الواشر المثير و الربح الوفير

[ماجد البدر]

السلام عليكم و رحمة الله و بركاته

اللهم صل على سيدنا محمد و على اله و صحبه وسلم تسليما كثيرا


اما بعد

اليوم باتكلم عن موضوع يقهر فيه استغلال ووهم للعقول وكسب مال من بيع الوهم بالحرام
امر صغير ولكنه مردود كبير
اعتقد الكثير من الشباب تعرض له وهو لايعلم لانه من فتره طويله يكررنفس السيناريوا على الجميع ومطمئن انه لن يكشف او بالاصح لن يتابعه احد

ببساطه
اشرح لكم اكثر

جاء صديق لي يبارك لي بسيارة وهو لديه سيارة مشابهه لها

مبروك عليك السيارة الله يعطيك خيرها و كفيك شرها

الله يبارك فيك هاه انت شخبار السيارة معاك

والله زينه ولكن ياخي فيها عيب

شنو

فيها مشكله في الزيت البرغي و الواشر كله يلييك ولازم كل تبديله زيت ابدل واشر

قلت له انتبه هذا في مغسله التيسير صح
قال صح

هنا دارت بي الافكار و السنين حين ابدل زيت للسيارة القديمة نفس السيناريوا عندك الواشر خربان فيه مشكله

طبعا لا واشر خربان ولا انت بتنزل معاه بالحفره تشوف ويزيد عليك مبلغ ويحطه بجيبه لانه بدل لك واشر البرغي

https://ae01.alicdn.com/kf/HTB1yBEfKVXXXXXiXpXXq6xXFXXX2/2-قطعة-الحزمة-megneto-المحرك-المغناطيسي-استنزاف-النفط-التوصيل-الترباس-الجوز-برغي-غسالة-الحمراء-الترابية-قرد.jpg_640x640.jpg
الصورة للتوضيح فقط عن ايش نتكلم

وهذي الحركه صايدينها من التسعينات و يمكن من قبل حتى الان شغالين على هذا النظام

يعني باعوا الاخينا الوهم ان سيارته فيها عيب ومتعود دايما يروح لهم وللامانه لان خدمتهم مميزه لولا حثاله من الانتهازيين وغيسلهم احلى غسيل

تذكرت سالفة ولد عمي معاهم و كذلك صديقي الان قبل اسبوع

ونفس المحطة والله هذا العامل او هذه العصابه تحتاج الى جلد على هذا الوهم و الكسب الحرام علينا لاننا لانفهم ونريد ان تكون سيارتنا بافضل حال ولو قلت له لا اردي قد تتحسر وقت تشوف ان الزيت كله نازل من المحرك او هكذا اوهمنا لكي يتربح فوق ربح الشركة

من المسؤول ومن يتابع كذلك لمن يشتكي

ومن وقع في الفخ يستحي يقول ضحكوا عليه

مانبي نكون سلبيين و هذا موضوع بسيط اعتقد الكثير وقع فيه

و السلام عليكم و رحمة الله و بركاته

[Rider]

نعم كلامك صحيح اخوي اذكر من السنين كنت اغسل سيارتي واغير الزيت في مغسلة قريبة من فريجنا وكل مره يقول الواشر يبغي تغير وانا مصدق يعني الموضوع مب جديد سياسة النصب موجودة من سنين

[ماجد البدر]

نعم كلامك صحيح اخوي اذكر من السنين كنت اغسل سيارتي واغير الزيت في مغسلة قريبة من فريجنا وكل مره يقول الواشر يبغي تغير وانا مصدق يعني الموضوع مب جديد سياسة النصب موجودة من سنين

تخيل كم ربح من هذي الفكره من سنين حتى الان وعلى كم شخص لعب لعبته اما ان الاوان لكشفه بدليل القاطع بتصوير فيدوا او ماتوفر من التواصل الاجتماعي
اشكرك على المداخله

[MAZEN37]

في اشياء كثيرة ندفع وحنا عارفين انه مقدم الخدمه مستغفلنا
والموضوع كله امانه الصنايعي وعليه دوم في ناس مخلصين ويصير له سمعه طيبه بسبب التزامه وامانته ودورك انك تدورهم
وبرأيي انه لازم تسهيل فتح المحلات علشان يكون في منافسه شرسه وعدم احتكار ويتنافسون بينهم على تقديم خدمه مميزه واستقطاب العميل
وما ننسى توفير المحلات باسعار ايجار مناسبه

[ماجد البدر]

