه الطواش]

من امتع سنوات حياتي دراستي في جامعه قطر
الاجتهاد امر نابع من نفسك وشخصك ومش من الجامعه
بعد ماتخرجت وتوظفت اكثر سوال انسالته في حياتي بعد جنسيه امي من اي جامعه متخرجه
كثير من كفاءات قطر متخرجه من جامعه قطر
بس الشي الوحيد الي حز بخاطرنا وخلانا نحس بالنقص من جامعه قطر ان مب الشيخه الي خرجتنا

[JN000N]

شي طبيعي بيوظفون طلاب جامعة قطر.. لأنهم يتخرجون أساسا من غير سبونسرات
بينما القطريين في جامعات المدينة التعليمية اغلبهم يدرسون وكل طالب وراه سبونسر
يلزمه لما يتخرج يشتغل عنده..

فلو مخرجات جامعة قطر اقوى.. ومخرجات الجامعات العلمية بكل تخصصاتهم اقل
ليش الشركات تبحث عنهم وتوقع معاهم عقود؟

كل طالب يجد ويجتهد يستحق انه يكون صاحب مخرج قوي..
فعيب علي اقارن طالب مجتهد ومتخرج بتقدير عالي من جامعة قطر بطالب متخرج
من احدى جامعات المدينة التعليمية بتقدير مقبول.. هذا ظلم ..

لكني في الوقت نفسه.. ما اقدر امدح شي رنكه انزل من شي.. هذي هي الأرقام تتكلم

لما رياضيات تكساس تقبل في جامعة قطر.. بينما رياضيات جامعة قطر لا تقبل في جامعة تكساس
أقول ( بفضل جامعة تكساس) لأن جامعة تكساس عالمية ورياضياتها مقبولة في كل مكان..

قد تشوفين مخرجات جامعة قطر حسب كلام الموظفين افضل بملايين المرات من مخرجات المدينة التعليمية

الا اني احكم على المخرجات من حيث القبول والرفض.

و أتساءل ليش الطلاب المفصولين او المنسحبين من الجامعات المدينة التعليمية لصعوبتها عليهم
نتايجهم تكون طيبة في جامعة قطر..

سؤال ما أوجه لج أوجه للي يقول مخرجات جامعة قطر اقوى!!

ومع هذا ما اقلل من خريجي جامعة قطر ابدا..
لكني ما اقدر أقول جامعات المدينة التعليمية اقوى من جامعة هارفورد او كمبردج او كارونيل
لو خذنا نفس التخصصات!!

بدون تعصب لرأي دون الاخر
تفضلي

http://up.arabseyes.com/uploads2013/27_09_1614749435846931.jpeg

http://up.arabseyes.com/uploads2013/27_09_16147494358472852.jpeg

‏نفخر بأن 7 من خريجينا تقلدوا مناصب وزارية هامة وهذا يؤكد ثقة القيادة الرشيدة بمخرجات #جامعة_قطر
‏
‏#جامعة_قطر16




في نفس الوقت
من الظلم انج تحطين موضوع استقبالهم للطلبه المفصولين من المدينه التعليميه بند تقييمي للجامعه
خاصه وانها جامعه حكوميه مفتوحه لكل طلاب قطر
ومب الكل بعد يفلح فيها الا لكل مجتهد نصيب


بعدين من وين جبتي معلومه ان مافي سبونسرات لطلاب جامعة قطر؟ وانا من قبل ايامي اذكر بنات وايد وحتى من دفعتي كانو يدرسون في جامعة قطر سبونسر من جهات مختلفة
لما تقولين رياضيات تكساس ورياضيات جامعة قطر
اقولج كلية الهندسة في جامعة قطر اقوى من تكساس اللي مستانسين عليها في المدينة التعليمية بشهادة دكاتره يدرسون في تكساس

ومانحكم على الجامعة من قبولها ورفضها للطالب لان مش القبول ولا الرفض ولا الشروط التعجيزية تحدد مستوى الجامعة
الاستمرارية والمخرجات التعليمية والتهيئة لسوق العمل هي اللي تحدد
غير اللغة الانجليزية من المدينة التعليمية ماشفنا شي قوي ف الطلبة :)

[نعيمه علي]

مثل مافي طلاب فشلوا في الجامعة هناك طلاب نجحوا وبتفوق
تخرجت منها ورجعت كملت دبلوم فيها
وبنتي الحين تدرس فيها
الجامعة تحتاج من يشد حيله ولا يتأثر بأي كلام سلبي
اسمع لهم وقول انا راح انجح واتخرج
والله يوفقك

.

