ريحة المجاري الله يكرمكم ..

[بصمة قطرية]

بسم الله الرحمن الرحيم
السلام عليكم و رحمة الله و بركاته

مساء الخير ..

عندي إستفسار بخصوص ريحة المجاري الله يكرمكم
توني ساكنه بيتي وواحد من الحمامات وانتو بكرامة
فجأة بدت تطلع فيه ريحة مجاري ..

واذا شغلت المروحة الريحة تزيد
اذا سكرتها نوعاً ما تروح ..
الحمام مكانه فوق في الدور الأول ..
جبنا واحد شافه قال لنا لازم الحمام كله يتكسر
و يغير البيبات اللي داخل التركيب غلط
و هاي سبب الريحة ..

كلمنا البلدية قلنا نجرب سحب تصريف و تسليك ..
جوا العمال سحبوا مع انهم قالوا مافي شي مسكر
بس للحين محد سوا التسليك .. بعد السحب خفت الريحة وايد
صارت تطلع خفيفة إذا شغلت المروحة
بس للأسف إنتقلت الريحة للحمام اللي تحته
اللي هو حمام المجلس ..

شالحل ..!!
يا ليت حد يساعدني شسوي !
سالفة تكسير الحمام الله يكرمكم صعبة
مافي حل ثاني ..؟

و أكون لكم شاكرة ..

[ضوى]

منزل مبارك يابصمة تتهنين ان شاء الله

كان عندي حمام جديد فيه نفس المشكلة وسنة نعاني من الريحة ومثل ماقلتي لما نسكر المروحة تخف ، المهم ماتم شي ماسويناه وحطيت استفسار اهني اظن ، وكنت رافضة التكسير لاني متأكدة في شي غير البايبات ، ومن فيتري لين الثاني ومحد عنده حل كل حلولهم مؤقته مالت يوم يومين ، لين الله كرمني بفيتري سيرلانكي فقير جايبته يعدل رشاش الماي بنفس الحمام وشم الريحة وقال هاي في مشكلة واستأذني يشييك ، طبعا قلت له شيك جات عليك يعني ، المهم فتح المرحاض كامل شاله من مكانه طلع انه في ربلة تنحط بين البايب اللي في الارض مع فتحة المرحاض السفلية كان ناسيها المقاول ، وركب لنا واحدة والله وبالله اني تميت ادعي له اشكثر لانه صج كنا نعاني الحمد لله ، احيانا في فنيين صغتر لكن مهرة ماشاء الله عليهم ، جربي هالطريقة يفتح المرحاض من غير لا يكسر اي شي ويتاكد من السليكون والربلة وياااارب تستفيدين من تجربتي

[بصمة قطرية]

منزل مبارك يابصمة تتهنين ان شاء الله

كان عندي حمام جديد فيه نفس المشكلة وسنة نعاني من الريحة ومثل ماقلتي لما نسكر المروحة تخف ، المهم ماتم شي ماسويناه وحطيت استفسار اهني اظن ، وكنت رافضة التكسير لاني متأكدة في شي غير البايبات ، ومن فيتري لين الثاني ومحد عنده حل كل حلولهم مؤقته مالت يوم يومين ، لين الله كرمني بفيتري سيرلانكي فقير جايبته يعدل رشاش الماي بنفس الحمام وشم الريحة وقال هاي في مشكلة واستأذني يشييك ، طبعا قلت له شيك جات عليك يعني ، المهم فتح المرحاض كامل شاله من مكانه طلع انه في ربلة تنحط بين البايب اللي في الارض مع فتحة المرحاض السفلية كان ناسيها المقاول ، وركب لنا واحدة والله وبالله اني تميت ادعي له اشكثر لانه صج كنا نعاني الحمد لله ، احيانا في فنيين صغتر لكن مهرة ماشاء الله عليهم ، جربي هالطريقة يفتح المرحاض من غير لا يكسر اي شي ويتاكد من السليكون والربلة وياااارب تستفيدين من تجربتي

الله يبارك بعمرج فديتج ..

زين والله ما احتجتي لتكسير ..
الحين وين أصيد واحد شاطر بيطيح لي على المشكلة ..
يعني أجيب و أجرب يمكن حد يصيد الخطأ ..!

اللي مستغربة منه
ليش الريحة انتقلت للحمام اللي تحته الله يكرمكم ..

[@north_star@]

منزل مبارك يابصمة تتهنين ان شاء الله

كان عندي حمام جديد فيه نفس المشكلة وسنة نعاني من الريحة ومثل ماقلتي لما نسكر المروحة تخف ، المهم ماتم شي ماسويناه وحطيت استفسار اهني اظن ، وكنت رافضة التكسير لاني متأكدة في شي غير البايبات ، ومن فيتري لين الثاني ومحد عنده حل كل حلولهم مؤقته مالت يوم يومين ، لين الله كرمني بفيتري سيرلانكي فقير جايبته يعدل رشاش الماي بنفس الحمام وشم الريحة وقال هاي في مشكلة واستأذني يشييك ، طبعا قلت له شيك جات عليك يعني ، المهم فتح المرحاض كامل شاله من مكانه طلع انه في ربلة تنحط بين البايب اللي في الارض مع فتحة المرحاض السفلية كان ناسيها المقاول ، وركب لنا واحدة والله وبالله اني تميت ادعي له اشكثر لانه صج كنا نعاني الحمد لله ، احيانا في فنيين صغتر لكن مهرة ماشاء الله عليهم ، جربي هالطريقة يفتح المرحاض من غير لا يكسر اي شي ويتاكد من السليكون والربلة وياااارب تستفيدين من تجربتي

كلام سليم على الأغلب الوصلة اللي بين المرحاض وفتحة بايب التصريف

[ضوى]

الله يبارك بعمرج فديتج ..

