مشكلة قرض بدون أرض والحل المناسب

[A M A]

بسم الله الرحمن الرحيم

حاب أطرح موضوع وقضية فئة قرض بدون أرض

شالحل لهالفئه؟

قرض بنك التنميه ما تقدر تاخذه وتحطه دفعه أولى فالبنك
ولا تقدر تشتري فيه أرض تبنيها على حسابك

حاب أسمع آرائكم ونصايحكم

والله ولي التوفيق

[عاشق العديد]

مافي حل الا انك تخف من الشروط الي حاطها ..

واذا تبي بيت مالك الا تاخذلك قرضين قرض منهم وقرض من البنك .. وتحط هذا ع هذا وبل يالله يسد ..

وتاخذلك فلا الله يسلمك وتقسمها وتاجرها .. لمدة عشرين سنه ادفع دينك وعقب اهدم البيت واسحب سلفيه مره ثانيه وابني واجره .. جمع فلوس الاثاث ..

مافي حل لهم الله يكون بعونهم ..

لكن من وجهة نظري الي صعب عليه يلاقي بيت .. ياخذ فلوس بنك التنميه ويزيد شوي ياخذله ارض ابرك .. ويخليها لين ماربي يسر اموره ويقدر يبني ..

[A M A]

مافي حل الا انك تخف من الشروط الي حاطها ..

واذا تبي بيت مالك الا تاخذلك قرضين قرض منهم وقرض من البنك .. وتحط هذا ع هذا وبل يالله يسد ..

وتاخذلك فلا الله يسلمك وتقسمها وتاجرها .. لمدة عشرين سنه ادفع دينك وعقب اهدم البيت واسحب سلفيه مره ثانيه وابني واجره .. جمع فلوس الاثاث ..

مافي حل لهم الله يكون بعونهم ..

لكن من وجهة نظري الي صعب عليه يلاقي بيت .. ياخذ فلوس بنك التنميه ويزيد شوي ياخذله ارض ابرك .. ويخليها لين ماربي يسر اموره ويقدر يبني ..

ما يصير تاخذ مبلغ بنك التنميه الا فحالة شراء بيت فقط

[عاشق العديد]

يعني لو بتاخذ ارض مايعطونك .؟

يعني شروط تعجيزيه ليش مادري .؟

ياخي سسسهل الامور خل الامور تمشي .. ليش التعقيد ..

الله يسسسهل بسس .. مادري ايش الفايده من التصعيب هذا ..

[QtrGate]

انا اشوف ييمع وياخذ القرض
ويشتري فيلا صغيره برع الدوحة وياجرها
وبالاجار يأجر له فيلا صغيره

[A M A]

يعني لو بتاخذ ارض مايعطونك .؟

يعني شروط تعجيزيه ليش مادري .؟

ياخي سسسهل الامور خل الامور تمشي .. ليش التعقيد ..

الله يسسسهل بسس .. مادري ايش الفايده من التصعيب هذا ..

لا ما يعطونك اخوي
لا وازيدك بعد .. لو بتاخذ ارض على حسابك وجيت بتاخذ قرض بنك التنميه لازم يرهنون ارضك

[ذكي جدااا]

اكثر مشكلة انفتح لها مواضيع الله المستعان.

[jajassim]

احسن حل شراء فيلا ،،،والله يوفقك

[راجي الْعفو]

أزمة المواطن الكبرى
الله يفرج و يسهل..

[A M A]

احسن حل شراء فيلا ،،،والله يوفقك

شراء فيلا يحتاج دفعه أولى اخوي .. لو كان الفيلا الصغيره 3 مليون يعني تحتاج 30% دفعه أولى مليون والبنك يكمل لك الباقي على عشرين سنه..مليون مبلغ مب بسيط

[مختلف جداََ]

3 مليون و صغيرة
و الله زمن !!!!

[A M A]

3 مليون و صغيرة
و الله زمن !!!!

صغيره وبعيده بعد

[حمد بن سعد]

لاحول ولا قوة الا بالله

حسبي الله ونعم الوكيل


الله يكون في عونك الغالي

[mr. abdulla]

عندي سؤال.. يصير تأخذون قرض من بنك لشراء منزل mortgage و يكون قرض بنك التنمية دفعة الاولى down payment .. و هل بنك التنمية راح يرهن البيت او الرهن في حالة الارض و القرض فقط

[ضوى]

الله بكون بعونكم يارب

ماشوف اي انصاف في هذا القرار ولا من العدل تصنيف القطريين قطري درجه اولى وقطري درجه ثانبه لانه هذا يخلق العنصريه

[غريب الدّار]

عندي سؤال.. يصير تأخذون قرض من بنك لشراء منزل mortgage و يكون قرض بنك التنمية دفعة الاولى down payment .. و هل بنك التنمية راح يرهن البيت او الرهن في حالة الارض و القرض فقط

بنك التنمية يدفع لك فقط في حالة شراء بيت
يعني ماتقدر تأخذ المبلغ كاش وتخليه دفعة أولى لأي بيت

كل اللي تقدر تسويه (في حالة انك مستحق القرض فقط) انك تجيب لهم بيت معين بمواصفات حددها القانون ، وهم يشترونه ويصرفون المبلغ (اللي هو مليون وميتين ) في حساب مالك البيت مباشرة (اللي هو البائع)، حتى لو كانت قيمة البيت اكثر ، هم يصرفون لك مبلغ القرض فقط

