المساعد الشخصي الرقمي

مشاهدة النسخة كاملة : بعض طلاب الثانويه والسيجارة الصباحيه هل يعقل !!!!


MAZEN37
19-09-2016, 08:21 AM
امس اول يوم دراسي اتمنى التوفيق للجميع
وصلت ابني لمدرسة ناصر بن عبدلله العطيه الثانويه
لفت انتباهي طلاب يشربون سجاير ومتجمعين بالسيارات على السور عند الباب
اليوم
اشوف شلة طلاب في ساحه المواقف الداخليه بالحرم المدرسي ويشربون سجاير وتجمعات طلابيه وسيارات
هل يعقل
وين الاشراف والمشرفين وين الكاميرات الخارجيه
وين تطبيق اللائحه السلوكيه للطلاب وين الحزم بالادارة مع الطلاب هذه المدارس هي واحة للعلم والادب والتزام والطريقة هذه تسحب الصالح مع الطالح
اتمنى من وزارة التعليم وضع اليه وتحاسب المقصرين ويكون في مشرفين على كل المدارس خارج الاسوار
واخيرا
كلنا ننتقد للافضل ولصالح المجتمع ورحم الله امرئ اهدى الي عيوبي
Charisma
19-09-2016, 08:24 AM
امس اول يوم دراسي اتمنى التوفيق للجميع
وصلت ابني لمدرسة ناصر بن عبدلله العطيه الثانويه
لفت انتباهي طلاب يشربون سجاير ومتجمعين بالسيارات على السور عند الباب
اليوم
اشوف شلة طلاب في ساحه المواقف الداخليه بالحرم المدرسي ويشربون سجاير وتجمعات طلابيه وسيارات
هل يعقل
وين الاشراف والمشرفين وين الكاميرات الخارجيه
وين تطبيق اللائحه السلوكيه للطلاب وين الحزم بالادارة مع الطلاب هذه المدارس هي واحة للعلم والادب والتزام والطريقة هذه تسحب الصالح مع الطالح
اتمنى من وزارة التعليم وضع اليه وتحاسب المقصرين ويكون في مشرفين على كل المدارس خارج الاسوار
واخيرا
كلنا ننتقد للافضل ولصالح المجتمع ورحم الله امرئ اهدى الي عيوبي

داخل المدرسة / يحق لنا لوم الأدارة وطرف اخر .
خارج المدرسة / اللوم على من ؟
حمد 2002
19-09-2016, 08:27 AM
داخل المدرسة / يحق لنا لوم الأدارة وطرف اخر .
خارج المدرسة / اللوم على من ؟

صادق ..

بس يمكن التدخين يكون بدون انظار الأداره ..
MAZEN37
19-09-2016, 08:28 AM
داخل المدرسة / يحق لنا لوم الأدارة وطرف اخر .
خارج المدرسة / اللوم على من ؟

اخوي داخل مواقف المدرسه الداخليه يعني داخل السور
لازم مشرف واقف يدخل الطلاب ويمنع التجمعات
Charisma
19-09-2016, 08:35 AM
اخوي داخل مواقف المدرسه الداخليه يعني داخل السور
لازم مشرف واقف يدخل الطلاب ويمنع التجمعات


صادق ..

بس يمكن التدخين يكون بدون انظار الأداره ..


داخل السور او خارج السور ، ماراح يفرق شيء .. لو في مشرف يدور في المواقف ، العالم بتوقف برى ولا راح يقدر يمنع تجمهرهم في الخارج ، يعني ماتقدر تحبس لهم ؟ إلا اذا بتحط لهم دورية تنفضهم قدام كل مدرسة .

واللوم على أهاليهم في المقام الأول .
ضوى
19-09-2016, 08:40 AM
داخل السور او خارج السور ، ماراح يفرق شيء .. لو في مشرف يدور في المواقف ، العالم بتوقف برى ولا راح يقدر يمنع تجمهرهم في الخارج ، يعني ماتقدر تحبس لهم ؟ إلا اذا بتحط لهم دورية تنفضهم قدام كل مدرسة .

