لغز توقف مشروع تطوير حديقة الحيوان !!!!!!!!!!!!!!! [الأرشيف]

المساعد الشخصي الرقمي

مشاهدة النسخة كاملة : لغز توقف مشروع تطوير حديقة الحيوان !!!!!!!!!!!!!!!

بالول

25-09-2016, 07:06 AM

حمد بن سعد

25-09-2016, 07:23 AM

يبنون فيه ملعب وبيخلص بسرعه

مرتبش

25-09-2016, 07:32 AM

118 مليون.. مستحيل.. لازم يكون بالمليار والا فلا

بن مسلم

25-09-2016, 07:35 AM

يمكن هالمبلغ يقصدون فيه الهدم مب البنيان

غريب الدّار

25-09-2016, 07:36 AM

؟ 118 مليون ؟؟ وتوقف فجأة ؟ ومحد عارف السبب؟

انا ممكن افهم اذا توقف فجأة وكانت قيمته مثلا 18 ريال

لكن 118 مليون والأسباب مجهولة ؟ :)

BoFahed

25-09-2016, 07:41 AM

http://www.raya.com/File/GetImageCustom/2fb8d386-fa26-4dd0-968b-058295f1741f/316/235

كشفت جولة لـ الراية عن استمرار توقف مشروع تطوير حديقة حيوان الدوحة بعد مرور أكثر من 4 سنوات على بدء تنفيذ المشروع المقرر إنجازه نهاية العام المقبل وهو ماكشفته الراية أيضاً في جولات سابقة بالمشروع.

وتبين أن الشركة المنفذة أوقفت تنفيذ المشروع بالكامل مؤقتاً لأسباب مجهولة ودون إعلان الهيئة أو وزارة البلدية أو حتى المقاول والاستشاري عن الأسباب والبدائل المتاحة لاستكمال المشروع الذي تبلغ تكلفته الإجمالية 118 مليوناً و253 ألف ريال. أشغال رفضت التعليق على توقف المشروع واكتفى مسؤولوها بالإجابة بأنها فقط الجهة المنفذة للمشروع لصالح وزارة البلدية التي التزمت هي الأخرى بالصمت.

اثنين عمرهم ما يترقعون عندنا (بيض الصعو ) ونسال الله عز وجل انه يسخر من يطورهم ويقضي على التخبط و الفساد فيهم ويساعد سعادة الشيخ عبدالله بن ناصر :

1- وزارة الصحة

2-اشغال

هرمنا واحنا نشوف مليارات البلد رايحه مقابل مشاريع ومستوى خدمات لا تقارن بدول ثانية اقل منا تطورا اداريا وفنيا وماليا ونزاهة بالقضاء

خلاص يحولونهم الى بيوت خبرة عالمية علشان نرتاح من الكوسى اللي نعايشها

اخونا العود (معماري قطري ) ابخص في هذا المجال

دايموند

25-09-2016, 09:18 AM

لو خلو الحديقة بحالها وماتعبثوا فيها وصكروها مب ابرك؟!!!

يمامـة

25-09-2016, 10:41 AM

الله على ذيك الأيام اللي كنا نودي عيالنا ونصورهم مع الحيوانات ونركبهم القطار ونقول لهم باي باي
ونوديهم صوب البطابط يغبرون علينا.. ولا نركبهم تيوبات في النهر بو نص متر..

أيام لا تنسى..
حتى الفيلة اللي في النص ما دريت شنهي سالفتهم ومن اللي ساكن فيها.. بس كانت عالم خيال
نتخيل الأسد فيها او حارس الحديقة العملاق.. او الاقزام السبعة منخشين داخلها.. او سكوبي دوبي دو والاشباح
والزومبيز.................> كل هذا راح بح ما في الحين :"(

Dana’1

25-09-2016, 10:45 AM

عادي اساسا بيكون لغز لو كمل المشروع وسلموه بالوقت

البرونزي

25-09-2016, 10:55 AM

للاسف بيكبر جيل وهو ما استمتع بحديقة الحيوان ولا راح تكون من ذكرياته الطفولية

أسد الجزيرة

25-09-2016, 11:16 AM

أمس يسألني ولدي يبه ليش صكروا حديقة الحيوان

شبح الصمت

25-09-2016, 11:18 AM

قووويه ينذكر فالجريدة ايقافه لاسباب مجهولة والقائم عليه وزارة

مفروض تنذكر الاسباب وتكون في شفافيه في الطرح ..

