مقاول يكمل الشغل

[فاضل العنزي]

السلام عليكم ورحمة الله وبركاته

ماعليكم امر ابي مقاول يكمل الشغل .. البيت واقف عظم تقريبا وابي يكمل بلاستر خارجي مع دفان ويجهز البيت للعازل وشغلات بسيطه


واذا شغله زين ابي اكمل معاه تشطيب ان شاء الله

اللي عنده مقاول جربه وعارف شغله يرسل لي الرقم خاص


وجزاكم الله خير

[معماري قطري]

شوف شركة مافا في شار ال شافي حاول تتصل بهم قبل ما اعرف وين بالضبط

جربتهم في شغلة بسيطة وكانوا كثير جيدين

والا شوف مقاول عنده كل العمال أفضل لك كهربة وكل شيء قصدي حتى يكمل كل شيء

[شموخ دائم]

,

,


مرحبا


الله يوفقك يارب

موضوع التكمله كثير المقاول الجيد جدا ما يفضل يكمل شغل مقاول ثاني لانه يعتبره
شغل تشطيب وليس مقاولات والمربحه فيه قليله مقابل الجهد المبذول
وخاصه اذا المكان بعيد عن مشاريعه

الاسهل لك
تشوف حول بيتك شنو في مقاولين شغالين حولك
في منطقتك اختار 2 منهم وشوف المهندس عندهم
يعاين بيتك ويعطيك ( عرض سعر )
بس انتبه تكون شركات جيده

ترى هذا اسهل له يشتغل عندك لان السيارات والعمال اصلا قريب منك
فياخذه ( افضليه الموقع ) بالنسبه له
مابيكون كثير مصاريف او وقت مهدور بنقل العمال من منطقه الى منطقه

كل منطقه بقطر ولها ( مقاولين ) شغالين فيها ويفضلونها
لانهم حافظين الارضيه ونقل عمالتهم سهل ومعروف عندهم

,

,

[الوطنيه]

بالتوفيق