ابي حد جرب شركه حشرات الصراصير لعزوني

[حمد بن سعد]

السلام عليكم ورحمة الله وبركاته


حد منكم جرب شركة حشرات تقضي على الصراصير وشغلهم مضمون

[البرونزي]

والله اغلب الي في السوق شغلهم نفس الشي
لكن الاكيد شغلهم افضل من شغل البلدية
الصبح واحد من الربع يكلمني ويقول امس راشين له البلدية
البيت كامل واليوم الصراصير تتمشى عنده فالبيت ،،
على العموم اهم شي ترش البيت كامل والمجاري الله يعزك
وفي المطابخ خل يحطون جيل في الادراج واطراف الابواب
ويعطونك ضمان 6 شهور وخذ معلومه بعد ماترش لازم ترش
مره ثانيه بعد شهر لان وقت الرشه الاولى بتموت الصراصير
وبيبقى بيضها يعني الادويه ماتنفع مع البيض فلازم ترش رشه
ثانيه بعد تفقيس البيض

[بانغ بانغ]

في معجون ينحط في المطابخ والحمامات كرمكم الله من البلدية بلاش ينحط في وصلات البيبان

الحمدلله فكني منهم لدرجة كبيرة جدا

[MAZEN37]

بودرة بف باف ورا الخزاين والزوايا

[asulaiti]

معجون البلدية خرطي (چكويت) مال بو ربع ..

أنا شريت معجون من آمازون ومن يومها اختفت الصراصير الألمانية من المطبخ والبيت نهائياً ولله الحمد ...

أما عن الصراصير الأمريكية ( إللي بعضهم يجيك فورويل !!) .. كنت أعاني منها في البداية .. لكن قطاوة البيت ما قصروا .. إلعبوا فيهم ولاحظت إنهم خفوا شوي ..

فأخوي حمد .. جرب إطلب هذا المنتج:

98326

وهذا رابط آمازون:
https://amzn.com/B002Y2GNVM

وهذه صورة توضح الأماكن المقترحة لوضع الجل:
98327

--------

أما للخارج .. هناك المصائد أفضل حتى يكون الطعم محمي من عوامل الجو .. مثل هذه:
98328

رابط آمازون:
https://amzn.com/B005K5O632

بالتوفيق ......

[حمد بن سعد]

ربي يعطيكم العافيه يالربع البلديه اربع مرات جبتهم ولا فاد والعجينه فتره بسيطه ويرجعون

المشكله الكبيره اني سويت المنهول الي عند الباب كبير 3 في 4 عمق اربع متر يعني مدينة لهم والبعض قالي صب فيها دوى جرب مال البعارين وخايف اغامر عندي اعيال مشاء الله عليهم نشيطين بزياده .

[ضوى]

خلني اقولك تجربتي اللي سويتها من خمس سنين ماشاء الله وودعت الصراصير نهائياً من البيت
في دوا ينباع في الشركة العربية اللي بسوق الخميس والجمعة ثمنه العلبة العودة ب75 ريال يكفي سبع استعمالات إلى عشر ، كنت ارشه اسبوعيا لمدة شهر داخل البيت وداخل كل منهول اعزكم الله ، وبالليل وقت النوم ارش قاز في الحمامات اجلكم الله هو شهر والحمد لله قضيت عليهم نهائيا ، وكل شهرين ثلاث اكرر العملية والحمد لله كل مرة ارش فيها المنهولات عندي نظيفة مافيها ولا شي ، والقاز كل سبع ثمان شهور ارش مرة ، جرب وبتدعي لي ان شاء الله

[راجي الْعفو]

( بوكير ) مثل ما مدحه لي أحد الاشخاص بس غالي شوي بالمقارنة مع غيره ..

[بانغ بانغ]

حتى انا استفدت

بمر الشركة العربية اللي اختنا ضوى قالت عنها

هل ينفع للقراريص يعد ؟

[ضوى]

القراريص ماينفع وياهم الا بدورة بف باف في الزوايا وتجديدها كل شهر او كل اسبوعين حسب كثرتهم هاي نافعتني لانه عندي طيور بالبيت لو نغفل شوي ياكلونا النمل والقراريص

[السكين]

شركة بويكر لخدمات السلامة العامة boecker

يمكن غاليين بش شغلهم مرتب ونظيف ومضمون أنا جربتهم وحالياً الله يعزك أفتح المنهول بالحوش ولا شي فيه ولا داخل البيت.

http://boecker.com/Templates/HomeTemplate.aspx?PostingId=120

[راجي الْعفو]

شركة بويكر لخدمات السلامة العامة boecker

يمكن غاليين بش شغلهم مرتب ونظيف ومضمون أنا جربتهم وحالياً الله يعزك أفتح المنهول بالحوش ولا شي فيه ولا داخل البيت.

http://boecker.com/Templates/HomeTemplate.aspx?PostingId=120

عيل هذا هو الاسم الصحيح مب نفس اللي كتبته

[بانغ بانغ]

عيل هذا هو الاسم الصحيح مب نفس اللي كتبته

لا تطلع هاي بعد شركتك ؟

[ام الشهداء]

خلني اقولك تجربتي اللي سويتها من خمس سنين ماشاء الله وودعت الصراصير نهائياً من البيت
في دوا ينباع في الشركة العربية اللي بسوق الخميس والجمعة ثمنه العلبة العودة ب75 ريال يكفي سبع استعمالات إلى عشر ، كنت ارشه اسبوعيا لمدة شهر داخل البيت وداخل كل منهول اعزكم الله ، وبالليل وقت النوم ارش قاز في الحمامات اجلكم الله هو شهر والحمد لله قضيت عليهم نهائيا ، وكل شهرين ثلاث اكرر العملية والحمد لله كل مرة ارش فيها المنهولات عندي نظيفة مافيها ولا شي ، والقاز كل سبع ثمان شهور ارش مرة ، جرب وبتدعي لي ان شاء الله

صح كلامج ونحن مجربين بعد طريقه القاز يقضي ع الصراصير
وفي معجون بعد ينباع في هايبر لولو اسمه كاكروج معروووف عندهم ينحط في كل الزوايا اللي ممكن الاستاذ كاكروج يمرها ويتمخطر فيها وهو امن وسهل الاستعمال

[هيليوم]

انصحك اول شي انك تجيب عامل يسكر لك فتحات البيبات اللي تودي للمجاري عدل بحيث ما يكون في الا الفتحة اللي يمر فيها الماي بس وتكون فتحة الماي الغطا مالها فتحاته صغيرة بحيث ما تقدر الصراصير تمر وكرسي الحمام بعد وانتوا بكرامة لازم تحوطه من تحت صوب البلاط بالسليكون بشكل كامل حتى من ورا صوب الطوفة ونفس الكلام للمطبخ بعدين تشوف لك شركة تنظيف تخلصك من الموجودين في المجاري وعقب ان شاء الله تنتهي منهم حتى لو رجعوا ما في مكان يقدرون يدخلون منه البيت والمنهول اللي برى خل العامل يشيك على اطرافه غالبا في مكان تندعس منه الصراصير وتطلع وخله يسده بالسيلكون

[حمد بن سعد]

جزاكم الله كل خير يربع

جاري عمل الازم مع شركة بوكير

[راجي الْعفو]

لا تطلع هاي بعد شركتك ؟

شقال لو لك بوفيصل
راعي .....
اللهم بارك ^_^

[بوخالد911]

الله يعينك.

بس قولنا النتيجة بالنهاية.
لا هنت.