جعلك تبني قول أمين

[سعود.]

امس الخميس

تم الانتهاء من بناء بيت العمر عظم فقط عامين بضبط وهذي اكبر اخطائي اني ماحطيت شرط جزائي على التأخير لانة يوم جلست مع مدير المشاريع سمعني كلام جميل وقالي 12 شهر والفيلا خالصة وقلت بنفسي بشوف وهو ماقصر عطاني خصم بعد العرض النهائي 30 الف وكنت جاية من طرف شخص يتعامل معه وعذرة الدائم بأن القبو اخذ وقت !!!! شركة لها اسم كبير وقديمة في البناء بس للاسف تأخير 8 تقريبآ .
اشكر الجميع في هذا القسم واحد واحد . والي صراحة استفتد كثير ( معماري قطري / شموخ دائم / azizko / ابو خالد . ولا يهونون البقيه . نصيحة بسيطة راجع الخرايط خذ راحتك لا تستعجل في اعتمادها عطها الاستشاري يشوفها . وعطها اي حد من ربعك من الي سبق لهم البناء القريب . راجع الخريطة من ارتفاع الاسقف احجام الابواب والنوافذ واماكنها واماكن التكيف ونقاط الكهرباء راقب البناء واعرف مواقيت الصب وتاكد ان الاستشاري حظر الصب واكد على العمال والحارس رش الصبيات بالماء شيك بنفسك على الحديد ووووالخ . امور كثيرة سبق ذكرها من قبل الاخوان .
الخلاصة : اذا تبي تدعى على واحد قولة الكلمة الي في العنوان .crazy:fight:

[معماري قطري]

الله يوفقك اخوي سعود فيما تبقى وهو الأهم وطول بالك

انا تأخرت في التصميم والمناقصة بس كان عقدي متكامل وكنت دوم محضر كل شيء قبل وقته

العقد المتكامل يسهل عليك عدم البحث عن مقاولين كهرباء وتشطيب ويخلي المقاول منتبه لكل شيء حتى يسوي شغله صح ومن البداية

كل شيء مشروح في الموضوع المثبت أول الصفحة والله يوفق الجميع

في الأخير البنيان خير حتى لو تجاري وبتبيعه ركز تفيد وتستفيد

[معماري قطري]

ما ننسى العلاقة الطيبة مع المقاول وعماله تخليه ينفذ بأحسن ما يمكن ومراعاة الله في عدم التبذير أو المراءاة تخلي توفيق الله قريب وينتهي بنيانك على خير وبسعر مناسب .. أما نركز على الأغلى دوم فهذا خطأ فادح

[شموخ دائم]

,

,


مرحبا

الله يوفقك يارب ونشوفك ساكن باذن الله

وشكرا على النصيحه ان شاء الله الجميع يستفيد منها

كل ملاحظه تنطرح هنا فهي من خلال ( خبرات متراكمه )
على مدى 15 سنه واكثر مرت علينا اكثر من 40 او 50 فيلا ومشاريع حكوميه متنوعه
وتخيل حجم المشاكل الى شفناه والحلول الي انطرحت والمحلات الي تعاملنا معاها
وكم نوع من الغش ومن الاستغلال الي مر علينا
وكم عامل ( نص كم )

صار عادي نعرف العامل من ( عيونه ) ومن ( السانه ) اذا عيار او لا قبل ما يشتغل
:)

بلاشك ان اهم قرارين يتخذهم الانسان في حياته

1- قرار الزواج
2- قرار بناء البيت

في الزواج هناك الاهل يتحملون اكثر الامور ويشيلونها عن المعرس

اما في بناء البيت فهو ( المعركه ) الي بتخوضها ( انت )

لذلك ( لاتخوضها لوحدك )

سلح عمرك بمقاول ( ممتاز ) يكون يعاونك في مشروعك
وسلح عمرك بستشاري ( ممتاز ) يعاونك على الامور الفنيه الي صعبه عليك ويتواجد كل اسبوع مرتين اقل شي
وسلح عمرك ( بسؤال اهل الخبره ) وخلهم يشوفون الخريطه ويمرون البيت معاك
وسلح عمرك ( احسن عامل ) مشهود له ومعروف في صنعته
وسلح عمرك باحسن المحلات الي بتتعامل معاها في السوق واشهرها
وسلح عمرك باحسن المواصفات في المواد واسئل عن الانواع واكثرها جوده