البيت راح يكون مرهون لهم لمدة 35 سنة

[BoFahed]

الله بكون بعونكم يارب

ماشوف اي انصاف في هذا القرار ولا من العدل تصنيف القطريين قطري درجه اولى وقطري درجه ثانبه لانه هذا يخلق العنصريه

فيه امل كبير واخبار بانه بيتغير اختي

الله يعز حكومتنا وولاة امرنا ويرزقهم البطانة الصالحة

[mr. abdulla]

بنك التنمية يدفع لك فقط في حالة شراء بيت
يعني ماتقدر تأخذ المبلغ كاش وتخليه دفعة أولى لأي بيت

كل اللي تقدر تسويه (في حالة انك مستحق القرض فقط) انك تجيب لهم بيت معين بمواصفات حددها القانون ، وهم يشترونه ويصرفون المبلغ (اللي هو مليون وميتين ) في حساب مالك البيت مباشرة (اللي هو البائع)، حتى لو كانت قيمة البيت اكثر ، هم يصرفون لك مبلغ القرض فقط

البيت راح يكون مرهون لهم لمدة 35 سنة



يعني لازم ياخذ قرض شخصي عشان يكمل المبلغ... و أرخص بيت بالمواصفات قيمته 4 مليون و سابع المستحيلات قرض شخصي يغطي المبلغ كامل... الله يعنكم

[Qatari In Us]

الله يعين بس

هالمشكلة مسببة ازمة على قد مافكر بعيالي اذا رب العالمين رزقني فيهم شلون اوفر لهم بيت يتربون فيه و بس ماقدرت اطلع بحل . الحل وادري ان مايجوز لان الرزق بيد رب العالمين ان اوقف اييب عيال ويكفيني اللي عندي وهو ولد واحد اوفر له طول عمري واعيش بالاجار عشان لاكبر ازيده ويقدر ياخذ حق نفسه بيت اولى مني ويقدر يقول عالاقل ابوي خلا لي شي . قلت بشتري ارض قالوا مايصير لازم بيت . قلت بشتري بيت قديم قالوا مايصير لازم يديد . قلت باخذ قرض من البنك قالوا مايكفي قلت بجمع وازيد بعد مايصير . قلت باخذ قرض بيت من البنك العادي بعد مايصير لان الرهن بياخذه بنك التنمية . ف غسلت يدي وقلت الرزق بيد رب العالمين والحمدالله احسن من غيري .


ملاحظة بييون ناس بيقولون لا مايصير والدولة مب مقصرة والاصل لازم له حقوق اقول لهم الحمدالله اللي خلا الرزق بيده مب بيد عباده . واذا تبونها عالاصل ترى في ناس دشت بالتسعينات والثمانينات وحصلت بيوت الله يرزقهم ويزيدهم من خيره .

[غريب الدّار]

يعني لازم ياخذ قرض شخصي عشان يكمل المبلغ... و أرخص بيت بالمواصفات قيمته 4 مليون و سابع المستحيلات قرض شخصي يغطي المبلغ كامل... الله يعنكم

انا اعتقد ان مسألة انك تحصل لك بيت بقيمة مليون وميتين فيها صعوبة كبيرة جدا جدا


فبالتالي الواحد مضطر يزيد من عنده
والله يعين الجميع

[مرتبش]

الار اي ماينفع؟ الدولة تستاجر بيت للموظف واعتقد انه مفيد جدا

[qtr qtr]

الار اي ماينفع؟ الدولة تستاجر بيت للموظف واعتقد انه مفيد جدا

الار اي للسنير اما الثامنه وتحت الله يعينه
وغير ان راعي البيت ممكن يقول ببيع البيت او بهده وببني بيت يديد فالواحد يبي بيت مستقر ويرتاح فيه .

_____________________________

الفلل التجاريه حرام تندفع فيها اكثر من مليون بنيان فاشل مايصمد اكثر من سنتين الا ويخر ماي او الكهربه فيه مشكله او تشرخات فالطوف او ارضية البيت تنزل وووو .

الله يعين

[A M A]

عندي سؤال.. يصير تأخذون قرض من بنك لشراء منزل mortgage و يكون قرض بنك التنمية دفعة الاولى down payment .. و هل بنك التنمية راح يرهن البيت او الرهن في حالة الارض و القرض فقط

لا ما يصير اخوي لانه البنك يبي يرهن البيت وبنك التنمية يبي يرهنه فنفس الوقت

[A M A]

فيه امل كبير واخبار بانه بيتغير اختي

الله يعز حكومتنا وولاة امرنا ويرزقهم البطانة الصالحة

سنتين واحنا نسمع عن هالأخبار ولا شفنا شي

[A M A]

الله يعين بس

هالمشكلة مسببة ازمة على قد مافكر بعيالي اذا رب العالمين رزقني فيهم شلون اوفر لهم بيت يتربون فيه و بس ماقدرت اطلع بحل . الحل وادري ان مايجوز لان الرزق بيد رب العالمين ان اوقف اييب عيال ويكفيني اللي عندي وهو ولد واحد اوفر له طول عمري واعيش بالاجار عشان لاكبر ازيده ويقدر ياخذ حق نفسه بيت اولى مني ويقدر يقول عالاقل ابوي خلا لي شي . قلت بشتري ارض قالوا مايصير لازم بيت . قلت بشتري بيت قديم قالوا مايصير لازم يديد . قلت باخذ قرض من البنك قالوا مايكفي قلت بجمع وازيد بعد مايصير . قلت باخذ قرض بيت من البنك العادي بعد مايصير لان الرهن بياخذه بنك التنمية . ف غسلت يدي وقلت الرزق بيد رب العالمين والحمدالله احسن من غيري .


