أستفسار ضروري ل

[قدام]

السلام عليكم و رحمة الله و بركاته


أستفسار للأهل الخبره و المعرفه ؟
هل القدر استخرج رخصه مغسله سيارات جديده .
وشنو الطريقه لاستخراجها ... اذا الموضوع صعب ..
لاني خسرت و جهزت كل شي بس باقي الرخصه و جزاكم الله خير

[شموخ دائم]

,

,


مرحبا

اخوي الكريم

عليكم السلام ورحمه الله

بالتوفيق لك

البدايه في التجاره نروح نسئل عن الرخصه ( ومتطلباتها )
وبعد ما نعرف المطلوب
نروح نجهز المكان على حسب ( شروطهم )

على سبيل المثال

لازم المكان يكون مايقل عن مساحه كذا في كذا
وله نظام تصريف الماء ونظام الترشيد
والموقع لازم يكون في مكان معين

لاتأجر مكان او تشتري أي شي قبل تعرف الشروط
حتى ما تخسر عقد ايجار وما يرخصونه لك

المفروض تمر على البلديه التابع لها المكان
وتسئل هناك بارك الله فيك

وخير من يفيدك اخونا ( رحال )

عنده الخبر اليقين
:)

,

,

[مختلف جداََ]

شيك الخاص أخوي

[why me]

اذا لقيت الي بيوافق يأجر لك امورك تقريبا خالصه بس بعد رحلهم وتاكد.
المشكله ان محد يرضى يأجر لك حق مغسلة سيارات , يخافون تخرب عمايرهم من الماي.

وانتبه من المغاسل المعروضه للبيع هالفتره , بعضها عليها امر هدم او بيطلعلها قريب.
في طريقه تتاكد ويبلغونك اذا عليها او بيكون عليها هدف بس مادري من وين.

[قدام]

شموخ دايم _ مختلف جدا_ whsme
شكرا لكم و جزاكم الله خير

[رحال الدوحه]

السلام عليكم ورحمة الله وبركاته ،،

السموحه من الجميع فالرد المتأخر ( كنت مسافر ) ..

كل الشكر والتقدير لك اخوي ( شموخ دائم ) والجميع على ردودكم الطيبه والمعلومه المفيده
وجزاك الله خير اخوي شموخ على توصيتك ..

وما ازيد على كلام الاخوه في ردودهم ، الافضل تراجع البلديه حسب منطقتك وتعرف الشروط
المطلوبه لترخيص مزاولة النشاط ( مغسلة السيارات ) وحسب علمي فالدوحه ممنوع الا تكون
المغسله داخل ( المحطه ) ..

واي خدمه انا حاضر لك والله يوفق الجميع

للتواصل : 33066636

اخوكم : رحال الدوحه

[قدام]

بارك الله فيك يا رحال الدوحه