وين كان مكانك في الصف !!

[شموخ دائم]

,

,


وين كان مكانك في الصف !!

وهل المكان يدل على الشطاره !!


http://www4.0zz0.com/2016/09/28/12/385152224.jpg

انا كنت رقم 23

:)

,

,

[راجي الْعفو]

مكانك حق الرقاد مع بعض المعاناة

انا منوع ، بس اخر شي رسيت عليه 25

^_^

[سالم الزهران]

ما اتذكر يا شموخ لكن احب على الجوانب ولو مطرّف صوب الباب يكون أحسن

[بانغ بانغ]

يعتمد

اذا كنا حاطين ام خيشة اقعد صوب 30

واذا الوضع الامني مستتب رقم 5

بس عادة ولاني شاطر وحليو كنت اقعد صوب2

[راجي الْعفو]

يعتمد

اذا كنا حاطين ام خيشة اقعد صوب 30

واذا الوضع الامني مستتب رقم 5

بس عادة ولاني شاطر وحليو كنت اقعد صوب2

دافور ماشاء الله ^_^

[ضوى]

3 او 4

ولا عمري كنت بالصف الثاني

والمكان على وقتنا يدل على الشطارة ودايما اللي جدام يسمونهم حمص وتل الزعتر

[شموخ دائم]

,

,


راجي

:)

مكانك يخوف مال ( زعيم ) الصف

الفتوه

هههه


23 هذا الكرسي استراتيجي
المدرس ما يشوفني
مغطين علي الي جدامي والسيد الي جنبي
ماحب المدرس يسئلني
حتى لو اعرف الاجابه ما اجاوب

,

,

[راجي الْعفو]

,

,


راجي

:)

مكانك يخوف مال ( زعيم ) الصف

الفتوه

هههه


23 هذا الكرسي استراتيجي
المدرس ما يشوفني
مغطيم علي الي جدامي والسيد الي جنبي
ماحب المدرس يسئلني
حتى لو اعرف الاجابه ما اجاوب

,

,

سوالف الصيه ^_^

اما ع طاري الاسئلة .. هذي سالفه ثانيه
خاصة لما يقولك اطلع و حل السؤال ع السبورة و انت الله بالخير ^_^

[Charisma]

عجبني الموضوع ،،

الكراسي ومواقعها وما ادراك ، عادي تقوم هوشه بسبة كرسي ، نظام غابة والبقاء للاقوى ، اهم شي guys, we gotta stick together


في الابتدائيه :5/11
في الاعدادية : 15/21
في الثانوية : 25/30


ولكم ان تتخيلوا مساري التعليمي من خلال الكراسي . :rolleyes2:

[الماريّة]

يختلف في السنوات

في ابتدائي كنت اقعد في السيد لول 1-2

لين صف خامس وسادس صرت اقعد 13-14

واعداداي وثانوي صرت اقعد 19

[بومحمد المطاوعه]

30

والحمدلله صرت ملتزم

يعني الي يقول اخر واحد فالصف يطلع صايع
اقوله حامض على شنبك :nice:

[راجي الْعفو]

عجبني الموضوع ،،

الكراسي ومواقعها وما ادراك ، عادي تقوم هوشه بسبة كرسي ، نظام غابة والبقاء للاقوى ، اهم شي guys, we gotta stick together


في الابتدائيه :5/11
في الاعدادية : 15/21
في الثانوية : 25/30


ولكم ان تتخيلوا مساري التعليمي من خلال الكراسي . :rolleyes2:

شكلها البطاريه تفضي ع اخر المراحل ^_^

[شموخ دائم]

,

,

سالم

بحلل شخصيتك

:)

انت كله مستعجل وعندك امور اهم من المدرسه وتحسها حتى الصغار وانت اكبر من هذا الدفاتر
ههههه

,

,

[شموخ دائم]

,

,


بانغ


:)

شخصيتك قبل من النوع ( المرح المشاغب ) والي محافظ على مستواه

:)

شوي مع المشاغبين وشوي مع الشطار

والمدرسين يفكرونك عاقل وما ينتبهون لمشاغباتك

يروح فيها احد بريء

,

,

[شموخ دائم]

,

,

ضوى

شخصيتك ( ما تغيرت الى الان ) من النوع العاقل الهادي المنتبه على الدروس
والقوانين المدرسيه

