:: خبـر / منــع العبــاءة في مــدارس البنــات ::

[Charisma]

السلام عليكم ورحمة الله وبركاته







http://www.raya.com/File/GetImageCustom/cb3b52dc-9c28-4fa3-b38d-a3a69a7242df/315/235







منقول من جريدة الراية اليوم .






الدوحة - الراية : بدأت إدارات مدارس البنات في مطالبة المعلمات والإداريات بمنع ارتداء العباءة داخل المدرسة اعتبارا من أكتوبر المقبل.

وأكدت الإدارات أن ذلك يأتي في إطار تنفيذ تعليمات الأستاذة فوزية الخاطر مديرة هيئة التعليم بالوزارة خلال اجتماعها مع المديرات.

[الماريّة]

مرحبتين اخوي كاريزما

الموضوع عادي جدا احنا من عرفنا المدارس والمدرسات
بدون عبايات مافيها شي ولاتنسى انها تعيق الحركه اكثر

وفي حال لما يدخل عليهم اي رجال اكيد ببلغونهم قبلها عشان يتغطون
فانا اشوف انه عادي جدا

ومرحبا بك اخوووي

/
/

[JN000N]

احسن
لان معظم المخالفات والبلاوي تحت العباه
خلهم بدون عباه دامنهم داخل الحرم المدرسي ومافي رياييل
وطبيعي لما يكون في رياييل بيبلغونهم

[Dana’1]

اساسا ليش العبايه وهن داخل وكلهن نساء؟!!

[يمامـة]

اساسا ليش العبايه وهن داخل وكلهن نساء؟!!

صباح الخير من بدري

سؤالج جدا حلو..

العباءة مب مطلوبة في مدارس البنات.. لكن في المدارس النموذجية اللي النساء فيها يدرسون
الأولاد العباية مطلوبة.. وخاصة ان الأولاد من عمر سبع سنين يميزون و ( يقزون ويخزون بعضهم)
غير ان بعضهم يدخل سن البلوغ وهو بعده في مدرسة يدرسونه نساء لأنه يرسب او هرموناته نشطة.
قلنا بعضهم..
فمن جذيه يا ديور لجأت كثيرات الى حجب اجسادهن من عيون "هالاطفال" بالعباءة وهذا حق مشروع لهن..

في الوقت اللي في مدرسات ما يعرفون لبس محتشم في حضرة هالاولاد
( شفنا بعيوننا) علشان لحد يقول اشلون وليش واشحقى!!
من تنانير ضيقة وبلايز مزررة وراصة او ملابس رياضة لمدرسات الرياضة..

هالملابس ما تتناسب في مدارس النساء يدرسون فيها أولاد وممكن الواحد فيهم يصير عمره
10 او 12 اووهو بعده يدرس عندهم..

الا اذا الطالب في المدارس النموذجية ما عاد يدرس فيها الا للصف الرابع اهنيه ممكن
نتجاوز اشوي مب وايد.. اشوية بس..

[Dana’1]

صباح الخير من بدري

سؤالج جدا حلو..

العباءة مب مطلوبة في مدارس البنات.. لكن في المدارس النموذجية اللي النساء فيها يدرسون
الأولاد العباية مطلوبة.. وخاصة ان الأولاد من عمر سبع سنين يميزون و ( يقزون ويخزون بعضهم)
غير ان بعضهم يدخل سن البلوغ وهو بعده في مدرسة يدرسونه نساء لأنه يرسب او هرموناته نشطة.
قلنا بعضهم..
فمن جذيه يا ديور لجأت كثيرات الى حجب اجسادهن من عيون "هالاطفال" بالعباءة وهذا حق مشروع لهن..

في الوقت اللي في مدرسات ما يعرفون لبس محتشم في حضرة هالاولاد
( شفنا بعيوننا) علشان لحد يقول اشلون وليش واشحقى!!
من تنانير ضيقة وبلايز مزررة وراصة او ملابس رياضة لمدرسات الرياضة..

هالملابس ما تتناسب في مدارس النساء يدرسون فيها أولاد وممكن الواحد فيهم يصير عمره
10 او 12 اووهو بعده يدرس عندهم..

الا اذا الطالب في المدارس النموذجية ما عاد يدرس فيها الا للصف الرابع اهنيه ممكن
نتجاوز اشوي مب وايد.. اشوية بس..


اي صحيح اعرف مدرسات بالنموذجيه يلبسون والسبب الطلاب الكبار وهالشي طبيعي


بس انا اقصد مثل الي بالخبر كلهم بنات ؟!

[يمامـة]

اي صحيح اعرف مدرسات بالنموذجيه يلبسون والسبب الطلاب الكبار وهالشي طبيعي


بس انا اقصد مثل الي بالخبر كلهم بنات ؟!

اوه طلع الخبر في مدارس البنات!!.....> بردون ما انتبهت..

احتمال بعضهم مب قطريات.. وتوفر ثمن الملابس بلبس عباية وحدة..

وبصراحة شنهو المعيب في لبس العباية في مدارس البنات؟

القرار بحد ذاته مب مفهوم وليش المنع.. شلي بيفرق لو البست عباية او البست جلباب
او البست جلابية ؟

الا اذا لبس العباية فيه بهرجة واشكال و موديلات ( يمكن اهنيه نفهم سبب المنع)!!

[Dana’1]

اوه طلع الخبر في مدارس البنات!!.....> بردون ما انتبهت..

احتمال بعضهم مب قطريات.. وتوفر ثمن الملابس بلبس عباية وحدة..

وبصراحة شنهو المعيب في لبس العباية في مدارس البنات؟

القرار بحد ذاته مب مفهوم وليش المنع.. شلي بيفرق لو البست عباية او البست جلباب
او البست جلابية ؟

الا اذا لبس العباية فيه بهرجة واشكال و موديلات ( يمكن اهنيه نفهم سبب المنع)!!

لا هو مو عيب ولا حرام بس اتسائل ليش!

وإذا عاللبس يقدرون يحطون قرارات زي ماهم حاطين قرارات للطالبات
بلبس له شروط معينه والوان محدده سهالات

[وجه السعد 2]

العباية أستر و أوفر ماديا و منعها تعدي على حق طبيعي للمرأة

[يمامـة]

لا هو مو عيب ولا حرام بس اتسائل ليش!

وإذا عاللبس يقدرون يحطون قرارات زي ماهم حاطين قرارات للطالبات
بلبس له شروط معينه والوان محدده سهالات

تبقى الإشكالية في القرار.. ان الهدف منه مب معروف

قد تكون هناك أسباب لمثل هالقرار.. ولحين الكشف عنها

ابدي استغرابي لمنع المدرسات من لبس العباءة في مدارس البنات!!!

[بانغ بانغ]

الله يعينهن المدرسات

اكن لهن كل الاحترام صراحة

[JN000N]

وصلت في مدرسات انهم يروحون المدرسه ببجامة تحت العباه
وتقولون ستر ؟
شدخل الستر وهي تشتغل بين حريم مافي ريال بينهم
اذا المجال بينفتح علايات
عيل حتى الطالبات خل يقعدون بعباياتهم ما ياثر حالهم حال بنات الجامعه :)

[ضوى]

ماعندهم سالفه صج تدخل سافر في حريات الاخرين ، هذي تعدي واجتراء ، مالهم حق بهالقرار ، عسى ماشر بشنو تعيق العبايه العمليه التعليميه او حتى التربويه ، يبي لهم الشيخه المياسه وكلامها القوي عن الزي القطري واشلون الكل يقدر يبدع في زيه الوطني

[مختلفة عقليا]

السلام عليكم

يعني عندهم قرارات وانظمه فهمتوا !!

استحوا على ويهكم التعليم يبيله اعاده جدولة وانتوا اتفكرون بالملابس .,

عاد الوحده كيفها تلبس عباية والا غيرها دام الملابس ستيره نعممممم !!

والله شر البلية مايضحك .,

يسلموو

[بومحمد المطاوعه]

ولو صار حريق ,,.؟

بيقولون حق النار صبر حبيبي لاتولع
بلبس عبايتي وبشرد وعقب احرق الي تبيه




قرار تخلف وغبي

[JN000N]

ولو صار حريق ,,.؟

بيقولون حق النار صبر حبيبي لاتولع
بلبس عبايتي وبشرد وعقب احرق الي تبيه




قرار تخلف وغبي

والحريق عالمدرسات بس والطالبات اللي عباياتهم ف الشنط واللواكر يحترقون او يطلعون سفور صح؟
ماله خص
اذا جذي حتى الزي المدرسي ماله داعي
خلاص خل كل حد يلبس الي يبيه ويتمون بعباياتهم وكيفهم تحت العباه شيلبسون

[Dana’1]

ولو صار حريق ,,.؟

بيقولون حق النار صبر حبيبي لاتولع
بلبس عبايتي وبشرد وعقب احرق الي تبيه




قرار تخلف وغبي

اظن الحريق بيكون فيه حكم الضرورات
واكيييد الاخوات بيحرصن على تغطية انفسهن

[موظف ((حكومي]

يمكن تكون من داعش لي تحت العباءه

[بومحمد المطاوعه]

يمكن تكون من داعش لي تحت العباءه


هههههههههههههههههههه

[بومحمد المطاوعه]

والحريق عالمدرسات بس والطالبات اللي عباياتهم ف الشنط واللواكر يحترقون او يطلعون سفور صح؟
ماله خص
اذا جذي حتى الزي المدرسي ماله داعي
خلاص خل كل حد يلبس الي يبيه ويتمون بعباياتهم وكيفهم تحت العباه شيلبسون

اشدخل على المدرسات
اتكلم بشكل عام ,,

العباءه ستر لهم
شنو لبسو تحت العباه مب اكثر ستر من العباءه

لو صار شي لاسمح الله من حريق او اي شي على الأقل يطلعون جدام الرجال مثل ما هم متربين عليه
الي طالعه من بيتها بدون عباءه كيفها
ولكن مايجبرون البنات الي متربين على العباءه ان تفصخ عبايتها

هذي قرار غبي الصراحه يبون الناس على هواهم

ان شاءالله مايتطبق وينلغي القرار

[بومحمد المطاوعه]

اظن الحريق بيكون فيه حكم الضرورات
واكيييد الاخوات بيحرصن على تغطية انفسهن

اي مب حلوه يطلعون جدام الرجال بدون عباه لو صار حريق لاسمح الله او اي سبب ويخلون المكان في اسرع وقت

[الماريّة]

حتى في الدوام قسم خاص سيدات ومحد يدش علينا
عادي نتم بدون عباياتنا وبالعكس لما تكون الوحده مترتبه بلبس والوان تفتح النفس
تستقبل يومها بنشاط وحيويه عكس الي دايم قاعده بلون اسود اللون بروحه يجيب الاكتئاب

ومن الله خلقنا وكل مدارسنا من سنييييييييييين من ايام الطيبين والمدرسات والمديره محد يتم بعبايته
وماصارت مشاكل

بالعكس كنا نستانس على الابله تجي كاشخه والوانها زاهيه

اقول الله على ايام حجاب الحرير الي يربط من ورى تذكرت ابلاتي :shy:

[بريق الحق]

