موقف حصل لي اليوم...هل يحق له؟!!!

[دايموند]

السلام عليكم



حبيت اقولكم الموقف البايخ الي حصلي وابي اخذ رايكم فيه



من كم يوم رحت لمحل ورد وشوكلت في الخور وكنت ابي اشتري ورد معين لان غير متوفر عندي حاليا في محلي

فرحت للمحل كزبونه وعرفت ع نفسي عند الستاف وقلت لهم ابي هالنوع من الورد ضروري فاعتذروا لي بان ماعندهم..
فرحت كل محلات الخور في ذاك اليوم ومالقيت النوع الي ابيه ..


المهم بعد مرور خمسه ايام ..الي هو اليوم

كلمني العامل الي شغال في محلي وقالي حرفيا

مدام في قطري جا من شوي ومعصب ويصرخ وناداني وقالي قول للمدام انها غير مرحب فيها في محلاتي وهذا اخر انذار لها وان شفتها جات المحل راح اسوي لها مشكلة كبيرة !!!!





اللحين ابي اترك لكم التعليق..

هل يحقه يمنع اي زبون يجيه لانه بس عنده نشاط نفس نشاطه ؟هل يوجد قانون من هالنوع ؟وللعلم اني ماضريت مصالحه او سببت له مشاكل واصلا لا اعرفه ولا شفت شكله.. وللاسف طلع من قبيله كبيرة ومحترمه فالخور

وهل له الحق يجي الى محلي ويهدد بان راح يسبب لي مشكله كبيرة؟!!!


سمعت من بعض الناس ان هو يمنع اي شخص يدخل محله اذا يملك محل بنفس نشاط محله ..هل يجوز يطردنا بدون مانكون سببنا له ضرر؟

هل يجوز ان يطردنا واحنا جاين له ع اساس كاستمر حالنا من حال البقيه..


وانا اشلون ارد اعتباري منه؟!!حتى انه ماحترمني كوني امراءه وقطرية ..يعني عيب يجي ويهدد والله..
والله لو يجيني المحل ارحب فيه ونقهويه ونذوقه حلوياتنا بعد


للعلم اني مادخلت محله الا مرتين فقط لا اكثر وكل مرة ابي اشتري شي من عندهم ومالاقي طلبي..

[نفسي عزيزه]

عرفت محله الله يهديه ويهدينا جميعا ويوفقنا جميعا

والله مادري بالاجراءات هل يجوز يمنع او لا ان شاء الله يفيدونج الاعضاء

[النهار]

اختي دايموند انتي جديده في السوق لان اي محل من المحلات يكون نشاطهم متقارب غير مرحب بالطرف الثاني
المفروض يروح احد غيرك قريب او قريبه لج اوصديقه على اساس معرفة الاسعار ونوع البضاعه او اذا كنتي محتاجه غرض معين
او يكون هناك اتفاق مسبق بين الطرفين على ان يسوق الطرف الاول للطرف الثاني مقابل نسبه معينه في حال تشابه البضاغه
لان موقع بعض المحلات احسن من الثاني او الرجل عليه كثيره
اما انه يجي يهدد هاذي مهب من حقه ن كررها ممكن تشتكين عليه

[دايموند]

عرفت محله الله يهديه ويهدينا جميعا ويوفقنا جميعا

والله مادري بالاجراءات هل يجوز يمنع او لا ان شاء الله يفيدونج الاعضاء

والله احس اني انهنت مو قادرة انام

[دايموند]

اختي دايموند انتي جديده في السوق لان اي محل من المحلات يكون نشاطهم متقارب غير مرحب بالطرف الثاني
المفروض يروح احد غيرك قريب او قريبه لج اوصديقه على اساس معرفة الاسعار ونوع البضاعه او اذا كنتي محتاجه غرض معين
او يكون هناك اتفاق مسبق بين الطرفين على ان يسوق الطرف الاول للطرف الثاني مقابل نسبه معينه في حال تشابه البضاغه
لان موقع بعض المحلات احسن من الثاني او الرجل عليه كثيره
اما انه يجي يهدد هاذي مهب من حقه ن كررها ممكن تشتكين عليه

اخوي النهار انا اكبر من اني اتطفل واتجسس ع الاسعار...

لو كان هدفي الفضول والتجسس جان ماعرفت بنفسي اني صاحبه محل الفلاني !!!
وفعلا مثل ما قلت لو ابي اتجسي ترى في اكثر من طريقة اقدر اخلي حد من طرفي يروح ..
انا اكبر من جذي بواايد...

وفعلا انا مارحت لهم الا بعد مامريت ع كذا محل ادور ع ورد معين وللاسف محل من المحلات الله يسامحه قالي اروح هالمحل يمكن الاقي غرضي وياليتني مارحت له ...ماتسوى علي هالروحه ...


حدي زعلانه ع تصرف هالريال..الله يسامحه

[دايموند]

بغض النظر شنهي المحلات الي عندي انا جابه محلك زبونه اشتري و اتوكل ..مالك شغل بمحلاتي ..ليش تطردني!!!!!

انا انهنت :weeping:

[دايموند]

ماتخيل نفسي انا واختي نروح هالمحل ..اختي تدخل لانها ماعندها محل مشابهه وانا اتم بره لان غير مرحب فيني !!!

[الجـــوديّ]

عليكم السلام والرحمة ....


لو انا مكانج ....


أشرب عصير ليمون بالنعناع ... واذكر الله وأعين خير ...

ومن أصبح .. اتصل على الرجال .. واسلم عليه .. واشره عليه وابدي له حسن النية ..

غير .. اني افتح صفحة جديدة للشراكة معاه .. يعني نفعني وانفعك ..

بتجي مواسم هو بيحتاج لج وانتي بتحتاجين له .. مثل مارحتي تبين ورد

والمفروض يكون بينكم تسامح وتصالح لان الرزق اول واخر من فوق ..