خط سيرك متوازن جدا
:)

صحيح الصف الاول كان دائما فيه اخوانا العرب من مصر او فلسطين

وعاده ولي امرهم مدرس او مدرسه في البلد

,

[شموخ دائم]

,

,

0


Charisma

:)

منور والله

وضعك ( مقلق ) لازم تراجع مكتب المدير

واضح التغيير الكبير بالشخصيه

من مرحله الى مرحله


وصلت مرحله

( تحفيص واستعراض سيارات ) وجكاره
هههه


منور والله مع ان شخصيتك الان تدل على ( عقل موزون ) جدا

وغدوه حسنه والناس تستشيرك في امور

واجتماعي

,

,

[شموخ دائم]

,

,


المارية


في الابتدائيه هذا المكان احد اختاره لك
مو اختيارك

وفي الاعداديه والثانويه هذا المكان المناسب لشخصيتك

شخصيه خجوله وطيبه وفي حالك

تحبين تديرين امورك لوحدك بدون تدخل من احد

لك اهدافك ومنشغله فيها ومايهمك الناس منشغله بشنو

ما تشغلك الامور السطحيه

وما زلتي كذلك



,

,

[الحياة الخالدة]

موضوع حلو
طوال مراحلي الدراسية وانا مكاني 1 أو 2 ولا أتنازل ابداً عن الصف الأول لعدة اسباب :

- المدرسة تعتبرني ذراعها اليمين في كتابة اسماء الطالبات وحساب درجاتهم
- كنت دايماً أشطر وحدة فكلما توهقوا في سؤال اكون انا المنقذة واحياناً تستعين فيني المدرسة لما تبي توضح شي لبقية زميلاتي
- احب اطلع امسح السبورة فوجودي في المقدمة يؤهلني للوصول إليها بسرعة .. وعلى أيامنا كنا نطلع نكتب التاريخ والمادة في راس السبورة
- أي شي كانت تبيه المدرسة كنت مطراش لها
- اللي يقعدون ورا كنت اخاف منهم اصلاً كله يتراوى لي انهم عدوانيات ويطقون ولسانهم طويل وانا بصراحة كنت جبانة واصيح بسرعة

الله يذكر ذيج الايام بالخير ... ويذكرنا وياك بالشهادة أخوي شموخ

[الماريّة]

,

,


المارية


في الابتدائيه هذا المكان احد اختاره لك
مو اختيارك

وفي الاعداديه والثانويه هذا المكان المناسب لشخصيتك

شخصيه خجوله وطيبه وفي حالك

تحبين تديرين امورك لوحدك بدون تدخل من احد

لك اهدافك ومنشغله فيها ومايهمك الناس منشغله بشنو

ما تشغلك الامور السطحيه

وما زلتي كذلك



,

,

فعلا صدقت اغلب الي ذكرته من صفاتي
وبخصوص موقعي في صف اول اكيد الابله هي اختارته لي

[Faz]

البدايات كنت 17 ومن اخر الاعداديه 28 الى التخرج الحمدالله

[Dana’1]

انا يختلف من مرحله لمرحله
بس غالبا 2 -1 بالذات بالابتدائي ويكون مكتب المعلمه قدامي
الثانوي 13 غالبا
احد المراحل نسيت بالضبط كان بالنص تقريبا 15-21 كذا وكان التوزيع من المعلمه والا انا مستحيييل اختار النص ما احبه

[سالم الزهران]

[color="#008080"]
,

,

سالم

بحلل شخصيتك

:)

انت كله مستعجل وعندك امور اهم من المدرسه وتحسها حتى الصغار وانت اكبر من هذا الدفاتر
ههههه

,

,

ول , طلعت محلل يا شموخ
وش لون ما تبيني استعيل وحنا كنا نبيع الحلال في السوق و عقب نصلي الفجر ,, تتخيل النشاط اليومي متى يبدى ذاك الأيام نبيع على انوار المواتر ما قد أذن الفجر
جزاك الله خير جبت شيء في الصميم اثر فيني ( والله مدري ليش درسنا اصلاً ) الله كريم بس
واحد كرك للمعلم شموخ

[بعيد النظر]

الابتدائية لين رابع .. 3-4

ومن ذاك الوقت لي الثانوية ..
بين 13 و 19 ..

