جلسة تداول الأربعاء 2016/9/21........

[بومتعب]

بسم الله الرحمن الرحيم

نفتتح جلسة تداول هذا اليوم

اليوم خضر من بدايته إلى نهايته أن شاء الله

كل التوفيق للجميع

[الاسطوره]

السلام عليكم ورحمة الله وبركاته

[Faz]

السلام عليكم ورحمه الله وبركاته

موفقين جميع ان شاء الله

[بوراشد101]

وعليكم السلام ورحمة الله وبركاتة

انتظر ارتفاع مضاربي للتصريف بربح والجلوس على دكة البدلاء الى مايجد جديد في السوق
المحفظة نزول 0.50 نص بالمئة وباذن الله القادم افضل

وبالتوفيق للجميع

[لـبـيـه]

السلام عليكم ورحمة الله وبركاته

[لـبـيـه]

للحين الطلبات حلوه

[مضارب مستثمر]

صبحكم الله جميعا بالانوار والمسرات

بأذن الله نواصل الاخضر,,,,

مع توقعات نتائج اجتماع الفد الليله
9ونص بتوقيت الدوحه اعتقد السوق
بيولع بكره والله اعلم,:victory:,,,

[بومتعب]

بالغصب ..... بالطيب ......... لازم يقلب اخضر

[مضارب مستثمر]

بدايه شكلها حذره جدا جدا وووضع ترقب

وفروقات كبيره نسبيا بين اسعار العروض
والطلبات وان شاء الله يبدأ التدفق للسيوله
بالتدريج

[لـبـيـه]

الله يعين الطبيه

[مضارب مستثمر]

بالغصب ..... بالطيب ......... لازم يقلب اخضر

يالله حيه بومتعب,,,,امس نسيت الجلسه
مفتوحه لين الحين,,,,:weeping:,,,,,,

[مضارب مستثمر]

الله يعين الطبيه

الله ,,,,توانتبهت لها ,,,,,سعرها مغري

[بوجبر]

يوجد شراء ع اوريدو ...فودا فون

يبدو انة شراء استباقي قبل اول الشهر

[why me]

الله يعين الطبيه



المساهمون في المستلزمات الطبية يتغيبون عن عمومية تحديد مصيرها

للمرة الثانية علي التوالي تغيب المساهمون في الشركة القطرية الألمانية للمستلزمات الطبية عن حضور الجمعية العمومية غير العادية لمناقشة مصير الشركة ومستقبلها ، بعد ان تجاوزت الخسائر المتراكمة ٥٠ في المائة من رأس المال ، مما يستدعي عقد جمعية عمومية غير عادية لمساهمي الشركة وفقا لقانون الشركات الجديد.

وتقرر تأجيل الجمعية العمومية غير العادية الي يوم ٢٦ أكتوبر المقبل ، علي ان تنعقد العمومية في ذلك التاريخ بمن حضر، ولم يكتمل النصاب القانوني في اجتماع اليوم ، حيث أحجم المساهمين عن حضور العمومية، وحضرها اصحاب اسهم تبلغ ١١،٥٢ في المائة من رأس المال ، في حين المطلوب ٥٠ في المائة من رأس المال.

ويتضمن جدول اعمال العمومية غير العادية بندين الاول مناقشة تجاوز الشركة لخسائرها المتراكمة حد ٥٠ ٪‏ من راس المال بما يتوافق مع المادة ٢٩٥ من قانون الشركات ، والبند الثاني توفيق اوضاع النظام الأساسي للشركة بما يتماشي مع قانون الشركات التجارية الجديد رقم ١١ لسنة ٢٠١٥ .

وفي تقرير مراقب الحسابات حول مراجعة البيانات المالية المرحلية المختصرة أكد ان الشركة تكبدت خسائر صافية من العمليات ، مما أدي الي حدوث عجز قدره ٥٨ مليون و٤٦٢ الف و٢١٢ ريال وهو ما يتجاوز ٥٠ في المائة من رأسمال الشركة كما في ٣٠ يونيو ٢٠١٦ ، وتنص المادة ٢٩٥ من قانون الشركات رقم ١١ لسنة ٢٠١٥ علي انه يجب في مثل هذه الحالة علي أعضاء مجلس الادارة دعوة الجمعية العمومية غير العادية للنظر في استمرار الشركة او حلها قبل الأجل المعين في نظامها ، فإذا لم يقم مجلس الادارة بدعوة الجمعية غير العادية او تعذر إصدار قرار في الموضوع ، جاز لكل ذي مصلحة ان يطلب من المحكمة المختصة حل الشركة.

