هل القانون يسمح بطلق النار في الأعراس

[بوحارب]

السلام عليكم


امس كان فيه عرس على خط الرفاع وبعد العرس وقت خروج المعرس

صار طلق نار كثيف كأن الموضوع حرب والله بدون مبالغه

حتى كانوا الأهل قاعدين في الحوش وارتعبوا من قوة الصوت والعيال قاموا من النوم

سؤالي

ايش الحكمه من طلق النار في العرس وفي مكان عام وبين البيوت وخصوصا ان الرصاص
كان يمر من فوق البيوت المجاورة للعرس ومبينه الطلقات من الشب

على العموم اكثر من واحد اشتكى وان شاء الله الجهات المعنية تقوم بالواجب

[@north_star@]

السلام عليكم


امس كان فيه عرس على خط الرفاع وبعد العرس وقت خروج المعرس

صار طلق نار كثيف كأن الموضوع حرب والله بدون مبالغه

حتى كانوا الأهل قاعدين في الحوش وارتعبوا من قوة الصوت والعيال قاموا من النوم

سؤالي

ايش الحكمه من طلق النار في العرس وفي مكان عام وبين البيوت وخصوصا ان الرصاص
كان يمر من فوق البيوت المجاورة للعرس ومبينه الطلقات من الشب

على العموم اكثر من واحد اشتكى وان شاء الله الجهات المعنية تقوم بالواجب

انا اعرف انه ممنوع اطلاق الاعيرة النارية باي شكل وخاصة بالمناسبات لانها فعلا خطرة على الجميع

[عاشق العديد]

خطره ..

ومالها داعي والله ..

لكن السؤال شلون عنده حيازة سلاح .؟

واخبر فبداية ايام قاعات الرفاع كانت في دوريات امنيه توقف .. هل شالوها مادري ..

[بعيد النظر]

لو انك مبلغ عليهم .. أتوقع يكون في رد سريع وقوي !
مادري في أي بلاد يسجنون المعرس لين اللي ثور يسلم نفسه !

[معماري قطري]

خطره ..

ومالها داعي والله ..

لكن السؤال شلون عنده حيازة سلاح .؟

واخبر فبداية ايام قاعات الرفاع كانت في دوريات امنيه توقف .. هل شالوها مادري ..

ولدي كان 14 ويقول لي تبي رشاش مسدس طلقات بس ادفع وعندي ناس يجيبون لك .. فكرت ابلغ عليهم بعدين قلت الصين والجيم والسين والصاد بيبهدلوني

عن ممنوع أكيد ممنوع ومن زمان وصارت حوادث كثيرة وحدة منها واحد رش مظلة باب بيت ويطيح الرصاص حار زين ما شقت رصاصة راس واحد من الارتداد

[JN000N]

مال ابوه داعي الصراحه
وفوق هذي ياما صارت اخطاء وناس تضررو
شالحكمه من هالازعاج مادري

[Faz]

ممنوع والمعرس هو الي يتوهق اذا حد سواها مايتهنا بليله عرسه

حوادث ادت الى الموت تحصل بسببها تجربه واحد من ربعي قضى ليلته في المركز والضيف مسكين توفى الله يرحمه صار من عرس الى عزا

مهما كان الشخص خبير في استعمال السلاح الاخطاء تحصل والنتيجه للاسف كارثه

[Charisma]

بلغ ..



أكدت وزارة الداخلية، أمس، أن إطلاق الأعيرة النارية في المناسبات الاجتماعية - خاصة الأعراس - أمر في غاية الخطورة، وقد يتسبب في خسائر بشرية ومادية.

وقالت الوزارة، عبر حسابها في "تويتر": "إن قانون الأسلحة والذخائر لسنة 1999 يحظر حمل السلاح، وإن كان مرخصاً، في الاحتفالات الرسمية والحفلات العامة والخاصة".

وأشارت إلى أن استمرار البعض في حمل الأسلحة وإطلاق الأعيرة النارية في المناسبات الخاصة وحفلات الزواج مخالفة، تعرض أصحابها للمساءلة القانونية، مضيفة أن الاحتفال بالمناسبات الاجتماعية - خاصة الأعراس - أمر مشروع، ويتم من غير حمل السلاح واستخدامه، حتى لا يتحول الفرح إلى ترح.