ملاحظة بييون ناس بيقولون لا مايصير والدولة مب مقصرة والاصل لازم له حقوق اقول لهم الحمدالله اللي خلا الرزق بيده مب بيد عباده . واذا تبونها عالاصل ترى في ناس دشت بالتسعينات والثمانينات وحصلت بيوت الله يرزقهم ويزيدهم من خيره .

هذا الرد يقطع القلب

[A M A]

الار اي ماينفع؟ الدولة تستاجر بيت للموظف واعتقد انه مفيد جدا

هل انا كمواطن بتم طول عمري عايش بالأجار ؟ مالي حق أسكن فبيت ملكي مرتاح البال؟

[A M A]

الار اي للسنير اما الثامنه وتحت الله يعينه
وغير ان راعي البيت ممكن يقول ببيع البيت او بهده وببني بيت يديد فالواحد يبي بيت مستقر ويرتاح فيه .

_____________________________

الفلل التجاريه حرام تندفع فيها اكثر من مليون بنيان فاشل مايصمد اكثر من سنتين الا ويخر ماي او الكهربه فيه مشكله او تشرخات فالطوف او ارضية البيت تنزل وووو .

الله يعين

انا ساكن في فيلا أجار (جديده)

واشهد على كلامك تجاريه وأول ما نزل مطر خر السقف
وصارف عليها من جيبي الخاص اكثر من 300 الف تعديل في سنتين

[غايه الطواش]

مليون وميتين حدها شقه

[حليتان*]

الله يعين بس

هالمشكلة مسببة ازمة على قد مافكر بعيالي اذا رب العالمين رزقني فيهم شلون اوفر لهم بيت يتربون فيه و بس ماقدرت اطلع بحل . الحل وادري ان مايجوز لان الرزق بيد رب العالمين ان اوقف اييب عيال ويكفيني اللي عندي وهو ولد واحد اوفر له طول عمري واعيش بالاجار عشان لاكبر ازيده ويقدر ياخذ حق نفسه بيت اولى مني ويقدر يقول عالاقل ابوي خلا لي شي . قلت بشتري ارض قالوا مايصير لازم بيت . قلت بشتري بيت قديم قالوا مايصير لازم يديد . قلت باخذ قرض من البنك قالوا مايكفي قلت بجمع وازيد بعد مايصير . قلت باخذ قرض بيت من البنك العادي بعد مايصير لان الرهن بياخذه بنك التنمية . ف غسلت يدي وقلت الرزق بيد رب العالمين والحمدالله احسن من غيري .


ملاحظة بييون ناس بيقولون لا مايصير والدولة مب مقصرة والاصل لازم له حقوق اقول لهم الحمدالله اللي خلا الرزق بيده مب بيد عباده . واذا تبونها عالاصل ترى في ناس دشت بالتسعينات والثمانينات وحصلت بيوت الله يرزقهم ويزيدهم من خيره .

لاحول ولاقوة الا بالله

ان شاء الله يكون في خبر يفرحكم قريب

[مرتبش]

انا ساكن في فيلا أجار (جديده)

واشهد على كلامك تجاريه وأول ما نزل مطر خر السقف
وصارف عليها من جيبي الخاص اكثر من 300 الف تعديل في سنتين

غلطان تصرف هالكثر على فيلا اجار..حسن التدبير مهم والله يوفق الجميع

[musel999]

فكرو في الذخيره والخور والشمال والرويس وحولينها هالمناطق اسعاره للحين ممكنه

[كاشف الغطاء]

مالك إلا شقة ياخوي تضغط على عمرك فترة والله يعينك

[ذكي جدااا]

يعني لازم ياخذ قرض شخصي عشان يكمل المبلغ... و أرخص بيت بالمواصفات قيمته 4 مليون و سابع المستحيلات قرض شخصي يغطي المبلغ كامل... الله يعنكم
في فلل بالصخامه وأم عبيريه وأم قرن بمليونين ونص وحاليا العقار بنزول عن قبل

[مضارب دوسري]

الله يكون في عونكم يا رب

ما في الا انكم تشوفون لكم اراضي فالشمال تكون ارخص

[مشتاقة لقطر]

الله يجيب اللي فيه الخير ..
اختي من سنين نازل اسمها وموقفين التوزيع

[ابوالعبد]

اتمنى يكون في زياده بالقرض بدال مليون 200 يكون مليونين علي اقل اطق سلفيه مليون واقدر اشتري بيت اقل بيت الان بالدوحه او الوكره 3 مليون

[BoFahed]

الحل الوحيد هو المساواه او تمييز المستحقين حاليا ( الي قبل 1930) بارض ضعف ارض فئة القرض فقط وهذا حل يرضي للجميع او بالمليون ريال تبنى الحكومة مدن سكنيه ( فلل مساحات معقوله 400 متر ) وتوزعها على المواطنيين اللي يعانون ازمة سكن وممكن المواطن يتحمل تكلفة الخدمات والبنيه التحتيه اللي تتوزع على عدد الاراضي و ما تكلف على المواطن 10 % من مبلغ القرض ومشروع مناطق اكبر مثال علشان ما تصير واسطات وظلم ولوضع البلد في انهيار اسعار البترول

الاراضي فوق 80 '% من مساحة البلد مب مستغله ومشروع المناطق السكنيه يخدم اقتصاد البلد ويشجع الشركات الوطنيه في مجال البناء وبعض الهوامير العقار اللي مسيطيرين على السوق اذا دخلوهم فيه وبيقلل معدل التضخم بشكل كبير لانه اكبر سبب نعانيه هو التضخم العقاري ( بيوت ومحلات )

اتوقتع غالبية المواطنين بيرضون باي مبادرة لانها ايدهم بالنار ويعانون فعلا من السكن و اتوقع بترضى باي حل يحل معضلتهم لانها قاعدة تعاني منضخم الاسعار الرهيب والغير مبرر واللي يصب في جيوب التجار ويزيد الفجوة بين ابناء الوطن الواحد

[Qt.1]

الله يعين بس

هالمشكلة مسببة ازمة على قد مافكر بعيالي اذا رب العالمين رزقني فيهم شلون اوفر لهم بيت يتربون فيه و بس ماقدرت اطلع بحل . الحل وادري ان مايجوز لان الرزق بيد رب العالمين ان اوقف اييب عيال ويكفيني اللي عندي وهو ولد واحد اوفر له طول عمري واعيش بالاجار عشان لاكبر ازيده ويقدر ياخذ حق نفسه بيت اولى مني ويقدر يقول عالاقل ابوي خلا لي شي . قلت بشتري ارض قالوا مايصير لازم بيت . قلت بشتري بيت قديم قالوا مايصير لازم يديد . قلت باخذ قرض من البنك قالوا مايكفي قلت بجمع وازيد بعد مايصير . قلت باخذ قرض بيت من البنك العادي بعد مايصير لان الرهن بياخذه بنك التنمية . ف غسلت يدي وقلت الرزق بيد رب العالمين والحمدالله احسن من غيري .


ملاحظة بييون ناس بيقولون لا مايصير والدولة مب مقصرة والاصل لازم له حقوق اقول لهم الحمدالله اللي خلا الرزق بيده مب بيد عباده . واذا تبونها عالاصل ترى في ناس دشت بالتسعينات والثمانينات وحصلت بيوت الله يرزقهم ويزيدهم من خيره .

تذكر ياخوي ان لو كل البيبان تسكرت في باب عمره مايتسكر هو باب رب العالمين الي مايرد احد عليك بالدعاء , وصدقني كثر ماقرى عن هالموضوع وكثر ماشوف ربعي من حولي يعانون نفس المشكله اتحز في خاطري وافكر فيها كثير وتضايقني ولكن الفرج قريب باذن الله وهالكلام من ناس اقعدو مع بوناصر ووعدهم بان هالمشكله قريب راح تنحل وانا جدا متفائل بصراحه ,

[هيليوم]

الدعاء لرب العالمين اللي بيده كل شي ومن أسباب الإجابة التوسل إلى الله بالاعمال الصالحة يعني اللي كان يسوى خير يدعي الله بالعمل الصالح اللي كان يسويه والله يفرجها على كل مهموم

[وحيد-الشوق]

الحل المناسب نبعد عنا الحسد والتفرقة والمحسوبيات وصدقني كل شيء بيزين بس اذا بنتم على هذا الوضع وكل واحد انا مع القانون نفس ناس وايد مروا علي سواء في المنتدى او غيرة ماراح يتغير شيء

يا اخوان كلنا 300 الف ترى حبوا الخير لبعضكم بعض الاجانب من دول اوروبا ساكنين وعايشين عيشة 5 نجوم فنادق وفلل في اللؤلؤة والقطري ينزله القرض ومايقدر يسوي شيء لاعنده ارض ولايقدر ياخذ قرض من البنك شلون بيعيش عياله ومرته !!!!!

[إبوراشد]

لاحول ولاقوة الا بالله

الله يسامح من كان السبب في هالقرار قرض بدون ارض

[jajassim]

لاحول ولاقوة الا بالله

الله يسامح من كان السبب في هالقرار قرض بدون ارض

صج هذا القرار فاشل ـ

والله المستعان

[qatarman8008]

قرض بنك التنمية مايجيب بيت لان اسعار البيوت الحين فوق مليونين ونص..
ولاتر تشتري فيه ارض لانهم يعطونك القرض مقابل بيت وليس ارض..
البيوت اللي اقل واحد مليونين ونص ارض صغيرة ماتقدر تدخل سيارتك للحوش والبناء تجاري رخيص جدا..
اعرف ناس شروا بيوت بثلاث ملايين كل شي فيهم خريان وتجاري..
قاموا يسوون صيانة للبيت وهو جديد باكثر من خمسمية الف..
ولي يومك ماترقع هالبيت الا طوفة هابطة الا فيه تسريب ماي ما يعرفون من وين الا فيه شوط كهربا مايعرفون من وين..
ما اعتقد ان اللي بيشتري هالبيت بيقدر انه يعيش فيه 30 سنه !!
فالحل انك تصبر لين يتغير هالقانون..
او انك تشتري بيت بنفس المواصفات المذكورة فوق..

[إبوراشد]

قرض بنك التنمية مايجيب بيت لان اسعار البيوت الحين فوق مليونين ونص..
ولاتر تشتري فيه ارض لانهم يعطونك القرض مقابل بيت وليس ارض..
البيوت اللي اقل واحد مليونين ونص ارض صغيرة ماتقدر تدخل سيارتك للحوش والبناء تجاري رخيص جدا..
اعرف ناس شروا بيوت بثلاث ملايين كل شي فيهم خريان وتجاري..
قاموا يسوون صيانة للبيت وهو جديد باكثر من خمسمية الف..
ولي يومك ماترقع هالبيت الا طوفة هابطة الا فيه تسريب ماي ما يعرفون من وين الا فيه شوط كهربا مايعرفون من وين..
ما اعتقد ان اللي بيشتري هالبيت بيقدر انه يعيش فيه 30 سنه !!
فالحل انك تصبر لين يتغير هالقانون..
او انك تشتري بيت بنفس المواصفات المذكورة فوق..

المشكلة باقي كأس العالم خمس سنين
وهم للحين شايفين وضع المواطن المجنس انه مايستحق ارض

[qatari2022]

المشكلة باقي كأس العالم خمس سنين
وهم للحين شايفين وضع المواطن المجنس انه مايستحق ارض


لايجب أن تكون هناك تسميه " مواطن مجنس " !! الا لمن اكتسب الجنسيه فالثلاثون سنة الماضية .. غير ذلك فلا يجب أن يكون هناك قطري متجنس !!

[blueZircon]

موضوع جدا صعب على هذه الفئه، وضع لايستطيع ادارك معايشته الا من يشلمهم هذا القرار. للأسف في كثير من هل قطر عاشوا ووتربوا في البلد ومنهم من عاصر وكدح ايام بداية ظهور البترول والخير ولازالوا لايمتلكون اراض لاهم ولا ابنائهم، والمحزن ان احفادهم ايضا لن يستطيعوا الحصول على اراضي مستقبلا. طالت فترة انتظارهم ولن يجدوا سبيل الا ان يقترضوا قروض لن تنتهي الاباانتهاء العمر. ناهيك عن باقي التزامات الحياه.

اعجز كثيرا عندما تمضي تقريبا عشر سنوات وهذا الموضوع مجمد ، فالحل ليس بمعجزه او شيئا ستتكلف فيه الدوله الكثير. فعلى سبيل المثال وواحده من الحلول، هو ان تقوم الدوله بتخصيص قطع اراضي محدده بهذه الفئه ويقوم المنتفع بدفع جزء بسيط حتى تتمكن الدوله من عمل الخدمات الضروريه كالصرف الصحي والكهرباء وغيرها. وهذا النظام معمول به في سلطنة عمان. نسأل الله العلي القدير ان تنتهي هذه المعاناه قريبا ويحصل كل مواطن على ابسط حقوقه فالعيش الكريم.

[qatari2022]

لاحول ولا قوة الا بالله .. لا حول ولا قوه الا بالله .. المواطن القطري مب قادر يلقى سكن كريم يلمه ويلم عياله ؟؟!!! لكن كلي ثقة في سيدي صاحب السمو أمير البلاد المفدى وباذن الله يلغى قانون التفريق العنصري !

[قطري كاشخ]

هل فعلا هناك قانون رسمي بهذا الشي يعني هل في أحد منكم رأى هذا القانون أم لا
أعتقد أنه لا يوجد قانون ولاكن هناك أولوية وميزانيات تقنن صرف الأراضي

[ابوالعبد]

المشكلة باقي كأس العالم خمس سنين
وهم للحين شايفين وضع المواطن المجنس انه مايستحق ارض


شلون يخوي اكثر ناس من ستين سنه مجنسين او سبعين سنه وهم اصلا من ميلاد قطر كيف تعتبرهم مجنسين لا بل هم قطرين ترى اي شخص يولد في بلد معين يعتبر ولد البلد شوف امريكا تولد عندهم تحصل الجواز يجب المساومه بين الجميع. والحمدالله بلادنا في خير ونعمه لانه فعلا صعبه قرض مليون و200 مايسوي شي اقل فله علي 3 مليون الان

[ابوالعبد]

اسهل اقتراح هو انه. دوله تبني بيوت جاهزه وتسلمها للمواطنين وبدون تفرقه حتى لو ظ¤ظ*ظ* متر وقياداتنا ماهي مقصره ان شاء الله. وهذا احسن حل للمشكله السكن مانبي لا قروض ولا اراضي يسلمونه بيوت جاهزه

[ذكي جدااا]

اسهل اقتراح هو انه. دوله تبني بيوت جاهزه وتسلمها للمواطنين وبدون تفرقه حتى لو ظ¤ظ*ظ* متر وقياداتنا ماهي مقصره ان شاء الله. وهذا احسن حل للمشكله السكن مانبي لا قروض ولا اراضي يسلمونه بيوت جاهزه

ايش بتستفيد الدوله لو عطتهم بيوت جاهزه. مش البيوت الجاهزة بتنبي على ارض. فالافضل توزيع اراضي. بيوت جاهزه راح تكلف الدوله اكثر من توزيع الاراضي هذا غير المشاكل اللي راح تجي لكلا الطرفين من المقاولين

[qatari2022]

هل فعلا هناك قانون رسمي بهذا الشي يعني هل في أحد منكم رأى هذا القانون أم لا
أعتقد أنه لا يوجد قانون ولاكن هناك أولوية وميزانيات تقنن صرف الأراضي

في قرار من مجلس الوزراء سنة 2007

[durra]

ايش بتستفيد الدوله لو عطتهم بيوت جاهزه. مش البيوت الجاهزة بتنبي على ارض. فالافضل توزيع اراضي. بيوت جاهزه راح تكلف الدوله اكثر من توزيع الاراضي هذا غير المشاكل اللي راح تجي لكلا الطرفين من المقاولين
اتفق معاك
في الامارات مثلا، الدولة تبني لهم البيوت في مجمعات سكنية
وتختصر على نفسها وعلى مواطنيها الكثير

[BoFahed]

ايش بتستفيد الدوله لو عطتهم بيوت جاهزه. مش البيوت الجاهزة بتنبي على ارض. فالافضل توزيع اراضي. بيوت جاهزه راح تكلف الدوله اكثر من توزيع الاراضي هذا غير المشاكل اللي راح تجي لكلا الطرفين من المقاولين

اخوي الارض مجانيه وعندك البلد كلها فاضية تقريبا من الرويس لين العريق ومثل ما ذكرت ممكن المواطن يتحمل بعض التكاليف لبيته مثل البنية التحتية والخدمات برسوم يتم تحديدها من مقاول المشروع المنفذ

يعني اذا الدولة بنت الالاف الوحدات السكنية ومساحة البناء من 400-600 متر مربع قيمة البناء مع التشطيب الديلوكس (2000 ريال للمتر ) وتوصيل الخدمات بحسبة بسيطة التكلفة لا تتجاوز المليون ريال مع التشطيب خصوصا اذا كان فيه دعم من الدولة في اسعار اللاسمنت وتسهيلات في استيراد مواد التشطيب مباشرة من المورد وبافضل الاسعار (اعفاء جمركي +توفير مخازن+سعر جملة )

يعني الدولة ممكن تاخذ فايدة فرق القرض الحالي والتكلفة الفعلية من المواطن واق بكثير من ناحية الشبهة الشرعية في القرض الحالي ويساهم في دفع العجلة الاقتصادية للبلد (مشروع ضخم ) و بادرت لحل مشكلة الالاف من مواطنيها في نفس الوقت (مثل بقية دول العالم ) و اللي غالبيتهم يعانون من تضخم الاسعار او البعض يرغب بتفادي المشاكل مع المقاولين واصحاب المجال اللي اكبر همهم الثراء السريع والهروب من البلد واللي قضاياهم مليانه المحاكم نصب وتزوير والضحية المواطن البسيط وبيضبط التضخم اللي صاير في سوق الفلل والاراضي بسبب هذا القانون

وممكن تسوي عقد استثماري مثل مشاريع بروة الدولة تمنح الارض لمستثمرين وهم يتكفلون بالبناء والتطوير والبيع بهامش ربح محدد من الطرفين والفايدة تعود للكل

الافضل توفير عدة خيارات سواء بناء جاهز تبنيه شركات وطنية من مختلف المستويات او الخيار المتوفر الحالي (ارض +قرض )

طبعا اخوانا الكبار اهل الاختصاص في مجال البناء والعقار مثل معماري وشموخ دائم وغيرهم فيهم البركه و افهم مني بكثير في توضيح اثر وامكانية تنفيذ هذا النوع من المشاريع

[سهم ماينزل]

إن شاء الله تعالى سمو الأمير لم ولن يقصر في حل مشكلة تمثل رقم 1 بالنسبة لأي مواطن فقد يحرم من أي شيء ويعوض هذا الحرمان بشيء آخر لكن حق السكن والاستقرار من الضروريات والتي يغرس في نفس أي موطن حبه للتراب والمكان الذي يأويه
وسيدي سمو الأمير اهلاً لحل هذه الأمور وفي كل الحالات يسمع ويطيع المواطن في المنشط والمكرة ويسمع ويطيع وإن ضرب ظهره الإمام وأخذ ماله

ربي يحفظ قطر واميرها وشعبها في البر والبحر والسهل والجبل اللهم آمين

[MoTeC]

الحل المناسب نبعد عنا الحسد والتفرقة والمحسوبيات وصدقني كل شيء بيزين بس اذا بنتم على هذا الوضع وكل واحد انا مع القانون نفس ناس وايد مروا علي سواء في المنتدى او غيرة ماراح يتغير شيء
يا اخوان كلنا 300 الف ترى حبوا الخير لبعضكم بعض الاجانب من دول اوروبا ساكنين وعايشين عيشة 5 نجوم فنادق وفلل في اللؤلؤة والقطري ينزله القرض ومايقدر يسوي شيء لاعنده ارض ولايقدر ياخذ قرض من البنك شلون بيعيش عياله ومرته !!!!!
ههه والله صح كلامك
للعلم ابوي وعمي ماخذين ارض وقرض ووقفت علي انا واخوي :s وعمي الثاني ههههه شهالغباء ...!!!
الاخ اللي ماسك الموضوع حتى عن طريق الوزير يركن الاوراق على جنب وللعلم عندهم هم كل الاوراق وكل شي واضح قدامه لكن ماقول الا حسبي الله ونعم الوكيل فيك ياللي تقدر تمشي الناس لكن تأخرهم بدون سبب

[qatari2022]

لاحول ولا قوة الا بالله ،، حسبي الله على من كان السبب في إيذاء اخواننا ..

[العرابي]

االله يكون بعون الجميع مقديمين ننطر القرض بس وماندري متى يجي


الحمد لله قرض افضل من لاشي

تعرفون ليش وقفو توزيع اراضي للمواطنين الي تجنسو بعد 1930

لان عدد سكان قطر زاد فصعبه يوزعون للكل

والان فتحو تجنيس للفلسطينين مواليد قطر

ولاتنسو المصاري عددهم في قطر اكثر من 700 الف ضعف عدد القطريين

وانا سولفت معهم مقدمين على الجنسيه ويدورون واسطات حتى يحصلو على الجنسيه

واذا خذو الجنسيه ماراح تحصلون لاقرض ولا ارض لان عدد القطريين راح يزيد بسبب تجنيس المصاري والفلسطينين

[نعيمه علي]

انا خذت قرض من البنك مع قرض بنك التنمية وشريت بيت
والحين الحمدلله عايشه فيه واموري طيبه
صح علي قرض كبير
بس الحمدلله كلها كم سنة واخلص القرض

.

[qatari2022]

االله يكون بعون الجميع مقديمين ننطر القرض بس وماندري متى يجي


الحمد لله قرض افضل من لاشي

تعرفون ليش وقفو توزيع اراضي للمواطنين الي تجنسو بعد 1930

لان عدد سكان قطر زاد فصعبه يوزعون للكل

والان فتحو تجنيس للفلسطينين مواليد قطر

ولاتنسو المصاري عددهم في قطر اكثر من 700 الف ضعف عدد القطريين

وانا سولفت معهم مقدمين على الجنسيه ويدورون واسطات حتى يحصلو على الجنسيه

واذا خذو الجنسيه ماراح تحصلون لاقرض ولا ارض لان عدد القطريين راح يزيد بسبب تجنيس المصاري والفلسطينين

نحن نتكلم عن من تجنسو فالاربعينات والخمسينات والستينات والسبعينات ... مب عن المصاري يا بو مصاري !!!

[BoFahed]

نحن نتكلم عن من تجنسو فالاربعينات والخمسينات والستينات والسبعينات ... مب عن المصاري يا بو مصاري !!!

اخوي للتوضيح اخونا العرابي خليجي وتوه جديد في البلاد وما قصد شي واتوقع الصورة مب واضحه له

[بوحارب]

صحيح انها مشكلة كبيرة لفئة القرض بدون ارض

لكن المشكلة الأكبر ان صاحب القرض عليه ديون سابقة في البنك

وبذلك ما يقدر يسحب سلفه فوق قرض الدولة عشان يشتري فيلا جاهزة

اعرف اكثر من واحد اخذ القرض وسحب سلفة 800 الف تقريبا - +

واشترى فيلا في المناطق الشمالية مثل ام قرن وام العمد وما جاورها

لكن اكثر اللي يشتكون عليهم قروض قديمة وبهذا الحال ما يقدر يسوي اي شي والله يعينه

ونقطة ثانية الحين اغلب الشباب حريمهم يشتغلون يعني ممكن تساعده في جزء من مبلغ العقار

بس اذا الزوجة عليها ديون بعد هذي مشكلة ثانية

طبعا اللوم عليهم في حاله كان الدين على شي تافهه مثل السفر للسياحة او سيارة غالية او تكاليف عرس مبالغ فيها

اما اللي خذوا قروض لأمور اساسية الله يعينهم ويسهل امرهم

وعجبني اقتراح بوفهد وهو توزيع اراضي مساحات اقل على فئة ارض بدون قرض حتى لو كانت 400-500 متر

بالعكس الكل بيوافق والأقتراح مرضي للطرفين والله يكتب اللي فيه الخير للجميع

[Qatari In Us]

صحيح انها مشكلة كبيرة لفئة القرض بدون ارض

لكن المشكلة الأكبر ان صاحب القرض عليه ديون سابقة في البنك

وبذلك ما يقدر يسحب سلفه فوق قرض الدولة عشان يشتري فيلا جاهزة

اعرف اكثر من واحد اخذ القرض وسحب سلفة 800 الف تقريبا - +

واشترى فيلا في المناطق الشمالية مثل ام قرن وام العمد وما جاورها

لكن اكثر اللي يشتكون عليهم قروض قديمة وبهذا الحال ما يقدر يسوي اي شي والله يعينه

ونقطة ثانية الحين اغلب الشباب حريمهم يشتغلون يعني ممكن تساعده في جزء من مبلغ العقار

بس اذا الزوجة عليها ديون بعد هذي مشكلة ثانية

طبعا اللوم عليهم في حاله كان الدين على شي تافهه مثل السفر للسياحة او سيارة غالية او تكاليف عرس مبالغ فيها

اما اللي خذوا قروض لأمور اساسية الله يعينهم ويسهل امرهم

وعجبني اقتراح بوفهد وهو توزيع اراضي مساحات اقل على فئة ارض بدون قرض حتى لو كانت 400-500 متر

بالعكس الكل بيوافق والأقتراح مرضي للطرفين والله يكتب اللي فيه الخير للجميع


والله راضي ب 300 متر الحمدالله والحل الثاني ان الدولة تبيع الارض لهالفئة بسعر غير عن سعر السوق يعني مب ادور ارض 500 اقل شي احصلها بمليون ونص او اكثر .

[بوحارب]

والله راضي ب 300 متر الحمدالله والحل الثاني ان الدولة تبيع الارض لهالفئة بسعر غير عن سعر السوق يعني مب ادور ارض 500 اقل شي احصلها بمليون ونص او اكثر .

الله المستعان اخوي

[العرابي]

اخوي للتوضيح اخونا العرابي خليجي وتوه جديد في البلاد وما قصد شي واتوقع الصورة مب واضحه له

الله يحيك اخوي بوفهد منور يالغالي وكل عام وانت بخير

الله يعطيك العافيه

��

[A M A]

الي يقولون اسكن فالرويس!

كم يبيلي كل يوم وقت فالسياره لين الدوام رايح راد؟ ساعتين عالأقل فالزحمه

فلنفرض إنه دوامي فالكرنيش يبدا 6 ونص .. يعني لازم أطلع من البيت 4 ونص
واقوم اجهز ساعه قبلها يعني 3 ونص .. ولما اخلص دوام 2 ونص اطلع واوصل
رويس 4 ونص او 5 .. أي وقت الي بشوف فيه بيتي واحتياجات هلي اذا انا لازم
اقوم 3 ونص الفجر ...

بعض الناس يكتبون بدون ما يفكرون ... لكن مقيوله .. الي يده فالماي مب مثل الي يده فالنار

[ضوى]

الي يقولون اسكن فالرويس!

كم يبيلي كل يوم وقت فالسياره لين الدوام رايح راد؟ ساعتين عالأقل فالزحمه

فلنفرض إنه دوامي فالكرنيش يبدا 6 ونص .. يعني لازم أطلع من البيت 4 ونص
واقوم اجهز ساعه قبلها يعني 3 ونص .. ولما اخلص دوام 2 ونص اطلع واوصل
رويس 4 ونص او 5 .. أي وقت الي بشوف فيه بيتي واحتياجات هلي اذا انا لازم
اقوم 3 ونص الفجر ...

بعض الناس يكتبون بدون ما يفكرون ... لكن مقيوله .. الي يده فالماي مب مثل الي يده فالنار


مب من حق احد يقولك وين تسكن ، تسكن المكان اللي يرييحك ويريح عيلتك نعم من حقك تتشرط دامك قطري ، ومحد طلب الا حقه

[A M A]

مب من حق احد يقولك وين تسكن ، تسكن المكان اللي يرييحك ويريح عيلتك نعم من حقك تتشرط دامك قطري ، ومحد طلب الا حقه

صديقني اختي ضوى فئتنا الي بقرض بدون ارض ما بتتشرط
انا ما قلت ابي ارض 1200 متر ولا قلت عطوني بيت فالدفنه
ولا الثمامه .. انا راضي اروح المناطق الشمالية مثل ام العمد
والصخامه وام قرن وحجم الارض يكون بين 500 و 600 م
تكفيني انا وهلي وابني بيت اعيش فيه مرتاح ومستور

[BoFahed]

الي يقولون اسكن فالرويس!

كم يبيلي كل يوم وقت فالسياره لين الدوام رايح راد؟ ساعتين عالأقل فالزحمه

فلنفرض إنه دوامي فالكرنيش يبدا 6 ونص .. يعني لازم أطلع من البيت 4 ونص
واقوم اجهز ساعه قبلها يعني 3 ونص .. ولما اخلص دوام 2 ونص اطلع واوصل
رويس 4 ونص او 5 .. أي وقت الي بشوف فيه بيتي واحتياجات هلي اذا انا لازم
اقوم 3 ونص الفجر ...

بعض الناس يكتبون بدون ما يفكرون ... لكن مقيوله .. الي يده فالماي مب مثل الي يده فالنار


اخوي تذكرت سالفة مشهورة في الثمانينتات في الامارات لما مسؤولين الاسكان في ابوطبي بنو شعبية بعيدة ووزعوها على المواطنيين (درجة ثانية حسب نظرهم ) ووصل الموضوع الشيخ زايد الله يرحمه وطلبهم كلهم قالهم ليش هذي الشعبية بعيدة وما وزعتوها على كل القبايل بالتساوي ؟؟؟؟ وما عطوه رد مقنع

قالهم : خلاص انتو اول ناس تسكنون فيها

اتعبت من بعدك يا بو سلطان رحمة الله عليك

[وحيد-الشوق]

االله يكون بعون الجميع مقديمين ننطر القرض بس وماندري متى يجي


الحمد لله قرض افضل من لاشي

تعرفون ليش وقفو توزيع اراضي للمواطنين الي تجنسو بعد 1930

لان عدد سكان قطر زاد فصعبه يوزعون للكل

والان فتحو تجنيس للفلسطينين مواليد قطر

ولاتنسو المصاري عددهم في قطر اكثر من 700 الف ضعف عدد القطريين

وانا سولفت معهم مقدمين على الجنسيه ويدورون واسطات حتى يحصلو على الجنسيه

واذا خذو الجنسيه ماراح تحصلون لاقرض ولا ارض لان عدد القطريين راح يزيد بسبب تجنيس المصاري والفلسطينين

شقاعد تخربط انت ؟؟!!


نحن نتكلم عن من تجنسو فالاربعينات والخمسينات والستينات والسبعينات ... مب عن المصاري يا بو مصاري !!!

ههههههههههههههههههههه

[بنت شرق]

الحل بتكوين هيئة للأسكان وظيفتها تصحيح الوضع ووضع خطة جيدة للاسكان للسنوات القادمة أو بنك للإسكان مدعوم من الحكومة للحالات الخاصة

[إبوراشد]

الحل بتكوين هيئة للأسكان وظيفتها تصحيح الوضع ووضع خطة جيدة للاسكان للسنوات القادمة أو بنك للإسكان مدعوم من الحكومة للحالات الخاصة

أتمنى ذلك مع النظر في قظيتنا مع السكن