لا هو بياخذ رزقج ولا انتي بتاخذين رزقه

وعلى كلمتين طيبين ..... مفادهم عيب واستح على وجهك ..... وخلك رجال :)




الزبدة .. لاتحرقين أعصابج ولا تزعلين ..... وهو بيحتاج لج وبيجيج في يوم .

[شموخ دائم]

,

,


مرحبا

شكرا على عرض الموضوع


الاسلوب يضايق بلاشك وربما انتي ما تعرضتي لهكذا موقف سابق وهذا سبب تاثرك

كان من المفترض يكون الاسلوب احسن

انتي رايحه بحسن نيه تشترين شي وما يعلم النيات الا رب العالمين

و

هو يشوف انك ( منافس ) وجاي لمحله لهدف مافيه حسن نيه
ربما لمحاوله ( اخذ موظف مميز ) الى محلك دائما هذا هو الخوف الاكبر عن التاجر


مع اني احب ( المنافسه الشريفه ) بين التجار لانها مجال ( للابداع ) وتقديم المثير والجديد


(لاتاخذين الموضوع شخصي )
هذا خلاف وتصرف فيه تسرع وويفتقر الى الحكمه منه حول ( العمل ) او حول التجاره

فهذا الموقف ليس من شخص مهم بحياتك حتى ( يضايقك ) لهذي الدرجه

ربما ( سمع كلام ) سبب له هذا التسرع او ربما ( موقف سابق ) وهو في موقف
( الدفاع ) عن محله لانه احس بتكرار محاولتك لشي ( في نفس يعقوب )

هكذا ربما تفكيره


لايوجد ( قانون ) يمنعك من دخول المحل او الشراء منه

ولكن ممكن يتهمك بشي مثل محاوله سرقه موظفين او تقديم رشوه لهم ... الخ

هذا يحدث كثير بين التجار

نصيحتي
( تجاوزي ) هذا الموقف ولا ( يشغلك ) والموقف مجرد خلاف في ( تجاري )
لذلك دعي الخلاف هناك

ولا تحملينه معك في تفكيرك والموضوع ليس شخصي

وتجنبي الدخول لهذا المحل نهائيا وكلن ياخذ نصيبه


والحل

نفس راي الجودي

لو الموقف حصل معاي ( بتصل ) فيه واشرح له الموضوع من وجهه نظري
واحاول ازيل سوء الفهم واحاول افهم سبب الزعل حتى اتجنبه واوضح له واطمنه من مخاوفه
او ارسل حد من طرفي يتميز باللباقه وحسن الحديث يوضح له الموقف
واحنا مو محتاجين شي منه والله يوفقه
ويوفق الجميع



,

,

[بوخالد911]

الله يهديه
ويصلح الأحوال.

[Charisma]

ريلاكس ، الموضوع مافيه أهانة ، انتي رحتي بحسن نيه وهو له موقف معين ، التصرف اللي قام فيه خطأ ( التهديد ) ، اذا عنده موقف يقدر يوضحه بطرق ثانيه .

ونصيحه :

خلي الموضوع ينتهي بالتجاهل ، لاتحاولين تتواصلين معاه ، و تبررين وتشرحين ان الموضوع ( حسن نيه ) ، اذا في شخص تصرف بطريقه هجوميه ، فمنتي ملزومه توضحين وتشرحين ، ( تجنبا لردة فعل ماتتوقعينها ) .

بالتوفيق

[JN000N]

اكرمي نفسج وعزيها من هالاشكال التعبانه طنشي ولا تفتكرين هو نزل قدره اصلا بهالحركة
ولا عليج منه
فيه نقص وشاك في نفسه
وهو لو نيته كانت سليمه ما شكك ف اي واحد يدخل محله عنده نفس النشاط
ناسي ان الارزاق من عند الله مقسمه مب عليه
لايكون يحسب انج لما تروحين محله بتبوقين زباينه؟
ابدا ماله حق ف اللي سواه
واعلى مافي خيله خل يركبه
مافي قانون يمنع اي شخص عنده نشاط مشابه لنشاط شخص ثاني ان يدخل محله
وعساه ما يجوف من محلج الا اللي يقمته ويحره خله كل مره يدخل محلج ويحتر من اللي بيجوفه
والله يرزقج من اوسع ابوابه ان شاء الله

[JN000N]

والله احس اني انهنت مو قادرة انام

بالعكس
هو اهان نفسه يوم ياج المحل يلعلع
ويمكن يتوقع منج ردة فعل
خليه يجوفج ساحبه عليه اكبر سيفون ومش مفتكره

[JN000N]

سبحان الله تصرفه عكس تصرف وحده محلها قريب محلي
قالت لو يجونج زباين وبضاعتج ماتكفيج كلميني وانا ازيدج والحساب بيني وبينج خاص
قالت نشاطج يكمل نشاطي ولو احتجت من عندج باجيج
ولو جاووني زباين يبون شي عندج مب عندي برسلهم لج وانتي ارسلي لي اللي انا اقدر البي طلباتهم وانتي ماتقدرين

انا ضد انج تتصلين له وتوضحين له الموضوع
لان الموضوع واضح ما يحتاج تبرير رحتي تبين تشترين مارحتي تتقصين اخبار المحل وتطلعين وفي نفس الوقت اسلوبه الهمجي يخليج ماتوثقين في ردة فعله للمره الثانيه لو اتصلتي يمكن يقل ادبه عليج وتنجرحين اكثر
ترفعي عنه

[Dana’1]

ياااشينهااا من حركه لا بعد من رجال وتاجر!!
الحمدلله الذي عافانا مما التلي به وفضلنا على كثير منا خلق تفضيلا
نيتك طيبه ومايعلم بها غير ربي
بس دام فيه ناس نفس هالرجال الأفضل إنك ما تعرفين نفسك عند المحلات الي لها نفس نشاطك او حتى غير!!