العقد

ثم

العقد

ثم

العقد

لازم يكون موضح فيه كل الامور بالتفصيل والمواصفات والاسعار
ولازم تعرف ان العقد لصالح المقاول ( اذا هو كاتبه ) ولازم تعرضه على الاستشاري
( يدرسه سطر سطر )
وبعد التعديل عليه
( توقع )

حاسب توقع العقد وانت ما اخذته البيت تدرسه يوم كامل وبعدها مع استشاري
يفرق نفسه يشوفه سطر سطر
ويتاكد من المواصفات


نفس الخطاء هو الي يقع فيه ( الجميع ) تقريبا
يسلمون كل شي للمقاول
والمقاول ( تاجر ) يهمه يكسب من هذا المشروع
قدر المستطاع

وما ( يوقفه او يحكمه ) الا العقد والمواصفات المكتوبه اذا كانت واضحه اذا كانت دقيقه فهي لك
واذا غامضه فهي ( عليك )
وقت الصج انت الخسران

بالتوفيق للجميع

,

,

[سعود.]

الله يوفقك اخوي سعود فيما تبقى وهو الأهم وطول بالك

انا تأخرت في التصميم والمناقصة بس كان عقدي متكامل وكنت دوم محضر كل شيء قبل وقته

العقد المتكامل يسهل عليك عدم البحث عن مقاولين كهرباء وتشطيب ويخلي المقاول منتبه لكل شيء حتى يسوي شغله صح ومن البداية

كل شيء مشروح في الموضوع المثبت أول الصفحة والله يوفق الجميع

في الأخير البنيان خير حتى لو تجاري وبتبيعه ركز تفيد وتستفيد

صحيح بداية البناء ماكان عندي المعرفة المطلوبة في البناء وشوي شوي مع المنتدى وتويتر كسبت معرفة زينة في البناء

ما ننسى العلاقة الطيبة مع المقاول وعماله تخليه ينفذ بأحسن ما يمكن ومراعاة الله في عدم التبذير أو المراءاة تخلي توفيق الله قريب وينتهي بنيانك على خير وبسعر مناسب .. أما نركز على الأغلى دوم فهذا خطأ فادح

علاقتي مع المقاول كانت ولا زالت طيبة . والعمال كذالك ماقصر معاهم . اما اختيار الشركة فعلا ماتوفقت فيها كنت خايف من كلام الناس عن الاخطاء والمشاكل . علشان كذا رحت لشركة كبيرة . لامانة شغلهم زين بس عيبة التأخير

[سعود.]

[b],

,


مرحبا

الله يوفقك يارب ونشوفك ساكن باذن الله

وشكرا على النصيحه ان شاء الله الجميع يستفيد منها

كل ملاحظه تنطرح هنا فهي من خلال ( خبرات متراكمه )
على مدى 15 سنه واكثر مرت علينا اكثر من 40 او 50 فيلا ومشاريع حكوميه متنوعه
وتخيل حجم المشاكل الى شفناه والحلول الي انطرحت والمحلات الي تعاملنا معاها
وكم نوع من الغش ومن الاستغلال الي مر علينا
وكم عامل ( نص كم )

صار عادي نعرف العامل من ( عيونه ) ومن ( السانه ) اذا عيار او لا قبل ما يشتغل
:)

بلاشك ان اهم قرارين يتخذهم الانسان في حياته

1- قرار الزواج
2- قرار بناء البيت

في الزواج هناك الاهل يتحملون اكثر الامور ويشيلونها عن المعرس

اما في بناء البيت فهو ( المعركه ) الي بتخوضها ( انت )

لذلك ( لاتخوضها لوحدك )