واللوم على أهاليهم في المقام الأول .

يا ذا الاهل اللي كله اللوم عليهم

بعد منزلين عيالهم المدرسة بيقعدون ينطرونهم لين يرن الجرس بعد مايصير ، هاي الولد لازم يك ون عنده وعي وحس صحي يفكر بصحته وعافيته ، ماننكر انه في اهالي تربي وتتعب على عيالها وفي النهاية يطلع الولد سربوت معذب اهله هنا بعد نلوم الاهل ؟
بومحمد المطاوعه
19-09-2016, 08:42 AM
عادي
الحين بتحصل ردود

الــحــريـــه الشخصيه


هذي الي طامس على قلوب بعض البشر والعياذ بالله
بومحمد المطاوعه
19-09-2016, 08:43 AM
داخل المدرسة / يحق لنا لوم الأدارة وطرف اخر .
خارج المدرسة / اللوم على من ؟

على راعي الدكان الله يسلمك
هههههههههههه :nice:
Charisma
19-09-2016, 08:46 AM
يا ذا الاهل اللي كله اللوم عليهم

بعد منزلين عيالهم المدرسة بيقعدون ينطرونهم لين يرن الجرس بعد مايصير ، هاي الولد لازم يك ون عنده وعي وحس صحي يفكر بصحته وعافيته ، ماننكر انه في اهالي تربي وتتعب على عيالها وفي النهاية يطلع الولد سربوت معذب اهله هنا بعد نلوم الاهل ؟

مدارس الثانوية " بنين " ، الشباب يداومون بمواترهم ، وبعضهم يصفط مع الدريول ياخذ له موشة موشتين قبل لاينزل .

كلنا متفقين ان هالتصرف خطأ ، لكن نلوم أدارة المدرسة لان في طلاب يدخنون قدام المدرسة ؟ ان دخل المدرسة ودخن في الساحه ولا في الحمامات " تكرمون " وقتها لهم الحق يصلخونه مب يعاقبونه .

اذا الأهل ماقدروا عليهم ، الحلول الثانيه موجوده ، دورية قدام كل مدرسة ثانوية تنفضهم ، ويوظفون الضباط المتقاعدين في المدارس ( يصلبونهم ) .

سوالف حبيبي هذا غلط هذا مو زين ماتمشي .
Charisma
19-09-2016, 08:51 AM
على راعي الدكان الله يسلمك
هههههههههههه :nice:



هههههههه دا كان زمان الحين حتى لو مانعين الدكاكين ، شوف الشباب في الثانوية العارض شاق وجهه اتقول بوعيال ( ماشاءالله ) يعني مستحيل يرده . :rolleyes2:
راجي الْعفو
19-09-2016, 08:55 AM
هههههههه دا كان زمان الحين حتى لو مانعين الدكاكين ، شوف الشباب في الثانوية العارض شاق وجهه اتقول بوعيال ( ماشاءالله ) يعني مستحيل يرده . :rolleyes2:

مستعجلين عالكبر، تحكك بهالموس ^_^
والشباب يتلاحقون على أعمارهم ويندبون أيام المراهقة ^_^

دنيا ^_^



___________

الموضوع مب شي جديد ياخوي مازن
خارج المدرسة الحل عند الداخلية.
MAZEN37
19-09-2016, 08:56 AM
داخل السور او خارج السور ، ماراح يفرق شيء .. لو في مشرف يدور في المواقف ، العالم بتوقف برى ولا راح يقدر يمنع تجمهرهم في الخارج ، يعني ماتقدر تحبس لهم ؟ إلا اذا بتحط لهم دورية تنفضهم قدام كل مدرسة .

واللوم على أهاليهم في المقام الأول .

اسمحلي
الحين طلاب يشربون سجاير بره السور او داخل ما تفرق الا تفرق على الاقل لازم يكون في احترام داخل السور والي بره خله يخيس في الشارع
لكن نوصل الطالب داخل المدرسه ينزل من السياره بوجهه شله وسيجاير
هذه مب مدرسه
على الاقل يكون في احترام
Charisma
19-09-2016, 08:59 AM
مستعجلين عالكبر، تحكك بهالموس ^_^
والشباب يتلاحقون على أعمارهم ويندبون أيام المراهقة ^_^

دنيا ^_^



___________

الموضوع مب شي جديد ياخوي مازن
خارج المدرسة الحل عند الداخلية.

