جلسة تداول يوم الاثنين 2016/9/19...

[بومتعب]

بسم الله الرحمن الرحيم

نفتتح جلسة تداول هذا اليوم


كل التوفيق للجميع. ...

[لـبـيـه]

السلام عليكم ورحمة الله وبركاته

[Faz]

السلام عليكم ورحمه الله

بالتوفيق جميع ان شاء الله

[بومتعب]

الدوحة - رويترز: أعلن مصرف قطر المركزي عن طرح ما قيمته ثلاثة مليارات ريال من السندات الحكومية في ثاني بيع محلي له هذا العام، بحسب تعميم اطلعت عليه رويترز.

ويتكون العرض من سندات لأجل ثلاث سنوات قيمتها 1.5 مليار ريال بفائدة ثابتة 2.25% ولأجل خمس سنوات قيمتها مليار ريال عند 2.75% وبقيمة 250 مليار ريال لأجل سبع سنوات عند 3.25 % وبقيمة 250 مليون ريال لأجل عشر سنوات عند 3.75% وفقا للوثيقة.

وكان البنك المركزي أصدر أول سندات محلية له هذا العام في أغسطس الماضي عندما باع سندات حكومية تقليدية وإسلامية قيمتها 4.6 مليار دولار. وبحسب وثيقة العرض تقدم العطاءات اليوم ويتم التخصيص في اليوم التالي.

في ظل تنامي وتيرة مشاريع البنية التحتية التي تنفذها الدولة .... واعتماد الحكومة منهجية جديدة للحد من ارتفاع معدلات التضخم عن طريق امتصاص السيولة الموجودة لدى البنوك لاستخدامها في تمويل المشاريع الكبرى .... فقد كان لهذا النهج دور كبير في الحد من ارتفاع الاسعار ..... وقد لاحظ الكثير من المتعاملين مدى اقبال البنوك المحلية على السندات الحكومية المضمونة نظراً لانعدام المخاطرة فيها ..... وقل اعتمادها على القروض الشخصية والعقارية للأفراد ..... مع استحداث اشتراطات وضمانات صارمة في هذا المجال ............

وهذا ماقد يبرر الاجراء الذي قامت به بعض المحافظ الوطنية في تسييل اسهمها في البورصة ...... لكن في المقابل فقد استفادت المحافظ الاجنبية من قرار رفع نسب التملك وانخفاض اسعار اسهم بعض الشركات

[بوجبر]

صباح الخير ع الجميع

افضل شي اليوم الشراء ويفضل ع الساعة 11 وقبل المزاد...عيني ع ودام والاسلامية القابضة

[alshammari]

صبحكم الله بالخير

بالتوفيق للجميع

[.:: القيصر ::.]

السلام عليكم

و صباح الخير

[مضارب دوسري]

السلام عليكم

صباح الخير

[بوراشد101]

وعليكم السلام ورحمة الله وبركاته

بالتوفيق للجميع

[مضارب دوسري]

هذا اللي كنت متخوف منه

[لـبـيـه]

عظم الله اجركم

[why me]

الترند هذا مصيبه لو اغلق تحته

[مضارب دوسري]

نزييييف حاد

الله يكون بالعون

[A.Y.A]

الله يستر
نزول مروع

[بوراشد101]

الى وين المتوقع ياشباب ؟!

[لـبـيـه]

مادري ليش احس ان بنشوف 11310

[لـبـيـه]

شرايكم يا محللين

الدخول اليوم او بكره

[بحر شرق]

السلام عليكم ورحمه الله
بالتوفيق جميع ان شاء الله

[Faz]

الاول يطلبكم البيحه

[بوجبر]

السوق لم يمشي زي الحلاوة مع الصناديق والمحافظ الاجنبية

[why me]

الارتداد ضروري

[Ahmed86]

لحد ينخدع بالارتدادات الوهمية اللي تشفظكم لتحت ، و لا احد ينخدع بالامال و الاحلام و الارتداد لـ 11000 ، عش يومك و بع و اشتر على وضع السوق اليوم ، و اذا اعطاك بوادر ارتفاع مره ثانيه اشتر ، و الله يعوضنا

[zego]

لا حول ولا قوة الا بالله

[.:: القيصر ::.]