[شيزكيك]

أي سمعنا الاصوات خيمة العرس جدام بيتنا زوجي قال العاب ناريه يمكن وانا قلت شكله صوت رصاص

[سعود.]

اطلاق الاعيرة النارية ممنوع .
بس الحيازة ممنوع ولاكن ( البعض ) ممكن يأخذ تصريح عليها .
اذا ( الام صكمة ) الهوائية ممنوعه . هذا الي اذكرة الا اذا جد جديد ؟

[بومحمد المطاوعه]

ممنوع لو بلغت عليهم ,.,
لو بدالك والله ارفع 999 وأبلغ

المعروف ان يسبحون المعرس لين يجيبون السلاح الي ثورو فيه
حتى لو مصرح مايطلع فيه للاعراس ولا يطلع فيه اي مكان عام ,,

لعبة على بالهم
وين قاعدين يبه
تثور ,,

خير يعني تبي تراوي الناس عندك سلاح
السلاح يبيله قلب قوي مب هياط والقلب مثل قلب دجاج

نتمنى الردع لهذا الأمور

[BoFahed]

القانون موجود ورادع بس المشكلة في التطبيق والواسطه

ضرب النار في الاعراس معروف انه عرف قبلي متوارث عليه في الكثير من القبايل الخليجية واخص بني قحطان (حسب علمي المتواضع ) .

الواقع للاسف الحين استعراض قوى ونفوذ اكثر من انه عرف اللي عنده ظهر ويمطر السماء بالرصاص ويصور وينشر في الجروبات متفاخر ويهايط ولا حد يزخه واللي ما عنده بيجرجون كل من مسك السلاح حتى المعرس نفسه

المفروض التشديد في العقوبة والمصادرة لانه السلاح في يد الصغير يطول ويا ما صارت قضايا عوده عندنا بسبب ناس معتوهين

[بومحمد المطاوعه]

مال ابوه داعي الصراحه
وفوق هذي ياما صارت اخطاء وناس تضررو
شالحكمه من هالازعاج مادري


هياط الله يسلمج

هذي حكمتها

[سالم الزهران]

من يوم خلقنا على الارض و الزواجات يحصل فيها اطلاق نار لكن والله ما كان بالكيفية و الكثرة اللي الحين و لا كان يقوم به اللي يقومون به الحين ؟

تغيرت الدنيا و الأشياء الرمزية ضخموها و خلوها مظاهر ومفوشر و في النهاية حوادث و جنائز يا دافع البلا؟

لابد ان تمنع لان الحابل أختلط بالنابل

[الحياة الخالدة]

الحمد لله على سلامة أهل المنطقة

[شموخ دائم]

,

,


مرحبا



شكرا على التنبيه و على الموضوع

اطلاق النار في الاعراس ( اختفت من قطر ) من زمان فوق العشرين سنه بعد منعها

بعد حدوث حوادث وقتل الخطاء


وللاسف ( رجعت ) ونقدر نقول انها دخيله على المجتمع الان في السنوات لاخيره

ومطلوب الدوله توقف ( بحزم ) حتى ما تنتشر بين الناس مره ثانيه

ويحدث مكروه لاقدر الله

,

,

[بوحارب]

انا اعرف انه ممنوع اطلاق الاعيرة النارية باي شكل وخاصة بالمناسبات لانها فعلا خطرة على الجميع
صحيح


خطره ..

ومالها داعي والله ..