اتوقع بسبب انتشار الستاره ( اقصد العبايه بو الوان )
الحريم ادرى في هذا الامور مالنا شغل

[بومحمد المطاوعه]

اتوقع بسبب انتشار الستاره ( اقصد العبايه بو الوان )
الحريم ادرى في هذا الامور مالنا شغل

ينزلون قرار ممنوع العباءه البهلوانيه

الي ملونه وخرابيط

تكون عباءه ساده وخلاص


اما الغاء العباءه بأكملها
هني مشكله

[الماريّة]

اي مب حلوه يطلعون جدام الرجال بدون عباه لو صار حريق لاسمح الله او اي سبب ويخلون المكان في اسرع وقت


بومحمد عند الحريق الله يكفينا الشر من الي عاده بتذكر الستر
والرجال الكفو هو الي بغطي الشوفه بغترته في مثل هالحاله

الله يحفظ المسلمين

[بومحمد المطاوعه]

بومحمد عند الحريق الله يكفينا الشر من الي عاده بتذكر الستر
والرجال الكفو هو الي بغطي الشوفه بغترته في مثل هالحاله

الله يحفظ المسلمين

صدقتي
بس لو العبائه عليهم بيكون وضعهم غير عن وضع بدون عباءه

بس وين الكفو الحين من بعض الرجال .,؟
الا من رحم ربي

غير الي بتشوفين من البعض يصور سناب والكيمرات شغاله عليهم

الحين تشوفين جثث على الأرض والبعض ينزل ويصور

لو شفتي نسوان يركضون مابتشوفين في ناس بيصورون

الله يستر علينا وعليهم بس

[JN000N]

اشدخل على المدرسات
اتكلم بشكل عام ,,

العباه ستر لهم
شنو لبسو تحت العباه مب اكثر ستر من العباه

لو صار شي لاسمح الله من حريق او اي شي على الأقل يطلعون جدام الرجال مثل ما هم متربين عليه
الي طالعه من بيتها بدون عباه كيفها
ولكن مايجبرون البنات الي متربين على العباه ان تفصخ عبايتها

هذي قرار غبي الصراحه يبون الناس على هواهم

ان شاءالله مايتطبق وينلغي القرار

شدخل بومحمد
ركز الله يخليك
هي رايحه حرم مدرسي مكان مستر فيه بس حريم طالبات ومدرسات
رايحه بعباتها ماقالو طلعو من بيوتكم بدون علايات
تروح وتدخل تفصخ عبايتها وتنارس تدريسها لين خلص الدولم تلبسها وتطلع
حالها حال الطالبات اللي لهم مثل اللي على المدرسات
ليش المدرسه تتم بعباتها عادي والطالبه لا؟
خلاص ليش صج في زي موحد ؟
يخلون القرعه ترعه وكل واحد يلبس ع كيفه تحت العباه وفالنهايه العباه ساتره صح ؟ :)

[العنيده]

هو لو تكلمنا بصراحه هي حريه شخصيه خصوصا اذا ماكانت عبايات اعراس او مبالغ فيها ..
بس لو جينا للنفسيه الالوان حلوه داخل المدرسه للكل المدرسات والطالبات .. يعني مكان مسكر حلو ياخذون راحتهم بقوانين بس بعد نرد ونقول
حريه شخصيه اذا مااثر في الشغل

[بومحمد المطاوعه]

شدخل بومحمد
ركز الله يخليك
هي رايحه حرم مدرسي مكان مستر فيه بس حريم طالبات ومدرسات
رايحه بعباتها ماقالو طلعو من بيوتكم بدون علايات
تروح وتدخل تفصخ عبايتها وتنارس تدريسها لين خلص الدولم تلبسها وتطلع
حالها حال الطالبات اللي لهم مثل اللي على المدرسات
ليش المدرسه تتم بعباتها عادي والطالبه لا؟
خلاص ليش صج في زي موحد ؟
يخلون القرعه ترعه وكل واحد يلبس ع كيفه تحت العباه وفالنهايه العباه ساتره صح ؟ :)

بعض المدارس اولياء الأمور يدخلون ويقابلون المديره
وغير هذي في بعض الاحيان عمال يدخلون

شوضعهم هني بيكونون ,.؟

مب مشكله القرار لو قلنا تطبق وصار
وفي مدرسات مايبون يفصخون العباءه
شنو بيكون وضعهم ,..؟
الفنش يعني

يعني لازم تفصخون العباءه علشان تداوم مثل الأوادم

هذي قرار عدل يعني تشوفينه ,...؟

[بومحمد المطاوعه]

متى بنسمع بقرار

الصروال والفانيله :nice:
هههههههههه

يمكن بعد 2022

[الحاقول]

منع العباءة في مدارس البنات

الدوحة - الراية:
بدأت إدارات مدارس البنات في توجيه تعميمات للمعلمات والإداريات بمنع لبس العباءة داخل المدرسة اعتباراً من أكتوبر المقبل.

وأكدت مصادر لـ الراية أن تلك التعميمات تأتي تنفيذاً لتوجيهات الأستاذة فوزية الخاطر مديرة هيئة التعليم بالوزارة خلال اجتماعها بمديرات المدارس بعدم ارتداء المعلمات أو الإداريات العباءة والاكتفاء بارتداء الملابس المحتشمة نظراً لأن مجتمع مدارس البنات من الإناث الأمر الذي لا يستدعي لبس العباءة.

وكان عدد من المواطنين قد انتقدوا مؤخراً على موقع التواصل الاجتماعي تويتر توجيه إحدى مديرات المدارس المعلمات والإداريات عبر تعميم داخلي بحظر ارتداء العباءة في مدارس البنات والاكتفاء بارتداء الزي المحتشم




http://www.raya.com/news/pages/9e9603f4-5743-47f0-a24d-4118c67906f4

[الماريّة]

بعض المدارس اولياء الأمور يدخلون ويقابلون المديره
وغير هذي في بعض الاحيان عمال يدخلون

شوضعهم هني بيكونون ,.؟

مب مشكله القرار لو قلنا تطبق وصار
وفي مدرسات مايبون يفصخون العباءه
شنو بيكون وضعهم ,..؟
الفنش يعني

يعني لازم تفصخون العباءه علشان تداوم مثل الأوادم

هذي قرار عدل يعني تشوفينه ,...؟



حتى لو دخلوا اولياء الامور مب معقوله بدرعمون سيدا

لازم يبغلون المدرسات قبل يلبسون عباياتهم

شفيكم مصعبين كل شي

[JN000N]

بعض المدارس اولياء الأمور يدخلون ويقابلون المديره
وغير هذي في بعض الاحيان عمال يدخلون

شوضعهم هني بيكونون ,.؟

مب مشكله القرار لو قلنا تطبق وصار
وفي مدرسات مايبون يفصخون العباءه
شنو بيكون وضعهم ,..؟
الفنش يعني

يعني لازم تفصخون العباءه علشان تداوم مثل الأوادم

هذي قرار عدل يعني تشوفينه ,...؟

استغفر الله
بومحمد انت تقرا الردود والقرار عدل
قلنا وقت وجود رجال بتلبس عباتها مش ممنوعه ماتلبسها
لكن حسستوني الحرم المدرسي النسائي اربع وعشرين ساعه كله رياييل
ترى كله حريم ونادر وجود الرجال ومايدخل لا عامل ولا ريال الا وعن دالموظفات خبر
حتى الطالبات يبلغونهم ان في عمال

ترى القرار ما طلع عبث والله
نقول لك في مدرسات يداومون ببجامات
مدرسات لبسهم فاضح تحت العباه من تخطي شوي طلعت الساق
مدرسات بمزلط تحت العباه لين دخلت مكتبها فصخت عباتها وقعدت ولين بتطلع الممر والصف لبستها
كلش مافي احترام للوظيفه الي هم يمثلونها
اشغل المدرسه شغل حساس كونه تربوي وتعليمي
هي تعلم البنات عالمبادىء والقيم قبل التعليك الاكاديمي نفسه
لما تجيني مدرسه مبهدله شكلها مش مهتمه يايه زين منها غسلت وييها ولابسه عباتها ع بجامه تادي الي عليها عن العين والنفس وتروح عشان الراتب الظاهر بس
والا اتييني مدرسه بجنز مشقق تحت العباه وكاشخه لان بتستاذن وراها مشوار زياره وبترجع
والا اتييني مدرسه مادري شلابسه تحت عباتها والطالبات يجوفون ويعرفون
هل هي قدوة حسنه لهم والا لا
ليش هالقرارات ماطلعت من قبل اكثر من خمسين سنه
امهاتنا درسو وماكانو يابسون عبايات
تنوره وقميص وبعضهم جلابيات بعد ولبسهم وسيع وساتر وبعضهم مع التنوره والقميص حجاب ماتفصخه
محد قالهم شي
الحين ما طلع هالقرار الا وانتشر موضوع العبايه والاستهزاء باللبس الخاص بالوظيفه او ممارسه الوظيفه بلبس عدل

[بومحمد المطاوعه]

حتى لو دخلوا اولياء الامور مب معقوله بدرعمون سيدا

لازم يبغلون المدرسات قبل يلبسون عباياتهم

شفيكم مصعبين كل شي

مش مصعب كل شي

انا شاركت ولي حق في المشاركه
واقول رايي

قلت رايي وتكلمت فيه واعتقد وايد افكار تتضارب مع افكاري

في ناس عادي عندهم بدون عباءه وشفنا في المجمعات بعد

وفي ناس مايرضون يشلون عبايتهم

[راعي الكورفت]

صرنا مثل فرنسا :(

[الماريّة]

صرنا مثل فرنسا :(

لا اخوي باذن الله احنا مهب مثل فرنسا
فرنسا تمنع الحجاب الاسلامي في الاماكن العامه

والخبر هني منع العبايه في مكان مخصص لنساء فقط

[قطريه ماركه]

احسن لا يلبسوون عبايات داخل المدرسة

يتكشخوون و يلبسون الوان تفتح النفس للطالبات :victory:

[معماري قطري]

اساسا ليش العبايه وهن داخل وكلهن نساء؟!!