ههههههههههههههههههههه الله يرحم ايام الموس ، وصدقني الموس بريء ... مادري شصاير في الجينات تشوف طالب في الثانوية ماشاءالله اتقول ثلاثيني جاد .:rolleyes2:

مالهم حلللللللل الا الداخليه مثل ماقلت وضباط عساكر في المدرسة ، وتعال لي يابو مزاج .
Charisma
19-09-2016, 09:02 AM
اسمحلي
الحين طلاب يشربون سجاير بره السور او داخل ما تفرق الا تفرق على الاقل لازم يكون في احترام داخل السور والي بره خله يخيس في الشارع
لكن نوصل الطالب داخل المدرسه ينزل من السياره بوجهه شله وسيجاير
هذه مب مدرسه
على الاقل يكون في احترام

ياخوي مازن والله يدي بيدك ومثلك استنكر هالشيء ، لكن انت تعرف نظام المواقف في المدارس ؟ وذكرت في موضوعك ان بعض الطلاب يوقفون عند السور ، يعني شلون بتتصرف المدرسة ؟ ولو خلوا مشرف يدور في المواقف ماراح يعوقهم .. ريوس خمسين متر ووقف عند الباب .

وعلى فكرة هالموضوع تقريبا في اغلب المدارس الثانوية .
MAZEN37
19-09-2016, 09:10 AM
ياخوي مازن والله يدي بيدك ومثلك استنكر هالشيء ، لكن انت تعرف نظام المواقف في المدارس ؟ وذكرت في موضوعك ان بعض الطلاب يوقفون عند السور ، يعني شلون بتتصرف المدرسة ؟ ولو خلوا مشرف يدور في المواقف ماراح يعوقهم .. ريوس خمسين متر ووقف عند الباب .

وعلى فكرة هالموضوع تقريبا في اغلب المدارس الثانوية .

يا عيني عليك وصلنا لنقطة التقاء
لازم عقليتنا تطور ونعمل على فرض واقع يكون مفيد للجميع وما نترك الامور ونقول هي كذا وكل المدارس الثانويه كذا
يوم ينزل الطالب في مشرف واقف يدخلهم وما يخليهم يتناثرون ويتجمعون بعد ما تمشي السياره ونعطيهم فرصه والي واقف بعيد يوقف بس ما يئثرون على الطلاب الملتزمين
سالم الزهران
19-09-2016, 09:12 AM
تغيرت الثقافة و الناس كانوا يتعايبون من الدخان و تلقى الرجال كبير سن و محترم في جماعته و اذا بغى يدخن طلع من المجلس و راح وراء السيارات يحرق زقاره ع السريع .

اولئك القوم اهل الذرابة مب مثل اليوم ينفخها في وجوه الناس ( الله يعافينا و لا يبتلينا )
Charisma
19-09-2016, 09:17 AM
يا عيني عليك وصلنا لنقطة التقاء
لازم عقليتنا تطور ونعمل على فرض واقع يكون مفيد للجميع وما نترك الامور ونقول هي كذا وكل المدارس الثانويه كذا
يوم ينزل الطالب في مشرف واقف يدخلهم وما يخليهم يتناثرون ويتجمعون بعد ما تمشي السياره ونعطيهم فرصه والي واقف بعيد يوقف بس ما يئثرون على الطلاب الملتزمين

صحيح ممكن ، وانا ذكرت نقطه تواجد دورية لأن اعرف حتى لو في مشرف متواجد عند البوابة ، ماراح يقدر يتحكم باللي واقفين قدام المدرسة ، بالتالي المنظر عام " سيم سيم " ، وياليت لو في ضباط متقاعدين يتولون مثل هالمهام في المدارس ، يمشي كلامه من ورى خشومهم .