الحين بخاطر شوي في كم سهم

دخول خفيف خفيف

[roma27]

السلام عليكم يوم شف ارتفاع أمس عرفت ان ارتفاع تصريفي لان اغلب اسوق الخليج على انخفاض

[مضارب دوسري]

ممكن يكون هناك تقليص لسحب ارجل المضاربين

وممكن يكون هناك تقليص ومن ثم موجه مضاربيه سريعه

عن نفسي المدرجات زينه والله اعلم

[بومتعب]

ياجماعة .... لا داعي للهلع ..... تعودنا على سوقنا .....مثل مافيه هبوط هناك ارتفاع ..... ومافي هبوط مستمر الا في حالات الكوارث لا سمح الله

[بحر شرق]

الارتداد عند 10400اذا تعداها بقوه ،المؤشر بخير

[مضارب دوسري]

الوضع سحب ارجل للمضاربين بان السوق بيطير ويقلع

لا اكثر

[بومتعب]

المؤشر الان عند 146 نقطة انخفاض ..... وكل ماله ويقلص

[Diamond]

بومحمد شعلوم الاجاره.. كسرت الدعوم كلها بدون ترييح .. تهقى الاعلان كارثي؟

[zego]

بومحمد شعلوم الاجاره.. كسرت الدعوم كلها بدون ترييح .. تهقى الاعلان كارثي؟
سجل +1

[zego]

شوفوا الاسلامية للتأمين وين وصلت !!

[مضارب دوسري]

بومحمد شعلوم الاجاره.. كسرت الدعوم كلها بدون ترييح .. تهقى الاعلان كارثي؟

السهم ينتظر ان يتداول تداول عالي عند دعوم لمعرفة اتجاهاته

وضعه الحالي يقول مع السوق الى ان نراه يثبت عند منطقه معينه ويكون السهم بلا تداول عندها نقدر نقرا ارتداداته

بس طبعا ما انصح ببيعه مادام انك شاري باسعار فوق 18.5


عندها فجوه قريبه بحاول اشتري من عندها دفعه

[الاسطوره]

لو عندي كاش والله اشتري

[Bin Turky]

السلام عليكم ورحمه الله وبركاته

اشحالكم يالربع السموحه من زمان مادخلت اسلم عليكم

عندي استفسار لاهنتو .. الرعايه نكبتني مرتين ومتوسطي حاليا بحدود 94 تقريبا

الحين ابي ازيد الكميه بس مادري متى اشتري اخاف بدال ما اكحلها اعميها

وللعلم لحد يقولي وقف خساره وعوض بسهم ثاني لاني خلاص طحت فيها ومستحيل ابيعها

وبعدين ما اضن ان الاسهم الثانيه فيها خير في هالوقت مافي الا الصبر

عطوني رايكم

[Ahmed86]

الوضع سحب ارجل للمضاربين بان السوق بيطير ويقلع

لا اكثر


ممكن يكون هناك تقليص لسحب ارجل المضاربين

وممكن يكون هناك تقليص ومن ثم موجه مضاربيه سريعه

عن نفسي المدرجات زينه والله اعلم

هذا الكلام اللي ينقال ، مب بيع احلام و اوهام ، الله يقويك

[بوجبر]

اسعار قدمت ع طبق من ذهب لملاك الكاش

مع ذالك لن اشتري الان

[Diamond]

السهم ينتظر ان يتداول تداول عالي عند دعوم لمعرفة اتجاهاته

وضعه الحالي يقول مع السوق الى ان نراه يثبت عند منطقه معينه ويكون السهم بلا تداول عندها نقدر نقرا ارتداداته

بس طبعا ما انصح ببيعه مادام انك شاري باسعار فوق 18.5


عندها فجوه قريبه بحاول اشتري من عندها دفعه

يمدي نبيع ودام ونعدل فالاجاره.. صراحه ب 16.5 سعر مغري الا اذا اللي متوقعه ان الاعلان كارثي!!