وأضاف تقرير مراقب الحسابات ان مجلس إدارة الشركة أكد علي دعوة المساهمين لحضور جمعية عمومية غير عادية لتمرير قرار بمواصلة اعمال الشركة، وتمكينها من الاستمرار، علي أساس مبدأ الاستمرارية والوفاء بالتزاماتها المالية عند استحقاقها، كما ان الشركة تتخذ تدابير لتحسين عملياتها خلال الخمسة أعوام القادمة ،ويشير التقرير الي انه تم إعداد البيانات المالية علي مبدأ الاستمرارية.

.....

[بوجبر]

عرض مخيف ع قطر وعمان

[بومتعب]

يالله حيه بومتعب,,,,امس نسيت الجلسه
مفتوحه لين الليل,,,,:weeping:,,,,,,

حياك الله اخوي مضارب ...... للاسف ماعندي صلاحيات المراقبين عشان اسكر الجلسة قبل لا اطلع ...... مازلت عضو مؤسس .....

[مضارب مستثمر]

تواجد ممتاز اليوم فالجلسه,,,,,

100 عضو يتواجد الآن(الأعضاء 20 والزوار 80)

يالله حيهم جميع

[why me]

الي مايوقف خسارته فهالاوضاع , متى بيسويها؟ والي يدخل فوضع مافيه حتى نسم تفاؤلي , على اي اساس الدخول؟
هالفتره خطورة الخساره على الاقل بتكون 10% وهذا اذا كنت محظوظ , وفي اغلب الاحوال بتوصل 30% وانت طالع.

فكر عشر مرات قبل لاتدخل وعشرين مره قبل لاتستمر بالاحتفاظ باسهمك

[مضارب مستثمر]

حياك الله اخوي مضارب ...... للاسف ماعندي صلاحيات المراقبين عشان اسكر الجلسة قبل لا اطلع ...... مازلت عضو مؤسس .....

يعني عندك صلاحيه تفتتح وما عندك تسكرها ,,,,,

عقبال تجيك الترقيه قريب ,,,,,تستاهل والله,,:nice:,,,

[why me]

كل الي يدعون للتفاؤل والدخول وتوقعاتهم بالارتداد, ممكن شارت واحد يدعم كلامك ؟ من عندي اقولكم , مافي ولانص شارت

[بومتعب]

الي مايوقف خسارته فهالاوضاع , متى بيسويها؟ والي يدخل فوضع مافيه حتى نسم تفاؤلي , على اي اساس الدخول؟
هالفتره خطورة الخساره على الاقل بتكون 10% وهذا اذا كنت محظوظ , وفي اغلب الاحوال بتوصل 30% وانت طالع.

فكر عشر مرات قبل لاتدخل وعشرين مره قبل لاتستمر بالاحتفاظ باسهمك

خذها قاعدة اخوي ..... التحليل لا .... لا .... لا ... لا ينفع مع سوق قطر ..... ادخل في قمة الاحباط والتشاؤم ..... واطلع في قمة التفاؤل ......

[why me]

الدعوه فيها دراهم ورؤوس اموال بتتبخر فهالحالات , بتدخل؟ الله يوفقك بس ادخل على اساس معين , واذا لقيته شاركني يمكن اقتنع وادخل انا بعد.
مالقيت اي شي يدعوك للتفاؤل غير الاحاسيس؟ خل دراهمك فجيبك وانتظر , منت خسران شي لو انتظرت لين يرتد فوق الترند المكسور ويستمر فوقه يومين بعد!
على الاقل دراهمك فجيبك , لكن لو دخلت الان وغامرت ونزل السوق؟ دراهمك بح

[why me]

خذها قاعدة اخوي ..... التحليل لا .... لا .... لا ... لا ينفع مع سوق قطر ..... ادخل في قمة الاحباط والتشاؤم ..... واطلع في قمة التفاؤل ......