[سالم الزهران]

طلع ما يفهم ... بياع الورد يا عمي ليش طلعت ما تفهم

الأن يا اخت دايموند هذا لو متوكل على الله يشوف محلات الورود عندنا فاتحين في نفس الشارع و الشارع اللي قبالهم نفس الشيء ( من يرزقهم هذولا كلهم )؟

السعر في البيع و الشراء على الطاولة ممكن احط السلعة الفلانية على الرف بثمانيين و على الطاولة بخمسين ؟؟

لكن الأخ مب فاهم

[Dana’1]

سبحان الله تصرفه عكس تصرف وحده محلها قريب محلي
قالت لو يجونج زباين وبضاعتج ماتكفيج كلميني وانا ازيدج والحساب بيني وبينج خاص
قالت نشاطج يكمل نشاطي ولو احتجت من عندج باجيج
ولو جاووني زباين يبون شي عندج مب عندي برسلهم لج وانتي ارسلي لي اللي انا اقدر البي طلباتهم وانتي ماتقدرين

انا ضد انج تتصلين له وتوضحين له الموضوع
لان الموضوع واضح ما يحتاج تبرير رحتي تبين تشترين مارحتي تتقصين اخبار المحل وتطلعين وفي نفس الوقت اسلوبه الهمجي يخليج ماتوثقين في ردة فعله للمره الثانيه لو اتصلتي يمكن يقل ادبه عليج وتنجرحين اكثر
ترفعي عنه

هذا تفكيرها سليم ماشاءالله بالاول والاخير اثنينكم بتستفيدون

وانا معس بالراي انها ما تتصل افضل

[بانغ بانغ]

صباح الخير

الموضوع اكيد في خلفيات ومواقف نجهلهل ويمكن هو فكر انك جاية تتجسسين على اخر المستجدات عنده وايخاف على وضعه بالسوق

انا عندي شركة بمنتجات حصرية واحيانا ايجوني ناس ادري انهم منافسين ويبون ايعرفون اخر اخباري واخبار المنتج بس اتصرف معهم وانهم عملاء

بالعكس اتمنى يشتري مني حق مشاريعه وانا قد اشتري منه لان عنده اشياء ما عندي

السوق نظيف نوعا ما لكن بعض الجنسيات ايدسون السم التجاري في التعامل مع الزباين

[الماريّة]

ياعمري والله حاسه فيج
عاد ياشين الرجال الي يتطاول على شوفه اعنبو ماعنده مروه

الله يهديه استغفر الله

لو منج اكلم اخواني الفزعه يقومون عليه هههه امزح ترى

كل الموضوع انسي ولاتهتمين بكلامه
ودايما الي يثور ويتهجم اعرفي انه ماعنده الا لسانه

الله يوفقج ويرزقج بواسع رزقه
/
\

[يمامـة]

هلا دايموند.. تصرف صاحب المحل غير مقبول.. لأن في عالم التجارة هناك تبادل مصالح..

لكن مثل ما شفتي انتي تتعاملين مع انسان له طباعه الخاصة اللي ما لها علاقة بعالم التجارة
التجار بشكل عام يحبون يخدمون الزبون فتلقينهم يربحون المحلات المجاورة لكسب الزبون
فالبضاعة اللي مب متوفرة عندهم يوفرونها لج من محلات ثانية..

بينما صاحب المحل اللي رفض دخولج.. قد تكون له أسبابه اللي احنا نجهلها
او قد يكون انقرص من احدهن او احدهم.. وبما انه رافض تدخلين محله..
عيني خير وانسحبي من جدامه بهدوء ولا تحاولين تتواصلين معاه ابدا..

واذا لج حاجة من محله في المستقبل اطلبي طلبيتج عن طريق أي شخص ثاني
المهم شغلج ما يوقف.. والله يقدم اللي فيه الخير لج وله..

[مختلفة عقليا]

السلام عليكم

ياحليلج والله انج حساسه ., اتخيل انا لو صارلي الموقف

عادي من هو عشان يستفزج ., !! ولا جنه صار شي

ولا بغيتي شي ممن المحل دزي حد من هلج والا روحي بغشوة :nice:

ترا الدنيا ما تسوى اتعصبين وما ترقدين نامي وانتي تضحكين .,

ويسلموو

[بومحمد المطاوعه]

اشفيه الحبيب شاد حيله مع محله يعني ولا شنو ,,

الرزق عند رب العالمين
لو افتح مليون محل نفس محله
شله خص ,,!

هذي الشي اسمه الحسد والعياذ بالله

الله يهديه بس ويستر عليه ويكبر عقله


صج تصرف اطفال

[بومحمد المطاوعه]

هههههههههه

بس يضحك يعني
لو ابي اتجسس على الأسعار
بصير غبي اذا رحت بنفسي
ههههههههههههه

هاي دليل على الغباء في التجاره

شي طبيعي بطرش اخوي ولا بطرش اي حد يكشف عن الأسعار لو الواحد نيته هالشي ,,

مستغرب والله من البعض
يعلق الرزق في البشر ويترك رب البشر الي انعم عليه وفتح عليه والرزق بيده وحده فقط

الله يستر على هالناس

[style]

سماع الشكوى من طرف واحد لايخدم هذا الموضوع،،،لابد من سماع الطرف الاخر ،،فربما يكون الطرف الاخر على حق

[khaldoon]

هو طبعا غطلان جملة و تفصيلا و عيب اللي سواه بس السؤال انت اصلا ليش تعرفي عن نفسك انك تاجره منافسه لما دخلتي المحل؟...حتى لو تبي تشتري الكمية كلها مب شغلهم قولي لهم عندج مناسبه و بس لو سألوا او مب شغلكم ...... هذا الكلام اللي ما له داعي وضرره اكبر من نفعه و ما يفيد و المفروض ما ينقال ....اكيد طبعا عندهم اوامر انه لو في احد في المجال المنافس لا تساعدونه ولا تفهمونه و لا تتعاونوا معاه ....يعني ممكن جدا طلبك موجود بس تعريفك بنفسك هو اللي خلاهم ما يتعاونون معاكي و يخبرون صاحب المحل انك جيتي ...ما اقولك تكذبي بس اقولك ما في داعي للحقيقه اللي ما احد طلبها منك ولا تتبرعي فيها و خلي دايما اسرارك معك و لا ترمي كل اوراقك و تكشفيها

على العموم هي عقلية تجارية لكل واحد يعني انت لو كنت مكانه و سمعتي تاجره جات محلك بتتصلين عليها و بتأمنين لها البضاعه على طول و الا بتكوني حذره منها و ما تتعاوني معها ولا بتتهاوشين معها؟....كل واحد له تفكير مختلف

[@north_star@]

العقليات التجارية تختلف من شخص لاخر والمواقف التي تحصل كلها من سبب رئيسي واحد وهو عدم التوكل على الله بالرزق .... وسعي صدرج وهذي التجارة وياما تشوفين مواقف سلبية وايجابية .

[بومحمد المطاوعه]

العقليات التجارية تختلف من شخص لاخر والمواقف التي تحصل كلها من سبب رئيسي واحد وهو عدم التوكل على الله بالرزق .... وسعي صدرج وهذي التجارة وياما تشوفين مواقف سلبية وايجابية .

بيض الله وجهك
الي متوكل على الله تعالى
والله مايهمه من دخل
جاسوس ولا غير جاسوس ولا شنو هالانسان بيكون
وكم محل فتح جنبه نفس المشروع
مابيفتكر لهذي الأشياء

لأنه متوكل على الله فقط

[@north_star@]

بيض الله وجهك
الي متوكل على الله تعالى
والله مايهمه من دخل
جاسوس ولا غير جاسوس ولا شنو هالانسان بيكون
وكم محل فتح جنبه نفس المشروع
مابيفتكر لهذي الأشياء

لأنه متوكل على الله فقط

ووجهك أبيض يا خوي ........... وعلى قولة الوالد الله يرحمه يوم كان عنده تجارة القناعة كنز لا يفنى .انك تقنع باللي عطاك الله ولا تحط عينك على رزق غيرك .

[pink pearl]

السلام عليكم ،،،،

الشيخة من رايي الشخصي تروحين المحل وتآخذين أو تسألين عن اللي تبينه بدون لاتعرفين على نفسج، لأنه مثل ماقلتي جاية كزبونة، يمكن هذي النقطة اللي المفروض تصير ،،،،

بس هو يمكن فكر من صوب ثاني وان لج نية شينة!!
عموما المطبات موجودة في هذا المجال، وهذي مطبة وعدت، شوفي اللي قدام وانسي اللي صار، الله يبارك لج في تجارتج، وودي لو اعرف اسم محلج على الخاص

[شبح الصمت]

وعليكم السلام ورحمة الله وبركاته ،،

اسمحي لي الشيخة مفروض ما تعرفين بنفسج انتي رايحه تشرين كزبونه حالج حال اي شخص داخل ياخذ الي يبيه ويطلع .
وكان مفروض تعرفين وتحللين من نفسج كتاجرة انه لو عرفتي بنفسج للموظفين انه حد فيهم راح يوصل لصاحب المحل الكلام ..


اهو غلط صح في جيته للمحل وهالشيء ينحسب عليه وضده
بس العقليات في التجارة تختلف

في من
يؤمن بان الرازق هو الله سبحانه ومقسم الارزاق
وفي من يظن بانه لا يريد اي منافس له في مجاله


ولو نلاحظ يعني ومع احترامي للبعض يوم ينفتج محل ينفتحون جمبه الف محل نفسه ..
فنقول في خواطرنا ليش هالحسد وليش وليش بعكس البعض هذا بيكون مساعد له

فالله يوفق الجميع
ومن رآيي انج تنسين الموضوع ولا تحملين همه وانتي توج في بدايتج
لو بتاخذين على كلام العالم بتتعبين


النظره للخلف للتاجر تخسره خلي نظرتك للامام
وموفقه

[راعي الكورفت]

اعتقد هو مفكر انك تدخلين عليه عشان تتجسيسين على محله وتاخذين أفكاره ومنها الزبائن بيروحون لج بدل مايروحون له هههه

الصراحه ماعنده سالفه .
وانت حساسه لهذه الدرجه ونزلت موضوع عنه.

الأفضل تتجاهلينه وحتى لو تبيين تشتكيين عليه فالقانون مايقدر يسويلج شي .

[معماري قطري]

الخوف من المنافسة ونية نهب السوق والبشر

بس تدرين تحديه وارضي بربح قليل ونوعي من مصادر ثانية ولو خارجية وهذا اعتقد في الغالب يكون أفضل

[قطريه ماركه]

الله يعينج على هالسالفة صج شي ينرفز
المفروض يستانس انه بتكونين مصدر ربح له و يمكن تشترين كل الورد اللي من النوع اللي تدورينه من عنده
يعني رزق جديد جا له
لكن ما اعرف شلون فكر بالموضوع
!!

[دايموند]

سماع الشكوى من طرف واحد لايخدم هذا الموضوع،،،لابد من سماع الطرف الاخر ،،فربما يكون الطرف الاخر على حق

صح كلامك... وينه الاخ الي طردني انا مستعدة اسمعه

وانا متأكدة مليييون بالمية مافي سبب غير اني املك نفس نشاطه لا اكثر!!(للعلم ان المحل مش باسمي)

وعلشان تتأكد روح محله واشتر شي من عندهم وخبرهم انك صاحب محل ورد في الدوحه وارجع لهم مرة ثانية علشان تشتري راح يطردونك شر طردة



يا اخوان حسب ماسمعت عنه ان من قبل سنة او سنتين لما تم افتتاح محل ورد جديد ثاني مقابل محله بالضبط وقريييب جدا من محله خرج وعصب ودخل المحل الجديد وعاوش العمال وقالهم اشلون تفتحون محل قدام محلي وبنفس النشاط!! انا ماصدقت هالكلام لكن امس تأكدت انه فعلا انسان مريض


الحمدلله ان محلنا بعيييد عنه وعن شره وحسده.. الحمدلله والشكر على نعمة العقل بس...

[دايموند]

اعتقد هو مفكر انك تدخلين عليه عشان تتجسيسين على محله وتاخذين أفكاره ومنها الزبائن بيروحون لج بدل مايروحون له هههه

الصراحه ماعنده سالفه .
وانت حساسه لهذه الدرجه ونزلت موضوع عنه.

الأفضل تتجاهلينه وحتى لو تبيين تشتكيين عليه فالقانون مايقدر يسويلج شي .

اعتقد اعتقادك صح لكن لو ابي اتجسس جان ماعرفت نفسي على الستاف وقلت لهم عندي محل قبل لا شتري منهم !!
وحتى بادرت بالمساعدة قلت لهم اذا تبون شي او ناقصكم شي خبروني... طبعا هالجمله قلتها وانا طالعه من المحل المنحوس..

[شبح الصمت]

انزين ممكن سؤال !!

انتي ليش عرفتيهم بنفسج وانه عندج محل

ممكن نعرف شالمقصد من التعريف

[دايموند]

,

,


مرحبا

شكرا على عرض الموضوع


الاسلوب يضايق بلاشك وربما انتي ما تعرضتي لهكذا موقف سابق وهذا سبب تاثرك

كان من المفترض يكون الاسلوب احسن

انتي رايحه بحسن نيه تشترين شي وما يعلم النيات الا رب العالمين

و

هو يشوف انك ( منافس ) وجاي لمحله لهدف مافيه حسن نيه
ربما لمحاوله ( اخذ موظف مميز ) الى محلك دائما هذا هو الخوف الاكبر عن التاجر


مع اني احب ( المنافسه الشريفه ) بين التجار لانها مجال ( للابداع ) وتقديم المثير والجديد


(لاتاخذين الموضوع شخصي )
هذا خلاف وتصرف فيه تسرع وويفتقر الى الحكمه منه حول ( العمل ) او حول التجاره

فهذا الموقف ليس من شخص مهم بحياتك حتى ( يضايقك ) لهذي الدرجه

ربما ( سمع كلام ) سبب له هذا التسرع او ربما ( موقف سابق ) وهو في موقف
( الدفاع ) عن محله لانه احس بتكرار محاولتك لشي ( في نفس يعقوب )

هكذا ربما تفكيره


لايوجد ( قانون ) يمنعك من دخول المحل او الشراء منه

ولكن ممكن يتهمك بشي مثل محاوله سرقه موظفين او تقديم رشوه لهم ... الخ

هذا يحدث كثير بين التجار

نصيحتي
( تجاوزي ) هذا الموقف ولا ( يشغلك ) والموقف مجرد خلاف في ( تجاري )
لذلك دعي الخلاف هناك

ولا تحملينه معك في تفكيرك والموضوع ليس شخصي

وتجنبي الدخول لهذا المحل نهائيا وكلن ياخذ نصيبه


والحل

نفس راي الجودي

لو الموقف حصل معاي ( بتصل ) فيه واشرح له الموضوع من وجهه نظري
واحاول ازيل سوء الفهم واحاول افهم سبب الزعل حتى اتجنبه واوضح له واطمنه من مخاوفه
او ارسل حد من طرفي يتميز باللباقه وحسن الحديث يوضح له الموقف
واحنا مو محتاجين شي منه والله يوفقه
ويوفق الجميع



,

,

والله يا اخوي شموخ دايم ان بحسن نية .. يعني سابقا كان مسموح لي ادخل ومجرد ما صرت املك محل صرت غير مرغوب فيني

والله لو كلمني شخصيا جان رحبت فيه وشرحت له ان الي يفكر فيه غلط ..بس مو مايبي يسمع لو يبي يسمعني كان ماكلم الستاف ويقولهم هذا اخر انذار لها !! عيب هالكلام يطلع من ريال محترم
كان قالهم ابي اكلمها عطوني رقمها او ينتظرني اجيه او اي شيء بس امبين واضح انه مايبي السلام ناوي ع الشر...
وانا مثل ماقالوا بعض الاعضاء بطنش له لا اتصل له ولاشي لان بيغلط علي ..

هو مافكر اني يمكن اطلع اخت صاحبه او بنت صاحبه او زوجة صاحبه؟؟!!! انا فعلا مستغربة منه



الجشع ومايسوي

[مستـريــح البـــال]

معليه ، توج ماشفتي شي ، لا تشغلين بالج، وركزي على مشروعج، وردي عليه بأنج تاكلين سوقه بنظافة وعقل ودهاء وذكاء ..

يحاول يكسر مياديفج لا تسبقينه ..

الله يوفقج ..

[هداف]

صح كلامك... وينه الاخ الي طردني انا مستعدة اسمعه

وانا متأكدة مليييون بالمية مافي سبب غير اني املك نفس نشاطه لا اكثر!!(للعلم ان المحل مش باسمي)

وعلشان تتأكد روح محله واشتر شي من عندهم وخبرهم انك صاحب محل ورد في الدوحه وارجع لهم مرة ثانية علشان تشتري راح يطردونك شر طردة



يا اخوان حسب ماسمعت عنه ان من قبل سنة او سنتين لما تم افتتاح محل ورد جديد ثاني مقابل محله بالضبط وقريييب جدا من محله خرج وعصب ودخل المحل الجديد وعاوش العمال وقالهم اشلون تفتحون محل قدام محلي وبنفس النشاط!! انا ماصدقت هالكلام لكن امس تأكدت انه فعلا انسان مريض


الحمدلله ان محلنا بعيييد عنه وعن شره وحسده.. الحمدلله والشكر على نعمة العقل بس...



هذا بياع صفط وعوم الظاهر ودخيل على التجاره العصريه ,, وشكله بحركاته الصبيانيه هذي ما طاح في رجال يوقفه عند حده
البلد فيها قانون وحقج بكل سهوله تقدرين تاخذينه من خلال الشكوى عليه بدخوله المحل وهواش العاملين عندج والتهديد ,, يستدعونه
المركز وبيعرف حجمه الطبيعي ساعتها

[JN000N]

انزين ممكن سؤال !!

انتي ليش عرفتيهم بنفسج وانه عندج محل

ممكن نعرف شالمقصد من التعريف

شبح انا عرفت بنفسي لصاحبة المحل الي مقابلني
الشغل النظيف يخليك تكون نظيف بتعاملك وواضح وصريح
انا صاحب محل يزاول نفس نشاطك تقريبا محتاج منك مساعده في بعض الامور
وانا بدوري اكيد بساعدك لو احتجت وحتى لو قصروك عمال وعندك شغل ثقيل اكيد بتبرع لك بعامل يساعدك لاني وقت احتاجك بدور عليك انت الي نيتك زينه ونظيفه معاي
ف النهايه الكل لازم يحط في باله ان الارزاق من رب العالمين متوزعه
لو شنو يسوي لو ان شاء الله يجيب قرار من وزارة الاقتصاد ان ماينفتح غير محله ف المنطقه ف النهايه رزقه من الله مب من سواياه
صاحبة المحل يوم عرفت بنفسها حبت تكون صريحة وواضحه معاهم كتعاون بين محلين مب عشان شي ثاني ولو نستها شينه جان بالعكس بتدش بسكات وبتطلع بسكات بدون ماتقول هي من

[دايموند]

انزين ممكن سؤال !!

انتي ليش عرفتيهم بنفسج وانه عندج محل

ممكن نعرف شالمقصد من التعريف

تبي الصج بدون لف و دوران ...


لاني (غبية )

[دايموند]

هذا بياع صفط وعوم الظاهر ودخيل على التجاره العصريه ,, وشكله بحركاته الصبيانيه هذي ما طاح في رجال يوقفه عند حده
البلد فيها قانون وحقج بكل سهوله تقدرين تاخذينه من خلال الشكوى عليه بدخوله المحل وهواش العاملين عندج والتهديد ,, يستدعونه
المركز وبيعرف حجمه الطبيعي ساعتها

شكرا اخوي هداف على وقفتك معاي..

ربي فوق ويعلم بالنيات .. الله يسامحه بس...

[qatarman8008]

ليس من حقه التعامل باسلوب التهديد مع اي شخص ..
سواءا يدخل محلة او عنده نشاط مماثل او اي سبب اخر..
لا يوجد قانون صريح يعاقب على مثل هالتصرفات..
لكن كان المفروض انه تزفينه زف وانتي طالعة من محلة..

[دايموند]

شبح انا عرفت بنفسي لصاحبة المحل الي مقابلني
الشغل النظيف يخليك تكون نظيف بتعاملك وواضح وصريح
انا صاحب محل يزاول نفس نشاطك تقريبا محتاج منك مساعده في بعض الامور
وانا بدوري اكيد بساعدك لو احتجت وحتى لو قصروك عمال وعندك شغل ثقيل اكيد بتبرع لك بعامل يساعدك لاني وقت احتاجك بدور عليك انت الي نيتك زينه ونظيفه معاي
ف النهايه الكل لازم يحط في باله ان الارزاق من رب العالمين متوزعه
لو شنو يسوي لو ان شاء الله يجيب قرار من وزارة الاقتصاد ان ماينفتح غير محله ف المنطقه ف النهايه رزقه من الله مب من سواياه
صاحبة المحل يوم عرفت بنفسها حبت تكون صريحة وواضحه معاهم كتعاون بين محلين مب عشان شي ثاني ولو نستها شينه جان بالعكس بتدش بسكات وبتطلع بسكات بدون ماتقول هي من

شكرا قلتي الي ماقدرت اقووله...

جتى لو مايبي يتعاون هو حر بس حبيت اعرف عن نفسي علشان اكون واضحه ..اخاف فالمستقبل يدري ان عندي محل ويبلغ علي اني جاسوسة هههه





انا اقترح ع الاخ ان يحط لافتة كبيرة وعريضة ع محله ويكتب فيها

(((يمنع منعا باتا دخول اصحاب محلات الورد والشوكلت.. فهم غير مرحب بهم )))

[دايموند]

اكرمي نفسج وعزيها من هالاشكال التعبانه طنشي ولا تفتكرين هو نزل قدره اصلا بهالحركة
ولا عليج منه
فيه نقص وشاك في نفسه
وهو لو نيته كانت سليمه ما شكك ف اي واحد يدخل محله عنده نفس النشاط
ناسي ان الارزاق من عند الله مقسمه مب عليه
لايكون يحسب انج لما تروحين محله بتبوقين زباينه؟
ابدا ماله حق ف اللي سواه
واعلى مافي خيله خل يركبه
مافي قانون يمنع اي شخص عنده نشاط مشابه لنشاط شخص ثاني ان يدخل محله
وعساه ما يجوف من محلج الا اللي يقمته ويحره خله كل مره يدخل محلج ويحتر من اللي بيجوفه
والله يرزقج من اوسع ابوابه ان شاء الله

مشكوورة حبيبتي والله هذا الي بيصير بطنش له وبدعي ربي ياخذ حقي منه..

ليحين صامدة وماسكة دمعتي ...

[بومحمد المطاوعه]

تبي الصج بدون لف و دوران ...


لاني (غبية )

محشوومه

بس شكلج تبين تهايطين ههههههه

[مضارب دوسري]

مرحبا اختي الموضوع تم اضافة عليه بهارات من موظفي المحل ووصلوها لصاحب المحل
هذا توقعي من باب ايجاد عذر للاخ المسلم


اما رايي الشخصي ماعليج منه ولا تتصلين ولا تستفسرين منه
طنشيه


ماكان له داعي تظهرين لهم انج صاحبة محل بما انج دخلتي محله ككوستمر عادي كان شريتي بسعر اي زبون الا اذا كان قصدج انه يعطونج بسعر اقل من الزباين العاديين وهذا ممكن سبب المشكله



خذي الامور عادي وطنشي واذا بغيتي مثلا شي مش متوفر فالخور روحي للدوحه واشتريه

ولا تعطين الموضوع اي اهتمام

[دايموند]

ليس من حقه التعامل باسلوب التهديد مع اي شخص ..
سواءا يدخل محلة او عنده نشاط مماثل او اي سبب اخر..
لا يوجد قانون صريح يعاقب على مثل هالتصرفات..
لكن كان المفروض انه تزفينه زف وانتي طالعة من محلة..

هو جا محلي وهدد .. انا ليومكم ماشفته ولا اعرف شكله... العامل خبرني..

لا والله مازفه احس عيب .. احنا اعيال ديرة وحدة... اقسم بالله لو جاني فالمستقبل طلب مساعدتي ما ارده...

لكن شاقول الله كريم

والله امس من القهر كنت ناوية ارفع عليه قضيه ع التهديد والطردة و الاهانة والاذى النفسي.. بس تعوذت من ابليس مثل ما قال العضو شموخ دائم .. من هو لا اعرفه ولا يعرفني ليش اهتم له ...

[دايموند]

مرحبا اختي الموضوع تم اضافة عليه بهارات من موظفي المحل ووصلوها لصاحب المحل
هذا توقعي من باب ايجاد عذر للاخ المسلم


اما رايي الشخصي ماعليج منه ولا تتصلين ولا تستفسرين منه
طنشيه


ماكان له داعي تظهرين لهم انج صاحبة محل بما انج دخلتي محله ككوستمر عادي كان شريتي بسعر اي زبون الا اذا كان قصدج انه يعطونج بسعر اقل من الزباين العاديين وهذا ممكن سبب المشكله



خذي الامور عادي وطنشي واذا بغيتي مثلا شي مش متوفر فالخور روحي للدوحه واشتريه

ولا تعطين الموضوع اي اهتمام

اتفق معاك بهالنقطه كنت غبيه لما عرفت بنفسي..

لا والله لا طلبت دسكاونت ولاشي حالي حال الكاستمر البقيه..

[مضارب دوسري]

انزين عاد عطينا اسم محلج عشان اكون زبون دايم ولا تنسيني من الدسكاونت الطيب:rolleyes2:

[شبح الصمت]

شبح انا عرفت بنفسي لصاحبة المحل الي مقابلني
الشغل النظيف يخليك تكون نظيف بتعاملك وواضح وصريح
انا صاحب محل يزاول نفس نشاطك تقريبا محتاج منك مساعده في بعض الامور
وانا بدوري اكيد بساعدك لو احتجت وحتى لو قصروك عمال وعندك شغل ثقيل اكيد بتبرع لك بعامل يساعدك لاني وقت احتاجك بدور عليك انت الي نيتك زينه ونظيفه معاي
ف النهايه الكل لازم يحط في باله ان الارزاق من رب العالمين متوزعه
لو شنو يسوي لو ان شاء الله يجيب قرار من وزارة الاقتصاد ان ماينفتح غير محله ف المنطقه ف النهايه رزقه من الله مب من سواياه
صاحبة المحل يوم عرفت بنفسها حبت تكون صريحة وواضحه معاهم كتعاون بين محلين مب عشان شي ثاني ولو نستها شينه جان بالعكس بتدش بسكات وبتطلع بسكات بدون ماتقول هي من



بقولج االبعض يمكن يفكر
كان مفروض اذا تبي تعاون ما تعرف نفسها للموظفين
تطلب مقابلته او تاخذ رقمه وتكلمه

اهو اشلون بيحسبها او غيره انها تبي موظفينه وعندها محل في بعض الناس يفكرون جذيه
انها جايه تعرف بنفسها ومحلها عشان يعرفون
ويمكن اهي تعطي رواتب وامتيازات اخرى

[شبح الصمت]

تبي الصج بدون لف و دوران ...


لاني (غبية )

محشومه

والواحد يتعلم في هالدنيا
وكلنا معرضين للخطأ

الله يوفقج

[دايموند]

محشوومه

بس شكلج تبين تهايطين ههههههه

تهقى ههههههه يمكن ....عاد خل المفوشر ينفعني احين ههههههه

لا والله انا اخدم القريب والبعيد .. واخدم الغريب بكل رحابة صدر.. الحمدلله المحلات الي جنبنا محترمين جدا وكلنا ع يد وحة وعلاقتنا حلوة وسمعة محلي مع المحلات الثانية ممتازة .. الحمدلله..

[بومحمد المطاوعه]

تهقى ههههههه يمكن ....عاد خل المفوشر ينفعني احين ههههههه

لا والله انا اخدم القريب والبعيد .. واخدم الغريب بكل رحابة صدر.. الحمدلله المحلات الي جنبنا محترمين جدا وكلنا ع يد وحة وعلاقتنا حلوة وسمعة محلي مع المحلات الثانية ممتازة .. الحمدلله..