والثانوية مالنا أماكن بحكم كنا نتنقل من صف لي صف ..

[khaldoon]

والله بالثانويه اخر سنه كنت رقم 28

[شموخ دائم]

,

,

مرحبا


الحياة الخالده

ما شاء الله
وصفك دقيق جدا ( اليد اليمين ) واعتقد ما زالتي
تجيدين هذا الدور وكانه وجد لك

الان يناسب لك ( مدير تنفيذي ) بعد الخبره

اعجبني هذا السطر
اللي يقعدون ورا كنت اخاف منهم اصلاً كله يتراوى لي انهم عدوانيات ويطقون ولسانهم طويل وانا بصراحة كنت جبانة واصيح بسرعة

:)

,

,

[بانغ بانغ]

راجي انت شكلة اتفر طباشير وتقعد في الكرسي 1 والمقلمة جدام والكتب امرتبه وتتريق سندويش بيض مفيوح

بالعامية " مصري "

مع احترامي لهم وهاي دليل على شطارتهم

[شموخ دائم]

,

,


سالم

:)

مع صعوبه الحياه بتلك الفتره الا انها تطلع ( رجال )

سبحان الله

هذا التنوع بتوزيع الطلاب وشخصياتهم يمثل ( احتياج ) مختلف الاعمال في البلد وهذه سنه الحياه

من مدراء ومن فنيين واطباء ومهندسين وعسكريين ومن حرفيين ومن اهل الانتاج والاعمال الحره

الحياه واسعه وتتسع للجميع

:)

[شموخ دائم]

,

,

بيض مفيوح

ههههه

مساكين احنا والله كنا نروح بدون فطور
وكل شي على البركه

,

,

[شموخ دائم]

,

,

مرحبا

Dior'1

صعب احلل شخصيتك

ولكن اعتقد انتي ( امكانياتك ) ومواهبك اكبر بكثير
من المكان الي وجدتي نفسك فيه

ما اعرف اوصل المعنى

بس مثل واحد لابس ابيض
وحاطينه مع ناس لابسين اسود
وهو يقول لهم مو مكاني
ههههه

,

,

[Dana’1]

,

,

مرحبا

Dior'1

صعب احلل شخصيتك

ولكن اعتقد انتي ( امكانياتك ) ومواهبك اكبر بكثير
من المكان الي وجدتي نفسك فيه

ما اعرف اوصل المعنى

بس مثل واحد لابس ابيض
وحاطينه مع ناس لابسين اسود
وهو يقول لهم مو مكاني
ههههه

,

,

ههههههههههه
كله من المرحله الي جلسوني فيها بالنص هههههه

[بانغ بانغ]

انذكر كان معانا واحد كل حياته الدراسية قاعد في الاخير وكان معاي كم صف

كسلان جدا وبطئ وكله ارقاد

مره شفناه جايب ادريل

تفاجأنا دريل في الصف ؟؟؟؟ ايش ناوي ايسوي

الحبيب خارم الطاولة بالدريل وامسوي فتحة عشان ايدخل عود عصير من برع ومن داخل عصير بونص

الله ياخذه ايش هالاختراعات بدل هالارقاد

[شموخ دائم]

,

,


مرحبا

بعيد النظر

اسم على مسمى ان شاء الله

انتوا الجيل ( المرتاح ) جيتوا بوقت حلو والله
الدنيا كلها بين يدكم
:)
استغلوها زين
وهذي البلد امانه بيدكم
ومستبشرين خير فيكم والله
انا احب هذا الجيل
كثير

,

.