كلهن نساء هذي تحتها مليون خط أحمر

بشوف عيوني وذكرت هالسالفة قبل في سنة 1993 .. كنت توني خريج جديد ومتزوج أثناء الدراسة وزوجتي مدرسة وكنت اوصلها مع بداية المدرسة لعدم وجود سائق .. وذاك الوقت لا بليب عندي والجوال كان مب معروف وتلفون السيارة بعيد عن بوزي

المهم كانت أول أيام الدوام والطالبات للحين ما داموا .. جيت 9 على الموعد وانتظر محد طلع وأشوف رجال واقفين ينطرون عند الباب .. شوي واشوف هنود ومصريين شايلين عدة شغل وبايبات يدخلون .. قلت في نفسي ذيلا رجال ويدخلون ليش ما ادرعم وراهم .. واتعمق لين وصلت عند مدخل الساحة وكنت ناوي اكمل .. والله وحدة تمشي تدخل بين العمال قاطعة من جهة لجهة لا عباية ولا شيء والشعر ظاهر وكأن العمال قطع أثاث أو زراعة في الحديقة .. هم يشمون عطرها وهي تشم روائحهم .. التفت شوي والا هذا القطري المدجج بالغترة والعقال ولو عامل لابس غترة وعقال كان صارت نفس الحالة

تمت تصارخ وتستنجد رجال رجال .. شوي الا طلعت لي ذيك العاملة heavy duty لو تضرب تايسون بقس طيحته .. ايه انت شمدخلك هنيه؟ قلت ام عيالي عندكم وانا مرتبك بس ما ادري شلون جاتني شجاعة .. قالت لي شسمها وعطتني أوامر بالخروج الفوري وطلعت زوجتي تقول شسويت فيني فضحتني في المدرسة .. قلت شفت رجاجيل داخلين قلت وراهم

صدقوني ما بالغت

في الأخير العباية ستر ولازم تزول هذي الأُمور وألحين السكيورتية يحسبونهم إخوانهم داخلين وطالعين وبعد بدون عبي اللي في المدرسة هذي بتكون صج قواة عين

[بومحمد المطاوعه]

عندي يقين وبأذن الله ان القرار
بيتزحف وبينلغي


مب على كيفهم يبون يفصخون النسوان وسط النسوان

في نساء مايفصخون عباياتهم عند الحريم وخاصه هالزمن زمن فتن

حسسونا ان مافي شياطين وسط الحريم
علشان ينزلون هالقرار

بعض الحريم والعياذ بالله بين بعضهم ويتواكلون ف بعض

[شيزكيك]

السلام عليكم

بدلوا بدلوي ترى طول عمرنا كنا ندرس في المدارس الحكوميه من غير عبايات يعني الوضع عادي جدا واذا في عمال يعلنون في المايكرفون اييد العبايه حق الي يدرسون في مدارس النموذجيه

[لبيبة]

وعليكم السلام ورحمة الله وبركاته،

من حق الوزارة فرض زي محدد للطالبات والمعلمات والاداريات،

بحكم انهم يداومون في منشأة تعليمية تابعة للوزارة،

ولكن لين جينا لحيثيات القرار ومحاولة فهمه،

اشوفه انه قرار ما يراعي جميع الفئات،

ومن الواضح انه مرتجل ووليد اللحظة،

وغير مدروس ولم تتم صياغته بشكل عادل وكامل،

ولو حبوا يراجعون انفسهم في القرار،

ويعدلونه بحيث يتم إلزام الجميع باللبس المحتشم،

سواء كانت بعباية او بدونها،

وان حبت تلبس العباية تكون ملتزمة بلبس محتشم لائق غير قصير وبدون بنطلون تحت العباية،

وجذي بيكون القرار منصف ويراعي جميع الفئات.

[بومحمد المطاوعه]

استغفر الله
بومحمد انت تقرا الردود والقرار عدل
قلنا وقت وجود رجال بتلبس عباتها مش ممنوعه ماتلبسها
لكن حسستوني الحرم المدرسي النسائي اربع وعشرين ساعه كله رياييل
ترى كله حريم ونادر وجود الرجال ومايدخل لا عامل ولا ريال الا وعن دالموظفات خبر
حتى الطالبات يبلغونهم ان في عمال

ترى القرار ما طلع عبث والله
نقول لك في مدرسات يداومون ببجامات
مدرسات لبسهم فاضح تحت العباه من تخطي شوي طلعت الساق
مدرسات بمزلط تحت العباه لين دخلت مكتبها فصخت عباتها وقعدت ولين بتطلع الممر والصف لبستها
كلش مافي احترام للوظيفه الي هم يمثلونها
اشغل المدرسه شغل حساس كونه تربوي وتعليمي
هي تعلم البنات عالمبادىء والقيم قبل التعليك الاكاديمي نفسه
لما تجيني مدرسه مبهدله شكلها مش مهتمه يايه زين منها غسلت وييها ولابسه عباتها ع بجامه تادي الي عليها عن العين والنفس وتروح عشان الراتب الظاهر بس
والا اتييني مدرسه بجنز مشقق تحت العباه وكاشخه لان بتستاذن وراها مشوار زياره وبترجع
والا اتييني مدرسه مادري شلابسه تحت عباتها والطالبات يجوفون ويعرفون
هل هي قدوة حسنه لهم والا لا
ليش هالقرارات ماطلعت من قبل اكثر من خمسين سنه
امهاتنا درسو وماكانو يابسون عبايات
تنوره وقميص وبعضهم جلابيات بعد ولبسهم وسيع وساتر وبعضهم مع التنوره والقميص حجاب ماتفصخه
محد قالهم شي
الحين ما طلع هالقرار الا وانتشر موضوع العبايه والاستهزاء باللبس الخاص بالوظيفه او ممارسه الوظيفه بلبس عدل

والله ياجنون المحترمه والي متربيه عدل مابتروح بلباس فاشل
ومزلط وخرابيط

علشان الدوام يربيها ويسنعها ويلبسها عدل

اخلاقها واحتشامها وتربيتها اهي الي بتلبسها عدل

ماجات على قرار علشان يتسنعون العويات

[حمد بن سعد]

لو يهتمون في موضوع الانصراف ان اشوفه ابرك ربع ساعه بس والله مانبي اكثر وحده وربع الطلعه .

من يوافقني

[JN000N]

والله ياجنون المحترمه والي متربيه عدل مابتروح بلباس فاشل
ومزلط وخرابيط

علشان الدوام يربيها ويسنعها ويلبسها عدل

اخلاقها واحتشامها وتربيتها اهي الي بتلبسها عدل

ماجات على قرار علشان يتسنعون العويات

معليه
بعد ما ننكر ان حطو هالقرار عشان هالفئه الي بدت تنتشر
كل سنه تزيد فيهم كذا وحده
والا على ايام امهاتنا شحليلهم مدرساتنا ماكان جي لبسهم حتى ابله الرياضه محترمه نفسها بتنوره وقميص تفصخهم وتلبس لبس الرياضه وقت الحصه
الحين لبس مدرسات الرياضه بروحه يبيله فوقه لبس ثاني
الله يستر عليهم بس
لو مجرد لوائح عاديه مش قانون وكلام بين مديره ومدرسات محد بيلتزم
عشان جي وصل الموضوع لفوزية الخاطر وهي بدورها حطت هالقانون
والا عالصج كلنا نبي الستر واللبس المحتشم

[بومحمد المطاوعه]

معليه
بعد ما ننكر ان حطو هالقرار عشان هالفئه الي بدت تنتشر
كل سنه تزيد فيهم كذا وحده
والا على ايام امهاتنا شحليلهم مدرساتنا ماكان جي لبسهم حتى ابله الرياضه محترمه نفسها بتنوره وقميص تفصخهم وتلبس لبس الرياضه وقت الحصه
الحين لبس مدرسات الرياضه بروحه يبيله فوقه لبس ثاني
الله يستر عليهم بس
لو مجرد لوائح عاديه مش قانون وكلام بين مديره ومدرسات محد بيلتزم
عشان جي وصل الموضوع لفوزية الخاطر وهي بدورها حطت هالقانون
والا عالصج كلنا نبي الستر واللبس المحتشم

الله يذكرها ابله موزه بالخير
اذا حيه
والله يرحمها اذا توفت

قسم بالله مانقدر نحط عينا ف عينها على ايامنا

صج كانو مايلبسون عبي ولكن شنو لباسهم
محترم
الحين سوو هالقرار شوفي اللباس من البعض اشلون بيكون
واكثر شي مفوشر بتشوفين

الله يستر عليهم وعلينا وعلى جميع المسلمات يارب

[Faz]

ممكن يكون لتمييز المدرسات من الحريم الي يدخلون المدرسه .

زين ليش مايفصلون للمدرسات نفس كوت الدكتور او جلباب التخريج يكون لون مميز للمدرسه وفرق المدرسات عن الغرب ووحد اللبس ؟؟؟؟

[ضوى]

وعليكم السلام ورحمة الله وبركاته،

من حق الوزارة فرض زي محدد للطالبات والمعلمات والاداريات،

بحكم انهم يداومون في منشأة تعليمية تابعة للوزارة،

ولكن لين جينا لحيثيات القرار ومحاولة فهمه،

اشوفه انه قرار ما يراعي جميع الفئات،

ومن الواضح انه مرتجل ووليد اللحظة،

وغير مدروس ولم تتم صياغته بشكل عادل وكامل،

ولو حبوا يراجعون انفسهم في القرار،

ويعدلونه بحيث يتم إلزام الجميع باللبس المحتشم،

سواء كانت بعباية او بدونها،

وان حبت تلبس العباية تكون ملتزمة بلبس محتشم لائق غير قصير وبدون بنطلون تحت العباية،

وجذي بيكون القرار منصف ويراعي جميع الفئات.

هذا اللي انا اقوله بالضبط

شكرا وفرتي علي العناء

[Charisma]

عند نقلي للخبر ، تحفظت عن طرح رأيي كون القرار له أسباب غير واضحه ، أعتقد ان كلمة السر في :


الملابس المحتشمة

ومع ذلك يبقى القرار غير مقنع ، فمن يقول :

العباءة تعيق الحركه : كذلك التنوره كذلك الثوب كذلك "اللبس المحتشم" .

البيئة نسائيه ولاداعي للعبايه : وجهة نظر ، وحرية شخصيه ، وقرار يعود للمعلمة والادارية.

ملابس فاضحه او لاتليق ببيئة العمل تحت العباءة : كان بالامكان ان ينزل القرار بصيغة التشديد على اللبس المحتشم دون منع العباءة وعند وجود أي ملاحظه تتم المحاسبه وفق ألية معينه .

الطالبات يحتاجون يشوفون الوان ولبس كشخه من معلماتهم : يعني ممكن نطالب المعلمين بالمثل ؟ لان الطلاب يمكن ملوا من اللون الابيض للثياب ، ان تلغى العباءة مراعاة لنفسية الطالبات بصراحه عذر ماينبلع ، يحتاجون يشوفون حشمة وقدوة فقط .


الاخ معماري ذكر نقطة مهمه جدا ، وهي دخول العمال وخروجهم وتهاون البعض في نظرتهم للعمال كـ( رجال ) ، واترك المجال لخيالك في تصور الاثار .

تنظيم دخول وخروج العمال / اولياء الامور / الناطور .. من يضمنها ؟ تعلن حالة النفير العام ؟ ينادى بأعلى الصوت وفي جميع مكبرات الصوت ( يام عبدالله يام محمد يام ناصر تغطن العمال عند الباب ) ؟ ماراح تكون في حالات لتواجد الرجال في الحرم المدرسي دون علم 2 او 3 من المعلمات ؟ .


نقطة أخرى ، بعد توضيح مسألة ان القرار يعتبر تعدي على الحرية الشخصية اللتي لاتناقض ولاتنافى معايير اللبس المحتشم ، أعتقد ان مظاهر المفوشر في اللبس / السخرية من لبس المعلمات راح تزيد ، لو كان القرار ( يلزم ) بلبس العباءة لانتهى ماسبق .



اخيرا ، سواء كنت مؤيد ام معارض اطرح رأيك دون تهجم او انتقاص من احد ، حتى يكون النقاش بموضوعية.

[الماريّة]

اخوي كاريزما برد على بعض النقاط المذكوره

العباءة تعيق الحركه : كذلك التنوره كذلك الثوب كذلك "اللبس المحتشم" .