سلح عمرك بمقاول ( ممتاز ) يكون يعاونك في مشروعك
وسلح عمرك بستشاري ( ممتاز ) يعاونك على الامور الفنيه الي صعبه عليك ويتواجد كل اسبوع مرتين اقل شي
وسلح عمرك ( بسؤال اهل الخبره ) وخلهم يشوفون الخريطه ويمرون البيت معاك
وسلح عمرك ( احسن عامل ) مشهود له ومعروف في صنعته
وسلح عمرك باحسن المحلات الي بتتعامل معاها في السوق واشهرها
وسلح عمرك باحسن المواصفات في المواد واسئل عن الانواع واكثرها جوده

العقد

ثم

العقد

ثم

العقد

لازم يكون موضح فيه كل الامور بالتفصيل والمواصفات والاسعار
ولازم تعرف ان العقد لصالح المقاول ( اذا هو كاتبه ) ولازم تعرضه على الاستشاري
( يدرسه سطر سطر )
وبعد التعديل عليه
( توقع )

حاسب توقع العقد وانت ما اخذته البيت تدرسه يوم كامل وبعدها مع استشاري
يفرق نفسه يشوفه سطر سطر
ويتاكد من المواصفات


نفس الخطاء هو الي يقع فيه ( الجميع ) تقريبا
يسلمون كل شي للمقاول
والمقاول ( تاجر ) يهمه يكسب من هذا المشروع
قدر المستطاع

وما ( يوقفه او يحكمه ) الا العقد والمواصفات المكتوبه اذا كانت واضحه اذا كانت دقيقه فهي لك
واذا غامضه فهي ( عليك )
وقت الصج انت الخسران

بالتوفيق للجميع

,

,


فعلا اخوي شموخ دائم

معركة خصوصآ للمهتم في بيته .

وسلاحي كان انتم في المنتدي . والله يعين المقبلين على البناء . اعرف شباب كثير حاليا في البناء وبعضهم مقبلين علية . ودوم انصحهم بالابتعاد عن الاخطاء الي صارت لي . وانصحهم بالاطلاع على المنتدى .

وجزاكم الله خير جميعآ

[معماري قطري]

صحيح بداية البناء ماكان عندي المعرفة المطلوبة في البناء وشوي شوي مع المنتدى وتويتر كسبت معرفة زينة في البناء


علاقتي مع المقاول كانت ولا زالت طيبة . والعمال كذالك ماقصر معاهم . اما اختيار الشركة فعلا ماتوفقت فيها كنت خايف من كلام الناس عن الاخطاء والمشاكل . علشان كذا رحت لشركة كبيرة . لامانة شغلهم زين بس عيبة التأخير

التأخير شيء عادي وفي البنيان على دفعتين عظم وتشطيب توقع اربع سنين لو بنيانك صعب وفيه بيسمنت وكبير

دفعة وحدة .. حول ثلاث سنين المهم عقدك ودقته مع المخططات مثل ما وضح اخوي شموخ دايم

لي صديق الله فاتح عليه تم يبني 15 سنة وبنيانه عادي

ولي صديق بنيانه عادي كلش تم يبني حول عشر سنين وهو من كبار المهندسين المدنيين ومختص بالعقود ودخل قضية وخسرها

كلهم لازم تحصل ثغرة في بنيانهم وعقدهم والشروط الواضحة تخليك تلغي العقد مع المقاول مع المخالفات المالية وتوقع مع غيره .. لازم عقد قوي واستشاري متابع قوي وقرار جريء من المالك

[سعود.]

اشكرك جدآ اخوي بوعبدالله

ماقصرت انت واخوي شموخ . وياريت المقبلين على البناء ياخذون بهذة الملاحظات القيمة .

طرى على المثل : البيت الاول بيعه والثاني اجرة والثالث اسكنه ؟؟؟:thumbup:

البيت الثاني بالجنة ان شاء الله والجميع المسلمين

[سالم الزهران]

تستاهل كل خير يا اخ سعود و المنتدى ماشاء الله فيه اساتذه مهندسين كبار .. الله يوفق الجميع

[سعود.]

تستاهل الطيب اخوي سالم . وجزاك الله خير

فعلا الاخوان مايقصرون .