لكن السؤال شلون عنده حيازة سلاح .؟

واخبر فبداية ايام قاعات الرفاع كانت في دوريات امنيه توقف .. هل شالوها مادري ..
الدوريات اللي تقصدها عند قاعات الرفاع

لكن موقع العرس في بداية شارع الرفاع في الخريطيات


لو انك مبلغ عليهم .. أتوقع يكون في رد سريع وقوي !
مادري في أي بلاد يسجنون المعرس لين اللي ثور يسلم نفسه !
بلغوا الجيران




ولدي كان 14 ويقول لي تبي رشاش مسدس طلقات بس ادفع وعندي ناس يجيبون لك .. فكرت ابلغ عليهم بعدين قلت الصين والجيم والسين والصاد بيبهدلوني

عن ممنوع أكيد ممنوع ومن زمان وصارت حوادث كثيرة وحدة منها واحد رش مظلة باب بيت ويطيح الرصاص حار زين ما شقت رصاصة راس واحد من الارتداد
خطير الولد الله يحفظه هههههههههه


مال ابوه داعي الصراحه
وفوق هذي ياما صارت اخطاء وناس تضررو
شالحكمه من هالازعاج مادري
الحكمه هياط ويا بلفيت شوفونا

ا

ممنوع والمعرس هو الي يتوهق اذا حد سواها مايتهنا بليله عرسه

حوادث ادت الى الموت تحصل بسببها تجربه واحد من ربعي قضى ليلته في المركز والضيف مسكين توفى الله يرحمه صار من عرس الى عزا

مهما كان الشخص خبير في استعمال السلاح الاخطاء تحصل والنتيجه للاسف كارثه

عدل كلامك اخوي وش الفايده من طلق النار وفي الأخير يتحول العرس لعزا

[بوحارب]

بلغ ..


تمام


أي سمعنا الاصوات خيمة العرس جدام بيتنا زوجي قال العاب ناريه يمكن وانا قلت شكله صوت رصاص
يعني جارتنا

زين طرشي الغدا اليوم والعصر نبي كرك :(




اطلاق الاعيرة النارية ممنوع .
بس الحيازة ممنوع ولاكن ( البعض ) ممكن يأخذ تصريح عليها .
اذا ( الام صكمة ) الهوائية ممنوعه . هذا الي اذكرة الا اذا جد جديد ؟
الطلق امس كان برشاشات تقول حرب


ممنوع لو بلغت عليهم ,.,
لو بدالك والله ارفع 999 وأبلغ

المعروف ان يسبحون المعرس لين يجيبون السلاح الي ثورو فيه
حتى لو مصرح مايطلع فيه للاعراس ولا يطلع فيه اي مكان عام ,,

لعبة على بالهم
وين قاعدين يبه
تثور ,,

خير يعني تبي تراوي الناس عندك سلاح
السلاح يبيله قلب قوي مب هياط والقلب مثل قلب دجاج

نتمنى الردع لهذا الأمور
والله انك صادق

القانون موجود ورادع بس المشكلة في التطبيق والواسطه

ضرب النار في الاعراس معروف انه عرف قبلي متوارث عليه في الكثير من القبايل الخليجية واخص بني قحطان (حسب علمي المتواضع ) .

الواقع للاسف الحين استعراض قوى ونفوذ اكثر من انه عرف اللي عنده ظهر ويمطر السماء بالرصاص ويصور وينشر في الجروبات متفاخر ويهايط ولا حد يزخه واللي ما عنده بيجرجون كل من مسك السلاح حتى المعرس نفسه

المفروض التشديد في العقوبة والمصادرة لانه السلاح في يد الصغير يطول ويا ما صارت قضايا عوده عندنا بسبب ناس معتوهين

حتى الطلق قبل كان شي بسيط انا لحقت على ذيك الأيام

بس الحين اذا صار طلق اقل شي 500 رصاصه في السما

ليش زين :)





هياط الله يسلمج

هذي حكمتها
هههههه

من يوم خلقنا على الارض و الزواجات يحصل فيها اطلاق نار لكن والله ما كان بالكيفية و الكثرة اللي الحين و لا كان يقوم به اللي يقومون به الحين ؟

تغيرت الدنيا و الأشياء الرمزية ضخموها و خلوها مظاهر ومفوشر و في النهاية حوادث و جنائز يا دافع البلا؟

لابد ان تمنع لان الحابل أختلط بالنابل

قبل غير والحين غير اخوي سالم مافيه مقارنه


الحمد لله على سلامة أهل المنطقة
الله يسلمج


,

,


مرحبا



شكرا على التنبيه و على الموضوع

اطلاق النار في الاعراس ( اختفت من قطر ) من زمان فوق العشرين سنه بعد منعها

بعد حدوث حوادث وقتل الخطاء


وللاسف ( رجعت ) ونقدر نقول انها دخيله على المجتمع الان في السنوات لاخيره

ومطلوب الدوله توقف ( بحزم ) حتى ما تنتشر بين الناس مره ثانيه

ويحدث مكروه لاقدر الله

,

,

بالفعل صارت عاده دخيله ومالها معنى

[شبح الصمت]

الحمد لله على سلامتكم ..