هههههههههه

الله يعطيج على قد نيتج
وجزاج الله خير على خدمتج

[بعيد النظر]

عسى الله يوفقج .. وهذي هي التجارة ..
غير الربح والخسارة والتخطيط .. تطلعلج سوالف من تحت الأرض !
ومصاريف ومشاكل ما كنتي حاسبتلها أي حساب !


والأكيد ان كل تاجر مرت عليه سوالف مثل ذي او غيرها !


المشكلة الوحيدة ان هالنوعية من البشر تحتاج ردع .. عشان ما تمادى !!
يعني شلون يهدد !!!! ومن هو أصلا عشان يهدد !!!


القسمة والرزق من رب العالمين .. والحمدلله انه مب فـ يد العباد !
والله يكتبلج الخير .. ولا تضايقين نفسج ولا تفتكرين ..
صراحة انا تضايقت بمجرد اني حطيت نفسي مكانج !! ولا تقولين غبية انج عرفتي بنفسج !


كلت في مطعم من أسبوعين برع البلاد .. وعجبني شي عندهم بس ناقصه إضافة بسيطة ..
كلمت اللي في المحل وقلتله ابي اكلم راعي المطعم قالي انا راعي المطعم .. قلتله عن سررر بسيط جدا" يحسن من منتج عنده ..
والريال ما عجبه وحسب اني اتفلسف .. بس يوم قلتله ان عندي بزنس في بلادي بنفس نشاطه رححححبب .. وخذ الموضوع بجدية ..
لدرجة دخلني المطبخ عنده وكلمت الشيف وثاني يوم رحتله اجرب اللي قلتله عليه وكان جدا" مبهور بالنتيجة !


وعرض علي افضل منتج من عنده والخلطة كااااملة !! وشكرني ..
فـ كل واحد يتصرف بطبيعته وانا ما بغيت الا اني اساعده في شي لان مطعمه جمييل ومتعوب عليه !

[Riku3]

كلن يرى الناس بعين طبعه .. شكله هو يستخدم اساليب رخيصة ضد التجار الي حوله فيعتقد ان الكل رخيص مثله ..

لو انا مكانج اروح المركز اقدم شكوى عليه .. مجرد ورقة قد تحتاجينها لو تكرر الموضوع لاثبات ان الطرف الثاني عليه سوابق ضدج ..

الدولة فيها قانون مب من حقه يجيكم يصارخ ويهدد .. شنو بعد الصراخ يعني ؟ بيتهجم على الموظفين مثلاً ؟ .

[BoFahed]

كلن يرى الناس بعين طبعه .. شكله هو يستخدم اساليب رخيصة ضد التجار الي حوله فيعتقد ان الكل رخيص مثله ..

لو انا مكانج اروح المركز اقدم شكوى عليه .. مجرد ورقة قد تحتاجينها لو تكرر الموضوع لاثبات ان الطرف الثاني عليه سوابق ضدج ..

الدولة فيها قانون مب من حقه يجيكم يصارخ ويهدد .. شنو بعد الصراخ يعني ؟ بيتهجم على الموظفين مثلاً ؟ .

اخوي كل واحد يتصرف على طبيعته فيه العصبي وفيه العاقل وفي اللي ما يتاثر كلش

بس ما تعرف شنو الظروف او شنو قالوله العمال عن اختنا ؟؟؟ بعضهم يسوي افلام علشان يطلع بطل قدام معزبه وانه يحافظ على الشغل


مثل ما تفضلوا الاخوان الاحتمالا الاكبر انه فهم الموضوع غلط وانها جايه تسحب عليه الموظغين وتجسس على شغله ويا ما تصير في البزنس ويا ما عالم تضررت من هالشي وصار تخصص عندنا للاسف الواحد يتعب ويعلم ويتحمل عماله كم سنه ولما يفهم الشغل يجي واحد بفرق بسيط ياخذ عماله جنه العيد

[فيصل99]

السلام عليكم

المفروض ياختي صح انتي دخلتي بحسن نيه وعرفتي نفسج المفروض ماتعرفين نفسج ودام صاحب المحل ماكان موجود يوم دخولج المحل فمعناته موظفين المحل وصلوا الكلام لصاحب المحل وماتدرين شقالوا له زادوا من الكلام ولا نقصوا منه المموظفين .

فبناءاً عليه اخذي الموضوع بنفس راضيه لاتوقفين عند كل نقطه وكلام يستوي ولو انه ماله وجه حق يدخل المحل ويهدد لكن انتي احسني الظن انه ممكن العمال وصلوا له كلام عن الزياره ولاتاخذين موقف شخصي لانه مايعرفك ولاتعرفينه وطولي بالك .

[دايموند]

اشكر كل من شارك وابدا رايه وساندني وهون علي ..والله ارتحت اشوي..والله من امس ماكلت من الضيقه.. اللحين بروح آكل

ماقصرتوا ...


اما بخصوص البعض الي يقول يمكن العمال قالوا له شي.. يمكن ؟! لكن اليوم بيبين ان شاء الله وانا متاكده مافي سبب غير ان اني املك نشاط ممثال لمحله فقط لاغير.. لكن نشوف

[BoFahed]

اشكر كل من شارك وابدا رايه وساندني وهون علي ..والله ارتحت اشوي..والله من امس ماكلت من الضيقه.. اللحين بروح آكل

ماقصرتوا ...


اما بخصوص البعض الي يقول يمكن العمال قالوا له شي.. يمكن ؟! لكن اليوم بيبين ان شاء الله وانا متاكده مافي سبب غير ان اني املك نشاط ممثال لمحله فقط لاغير.. لكن نشوف
اختي انتي ما شفتي شي

انا فتحت نشاط تجاري ولله لو اقولج شنو الافلام والنصب والاشكال اللي احصلها يوميا بمشي بسرول وفانيلة بنص الشارع هههههه

هذي التجارة ومب سهلة كلش