الله يصلح الحال المنظر مايسر و فعلا في مدارس متهاونه بشكل كبير في هالنقطه .
MAZEN37
19-09-2016, 09:17 AM
تغيرت الثقافة و الناس كانوا يتعايبون من الدخان و تلقى الرجال كبير سن و محترم في جماعته و اذا بغى يدخن طلع من المجلس و راح وراء السيارات يحرق زقاره ع السريع .

اولئك القوم اهل الذرابة مب مثل اليوم ينفخها في وجوه الناس ( الله يعافينا و لا يبتلينا )

يا رجال شوف عيني الاب يولع لولده والابناء يشربونها قدام ابائهم
الله المستعان على هالزمن
سالم الزهران
19-09-2016, 09:33 AM
يا رجال شوف عيني الاب يولع لولده والابناء يشربونها قدام ابائهم
الله المستعان على هالزمن

يا حياة الشقا

و الله يا طيب انا نحترم المدخّن و لا نكرهه و لكن ما توصل انا نعينه و نشجعه

الله يكفيهم و يكفينا شر الدخّان
ضوى
19-09-2016, 10:08 AM
مدارس الثانوية " بنين " ، الشباب يداومون بمواترهم ، وبعضهم يصفط مع الدريول ياخذ له موشة موشتين قبل لاينزل .

كلنا متفقين ان هالتصرف خطأ ، لكن نلوم أدارة المدرسة لان في طلاب يدخنون قدام المدرسة ؟ ان دخل المدرسة ودخن في الساحه ولا في الحمامات " تكرمون " وقتها لهم الحق يصلخونه مب يعاقبونه .

اذا الأهل ماقدروا عليهم ، الحلول الثانيه موجوده ، دورية قدام كل مدرسة ثانوية تنفضهم ، ويوظفون الضباط المتقاعدين في المدارس ( يصلبونهم ) .

سوالف حبيبي هذا غلط هذا مو زين ماتمشي .

هالموضوع حله عند الداخليه
معماري قطري
19-09-2016, 10:15 AM
هههههه حرية شخصية

ما شفتهم داخل الصفوف شيسوون والشخبطة على الجدران الله يرحم زمان بن تركي والله يغفر لجاسم بن حمد
ضوى
19-09-2016, 10:16 AM
هههههه حرية شخصية

ما شفتهم داخل الصفوف شيسوون والشخبطة على الجدران الله يرحم زمان بن تركي والله يغفر لجاسم بن حمد


انا يطري علي درايش مدارس البنين كلها مكسره
سعود.
19-09-2016, 10:20 AM
اذا من كم سنة صايدين بنات في الجامعه يحطون ( سويكة ) فما بالك بشباب

الحل هو التوعية من قبل الاهل ثم المدرسة . والمشكلة الكبري الاصدقاء . الاهل يتعبون سنين تربية وخلال ثواني صديق السوء يهدم كل شي . يشوف ربعة يدخنون على اساس
انهم ( ربشة ) وكذا بطرانين .
عموما تجي على التدخين ولا امور اخري تحدث في المدارس وخارج المدارس
Rider
19-09-2016, 10:24 AM
للاسف هالمناظر صارت عادية عند اغلب المدارس ومش المرحلة الثانوية تعال شوف الاعدادية بس المشكله مب في المدارس المشكله في التربية لي المفروض يكون اساسه البيت
الدوحه1
19-09-2016, 10:29 AM
اشرايك صايدين يهال عندنا في الفريج يدخنون وهم في الابتدائيه!!!!
بومحمد المطاوعه
19-09-2016, 01:01 PM
هههههههه دا كان زمان الحين حتى لو مانعين الدكاكين ، شوف الشباب في الثانوية العارض شاق وجهه اتقول بوعيال ( ماشاءالله ) يعني مستحيل يرده . :rolleyes2:

هههههههه

انا ف ردي استعبط يوم اقول الدكان السبب هههه

وصدقت ماشاءالله شكبرهم ,,

ولا عمري شفت مدخن ثوبه مب محفر او شفايفه مب سوده
اشدعوه اهله مايدرون عنه ولا مايشمون ريحته