[Faz]

خذت كميه خفيفه في الاول

[لـبـيـه]

ببهدل الطبيه الحين

[.:: القيصر ::.]

خذت كميه خفيفه في الاول

سيم سيم

[مضارب دوسري]

فعلا كان سحب ارجل مضاربين

[alshammari]

باذن الله ارتداد مع نهاية السوق

[مضارب مستثمر]

فعلا كان سحب ارجل مضاربين

هههههههه يسوونها ,,,,تراهم اسحبوها خ خ :shy:

تحياتي للجميع,,:victory:,,,

[بومتعب]

السوق .... شرااااااااااااااااء وليس بيع

[مضارب مستثمر]

السلام عليكم ورحمه الله وبركاته

اشحالكم يالربع السموحه من زمان مادخلت اسلم عليكم

عندي استفسار لاهنتو .. الرعايه نكبتني مرتين ومتوسطي حاليا بحدود 94 تقريبا

الحين ابي ازيد الكميه بس مادري متى اشتري اخاف بدال ما اكحلها اعميها

وللعلم لحد يقولي وقف خساره وعوض بسهم ثاني لاني خلاص طحت فيها ومستحيل ابيعها

وبعدين ما اضن ان الاسهم الثانيه فيها خير في هالوقت مافي الا الصبر

عطوني رايكم

حياك المكان مكانك,,,,

امسك اسهمك ولاتبيع,,,, وخل نشوف شارتها
قبل ما اجاوبك,,:nice:,,,

[why me]

السوق .... شرااااااااااااااااء وليس بيع

بناءا على؟

[alshammari]

السوق .... شرااااااااااااااااء وليس بيع

نعم فرصة للشراء

لكن حتى اللي بيشتري انصحه مايدخل بكل فلوسه

دخول بجزء من السيولة

[Ahmed86]

بناءا على؟

لا تسأل

[.:: القيصر ::.]

نعم فرصة للشراء

لكن حتى اللي بيشتري انصحه مايدخل بكل فلوسه

دخول بجزء من السيولة

مية مية :)

[لـبـيـه]

بشتري الاول على 10.97

[الاسطوره]

الظاهر عشان مزاد المرور للأرقام المميزة بكره

فالعالم قاعده تبيع

[لـبـيـه]

بكره المزاد :omg:

[مضارب مستثمر]

حياك المكان مكانك,,,,

امسك اسهمك ولاتبيع,,,, وخل نشوف شارتها
قبل ما اجاوبك,,:nice:,,,

قبل ديسمبر ممكن تتخلص منها على سعر
بين 96 و 101 والله اعلم,,,,وربي يوفقك

[Faz]

بكره المزاد :omg:

في السوق ارخص الارقام

[Bin Turky]

حياك المكان مكانك,,,,

امسك اسهمك ولاتبيع,,,, وخل نشوف شارتها
قبل ما اجاوبك,,:nice:,,,

الله يحييك ويبقيك .. لاتحاتي انا مب مستعجل

وماعليك ادري صعب الواحد يحلل او ينصح هالوقت بس انا ابي اشوف اراء فقط

بيض الله وجهك

[بوراشد101]

تم الشراء 98% من سيولة المحفظة واسال الله التوفيق لي ولكم

[مضارب دوسري]

شوية تفكير فقط

سهم قاعه 11

اروح اشتريه تحت ال11 بدراهم !!!!!!!!!!!!!!!!!!!!