[الماريّة]

.
.
جامعه قطر ماعليها كلام ويكفي انها خرجت اجيال والنعم فيهم كلهم

وعلى مستوى عالي من التعليم

من جد وجد ومن زرع حصد ومن سار على الدرب وصل

شد حيلك اخوووووي ولا عليك من كلام المتشائمين الي نظرتهم دايما تشاؤم
وعدم ثقه

ورافق الصديق المتفائل دايما يبعث في روحك الحماس والتعلم اكثر للمستقبل
اهديك ابيات الامام الشافعي عن العلم


أخي لن تنال العلم إلا بستة ..... سأنبيك عن تفصيلها ببيان
ذكاء وحرص واجتهاد و بلغـة ..... و صحبة أستاذ وطول زمـان


وكذلك

اصبـر على مـر الجفـا من معلم ... فإن رسـوب العـلم في نفراتـه
و من لم يذق مر التعلم ساعــة ... تـجرع ذل الجهـل طـول حياتـه


ربي يوفقك ويكتب لك في كل خطوه للعلم .. اجر وتيسير
/
/

[الزعفراني]

السلام عليكم..

انا طالب جديد في جامعة قطر..

طبعاً ما اخفيكم اني سمعت كلام محبط جداً عن الجامعة..

ـ الدكاترة مب زينين!

ـ الجامعة صععععبة

ـ ماراح تتخرج

ـ روح المجتمع او ادرس برع احسن لك

ومن هالقبيل..

فـ ابي اعرف هل جامعة قطر فيها هالكلام وكيف هي الحياة الجامعية!

افيدونا ججزاككم الله خخير.. :)

وعليكم السلام والرحمة


جامعة قطر أصبحت من أفضل الجامعات في المنطقة .. وفيها فرص للتعليم والمعرفة والابحاث والله ما تتوفر في بعض الجامعات في دول اجنبية حتى

أهم شي لا تسمع كلام ربعك .. وحاول تشوف لك شلّه جايه تبي تتعلم وبتفوق .. مش شلّه تدور أي فرصه بين المحاضرات عشان تشوف اقرب كوفي ستار بكس

والا تي تايم :)

[يمامـة]

بدون تعصب لرأي دون الاخر
تفضلي

http://up.arabseyes.com/uploads2013/27_09_1614749435846931.jpeg

http://up.arabseyes.com/uploads2013/27_09_16147494358472852.jpeg

‏نفخر بأن 7 من خريجينا تقلدوا مناصب وزارية هامة وهذا يؤكد ثقة القيادة الرشيدة بمخرجات #جامعة_قطر
‏
‏#جامعة_قطر16




في نفس الوقت
من الظلم انج تحطين موضوع استقبالهم للطلبه المفصولين من المدينه التعليميه بند تقييمي للجامعه
خاصه وانها جامعه حكوميه مفتوحه لكل طلاب قطر
ومب الكل بعد يفلح فيها الا لكل مجتهد نصيب


بعدين من وين جبتي معلومه ان مافي سبونسرات لطلاب جامعة قطر؟ وانا من قبل ايامي اذكر بنات وايد وحتى من دفعتي كانو يدرسون في جامعة قطر سبونسر من جهات مختلفة
لما تقولين رياضيات تكساس ورياضيات جامعة قطر
اقولج كلية الهندسة في جامعة قطر اقوى من تكساس اللي مستانسين عليها في المدينة التعليمية بشهادة دكاتره يدرسون في تكساس

ومانحكم على الجامعة من قبولها ورفضها للطالب لان مش القبول ولا الرفض ولا الشروط التعجيزية تحدد مستوى الجامعة
الاستمرارية والمخرجات التعليمية والتهيئة لسوق العمل هي اللي تحدد
غير اللغة الانجليزية من المدينة التعليمية ماشفنا شي قوي ف الطلبة :)

bonjour mademoiselle
جنون..

التغريدة تقول يا جنون من ضمن افضل 50 جامعة على العالم من الجامعات الحديثة التي تأسست قبل 50 ...يعني هناك جامعات تأسست قبل 1000 سنة وهناك جامعات تأسست قبل 606 سنة وهناك جامعات تأسست قبل 700 سنة و 200 و 100.. وجامعة قطر أصبحت ضمن 50 افضل جامعة تأسست حديثا.. يعني مالها خص في تصنيف الجامعات العريقة ..