اصلن اي مدخن لو تشم حواجبه بتشم ريحة زقاير

تقول تيوب مبنجر:nice:
mersal
19-09-2016, 01:37 PM
واحنا يا ترا لما كنا بعمرهم ما كنا مثلهم طبعا مش الكل لكن حالنا نفس حالهم
بوحارب
19-09-2016, 01:56 PM
هالمدرسة درست فيها ثالث وطلعت منها بدون مادوخ حبة زقارة


اشكر نفسي على الأحترام والأخلاق العالية
بانغ بانغ
19-09-2016, 03:14 PM
تقنيده الصباح على انغام الطيور
بوخالد911
19-09-2016, 03:49 PM
هالمدرسة درست فيها ثالث وطلعت منها بدون مادوخ حبة زقارة


اشكر نفسي على الأحترام والأخلاق العالية

اللي أخبره انك مدمن قدوووو

!!!!
توشيبا
19-09-2016, 08:14 PM
يا ذا الاهل اللي كله اللوم عليهم

بعد منزلين عيالهم المدرسة بيقعدون ينطرونهم لين يرن الجرس بعد مايصير ، هاي الولد لازم يك ون عنده وعي وحس صحي يفكر بصحته وعافيته ، ماننكر انه في اهالي تربي وتتعب على عيالها وفي النهاية يطلع الولد سربوت معذب اهله هنا بعد نلوم الاهل ؟

اللوم الاول على الاهل مدام دخن قدام المدرسه واهو يدخن في كل مكان

وين قانون يمنع بيع التبغ لمن تحت 18 سنه
وين اداره المدرسه والمشرفين عن التجمعات خارج اسوار المدرسه
ابوعلي
19-09-2016, 09:50 PM
اخوي مدير المدرسة وحسب معرفتي فيه من القلة المعروفة بالشدة والحزم وكان سابقا مدير بمدرسة حمزة

ونقل لمدرسة ناصر بن عبدالله العطية لمعالجة التسيب الحاصل بهالمدرسة

ولو تواصلت مع إدارة المدرسة كان أفضل
معماري قطري
20-09-2016, 12:41 AM
اخوي مدير المدرسة وحسب معرفتي فيه من القلة المعروفة بالشدة والحزم وكان سابقا مدير بمدرسة حمزة

ونقل لمدرسة ناصر بن عبدالله العطية لمعالجة التسيب الحاصل بهالمدرسة

ولو تواصلت مع إدارة المدرسة كان أفضل

توصلهم الرسالة من هنا إن شاء الله
Dana’1
20-09-2016, 12:49 AM
هههههههه دا كان زمان الحين حتى لو مانعين الدكاكين ، شوف الشباب في الثانوية العارض شاق وجهه اتقول بوعيال ( ماشاءالله ) يعني مستحيل يرده . :rolleyes2:
اللوم على المسؤلين
دام انه موجود ويباع ومستحيل يمنعون دخوله للبلاد فأقل تقدير
يعامل معامله بيع الخمر
فمايباع بالدكان ابدا ولا بأي محل ويخصصون اماكن لبيع الزقاير ولا يشتريه الا بإبراز البطاقه الشخصيه

وهالشي ماراح يقطع هالظاهره بشكل كلي لان اكيد في شباب بيعطي غيره
بس عالاقل بتخف وبيلقونه بصعوبه
Me&OnLy
20-09-2016, 02:47 AM
والله الموضوع شائك صراحه نلوم اهل الطلاب المعنيين او نلوم ادارة المدرسه ام نلوم الوزارة .. مره صار موضوع مشابهه لهذا الموضوع المشرف او الاداري قام باجبار الطالب على الدخول ورمي الزقاره وصار فيه اشتباك بينهم وطبعا الطالب اول من اعتدى على المشرف والمشرف من حقه يدافع عن نفسه .، المهم في نهاية المطاف للمشرف تم نقله لمدرسة اخرى والطالب محد قاله شيء لا الوزارة ولا الاسرة الكريمة فا اتوقع ان هناك تعليمات بعدم التدخل من قبل المدرسة بامؤر مشابهه والعلم عند الله لكن ختاماً انقول الله يصلح حالهم
Charisma
20-09-2016, 10:10 AM
هههههههه