[مضارب مستثمر]

الله يحييك ويبقيك .. لاتحاتي انا مب مستعجل

وماعليك ادري صعب الواحد يحلل او ينصح هالوقت بس انا ابي اشوف اراء فقط

بيض الله وجهك

ووجهك نور وبركه ولكل منهو حاضر:victory:

[الاسطوره]

بكره المزاد :omg:

اي بكره من الساعه 12 الظهر لين يوم الخميس الساعه 10 فليل

3 ايام


والارقام خشنه وحلوة بدايتها 3

[بحر شرق]

ازدان ممكن نشوفها 16.8

[بحر شرق]

شوية تفكير فقط

سهم قاعه 11

اروح اشتريه تحت ال11 بدراهم !!!!!!!!!!!!!!!!!!!!
لا طبعا اشتريه وانا مغمض

[بحر شرق]

اوريدوا ممكن ترتد

[لـبـيـه]

تم شراء بنك الاول

[Ahmed86]

5 مليون معروض في اوريدو ، محاوله تثبيت السهم تحت 99 ان شاء الله المحافظ تقشها قش نفس امس

[بحر شرق]

تم الشراء 98% من سيولة المحفظة واسال الله التوفيق لي ولكم

الله يوفقك ان شاء الله،

[بومتعب]

250 نقطة نزول الساعة 12.19

[بحر شرق]

تم شراء بنك الاول

بالتوفيق لبيه ، ماادري ليش يذكرني ببدايات مصرف الريان ،، لاعب كوره هو:nice:

[Ahmed86]

شدعوه نكسر 10600 و 10500 و 10400 و قريبا 10300 فيوم واحد ! هذي تاريخيه

[.:: القيصر ::.]

الظاهر عشان مزاد المرور للأرقام المميزة بكره

فالعالم قاعده تبيع

هههههههههههههههههههههه

[Faz]

شوية تفكير فقط

سهم قاعه 11

اروح اشتريه تحت ال11 بدراهم !!!!!!!!!!!!!!!!!!!!

اتوقع قاعه بيكون بعيد منها مايرتد منها ؟؟؟

[why me]

شدعوه نكسر 10600 و 10500 و 10400 و قريبا 10300 فيوم واحد ! هذي تاريخيه

والي يزعل ان بعد كل هذا تلقى دعوات شراء!

[مضارب دوسري]

لا طبعا اشتريه وانا مغمض

وين يالغالي

الاول قاعه 11

كسر ال 11 ؟

اشتريه ؟

لا طبعا ما اشتريه بفرق 3 او 4 او حتى 10 دراهم

انتظره تحت لين ما يكون قاااع جديد

لان لو كان صانعه يبي فيه خير كان ما خلاه يكسر قاعه

[بومتعب]

262 نقطة نزول الساعة 12.22

[Ahmed86]

والي يزعل ان بعد كل هذا تلقى دعوات شراء!

و لو هي دعوات على اساس تحليلي فني ما نزعل

[بوراشد101]

الله يوفقك ان شاء الله،

وياك ان شاءالله

[بوراشد101]

السوق السعودي جاب العيد

[بحر شرق]

وين يالغالي

الاول قاعه 11

كسر ال 11 ؟

اشتريه ؟

لا طبعا ما اشتريه بفرق 3 او 4 او حتى 10 دراهم

انتظره تحت لين ما يكون قاااع جديد

لان لو كان صانعه يبي فيه خير كان ما خلاه يكسر قاعه

وين قاعه 9 ريال ؟ اذاكسر قاعه ابتدي اشتريه وأجمع وأشوف وين قاعه، اشتري عند الخوف ، أشوفها فرصه والله اعلم

[مضارب دوسري]

وين قاعه 9 ريال ؟ اذاكسر قاعه ابتدي اشتريه وأجمع وأشوف وين قاعه، اشتري عند الخوف ، أشوفها فرصه والله اعلم

اللي هو ما يندرى وين بيوصل قاعه

بس ما اروح اشتريه على 10.95
وقاعه السابق كان 11

اخليه اسبوع اسبوعين لين اشوف وين بيرسى واذا مهتم فيه اتابعه لحظيا

[بحر شرق]

هونت ما راح اشتريه ، بنتظر المتحده واشتريها

[بوراشد101]

بحر شرق ومضارب اسعد الله ظهيرتكم بكل خير انتم واخواني جميع

من وجهة نظر خاصه وانا لست بمحلل اشوف الاول رايح ل 9 والله اعلم مجرد وجهة نظر
وتقبلوا فائق احترامي

[roma27]

أتوقع السوق بقلص الانخفاض اخر السوق

[بحر شرق]

اللي هو ما يندرى وين بيوصل قاعه

بس ما اروح اشتريه على 10.95
وقاعه السابق كان 11

اخليه اسبوع اسبوعين لين اشوف وين بيرسى واذا مهتم فيه اتابعه لحظيا

ذيب ما ينخاف عليك ،.