نعم بعض العبايات تعيق الحركه تعرف ليش لان العبايات ماصارت عبايات فيه عبايه موديل لف يعني طول وقت الي تلبس مساكتها بيد شلون بتشتغل وهي لاهيه ماسكه العبايه
وفيه عبايات عليها موديلات غريبه واقطع زياده كنها ستاير وراها وهذي بعد شلون بتتحرك وهالطرحه وراها .. وفيه عبايات الكم وسيع وكل شوي تقعد توخره عن كفها وفيه عبايات

عبايات مش عمليه ابد .. والاهم من هذا كله عشان تعرف شنو يلبس تحت هالعبايه من لبس غير محتشم

واما عن التنوره لا طبعا ان كانت وسيعه مب مرصوصه وفيها كسره ماراح تعيق الحركه ابد
..

الطالبات يحتاجون يشوفون الوان ولبس كشخه من معلماتهم : يعني ممكن نطالب المعلمين بالمثل ؟ لان الطلاب يمكن ملوا من اللون الابيض للثياب ، ان تلغى العباءة مراعاة لنفسية الطالبات بصراحه عذر ماينبلع ، يحتاجون يشوفون حشمة وقدوة فقط .


الطلاب تعودوا على اللون الابيض لكن البنات معروفين يحبون الالوان الي تفتح النفس
ومش عيب اذا اللبس محتشم


تنظيم دخول وخروج العمال / اولياء الامور / الناطور .. من يضمنها ؟ تعلن حالة النفير العام ؟ ينادى بأعلى الصوت وفي جميع مكبرات الصوت ( يام عبدالله يام محمد يام ناصر تغطن العمال عند الباب ) ؟ ماراح تكون في حالات لتواجد الرجال في الحرم المدرسي دون علم 2 او 3 من المعلمات ؟ .


لما يتم الاعلان في الميكرفون الكل راح يسمع حتى الي في الصفوف والي في المقصف


نقطة أخرى ، بعد توضيح مسألة ان القرار يعتبر تعدي على الحرية الشخصية اللتي لاتناقض ولاتنافى معايير اللبس المحتشم ، أعتقد ان مظاهر المفوشر في اللبس / السخرية من لبس المعلمات راح تزيد ، لو كان القرار ( يلزم ) بلبس العباءة لانتهى ماسبق .


ولو افترضنا تم القرار بلبس العبايه فلاتنسى ان العبايات صارت اكثر موديل وزركشه والوان يعني صبه رده




الي مستغربه منه ليش اغلب الي مؤيديين للعبايه في المدرسه ليش مانتبهتوا لهالشي الا بعد هالقرار مع العلم انه من سنييييييييييين من عرفنا مدارسنا الحكوميه والمستقله والخاصه جميعها يداومون بدون عبايات ومحد رفض هالفكره

[بعيد النظر]

ولو صار حريق ,,.؟

بيقولون حق النار صبر حبيبي لاتولع
بلبس عبايتي وبشرد وعقب احرق الي تبيه




قرار تخلف وغبي


ممكن تعطيني نسبة الحرايق في مدارس البنات في قطر ..
بدال " لـو " ؟



يوم قريت العنوان انصدمت وقلت صارت ..
بس بما انها داخل المدرسة فقط !


وش الجديد ؟!

[حمد 2002]

انا مع وضد

المفروض المدرسه تلبس لبس محتشم هذا اوكي وماختلفنا عليه

لكن يتم منعهم من لبس العبايه داخل المدرسه ليش !!

هاي حريه شخصيه !! ....

[الحاقول]

كان يفضل عدم اصدار هذا القرار الاداري حتى نبتعد من الدخول في الامور المتعلقه في العادات والتقاليد والشريعه

[راجي الْعفو]

وعليكم السلام و رحمة الله و بركاته

مع انهم ما ذكروا السبب

ولذلك القرار يزيد غرابة

هل بتنهدم المدرسة على رؤوس الموجودين فيها من طالبات و مدرسات و غيرهم

اذا البسوا العبايات ؟

وبيني و بينكم ، تساهل فئة من المدرسات في الاحتشام من العمال اذا دخلو المدارس موجود و حاصل للأسف
وكأن غير القطري جماد لا حياة فيه !!


غير هذا ، الان تجد في بعض المدارس دخول بعض الموظفين الرجال كمحاسب مثلا ، ومن فترة لفترة

فمع هذه الملاحظات كان الواجب انهم يلزمون المدرسات بالعبايات لا انهم يمنعون !

[كيلو حديد]

اشوفه نوع من العبوديه يتحكمون بلبس الناس بدون سبب مقنع وبدون أمور تتعلق بالسلامة وغيره
كل وحده حره بلبسها
شالمشكله الوحده تلبس عباة ؟
ولا الدروس ما تنفهم إذا المدرسه لابسه عباة ؟

[كيلو حديد]

وعندي سؤال
الحجاب بعد لازم يفصخونه ولا شلون ؟

[مختلف جداََ]

يمكن القرار في فرنسا تأكدو بارك الله فيكم :)

[aloosh]

لا احد يقول مدارس البنات ما يدخلها رجل بل يدخلها الهنود واللي يجيبون طلبات من المطاعم
قدام عيني اكثر من مدرسه بنات يوصلون الى الاستقبال ويسلمون الطلب
والحارس بالفيت ممنوع الرجال وهو اللي يوصل ساعات الطلب الى الاستقبل
لو جميع البنات ملبسو عبيات وصادف مرت بنت صوب الاستقبال او كان شخص من اللي ذكرت هناك؟

[راجي الْعفو]

لا احد يقول مدارس البنات ما يدخلها رجل بل يدخلها الهنود واللي يجيبون طلبات من المطاعم
قدام عيني اكثر من مدرسه بنات يوصلون الى الاستقبال ويسلمون الطلب
والحارس بالفيت ممنوع الرجال وهو اللي يوصل ساعات الطلب الى الاستقبل
لو جميع البنات ملبسو عبيات وصادف مرت بنت صوب الاستقبال او كان شخص من اللي ذكرت هناك؟

صدقني ما يقدرون يسيطرون دام الرجل يتكرر دخوله
لازم يصير شي و لو من غير تعمد
فليش ننتظر هاللحظة ، وكم مره بتتكرر ؟!

اعرف احد الاشخاص زوجته مدرسة
يقول انها دوم بنقابها و عباتها لان في احد الموظفين الرجال ممكن يدخل في اي وقت لانهاء بعض الاعمال
هذا يعني ان في مدرسات ما يخبرونهم و لا يكون عندهم علم بدخول الرجال !

[JN000N]

لا احد يقول مدارس البنات ما يدخلها رجل بل يدخلها الهنود واللي يجيبون طلبات من المطاعم
قدام عيني اكثر من مدرسه بنات يوصلون الى الاستقبال ويسلمون الطلب
والحارس بالفيت ممنوع الرجال وهو اللي يوصل ساعات الطلب الى الاستقبل
لو جميع البنات ملبسو عبيات وصادف مرت بنت صوب الاستقبال او كان شخص من اللي ذكرت هناك؟

والعامل الي بيمر عشان المدرسه لابسه عباتها فيه وماتبي تتكشف عليه
مب نفسه العامل الي بيجوف الطالبات لو وحده ع قولتكم مرت قدام الاستقبال؟
معناته حتى الطالبات لا يلبسون لبس موحد وخلهم بعبايات
ليش بس المدرسات ؟

[مختلف جداََ]

جنون

انتي تبين تهاوشين و بس صح ؟

[سعود.]

كلهن نساء هذي تحتها مليون خط أحمر

بشوف عيوني وذكرت هالسالفة قبل في سنة 1993 .. كنت توني خريج جديد ومتزوج أثناء الدراسة وزوجتي مدرسة وكنت اوصلها مع بداية المدرسة لعدم وجود سائق .. وذاك الوقت لا بليب عندي والجوال كان مب معروف وتلفون السيارة بعيد عن بوزي

المهم كانت أول أيام الدوام والطالبات للحين ما داموا .. جيت 9 على الموعد وانتظر محد طلع وأشوف رجال واقفين ينطرون عند الباب .. شوي واشوف هنود ومصريين شايلين عدة شغل وبايبات يدخلون .. قلت في نفسي ذيلا رجال ويدخلون ليش ما ادرعم وراهم .. واتعمق لين وصلت عند مدخل الساحة وكنت ناوي اكمل .. والله وحدة تمشي تدخل بين العمال قاطعة من جهة لجهة لا عباية ولا شيء والشعر ظاهر وكأن العمال قطع أثاث أو زراعة في الحديقة .. هم يشمون عطرها وهي تشم روائحهم .. التفت شوي والا هذا القطري المدجج بالغترة والعقال ولو عامل لابس غترة وعقال كان صارت نفس الحالة

تمت تصارخ وتستنجد رجال رجال .. شوي الا طلعت لي ذيك العاملة heavy duty لو تضرب تايسون بقس طيحته .. ايه انت شمدخلك هنيه؟ قلت ام عيالي عندكم وانا مرتبك بس ما ادري شلون جاتني شجاعة .. قالت لي شسمها وعطتني أوامر بالخروج الفوري وطلعت زوجتي تقول شسويت فيني فضحتني في المدرسة .. قلت شفت رجاجيل داخلين قلت وراهم

صدقوني ما بالغت

في الأخير العباية ستر ولازم تزول هذي الأُمور وألحين السكيورتية يحسبونهم إخوانهم داخلين وطالعين وبعد بدون عبي اللي في المدرسة هذي بتكون صج قواة عين

ههههههههههه تايسون

والله ( يابوعبدالله ) لفت انتباهي في ردك السنة 1993 وقتها كنت موب صغير وكنت افهم . بس وين حالنا عام 1993 وعام 2016 من ناحية الستر والي نشوفة حاليا .

[JN000N]

جنون

انتي تبين تهاوشين و بس صح ؟

ياخي اذا بتناقشون ناقشو بالعقل
هو مب قرار كان مفروض ان الكل يلبس وعقب قالولهم فصخوه
يعني الي فاصخين عبيهم فاصخين الحيا؟
اميل لراي لبيبه اي وكلنا نبي الستر وذكرت هالشي قبل
لكن الي صار من المدرسات انهم مصخوها بلبسهم تحت العباه
وابدا مش عمليه العباه الي يلبسونها حتى ف التدريس
خل يلبسون جلابيب عيل اذا صج يدورون الستر

[Dana’1]

المفروض يتم منع دخول أي رجل إلى مدرسة البنات عامل والا ولي أمر أو غيره
فيه جوالات و انتركوم يتكي بغرفة الحارس ويسأل معلمه معلمه والمديره والي وده عن بنته
الدخول ماله سنع من الاساس

[بومحمد المطاوعه]

المفروض يتم منع دخول أي رجل إلى مدرسة البنات عامل والا ولي أمر أو غيره
فيه جوالات و انتركوم يتكي بغرفة الحارس ويسأل معلمه معلمه والمديره والي وده عن بنته
الدخول ماله سنع من الاساس

بالضبط
المفروض
هالشي يصير

[فيصل99]

اهل القرار ادرى بالقرار منا
اكيد تم رصد مخالفات تم بناء القرار عليه

[يمامـة]

وعليكم السلام ورحمة الله وبركاته،

من حق الوزارة فرض زي محدد للطالبات والمعلمات والاداريات،

بحكم انهم يداومون في منشأة تعليمية تابعة للوزارة،

ولكن لين جينا لحيثيات القرار ومحاولة فهمه،

اشوفه انه قرار ما يراعي جميع الفئات،

ومن الواضح انه مرتجل ووليد اللحظة،

وغير مدروس ولم تتم صياغته بشكل عادل وكامل،

ولو حبوا يراجعون انفسهم في القرار،

ويعدلونه بحيث يتم إلزام الجميع باللبس المحتشم،

سواء كانت بعباية او بدونها،

وان حبت تلبس العباية تكون ملتزمة بلبس محتشم لائق غير قصير وبدون بنطلون تحت العباية،

وجذي بيكون القرار منصف ويراعي جميع الفئات.


شنهو اللبس المحتشم اللي بيتوفر والعباية ما بتوفره؟

احنا عارفين لبس بعض المدرسات...> فهل لبسهم الضيق محتشم قياسا مع لبس العباية؟

واذا كانت هناك عباية مشقوقة من جدام وتحتها قصير و او لقنز او تنانير مفتوحة
اهنيه القرار لابد ان يحدد اللبس المحتشم بشكل عام سواء كان بعباية او من غير عباية!!

ومع هذا للحين القرار مب مفهوم أسبابه.. لعله تفيدنا احد الاخوات في مجال التعليم..

[لبيبة]

شنهو اللبس المحتشم اللي بيتوفر والعباية ما بتوفره؟

احنا عارفين لبس بعض المدرسات...> فهل لبسهم الضيق محتشم قياسا مع لبس العباية؟

واذا كانت هناك عباية مشقوقة من جدام وتحتها قصير و او لقنز او تنانير مفتوحة
اهنيه القرار لابد ان يحدد اللبس المحتشم بشكل عام سواء كان بعباية او من غير عباية!!

ومع هذا للحين القرار مب مفهوم أسبابه.. لعله تفيدنا احد الاخوات في مجال التعليم..

ذكرت منع البنطلون والقصير تحت العباية وبدونها بطبيعة الحال،

اما التوضيح اقترح اضافة رسومات توضيحية لانواع وتفصيلات الملابس المسموح بها،

مثل الزي المدرسي، لكن من غير تحديد لون او خامة،

مجرد خطوط عريضة توضح الممنوع اكثر من انها تحد من المسموح.

[كيلو حديد]

ياخي اذا بتناقشون ناقشو بالعقل
هو مب قرار كان مفروض ان الكل يلبس وعقب قالولهم فصخوه
يعني الي فاصخين عبيهم فاصخين الحيا؟
اميل لراي لبيبه اي وكلنا نبي الستر وذكرت هالشي قبل
لكن الي صار من المدرسات انهم مصخوها بلبسهم تحت العباه
وابدا مش عمليه العباه الي يلبسونها حتى ف التدريس
خل يلبسون جلابيب عيل اذا صج يدورون الستر

وأنتوا بتحاسبونهم وش لابسين تحت العباه ؟

ولو قلنا لبسهم تحت العباه مب شيء ولا يليق
ما قدروا عليهم فصخوا الباقيات ؟

سبحان الله
يعني ما قدروا يقولون لهم البسوا عدل ؟

مدري ليش متحمسه للقرار ؟
لو وحده البست بجاما تحت لبسها شالحل ساعتها :rolleyes2:

[كيلو حديد]

شنهو اللبس المحتشم اللي بيتوفر والعباية ما بتوفره؟

احنا عارفين لبس بعض المدرسات...> فهل لبسهم الضيق محتشم قياسا مع لبس العباية؟

واذا كانت هناك عباية مشقوقة من جدام وتحتها قصير و او لقنز او تنانير مفتوحة
اهنيه القرار لابد ان يحدد اللبس المحتشم بشكل عام سواء كان بعباية او من غير عباية!!

ومع هذا للحين القرار مب مفهوم أسبابه.. لعله تفيدنا احد الاخوات في مجال التعليم..
:nice:

صارت العباه مب محتشمه واللبس الثاني محتشم
يا سبحان الله

[سليمان احمد]

طيب وبالنسبه لدخول الرجال في مدارس البنات اللي نشوفهم في الجرايد
تحت مسميات كثيره مثل اقامه معرض او زيارة مسئول اللي هي بالاصل مرفوضه
ف لما تمنع العبايه بحجة انه مايحتاج لانه المدرسه كلها بنات
ليش تدخلون الرجال المدارس وتكسرون خصوصيتهم ايهم اولى

[قطرية مثقفة]

للأسف من واقع خبرة بعض المعلمات استغلوا العباءة في ارتداء البيجاما والليغنغ والبعض عباية بلا ملابس @ وبصراحة قرار الأستاذة فوزية الخاطر قرار جريء يستحق الإشادة والتصفيق

[JN000N]

وأنتوا بتحاسبونهم وش لابسين تحت العباه ؟

ولو قلنا لبسهم تحت العباه مب شيء ولا يليق
ما قدروا عليهم فصخوا الباقيات ؟

سبحان الله
يعني ما قدروا يقولون لهم البسوا عدل ؟

مدري ليش متحمسه للقرار ؟
لو وحده البست بجاما تحت لبسها شالحل ساعتها :rolleyes2:

وانت تحسب ما قالولهم احترمو الحرم المدرسي والوظيفه الي تشتغلونها والبسو عدل؟
اقرا رد الاخت قطريه مثقفه وبتعرف من الصبح ليش ندافع عن القرار
لايكون قايلين خل يطلعون سفور ؟
لو كان استخدام العباه بدون تجاوزات جان ما طلع القرار
لكن فوزية الخاطر ماتجرات واصدرت هالقرار الا عقب مناقشات جاده لحالات وايد سلبيه
ليش زعلانين بعد انتو اذا منعت العباه ف مكان كله نساء؟
مافي حاجه تستدعي الوحده تلبس عباه الا اذا كان في رياييل وطبيعي لما يكون في رياييل فيكون في تبليغ قبلها وبيتسترون الحريم لاتحاتون

[معماري قطري]

لا احد يقول مدارس البنات ما يدخلها رجل بل يدخلها الهنود واللي يجيبون طلبات من المطاعم
قدام عيني اكثر من مدرسه بنات يوصلون الى الاستقبال ويسلمون الطلب
والحارس بالفيت ممنوع الرجال وهو اللي يوصل ساعات الطلب الى الاستقبل
لو جميع البنات ملبسو عبيات وصادف مرت بنت صوب الاستقبال او كان شخص من اللي ذكرت هناك؟

صدقني ما يعتبرونهم رجال

[معماري قطري]

ههههههههههه تايسون

والله ( يابوعبدالله ) لفت انتباهي في ردك السنة 1993 وقتها كنت موب صغير وكنت افهم . بس وين حالنا عام 1993 وعام 2016 من ناحية الستر والي نشوفة حاليا .

ومن ذاك الوقت يا طويل العمر يحسبون الرجال بس اللي لابس غترة وعقال .. صدقني المدرسة يوم لمحتني بعينها وهي تمر من بين الهنود تحاول تركض تستر نفسها ولا قدرت من ضيق الثياب .. العمال يمشون بطيء وشكلهم الشغلة اللي تخلص في يوم يخلونها شهر

صج شيء محزن وهذا بدون قرار فشلون بقرار البعض منهم يطبقونه أول بأول وذكرت السالفة من ذاك الوقت وعلى النظام القديم للمدارس المدرسة فيها ليوان وسطي محاط بالصفوف من كل الجهات .. وكان فيه تشدد ولا يدخلون العمال وقت الطالبات لكن المدرسات ماخذين راحتهم على الآخر الا يوم شافت ذيك الغترة والعقال

[معماري قطري]

للأسف من واقع خبرة بعض المعلمات استغلوا العباءة في ارتداء البيجاما والليغنغ والبعض عباية بلا ملابس @ وبصراحة قرار الأستاذة فوزية الخاطر قرار جريء يستحق الإشادة والتصفيق

ما دمر المسيرة التعليمية الا يوم طاح الخيط والمخيط في يد المربيات

[معماري قطري]

وانت تحسب ما قالولهم احترمو الحرم المدرسي والوظيفه الي تشتغلونها والبسو عدل؟
اقرا رد الاخت قطريه مثقفه وبتعرف من الصبح ليش ندافع عن القرار
لايكون قايلين خل يطلعون سفور ؟
لو كان استخدام العباه بدون تجاوزات جان ما طلع القرار
لكن فوزية الخاطر ماتجرات واصدرت هالقرار الا عقب مناقشات جاده لحالات وايد سلبيه
ليش زعلانين بعد انتو اذا منعت العباه ف مكان كله نساء؟
مافي حاجه تستدعي الوحده تلبس عباه الا اذا كان في رياييل وطبيعي لما يكون في رياييل فيكون في تبليغ قبلها وبيتسترون الحريم لاتحاتون

لو محلها طلعت قرار اللي بتلبس لباس غير محتشم تحت العباية ينخصم عليها 5 أيام أول مرة وثاني مرة 10 أيام وثالث مرة شهر والرابعة تفنيش

واحدد اللباس المحتشم واعممه على الكل خاصة وحكومية

[يمامـة]

للأسف من واقع خبرة بعض المعلمات استغلوا العباءة في ارتداء البيجاما والليغنغ والبعض عباية بلا ملابس @ وبصراحة قرار الأستاذة فوزية الخاطر قرار جريء يستحق الإشادة والتصفيق

البعض.. يعني مب الكل.. وهالبعض المفروض يوجه لهم كتاب تعنيف مب منع لبس العباءة على اللي
تشوف ان العباءة افضل لها من كل النواحي من اللبس العادي..

اما بخصوص البيجامة.. هل عبايتها مفتوحة .. ولا مصكرة؟
اذا مفتوحة ما يصير.. اما اذا مصكرة هي حرة تلبس أي شي تحت العباية..

للامانة بديت اتعاطف اشوووي مع القرار في حال وجود متمردات ما ينفع وياهم لا الكلام ولا التعنيف

بس في الوقت نفسه اشوف في ناس تضرروا من القرار.. ولهم الحق في رفضه و الاعتراض عليه..

[يمامـة]

ذكرت منع البنطلون والقصير تحت العباية وبدونها بطبيعة الحال،

اما التوضيح اقترح اضافة رسومات توضيحية لانواع وتفصيلات الملابس المسموح بها،

مثل الزي المدرسي، لكن من غير تحديد لون او خامة،

مجرد خطوط عريضة توضح الممنوع اكثر من انها تحد من المسموح.

اقتراح جميل.. شكرا لج..

[alshammari]

الحقيقة قرار تعسفي

نحن ننتظر منهم قرارات توجه بالاهتمام بالعباءة كلبس اسلامي ولكن القرار جاء العكس
اتفهم انه في المدرسة وبنات مع بعضهم ولكن التربية والتعليم تبداْ من المدارس اذا بدأ التهاون في المدارس وعدم احترام اللبس التقليدي سينتقل عدم الاهتمام تدريجياّ خارج المدارس
حسب فهمي القرار لردع اللي يلبسون ملابس لاتليق تحت العباءة بس السؤال اللي تلبس لبس مايليق تحت العباءة تتوقعون تستحي تلبسه من غير عباءة؟ واذا لبسته وش الحل؟

نص القرار يقول (مع ضرورة ارتداء لبس محتشم)
طيب
ليش ماكان القرار ( ضرورة ارتداء عباءة محتشمه وتحته لبس محتشم)

عموما القرار تعسفي وغبي وبتزيد مشاكله مع الايام بسبب الملابس الغير محتشمه من البعض بدون عباءة

الحل كان ببساطة عباءة موحدة مثل موظفات بنك قطر الوطني
ولحد يقول هذا تقييد او غيره .. ممكن يكون لبس موحد مثل حال كثير من الوظايف (الاطباء الجيش البترول وغيرهم)

[بصمة قطرية]

زين سووا فيهم والله
أنا مع القرار ..
أروح مدارس عيالي و أشوف اللبس اللي يلبسونه
تحت العباية ( طبعاً البعض ) ..
لا حيا و لا مستحا ..
البعض للأسف لبس العباية وتحتها لبس غير محتشم ..

[Charisma]

نعم بعض العبايات تعيق الحركه تعرف ليش لان العبايات ماصارت عبايات فيه عبايه موديل لف يعني طول وقت الي تلبس مساكتها بيد شلون بتشتغل وهي لاهيه ماسكه العبايه
وفيه عبايات عليها موديلات غريبه واقطع زياده كنها ستاير وراها وهذي بعد شلون بتتحرك وهالطرحه وراها .. وفيه عبايات الكم وسيع وكل شوي تقعد توخره عن كفها وفيه عبايات

عبايات مش عمليه ابد .. والاهم من هذا كله عشان تعرف شنو يلبس تحت هالعبايه من لبس غير محتشم

واما عن التنوره لا طبعا ان كانت وسيعه مب مرصوصه وفيها كسره ماراح تعيق الحركه ابد

يالافام يالافام يالافام ، لو افترضنا ان فعلا هذا هو السبب ، وين الأفضل ؟ ان يتم منع ارتداء العباءة ، ام تشديد القوانين ( عبايه سودا - مصكره - مافيها ولا فص او لون - ساترة ) ويتم سن قوانين تحاسب عليها المعلمه او الأدارية في حال خالفت ؟







الطلاب تعودوا على اللون الابيض لكن البنات معروفين يحبون الالوان الي تفتح النفس
ومش عيب اذا اللبس محتشم


لونوا حياتكم بالشغف ( نور الحور الله يذكرها بالخير ، نوجه لها تحيه ) .

يالافام يالافام يالافام ، يعني عشان نفسيات الطلبة نمنع العبايه !!!!




ولو افترضنا تم القرار بلبس العبايه فلاتنسى ان العبايات صارت اكثر موديل وزركشه والوان يعني صبه رده

انا شخصيا أفضل ان يتم ألزام جميع المعلمات بلبس العبايه ، مع تحديد المواصفات ، نقدر نقول بمعنى اخر ( يوني فورم ) يعني مافي سوالف عبي قوس قزح ، منها نقضي ( قضااااااي ) على المظاهر والمفوشر وقلب المدرسة لساحة عرض ازياء ، ومنها يتربون الطالبات من صغرهم على الحشمة.


الي مستغربه منه ليش اغلب الي مؤيديين للعبايه في المدرسه ليش مانتبهتوا لهالشي الا بعد هالقرار مع العلم انه من سنييييييييييين من عرفنا مدارسنا الحكوميه والمستقله والخاصه جميعها يداومون بدون عبايات ومحد رفض هالفكره

اللي تبي تداوم بدون عبايه براحتها ، لكن اللي مب راضيه تستغني عن عبايتها ؟ نجبرها ؟ نعاقبها ؟ نطردها ؟ ( نفس عميق وتفكير عميق في هذه النقطه ) .

[Charisma]

زين سووا فيهم والله
أنا مع القرار ..
أروح مدارس عيالي و أشوف اللبس اللي يلبسونه
تحت العباية ( طبعاً البعض ) ..
لا حيا و لا مستحا ..
البعض للأسف لبس العباية وتحتها لبس غير محتشم ..

ممتاز ، يعني في مشكلة عند بعض الحريم في لبسهم ، هل معنى ذلك ان نمنع العباية ؟ بسبب تصرف البعض ؟

وهل الحل بمنع العباية والبسي اي لبس تبينه يا ابله بس يكون محتشم . نقطه <- ( لو جمعنا ثلاث معلمات كل معلمه بيكون عندها تعريف مختلف عن معنى محتشم ) ؟

ولاااا ... ولاااا ، نشدد بشكل عام على نقطة الأحتشام ، وتكون في معايير محدده للبس مثل ماذكرت الأخت لبيبة في مشاركتها ، واللي بتخالف ( سواء بعبايه او بدون ) ، العقاب موجود حسب الانظمة ؟

[بومحمد المطاوعه]

انزين متى بينزل قرار ف مدارس الشباب

المدرسين بجلابيه :nice:

ناطر الخبر نبي نضحك قليلآ

[يمامـة]

زين سووا فيهم والله
أنا مع القرار ..
أروح مدارس عيالي و أشوف اللبس اللي يلبسونه
تحت العباية ( طبعاً البعض ) ..
لا حيا و لا مستحا ..
البعض للأسف لبس العباية وتحتها لبس غير محتشم ..

المشكلة يا بصمة ان القرار معني بمدارس البنات مب المدارس النموذجية..

و على كلامج بخصوص العيب في ملابس المدرسات في المدارس النموذجية كان من الأولى
اصدار قرار بمنع لبس عبي مفتوحة في المدارس النموذجية.. لأن هي السبب في المشاكل هذي..
والعباية اذا انلبست تكون واسعة مب مفصلة وراصة..

فما زلنا نستغرب صدور مثل هالقرار!!

[بومحمد المطاوعه]

ممتاز ، يعني في مشكلة عند بعض الحريم في لبسهم ، هل معنى ذلك ان نمنع العباية ؟ بسبب تصرف البعض ؟

وهل الحل بمنع العباية والبسي اي لبس تبينه يا ابله بس يكون محتشم . نقطه <- ( لو جمعنا ثلاث معلمات كل معلمه بيكون عندها تعريف مختلف عن معنى محتشم ) ؟

ولاااا ... ولاااا ، نشدد بشكل عام على نقطة الأحتشام ، وتكون في معايير محدده للبس مثل ماذكرت الأخت لبيبة في مشاركتها ، واللي بتخالف ( سواء بعبايه او بدون ) ، العقاب موجود حسب الانظمة ؟


صح كلامك
وعنبووووو اشدعوه الاداره ماتقدر تضبط المدرسات الي مثل جذي

اشدعوه مالهم عيون ولا لهم قرار عليهم

لازم قرار على الجميع

قرار غببببببي
قلتها ومازلت اقوووول

[Charisma]

صح كلامك
وعنبووووو اشدعوه الاداره ماتقدر تضبط المدرسات الي مثل جذي

اشدعوه مالهم عيون ولا لهم قرار عليهم

لازم قرار على الجميع

قرار غببببببي
قلتها ومازلت اقوووول

http://67.media.tumblr.com/739ec0ebb8b3dd718ba90cd35b5fce1d/tumblr_mo33dfmljV1stomxko4_250.gif

[كتكوت الوحش]

يا ريت لو يتم تصميم لَبْس موحد ويكون متستر ويكون نفس الجلباب ويكون موحد على كل مدرسات مدارس قطر افضل

[بنت شرق]

مادام اللبس محتشم فهو حرية شخصية سواء بعباية أو بدونها سواء لمكان العمل أو العام
ناس فاضية الا داوموا بعباية إلا بدون عباية
المهم الي يداوم ايسوي شغله عدل وما عليه من أحد

[مفكر قطري]

من اول ما بدء التعليم ما كانوا يلبسون عبي في مدارس البات و المدارس النموذجية و لكن اللي حاصل هو ان البعض يداوم بلبس نوم و و بلبس غير مهني و هالشي ان دل فهو يدل على عدم نية الشخص للحضور للعمل ..

[بوخالد911]

الموضوع عادي جدا
وينفتح كل سنة
يعني مهب شي جديد

[رجل مثالي]

ممكن يكون في حرية في ارتداء العباءة
داخل حرم المدرسة والعلم عند الله

[R 7 A L]

مالها داعي العباه داخل المدرسة

السؤال
ليش ما وضحو الأسباب لما أصدرو القرار ؟

[Bo jassim 33]

الخبر اليوم في جريده الشرق صفحه 8

نفي من وزارة التعليم عن هذا الخبر

وقالوا انه تعميم داخلي عن طريق المدارس

[Bo jassim 33]

وحسب ما وصلنا ان التعميم هذا صادر من مدرسه التعاون الابتدائية المستقله

[Charisma]

http://media.al-sharq.com/PortalImages/News/Large/274009_0.JPG


• الدوحة - الشرق
نـــفـــت وزارة الـــتـــعـــلـــيـــم والــتــعــلــيــم الــعــالــي بــشــأن مـــا تـــم تـــداولـــه عبر مــــــواقــــــع الـــــتـــــواصـــــل الاجـــتـــمـــاعـــي حـــول مــنــع المـعـلـمـات والمــوظــفــات مـن اظ•رتـــداء العباء ة داخــل المــدارس المــســتــقــلــة ، واظ”كــــــــدت الــــــــــوزارة فـي تـــــغـــــريـــــدة لـــــهـــــا عـــــلـــــى صـــفـــحـــتـــهـــا الـــرســـمـــيـــة عـــبـــر مـــوقـــع الـــتـــواصـــل الاجـــتـــمـــاعـــي " تــويــتــر " اظ”نــــه ليس هناك قانون يلزم بإرتداء العباء ة مـن عدمها ومــن حـق كـل مؤسسة تحدد الزي الرسمي بما لا يخالف
الشرع والعادات والتقاليد. واشـــــــــــــارت الــــــــــــــوزارة اظ•لـــــــى وجــــــود تـــعـــمـــيـــمـــات وســـــيـــــاســـــة واضــــحــــة بالنسبة للزي المحتشم في مدارس البنات والمدارس النموذجية تلتزم فيه الهيئة الإداريــــة والتدريسية حسب ما يتم تعميمه. وكـانـت اظ•حــدى المـــدارس الإبتدائية المستقلة للبنات قـد اظ”ثـــارت ضجة حــول منع اظ•رتـــداء المعلمات وكافة الموظفات بالمدرسة العباءة وذلك مـن خــلال تعميم داخـلـي اظ”صـدرتـه اظ•دارة المـــــــدرســـــــة مــــوضــــحــــة فــيــه اظ”نــــه بـــنـــاء عــلــى اظ•جــتــمــاع اظ”صــحــاب الــــتــــراخــــيــــص مــــــع مــــــديــــــرة هــيــئــة التعليم فإنه يمنع منعا باتا لبس العباء ة اعتبارا مـن شهر اظ”كتوبر والالتزام بالزي المحتشم. الأمـــــر الـــــذي نـفـتـه وزارة الـتـعـلـيـم بـــشـــكـــل رســـــمـــــي عــــبــــر صــفــحــتــهــا الرسمية على تويتر بعد ساعات من صـدور تعميم المدرسة مؤكدة اظ”نه ليس هناك قانون يلزم اظ•رتـداء العباء ة من عدمه.


الموضوع تحت تصرف الأدارة .

[ضوى]

يعني الخبر مافي اي ذكر للاخت فوزية الخاطر ؟؟ لماذا تم الزج باسمها في هذا الموضوع ؟

[Charisma]

يعني الخبر مافي اي ذكر للاخت فوزية الخاطر ؟؟ لماذا تم الزج باسمها في هذا الموضوع ؟

تقصدين في هذا الخبر المنقول من جريدة الراية ، السؤال يتوجه أولا للمدرسة وتعميمها ، وثانيا للجريدة .

[سالم الزهران]

قريت في الموضوع شي يستغربه حتى الصغير

انا ابرء الى الله من انا نتهم احد خصوصاً راعية العباية سواءً في المدرسة ولا برع

فيه تساهل في اللباس من البعض نعم لكن نقول مثل ما قال البعض اشوف فيه ذمم وسيعة ( اتقوا الله)

[كيلو حديد]

بما لا يخالف الشرع والعادات والتقاليد ؟؟


هل لبس العباة يخالف الشرع والتقاليد ؟؟؟!!!!

المثل يقول : ما قدروا على الحمار مسكوا البرذعه

[Charisma]

قريت في الموضوع شي يستغربه حتى الصغير

انا ابرء الى الله من انا نتهم احد خصوصاً راعية العباية سواءً في المدرسة ولا برع

فيه تساهل في اللباس من البعض نعم لكن نقول مثل ما قال البعض اشوف فيه ذمم وسيعة ( اتقوا الله)

الله المستعان ..

[ضوى]

تقصدين في هذا الخبر المنقول من جريدة الراية ، السؤال يتوجه أولا للمدرسة وتعميمها ، وثانيا للجريدة .

نعم ، ولو مالها علاقة المفروض يكون في محاسبة

[ضوى]

بما لا يخالف الشرع والعادات والتقاليد ؟؟


هل لبس العباة يخالف الشرع والتقاليد ؟؟؟!!!!

المثل يقول : ما قدروا على الحمار مسكوا البرذعه

لا تغريدة الوزارة تقصد بعباية والا بدون عباية المهم لباس محتشم

[Charisma]

بما لا يخالف الشرع والعادات والتقاليد ؟؟


هل لبس العباة يخالف الشرع والتقاليد ؟؟؟!!!!

المثل يقول : ما قدروا على الحمار مسكوا البرذعه
تصريح الوزارة واضح : ليس هنالك قانون يلزم (((((باللبس))))) العباية من عدمها ، يعني مافي منع ومافي ألزام ، والموضوع اتضح للجميع مثل ماذكرنا في بعض المشاركات انها محاولة "تشديد" بالأحتشام دون منع العباءة .


هذا المطلوب وقواهم الله ، بس لفت انتباهي في التصريح "باللبس العباية ":telephone:

[Charisma]

نعم ، ولو مالها علاقة المفروض يكون في محاسبة

أتفق معاج .

[ضوى]

يارب تهدي بناتنا ونسائنا لما تحب وترضى ، اللهم استرهم دنيا واخرة

[Charisma]

يارب تهدي بناتنا ونسائنا لما تحب وترضى ، اللهم استرهم دنيا واخرة

امين .

[كيلو حديد]

لا تغريدة الوزارة تقصد بعباية والا بدون عباية المهم لباس محتشم



تصريح الوزارة واضح : ليس هنالك قانون يلزم (((((باللبس))))) العباية من عدمها ، يعني مافي منع ومافي ألزام ، والموضوع اتضح للجميع مثل ماذكرنا في بعض المشاركات انها محاولة "تشديد" بالأحتشام دون منع العباءة .


هذا المطلوب وقواهم الله ، بس لفت انتباهي في التصريح "باللبس العباية ":telephone:

أتفق معاكم واستغرابي ليس على التغريده وإنما طريقة الفهم من المدرسة التي أدت لمنع العباة

[يمامـة]

يعني في الأخير وزارة التربية مالها خص ولا المذكويرن في الخبر الأول لهم خص..

ولا يُعرف الى الان السبب الحقيقي لمنع العباية في المدرسة المعنية..

ولا يعرف حتى كيف نمنع العباية بكبرها لأن ما يلبس تحتها غير محتشم؟!!

فمن باب أولى منع اللبس غير المحتشم تحت العباية.....> اكيد يقصدون العباية المفتوحة
لأن العباية المسكرة بكبرها محد له خص يتكلم على الموجود تحتها من ملابس دامها مستورة تحت العباية..

[بومحمد المطاوعه]

يعني بالعربي
تصرف مديره بنفسها
ولا من هذي ,,.؟

اذا اهي ماتبي تلبس عباءه مشكلتها
خل تفصخ عبايتها بكيفها بس ماتنزل تعميم عالكل

صج قواة عين

[راجي الْعفو]

ليش ما نزل تعميم:

عباة فوق عباة ^_^

[ورد الدوحه]

حتى في الدوام قسم خاص سيدات ومحد يدش علينا
عادي نتم بدون عباياتنا وبالعكس لما تكون الوحده مترتبه بلبس والوان تفتح النفس
تستقبل يومها بنشاط وحيويه عكس الي دايم قاعده بلون اسود اللون بروحه يجيب الاكتئاب

ومن الله خلقنا وكل مدارسنا من سنييييييييييين من ايام الطيبين والمدرسات والمديره محد يتم بعبايته
وماصارت مشاكل

بالعكس كنا نستانس على الابله تجي كاشخه والوانها زاهيه

اقول الله على ايام حجاب الحرير الي يربط من ورى تذكرت ابلاتي :shy:

أيـــــام حلوة ليتها تعود

[ورد الدوحه]

ترى العبايه اتشكل عائق وهذا لاحظته يوم رحت روضة البنين
المعلمة اتراكض ورا اليهال بعبايتها
يعني لبس محتشم وخلاص ليش العبايه دام مافي رياييل
ترا العبايه موضه عند البعض مب القصد فيها التستر
وانا أشوف القرار سليم 100%

[القلب المؤمن]

انا ودي افهم ليش فاتحين موضوع مثل هذا بالمنتدى ؟؟!
مادري شنو الفايدة لما تدرون ان العباية تنشال ( داخل) المدرسة في تجمع ( نسائي)
الصراحة امركم غريييييييب ...
من قلة المواضيع المهمة يعني ؟

[Charisma]

انا ودي افهم ليش فاتحين موضوع مثل هذا بالمنتدى ؟؟!
مادري شنو الفايدة لما تدرون ان العباية تنشال ( داخل) المدرسة في تجمع ( نسائي)
الصراحة امركم غريييييييب ...
من قلة المواضيع المهمة يعني ؟

اولا : الخبر منقول من الجريدة .

ثانيا : حاولي تركزين مره ثانيه ، الموضوع يتكلم عن منع للعباءة ، وتم التوضيح من الوزارة بانه لايوجد قانون يمنع او يلزم ، بمعنى اخر اذا العباية تنشال داخل المدرسة مايهمنا ولا يعنينا .. الحمدلله ماوصلنا لهالدرجة من السطحية ،


ثالثا : الموضوع خذ كفايته وتم توضيح الالتباس وتم الرد من الوزارة .

[JN000N]

https://youtu.be/6OKEC6ZUpsc

اكثر من جذي؟؟؟

[Charisma]

https://youtu.be/6OKEC6ZUpsc

اكثر من جذي؟؟؟

في رد رسمي من وزارة التعليم ينفي ان هنالك قرار يلزم بلبس العباءة ( من عدمها ) ، الرد الرسمي يمحي كل الأجتهادات الشخصية في التوضيح والنسب والربط والنقل .
لذلك ذكرنا ان الموضوع انتهى عند توضيح الوزارة .


اما مايخص الأشكالية ، وحتى لا يساء الفهم ، اغلب المعارضين في بداية الموضوع يتفقون مع :


مريم آل سعد ‏@Mariam_AlSaad Sep 28

لو لم تُمنع العباءة بالذات في المدارس وترك المجال لمن تريد لبسها من عدمه بشرط أن تكون العباءة والملابس محتشمة لما اعتبرنا الموضوع غريبا.!!




مريم آل سعد ‏@Mariam_AlSaad Sep 28

منع العباءة في مدارس البنات في وزارة التعليم..
لو صدر هذا المنع في المدارس الأجنبية في قطر لقامت القيامة ضدها.!!







فيصل محمد المرزوقي
‏@marzoqi_w

بغض النظر عن تفاهة الموضوع كما ترى ، لأن الآشكال في التجاوز على الحقوق الشخصية ، والسكوت عنها مدعاة لتجاوزات اخرى

[JN000N]

^ وانا اقولك بعيد كل البعد عن الزلزال الي صار ف تويتر والهواش والتغريدات الي كلن راح يفتي من عنده وحسسونا جنه قرار الاستاذه فوزيه ينص على فصخ الحيا
الاجتهاد الشخصي من صاحب الاكاونت الي ف الفيديو وكلامه الشخصي كعاا اثبت فعلا الاسباب اللي تخلي القرار موجود او الفكره موجوده بغض النظر كانت رسميه او لا او صادره عنها او رد لمديره طالبت بها
ف مانختلف ابدا ان في تجاوزات وايد صارت من مدرسات خلت مثل هالقرار الي طيش العالم يطلع
بدل ما نجوف النهايه ايش وصلت لها نجوف الاسباب اللي بتخلينا عقب فتره يمكن نجوف قرارات تثير استغرابنا واستهجانا اكثر اذا تمينا ساكتين عن التجاوزات
وتعرف انت الشر يعم

[Charisma]

^كل الأسباب اللي ذكرها ، سبق وذكرتوها ، وعلى أفتراض ان فعلا في قرار مثل هذا ، ممكن نفكر ( بهدوء ) ؟

والله ان الحل أبسط من التعقيد ومن أيجاد المبررات لمثل هالقرار ( إن وجد ) ، أني امنع العباية بسبب حالات فردية تتمثل بظهور غير لائق بها ، لايعطيني الحق بأن امنع العباية بشكل كامل ، وأظلم من يفضلن لبسها ؟

لو كان هنالك ظهور غير لائق بلبس اخر ، ( تنورة ) على سبيل المثال ، هل تمنع التنانير ؟

بالامكان التشديد على نقطة اللباس المحتشم وانتهى ، مثل ماقدرتوا "تكشفون" وتذكرون بعض الحالات ، بأمكان الأدارة كشفها أيضا ، وبالأمكان صياغة التعميم بشكل عام بحيث يشمل من تفضل لبس العباية ومن لاتفضل ، وان كانت هنالك تجاوزات فتكون المحاسبة حسب اللوائح والأنظمة .