زين والله ما احتجتي لتكسير ..
الحين وين أصيد واحد شاطر بيطيح لي على المشكلة ..
يعني أجيب و أجرب يمكن حد يصيد الخطأ ..!

اللي مستغربة منه
ليش الريحة انتقلت للحمام اللي تحته الله يكرمكم ..

جيبي اي فيتري وقولي له فك المرحاض وخله يشيك ، انا بعد انتقلت الريحة للحمام اللي تحته وعبالي من بايب التهوية برع وغيرته وفي الاخير طلعت المشكلة اللي قلت لج عنها

[MAZEN37]

سؤال البايب الي طالع من الحمام للخارج واحد او اثنين ؟

[al saad]

نفس المشكله عندي فك المرحاض وشوف في ربله ولا لا وحط ربله جديدة مع كم كافي من السلكون واذا الريحه ماراحات غير المرحاض يمكن في خطاء في التصنيع انا حمامين نفس المشكله وانحلت بنفس الحلول وبعدين شوف البالوعة في نص الحمام بعض الأحيان فيها قطعه بلاستك تحجز الماي تكون مب امركبه صح

[سعود.]

[b]
سؤال البايب الي طالع من الحمام للخارج واحد او اثنين ؟

اثنين واحد حق المرحاض بروحة يطلع مباشرة . والثاني يكون مشترك المغسلة مع البانيو ومعه مياه مكيف الاسبليت ان وجد .

[سعود.]

اتوقع مشكلة الروائح الكريهه . عدم وجود كوع في تصريف المياه .

[حمد بن سعد]

المشكله في المرحاض فيه ربله تركب بين المرحاض والبيب هذي اذا مش موجوده تطلع الريحه قيمتها 15 ريال عند البايب فيتر

اذا الربله موجوده شوف المنهول يمكن ماسو في قاعه بلاستر يجمع الوصخ ومايمشي

[qatarman8008]

صارت عندي هالمشكلة عقب ماسكنت البيت مباشرة..
طبعا بيبات الماي مالها اي علاقة ولا تحتاجون تكسرون شي...
طلع عندي بيبات التصريف اللي عالارض ما سووا لهم الكوع اللي شكله نفس حرف u ..
هذي الكوع وضيفته انه يمسك له كمية ماي تسوي عزل للهواء..
يعني الهوا اللي داخل بيبات التصريف مع الروايح مالته وانتوا بكرامه ما تطلع لداخل الحمام..
الحين لو فيه خلل في هالكوع ومايمسك ماي لو تشغلون الشفاط بيسحب هوا زيادة من داخل بيبات التصريف وبيطلع ريحة اكثر بعد..
الحل انه تجيبون واحد يكسر بس كم بلاطة في الارض ويغير الكوع وبس..
لايكسر كل الحمام ولا خسركم فلوس..

[بوNasser]

صارت عندي هالمشكلة عقب ماسكنت البيت مباشرة..
طبعا بيبات الماي مالها اي علاقة ولا تحتاجون تكسرون شي...
طلع عندي بيبات التصريف اللي عالارض ما سووا لهم الكوع اللي شكله نفس حرف u ..
هذي الكوع وضيفته انه يمسك له كمية ماي تسوي عزل للهواء..
يعني الهوا اللي داخل بيبات التصريف مع الروايح مالته وانتوا بكرامه ما تطلع لداخل الحمام..
الحين لو فيه خلل في هالكوع ومايمسك ماي لو تشغلون الشفاط بيسحب هوا زيادة من داخل بيبات التصريف وبيطلع ريحة اكثر بعد..
الحل انه تجيبون واحد يكسر بس كم بلاطة في الارض ويغير الكوع وبس..
لايكسر كل الحمام ولا خسركم فلوس..

اتفق معاك ميه الميه

هالكوع او الوصله أو P Trap وجودهم ضروري اما في المغاسل (كل مغسلة بروحها) او في فتحة تصريف الماي اللي في وسط الحمام.

المغاسل لازم لها مثل هذا او شي يشبهه

https://www.drainworks.com/blog/wp-content/uploads/2013/03/1643_R.gif

واذا المغاسل ما فيها، لازم يستخدم كوع مشابه في مسار التصريف داخل الحمام.
امثله:

http://www.prothabe.co.za/images/Products/PVC%20SHOWER%20TRAP.jpg

او

http://cdn6.bigcommerce.com/s-xj6laju1/products/4627/images/3387/85685_WEB_ZM__86042.1459205280.190.190.jpg?c=2

بس اذا الفيتري ما يعرف كوعه من بوعه شلون بيعرف كوع الماي؟؟؟؟:):):)

[بوNasser]

انصح بوضع هالاستفسار في اعمال البناء والديكور وهناك اتوقع بتكون الاجابات اكثر ويمكن أدق

النقاش الإقتصادي/ أعمال البناء والديكور (http://www.qatarshares.com/vb/forumdisplay.php?61-%C3%DA%E3%C7%E1-%C7%E1%C8%E4%C7%C1-%E6%C7%E1%CF%ED%DF%E6%D1&)