[بوجبر]

لا استبعد ان البنك الاول يكسر حاجز 10 ريال بعد مهزله اليوم

[roma27]

لا اله الا الله محمد رسول الله

[بحر شرق]

بحر شرق ومضارب اسعد الله ظهيرتكم بكل خير انتم واخواني جميع

من وجهة نظر خاصه وانا لست بمحلل اشوف الاول رايح ل 9 والله اعلم مجرد وجهة نظر
وتقبلوا فائق احترامي

جزاك الله خير ابو راشد

[alshammari]

احس اللي يصير بالسوق تجهيز لجماعة فوتسي

نفس العروس يجهزونها ويضبطونها قبل الزفة هههههههههههههههه

[roma27]

لا استبعد ان البنك الاول يكسر حاجز 10 ريال بعد مهزله اليوم

بوجبر تنصحني اي سهم ادخل عليه وقود ولا الرعايه ولا صناعات

[Ahmed86]

شدعوه نكسر 10600 و 10500 و 10400 و قريبا 10300 فيوم واحد ! هذي تاريخيه

يلا يا ذيبان كسر 10200 ما تصعب عليك

[مضارب دوسري]

حان وقت وضع الارقام

10210
اذا ما قدر

الى
10101

رقم مميز وينقرا من الصوبين

[بوجبر]

بوجبر تنصحني اي سهم ادخل عليه وقود ولا الرعايه ولا صناعات

اصبر ع الاقل اسبوعين...

[بوراشد101]

بالتوفيق للجميع

[بومتعب]

اخر 5 دقايق و 281 نقطة نزول

[بوخميس]

ممكن نشوف نزول 310 نقاط

[.:: القيصر ::.]

اول مرة في حياتي ادخل سهم .............


ببيعه س س

[.:: القيصر ::.]

اليوم طلع الاكشن

[بومتعب]

شكل المزاد فلم رعب

[Ahmed86]

بناء على العروض الاغلاق سيكون احمر مؤلم ، اتوقع نكسر الـ 10100 ،

[zego]

واااااو

[why me]

هذي فايدة البيع طول فترة الصعود من المحافظ القطرية , انهم بيمتلكون السيوله لانقاذ السوق اليوم.

[.:: القيصر ::.]

اليوم طلع الاكشن




العموم يصور الشاشة



مضارب الحسابة عندك

قبل و بعد

[الاسطوره]

اعوذ بالله

[بومتعب]

اعتقد هناك اتفاق بين محافظ على تسليم واستلام ..... حجم الطلبات والعروض في المزاد غير طبيعي

[Faz]

الريان ماكفته اجازه العيد يبي عيد جديد

[بوخميس]

كم تتوقعون سيولة المزاد؟

ممكن توصل 150 مليون بهالعروض

[بومتعب]

اتوقع بنشوف تداول قريب المليار بالراحة

[zego]

شوفوا الرعاية

[why me]

طلبات الانقاذ دخلت فازدان , وواضح من الطلبات انها لانقاذ مايمكن انقاذه

[بومتعب]

اغلاق تاريخي وغريب بالفعل .....

[الاسطوره]

الريان شنووووو هذااا

[Ahmed86]

بناء على العروض الاغلاق سيكون احمر مؤلم ، اتوقع نكسر الـ 10100 ،

الطلبات اللي دخلت ما راح تقدر تغطي المعروض الضخم ،، المؤشر على المحك الله يحك وجيه اللي نزلوه فالقاع

[.:: القيصر ::.]

صناعات


اجبار على الشراء

[.:: القيصر ::.]