انا ف ردي استعبط يوم اقول الدكان السبب هههه

وصدقت ماشاءالله شكبرهم ,,

ولا عمري شفت مدخن ثوبه مب محفر او شفايفه مب سوده
اشدعوه اهله مايدرون عنه ولا مايشمون ريحته

اصلن اي مدخن لو تشم حواجبه بتشم ريحة زقاير

تقول تيوب مبنجر:nice:

ههههههههه

اللي شاك بولده في شي اسمه فحص نكيوتين ( بسيط ) ، بتعرف يدخن او لا .. ياليت يطبقونه بشكل دوري في المدارس وتنرسل تقارير للأهالي . :omen2:
Charisma
20-09-2016, 10:22 AM
اللوم على المسؤلين
دام انه موجود ويباع ومستحيل يمنعون دخوله للبلاد فأقل تقدير
يعامل معامله بيع الخمر
فمايباع بالدكان ابدا ولا بأي محل ويخصصون اماكن لبيع الزقاير ولا يشتريه الا بإبراز البطاقه الشخصيه

وهالشي ماراح يقطع هالظاهره بشكل كلي لان اكيد في شباب بيعطي غيره
بس عالاقل بتخف وبيلقونه بصعوبه

ليش اللوم على المسؤولين في المقام الاول ؟


واضح ومعروف أن الأهل من يتحملون المسؤولية الأولى ، هنالك اسباب ثانوية منها : غياب الرادع ، سهولة الحصول على السجائر ، ونقدر نقول التهاون في بعض المدارس .. كلها اسباب ثانوية لكن المسؤوليه على الأهل في التوعيه المراقبه الضبط التوجيه المعاقبه التربيه ، المدرسة "تساااااهم" بذلك لكن مب مطلوب منها تاخذ دور الأهل .

السجائر ممنوع بيعها في الدكاكين القريبه من المدارس ، ونظام البيع بالبطاقة ماعتقد انه مطبق في الدكاكين ، خصوصا وان السن القانوني 18 (المفروض 21 ) ، الحين من هم بعمر الـ 16 اشكالهم 25+ ، هذا غير البخشيش في حال رفض راعي الدكان ، وشيييل ياحبيبي .. صعب ان الموضوع ينضبط وكل دكان يتراقب ، لكن سهل ان تتواجد دورية امام كل مدرسة ثانوية وسهل توظيف المتقاعدين من الضباط في المدارس ، لان التعامل مع الطلبة بهالعمر يحتاج شخص ( عسكري ) ، قادر يوجه ويفرض ولا بتصير مشاكل بين الأدارة والطلبه .
بومحمد المطاوعه
20-09-2016, 10:54 AM
ههههههههه

اللي شاك بولده في شي اسمه فحص نكيوتين ( بسيط ) ، بتعرف يدخن او لا .. ياليت يطبقونه بشكل دوري في المدارس وتنرسل تقارير للأهالي . :omen2:

اي والله ياليت
بتشوف نسبه من الطلاب
غياب يوم الفحص:nice:
معماري قطري
20-09-2016, 11:25 AM
اللوم على المسؤلين
دام انه موجود ويباع ومستحيل يمنعون دخوله للبلاد فأقل تقدير
يعامل معامله بيع الخمر
فمايباع بالدكان ابدا ولا بأي محل ويخصصون اماكن لبيع الزقاير ولا يشتريه الا بإبراز البطاقه الشخصيه

وهالشي ماراح يقطع هالظاهره بشكل كلي لان اكيد في شباب بيعطي غيره
بس عالاقل بتخف وبيلقونه بصعوبه

عين العقل سن معينة ويحق له يحرق صدره

جاني ولد في محطة قطار قال انا مسافر ونسيت هويتي وابي تشتري لي علبة سجاير .. الظاهر شاف اني عربي ومستعد للمساعدة قلت له يبين عليك تحت السن القانونية وممنوع اشتري لك

في محلاتهم هذي المواد تنباع وتكون ورا المحاسب وفي صندوق حتى ما يسرقها مراهق

ناس عندهم مخ مب محشي تبولة

حول مدارسنا دكاكين تبيع سجاير للصغار وسويكة وين تحرك الداخلية بقوة والعقاب القوي ووين عمل حملات سرية بمشاركة شباب صغار يخلون اللي تارس شعره دهن يفكر مليون مرة قبل ليبيع خوف من العقاب الرادع؟؟؟؟؟
ضوى
20-09-2016, 11:27 AM
ههههههههه

اللي شاك بولده في شي اسمه فحص نكيوتين ( بسيط ) ، بتعرف يدخن او لا .. ياليت يطبقونه بشكل دوري في المدارس وتنرسل تقارير للأهالي . :omen2:

عجبني هالحل وااايد
معماري قطري
20-09-2016, 11:30 AM
وين المسؤولين عن أمن الطلبة في هذي المدارس حتى عن طريق الطلبة نفسهم؟ ينمون فيهم حب النصح ويسئلونهم من يدخن من ربعكم ويحاولون فيه بالنصح وثم بتبليغ والده ويقطعون مصادر البيع بواسطة التبليغ للداخلية

بس شكل ربعنا يحبون الغريب وايد ويسهلون عملية التبادل التجاري والمشرفين ما يدخلون نفسهم في شغلات ترهقهم
MAZEN37
21-09-2016, 08:48 AM
ابشركم تواصلت معاهم ووضحت الملاحظات لهم
وتم التفهم وبالعكس كانوا متعاونين ومتفهمين ووعدوا بعدم التهاون في هذه التصرفات
MAZEN37
22-09-2016, 07:36 AM
تفاعلت جريدة الشرق بصفحه 18 عن هالموضوع في المنتدى اشكرهم
للاسف ماعرف انقل الصور
بعيد النظر
22-09-2016, 07:38 AM
ههههههههه

اللي شاك بولده في شي اسمه فحص نكيوتين ( بسيط ) ، بتعرف يدخن او لا .. ياليت يطبقونه بشكل دوري في المدارس وتنرسل تقارير للأهالي . :omen2:


واسهل وابسط حل شم ريحة الأصابع
ضوى
22-09-2016, 07:52 AM
ولي أمر طالب الإدارات المدرسية بتكثيف الرقابة


اشتكى أحد أولياء الأمور من غياب الرقابة على طلاب بعض المدارس الثانوية، حيث ذكر أنه لاحظ تجمع بعض الشباب الذين يقومون بتدخين السجائر مقابل سور المدرسة وذلك قبل بداية الحصص الدراسية ولا شك أن هذا يحدث أيضاً بعد الانتهاء من الدوام المدرسي، حيث يقصدون الساحات الخالية التي تقع قرب اسوار المدرسة لعلمهم بعدم وجود أية رقابة عليهم.



وقد طالب المشتكي بضرورة وضع مشرفين على الساحات فى المدارس الثانوية ليتمكنوا من رصد الحركة الطلابية داخل وخارج أسوار المدرسة، كما ناشد بضرورة وجود عقوبة تردع هؤلاء الطلاب بشكل قوي ليتم القضاء على هذه الظاهرة تماما. لأن وجود مثل قيام بعض الطلاب بالتدخين العلنى داخل المدرسة من شأنه ان يغرى بقية الطلاب الآخرين غير المدخنين.


