المواضيع المثبية

[سعود.]

الموضوع المثبت الاول : وهو حق ( مدير كبير ) اخونا

( بوعبدالله ) جدأ مهم لكل شخص مقبل على البناء وانا لو كنت قاريها كنت تجنبت بعض الاخطاء الي صارت لي .

الموضوع المثبت الثاني : المصاعد اعتقد يكون موضوع بروحة افضل بدون تثبيت يعنى اي واحد ياخذ له فره في القسم راح يلقاه .

الموضوع المثبت الثالث والرابع : يتكلمون عن مشكلة واحدة سلبيات وايجابيات ومهمة وحلو تثبيتها بس واحد فقط . بس الموضوع شبة متوفى صار له سنة بدون تفاعل .

الموضوع المثبت الخامس : تعليمات من صاحب المنتدى .

في رائي المتواضع
ليش مايكون موضوع عن البناء العظم فقط . ينكتب فيه السلبيات والايجابيات مرفقة بصور مثلا من الحفر وووووو الي نهاية البناء .ويثبت

موضوع عن التشطيبات عامة .ويثبت

يعني لو يدخل احد هذا القسم ويشوف المواضيع المثبتة يطلع عن العقود وكيف طريقتها ويعرف الصح من الغلط . بعدها يشوف موضوع البناء ياخذ فكرة عن البناء .

بعدها الى التشطيبات
بعدها الاخطاء الي صارت للي قبلة . يعني يأخذة دورة مجانية في عالم البناء

والرائ الاخير لكم وللمشرف في هذا القسم

[سعود.]

المواضيع المثبتة ****

احد يغلط في العنوان . هذا من سلبيات البناء يخليك تضيع

هههههههه

[شموخ دائم]

,

,



مرحبا


الله يعطيك العافيه

تسلم على الملاحظات

العنوان هذا يعتبر القبه في السقف
:)

بيعدلونه ان شاء الله

,

,

[سعود.]

الله يعافيك اخوي ( شموخ دائم )

خوش قبة .

[بن غيث]

ملاحظتك في محلها ..
اعمال الحفر والردم
اعمال الاساسات
اعمال الكهرباء والتمديدات الصحية
اعمال التشطيبات

[معماري قطري]

لو فيه طريقة لتبويب المواضيع بتكون أسهل

أو نقول التثبيت يكون ست شهور وتدخل مواضيع ثانية تتثبت يكون فيه تجديد

انا اعتبر أي موضوع كتاب اضيف عليه واجدد على طول .. وفيه مواضيع مثل العقود صعبة تحدث عليها على طول لذلك طلبت من الإدارة تثبيته وثبتوه مشكورين .. هذا الموضوع ثالث مرة أكتبه وهو مهم للكل

لو فيه موضوع خاص للشركات والاستشاريين ونقد صريح من الكل حسب ما يحصل مع المتعامل مع الشركة بيكون جيد بس فيه قوانين تمنع هذا الاتجاه ونتمنى تتغير .. حتى تطلعات الدولة للتشهير بمن يخالف ويتجاوز تنفذ حالياً وهذي الشركات تمثل قطاع كبير في أعمال الدولة والمواطن .. قصدي كل شركات مواد البناء من توريد الى صنع طابوق وانتر لوك وغيره .. وكل مكاتب التصميم والاشراف وكل المقاولين .. اللي له تجربة جيدة بيذكرها وبيذكر تفاصيلها ومؤكد بتربح الشركة سمعة طيبة ودعاية لهم بسبب عملهم .. واللي قصروا بعد ينذكرون حتى يعرفون حجمهم وحدودهم ويعرفون إن لازم يراعون الشغل بمهنية ويحافظون على سمعتهم وعلى عملاؤهم .. ما اعتقد حد بيذكر شيء من عنده وبيألف ولو ألف فجزاه عند الله

لسهولة الوصول لقرار مع من يوقع المالك ومن المناسب لشغله مع وجود الأسماء والأرقام للتواصل .. منها تسهيل على الشركات وعلى من يبحث عن رقم أو عنوان

[سعود.]

ملاحظتك في محلها ..
اعمال الحفر والردم
اعمال الاساسات
اعمال الكهرباء والتمديدات الصحية
اعمال التشطيبات

مرحبا اخوي بن غيث

نفس كلامك بضبط شفتة في منتدى كويتي . منتدى مفصل جزء جزء من البناء .

اذكر فيه قسم ( الاسود ) يقصدون فيه الخرسانة قسم التكيف وووووالخ كل شي بروحه مفصل 100%

واعجبني بس عيبة قلة المشاركات .

[سعود.]