صناعات


اجبار على الشراء

المعروض بروح يجيب العيد في السوق بكبرة :eek5: :rolleyes2:

[Ahmed86]

صناعات


اجبار على الشراء

المعروض للبيع فوق الـ 400 الف سهم و عروض الشراء حول الـ 200 ، يمكن تقصد اجبار على البيع

[.:: القيصر ::.]

المعروض للبيع فوق الـ 400 الف سهم و عروض الشراء حول الـ 200 ، يمكن تقصد اجبار على البيع

القصد اجبار يمسكوووووووووووووووونه

[بوخميس]

انا اقول اغلاق اخضر
خخخخخخخخخخخخخخخ

[.:: القيصر ::.]

شنب يالدولية

[why me]

مع كل هالترقيع 419 نقطه نزول

[Ahmed86]

اغلاق ملياري احمر

كسر 10600 و 10500 و 10400 و قريبا 10200 فيوم واحد !

جلسة للتاريخ ، لمزبلة التاريخ

[بوراشد101]

قمبعوها

[why me]

كل الاهداف السفليه بتتفعل بعد هالاغلاق السيء

[Faz]

سهم في الريان على الاغلاق 1300000

[مستثمر درويش]

السلام عليكم جميعا
الشنب هو راعي أعمال فقط هنيئا لمن لم يبع البارحة واليوم

[بومتعب]

الحمدلله ......... في اسهم اثبتت بجدارة في ظل هذا النزول الحاد .........

[ذكي جدااا]

اعماااال شي والله طلب مليون سهم

[بومتعب]

الدوحة - رويترز: أعلن مصرف قطر المركزي عن طرح ما قيمته ثلاثة مليارات ريال من السندات الحكومية في ثاني بيع محلي له هذا العام، بحسب تعميم اطلعت عليه رويترز.

ويتكون العرض من سندات لأجل ثلاث سنوات قيمتها 1.5 مليار ريال بفائدة ثابتة 2.25% ولأجل خمس سنوات قيمتها مليار ريال عند 2.75% وبقيمة 250 مليار ريال لأجل سبع سنوات عند 3.25 % وبقيمة 250 مليون ريال لأجل عشر سنوات عند 3.75% وفقا للوثيقة.

وكان البنك المركزي أصدر أول سندات محلية له هذا العام في أغسطس الماضي عندما باع سندات حكومية تقليدية وإسلامية قيمتها 4.6 مليار دولار. وبحسب وثيقة العرض تقدم العطاءات اليوم ويتم التخصيص في اليوم التالي.

في ظل تنامي وتيرة مشاريع البنية التحتية التي تنفذها الدولة .... واعتماد الحكومة منهجية جديدة للحد من ارتفاع معدلات التضخم عن طريق امتصاص السيولة الموجودة لدى البنوك لاستخدامها في تمويل المشاريع الكبرى .... فقد كان لهذا النهج دور كبير في الحد من ارتفاع الاسعار ..... وقد لاحظ الكثير من المتعاملين مدى اقبال البنوك المحلية على السندات الحكومية المضمونة نظراً لانعدام المخاطرة فيها ..... وقل اعتمادها على القروض الشخصية والعقارية للأفراد ..... مع استحداث اشتراطات وضمانات صارمة في هذا المجال ............

وهذا ماقد يبرر الاجراء الذي قامت به بعض المحافظ الوطنية في تسييل اسهمها في البورصة ...... لكن في المقابل فقد استفادت المحافظ الاجنبية من قرار رفع نسب التملك وانخفاض اسعار اسهم بعض الشركات

للتذكير

[بومتعب]

ننتظر يوم غدا ..... وهو اليوم المصيري للمؤشر .........

كل التوفيق للجميع


سبحانك اللهم وبحمدك أشهد أن لا إله إلا أنت أستغفرك وأتوب اليك

[Bin Turky]

كفو والله يالرعايه صج بس برد قلبي

الله يعين راعيين باقي الاسهم الي نزلت

نشوفكم على خير ان شاء الله