فكم رنك جامعة قطر على مستوى كل الجامعات في العالم مقارنة مع رنك جامعات المدينة التعليمية اللي تأسست من سنين ما قبل ظهور قطر على الخارطة!!



اما بخصوص الاعتزاز بمخرجات وخريجي جامعة قطر هذا امر طبيعي ولا خلاف عليه.. من قال لج ان احنا ما نفتخر بخريجي جامعة قطر؟ او نعيب عليهم ؟
ولا نقلل من مستواهم؟ لكن نقول رنك جامعات المدينة التعليمية عالميا اعلى من رنك جامعة قطر.. ومخرجات هالجامعات مب اقل من مخرجات جامعة قطر وقد تكون اعلى وشهادات هالجامعات معترف فيها دوليا.. فعلى أي أساس نشوف ناس يقللون من مخرجات هالجامعات؟


فلو سعادة وزير الخارجية متخرج من جامعة قطر.. شي طبيعي لأن 90% من المسؤولين و الموظفين في قطر متخرجين من جامعة قطر لأنها الجامعة الوحيدة في قطر.. فالأمر ابدا مب مستغرب من هالناحية.. فهل لو افتخرنا بتخرج وزير الخارجية من جامعة قطر.. فهذا يعني الوزير اللي ما تخرج من جامعة قطر ما نفتخر فيه؟ كل جامعة وقوة شهاداتها تستدعي الواحد يفتخر انه تخرج منها.. فاليوم خريج هارفورد بيحس نفسه فار في قطر؟ لأن هناك خريجين من جامعة قطر نفتخر فيهم:rolleyes2:



من قال لج يا جنون اني قيمت جامعة قطر بناء على استقبالهم للطلبة المفصولين او المنسحبين؟.. بينما تقيمي مبني على رنكات عالمية تصنف كل الجامعات في العالم في قائمة وحدة..
فجامعات المدينة التعليمية رنكها اعلى من جامعة قطر.. فهل اكذب الأرقام واصدق كلام الناس ان جامعة قطر افضل؟ خلي مدير جامعة قطر يصرح ان جامعة قطر افضل من جامعات المدينة التعليمية هو الشخص الوحيد المخول بمثل هذا التصريح.. ولا اعتقد انسان بمكانة مدير في جامعة انه يحط نفسه في مثل هالمواقف اللي بتحرجه وبتحرج العالم وياه في قطر!!


ومن ثم
تساءلت عن مخرجات التعليم.. وقلت ليش الطلبة في الهندسة في تكساس انسحبوا او انفصلوا لأن استصعبت عليهم الدراسة فيها بينما في جامعة قطر امورهم ماشية؟
ليش طلبة في كارنجي ميلون انسحبوا او انفصلوا منها وكملوا زي الحلاوة في جامعة قطر؟
السؤال حق مشروع .. وين تكمن القوة وصعوبة الدراسة في جامعة قطر.. من حقي اعرف ليش؟ علشان اعرف اشلون هالجامعات و ليش طفشت عيالنا:weeping:





بخصوص الاسبونسرات
هل ذكرت ان طلاب جامعة قطر ما عندهم سبونسرات كلش؟ كلامي كان عن غالبية طلاب جامعات المدينة التعليمية وليش ما يشتغلون في المدينة التعليمية فهم ما يشتغلون في المدينة التعليمية لأن عندهم سبونسرات .. للعلم كيو اف طلابها اللي متكفلة في دراستهم كلهم يشتغلون عندها.. فهل ممكن كيو اف يطردون الطالب اللي خسرانين عليه ويوظفون طالب من جامعة قطر؟ لأنهم افضل؟
مستحيل..


جنون
من هم القطريين اللي تقبلهم كيو اف من خريجي جامعة قطر؟ هم الطلاب اللي ما عندهم سبونسرات.. و مع التقطير لابد من توظيفهم

فما وظفوهم لانهم افضل من طلاب المدينة التعليمية!! ولا لو عندهم سبونسرات راح تسمح لهم جهات عملهم يتوظفون في كيو اف!!




