وعادت المشكله من جديد

[أبو سعود]

نعم عادت مشكله زحمه السيارات للظهور من جديد


لكن :


( هذه المره ) بشكل أقوى و ملفت للملاحظه


فما بالكم مع بدء العام الدراسي

شئ أكيد الزحمه ستكون شديده جدآ جدآ

هذه السنه

وذلك في ظل ( غياب التخطيط الجيد ) للتخلص

أو التقليل منها من قبل المسؤولين


للمره الآف والمليون نقولها بأن عمل الجسور والأنفاق

هي ( الأنسب ) لأنها ستحل أزمه زحمه السيارات


وليس الأعتماد على أنشاء المزيد من الأشارات المروريه

ومعها أجهزه الرادارات والتي تسببوا إلى تأخير

الناس عن مشاويرهم



الكثير والكثير من الناس تكلموا عن هذا الموضوع

لكن لا حياه لمن تنادي


للأسف لم نرى وضع الحلول المناسبه للتخلص

من هذه الزحمه


على الرغم من توفر الأمكانيات الماديه والتي

معظمها ذهبت ( هباءآ منثورآ )

[Charisma]

بح الصوت ، ومالك الا :

مهدىء أعصاب /

http://www.almrsal.com/wp-content/uploads/2014/06/VALIUM-TAB.jpg


وقليل من /


http://www.sabayagazine.com/wp-content/uploads/2010/12/Tea-with-lemon-and-mint.jpg

[أبو سعود]

بح الصوت ، ومالك الا :

مهدىء أعصاب /

http://www.almrsal.com/wp-content/uploads/2014/06/VALIUM-TAB.jpg


وقليل من /


http://www.sabayagazine.com/wp-content/uploads/2010/12/Tea-with-lemon-and-mint.jpg

هرمنا هرمنا


وما أعتقد هذه ( الأدويه ) تهدئ أعصابنا

ما دام نشوف بعض المسؤولين ما عندهم الأحساس

لحل هذه المشكله

[النهار]

الله يستر ياخوي من يومين فقط الزحمه 4 اضعاف ماكانت عليه قبل شهرين
والطلاب لين الحين اجازه ابي اتصور الوضع مع افتتاح المدارس
وين المشكله هل السيارات زادت لازم يطبق قانون منع الشاحنات وسيارات النقل بجميع انواعها استخدام الطرق في ساعات الذروه
مع السماح فقط لحافلات المدارس فقط

[أبو سعود]

الله يستر ياخوي من يومين فقط الزحمه 4 اضعاف ماكانت عليه قبل شهرين
والطلاب لين الحين اجازه ابي اتصور الوضع مع افتتاح المدارس
وين المشكله هل السيارات زادت لازم يطبق قانون منع الشاحنات وسيارات النقل بجميع انواعها استخدام الطرق في ساعات الذروه
مع السماح فقط لحافلات المدارس فقط

صح كلامك يا أخوي

الزحمه زادت بشكل مب طبيعي


والدليل ما حدث يوم أمس

كانت الزحمه ممتده من أول دوار بمنطقه الوكره

لغايه أشاره بروه

وأستغرقت المسافه رغم قله المسافه نصف ساعه

على الرغم من محاوله دوريه للمرور ينظموا

حركه السير

وصادتنا الزحمه الأخرى على الجسر الجديد

بالطريق الدائري السادس لغايه أشاره محطه

بترول أبو هامور

وأستغرقت فتره الزحمه نصف ساعه بالضبط

أي مشوارنا أستغرق من الوكره لأشاره أبو هامور

ساعه بالضبط

يعني الشارع الوسيع للدائري السادس طلع على الفاضي

ما دام الأ شارات المروريه تنتظرك عند نهايه هذا الشارع


قبل عوده الناس من السفر ما كنا نشوف

زحمه على هذه الطرق


فما بالكم مع أفتتاح المدارس الأ الزحمه

ستزداد بشكل أضعاف مضاعفه

[الحياة الخالدة]

وياليت الشوارع اللي يخلصون منها و يفتحونها تتم على حالتها الجديدة
إلا يردون ينبشونها مرة ثانية و يقلبونها فوق تحت .. تقول ناسين شي تحتها
و ترد تتسكر وانطروا لين يفتحونها مرة ثانية
وهكذا دواليـــــــك

[Qt.1]