[b]لو فيه طريقة لتبويب المواضيع بتكون أسهل

أو نقول التثبيت يكون ست شهور وتدخل مواضيع ثانية تتثبت يكون فيه تجديد

انا اعتبر أي موضوع كتاب اضيف عليه واجدد على طول .. وفيه مواضيع مثل العقود صعبة تحدث عليها على طول لذلك طلبت من الإدارة تثبيته وثبتوه مشكورين .. هذا الموضوع ثالث مرة أكتبه وهو مهم للكل

لو فيه موضوع خاص للشركات والاستشاريين ونقد صريح من الكل حسب ما يحصل مع المتعامل مع الشركة بيكون جيد بس فيه قوانين تمنع هذا الاتجاه ونتمنى تتغير .. حتى تطلعات الدولة للتشهير بمن يخالف ويتجاوز تنفذ حالياً وهذي الشركات تمثل قطاع كبير في أعمال الدولة والمواطن .. قصدي كل شركات مواد البناء من توريد الى صنع طابوق وانتر لوك وغيره .. وكل مكاتب التصميم والاشراف وكل المقاولين .. اللي له تجربة جيدة بيذكرها وبيذكر تفاصيلها ومؤكد بتربح الشركة سمعة طيبة ودعاية لهم بسبب عملهم .. واللي قصروا بعد ينذكرون حتى يعرفون حجمهم وحدودهم ويعرفون إن لازم يراعون الشغل بمهنية ويحافظون على سمعتهم وعلى عملاؤهم .. ما اعتقد حد بيذكر شيء من عنده وبيألف ولو ألف فجزاه عند الله

لسهولة الوصول لقرار مع من يوقع المالك ومن المناسب لشغله مع وجود الأسماء والأرقام للتواصل .. منها تسهيل على الشركات وعلى من يبحث عن رقم أو عنوان

هلا اخوى ( بو عبدالله )

والله ياريت يصير كذا . يعني قسم حق الشركات والاستشاريين .

تنذكر الامور الجيدة لشركة الي تعامل معها والعكس صحيح .

[سعود.]

من 4 شهور تقريبآ

ولاتعدل الخطء الاملائي بالعنوان !!
ولا رد من المشرف على هذا القسم بالمطالب !!!!
انا اطالب الاعضاء نعطى بالتزكيه ( معماري )
بوعبدالله ( مدير كبير )
انه يكون المشرف على هذا القسم .
:thumbup::thumbup:

[معماري قطري]

من 4 شهور تقريبآ

ولاتعدل الخطء الاملائي بالعنوان !!
ولا رد من المشرف على هذا القسم بالمطالب !!!!
انا اطالب الاعضاء نعطى بالتزكيه ( معماري )
بوعبدالله ( مدير كبير )
انه يكون المشرف على هذا القسم .
:thumbup::thumbup:

لو حطيتوني مشرف باخرب القسم .. القسم صراحة يحتاج مشرفين وإخونا شامبري له فترة مبتعد وأي واحد ثاني بعد بتجيه ظروف يمكن 3 مشرفين أفضل بس ما نعرف واجبات الاشراف ويمكن ما نكون متابعين صح

[سعود.]

انت تخرب القسم !!!
انت القسم بكبره . واكثر واحد متابع وفاهم . الله يعطيك الصحة والعافية وطولت العمر .

احنا مجرد عابرين فترة يمكن ماتشوفنا بالمنتدى .
ويشرفنا معرفتك ومعرفة باقي الاخوان بهذا القسم .

[معماري قطري]

الله يسلمك إخوي سعود ويرحم والديك

الحمد لله من 2012 وانا مواصل بمساهماتي البسيطة والله يقدرني على المزيد .. إنت من القليلين اللي يناقشون نقاش موضوعي ويبحثون بحث مستفيض ويقتنعون أو يقنعون .. هي في النهاية دراسة وبحث وإثباتات واختلافات بعضها أكيد أصح من بعضها الآخر

هذي المواضيع كلها تخلينا نتابع البحث وتترسخ الفكرة في رؤوس المتابعين والباحثين كذلك أكثر وأكثر .. واستوت لي علاقات كثيرة ومتابعات مع الكثيرين وبعضهم يمكن قصرت معاهم لا إرادياً فأطلب منهم السماح .. وبعضهم الله يهداهم يضيعهم تعدد الخيارات وكثرة الدجل الموجود عند بعض الموجودين واللي يقول لك قناعته بدون تبرير بس هذا الشيء أفضل وحتى مستعد يحلف .. لذلك التجرد مطلوب والبحث عن النصيحة الأفضل

[سعود.]

الله يجزاك كل خير

[Abu-hmood]

كلام اخوي ابو سعود عين العقل القسم يحتاج الى شوي ترتيب حتى يسهل على الاعضاء البحث عن المطلوب اما بخصوص اخونا معماري فهو يستاهل الاشراف

والرجل المناسب في المكان المناسب وطبعاً يد وحده ماتصفق لأن هذا القسم متشعب بصراحة ويحتاج من يساعدة

[معماري قطري]

تسلمون اخوي بو حمود واخوي سعود

من فترة حول سنة وصلتني رسالة من الإدارة بس كنت متخوف إني انشغل في شغلة قوية وكان محتمل خارج قطر .. لكن لسبب مني اعتقد ما حصلت هذي الشغلة وانا عن مسألة الإشراف مشكلتي ما اعرف وشي واجباتي واخاف اظلم الغير .. ومثل ما ذكرت نحتاج نظام تبويب للمواضيع وهذا ما اعرف له ويبي له مشرف فاهم في المواقع الالكترونية وطريقة تصميمها