بخصص تأكيدج على ان دكاترة المدينة التعليمية يقرون بافضلية جامعة قطر
عيالنا في جامعات المدينة التعليمية ولا ورد على مسامعهم ان جامعة قطر افضل من جامعة المدينة التعليمية
لا في الهندسة ولا في غير الهندسة
بالعكس الكادر الاكاديمي يفتخر انه يدرس في هالجامعات و يتراكضون ويتمنون التدريس في هالجامعات لأنها جامعات عالمية والواحد يضيف سمعة لسيرته الذاتية لو كان يدرس في هالجامعات..
فما علي من أي كلام يقال من ناس ما جربوا التعليم في هالجامعات ولا علي من ناس تمدح او تذم في جامعة قطر او الجامعات التعليمية



واعيد واستفسر واتساءل

ليش طلاب استصعبت عليهم الدراسة في جامعات المدينة التعليمية وانطردوا او افقدوا سبونسراتهم او انسحبوا وقدروا يكملون في جامعة قطر من غير صعوبات؟
هل اللغة الإنجليزية هي السبب في هذا؟
ولا لأن الجامعات هذه أساسا كانت صعبة عليهم.. ولقوا في نظام جامعة قطر مرونة اكثر..


واذا قلت لج ان رياضيات جامعة تكساس معترف فيها في جامعة قطر.. ورياضيات جامعة قطر مب معترف فيها في تكساس وتعيدين علي جامعة قطر افضل في الهندسة

هالمنطق ما اقدر اناقشج فيه.. لأني في مثل هالحالات ابحث عن الأفضل مب عن راي فلان او علان في أي جامعة مهما كانت هالجامعة لها قبول عند الناس

فالافضل لي ان ولدي يقدم اختبار تحديد مستواه في جامعة نتايجها معترف فيها عند كل الجامعات مب مقتصرة بالجامعة اللي قدم فيها بس..

تدرين ان
عالميا لما يتخرج طالب من أكسفورد ينقال له واااو متخرج من اكسفورد؟ وعلى نفس المنوال عالميا لو قال انا خريج جامعة تكساس او كورنيل او كارنجي

بينقال له واااو.. مب لأنه هو اللي وااااو.. ولكن لأن هالجامعات عالميا تعتبر وااااو.. فما انيي احنا في قطر نقلل منها ونقول ما تسوى ومافيها قوة الا في اللغة انجليزية .. فيا خوفي باجر لو فتحوا لنا فروع حق أكسفورد و كمبردج و هارفورد نسمع نفس الأسطوانة....> ام المصايب حزتها بتكون :(


فاليوم انتي تنشرين خلال متصفحنا هذا فرحة مدير جامعة قطر بدخول جامعة قطر ضمن افضل 50 جامعة حول العالم أسست حديثا فاحنا نشاركه هالفرحة لأن الجامعة هي جامعة قطرية ونفتخر بمثل هالتصنيف.. لكن في المقابل ابيج تركزين على

أسست حديثا يعني من اللي تأسسوا قبل 50 سنة.. بينما جامعات المدينة التعليمية تأسست قبل 1000 سنة يمكن ورنكها عالميا اعلى من رنك جامعة قطر..
فاشلون تقللين من مكانتها وهي اللي رنكها عالميا اعلى من جامعة قطر و تفتخرين بجامعة قطر لأنها أصبحت ضمن 50 جامعة أسست حديثا؟

نبي اشوية منطق عند عقد مثل هالمقارنات



يمكن انت ما تحبين جامعات المدينة التعليمية.. يمكن انت تشوفين جامعة قطر افضل.. ويمكن انت تشوفين مخرجات جامعة قطر افضل لكن في الوقت نفسه.. جامعات المدينة التعليمية طموح كل طالب متفوق وامنية لكل طالب يطمح انه يتخرج من جامعات لها اسمها وثقلها في العالم وهذا مب تقليل من جامعة قطر.. ولا هو اجبار للطالب المتفوق للي ما يبي يدرس فيها انه يدخلها

لكن

الطلاب اليوم طموحهم تعدى جامعات المدينة التعليمية ووصل الى معرفة افضل الجامعات حول العالم فما يصير ايي أقول جامعات المدينة التعليمية افضل من جامعة كامبردج او أكسفورد
لأن جامعات المدينة التعليمية رنكها اعلى من جامعة قطر.. الطلاب اللي ادرسوا في الجامعتين هم الأكثر مقدرة على الحكم على مخرجات التعليم وقوة كل جامعة
فوجهة نظرج بخصوص ان جامعات المدينة التعليمية قوتها ما تكمن الا في اللغة انجليزية .. يأكد لي قصور فهمج مع كامل تقديري واحترامي لج لتقييم مثل هالجامعات..