في اشياء كثيرة ندفع وحنا عارفين انه مقدم الخدمه مستغفلنا
والموضوع كله امانه الصنايعي وعليه دوم في ناس مخلصين ويصير له سمعه طيبه بسبب التزامه وامانته ودورك انك تدورهم
وبرأيي انه لازم تسهيل فتح المحلات علشان يكون في منافسه شرسه وعدم احتكار ويتنافسون بينهم على تقديم خدمه مميزه واستقطاب العميل
وما ننسى توفير المحلات باسعار ايجار مناسبه

معظم كراجات الغرافة منعوهم يبدلون زيت بغمضة عين صاروا بنشرية وكهربجيه بدعوى الحفاظ على البيئة وعلى بعض التجار بعينهم و الباقي على عينك ياتاجر وين يقدر يجيب الاجار اذا بس يبدل سفايف وبدل بيرنج
الا ان يرفع السعر

ناهيك عن غسيل السيارات الي تسكروا محلاتهم

[حليتان*]

وارخص واحد عنده الواشر ب 5 ريال هههههه
مادري امر جال اخذ لي كرتون فيه 100حبه اتوقع ب 5 وله 10 الكرتون ه!

[qtr qtr]

وانا اقرا ردودكم اضحك عليكم مع احترامي لكم لانكم على نياتكم الصراحه او مب ملمين بامور الميكانيكه

انتوا الحين يوم تحركون السياره من بيتكم بتعرفون تلقائيا اذا السياره اتهرب زيت من تحتها عالارض مايبيلها علم ولا دراسه فشلون تصدقون هالعامل دام مافي ايل على ارض حوش البيت او المكان اللي تصف فيه السياره عند البيت .؟؟!!!!

واللي مستغرب من البعض يسوق اكثر من 10 سنين ومب عارف امور الميكانيكيه والكهربائيه فالسياره بس قط السياره فالوكاله او الكراج وامش وينطر تلفون منهم ان السياره فيها وفيها وهي مافيها الا واير فارط او برغي يبيله شد والمسكين يصدق ويدفع .

[مختلف جداََ]

وانا اقرا ردودكم اضحك عليكم مع احترامي لكم لانكم على نياتكم الصراحه او مب ملمين بامور الميكانيكه

انتوا الحين يوم تحركون السياره من بيتكم بتعرفون تلقائيا اذا السياره اتهرب زيت من تحتها عالارض مايبيلها علم ولا دراسه فشلون تصدقون هالعامل دام مافي ايل على ارض حوش البيت او المكان اللي تصف فيه السياره عند البيت .؟؟!!!!

واللي مستغرب من البعض يسوق اكثر من 10 سنين ومب عارف امور الميكانيكيه والكهربائيه فالسياره بس قط السياره فالوكاله او الكراج وامش وينطر تلفون منهم ان السياره فيها وفيها وهي مافيها الا واير فارط او برغي يبيله شد والمسكين يصدق ويدفع .

صادق و الله

يا جماعه اذا قال لكم الواشر خربان

قول له خلني أشوفه ؟؟

الموضوع سهل

[MAZEN37]

Qtr qtr
يوم يفك برغي الايل يخترب ولا يقدر يستخدمه ثاني مره
وفي بعض العمال يحط تيب ابيض مال البيفيتر
وهم من باب الحرص والامان يغيرون الوشر لانها مسؤليه عليهم

[qtr qtr]

Qtr qtr
يوم يفك برغي الايل يخترب ولا يقدر يستخدمه ثاني مره
وفي بعض العمال يحط تيب ابيض مال البيفيتر
وهم من باب الحرص والامان يغيرون الوشر لانها مسؤليه عليهم

اخوي انا كل مره اغير زيت السياره فوكاله النيسان وفي شركة اوتوزي ولا مره قالوا لي ان عندك الواشر خربان
طبعا اكون عندهم يوم يغيرون الايل .
فالواشر مايخترب ابد الا في حالة انه ماركب البرغي عدل فهنا البرغي نفسه هو اللي يخترب مب الواشر .
اخوك خبره 25 سنه فالسيارات

[يمامـة]

حتى اللي يصلحون المكيفات... تعطيهم يغسلونه يطلعون فيه ستين عيب..

المشكلة ان احنا أصلا ما نحاول نثقف نفوسنا ونعلمها الأشياء اللي عندنا اشفيها وشلي تشتكي منه..

اخبر عيالي الكبار يوم كانوا صغار خذت حق الاثنين سيارات ام بطاريات الشحن..
كل يومين خربانة وادفع 40 او 50 علشان يصلحونها لهم..
واخرتها اكتشفنا انهم يغيرون بطاية مثلات الكبسولة واترد السيارة تشتغل وسعرها نص ريال:omg:

فخذ بو العيال كمية منها وخلاهم في البيت وصرنا احنا اللي انبدل.