شبح الصمت

25-09-2016, 11:22 AM

مفروض الحديقة يكوون مكانها بعيد في منطقه مفتوحه مش بين احياء سكنية ..

على خط بوسمره في اراضي ومساحات مفتوحة ..

ولازم يكون فيها التشجير بكثرة

Abdulraman

25-09-2016, 11:45 AM

يمكن مافي فلوس ( تغشف) يوفرون الفلوس حق مدرب المنتخب الجديد فرساتشي :)

ورد الدوحه

25-09-2016, 12:07 PM

الحمدلله كثيراً

كنت أخاف من برجة الماي اللي في الوسط مب امسكرة ومافيها حواجز

asulaiti

25-09-2016, 12:18 PM

يمكن حيوانات الحديقة معترضين على بنود العقد !!

أو مطالبين برفع الأجور !!!!!

سعود.

25-09-2016, 12:21 PM

يمكن حيوانات الحديقة معترضين على بنود العقد !!

أو مطالبين برفع الأجور !!!!!

هههههههههههههههههههههه

الماريّة

25-09-2016, 12:42 PM

الله يعين السكان الي متحاولينها اذبحتهم ريحه الحيوانات
والحين بعد وقفوها

qatari911

25-09-2016, 12:45 PM

الظاهر تقاسمو الكيكه بسرعه ووقف المشروع:rolleyes2:

دايموند

25-09-2016, 02:27 PM

الظاهر تقاسمو الكيكه بسرعه ووقف المشروع:rolleyes2:

:victory:

معماري قطري

25-09-2016, 03:41 PM

اثنين عمرهم ما يترقعون عندنا (بيض الصعو ) ونسال الله عز وجل انه يسخر من يطورهم ويقضي على التخبط و الفساد فيهم ويساعد سعادة الشيخ عبدالله بن ناصر :

1- وزارة الصحة

2-اشغال

هرمنا واحنا نشوف مليارات البلد رايحه مقابل مشاريع ومستوى خدمات لا تقارن بدول ثانية اقل منا تطورا اداريا وفنيا وماليا ونزاهة بالقضاء

خلاص يحولونهم الى بيوت خبرة عالمية علشان نرتاح من الكوسى اللي نعايشها

اخونا العود (معماري قطري ) ابخص في هذا المجال

هلا فيك اخوي بو فهد

وضعنا فريد وصدقني لو تدري كم جهة تشتغل في البلاد بتستغرب .. عددت بعضهم قبل .. والشغل كتخطيط وتنفيذ .. التخطيط صحيح جهة معروفة لكن فيه جهات ثانية فوق التخطيط وبعضها تخطط مثل المكتب الخاص ووزارة البلدية

التنفيذ للمنطقة هذي تابع حق اسباير حسب ما سمعت وبتكون الحديقة امتداد لاسباير وهذي فكرة جيدة .. داخل الحديقة ما ادري شحجم الشغل والتجديد لكن الجهة الشمالية يشتغلون فجأة كانوا ويوقفون فترة طويلة .. أوقات يشتغلون بعد 12 الليل وكان هذا في عز البرد في الشتاء

لي صديق يشتغل معاهم باحاول اسئله شالقصة لأن الوقت يمر بسرعة

أي مشروع مهما كان بسيط يجزؤنه لمراحل لازم بيطول ولكل مرحلة عقد واستشارات وقصة طويلة .. ممكن المقاول يخلص مرحلته والاستشاري ما خلص وثائق المرحلة الجاية ويمكن الوثائق خالصة والادارة الهندسية ما اختارت المقاول المناسب

معماري قطري

25-09-2016, 03:48 PM

مفروض الحديقة يكوون مكانها بعيد في منطقه مفتوحه مش بين احياء سكنية ..

على خط بوسمره في اراضي ومساحات مفتوحة ..