وأكد المشتكى وهو ولي امر شاهد منظر التدخين الجماعى لطلاب مدرسة ثانوية فى الصباح، اكد ضرورة تفعيل كاميرات المراقبة فى المدارس الثانوية معربا عن اعتقاده بأن مثل هذه السلوكيات غالبا ماتصدر عن طلاب يستخدمون سياراتهم الخاصة فى التنقل من وإلى مدارسهم بكل سهولة وفى نفس الوقت يستطيعون التدخين فى أي وقت يشاءون مادامت القوانين لا تطبق خارج الحرم المدرسي.
ضوى
22-09-2016, 07:52 AM
http://www.al-sharq.com/news/details/444922

الرابط في صحيفة الشرق :nice:
شبح الصمت
22-09-2016, 08:04 AM
يعطيك العافيه يا مازن

الوضع نشوفه حول المدارس
ونشوفه في اماكن كثيرة
ويتكرر


ونفس ما تفضل كريزما أفضل حل انه يكون في فحص دوري وارسال تقارير لاولياء الامور ..


اقل ما فيها يتوعون انهم على خطأ ويتروعون ..

الله يهديهم يارب ..
يمامـة
27-09-2016, 10:19 AM
يعطيك العافيه يا مازن

الوضع نشوفه حول المدارس
ونشوفه في اماكن كثيرة
ويتكرر


ونفس ما تفضل كريزما أفضل حل انه يكون في فحص دوري وارسال تقارير لاولياء الامور ..


اقل ما فيها يتوعون انهم على خطأ ويتروعون ..

الله يهديهم يارب ..



تقصد فحص دوري في المدارس ؟
من بيتكفل بمصاريف الكشف.................> صايؤة تختف على فلوس الحكومة!!
Charisma
28-09-2016, 03:01 AM
تقصد فحص دوري في المدارس ؟
من بيتكفل بمصاريف الكشف.................> صايؤة تختف على فلوس الحكومة!!

خلاص ولاتزعلون يستخدمون جهاز كشف عن المدخنين :

http://www.bedfont.com/shop/smokerlyzer


كل مدرسة تاخذ جهاز ، والكشف عشوائي ( حبس لهم ) .:telephone:



وضع الطلاب المدخنين وهم يقرون الموضوع : شفيييييه ذي ناشب ..:anger1:
يمامـة
28-09-2016, 06:22 AM
خلاص ولاتزعلون يستخدمون جهاز كشف عن المدخنين :

http://www.bedfont.com/shop/smokerlyzer


كل مدرسة تاخذ جهاز ، والكشف عشوائي ( حبس لهم ) .:telephone:



وضع الطلاب المدخنين وهم يقرون الموضوع : شفيييييه ذي ناشب ..:anger1:

بصراحة فكرة سديدة و فعالة..

بس شنهي الإجراءات التالية عند كشف الطالب المدخن ؟

هل هناك الية لعلاجهم من مرض التدخين؟

اترك التعليق للجميع..
مختلفة عقليا
28-09-2016, 07:28 AM
السلام عليكم

اذا الاب يدخن شي طبيعي الولد بيدخن !!

بس ادارة المدرسة وين !! هل هاي يعتبر حرية شخصية !! مع اني اعتبر كذالك خارج المدرسة احتراما للعلم والمعلم .,

بس يمكن الادارة منصدمين من قرار ( ملابس المعلمات ) ههههههه ينطرون الدور الياي عليهم عقب بينتبهون ع الطلاب !! :)

ويسلموو
بومحمد المطاوعه
02-10-2016, 09:53 AM
السلام عليكم

اذا الاب يدخن شي طبيعي الولد بيدخن !!

بس ادارة المدرسة وين !! هل هاي يعتبر حرية شخصية !! مع اني اعتبر كذالك خارج المدرسة احتراما للعلم والمعلم .,

بس يمكن الادارة منصدمين من قرار ( ملابس المعلمات ) ههههههه ينطرون الدور الياي عليهم عقب بينتبهون ع الطلاب !! :)

ويسلموو


مب شرط اذا الأب يدخن
الولد يطلع يدخن
هالشي غير صحيح ولا له صله ,,

ياما شفنا اباء لايصلون ويدخنون وسكارى
وعيالهم رجال ونعم فيهم ,,

وشفنا الأباء ونعم فيهم ولايدخنون ولا لهم في طخه الزقاير
وعيالهم باقي بس يحششون

ف موضوع ان الأب يسوي شي وولده يقلده هذي ماله اي دخل