[الحاقول]

اطلاق الاعيرة النارية ممنوع في قطر
وليش الواحد يعبر عن فرحه
باطلاق نار ويعرض حياة الناس للخطر وهذا تخلف
يا اخي عبر عن فرحك بالمشاركه في العرضه

[بوحارب]

الحمد لله على سلامتكم ..

الله يسلمك

حياك العشا
بيض وجبن على كيف كيفك

[بوحارب]

اطلاق الاعيرة النارية ممنوع في قطر
وليش الواحد يعبر عن فرحه
باطلاق نار ويعرض حياة الناس للخطر وهذا تخلف
يا اخي عبر عن فرحك بالمشاركه في العرضه

اششكرك ع الرد

[بوخالد911]

ممنوع

كان بلغت

[ak-74]

هياط على الفاضي

[بانغ بانغ]

من مظاهر الجاهلية خاصة في الاردن وفيات كثيرة بهالسبب

يوم طلبنا ترخيص حمل السلاح الاغلبية عارض مع انه ترخيص رسمي من الدولة والبعض لازال معه مخزن اسلحة في بيته بدون ترخيص وبعلم الدولة

[الماريّة]

الي اعرفه ان الطلق الناري في المناسبات ممنوع من زماااااااان في قطر
هذيلا اما ماعندهم خبر وتوهم جداد في قطر او ان سلاحهم يظهر صوت بس
بدون فشق

ومن احدى الردود الي فوق تقول الاخت خيمتهم قريبه من بيتهم يعني العرس ماكان
في صالات الرفاع

الله يهديهم يارب والحمدالله على سلامه المسلمين

واثاريه الصوت الي كان مسندرني ذاك اليوم وانا حسبالي بطبطه 😅

[موظف ((حكومي]

ممنوع طلق نار

هذا لي يصير في اكثر الاعراس
https://www.youtube.com/watch?v=4INZgvGPfTg

[شبح الصمت]

ممنوع طلق نار

هذا لي يصير في اكثر الاعراس
https://www.youtube.com/watch?v=4INZgvGPfTg



اهيااااااااااااااااااااااااااااااااااااااااااااااا ط

[حمد 2002]

الحل بالتالي ويمكن يدر اموال على الدوله :-

يتم تخصيص فورمه ورقيه من قبل وزاره الداخليه للي يرغب بأستخدام الرشاش بعرسه نظير مبلغ 5 الاف ريال قطري لاغير ، على ان يتم اطلاقه عن طريق شخص متحصص بوزاره الداخليه فقط ..

شكرا ..

[هداف]

العرس في الخريطيات عرس انعيم واللي رموا شباب اصغار طايشين وليسوا رجال راكزين !
والمعرس تم احظاره لمركز الشرطه والتحقيق معه وبيسحبون اللي رموا واحد واحد

[بوحارب]

ممنوع

كان بلغت
ببلغ عليك ترى


هياط على الفاضي
نعم نعم


من مظاهر الجاهلية خاصة في الاردن وفيات كثيرة بهالسبب

يوم طلبنا ترخيص حمل السلاح الاغلبية عارض مع انه ترخيص رسمي من الدولة والبعض لازال معه مخزن اسلحة في بيته بدون ترخيص وبعلم الدولة
قالها شموخ صارت عادة دخيلة

اتفق معاكم


الي اعرفه ان الطلق الناري في المناسبات ممنوع من زماااااااان في قطر
هذيلا اما ماعندهم خبر وتوهم جداد في قطر او ان سلاحهم يظهر صوت بس
بدون فشق