لذلك اسمحي لي انهي النقاش في هالموضوع الى ما وصلنا عليه وما عندي مانع انسحب على رايج اللي يقول :"ان قوة جامعات المدينة التعليمية في اللغة الإنجليزية " و اتركج على ما انتي عليه من فكرة حول هالجامعات.. واترك طلاب المدينة التعليمية يستفيدون من اللي يتعلمونه.. واترك طلاب جامعة قطر يستفيدون من اللي يتعلمونه ونترك عيالنا يجنون ثمار تعبهم وجهدهم ويفرحون بشهاداتهم اللي يحصلون عليها من جامعاتهم اللي انتسبوا لها..

الى اللقاء في مواضيع أخرى..:shy:

[ابن فطيس]

أنا أقولك و أخذ نصيحتي , إللي يقولك هالكلام يا إنه مطرود من الجامعة بسبة المعدل أو إنه مايدرس من الأساس فعشان كذا يعطيك رأيه ولا يقولك ابتعث مب عشان الدراسة إلا هو قاصد إنك تغير جو , أنا قبل لا أدش كلية أحمد العسكرية , ناس قالوا لي صعبة و عسكرية وفوق هذا دراسة جامعية و مادري إيش وماتقدر و دوام أسبوع , بالعربي طيحوا معنوياتي على آخر شيء , أنا ماهتميت , قلت هذا مستقبل و ماقدر أفرطه و مب أحسن مني إللي تخرجوا منه , والحين الحمدلله من فضل الله ثم دعاء والديني لي , آخر كورس لي و باقي لي سنة و أتخرج..


لا تخلي الناس تمشي كلامها عليك , أدخل وشد حيلك وأرفع راسك فوق و راس أهلك و اصدمهم , هذا مستقبلك أنت و أنت إللي تحدده والله يوفقك

[JN000N]

اختي اليمامه


ماعرف ليش هالمعلقه هذي كلها على نفس الكلام تلفين وتدورين حوله وهو مجرد حشو واسمحيلي اقولج كلام سطحي
بصراحة انا ماعرف اذا انتي متخرجه من جامعة قطر او لا
ماعرف درستي فيها او شهادتج ثانويه وبحكم كونج ربة منزل مش موظفه بعد اعتقد هني (وبحكم كلامج سابقا) تخلين الخبره والتعليم هم اللي يردون عليج
مب اراء تقرينها في جرايد او ارقام مش عارفه شلون اقتنعتي فيها برغم ان التجارب والخبره اللي اساسا انتي تحبين تعتمدين عليهم في كل شي هم اللي يثبتون صحة الارقام او التشكيك فيها
طبيعي لما تحين بتقارنين جامعة وطنيه حكومية بجامعه عالمية (المنطق يقول العالمية افضل بمليون مره ومافي مجال للنقاش) وهالكلام كلنا نتفق عليه مب انتي بروحج
ولو الجامعات هذي اللي فالمدينة التعليمية طايح حظها جان ماجفنا ملايين اندفعت عشان تكون عندنا هني ف الدوحة
انا مب مثلج امجد في مكان واذم في مكان (مثل موضوع المدارس الخاصه والمستقله)
ولا اسوي مقارنات عشان اطيح حظ مكان على حساب مكان

انتي تقولين يوظفون اللي مخسرين عليهم في دراستهم في المدينة التعليمية اولى من الي يجون من جامعة قطر مثلا
انا اقولج ولو انهم موجودين وتوظفو روحي شوفي من المتثبت فيهم وصار بيرميننت امبلويي ومن اللي مازال متدرب حتى بعد مرور 3 سنوات
قانون قطر فاونديشن الموظف الفرش قرادويت يتدرب من مدة ست شهور الى سنتين لحد ما يتثبت
وشوفي انا قلتلج بعضهم كملو ثلاث سنين ماتثبتو
محسوبتج اللي تكلمج خريجة جامعة انتي تقللين من قدرها تشتغل في مكان انتي تمجدين فيه تثبتت ف اقل مدة الكل يشهد لها في المكان الي تمجدين فيه حتى ماكملت الست شهور كنت معتبره موظفه ثابته ورسميا الكتاب وصل اول ماخلصت ست شهور وماستنكرو انها منخرجة من جامعة قطر لان اساسا مؤسسين المكان نفسه خريجين جامعة قطر