التحليل له دور ودور كبير بعد , وعلى الاقل , على الاقل ! هو شي ممكن تعتمد عليه ولو بشكل بسيط , لكن الاحاسيس والقواعد العامه؟ وفشغله مهمه مثل اسواق المال؟
ماشوفه شي صحيح ابداً.

الله يرزقك ويعطيك على قد نيتك

[why me]

دراهمك فجيبك ؟ انت مرتاح فالحالتين , ارتفع السوق ودخل فالامان؟ ممتاز , طب وتنق , ماارتفع وسقط سقوط مريع؟ ارجع واقولك دراهمك فجيبك وتدخل من تحت!

[بومتعب]

الدعوه فيها دراهم ورؤوس اموال بتتبخر فهالحالات , بتدخل؟ الله يوفقك بس ادخل على اساس معين , واذا لقيته شاركني يمكن اقتنع وادخل انا بعد.
مالقيت اي شي يدعوك للتفاؤل غير الاحاسيس؟ خل دراهمك فجيبك وانتظر , منت خسران شي لو انتظرت لين يرتد فوق الترند المكسور ويستمر فوقه يومين بعد!
على الاقل دراهمك فجيبك , لكن لو دخلت الان وغامرت ونزل السوق؟ دراهمك بح


ممكن تكون وجهة نظرك صحيحة اذا احنا في قمة ..... ولكن احنا في قيعان او قريب منها ...... يعني اللي ماباع من اسبوعين .... تبيه يبيع الحين ؟؟؟ هذا اكبر خطأ يقوم به الشخص .....

[why me]

قاعد اكتب هالكلام والسوق كان مرتفع فوق العشر نقاط , وبنشوف كلنا لوين بيوصل , والله لايخسر مسلم

[why me]

ممكن تكون وجهة نظرك صحيحة اذا احنا في قمة ..... ولكن احنا في قيعان او قريب منها ...... يعني اللي ماباع من اسبوعين .... تبيه يبيع الحين ؟؟؟ هذا اكبر خطأ يقوم به الشخص .....

لايخوك السوق موب عند قاع , ابد , القاع عند الثمان الاف وشوي ياطويل العمر!

ماقولكم ان السوق بينزل الاف النقاط لكن هذا المرجّح بناءاً على المعطيات الي نشوفها قدامنا! واذا ماصار ؟ وين المشكله؟ ممتاز الحمدلله الي فالسوق ماخسر , ونرجع ندخل ووضعنا فالسليم

[مضارب مستثمر]

كل الي يدعون للتفاؤل والدخول وتوقعاتهم بالارتداد, ممكن شارت واحد يدعم كلامك ؟ من عندي اقولكم , مافي ولانص شارت

,,,,,,,,,:victory:,,,,,,,,,,,

كلام سليم 100%

خلاص قررت الصمت افضل :secret:ولا تسوى
خسارة اي شخص,,,,وربي يوفق الجميع

ويبقى التفاؤل من شيمة كل مؤمن ,,,والله كريم

[.:: القيصر ::.]

السلام عليكم


صباح الخير

[Ahmed86]

الدعوه فيها دراهم ورؤوس اموال بتتبخر فهالحالات , بتدخل؟ الله يوفقك بس ادخل على اساس معين , واذا لقيته شاركني يمكن اقتنع وادخل انا بعد.
مالقيت اي شي يدعوك للتفاؤل غير الاحاسيس؟ خل دراهمك فجيبك وانتظر , منت خسران شي لو انتظرت لين يرتد فوق الترند المكسور ويستمر فوقه يومين بعد!
على الاقل دراهمك فجيبك , لكن لو دخلت الان وغامرت ونزل السوق؟ دراهمك بح

صح لسااااااااااانك ، ويروح عليك الربح احسن ما تطلع خسران و متعلق ، الدخول يكون فالظروف المريحه على الاقل تكون نسبة الايجابية و السلبية 50/50 ، اما الحين الكل يدري ان الوضع سلبي

لكن الصراحه الوضع ما يمنع المضاربه السريعه ، بحيث تبيع بنفس اليوم حتى لو خسران

[why me]

,,,,,,,,,:victory:,,,,,,,,,,,

كلام سليم 100%

خلاص قررت الصمت افضل :secret:ولا تسوى
خسارة اي شخص,,,,وربي يوفق الجميع

ويبقى التفاؤل من شيمة كل مؤمن ,,,والله كريم


صح لسااااااااااانك ، ويروح عليك الربح احسن ما تطلع خسران و متعلق ، الدخول يكون فالظروف المريحه على الاقل تكون نسبة الايجابية و السلبية 50/50 ، اما الحين الكل يدري ان الوضع سلبي