ومن احدى الردود الي فوق تقول الاخت خيمتهم قريبه من بيتهم يعني العرس ماكان
في صالات الرفاع

الله يهديهم يارب والحمدالله على سلامه المسلمين

واثاريه الصوت الي كان مسندرني ذاك اليوم وانا حسبالي بطبطه ��


الطلق واضح وضوح الشمس من رشاشات والشباب واضح في السما

عيل بعد انتي من الجيران

لاتنسين الغدا اليوم بليز نبي برياني لحم


ممنوع طلق نار

هذا لي يصير في اكثر الاعراس
https://www.youtube.com/watch?v=4INZgvGPfTg
الله يهديهم


اهيااااااااااااااااااااااااااااااااااااااااااااااا ط
صحيح


الحل بالتالي ويمكن يدر اموال على الدوله :-

يتم تخصيص فورمه ورقيه من قبل وزاره الداخليه للي يرغب بأستخدام الرشاش بعرسه نظير مبلغ 5 الاف ريال قطري لاغير ، على ان يتم اطلاقه عن طريق شخص متحصص بوزاره الداخليه فقط ..

شكرا ..
شتخربط انت انت الله يهديك

ترا هاي طلق نار وبرشاشات مب العاب نارية

ارجع كمل رقادك


العرس في الخريطيات عرس انعيم واللي رموا شباب اصغار طايشين وليسوا رجال راكزين !
والمعرس تم احظاره لمركز الشرطه والتحقيق معه وبيسحبون اللي رموا واحد واحد

صادق ذيبان

اغلب اللي طلقوا ما يتعدون ال 25 سنة

وعطه واحد هياط ادول :)

[حمد بن سعد]

اشوفه ماله داعي الفرحه في القلب مهب في الازعاج

[راجي الْعفو]

بوحارب فاتح الموضوع عشان يضمن غداه و عشاه ^_^

عدل شغلك

عصافير بحجر ^_^

[بوحارب]

اشوفه ماله داعي الفرحه في القلب مهب في الازعاج
ماله داعي من قلب



بوحارب فاتح الموضوع عشان يضمن غداه و عشاه ^_^

عدل شغلك

عصافير بحجر ^_^

الحين ابي الجار الثالث عشان اضمن الريوق في الويكند هههههههههه

[الماريّة]

عيل بعد انتي من الجيران

لاتنسين الغدا اليوم بليز نبي برياني لحم


عاد لو تدري غدانا اليوم برياني لحم مدري اصوره احررك به
^_^ باقي غرشه الفلفل والاجار

[العلياا]

حسافه ممنوع :(

[الدوحه1]

الله يستر!!!

معقوله شباب صغار في العشرينات عندهم رشاشات؟؟؟؟

[ضوى]

الحل بالتالي ويمكن يدر اموال على الدوله :-

يتم تخصيص فورمه ورقيه من قبل وزاره الداخليه للي يرغب بأستخدام الرشاش بعرسه نظير مبلغ 5 الاف ريال قطري لاغير ، على ان يتم اطلاقه عن طريق شخص متحصص بوزاره الداخليه فقط ..

شكرا ..
عسى ماشر ؟؟ وليش هالهياط اللي ماله اي داعي ولا هدف

[ذيب ازغوى]

ياخوي نكبة العالم
خل العالم تعيش

[BoFahed]

الله يستر!!!

معقوله شباب صغار في العشرينات عندهم رشاشات؟؟؟؟


اصلا معظم مشاكل بسبب حمل السلاح بسبب هذي الفئة

واحد من الزملاء يحلف لي بانه شاف مراهقين بالثانوية اللي فيها ولده وهم يستعرضون بالاسلحة اللي شايلينها قدام ربعهم في الموتر والدريول يتنافض

المشكله بالبيت والتربية قبل ما تكون امنية الحكومة ما تقدر تفتش بيت بيت علشان تطلع الاسلحة غير المصرحه