وان شاء الله يأجرون عليها . فدال على الخير كفاعله .

[بوخالد911]

الف مبروك للبيت
يا رب تتهنى فيه.

[Azizuk]

الف مبروك على إنهاء العظم

وإنشالله عساك على القوة تشطب البيت

وعقبال مانبارك لك نزولك البيت

[معماري قطري]

اشكرك جدآ اخوي بوعبدالله

ماقصرت انت واخوي شموخ . وياريت المقبلين على البناء ياخذون بهذة الملاحظات القيمة .

طرى على المثل : البيت الاول بيعه والثاني اجرة والثالث اسكنه ؟؟؟:thumbup:

البيت الثاني بالجنة ان شاء الله والجميع المسلمين

العفو اخوي سعود

أي مقاول تعرفه ولا يقرب لك والا حتى غريب والكل يمدح فيه لو ما يصير الاتفاق واضح ومكتوب وعليه شهود وموثق عند استشاري نسخة وعندك وعنده توقع معاه الحق في كل شيء يقوله ووقت قضية أو محكمة إنت الخسران وللأسف قوانين البلاد معاهم

لي أصدقاء مقاولين ما رضوا يسعرون حساب الكميات وسووا لي عقود مختصرة بطريقتهم ومبهمة والمبلغ الإجمالي كان ضعفين وثلاث أضعاف السعر اللي اتفقت عليه وبتوقيع كل بنود العقد اللي انا مسويه مع الاستشاري

جزء من العقد الرسم الهندسي وشرحت كل الأجزاء في موضوع العقود وشوي الموضوع يحتاج قراءة متأنية وبيكون صعب للبعض

[سعود.]

الف مبروك على إنهاء العظم

وإنشالله عساك على القوة تشطب البيت

وعقبال مانبارك لك نزولك البيت

بارك الله فيك وجزاك الله خير

عقبال عندك تسكن قريبآ .

[سعود.]

الف مبروك للبيت
يا رب تتهنى فيه.
الله يبارك فيك . وجزاك الله خير

[سعود.]

[b]

العفو اخوي سعود

أي مقاول تعرفه ولا يقرب لك والا حتى غريب والكل يمدح فيه لو ما يصير الاتفاق واضح ومكتوب وعليه شهود وموثق عند استشاري نسخة وعندك وعنده توقع معاه الحق في كل شيء يقوله ووقت قضية أو محكمة إنت الخسران وللأسف قوانين البلاد معاهم

لي أصدقاء مقاولين ما رضوا يسعرون حساب الكميات وسووا لي عقود مختصرة بطريقتهم ومبهمة والمبلغ الإجمالي كان ضعفين وثلاث أضعاف السعر اللي اتفقت عليه وبتوقيع كل بنود العقد اللي انا مسويه مع الاستشاري

جزء من العقد الرسم الهندسي وشرحت كل الأجزاء في موضوع العقود وشوي الموضوع يحتاج قراءة متأنية وبيكون صعب للبعض

جزاك الله خير

هذا درس لنا وندرس فيه غيرنا ان شاء الله والله يتمم بخير

[معماري قطري]

[b]

جزاك الله خير

هذا درس لنا وندرس فيه غيرنا ان شاء الله والله يتمم بخير

الله يرحم والديك

وهذا أكيد من طيبك تحذر وتنبه لهذي الأُمور .. والله يوفقك ويوفق الجميع

[sweet qatar]

الله يوفقك ويسهل عليك التشطيب و التأثيث :)


جزاهم الله خير الاخوان في هالقسم عنا خير الجزاء والله يجعل جهودهم في موازين اعمالهم

[سعود.]

الله يرحم والديك

وهذا أكيد من طيبك تحذر وتنبه لهذي الأُمور .. والله يوفقك ويوفق الجميع


الله يوفقك ويسهل عليك التشطيب و التأثيث :)


جزاهم الله خير الاخوان في هالقسم عنا خير الجزاء والله يجعل جهودهم في موازين اعمالهم



جزاكم الله كل خير

وشكرآ