نصائح بخصوص فحص السياره..

[الدوحه1]

ياشباب ليش تدفعون 300-400 ريال لفحص السياره وانتو تقدرون تفحصون بنفسكم؟؟

هل تعتقدون ان الأشخاص العاملين في هالمحلات مؤهلين فعلا لفحص السياره. اقصد هل عندهم شهادات جامعيه وخبره طويله في هالمجال؟؟؟

1- بخصوص التأكد ان السياره خاليه من الحوادث:
يمكنكم استخدام مطراش للتأكد من ذلك.
الطريقه الدخول على خدمة المرور, ثم استخدام خدمة "الاستعلام برقم القاعده", قم بإدخال رقم القاعده(الشاصي) وتظهر لك النتيجه فورا.

او يمكنكم استخدام الجهاز اللي يقيس صبغ السياره مثل اللي في الصوره( 1 او 2).
وهو سهل الاستخدام والنتيجه صحيحه بنسبة 99% وهو للعلم نفس الجهاز المستخدم في محلات الفحص وسعره لايتجاوز ال 100 ريال من الانترنت.

2- بالنسبه لفحص المكينه يمنكم الاستعلام من الوكاله عن ملف السياره من تاريخ خروجها حتى اليوم .
او يمكنكم استخدام الجهاز رقم 3 اللي في الصوره واللي يفحص الأجزاء الرئيسيه اللي في السياره مع إمكانية إطفاء اي تحذيرات والعه في الطبلون وسعره لايتجاوز ال 200 ريال

3- بالنسبه للتأكد من خلو الموتر من أي ضربات تحت السياره, خذ الموتر عند أي مكان في "جيك" وادفع له 30 ريال وخله يرفع لك السياره وافحص بنفسك لانك مب محتاج غير عيونك

انا استخدم المذكور أعلاه اذا بغيت اشتري موتر مستعمل والحمد لله ما واجهت أي مشاكل في أي موتر شريته.

مع تحياتي




http://store2.up-00.com/2016-09/14739547411.jpg (http://www.up-00.com/)

[Rider]

واذا سيارة تاخذها من الوكالة وتكتشف انه فيها صبغ او أي مشكله فنية بعد فترة من اخذها

[الدوحه1]

واذا سيارة تاخذها من الوكالة وتكتشف انه فيها صبغ او أي مشكله فنية بعد فترة من اخذها



هذي حاله استثنائيه وتقدر تطلب من الشركه انهم يكتبون في الفاتوره ان الموتر خالي من أي حوادث او صبغ وان الموتر خالي من أي عيوب فنيه.

بالاضافه الى انك تقدر تستخدم أجهزة كشف الصبغ المذكوره أعلاه.
لاخوف من العيوب الفنيه لان الموتر الجديد أصلا عليه ضمان لمدة لاتقل عن سنتين.

ولكن هل تعتقد ان الموظفين العاملين في محلات الفحص مؤهلين(شهاده جامعيه + خبره عمليه) لاكتشاف أي عيوب/مشاكل في الموتر؟؟؟

هل الجهات المختصه في الدوله قامت بالتأكد من صلاحية هالموظفين للعمل في هالمحلات مثل ماهو حاصل مع الاطباء؟؟؟

لو تلاحظون اكثرت هالمحلات في السنوات الاخيره لعدم وجود الرقابه عليهم وماراح تصدقون لو قلتلكم انها تربح اكثر من العيادات الطبيه!!!!!!

[sos 12]

طبعا لا ... غير مؤهلين بس البعض اكتسبها من الخبره ... عني أنا نفسك افحص الموتر بالعين ارفع الموتر وطالع تحته ... واكشف عن الصبغ بنفسي ... اما الأشياء الميكانيكية اخليها علي الضمان ... لأني دائما اشتري مواتر عليها ضمان ... اتفق معك الأسعار مبالغ فيها وبعض المحلات يكتسبون الخبره من خلال العمل.

[بوخالد911]

مشكور للموضوع المهم.

[هيليوم]

الأجهزة هذي موجودة في الدوحة ؟ واذا في على كم ووين ؟

[الدوحه1]

الأجهزة هذي موجودة في الدوحة ؟ واذا في على كم ووين ؟



موجودين(شفتم معروضين للبيع في مزاد قطر)..
شوف اذا اسعارهم قريبه من أسعار النت اشترهم اواطلبهم من النت.

حبيت اضيف ان من المهم جدا التشييك على تاريخ الصنع/الانتاج "للتواير" لان للأسف هالمحلات مايدققون في هالشي؟؟؟

من الأفضل ان يتم استبدال التواير كل 3-4 سنوات من تاريخ الصنع حتى لو كانت النقشه اوكي
وفي حالة شراء "تواير" جديد لازم تتاكدون من تاريخ الصنع/الإنتاج للتواير(فمثلا احنا في نهاية سنة 2016 فلازم التواير تكون مصنوعه في بداية سنة 2016)..


الصوره تحت توضح مكان تاريخ الصنع على التاير

مع تحياتي









http://store1.up-00.com/2016-09/1474120867441.jpg (http://www.up-00.com/)

[راعي ال VXR]

كم مرره اشتري وافحص عند الالماني واللي يتعبني معهم يقعد لك واحد لبنايني ويسسوق لك السياره ذيك السواقه
الخشنه لف يمين ويسار وبريكات فجائه وغير هذا النتعات بلفيت انه بيشيك ..والمشتري هو اللي قاعد معه
والبايع مسكين حلاله ولا درااا وش السالفه .... وفي الاخير الشراي يهوون عن الشراء ... وتعال خذ السفايف انتهت
واسمع لك كم من طقطقه جديده في السياره ثاني يوم ...

[الدوحه1]

مقطع فيديو يشرح كيفية استخدام جهاز فحص السياره
(ملاحظه : الجهاز المخصص للأيفون متوفر في الانترنت)





https://www.youtube.com/watch?v=LAUyarkHKeY

[بوعلاوي]

الفحص يحتاج شخص خبير وفاهم من الف الى الياء .. بالنسبه لي خبرتي بسيطه

[الدوحه1]

في حد منكم جرب الاجهزه المذكوره فوق وفحص بنفسه؟؟؟؟
او جرب خدمة "مطراش" للتأكد ان الموتر خالي من الحوادث؟؟؟؟؟