+++ واذا قال كذا بماذا ترد !!! +++

[jajassim]

من العايدين : من الفايزين

من العايدين والفايزين : من السالمين الغانمين

عساكم من عواده : ينعاد علينا وعليك بالخير

عمري 77 سنة : العمر كله ان شاء الله :unsure:

[qatarman8008]

المشطلة ان بعضهم يعطيك الرد قبل التهنئة..
مثلا يقول لك من السالمين الغانمين..
تتعب وانت تفكر بالرد ههه..

[معماري قطري]

المشطلة ان بعضهم يعطيك الرد قبل التهنئة..
مثلا يقول لك من السالمين الغانمين..
تتعب وانت تفكر بالرد ههه..

ههههههه ذكرتني بواحد يقول عليكم السلام ورحمة الله وبركاته وانا توني متصل ما بديت اتكلم

[qatarman8008]

ههههههه ذكرتني بواحد يقول عليكم السلام ورحمة الله وبركاته وانا توني متصل ما بديت اتكلم

هههه اي واحد نفس هذا لو فكرت تعيد عليه بيسبب لك ارتباك..

[ذكي جدااا]

اللي يبارك لك بالعيد ويقول لك ان شاء الله عريس ويش نرد عليه

[qatarman8008]

اللي يبارك لك بالعيد ويقول لك ان شاء الله عريس ويش نرد عليه

هذا يحبك..
ويتمنى لك الخير..:omen2:

[ذكي جدااا]

هذا يحبك..
ويتمنى لك الخير..:omen2:
ياكثرهم اللي يحبوني :nice:

[الماريّة]

ليش تحذفون كلمه (جعلكم)

ودشون سيدا على من العايدين الفايزين

اذا قال : عيدكم مبارك / قولوا :
جعلكم من العايدين الفايزين

/
/
زين اذا قالكم حد وشحال الذود ^_^ وش ترد عليه

[طلعة الروح]

مب مهم شلون يكون الرد المهم شنهي نيتك من الرد تجاه صاحب السؤال حتى لو ماكان الرد في محله
( الخلاصه انه مب ضروري نفكر في الرد على كل سؤال ولكن ضروري يكون الرد مناسب وله صله بذات السؤال )
مثلا الاخت اللي سألت فوق : وش حال الذوذ ؟ اول شي مب غلط تسأل شمعناها وانا ماعرف شمعناها بضبط بس من السياق اقدر اوجد رد بسيط : الحمدلله بخير
وانتهى الموضوع

[ابوعلي]

المشكلة اذا الواحد يسردهم كلهم ورا بعض وين تقدر ترد

[طلعة الروح]

ههههههه ذكرتني بواحد يقول عليكم السلام ورحمة الله وبركاته وانا توني متصل ما بديت اتكلم

هاي اتوقع مخه نظيف اللي يستبق الرد على السلام
واحتمال كبير انه مايعترف بعبارات الترحيب الأخرى
فرده يكون ستاندرد مع الكل

[طلعة الروح]

المشكلة اذا الواحد يسردهم كلهم ورا بعض وين تقدر ترد

هاي الله يسلمك تخليه يعبر عن مشاعره بدون مقاطعه لين مايخلص لأنه واضح انه هالنوع مب حاط اعتبار انك ترد ولا ماترد
وعقب مايخلص تدخل معاه في النقاط الرئيسية تجنبا للثرثرة والتطويل لو تماديت في الكلام معاه

[ابوعلي]

هاي الله يسلمك تخليه يعبر عن مشاعره بدون مقاطعه لين مايخلص لأنه واضح انه هالنوع مب حاط اعتبار انك ترد ولا ماترد
وعقب مايخلص تدخل معاه في النقاط الرئيسية تجنبا للثرثرة والتطويل لو تماديت في الكلام معاه

هو خل نقاط رئيسية هههههههه

[الماريّة]

مثلا الاخت اللي سألت فوق : وش حال الذوذ ؟ اول شي مب غلط تسأل شمعناها وانا ماعرف شمعناها بضبط بس من السياق اقدر اوجد رد بسيط : الحمدلله بخير
وانتهى الموضوع


نعم اختي كلمه الحمدالله رد لكل العبارات
لكن العرب دايم اخذوا الردود بصيغه السؤال
مثلا وشحال الذود ردها يكون جعلك بزود

والذود هي الحلال ( الابل والغنم )

ومثل ماجور = الله يجيرك من الشر
والسلامه = الله يسلمك
والمعونه = كفيت المهونه
طلبتك = عطيتك
هنهم = وانت منهم
هانيكم العقلان = هانيك خير وعافيه
على هالخشم = عليه الشحم
فالك طيب = فالك مايخيب
والحذيه = ابشر بالعطيه
زانت علومك = وعلومك ماتشين
وغيرها واجد وهذي من ذرابه العرب في الرد
وفصاحتهم و بلاغتهم في كلامهم

وغيرهاا ردود كثيره

[سالم الزهران]

نعم اختي كلمه الحمدالله رد لكل العبارات
لكن العرب دايم اخذوا الردود بصيغه السؤال
مثلا وشحال الذود ردها يكون جعلك بزود

والذود هي الحلال ( الابل والغنم )

ومثل ماجور = الله يجيرك من الشر
والسلامه = الله يسلمك
والمعونه = كفيت المهونه
طلبتك = عطيتك
هنهم = وانت منهم
هانيكم العقلان = هانيك خير وعافيه
على هالخشم = عليه الشحم
فالك طيب = فالك مايخيب
والحذيه = ابشر بالعطيه
زانت علومك = وعلومك ماتشين
وغيرها واجد وهذي من ذرابه العرب في الرد
وفصاحتهم و بلاغتهم في كلامهم

وغيرهاا ردود كثيره

عبارات فعلاً تستحق التوقف عندها ، و لكن في كلمة سمعتها من ربعي الخوالد في الجبيل وهي " تونس قشوط أو كشوط ) الشك مني ؟

[ابوعلي]

خير الكلام ما قل ودل ونختصر نفس ما قالت طلعة الروح ونفك اعمارنا :nice:

[الماريّة]

عبارات فعلاً تستحق التوقف عندها ، و لكن في كلمة سمعتها من ربعي الخوالد في الجبيل وهي " تونس قشوط أو كشوط ) الشك مني ؟


والله ماعندي خبر فيها يبي لنا خالدي يفسر معناها

تونس من الوناسه. بس الكلمه الثانيه مادري عنها