انهيار مطبخ بيتنا وغلاء الايجارات

[partyQtr]

سمعنا قبل فترة بقرار نزول الايجارات واستبشرنا خير لكن لحد الحين الايجارات مرتفعة معقوله سعر غرفه وصاله وحمام بخمسة الالاف🙄 أتمنى يلغون
قرار التقسيم والتأجير يكون من المالك القطري دايركت لانه قاعدين نعاني من جشع وطمع اللي ماسكين سوق العقارات ويقسمون في هالبيوت
بكيفهم بطريقه ماادري اشلون وياجرونها بالالاف
اللي خلاني اكتب هالموضوع بيتنا اللي ماجرينه
صار له تقريبا مبني اربعين سنه احنا ساكنين فيه
ثلاثين سنه البيت تخيلو حالته لا صيانه ولى شى
وكل مره طايح علينا ونعدله احنا على حسابنا
أمس طاح المطبخ وماتخيلون اشلون المنظر فاجعه
واخوي الصغير كان داخل بس سبحان الله انكتب
له عمر جديد وتعور بإصابات خفيفه ياليت اصحاب
العقارات يراعون اللي دخلهم محدود وماعندهم سكن ولى بدل سكن من جهة عملهم وصار لنا اكثر
من ثلاثين سنه مقيمين على عالارض الطيبه ياليت
يتم النظر في اسعار الايجارات ، وماعليكم امر
اللي حوله بيت اجار سعره مايتعدى ال
7000 يكون في الغرافه -ازغوى-الناصريه عطوني خبر لانه البيت صار يشكل خطر علينا 😢
ودعواتكم ربي يحفظنا ويفرج علينا في الايام المباركه

[qtr qtr]

سلامت اخوك من كل شر والله يعينكم بصراحه كان المفروض تسوي عقد معاه بشروط الصيانه عشان تحفظ حقك .

ان شاءالله بداية 2017 راح تشوف الاجارات تنزل مع بداية تجديد العقود مع الدوله والموؤسسات الحكوميه وشبه الحكوميه والشركات وغير تقليص واكتمال المشاريع مع هجرة العماله الاجنبيه لبلادهم .

في واحد اعرفه مستأجر فيلا ب18 الف وقبل 3 شهور مجدد العقد معاه باجار 15 الف بالشهر .

[بانغ بانغ]

قالها الشيخ زايد بن سلطان الله يرحمه

المواطن ما يسكن في بيوت ايجار .

والاخ ايقول ثلاثين سنة في البلد

سبحان الله ليش ما يتم تخصيص شقق او فلل صغيرة في مجمعات ازدان عن طريق الدولة لهالفئة اللي اخدمت وعاشت في قطر وحتى حق المواطنين من الفئة البسيطة

ايش بيخسرهم اصلا ...... ولا شي

[بنت شرق]

الله يعينك ، كلمة للمسؤولين الي بيدهم الحل ومخلين الوضع على ماهو عليه الا تخافون الله وتتقونه ترى دعاوي الناس المظلومة ليس بينها وبين الله حجاب

[ابوالعبد]

الله يعينك يخوي ويارب تنزل الاجارات لانه اسعار خياليه وتنزل من قيم الفلل الي اسعارها صعب علي شاب قطري ان يشتري بيت علي ظ£ مليون وصغير مساحته ماتتعده ظ¤ظ*ظ* متر شدعوه اتمنى وبقوه نزول العقارات

[معماري قطري]

ما دام طاحت هذي القطع وفي هالوقت الوضع خطير ولازم تنعمل حلول سهلة مثل قطع حديد مثبتة كسقف مستعار أو بليوت خشب وتحته عمدان .. المهم الحماية والشكل صج بيكون مب مريح

الله يحفظكم جميع وحاولوا تشتكون في المحكمة بس بعد الشكوى ممكن تعني اخلاءكم للبيت وصعوبة الحصول على بيت ثاني بسهولة