بدل ما تفكرين تطلعين القصور فيني والنقص ممكن وتقولين اني اشوف بس مخرجات تعليم المدينه ف اللغه وهذا فعلا شي اكيد وعلى فكره لغه واكاديميا بس بدون مايكون عملي روحي قارني اقل شي بالابحاث الي فازت فيها جامعة قطر على مستوى الطلبه والدكاتره بالابحاث اللي تقدمت من المدينه التعليميه مب بس تكساس او اي جامعة ثانيه
لا مجموعين كلهم في كفة قارنيهم بجامعة قطر وشوفي القاعده الرئيسية القويه وين وعقب ناقشيني
واذا كان عندج بنت توها ف اسفل السلم تعتبر طالبه هناك قلتلج انا موظفه وشغلي مع الدكاتره هناك وسنين وانا معاشرتهم ومايحتاج اسمع من برا عشان اعرف رايي اي حد ف مخرجات جامعة قطر وقوة تاسيس طلابها

اذا ماسكه علي ممسك رياضيات جامعة قطر مش معترف فيه ولو ان هالنقطه مابحثت فيها
ف اقولج شهادات المتخرجين من الجامعة التعليميه بعد ما تتقارن باللي متخرجين من الجامعة الاصليه :)

لا نكون هني قاعدين ننزل من قدر حد ونرفع قدر حد عشان نرقع لنفسنا
مب عشان البديل ممتاز (جامعة قطر) بتنزلين منه عشان ترضين ضميرج ان بنتج تدرس ف جامعة مختلطه ممكن وتذمين في الجامعة الوطنيه وانج مضطره تحطينها ف المختلط لانه افضل ومجبوره يمكن لانج تبين الزين لعيالج وهو مش افضل بالعكس المكانين ممتازين وتتفوق الجامعه الوطنيه الحكوميه في امور ماتتفوق فيها بعض الجامعة الثانيه
احنا فاهمين بعض ما يحتاج نزيد الكلام ونضيع المتسائل اللي يبي يدرس في جامعة قطر بس كلام الناس خلاه شوي يتردد
ف انا اقول خذي فره على الردود فالموضوع وجوفي الكلام عن الجامعه وعقب قوليلي ارقام الجرايد والاحصائيات تقول العكس :)

ومن هني اقول ان وصلنا لمرحلة عقيمة في نقاش اساسه عناد يمكن وجهل شوي وكلام قيل وقال مب فاكت ولا فقرز وكلن يمدح الوضع اللي هو عايشه ومقتنع فيه

[يمامـة]

جنون قريت اول كلماتج ونزلت اعلق من غير ما اكمل قراية كلامج....> مع كامل احترامي الكبير لج..
معلقتي ما يازت لج.. معلقتج ما بتيوز لي.. لذلك هذي. ( هذي نقطة)

واللي عندي كتبته لج في معلقتي الجميلة السابقة وما عندي أي حرف زيادة ممكن افيدج فيه..
و اعتبريني انسانة سطحية وتفكيري سطحي.. واترك لج القمم تتربعين عليها ..

الى اللقاء في مواضيع ثانية..

[Charisma]

أكثر المستفيدين من النقاشات هم القراء ( أكثر من تحاور الأثنين ) ، كل شخص يملك رأي وفكر وقناعة معينه في مثل هذه المواضيع ، وهالشيء طيب لان بين السطور نلقى معلومات جديدة - حلقة مفقودة - تصور وتحليل نستفيد منه .

لا ناخذ المواضيع بحساسيه ، التهجم والأنتقاص أساليبه معروفة ، وذكر الحقائق والاراء المتزنه لايمكن ان تفسر بانها تهجم وانتقاص ، تفسر بأنها ( رأي - نظرة - قناعه - تجربه - فكرة ) .

وكما قال الدكتور عبدالحسين عبدالرضا :

http://67.media.tumblr.com/285d1ee6fe81770b5f10e7c409b7476d/tumblr_nhz6meyIg91rq43y8o2_500.gif


https://66.media.tumblr.com/f098deacb5b71b4bf6e4686d16448dd6/tumblr_nhz6meyIg91rq43y8o1_500.gif