ولازم يكون فيها التشجير بكثرة

قبل واحنا صغار كنا نسمع صوت الأسد وألحين بيتي أقرب من بيت ابوي قبل ما نسمع له حس .. وشردت سيبالة من الكبار غوريلا ودخلت بيت امام مسجد الفريج

بس الحديقة صج لازم تخلص لأنها جزء من العمران الموجود وجزء سياحي مهم ولازم تتطور بطريقة تخدم المنطقة كمنطقة ترفيهية ورياضية حديثة

معماري قطري

25-09-2016, 03:51 PM

من رأيي لازم تنزرع وتكون مفتوحة من الأطراف وداخل بشبك حديث ما تكون مثل البيوت بطوفة عالية يخلون المار يستمتع بشوية الخضار اللي داخلها مثل الفروسية

كود نمبر

25-09-2016, 06:25 PM

اعتقد ان المقاول ضميره صحى 118 مليون ماتسوي شي العالم شغاله بالمليارات

والله ابرك انهم وقفو الشغل فيها المفروض موقعها يوزعونه أراضي سكنيه ولا مشروع مجمع تجاري يخفون شوي على طريق الشمال

والحديقه المفروض يسونها برى المدينه على طريق سلوى او طريق دخان يسون حديقه على شكل سفاري

Azizuk

25-09-2016, 06:56 PM

98323

لا تعليق ميزانية المشروع مرصودة من سنة 1983 ومنشور في جريدة الراية

http://www.raya.com/news/pages/0faccccc-e11b-4915-b62c-bd4fde4aa2af

.قطر.

25-09-2016, 07:11 PM

لو تامين ع الحديقه القديمه احسن دامهم مايحبون يشتغلون :omen2:

بنت شرق

25-09-2016, 07:32 PM

اعتقد السبب في التأخير إنه المسؤول يرى أن لا اهمية له ، فايش يعني تكديس حيوانات بمكان واحد

الشفق الحالم

25-09-2016, 08:06 PM

خساره كنت احب الكفتيريا هناك يبيعون جبس لييييين مع كتشاب لذيذ والعصير الملون من المكينه اللي معاه ثلج

بوخالد911

25-09-2016, 08:29 PM

الوضع لا يسر لا صديق ولا عدوووووووووووووو.

مستثمر رشيد

25-09-2016, 08:38 PM

انا استغرب..... احنا ليش ماعندنا شي عدل ..... مشاريعنا أغلى المشاريع ودايما تأخير.... والجودة مش حالك ..... ليش المشاريع بالدول المجاورة أرخص وأفضل.....

وين تكمن المشكلة ؟؟؟

هارون الرشيد

25-09-2016, 09:29 PM

الشي المضحك في الموضوع أنهم اليوم خلصو من ( كامل أعمال حفر مترو الدوحة ) 111 كيلو أنفاق تحت الارض من 2014
يعني تقريبن سنتين . ومشروع حديقة الحيوان منطرح بعد اليوم في الجريدة 4 سنوات من التأخير والغموض

يعني بختصار أنجاز في جانب وأخفاق وفساد من جانب .

Alm@n$ei

26-09-2016, 06:36 AM

اعتقد في اولويات في انجاز المشاريع مع التقشف

R 7 A L

26-09-2016, 07:16 AM

الحيوانات وينها ؟

معماري قطري

26-09-2016, 07:57 AM

98323

لا تعليق ميزانية المشروع مرصودة من سنة 1983 ومنشور في جريدة الراية

http://www.raya.com/news/pages/0faccccc-e11b-4915-b62c-bd4fde4aa2af

ذكريات أيام 25 مليون تسوي غابات .. بس مستغرب حتى قبل يصرحون بمشاريع شبه مستحيلة

معماري قطري

26-09-2016, 07:58 AM

اعتقد في اولويات في انجاز المشاريع مع التقشف

هذا اللي سمعته من أحد المطلعين تم ايقاف المشروع

غايه الطواش

26-09-2016, 08:49 AM

الحيوانات وينها ؟

محنطه لين تخلص الحديقه

حمد بن سعد

26-09-2016, 09:25 AM

الحيوانات وينها ؟

انقلوهم في مزرعة في روضة الفرس

MAZEN37

26-09-2016, 09:31 AM

في قسم نقلوهم حديقه الخور

الاعرابي

26-09-2016, 09:52 AM

من جرف لدحديرة