جنيف وانسي

[قدها وقدود]

السلام عليكم ورحمة الله وبركاته

بغيت احسن ثلاث فنادق في انسي وجنيف وكم بستاهلون المبيت

وهل يوجد قطار من جنيف إلى فرانكفورت .

[ذكي جدااا]

بالنسبة لجنيف انا سكنت بالفورسيزون وكمبنسكي ويعتبرون افضل اثنين. بالنسبة لأنسي مايحتاج تبات فيها هذا رأيي لانها تبعد 45 كيلو عن جنيف يعني تروح لها وتتمشى وترجع جنيف. واذا كنت بجنيف ممكن تزور شامونية فيها اعلى قمة جبال الالب اللي هو مونت بلانك تبعد تقريبا 85 كيلو عن جنيف و 40 عن انسي. بس شيك المسافات بجوجل بعد يمكن تكون الذاكرة خانتني.

[قدها وقدود]

ذكي جدا جزاك الله خير

بصراحه انا حاليا في استراسبورغ سبع ايام وجدولي بعدها اروح دوسلدورف اربع ايام وبعدها فرانكفورت ليلتين

عشان الطياره وحاليا اقول ليش ماغير واروح انسي وجنيف بدالهم اتوقع احسن فرانكفورت ودوسلدورف للعلم عندي

سياره

يعني من استراسبورغ الى دوسلدورف اربع ساعات ونص

ونفس الشي من اسراسبورغ الى جنيف اربع ساعات ونص

اتوقع الى جنيف احسن

وفرانكفورت محد يمدحها

أو اخلي انا عليه واروح امستردام

اشرايكم

[ذكي جدااا]

يعتمد على حجزك للتذاكر اذا حجزت من فرانكفورت واذا ماتقدر تغير التذاكر والفنادق. بس بشكل عام جنيف وانسي وشامونيه حلوين بالنسبه لي احلى من فرانكفورت ونا ذكرت لك هالشي في الموضوع السابق ان فرانكفورت ماعجبتني. بالنسبه لجنيف فهي بحيره وآنسي بعد بحيره بس المناظر حولين جنيف والقرى جميله. يعني لو بجنيف انت ممكن تزور القرى القريبه من قشتاد ممكن تزور مصنع نستله للشوكلت. ممكن تزور اعلى قمة جبال الالب بشامونيه كطبيعه هالمناطق حلوووه بحيث انك تخلي سكنك بجنيف وكل يوم تطلع مشوار حوالي مية او ميتين كيلو تستكشف وترجع بالليل سكنك بجنيف وتخلي رجوعك للدوحة من مطار جنيف هذا خيار عندك. الخيار الثاني تخلي نفس ترتيبك السابق بالنسبة لأمستردام نفسها فالسواقة داخلها صعبه كنت أحط السياره بالفندق واعتمد على المشي لان المدينه كلها قنوات مائية ويستخدمون السياكل بشكل غير طبيعي. بس اكيد خارج امستردام والتنقل من مدينه لأخرى السيارة بتكون مهمه

[غير البشر]

مرحبا اخوي قدها
ماقصر ذكي جدا جزاه الله خير

بالنسبه للمناطق الي ذكرتها
دوسلدورف وفرانكفورت وجنيف وانسي كلهم مايستاهلون تبات فيهم اكثر من ليله
الافضل تستبدلهم

امستردام
باريس
او من باريس مع لندن والعوده من لندن
اما الباقي وخاصه بالشتا ماتستاهل العنوه

افضل الفنادق في جنيف كمبنسكي
وافضل فندق في انسي امبريال

[قدها وقدود]

ذكي جدا جزاك الله خير بكل كلمه كتبتها وماقصرت

غير البشر كفيت ووفيت

[ذكي جدااا]

بشرنا عن رحلتك كيف سويت ووين رحت

[قدها وقدود]

والله ياخوي حاليا في استراسبورغ طبعا اعجبتني والحمدلله

وبكره رايح دوسلدورف اربع ايام وبعدها ليلتين في فرانكفور وراجع الدوحه

وطبعا دوسلدورف بعيده اربع ساعات وبالنسبه لي مسافه طويله ومتعبه ، انا جربت من لوزيرن لين استراسبورغ

ساعتين وشوي وقلت وايد

وجاتني فكره وقلت ليش ماكنسل دوسلدورف واروح مكان اقرب مثل شتوتغارت

وانا اتوقع احسن لي واقرب حق فرانكفورت بس ماعندي فكره عن شتوتغارت من ناحية الاماكن السياحيه والفنادق

والسنتر والاحداثيات

اشرايك ؟؟

[ذكي جدااا]

اشتوتغارت والله ماعندي فكره عنها. خلاص خلك على ترتيبك ولا تشتت نفسك. وترجع سالم غانم.

[قدها وقدود]

انا أمس في دوسلدورف واموري طيبه والحمدلله

تحياااتي