[راجي الْعفو]

راجي انت شكلة اتفر طباشير وتقعد في الكرسي 1 والمقلمة جدام والكتب امرتبه وتتريق سندويش بيض مفيوح

بالعامية " مصري "

مع احترامي لهم وهاي دليل على شطارتهم

ويني وين الشطارة يا رجل ^_^
بس عجبني ترتيب الكتب، كنت ادور لها زاوية زينة في الطاولة عشان اذا رقدت اقدر اتسند عدل ^_^

عاد البيض المفيوح هذا اذا كلته ، كنت اكله من غير سندويش
بلع مثل المسرحية المصرية ^_^

[راجي الْعفو]

انذكر كان معانا واحد كل حياته الدراسية قاعد في الاخير وكان معاي كم صف

كسلان جدا وبطئ وكله ارقاد

مره شفناه جايب ادريل

تفاجأنا دريل في الصف ؟؟؟؟ ايش ناوي ايسوي

الحبيب خارم الطاولة بالدريل وامسوي فتحة عشان ايدخل عود عصير من برع ومن داخل عصير بونص

الله ياخذه ايش هالاختراعات بدل هالارقاد

الله يقطع شره

مجرم ياخي دريل حق عصير بو نص
وش كان مسوي فيه
حسيته هيروين ^_^

[qatarman8008]

رقم 7..
اتذكر في اول يوم دراسي..
مجرد مانروح الصف ..
رككككككككيض على ثاني سي الكرسي اللي جمب الدريشة..:nice:

[راجي الْعفو]

خاطري اعرف النهار وين كان قاعد

اتوقع ع سور المدرسة يتجهز للشرده ^_^

كنتِ شئِي يا بتاع الدهب ^_^

[ya3coub]

3-4
20-19

الرياضيات رقم 2

كل مرحلة و كل مادة او مدرس مكان بس الأغلب هال5 كراسي على مدى المراحل الدراسية

[بانغ بانغ]

خاطري اعرف النهار وين كان قاعد

اتوقع ع سور المدرسة يتجهز للشرده ^_^

كنتِ شئِي يا بتاع الدهب ^_^

انا ودي اعرف نكلان وين كان قاعد شكله شاطر

[مختلف جداََ]

غالباً 4
و سمي أقعد آخر الصف

[معماري قطري]

شهالموضوع المبتكر

انا مكاني رقم ستة في ثاني وثالث ثانوي .. وصدفة في سنة 2013 يوم رحت الأُردن حطوني نفس المكان مجبر

[معماري قطري]

انذكر كان معانا واحد كل حياته الدراسية قاعد في الاخير وكان معاي كم صف

كسلان جدا وبطئ وكله ارقاد

مره شفناه جايب ادريل

تفاجأنا دريل في الصف ؟؟؟؟ ايش ناوي ايسوي

الحبيب خارم الطاولة بالدريل وامسوي فتحة عشان ايدخل عود عصير من برع ومن داخل عصير بونص

الله ياخذه ايش هالاختراعات بدل هالارقاد

خطير ذيه .. الكسولين عندهم أفكار

مرة رحنا دزني وشرت بنتي مطارات عصير من هناك لها وحق رفيجتها .. اللي ضحكني من الليل توصي الخدامة تسوي عصير ليمون يوم سئلتها ليش قالت علشان نروق أعصابنا مع أول يوم دراسة وين رحتوا وشسويتوا

[معماري قطري]

يعتمد

اذا كنا حاطين ام خيشة اقعد صوب 30

واذا الوضع الامني مستتب رقم 5

بس عادة ولاني شاطر وحليو كنت اقعد صوب2

عيل جاري .. عاد جاري ذيه الحقيقي مب انت بو فيصل في ثالث أو ثاني وكان مديرنا غلوم في بن تيمية .. يسولف وايد وأزعجني ومزاجي كان متكهرب ( الله يسامحني ) وإن شاء الله هو يسامحني .. والظاهر الأفلام مأثرة علي قبل والتفت له واهفه سطار قوة طارت غترته ومندهش مسكين شفيني ما ادري شقال عصب بي أكثر وضرب بالكراسي وباللي يدي تطيح عليه بس مسكونا وودونا عند المدير والمدير قمة الاحترام وما طلعنا من عنده الا متراضيين

[الحياة الخالدة]

وانا اقووووول وين قريت هالموضوع من قبل

http://www.qatarshares.com/vb/showthread.php?581450-%E6%ED%E4-%D8%C7%E6%E1%CA%DF-%BF

بس طبعاً ما أقصد إنك مقلد عليه عمداً

السؤال يا ترى بعض المشاركين في الموضوع السابق تغيرت اجابتهم والا نفسها

[شموخ دائم]

،

،


مدوده ( يعني داير راسي ) مو متعود احط ردود كثيره
:shy:

معماري قطري

منور والله

مادري ليش احسك ( مجرم ) ونت صغير
تقط الغتره على الكتف
وقحفيه على الجنب
وجكاره روثمن في الجيب الفوقي
وعندك عراوي وكاتب عليه

تنشد عن الحال هذا هو الحال

ههههه

تمشي وتسطر خلق الله

والحين شخصيتك غير كان شخص ثاني

،

،

[شموخ دائم]

،

،


ya3coub


انا مصنفك من الشطار مهما كان الكرسي ومكانه

انت بروجكت منجر ( وحامي ) على الموظفين

:shy:

،

[النهار]

احسن محل تنخش عن المدرس قبل الصف الاخير
تقدر تقول رقمي 22

[الحياة الخالدة]

واحنا بعد مب متعودين عليك تنزل مواضيع وترد وتسولف عادي ههههههههههه

[شموخ دائم]

،


،


بومحمد


ما شاء الله

اخر الصف كان يخوف

بالعاده يكون الشباب العايدين الصف وكبار
والشنب طالع

نحاول ما نزعلهم
نفس مدرسه المشاغبين
:shy:

،

،

[شموخ دائم]

،

،


الحياه

والله ما شفت الموضوع القديم
وما كنت ادخل القسم هذا الا قليل لبعض المواضيع

انا شفت الصوره في تويتر وتذكرت مكاني وقلت نتشارك معاكم الذكريات

وما شاء الله كلها ذكريات حلوه

الحين عرفت ليه ( تمسحين ) المواضيع
قبل كنتي تمسحين السبوره
هههههه

،

[معماري قطري]

،

،


مدوده ( يعني داير راسي ) مو متعود احط ردود كثيره
:shy:

معماري قطري

منور والله

مادري ليش احسك ( مجرم ) ونت صغير
تقط الغتره على الكتف
وقحفيه على الجنب
وجكاره روثمن في الجيب الفوقي
وعندك عراوي وكاتب عليه

تنشد عن الحال هذا هو الحال

ههههه

تمشي وتسطر خلق الله

والحين شخصيتك غير كان شخص ثاني

،

،

ما كنت افكر وايد تنفيذ سريع بس كنت هادي الا في السيارات صج مجرم

أكيد الحين تغيرت وايد بعدين أي واحد بينفخ علي باطير الحين قبل غير

عن الكراسي هذيلا الصفين اللي أذكرهم أما أيام الجامعة كله ورا لكن كنت دريس .. أذكر في كورس الخرسانة بعد الامتحان بكم يوم جيت متأخر وكان الدكتور مصحح الأوراق وموزعها .. ألا أول ما دخلت كل العيون علي مب العادة .. اللي يتأخر يدخل بهدوء ولا حد يهتم به بس هالمرة اللي كلش ما يعطوني وجه وأغلبهم أمريكان وكوبيين يطالعوني باستغراب

بعد ما خلصت الحصة أو كنا ندلعه بالكلاس ياني واحد من الربع قال شمسوي انت جايب ثاني أفضل درجة والامتحان صعب صعب معدل الصف فيه في الثلاثينات .. وكنت لغتي مب لين هناك وانحرج لو تكلمت من كثرة الأخطاء .. عكس واحد معانا مصري ولد مريم فخر الدين ما ادري شمس البارودي نسيت بالضبط وكلهم اهتدوا وتحجبوا الله يحفظهم ويحفظه هو كان قمة الاحترام

هذا يقعد أول واحد وفي الوسط ومعاه رفيجه تيمور .. تيمور ضخم وتشوفه تقول هذا مب فالح كلش ومسكين فشل ورجع ونفس الشيء اللي معاه .. المهم المصري كان مبلتع ولا يستحي يسئل ولا يهمه يعني في الفصل سؤالين أو 3 بالراحة .. يرفع يده ويقول للدكتور آي سنكي زات يو سيد وتعلق عنده في كلمه ويقول يعني بالعربي واحنا ورا متسدحين من الضحك

[Charisma]

,

,

0


Charisma

:)

