ابغي حد عنده خبر في قانون الايجارات ابغي

[اهل قطر]

ابغي حد عنده خبر في قانون الايجارات
يفيدني . اذا مستاجر له 15 سنه وما زاد عليه المالك
كم يقدر يزيد

[بن غيث]

10% ..

[شموخ دائم]

,

,


مرحبا


اخوي الكريم

القانون الان بقطر كالتالي

المحلات التجاريه والمكاتب الزياده من 5% الى 10%
وما يصير نرجع باثر رجعي
يعني اذا انتهى العقد التجديد بزياده هذي
( المتعارف عليه 10% )

اما السكني العادي للعائلات او العزاب
مافي زياده معينه ولكن بالترتيب بين الطرفين

يعني قبل انتهاء العقد بشهرين تقدر تشعره بكتاب موجه او اتصال تلفوني
ان الايجار بيكون قدره ( 10 ) الاف ريال على سبيل المثال
دون النظر الى الايجار السابق
والمتعارف عليه 10%

الان السوق ( عرض وطلب )
اذا عجبه يوقع عقد جديد واذا شاف ان الايجار غالي
ممكن يطلع وينتقل الى مكان ثاني يكون السعر يناسبه

السوق الان يتجه الى ( الهبوط ) في الايجار
ولكن على حسب ( موقع العقار ) والمساحه والنظافه والخدمات العقار الي موقعه قريب من الخدمات وكل شي جنبه
هذا الايجار ما ينزل ويحافظ على سعره

وكل ما ابتعدنا عن المركز الدوحه تنزل الاسعارتدريجي
على شكل دائره تتوسع
ماعداء المناطق الي عليها ( طلب ) كبير ومستمر
فيها ميزه تجمع اهل قطر فيها والعائلات

او تجمع معين فيه مميزات يحبها جاليه معينه او قربه من الاعمال والموسسات الحكوميه
او قربه من شركات فيها موظفينهم

لذلك تقدر تشوف ( سعر السوق ) للعقارات الي جنبك والمشابهه لعقارك
وتوحد السعر معاهم
بشرط يكون نفس المساحه ونفس عمر البناء ونفس الخدمات

ونراعي الجوانب الانسانيه بلاشك في الموضوع من اعطاء المهله التي لاتضر احد الطرفين


,

,

[اهل قطر]

جزاكم الله خير