الصين تنتهي من إنشاء أعلى جسر في العالم...................

[بومتعب]

استكملت الحكومة الصينية إنشاء أعلى جسر في العالم يمر فوق نهر "Beipan" جنوبي البلاد وأطلقت عليه اسم "Beipanjiang"، ومن المنتظر افتتاحه بحلول نهاية العام الجاري.

قدرت تكلفة الجسر بحوالي 780 مليون يوان (ما يقرب من 115 مليون دولار)، ويصل ارتفاعه إلى 565 متراً، ومن المنتظر أن يربط بين مقاطعتي "Yunnan" و"Guizhou"، وصعد المهندسون أعلى الجسر في العاشر من سبتمبر/أيلول الجاري في إشارة إلى استكماله بعد ثلاث سنوات من الإنشاء، ويصل طوله إلى 1341 متراً

[نفسي عزيزه]

الفال لنا

[بن مسلم]

والله بلاش بهالثمن تكلفة تحويل دوار التلفزيون الي اشاره.

[بانغ بانغ]

مافي امل اسوق فوق هالجسر

جسر بوعبود ايجيب دوار الراس بسبب فوبيا الارتفاعات

[سالم الزهران]

يالربع شوفو الميزانية ميه وخمسطعش مليون دولار ؟ هذي في بلد خليجي ما تسوي باركنق حق سيارات الزوار .
حنا شغلنا بالميار .... مساكين يالصين !؟

لفت نظري مرّه ثلاث صينيين ومعهم مره يكلمهم واحد من الزملاء ف ادارة الاستثمار ، والله اربعتهم مترززين قدامه كانهم خشب و لا حركة ... شيء غريب تركيزهم و اهتمامهم .. بل مر علي يوم متفاجئين في نقص فقرة في احد العقود ! فقرة داخل مادة حتى الخواجات فاتتهم في النسخة الانجليزية و لكن اكتشفوها الصينيين .

اعجابي بهم فوق الوصف من اللي شفته ( مدوخين العالم غصب)

[.قطر.]

تدرون ليش رخيص ؟
لانه صيني :taunt:

امزح امزح
شوفوا تكلقته ببلاش
لو عندنا جان 115 مليار :secret:

[وحيد-الشوق]

تدرون ليش رخيص ؟
لانه صيني :taunt:

امزح امزح
شوفوا تكلقته ببلاش
لو عندنا جان 115 مليار :secret:

ههههههههههه احنا شارع بو 3 مسارات و10 كيلو وربعنا حفل افتتاح ومسيرة والتكلفة فوق المليار :)

[معماري قطري]

احنا شارع على الأرض ويتقشر وأغلى بوايد شوفوا شلون

لو يجيبون من شركاتهم بدون وكيل قطري صج بنكون بخير

إسم المشروع بيبان جيانغ إحتمال مهندس قطري مسويه ومسميه واحتمال أشغال مصممته ومشرفة على تنفيذه

[معماري قطري]

بعد لو في كوريا الشمالية بيسوونه ببلاش وبيبتسمون دوم

[طلعة الروح]

احنا لو يفتحون شوارعنا ويخلون عنهم التفلسف وازالة مطبات الفرجان اللي مالها داعي بنكون شاكرين مانبي جسور ولا انفاق طويله
الواحد صار يحلم يمشي في شارع ماعليه بواليع او ملعوب في حسبته من الحفر والترقيع

[ابوعلي]

مشروع الشوارع في العزيزية

عند بيتنا شارع قالوا ثمان شهور وبنخلص وللحين سنة وشي ماخلصو نص الشارع

اليوم بسبة هالشوارع في العزيزية اطلبوا دورية سكرت مدخل العزيزية ناحية سلوى من الزحمة الي صايرة

[مضارب دوسري]

احنا شارع على الأرض ويتقشر وأغلى بوايد شوفوا شلون

لو يجيبون من شركاتهم بدون وكيل قطري صج بنكون بخير

إسم المشروع بيبان جيانغ إحتمال مهندس قطري مسويه ومسميه واحتمال أشغال مصممته ومشرفة على تنفيذه

جبتها عالجرح وكنك ما دريت !!!!!


فعلا العيب في الوكيل القطري لو تتعاقد الدوله مع الشركات دايركت ابرك
واوفر 50%

[معماري قطري]

جبتها عالجرح وكنك ما دريت !!!!!


فعلا العيب في الوكيل القطري لو تتعاقد الدوله مع الشركات دايركت ابرك
واوفر 50%

ويعطون الوكيل 5% ترضية تتوزع بين كل المقاولين الكبار لو حبوا .. ليش يصرفون هالكثر والمشاريع معروفة أسعارها برا وجودتها

أشوف موضوع تقاطع العطية واللي بيتسكر سنتين وأحزن والله على التخطيط لو شبكة جسور لكل اتجاه بدون الإشارات وايد أفضل

[معماري قطري]

مشروع الشوارع في العزيزية

عند بيتنا شارع قالوا ثمان شهور وبنخلص وللحين سنة وشي ماخلصو نص الشارع

اليوم بسبة هالشوارع في العزيزية اطلبوا دورية سكرت مدخل العزيزية ناحية سلوى من الزحمة الي صايرة