لايمكن ان تعالج مثل هذه المشاكل بمثل هالقرارات ، ولايمكن ان تلزم المعلمة بعدم لبس العباية ( وهي راغبة بذلك ومحتشمة ) ، الموضوع وقتها راح يثير ردود فعل الجميع ، ومن منطلقات عدة ( حرية شخصية - هوية ..إلخ )

[JN000N]

^كل الأسباب اللي ذكرها ، سبق وذكرتوها ، وعلى أفتراض ان فعلا في قرار مثل هذا ، ممكن نفكر ( بهدوء ) ؟

والله ان الحل أبسط من التعقيد ومن أيجاد المبررات لمثل هالقرار ( إن وجد ) ، أني امنع العباية بسبب حالات فردية تتمثل بظهور غير لائق بها ، لايعطيني الحق بأن امنع العباية بشكل كامل ، وأظلم من يفضلن لبسها ؟

لو كان هنالك ظهور غير لائق بلبس اخر ، ( تنورة ) على سبيل المثال ، هل تمنع التنانير ؟

بالامكان التشديد على نقطة اللباس المحتشم وانتهى ، مثل ماقدرتوا "تكشفون" وتذكرون بعض الحالات ، بأمكان الأدارة كشفها أيضا ، وبالأمكان صياغة التعميم بشكل عام بحيث يشمل من تفضل لبس العباية ومن لاتفضل ، وان كانت هنالك تجاوزات فتكون المحاسبة حسب اللوائح والأنظمة .

لايمكن ان تعالج مثل هذه المشاكل بمثل هالقرارات ، ولايمكن ان تلزم المعلمة بعدم لبس العباية ( وهي راغبة بذلك ومحتشمة ) ، الموضوع وقتها راح يثير ردود فعل الجميع ، ومن منطلقات عدة ( حرية شخصية - هوية ..إلخ )

اتوقع وان كان القرار رسمي
مايكون الزامي 100%
غير انه يكون بند من بنود القانون المنصوصه الي مش ملزوم الكل يمشي عليها الا في حالات خاصه
يعني مثلا لو مديره شافت وحده بباه ولبسها مش لائق وبين من تحت العباه يكون في قانون ترد له المديره بمنع هالمدرسه مثلا من هاللبس او من لبس العباه
مب للتعميم عليهم كلهم لان قلنا قبل فئه خربت على فئه وهاي هي المشكله
وجود هالبند مع القانون ما يقدم ولا ياخر بالعكس بيكون مفيد في بعض الحالات وما راح يضيق على الحالات الثانيه الي تحب تتم بعباتها محتشمه

[Charisma]

اتوقع وان كان القرار رسمي
مايكون الزامي 100%
غير انه يكون بند من بنود القانون المنصوصه الي مش ملزوم الكل يمشي عليها الا في حالات خاصه
يعني مثلا لو مديره شافت وحده بباه ولبسها مش لائق وبين من تحت العباه يكون في قانون ترد له المديره بمنع هالمدرسه مثلا من هاللبس او من لبس العباه
مب للتعميم عليهم كلهم لان قلنا قبل فئه خربت على فئه وهاي هي المشكله
وجود هالبند مع القانون ما يقدم ولا ياخر بالعكس بيكون مفيد في بعض الحالات وما راح يضيق على الحالات الثانيه الي تحب تتم بعباتها محتشمه

مافي قرار رسمي مايكون إلزامي او مب ملزوم بتطبيقة ، تعميم المدارس كان واضح بصيغة المنع ( منعا باتا ) ، المطلوب الآن واستنادا على رد الوزارة بعدم وجود قانون يخص منع العباءة ، محاسبة المدارس اللي قامت بتعميم المنع ، وان كان هنالك ( إستعجال ) في صياغة التعميم ، فـ " جل من لايخطىء " ، والتراجع عنه او إعادة صياغتة " مب عيب" .

[بن يوسف الثقفي]

من يرضى ان زوجته أو أخته تدرس في المدارس النموذجية وتفصخ عبأيتها وهالمدارس صايدين فيها طلاب يمارسون العاده السرية في الحمامات اعزكم الله
سبق وقلنا أن بعض مديرات المدراس فرعنوا وقاموا يبتدعون وكل هذا الشئ بسبب الواسطات

[JN000N]

من يرضى ان زوجته أو أخته تدرس في المدارس النموذجية وتفصخ عبأيتها وهالمدارس صايدين فيها طلاب يمارسون العاده السرية في الحمامات اعزكم الله
سبق وقلنا أن بعض مديرات المدراس فرعنوا وقاموا يبتدعون وكل هذا الشئ بسبب الواسطات

يالطيب القرار قالو فيه مدارس بنات ما قالو نموذجي
ركزو بارك الله فيكم قبل لا تستهجنون
وفوق هذي طلع توضيح من الوزارة بخصوص الكلام

[JN000N]

مافي قرار رسمي مايكون إلزامي او مب ملزوم بتطبيقة ، تعميم المدارس كان واضح بصيغة المنع ( منعا باتا ) ، المطلوب الآن واستنادا على رد الوزارة بعدم وجود قانون يخص منع العباءة ، محاسبة المدارس اللي قامت بتعميم المنع ، وان كان هنالك ( إستعجال ) في صياغة التعميم ، فـ " جل من لايخطىء " ، والتراجع عنه او إعادة صياغتة " مب عيب" .

بالعكس بايلت وايد قرارات وبنود ف القانون موجوده كلنا عارفين ان تمشي بدون مايكون التزام تام فيها
يعني انسيابيه شوي
خاصه لما يكون التجاوز مب علني يعني بدون مثاليه ف تطبيقه اذا فهمت قصدي

[شبح الصمت]

في ناس ما افهمت القرار صح ..
كانوا واضحين

المدرسات داخل الحرم المدرسي بدون عبايه مش مع الطلاب اتوقع الا مع الطالبات ..
هذا الي الواحد بيوافق عليه
ويكون في تنسيق في الملابس مب نفس ما تفضلوا البعض يجونك بملابس لا تليق بالتدريس ..

اما مع الطلاب اتمنى اتمنى اصلا يحيلوون كل الطلاب ويحطونهم في مدارس رجال ..

التأسيس يكون من البداية على ايادي مدرسين افاضل ولا بهم قصور المدرسات
بس الجيل الجديد غير عن الجيل القديم
وايد اشياء منفتحين عليها ووايد امور تغيرت ..


والله يوفق الجميع

[بن يوسف الثقفي]

في مدارس نموذجية تم منع لبس العباية ومع تهديد بعد

[شبح الصمت]

سؤال يخص المدرسات ..

في تعاليم كيفية اداء الصلاة للطلاب ..
عيالنا من الصف الاول لين السادس ما يصلون صلاة الظهر في المدرسة ..
او اشلون كيفية تعليمهم الصلاة ..
او من يصلي فيهم !!

الطفل من الابتدائية يتأسسس من المدرس والوالدين ..
اشلون المدرسة تقدر تعلمهم وتصلي قدامهم !!

[ضوى]

سؤال يخص المدرسات ..

في تعاليم كيفية اداء الصلاة للطلاب ..
عيالنا من الصف الاول لين السادس ما يصلون صلاة الظهر في المدرسة ..
او اشلون كيفية تعليمهم الصلاة ..
او من يصلي فيهم !!

الطفل من الابتدائية يتأسسس من المدرس والوالدين ..
اشلون المدرسة تقدر تعلمهم وتصلي قدامهم !!



مدارس البنين النموذجية كلهم يأدون الصلاة ، ومدارس عمر كلها فيها صلاة الظهر ، بالنسبة للنموذجية عيال سادس يأمون طلاب المدرسة شفت بعيني محد قالي

[بومحمد المطاوعه]

سؤال يخص المدرسات ..

في تعاليم كيفية اداء الصلاة للطلاب ..
عيالنا من الصف الاول لين السادس ما يصلون صلاة الظهر في المدرسة ..
او اشلون كيفية تعليمهم الصلاة ..
او من يصلي فيهم !!

الطفل من الابتدائية يتأسسس من المدرس والوالدين ..
اشلون المدرسة تقدر تعلمهم وتصلي قدامهم !!



سؤالك مهم والله

يعني تركع وتسجد قدامهم !
علشان يتعلمون

حتى لو كلفو طالب للتطبيق بس احس نفس ماتفضلت
لو يخلون الطلاب النموذجيه على مدرسين افضل من المدرسات

خاصه هالزمن زمن كل شي انفتح والأطفال يعرفون كل شي الحين


الله اعلم الصراحه

[شبح الصمت]

مدارس البنين النموذجية كلهم يأدون الصلاة ، ومدارس عمر كلها فيها صلاة الظهر ، بالنسبة للنموذجية عيال سادس يأمون طلاب المدرسة شفت بعيني محد قالي



ليس تقصير في الطالب الله يجزاه خير والا المدرسات ولكن الصلاة مهمه
وتأسيس الطالب من البداية مدرسين غير صدقيني ضوى ..

وهل كل المدارس يا ضوى تقيم الصلاة في وقتها اما لا ..
اذا انا اعلم الطالب واسسه وما اخليهم يصلون الصلاة في وقتها !!
اشلون راح يساعدون احنا بعد على تقويمهم

[شبح الصمت]

سؤالك مهم والله

يعني تركع وتسجد قدامهم !
علشان يتعلمون

حتى لو كلفو طالب للتطبيق بس احس نفس ماتفضلت
لو يخلون الطلاب النموذجيه على مدرسين افضل من المدرسات

خاصه هالزمن زمن كل شي انفتح والأطفال يعرفون كل شي الحين


الله اعلم الصراحه



الله يجزاك خير ونتمنى الاجابة ..

[ضوى]

ليس تقصير في الطالب الله يجزاه خير والا المدرسات ولكن الصلاة مهمه
وتأسيس الطالب من البداية مدرسين غير صدقيني ضوى ..

وهل كل المدارس يا ضوى تقيم الصلاة في وقتها اما لا ..
اذا انا اعلم الطالب واسسه وما اخليهم يصلون الصلاة في وقتها !!
اشلون راح يساعدون احنا بعد على تقويمهم


احنا نقول هالكلام بس شنسوي اذا هاي اتجاه الدولة ؟ بناتنا متخرجين وقاعدين بالبيوت وهاي حل من الحلول وماشاء الله ماقصروا ولا بمقصرين الله يجزيهم خير ، في ندوات ودورات تشرح لهم الصلاة عن طريق تربوين رجال ومطاوعة وشيوخ دين ، صدقني اللي يقومون فيه المدارس النموذجية شي كبير الله يعطيهم العافية ، ونرد نقول نعم نبي رياييل يدرسونهم بس شنو الحل نجيب مدرسين من برع وبناتنا خريجات ومعدلات في البيوت ؟.

[JN000N]

في مدارس نموذجية تم منع لبس العباية ومع تهديد بعد

ممكن تذكر لنا ولا عليك امر اسامي هالمدارس
:)

[بومحمد المطاوعه]

الله يجزاك خير ونتمنى الاجابة ..

ويجزاااك

ان شاءالله يتعلمون الصلاه من الأباء والأمهات قبل المدرسه

[بن يوسف الثقفي]

ممكن تذكر لنا ولا عليك امر اسامي هالمدارس
:)

السموحة اختي ماقدر أذكر اسامي في منتدى عام
السموحة منج

[JN000N]

السموحة اختي ماقدر أذكر اسامي في منتدى عام
السموحة منج

زين معليه ارسل لي خاص ولا عليك امر