انا يمكن لو دوامي في الدوحه اتقاعد لاني عادي يمكن يغمى علي او تصيدني جلطه من زحمه الدوحه ومن حركات بعض السائقين الي اتسبب جلطه , المشكله الرئيسيه مهب بس في تخطيط الشوارع المشكله الااكبر في الناس الي تسوق حتى لو التخطيط سيئ وفي ناس تسوق وتفهم عدل ممكن الاامور تمشي لكن اذا الي يمشي 60 ماسك الخط السريع اقصى اليسار والي يمشي 120 ماسك يمين ويتجاوز والمازدا الي محمله اغراض ماسكه خط وسط صدقوني لو بعد 20 سنه ماراح يتغير شي !!

[شيخ الديرة]

الجسور والانفاق بدأ تنفيذها ولا تتوقع انها تكمل قبل سنتين، الريان والفروسية راح تتسكر كلياً او جزئياً قريباً جداً لهذا الغرض

الصبر زين، وتقنين الطلعات زين، روح تعال على شغلة صغيرة ضروري تتكنسل من الجدول

[Rider]

ارد وقول طلعوا هالوافدين من بلدنا وخلوا قطر لنا بنرتاح لا نبغي شوارع ولا انفاق ولا غيرها
سؤال هل قطر فعلا محتاجة كل هالاعداد من الوافدين؟

[مرتبش]

لازم الخطة العمرانية تعتمد ويمشون عليها وبتتحسن الامور كثيرا.. لكن لعلة ما هالخطة العمرانية تبقى حبيسة الادراج ..توب سيكرت.. سري للغاية سمها ماشئت

[محارب مداري]

ارد وقول طلعوا هالوافدين من بلدنا وخلوا قطر لنا بنرتاح لا نبغي شوارع ولا انفاق ولا غيرها
سؤال هل قطر فعلا محتاجة كل هالاعداد من الوافدين؟

رزقهم ومكتوب لهم
بس لاتنسى فضلهم علينا

تقدر تشتغل خياط
خباز
طباخ
زبال
بلاط,صباغ,نجار
ميكانيكي
ناطور

تقدر تشتغل في مكب النفايات
تقدر تسحب مياه المجاري اللي في بيتكم

مالهم شغل في الزحمه
وللزحمه اسباب

اتمنى لونرتقي بتفكيرنا

[معماري قطري]

بح الصوت ، ومالك الا :

مهدىء أعصاب /

http://www.almrsal.com/wp-content/uploads/2014/06/VALIUM-TAB.jpg


وقليل من /


http://www.sabayagazine.com/wp-content/uploads/2010/12/Tea-with-lemon-and-mint.jpg

الصور مغرية

[معماري قطري]

أشوف خف نباح الكلاب اللي قرب بيتي في الحضانة .. رجعوا جون وربعه .. عاد اللي بيحصل كلبه يعرج واللي ميت واللي مختربة أخلاقه .. خالطين الزين والشين في كبينة ورا البيت

[معماري قطري]

ما دام أشغال تنقز على كراع وذراع انا اقول يجيبون شركة صينية تسوي حلول مؤقتة وبجسور حديدية في اسبوع يمكن يخلصونها لتقاطعات حديدية سريعة ولو يبون الأفضل اليابان ما تقصر

[ضوى]

الفاليوم مب بس يخليك هادي الاعصاب الا بيدخلك في نووم طويل نصيحتك مب في محلها ياكاريزما

[معماري قطري]

الفاليوم مب بس يخليك هادي الاعصاب الا بيدخلك في نووم طويل نصيحتك مب في محلها ياكاريزما

أوقات لين تعبتني العظام اخذ والا لاريكا اللريكا تخليني مفرفش وزين منعوها .. ناقصتنا مصحات علاج جبت معاي تقارير بس فلاسفتنا مب معتمدينها وبيدخلوني في دوامة مواعيد وأطباء .. حد يعرف مركز علاج طبيعي زين سمعت عن اللي في ام صلال بس غزوه الأجانب أكيد

[ابوالكلام]

بخصوص الزحمة الواحد يرتب نفسه ويطلع قبل الموعد بساعة وفي السيارة يشغل له اي برنامج تعليمي سمعي ويسمع ويستفيد لين يوصل المكان الي يديه الزحمة واقع لازم نعيشه. تحياتي.