لكن الصراحه الوضع ما يمنع المضاربه السريعه ، بحيث تبيع بنفس اليوم حتى لو خسران



:victory: :victory:

[why me]

السلام عليكم


صباح الخير

وعليكم السلام والرحمه صباح النور

[جاسم3456]

السلام عليكم
صباح الخير


السوق شغال ولا معلق :omen2:

[بومتعب]

سجل ..... واحد نفر متفأل ..... والاخضر قادم غصب طيب

[بوراشد101]

الأخضر قادم باذن الله

[بوراشد101]

الحذر مطلوب والتفائل مشروع

[لـبـيـه]

يعني عندك صلاحيه تفتتح وما عندك تسكرها ,,,,,

عقبال تجيك الترقيه قريب ,,,,,تستاهل والله,,:nice:,,,
يستاهل بومتعب

[بومتعب]

يستاهل بومتعب

فيك الخير والبركة لبيه

[قطــ86ــر]

مافيش فلوس يا حبيبي مافيش فلوس
:rolleyes2::rolleyes2::rolleyes2:

[Ahmed86]

هههههه و الله يابومتعب من بداية طيحة السوق و انت متفائل ، أرب مالك فلوس فالسوق بس عز الله انها طارت !

[Bin Turky]

السلام عليكم ورحمه الله وبركاته

صبحكم الله بالخير

[لـبـيـه]

السيوله معدومه

[.:: القيصر ::.]

السيوله معدومه

مدعومة مب بس معدومة

[Ahmed86]

شكله اليوم للأفراد فقط ، يطقطقون مع بعض شوي

[.:: القيصر ::.]

في شي

:)

[alshammari]

سلام عليكم

الوضع ترقب اليوم اجتماع الفدرالي الامريكي
ايضاً بعد الهبوط الكبير وكسر الترند الصاعد لازالت الامور غير واضحة

تداول بدون سيولة يدل ان هناك حيره .. يرفعونه شوي ويصرفون ولا يكملون هبوط ويلمون من تحت


كونوا حذرين فقط

[.:: القيصر ::.]

سلام عليكم

الوضع ترقب اليوم اجتماع الفدرالي الامريكي
ايضاً بعد الهبوط الكبير وكسر الترند الصاعد لازالت الامور غير واضحة

تداول بدون سيولة يدل ان هناك حيره .. يرفعونه شوي ويصرفون ولا يكملون هبوط ويلمون من تحت


كونوا حذرين فقط

عليكم السلام معاك في الراي

و ارجح الرفع للتصريف اكثر من اللم من تحت

[مضارب دوسري]

السلام عليكم


سيوله ضعييفه وقاعد مشير على دعم اليوم المهم 10235

[مضارب متعور]

جعل مافي سيولة ولا ان نشوف سيولة الايام الماضية بذاك الشكل

[zego]

السلام عليكم

ممكن حد يفسر لي اللي قاعد يصير فالاسلامية للتأمين؟؟؟
السهم وصل لأسعار 2011 :eek5:
ولحد الحين فيه بيع قوي

[roma27]

السلام عليكم متى الدخول للي خارج السوق وهل الخروج الان للي داخل السوق من يقدر يجاوب على السؤال

[roma27]

السلام عليكم

ممكن حد يفسر لي اللي قاعد يصير فالاسلامية للتأمين؟؟؟
السهم وصل لأسعار 2011 :eek5:
سهم ميت التداول فيه شبه معدوم حتى صعب تبيعه لو محتاج سيوله عن تجربه اجاوب

[zego]

سهم ميت التداول فيه شبه معدوم حتى صعب تبيعه لو محتاج سيوله عن تجربه اجاوب

صحيح بس حجم التداول فالفترة الأخيرة أعلى من العادة
بس في جهة البيع أكثر للأسف

[zego]

أنا دخلت السهم بهدف الاستثمار لكن الهبوط شكله وراه خبر قنبلة :rolleyes2:

[roma27]

أنا دخلت السهم بهدف الاستثمار لكن الهبوط شكله وراه خبر قنبلة :rolleyes2:
الله يوفقك