حي الله الجار

العزيزية يسونها على دفعات وشوف شكثر طولوا فيها .. في بانكوك أشوف البايب الكبير مال التصريف محفور له قليل وكل شوي يطلع بسبب الجداول والأنهار تحت الشوارع .. يرتفع ويكون ظاهر على الأرض وهذا معروف شغل مضخات ولا اعتمدوا على الجاذبية .. إحنا عندنا غاز وديزل وكهرباء وحتى طاقة شمسية وندور الرخص على ما يقولون باستخدام الجاذبية وتنفيذ المشروع ياخذ مجهود وياخذ فلوس 1000 سنة خساير طاقة .. ما ادري ليش ربعنا ما فيه معلوم ومصرين على الطريقة القديمة

[بومتعب]

صور للجسر الجديد بتكلفة 115 مليون دولار فقط لا غير


http://content.argaam.com/5ceddfee-2996-4238-bca5-275ef4d3ffd8.jpg


http://content.argaam.com/addac47a-c33a-4edd-955a-79daca30ceff.jpg

http://content.argaam.com/da002a90-5f5c-40cd-aef1-fa2b359e41fe.jpg


http://content.argaam.com/e13d2fd4-4153-44b3-a392-80f3c6001b86.jpg


http://content.argaam.com/ea4a8e80-acc2-4a64-b31a-24efa2cf3ff4.jpg


http://content.argaam.com/1e75c277-5f2c-4947-ad9c-f53eb1eae14f.jpg


http://content.argaam.com/0d4c34e9-dc20-4c1d-92d8-cd88376cc24a.png


http://content.argaam.com/62967956-610b-42a1-b6dc-650f676ca2e2.png

[معماري قطري]

بو متعب كم قلت لي؟

ما اسمع في أذني طحلب مثل زكية زكريا

احنا يا اخوي قالوا معبر شرق اللي يغوص في البحر ويطلع يستوي جسر بيكلف مليار ريال بس تصميمه

[معماري قطري]

ناس تبني دولها على حسابنا وقطر تستحق الأفضل

[موظف ((حكومي]

قطر تستحق الأفضل

[سالم الزهران]

الموضوع فيه سر

و اهل الصين اهل حكمة قديمة

[بومتعب]

بو متعب كم قلت لي؟

ما اسمع في أذني طحلب مثل زكية زكريا

احنا يا اخوي قالوا معبر شرق اللي يغوص في البحر ويطلع يستوي جسر بيكلف مليار ريال بس تصميمه


هذي هي الحقيقة اخوي معماري .......... احنا تعودنا نسمع عن تكاليف شوارع بالمليارات .... ونادر مانسمع عن مشروع تكلفته بالملايين .......

السؤال .... مشروع هالجسر الخطير ذو الارتفاع الشاهق بالصين ..... ليش رخيص بالتكلفة ؟؟؟؟ اليست المواد المستخدمة نفس المواد ؟؟؟..... والا احنا غير عنهم

[بومتعب]

من يتذكر تكلفة الجسر الحديدي المؤقت ذو المسار الواحد عند دوار العبيدلي؟؟؟؟

[معماري قطري]

هذي هي الحقيقة اخوي معماري .......... احنا تعودنا نسمع عن تكاليف شوارع بالمليارات .... ونادر مانسمع عن مشروع تكلفته بالملايين .......

السؤال .... مشروع هالجسر الخطير ذو الارتفاع الشاهق بالصين ..... ليش رخيص بالتكلفة ؟؟؟؟ اليست المواد المستخدمة نفس المواد ؟؟؟..... والا احنا غير عنهم

الشيخ ارتفاعه نص كيلو وشوي مب بسيط هذا يعتبر تحفة معمارية

عقول تفكر ومصانع تصنع حديد والخرسانات موجودة كلها نفس الشيء

[معماري قطري]

من يتذكر تكلفة الجسر الحديدي المؤقت ذو المسار الواحد عند دوار العبيدلي؟؟؟؟

أكيد أغلى

[العرابي]

الصين دوله ناجحه وتسعى ان تكون الاولى في العالم من ناحيه الصادرات

وهي الثانيه حاليا لكن كانت الاولى قبل سنوات

الصين كل شي عندها رخيص والعماله رواتبهم تعتبر رخيصه لو حسبتها بالدولار

السبب ان دوله الصين دائما تخفض عملتها (والدول تعاتب الصين لخفض العمله ) (دول اخرى تصيح عندما تنخفض عملتها مثل مصر واغلب الدول )ويرون ان التعامل بالعملات غير مفيد ويفكرون بالغائه*لانهم
لايشترون شي من الدول الاخرى غير النفط فقط من دول الخليج وروسيا

وكل شي يصنعونه بانفسهم سيارات قطارات طائرات جوالات ملابس حديد اسمنت بلك كل شي حتى الاكلات وبعض الادويه

بدات نجاحها انها فتحت فروع لجميع الشركات للصناعه في الصين (سيارات ملابس ...) وتوظيف شعبها

فاصبح المواطن الصيني لايجد صعوبه في العمل وياخذ راتب منخفض لكن يكفيه للسكن والاكل والشرب والعيش حياه كريمه

[Riku3]

مشروع الشوارع في العزيزية

عند بيتنا شارع قالوا ثمان شهور وبنخلص وللحين سنة وشي ماخلصو نص الشارع

اليوم بسبة هالشوارع في العزيزية اطلبوا دورية سكرت مدخل العزيزية ناحية سلوى من الزحمة الي صايرة
نفس الشي ..

بيت الاهل هناك ومتبهدلين يصفون بعيد عن البيت .. بدو ردم الشارع قبل العيد بشهر تقريباً والمهندس قال اسبوعين ان شاء الله وبيتم انهاء الشارع من جهة البيت وبيتم الاغلاق على الطرف الثاني .. وقال ان شاء الله نفتح الشارع الي صوبكم ..

وكاهو الشارع مثل ماهو ما تغير بس كل كم يوم يحطون شوي دفان على تدعيم للحواجز ويختفون .... ما يقهرك الا منظر المعدات الي واقفه هناك شهور والمكان ما يتغير ! .. بس الحمد لله موقعهم احسن من غيرهم .


من يتذكر تكلفة الجسر الحديدي المؤقت ذو المسار الواحد عند دوار العبيدلي؟؟؟؟
جسرهم كان بـ 35 مليون تقريباً حسب التصريحات .

تهقى يسوى 10% من سعر جسر الصين ^^" .

[معماري قطري]

الصين دوله ناجحه وتسعى ان تكون الاولى في العالم من ناحيه الصادرات

وهي الثانيه حاليا لكن كانت الاولى قبل سنوات

الصين كل شي عندها رخيص والعماله رواتبهم تعتبر رخيصه لو حسبتها بالدولار

السبب ان دوله الصين دائما تخفض عملتها (والدول تعاتب الصين لخفض العمله ) (دول اخرى تصيح عندما تنخفض عملتها مثل مصر واغلب الدول )ويرون ان التعامل بالعملات غير مفيد ويفكرون بالغائه*لانهم
لايشترون شي من الدول الاخرى غير النفط فقط من دول الخليج وروسيا

وكل شي يصنعونه بانفسهم سيارات قطارات طائرات جوالات ملابس حديد اسمنت بلك كل شي حتى الاكلات وبعض الادويه

بدات نجاحها انها فتحت فروع لجميع الشركات للصناعه في الصين (سيارات ملابس ...) وتوظيف شعبها

فاصبح المواطن الصيني لايجد صعوبه في العمل وياخذ راتب منخفض لكن يكفيه للسكن والاكل والشرب والعيش حياه كريمه

لو فيه إدارة ناجحة كنّا استجلبنا منهم العمال والمعدات وكل شيء وسهلنا لهم يجيبون باخرة ويسكنون حتى فيها لكن القيود وسوء الادارة يرفع السعر وكذلك الوكيل

[العرابي]

لو فيه إدارة ناجحة كنّا استجلبنا منهم العمال والمعدات وكل شيء وسهلنا لهم يجيبون باخرة ويسكنون حتى فيها لكن القيود وسوء الادارة يرفع السعر وكذلك الوكيل

هلا اخوي حمد منور يالغالي وعاش من شافك وكل عام وانت بخير بعد الزحمه ��

مليارات تصرف للوكيل والوكيل يبحث عن الرخيص لياخذ الفرق في جيبه والي يوفر له الرخيص يبحث عن الارخص لوفر الفرق في جيبه .....

ينتهي المشروع بفشل قوي

[معماري قطري]

هلا اخوي حمد منور يالغالي وعاش من شافك وكل عام وانت بخير بعد الزحمه ï؟½ï؟½

مليارات تصرف للوكيل والوكيل يبحث عن الرخيص لياخذ الفرق في جيبه والي يوفر له الرخيص يبحث عن الارخص لوفر الفرق في جيبه .....

ينتهي المشروع بفشل قوي

عساك من العايدين الفايزين اخوي محمد

صحيح صدقت وهذا جزء بسيط والجزء الكبير خفاياه كثيرة وتبين على المسؤولين بعد انتهاء عملهم وتبين على مدراء الشركات بالتحويلات الخرافية اللي تبني مستقبل مدنهم وقراهم

[العرابي]

عساك من العايدين الفايزين اخوي محمد

صحيح صدقت وهذا جزء بسيط والجزء الكبير خفاياه كثيرة وتبين على المسؤولين بعد انتهاء عملهم وتبين على مدراء الشركات بالتحويلات الخرافية اللي تبني مستقبل مدنهم وقراهم

من السالمين والغانمين معك عادل بو خالد الله يحيك يالغالي

[معماري قطري]

من السالمين والغانمين معك عادل بو خالد الله يحيك يالغالي

إعذرني اخوي بو خالد عندي بطولة في نسيان الأسماء

[العرابي]

إعذرني اخوي بو خالد عندي بطولة في نسيان الأسماء


ههههههههه

الله يسعدك يالغالي ولا يهمك اخوي حمد تحصل في اكبر العائلات

[بوحارب]

التنين الصيني يالحبيب