انا متفاجأ ببعض مشاركات الاخوان في سهولة الحصول على السلاح واطالب الداخلية بالضرب بيد من حديد على من يهرب ويتاجر بالسلاح ويبيعه للمراهقين والمعيلة وزيادة التحريات في وسط المراهقين لانه حمل السلاح والاستعراض فيه يسبب مصايب وينقص من هيبة الدولة اللي المفروض فوق الجميع

الجمارك والداخلية مب مقصرين بيعطيهم الف عافية بس اهم شي تطبيق العقوبة على الكل لانه الوضع زاد عن حده وما نبي نتكرر الاحداث الغريبة على المجتمع القطري اللي صارت قبل كم سنه في معيذر والغرافة وغيرها بسبب تهور مراهقين وراحت ارواح بسببها

[ذيب ازغوى]

ياخوان السلاح نعمه ونغمه
فهو مهب عيب ولاحرام
وهو ممنوع في قوانين الدوله

[بوحارب]

عاد لو تدري غدانا اليوم برياني لحم مدري اصوره احررك به
^_^ باقي غرشه الفلفل والاجار
يا سلاااااام:nice:

الفلفل والأجار علي بس طرشي انتي البرياني:secret:



حسافه ممنوع :(
هههههههههه شريره



الله يستر!!!

معقوله شباب صغار في العشرينات عندهم رشاشات؟؟؟؟

للأسف في كل عرس شالين رشاشات وفرود 9 ملي

بس اغلبهم ما يثورون بس زينه :)


عسى ماشر ؟؟ وليش هالهياط اللي ماله اي داعي ولا هدف
اي والله


ياخوي نكبة العالم
خل العالم تعيش

وين النكبه في الموضوع !!!

[مختلف جداََ]

يا ريال مره حضرت عرس
مب في قطر
المهم أغلب الحاضرين معاهم سلاح

و واحد من الحضور بعد ما ضرب بالسلاح لين طاب خاطره و عشان يكمل الهياط عطى و لده السلاح يضرب فيه

اذا ما خانتني الذاكره كان كلاشنك قديم

المهم في زر الأمان و كان محطوط على الأوتوماتيك ( يضرب طلقات ورى بعض)
الولد مسك السلاح و عينك ما تشوف الإ النور
طلعت كذا رصاصة ورى بعض و وحده فيهم مرت بيني و بين خالي و صابت ولد صغير في يده

و روح حمل الولد و على المستشفى
السلاح مب أي واحد يستخدمة و طبعا أنا ضد حمل السلاح من قبل العامة من الناس .

اذا كل واحد حمل سلاح بتصير مآسي حنا في غنى عنها

و الله الحافظ

[..عاشق قطر..]

هياااط فقط

[الماريّة]

يا اخواني ترى حمل السلاح في المناسبات من عادات العرب
وهالشي يرمز للقوه والشجاعه والدفاع ايام غزواتهم وحروبهم
شي تعودوا عليهم فلابد يصير لهم كرمز يحملونه ويرحبون به ضيوفهم

انا معاكم ان الي استخدم السلاح هنا في قطر ما يصير المفروض يحترم قانون
الدوله بما انه مانعه هالشي لكن كل دول الخليج والعرب للحين يستخدمون السلاح
في مناسباتهم
دول الخليج والشام واليمن ومصر واكيد دول المغرب يعني هذي عادات العرب فاستغرب
من بعض الردود الي يقول هياط وجاهليه المفروض تحترم عادات العرب مايستهزئ بها
هذا احنا عندنا في العرضه يحملون السيف ويرزفون به وبعد رمز للحروب والمعارك وانتصاراتهم

فليش الواحد ينتقد عادات العرب والسلاح اكيد محد بشاله الا احد متعود عليه وعارف له
والحوادث الي صارت قبل مثل ماذكر تراها كلها قضاء وقدر فهذا رأيي
تخيلوا شيوخ وقبتيل وامراء يرحبون فيهم بالسلاح لمكانتهم وانتوا تستهزؤون بهالشي
بعادات الرجال

اتمنى يكون ردي واضح ،،،

/
\
/

[Azizuk]

يمكن جايهم ضيف من أهل الجنوب ويرحبون به

مرحباً الف ومليون وتريليون :victory: