كبح جماح التسوق .. واستطلاع بسيط

[الحياة الخالدة]

السلام عليكم ورحمة الله وبركاته

http://ishrakat.com/cms/upload/articles/3937_600X400articles.jpg

التسوق .. وما أدراك ما التسوق
يحبه البعض .. ويكرهه البعض الآخر
يعدل المزاج والحالة النفسية .. ويتعب الجيب والميزانيـــــــة

عندما تدخل السوق .. أو بالأحرى قبل ذلك : هل تذهب إلى السوق لحاجة ؟؟ أم ترتاد الاسواق والمجمعات حتى لو لم تكن بحاجة لغرض معين ؟
وعندما تذهب للتسوق : هل تقودك قدماك تلقائياً لمحلات تستمع فيها بشراء بضائع معينة تستهويك ؟
أم تجاهد نفسك بالابتعاد والتوجه للغرض الذي أتيت من أجله فقط ؟

وختاماً : كيف يكون شعورك في نهاية رحلة التسوق ؟؟

حياكم الله جميعاً

[بانغ بانغ]

صبحبح

انا عن نفسي اكره التسوق ولكن لو اجبرت وتم تهديدي اجتماعيا ... فبخضع لفترة معينة وبروح معهم

اما اني ادش اخذ الغرض اللي ما حصلته برع او ما ادشه ابدا ... اقصد المجمع

اذا اوت لت مثلا يمكن الوضع اهون لان برع المدينة وفيها نوع من المتعة مب عشان الاسعار لكن عشان التنوع في البضاعة

[JN000N]

حطي خيار زياده مرات جي ومرات جي

يعني انا ماروح اتمشى فالسوق واذا عجبني شي شريت
انا اروح اذا لي حاجه بس ومايمنع ادخل كذا محل لو طاح شي قدام عيني حلو وعجبني اخذه مرات ومرات اطنش لان اعرف بينركن ف الحجره

[سالم الزهران]

هل تذهب إلى السوق لحاجة ؟؟


في مرّات ليس لي حاجه ملحّة و لكن الأولاد يستانسون في السوق و صرت اخرج مع اولادي للمكان اللي يستانسون فيه حتى لوكان سوق ( خلافاً للرغبة)

هل تقودك قدماك تلقائياً لمحلات تستمع فيها بشراء بضائع معينة تستهويك ؟
أم تجاهد نفسك بالابتعاد والتوجه للغرض الذي أتيت من أجله فقط ؟

اولاً : خلص اللي في البال و بعدين تسوّق حر ... طبعاً اغلب الأسواق عندنا فيها فرع لمكتبة العبيكان و اذا شفت السوق زحمه و ازعاج نطلع المكتبة و نتصفح لنا شوي ونسلم المشاكل.

كيف يكون شعورك في نهاية رحلة التسوق ؟؟

ففتي ففتي , لان العيال احياناً يتأخرون علي فاتضايق و انا اكون واقف في صف السيارات و نعطل انفسنا ونعطل العالم و احياناً نخرج بسرعة و تمشى الأمور

بشكل عام التسوق الآن يختلف عن السنيين اللي فاتت و لا صار فيها اشياء تجذب من حيث الجودة و القيمة .... السنة كلها سوق و كلها عروض وتخفيضات وهمية

[الحياة الخالدة]

صبحبح

انا عن نفسي اكره التسوق ولكن لو اجبرت وتم تهديدي اجتماعيا ... فبخضع لفترة معينة وبروح معهم

اما اني ادش اخذ الغرض اللي ما حصلته برع او ما ادشه ابدا ... اقصد المجمع

اذا اوت لت مثلا يمكن الوضع اهون لان برع المدينة وفيها نوع من المتعة مب عشان الاسعار لكن عشان التنوع في البضاعة

أعرف ناس صج مثلك ما يحبون السوق .. وما يروحون إلا مغصوبين أو لحاجة ماسة
الرياييل عموماً يطفرون من روحة السوق مع حريمهم ( أو بناتهم أو خواتهم ) لأن النساء بشكل عام وايد يطولون على ما يقارنون ويختارون وعقب يقررون شيبون
واعتقد في نسبة تستمتع بالذهاب لوحدهم من غير ماحد ينغص عليهم أو ينطرهم في المحل الواحد قرابة الساعة

[الحياة الخالدة]

حطي خيار زياده مرات جي ومرات جي

يعني انا ماروح اتمشى فالسوق واذا عجبني شي شريت
انا اروح اذا لي حاجه بس ومايمنع ادخل كذا محل لو طاح شي قدام عيني حلو وعجبني اخذه مرات ومرات اطنش لان اعرف بينركن ف الحجره
احترت فيكم :anger1: .. ذيك المرة حطيت خيارات قالوا خربت الاستطلاع .. هالمرة اخترت اثنين بس .. عاد انتي سددي و قاربي .. شوفي نفسج مايلة لأي كفة

في ناس يروحون يتمشون من ضيقة البارظ أو يمشون ( كرياضة ) ولو شافوا شي طاح في خاطرهم ياخذونه .. عاد يا هالخاطر يا كثر ما يطيح فيه ههههههههه
وفي اللي يروح حق شي .. ويشتري شي ثاااااااني ماله خص كلش .. ويرد حتى حاجته ما شراها

[R 7 A L]

كنت ادخل واشتري كل شي يعجبني
بس بعد جربت الحياة برا تغير المفهوم عندي
وصرت ما اشتري الا الي رحت على شأنه وباقي الوقت اقعد لي في كوفي لين اشوف اني خلاص لازم أطلع

[JN000N]

احترت فيكم :anger1: .. ذيك المرة حطيت خيارات قالوا خربت الاستطلاع .. هالمرة اخترت اثنين بس .. عاد انتي سددي و قاربي .. شوفي نفسج مايلة لأي كفة

في ناس يروحون يتمشون من ضيقة البارظ أو يمشون ( كرياضة ) ولو شافوا شي طاح في خاطرهم ياخذونه .. عاد يا هالخاطر يا كثر ما يطيح فيه ههههههههه
وفي اللي يروح حق شي .. ويشتري شي ثاااااااني ماله خص كلش .. ويرد حتى حاجته ما شراها

ذاك اليوم غييييير
هذي غييييير
عاد انا وسط يه :(

[مختلفة عقليا]

السلام عليكم

تخيلي اني اكتب ., الاغراض اللي ابيها اكتبها وحط سعر تقريبي لمشترياتي

وعلى هالاساس اروح السوق .,

اما اذا ابي اقعد في كوفي ( ونادرررررررررررر هالشي ) اروح بس للكوفي مستحيل ادش المحلات

انا بطبيعتي ما احب اسوي شوبنق اصلا ., واذا اروح اروح طيااااره اشتري واطلع يعني نفسيتي اتكون تعبانه لاني ابي اخلص

ويسلموو

[الحياة الخالدة]

هل تذهب إلى السوق لحاجة ؟؟


في مرّات ليس لي حاجه ملحّة و لكن الأولاد يستانسون في السوق و صرت اخرج مع اولادي للمكان اللي يستانسون فيه حتى لوكان سوق ( خلافاً للرغبة)

هل تقودك قدماك تلقائياً لمحلات تستمع فيها بشراء بضائع معينة تستهويك ؟
أم تجاهد نفسك بالابتعاد والتوجه للغرض الذي أتيت من أجله فقط ؟

اولاً : خلص اللي في البال و بعدين تسوّق حر ... طبعاً اغلب الأسواق عندنا فيها فرع لمكتبة العبيكان و اذا شفت السوق زحمه و ازعاج نطلع المكتبة و نتصفح لنا شوي ونسلم المشاكل.

كيف يكون شعورك في نهاية رحلة التسوق ؟؟

ففتي ففتي , لان العيال احياناً يتأخرون علي فاتضايق و انا اكون واقف في صف السيارات و نعطل انفسنا ونعطل العالم و احياناً نخرج بسرعة و تمشى الأمور

بشكل عام التسوق الآن يختلف عن السنيين اللي فاتت و لا صار فيها اشياء تجذب من حيث الجودة و القيمة .... السنة كلها سوق و كلها عروض وتخفيضات وهمية


يعني الذهاب للأسواق والمجمعات قد يكون هدفه الترفيه والترويح عن النفس بالأخص للأطفال
وهناك اللي يخلي عياله في الألعاب و يروح يشوف المحلات عشان يضرب عصفورين بحجــــر

وشي طيب أنك تقضي وقتك وتستغله في المكتبة سواء لشراء الكتب أو تصفحها .. احنا ما عندنا مكتبات لقراءة الكتب في المجمعات

[الحياة الخالدة]

كنت ادخل واشتري كل شي يعجبني
بس بعد جربت الحياة برا تغير المفهوم عندي
وصرت ما اشتري الا الي رحت على شأنه وباقي الوقت اقعد لي في كوفي لين اشوف اني خلاص لازم أطلع
شي حلو .. بس شلون قدرت تغير هالمفهوم ؟؟
هل لأنك شفت ان الاموال تهدر على كماليات لا حاجة لها .. والا لأن المجتمع نفسه هناك له أسلوب معين في التسوق وانت صرت مثلهم ؟؟
وبخصوص القعدة في الكوفي شوب .. هذا اللي يحصل الآن عند الكثيرين .. وهالشي زين شين

[حمد 2002]

عندما تدخل السوق .. أو بالأحرى قبل ذلك : هل تذهب إلى السوق لحاجة ؟؟ أم ترتاد الاسواق والمجمعات حتى لو لم تكن بحاجة لغرض معين ؟


ماهو المقصود بالسوق ؟ هل المقصود المجمعات التجاري والمولات ؟ لانه حتى السوبرماركت والجمعيه وسدره تعتبر سوق وحتى الكافتيريا تعتبر سوق ..

اذا كان المقصود بالسوق هو المولات والمجمعات التجاريه فأن اذهب إليها للأكل اكثر شيء ، واحياننا اذا الاهل يبون غرض معين اوديهم


وعندما تذهب للتسوق : هل تقودك قدماك تلقائياً لمحلات تستمع فيها بشراء بضائع معينة تستهويك ؟
أم تجاهد نفسك بالابتعاد والتوجه للغرض الذي أتيت من أجله فقط ؟


في الجمعيه صعب لانه هناك الكثير من الاشياء الواحد يجوفها وفي نفس النطاق ..

اما المولات فنعم اذهب الى الغرض الذي اتيت إليه فقط ..

وختاماً : كيف يكون شعورك في نهاية رحلة التسوق ؟؟

على حسب جو المجمع العام ، اذا كان مافيه زحمه وهدوء ارتاح لهالشيء .. اما اذا زحمه وناس وايد مارتاح وانزعج ، واحب اطلع بسرعه ..

حياكم الله جميعاً

الله يحيج ويبقيج ..

[الحياة الخالدة]

السلام عليكم

تخيلي اني اكتب ., الاغراض اللي ابيها اكتبها وحط سعر تقريبي لمشترياتي

وعلى هالاساس اروح السوق .,

اما اذا ابي اقعد في كوفي ( ونادرررررررررررر هالشي ) اروح بس للكوفي مستحيل ادش المحلات

انا بطبيعتي ما احب اسوي شوبنق اصلا ., واذا اروح اروح طيااااره اشتري واطلع يعني نفسيتي اتكون تعبانه لاني ابي اخلص

ويسلموو
هلا أختي مختلفة .. مبروك ما جاكم .. والحمد لله عالسلامة
أحييج على هذا النهج في التسوق .. اللي ما يسويه ويلتزم فيه إلا القليــــــل
أنا أحياناً أكتب الاغراض اللي أبيها بس من الجمعية أو السوبر ماركت .. وأغلب الاحيان آخذها وأزيد عليها ( يعني مافي فايدة )
أما غير جذي ماذكر إني سويتها

الله يسلمج

[بانغ بانغ]

الشي الوحيد اللي ممكن يغريني اشتري شي من المجمع ... احب البدل والملابس الكاجوال يوم اسافر

[الحياة الخالدة]

عندما تدخل السوق .. أو بالأحرى قبل ذلك : هل تذهب إلى السوق لحاجة ؟؟ أم ترتاد الاسواق والمجمعات حتى لو لم تكن بحاجة لغرض معين ؟


ماهو المقصود بالسوق ؟ هل المقصود المجمعات التجاري والمولات ؟ لانه حتى السوبرماركت والجمعيه وسدره تعتبر سوق وحتى الكافتيريا تعتبر سوق ..

اذا كان المقصود بالسوق هو المولات والمجمعات التجاريه فأن اذهب إليها للأكل اكثر شيء ، واحياننا اذا الاهل يبون غرض معين اوديهم


وعندما تذهب للتسوق : هل تقودك قدماك تلقائياً لمحلات تستمع فيها بشراء بضائع معينة تستهويك ؟
أم تجاهد نفسك بالابتعاد والتوجه للغرض الذي أتيت من أجله فقط ؟


في الجمعيه صعب لانه هناك الكثير من الاشياء الواحد يجوفها وفي نفس النطاق ..

اما المولات فنعم اذهب الى الغرض الذي اتيت إليه فقط ..

وختاماً : كيف يكون شعورك في نهاية رحلة التسوق ؟؟

على حسب جو المجمع العام ، اذا كان مافيه زحمه وهدوء ارتاح لهالشيء .. اما اذا زحمه وناس وايد مارتاح وانزعج ، واحب اطلع بسرعه ..

حياكم الله جميعاً

الله يحيج ويبقيج ..

نعم .. أي مكان توجد فيه بضائع قابلة للشراء يدخل ضمن نطاق الموضوع
يعني أكثر شي تروح المولات للأكل ؟؟!! سبحان الله .. احنا اكثر روحاتنا نتشرى أغراض

وبخصوص مقاومة الرغبة في الشراء .. بالنسبة لي تنطبق على الاثنين : الجمعيات و المولات

وأتفق معك تماماً .. لما يكون المكان حشرة وزحمة .. ما يرتاح الواحد فيه كلش

[Dana’1]

انا بعد كنت بقولك حطي خيار مره اشتري بس الي ابغاه
ومره لا اخذ الي ابغاه و ادخل واشوف اشياء ثانيه وممكن اشتريها وممكن لا على حسب


اما السوق كتسوق وكذا ما احب اتمشى فيه بلاحاجه ... لكن نروح ننمشي بالمول البزران يلعبون ونتعشى او نتغدا ونطلع

المشاعر بعد التسوق بعد تختلف
اذا لمناسبه معينه وبوقت معين لازم نجهز لها ... مو حلو وكأن الامور الي تبغينها تختفي فجأه من السوق:(
أما اذا رايحه اتسوق لاغراض احتاجها وفيها تدليع للنفس أخر متعه الحمدلله :)

[شموخ دائم]

,

,


مرحبا


شكرا على الموضوع

انا احب اخذ الي رايح له فقط لضيق الوقت
الشي الواحد الان يبي زياره لاكثر من مكان

ولكن
انا مقتنع ان في شغلات لو ( اعجبتني اخذها ) حتى لو مو موسمها او مو محتاجها الان

على سبيل المثال
لو رايح اشتري ساعه وحنا بالصيف وشفت بطريقي
( جوتي ) تكرمون وعجبني بشتريه على طول

ولو شفت قميص حلو للسفر وعجبني بشتريه حتى لو ما كنت بسافربالقريب


لان اعرف سوقتنا متعب في بعض الامور وبالشتاء ممكن الف الف اماكن كثيره
والبضاعه ما تكون من ذوقي او ما تناسبني او ما تناسب عمري

في شغلات لو اعجبتني اهجم عليها خاصه الاقلام والازره والجواتي
:)

,

,

[khaldoon]

كل ما أراه ويعجبني حتى لو لم يكن في نيتي شراؤه

[بانغ بانغ]

كل ما أراه ويعجبني حتى لو لم يكن في نيتي شراؤه

تراني احب ارماني

مافي داعي تشتر لي

بس اذا نسيت وخذت لي فعادي

[الحياة الخالدة]

الشي الوحيد اللي ممكن يغريني اشتري شي من المجمع ... احب البدل والملابس الكاجوال يوم اسافر

يعني حتى لو رايح ومب حاط ببالك تشتريهم .. لكن شفتهم وعجبوك بتاخذهم

[بانغ بانغ]

يعني حتى لو رايح ومب حاط ببالك تشتريهم .. لكن شفتهم وعجبوك بتاخذهم

افتح البوك لهم

[العلياا]

اخترت الخيار الثاني

من عقب ما مريت في كذا تجربة اذا احتجت شي انزل ادور عليه ما القاه
خلاص صرت اذا نزلت مع ربعي واهلي يتسوقون اي شي يعجبني اخذه

[معماري قطري]

انا ابي خيار ثالث اللي هو أحياناً يتذكر الواحد شيء وهو يتسوق ويشتريه

مع إني قليل التسوق

[هيليوم]

بخصوص الاستطلاع وان بعض الأعضاء ودهم بخيارات ثانية ، جربي افتحي موضوع جديد بخيارات إضافية وادمجيه مع الموضوع هذا أتوقع بيصير استطلاع جديد والناس تقدر تصوت حسب ما قالي واحد من زمان

اما التسوق فانا احب اروح أماكن معينة واكون حاط مبلغ معين واخلص اما بس جي روح اشتر لا

[الحياة الخالدة]

انا بعد كنت بقولك حطي خيار مره اشتري بس الي ابغاه
ومره لا اخذ الي ابغاه و ادخل واشوف اشياء ثانيه وممكن اشتريها وممكن لا على حسب


اما السوق كتسوق وكذا ما احب اتمشى فيه بلاحاجه ... لكن نروح ننمشي بالمول البزران يلعبون ونتعشى او نتغدا ونطلع

المشاعر بعد التسوق بعد تختلف
اذا لمناسبه معينه وبوقت معين لازم نجهز لها ... مو حلو وكأن الامور الي تبغينها تختفي فجأه من السوق:(
أما اذا رايحه اتسوق لاغراض احتاجها وفيها تدليع للنفس أخر متعه الحمدلله :)

يلا معليه بحط هالشي في اعتباري في المواضيع القادمة إن شاء الله :(

صح كلامج لما الواحد يروح يتسوق وهو مو مجبور يخلص في هالوقت يكون مرتاح اكثر من لما يكون مرتبط ولازم يخلص والا بيتوهق
وممكن يختمها بجلسة استرخاء مثل دخول صالون لو كان موجود في المجمع أو شرب قهوة مع قطعة حلو في حدا الكوفي شوبات الموجودة

[نفسي عزيزه]

تم التصويت اخترت الخيار الاول

[الحياة الخالدة]

,
,
مرحبا
شكرا على الموضوع
انا احب اخذ الي رايح له فقط لضيق الوقت
الشي الواحد الان يبي زياره لاكثر من مكان
ولكن
انا مقتنع ان في شغلات لو ( اعجبتني اخذها ) حتى لو مو موسمها او مو محتاجها الان
على سبيل المثال
لو رايح اشتري ساعه وحنا بالصيف وشفت بطريقي
( جوتي ) تكرمون وعجبني بشتريه على طول
ولو شفت قميص حلو للسفر وعجبني بشتريه حتى لو ما كنت بسافر بالقريب
لان اعرف سوقتنا متعب في بعض الامور وبالشتاء ممكن الف الف اماكن كثيره
والبضاعه ما تكون من ذوقي او ما تناسبني او ما تناسب عمري
في شغلات لو اعجبتني اهجم عليها خاصه الاقلام والازره والجواتي
:)
,
,

والشكر موصول لك ولكل من شارك في الموضوع أخوي شموخ
هني الغمندة : أغلبنا عنده أمور مولع بها .. ولا يمكن يمر عليها مرور الكرام .. فهي تعتبر بالنسبة له مغناطيس تجذبه نحوها رغماً عنــــــه

وصدقت في أشياء تحصلها بالصدفة في الوقت اللي انت مو محتاج لها .. لكنك تاخذها لأن في وقت حاجتك لها ما تكون موجودة في السوق

[الحياة الخالدة]

كل ما أراه ويعجبني حتى لو لم يكن في نيتي شراؤه

نفس اللي أسويه للأســــف أخوي خلدون
لذلك الأشياء عندي في تراكم مستمــــر

[قطريه ماركه]

اخذ اللي ابيه و اللي ما ابيه :omen2:

[ضوى]

احب التسوق واكون شرهه جدا في التسوق وانا مسافرة او التسوق اونلاين ، بس اخذ اللي ابيه وفعلا استخدمه مب اي شي يعني

اهني اذا ادخل مجمع افتر عالمحلات لكن نااااادر اذا اشتري شي ادخل سينما مطعم بس لكن تسوق نو

[بعيد النظر]

للأسف اني اخم الاولي والتالي من غير حساب ..
حتى لو أغراض او ملابس مب ضرورية ..

والتسوق اون لاين شلخني ..
مع العلم ان اغلب الأغراض موجودة في كراتينها ولا استخدمها !!
احس اني احتاجه بس للأسف ما استخدمه !


في السفر ما اتشرى بس هلي ياخذون راحتهم ..

[الحياة الخالدة]

اخترت الخيار الثاني

من عقب ما مريت في كذا تجربة اذا احتجت شي انزل ادور عليه ما القاه
خلاص صرت اذا نزلت مع ربعي واهلي يتسوقون اي شي يعجبني اخذه

صح كلامج .. بعض الفرص لا تعوض
ما تدرين متى تحتاجين

[الحياة الخالدة]

انا ابي خيار ثالث اللي هو أحياناً يتذكر الواحد شيء وهو يتسوق ويشتريه

مع إني قليل التسوق

انت بالذات يا بوعبدالله اللي دودهتني .. خليتني اكتفي بخيارين بس هههههههههه

[الحياة الخالدة]

بخصوص الاستطلاع وان بعض الأعضاء ودهم بخيارات ثانية ، جربي افتحي موضوع جديد بخيارات إضافية وادمجيه مع الموضوع هذا أتوقع بيصير استطلاع جديد والناس تقدر تصوت حسب ما قالي واحد من زمان
اما التسوق فانا احب اروح أماكن معينة واكون حاط مبلغ معين واخلص اما بس جي روح اشتر لا
مشكور أخوي على النصيحة .. بس الحين فات الاوان
ان شاء الله في المرات القادمة بفكر في الخيارات بطريقة أفضل
ما شاء الله أسلوبك في التسوق يدل ان عندك قدرة على ضبط نفسك

[الحياة الخالدة]

تم التصويت اخترت الخيار الاول

ما توقعتك جذي أخوي نفسي عزيزة .. عبالي مثلنا :nice:

[الحياة الخالدة]

اخذ اللي ابيه و اللي ما ابيه :omen2:

يس يس يس .. مع ان هالشي غلط .. بس هذا حالنا للاسف

[الحياة الخالدة]

احب التسوق واكون شرهه جدا في التسوق وانا مسافرة او التسوق اونلاين ، بس اخذ اللي ابيه وفعلا استخدمه مب اي شي يعني

اهني اذا ادخل مجمع افتر عالمحلات لكن نااااادر اذا اشتري شي ادخل سينما مطعم بس لكن تسوق نو

شي حلو إنج تقدرين تجمعين بين شراهة التسوق ( مثل ما وصفتيها ) وشار ما تحتاجينه فقط وما تزيدين عليه
يبي لنا ناخذ دروس عندج

[الحياة الخالدة]

للأسف اني اخم الاولي والتالي من غير حساب ..
حتى لو أغراض او ملابس مب ضرورية ..

والتسوق اون لاين شلخني ..
مع العلم ان اغلب الأغراض موجودة في كراتينها ولا استخدمها !!
احس اني احتاجه بس للأسف ما استخدمه !


في السفر ما اتشرى بس هلي ياخذون راحتهم ..

والله ياخوي الحال من بعضه
وبعض الاشياء حتى مصيرها تنقط من غير حتى ما تنفتح