المخيمات الشتوية..

[qatarman8008]

السلام عليكم..
انا واحد من الناس اللي يخيمون في سيلين في موسم الشتاء..
عندي ملاحظة ان فترة التخييم وهي من 1 نوفمبر الى 30 ابريل وهي مدة تقارب 6 شهور تقريبا هي فترة قصيرة جدا..
اتمنى ان يعاد النظر بحيث تكون المدة من 1 اكتوبر الى 30 مايو عالاقل 8 شهور..
مع العلم انه خلال هالفترة يكون الجو مناسب جدا للتخييم..
وشكرا..

[بانغ بانغ]

هل مازالوا فاتحين صوب سلوى على الشبك عاليمين

[شموخ دائم]

,

,

مرحبا

اخوي الكريم

شكرا على الموضوع

انا بختلف معاك لو سمحت لي
:)
6 شهور فتره طويله جدا جدا
هذا تخيم وليس ( اقامه ) دائمه

ليس من حقنا ان ( نحجز ) الشواطىء والاماكن الزينه
عن الناس العاديين الي حابين يستمتعون بالبحر او البر
لان التخييم بصراحه ياخذ اجمل الاماكن بقطر

من سيلين
الى شواطىء الخور والذخيره
الى فويرط الى الشمال
بالاظافه الى الروض والاماكن المعروفه

لمده طويله جدا جدا 6 شهور
والناس العاديه والعائلات ما يلاقون مكان يروحون له
( ما نصير انانيين )
نفكر بانفسنا وكيف نستمتع
وما يهمنا الناس العاديه
الى ماعندهم الاستطاعه على التخييم الطويل

تم تقديم شكوى لدى البيئه السنه الي طافت
عن شاطى الخور و الذخيره
( عريده وراس مطبخ )

صار تلوث للشواطىء وصار استغلال الشاطىء
عن العائلات والناس العاديه
مايقدرون يروحون البحر نهائيا
لان كامل الشاطىء اصبح محجوز
8 شهور تخييم
هذا صار سكن دائم
:)

والعذر والسموحه على الاختلاف

,

,

[qatarman8008]

اخوي شموخ دائم..
ابشرك هالسنة موقفين تراخيص العنن البحرية..
يعني مابتشوف ولا عنه عالبحر نفس السنين اللي طافت..
لكن انا اشوف ال ثمان شهور مب طويلة..
بالعكس هي تعتبر المتنفس الوحيد للناس خلال الفترة اللي يعتدل فيها الجو..
والا البديل بيكون ان الواحد ياجر استراحة او مزرعه وهالشي مكلف جدا..ذ

[MAZEN37]

بدايه شهر 6 خلاص عج وغبار وحراره تزيد وماتحصل خمسه بالميه من اصحاب المخيمات اصلا بمخيماتهم
غير انه الحشرات تطلع

[Salman911]

بدايه شهر 6 خلاص عج وغبار وحراره تزيد وماتحصل خمسه بالميه من اصحاب المخيمات اصلا بمخيماتهم
غير انه الحشرات تطلع
اتفق معاك... دايما نهاية الموسم نص اربعه وهاي وقت مناسب
لكن ممكن تقدم بداية الموسم تكون مثلا نص شهر عشرة
بعكس الموسم اللي طاف مابدا الموسم الا متاخر نص 11

[Salman911]

اخوي شموخ دائم..
ابشرك هالسنة موقفين تراخيص العنن البحرية..
يعني مابتشوف ولا عنه عالبحر نفس السنين اللي طافت..
تقصد موقفين ف راس مطبخ ولا كل مكان :eek5:

[شموخ دائم]

,

,

مرحبا


الله يبشرك بالخير الحمدالله هذا قرار طيب

شهر10!! من 15 الشهر
اعتقد ممكن استغلاله في تركيب العنن والمخيمات اذا الناس حابه تمدد في الموسم
مع اني اشوف ال 6 شهور مناسبه جدا

,

,

[qatarman8008]

تقصد موقفين ف راس مطبخ ولا كل مكان :eek5:

الكلام اللي سمعته انه موقفين العنن اللي عالسيف ..
اعتقد كل شواطئ الدوحة..

[qatarman8008]

.................................................. .......

[qatarman8008]

http://f.top4top.net/p_264xyq00.jpg (http://up.top4top.net/)





يبدو انه فعلا تم تقديم موعد التخييم لهالسنة..
اخبر السنة اللي طافت كان اول شهر نوفمبر..

[بعيد النظر]

تاريخ 15 - 10 تقديم للحصول على رخصة التخييم

و 6 شهور كافية ..
اغلب العنن اهلها شبه يهجرونها اخخر شهر ..
وتحصل الاقبال قللل عن قبل .. والولع خف والنفس طابت ..


6 شهور كااافية بنظري انا .. ومن بعدها تكشت شهرين ..

[بوخالد911]

موسم التخييم
15/10 لغاية 30/3
وكل عام وأنتم بخير.

[qatarman8008]

بوخالد احنا فرحنا ان قدموا موعد التخييم لنص شهر عشرة..
لكن ليش قدموا موعد الانتهاء لي 30 مارس ؟
اخبر كل موسم ينتهي في 30 ابريل..؟؟

[بنت شرق]

والله ما خرب بر قطر الا سوالف التخيم وقعدة الشباب فيه

[qatarman8008]

لا بالعكس.. انا اخيم من اكثر من عشر سنين حتى قبل لا يسوونها مخيماا وبرخصة من البيئة..
هم يخيمون وفيه ضوابط لحفظ النظافة و لحماية البيئة وحتى لما يشيل المخيم يجون يشيكون عالمكان ولو شافوا اي شي مخل بالضوابط يحطون له مخالفات وبلاك لست مايقدر يخيم عقب..
اما بالنسبة للاماكن فالاماكن كثيرة وكبيرى وحتى لو خيموا كل اهل قطر يمكن ماياخذون مساحة 5% من مساحة بر قطر..

[qatarman8008]

http://c.top4top.net/p_271p78j0.jpg (http://up.top4top.net/)

[qatarman8008]

انشالله سيكون الموضوع متجدد ..
بكل ما يخص المخيمات ومعداتها ..

[بوخالد911]

http://c.top4top.net/p_271p78j0.jpg (http://up.top4top.net/)

شكرا للنقل

[Bo jassim 33]

اي والله يا حلو قعده البحر وجو البحر


الله يسهلها لنا هالعام في مكان زين