منور والله

وضعك ( مقلق ) لازم تراجع مكتب المدير

واضح التغيير الكبير بالشخصيه

من مرحله الى مرحله


وصلت مرحله

( تحفيص واستعراض سيارات ) وجكاره
هههه


منور والله مع ان شخصيتك الان تدل على ( عقل موزون ) جدا

وغدوه حسنه والناس تستشيرك في امور

واجتماعي

,

,

بوجودك اخوي شموخ ،،

للأسف نعم ، في الابتدائية شزيني وشحلاتي ، تشوفني مع الفرقة في شعري المدهن وشنطتي المرتبة وكتبي المجلده ودفاتري المسطرة واقلامي المنسقه .. اتقول هذا مشروع أينشتاين العرب .http://i7.photobucket.com/albums/y254/ziggy11/smiley-raising-waving-hand_zps46fea5e5.gif

بس دخلنا الأعدادية ، وبدأت مظاهر القلاعة .http://www.allsmileys.com/files/kolobok/smilesofvisitors/17.gif

اما الثانوية ، اداوم في الاسبوع مرتين .. ثلاث .. حسب المزاج .. لا وعلمي بعد .. ( رغم الأهمال إلا ان الطفل الصغير في داخلي بو فرقة وشعر مدهن كان مصدر ألهامي ) .. وبس ياطويل العمر .. نجحنا ولاتسالني شلون .https://www.pic4ever.com/images/47b20s0.gif



شكرا على الموضوع الجميل ، :thumbup1:

[بصمة قطرية]

في المدرسة و بالذات الثانوية 1
في الجامعه 4

[بوخالد911]

ما بين ال5 وال 6

[naklan]

كان مكاني المفضل الكرسي الاخير الي في نص الصف
لانه مكان استراتيجي للمشاغبة والاستاد ما يشوفك بعض الساعات
ارقد غفوه بسيطة مكان مخشوش وما حد يتجرا ياخذه عني
ابقس حق الفتوه من اول السنة وبعدها الكل يبتعد عن
كرسيي حتى لو غبت يخلونه فاضي مثل ما سوت
ام كلثوم لكرسي السنباطي بعد ما مات
خلته فاضي هههههههه

تحياتي الغالي شموخ ذكرتنا بأيام الدراسة

[R 7 A L]

انا دايم قبل الاخير
بالفيت اني مؤدب وانا داعم للصيع من تحت الطاولات والكواليس

[بانغ بانغ]

انا دايم قبل الاخير
بالفيت اني مؤدب وانا داعم للصيع من تحت الطاولات والكواليس

هههههههههههههههه يا استراتيجي

[حظيظ]

موضوع ممتاز ,, ما انتبهت له

انا دايم ما اختار مكاني لأني اجي متأخر وتكون طارت الطيور بارزاقها

لكن كنت احب الكراسي عند الجدران لأنها تساعدني في النوم واذا لقيت واحد مستعد يبادلني كرسيه

وهو عند الجدار يكون ذاك اليوم عيد عندي .

في اخر ايام الدراسة متوسط وثانوي , سحبوني المشاغبين عندهم وصرت كبتن الكراسي اللي ورى

كبتن مب فتوه ,, يعني انا المخ وهم العضلات :)

[بوNasser]

الكراسي حسب المراحل الدراسية

* في الإبتدائية كنا نقعد في الصفوف الأولى طبعا (الله يجعلنا واياكم من أصحاب وأهل الصفوف الأول في الطاعات وفعل الخير)

* في الإعدادية المدارك توسعت شوي!! ما يسير نقعد على الكراسي الأمامية مع الشطار "المعقدين اللي كله عمرهم دراسة وحك:):)" ، ولا نقعد في آخر الصف مع الخافجين والمشاغبين وأصحاب المكان (( لأن فيه ناس منهم تمر عليه السنين واهو في نفس الصف ونفس المكان)) على ايامنا ما فيه سن محدد..

* اما في الثانوية فعيب الواحد يقعد جدام " يسألونه ويجاوب"، خلاص كبرنا على هالسوالف وصرنا فتوة، ناخذ راحتنا بعد مرور ست سنوات دراسة في الابتدائية وثلاث في الإعدادية، الحين مرحلة الجلوس على الكراسي الخلفية والتفكير في المستقبل المشرق ( السيارات، الرحلات، دبي والشارجة، الكورة، وغيرها من الامور اللي تشغل الرأي العام للمهتمين مثلنا).