[zego]

الله يوفقك

امين وياك ياخوي

[لـبـيـه]

اذا البنك الاول ماتحرك باجر اول الصبح بشوته

[مضارب دوسري]

اذا البنك الاول ماتحرك باجر اول الصبح بشوته

بكم شاريه ؟

[Ahmed86]

اذا البنك الاول ماتحرك باجر اول الصبح بشوته

يا رجال شوته من الحين ، سهم مريض ، كل المطلعين اللي فيه باعوه ولاحد شرا فيه

[لـبـيـه]

بكم شاريه ؟
10.90

[لـبـيـه]

يا رجال شوته من الحين ، سهم مريض ، كل المطلعين اللي فيه باعوه ولاحد شرا فيه

مشكلته عند مفترق يا فوق يا يكمل تحت وانا متفائل ان يطلع بس شكله بيخورها

[مضارب دوسري]

10.90

مع اني اشوف اي سهم يكسر قاااع يفضل ان الواحد ما يدشه لين يحدد قاع جديد
وضع الاول مادام صانعه تركه ينزل عن 11 الرقم اللي ارتد منه مرتين سابقا

معناه مب ناوي على السهم بخير


انا اشوف المفروض متابعه للسهم لحين اعطاء اشارات اما الدخول بسعر قريب القاع المكسور ما تنفع

[لـبـيـه]

مع اني اشوف اي سهم يكسر قاااع يفضل ان الواحد ما يدشه لين يحدد قاع جديد
وضع الاول مادام صانعه تركه ينزل عن 11 الرقم اللي ارتد منه مرتين سابقا

معناه مب ناوي على السهم بخير


انا اشوف المفروض متابعه للسهم لحين اعطاء اشارات اما الدخول بسعر قريب القاع المكسور ما تنفع

ببيع ب 10.85

[مضارب دوسري]

الوطني

بما انه قائد السوق

عنده مقاومه 154

ودعم 151.80

كسر الثاني مشكله اختراق الاول والاغلاق فوقه يعطي انطباع عن موجه مضاربيه محتمله

[لـبـيـه]

تم البيع

[roma27]

الله يعوضك خير

[مضارب دوسري]

الله يوفقك اخوي لبيه

[Ahmed86]

ماذا يحدث في فودافون !! طلبات قوية

شكلها سحبة رجل اخرى من اللي تعودنا عليها اخر ايام

[zego]

الاسلامية للتأمين حست على دمها شوي :nice:

[.:: القيصر ::.]

ماذا يحدث في فودافون !! طلبات قوية

شكلها سحبة رجل اخرى من اللي تعودنا عليها اخر ايام

سحبة رجل بسعر 10 ريال

ولا سحبات خشنة باسعار فوق الــ 50 ريال


سحبة عن سحبة تفرق ولا شرايك

[Ahmed86]

الطلعه صارت بسيولة ضعيفه ، فالله اعلم انها ارتفاع مضاربي ، لذلك ما نبي رجولنا تنسحب لا بـ 10 ولا بـ 50

انا عن نفسي شاري فيه يوم كان 10.65 ، بانتظار افضل فرصه للبيع


الاغلاق اخضر اليوم بحول الله من الطلبات الجميله

[.:: القيصر ::.]

الطلعه صارت بسيولة ضعيفه ، فالله اعلم انها ارتفاع مضاربي ، لذلك ما نبي رجولنا تنسحب لا بـ 10 ولا بـ 50

انا عن نفسي شاري فيه يوم كان 10.65 ، بانتظار افضل فرصه للبيع

تعجبني

لكن دام السهم مثل ما يقولون خلاص منتهي خله شوووووي وانتظر

[roma27]

ارتفاع تجميلي ام حقيقي ؟؟؟؟؟

[Bin Turky]

الطلعه صارت بسيولة ضعيفه ، فالله اعلم انها ارتفاع مضاربي ، لذلك ما نبي رجولنا تنسحب لا بـ 10 ولا بـ 50

انا عن نفسي شاري فيه يوم كان 10.65 ، بانتظار افضل فرصه للبيع


الاغلاق اخضر اليوم بحول الله من الطلبات الجميله

انا توني دخلت فيه على 10.55 قلت اجرب متفائل على تداوله بكره .. لله الموفق