عاد هم باقونا وهم فراحنين لكن وين بيروحون من رب العالمين؟

[Riku3]

سنين ما ابدل ايل يا فالوكالة او التيسير فرع الهلال ومحد قالي لازم تبدل البرغي او الواشر @_@ .. بس مرات يحاولون يقترحون اسوي "فلاش" للايل وانا ارفض :] ..

صارلي موقف مع سيارتي القديمة كنت احط غاز المكيف مره كل 6-9 شهور في الجراجات الموجودة بشارع المطار .. لين زهقت وغيرت المكان .. جاني ميكانيكي فلبيني وقالي المشكلة ان بعد ما يحطونلك الغاز ما يحكمون اغلاق البيبات علشان تسرب شوي شوي ... وصح كلامه بعد ما حطلي الغاز مشيت سنتين وبعت السيارة ولا رجعت المشكلة !! .

[معماري قطري]

الغش استشرى بسبب قلة الذمة ويعتبرونها شطارة

حتى في المنتدى الواحد لازم ينتبه للترويج وانا واحد دوم احاسب نفسي .. أحس لين انطلبت ترشيح حد مجربه إني اسوي له دعاية أو ينفهم مني هذا الشيء أو ممكن يقصر وتكون توصيتي مب في محلها

لو فيه بس عقاب رادع للي يسوي هالأشياء لو انصاد كانت بتكون الدنيا بخير ولو فيه قوانين يحفظها صاحب أي مهنة ولا يتجاوز فيها ويكون مسؤول عن التجاوز صج بنكون في خير

هذي الأُمور ممكن بسيطة بعض الشيء لكن تعالوا في ذمة بعض الاستشاريين أكثر من المقاولين .. هنا الغش يوصل ل 20% وأكثر في بعض الحالات والمقاول والاستشاري يطلعون ربح مضاعف

تحصلون الاستشاري يحط مواصفات عالية وغالية ويسوي هيكل خرساني مكلف كثير .. مثال الأساسات تكون بحجم معين وسمك كبير تشيل عمارة .. ووقت المناقصة الكل يسعر على أساس الوثائق والعقد الا واحد يكون أقل ويرشحه الاستشاري ويمدح فيه وممكن تكون سمعته جيدة .. المالك يضطر يوقع معاه ولا يدري إن علاقات بعض الاستشاريين بكثير من المقاولين علاقات بزنس تحت الطاولة .. هو سعر رخيص لكن ضامن يعمل شغل كثير أرخص والمالك يدفع والاستشاري يمشي أُمور كثيرة

مثال بسيط الهيكل الخرساني أحياناً يكلف مليون .. بتخفيض الكميات 30% وحتى أخذ خرسانة رخيصة ومن مورد رخيص غير مذكور في المواصفات وممكن خرسانة غير مناسبة وقوتها أضعف بس تنفع وتكون كثير أرخص .. صدقوني توصل التكلفة أوقات لنص القيمة المسعرة بمجهود الاستشاري .. سمك الأرضيات مثلاً 35 سم ينزله لين 25 سم ويقلل كميات الحديد وهذا بالراحة حول 40% يتقاسمونها المقاول والاستشاري وتكون حتى فلوس كاش ما عليها تدقيق

الكهرباء فيه الرخيص والوسط والغالي كذلك يتم اللعب في هذي المواد وتركيب أرخص الموجود

طريقة التركيب والبنيان بعض الاستشاريين مسوين غسيل مخ حتى للمهندسين الآخرين ولجميع الملاك ويقنعونهم بطرق رخيصة .. وأوقات العقد يكون مكتوب بلغة مبهمة قابلة للتأويل في عدة اتجاهات وياخذون الاتجاه اللي يوفر على المقاول فلوس أصلاً مدفوعة من المالك

[معماري قطري]

حبيت اقول للكاتب العنوان مثير

[captin]

بلادنا صارت مرتع لكل فئات ومدارس الغش في كل المجالات

في تصليح السيارات في تصليح الالكترونيات والمكيفات في البنا في الكهرباء
في كل مجالات الحياة اللي تتعامل فيها مع وافد أجنبي يايب معاه طريقة الغش
اللي يتبعها في بلاده وناقل ثقافة الغش اللي عندهم وفوقهم كلهم العرب هاذول
بروحهم مدرسة في الغش والخداع.

الواحد شنو بيتابع وشنو بيخلي !!

[بوخالد911]

انا غير الوكالة ما أروح

مرتاح من شغلهم ع الآخررررر.

[shadad]

هههههههههههه اه يا ربي ! تدري ليش اضحك؟ لان الهندي يوم طلع من تحت سيارتي قالي الواشر منتهي نصه . ووين كان؟ في التيسير ! والله اكلمك جد. ما ادري هل هي صدفه ؟ والا جت على حظ والا شلون .