برع قطر سيارة راعي الكيك وداخل قطر بورش وبي ام .. ثقافه مجتمع ..

[حمد 2002]

السلام عليكم ورحمه الله وبركاته

الكثير منكم سافر لتركيا واوربا وغيرها من الدول السياحيه ، المهم الكثير من المواطنين اجوفهم بذيج الدول يركب بسياره الكيك وباصات قديمه ولا يستحي وبقطر بورش وبي ام ويتفلسف !! ..

هل تلك تعتبر ثقافه مجتمع ؟!

شكرا لكم

[مفكر قطري]

يعني الحين البورش و البي ام شي واو؟*
الواحد لما يكون على سفر غير من انه يكون في بلاده..

[معماري قطري]

شوف اخوي حمد لكل بلاد وسائل مواصلات مناسبة

بعضها تكاسي وتوفي وتؤدي الغرض وهنا في قطر ركبنا تكاسي وبعضها يكفيك الأندرغراوند والباص مثل لندن ويوصلك بسرعة ورخيص

دول السواقة فيها سهلة مثل ألمانيا وأمريكا ودبي بتأجر سيارات مناسبة ولازم بتهمك المادة وبتوفر

في بلادك أو أي بلاد مستقر فيها بتكشخ بحدود .. لو تحسب تكلفة المواصلات قيمة سيارة مثلاً 400000 وسيارة مريحة وتفكر بتخليها 10 سنين مثلاً .. استهلاكك كل سنة 40000 في هذي العشر سنين + تكلفة البترول والصيانة والترخيص والتأمين .. خلنا نقول بتوصل 200000 على مدار العشر سنين وفيه لازم حسابات أدق

كمعدل تكلفة المواصلات بتطلع عليك 60000 في السنة = 5000 في الشهر .. ولو بعت السيارة بحدود 100000 بيكون معدل تكلفة سيارتك 4166 في الشهر .. ولو خذت هوندا صغيرة ممكن المعدل يطلع لك ما يزيد عن 1000 ريال .. وهذا المعدل أو السابق كثير أقل من تكلفة السيارة اللي تاخذها في بلاد سياحة أو حتى تكلفة المواصلات

[معماري قطري]

انا ابي سيارة هشكل بس شوف الأرضية شلون منقوشة نقش


https://www.youtube.com/watch?v=U6_JYTjc1aI

[JN000N]

زين ف لندن نركب تكسي هني تركب؟
ف امريكا نركب المترو والا ف لندن الاندرغراوند
مب قايله هني لان مافتحوه
تركب ف دبي المترو مالهم؟
اكيد ف بلادك غير وهناك غير

[الحياة الخالدة]

انا ابي سيارة هشكل بس شوف الأرضية شلون منقوشة نقش


https://www.youtube.com/watch?v=U6_JYTjc1aI

عجيبة عجيبة .. الله يرزقنا .. ويعدل شوارعنا

[R 7 A L]

الجو عندهم غير
لو عندهم حر ماركبنا تكاسي يمكن بعد مانسافر
شرايك بالرد :funny:

[A.L.I]

بيض الله وجيهكم على الردود وكلامكم 100%

[سالم الزهران]

تركيا تستأجر لك سيارة ديزل و صناعة ايطالية مدري فرنسية و يوميتها تعادل مشوار واحد مع ابو شنب التركي و لا تلفت نظر و تصفها بأي مكان و لا تخشى عليها السرقة و كلها ايجابيات معدا الصجّه :)

[Bo jassim 33]

بره غير

[ولد العرب]

الجو عندهم غير
لو عندهم حر ماركبنا تكاسي يمكن بعد مانسافر
شرايك بالرد :funny:

:eek5::eek5: انت هنا

[يمامـة]

:eek5::eek5: انت هنا

وانت بعد هنا؟ o.o

وعودة للموضوع

اعتقد انها ثقافة اكثر مما هو شي ثاني ومن ثم تدخل القدرة المادية

فاحنا في قطر البنات يستحون يركبون عراوي بوغمارتين فل اوبشن مخفي توايره مطلية ذهب
وينزلون عند بوابة فيلاجيو.. بينما في تاليند راكبين الكوت كوت او الركشة
ويتصورون وينزلون سنابات على أساس انهم منغمسين في التراث التايلندي..

لذلك تشوف ان الوضع والثقافة في قطر تختلف عنها في دول ثانية..
محد يخاف من نظرة الناس او يخافون من زعزعة مكانتهم الاجتماعية..

والقدرة المادية تختلف أيضا.. فاللي ربنا منعم عليهم وعندهم الخير الوفير ممكن يستأجرون سيارات تكلفتها غالية
علشان يعيشون بنفس الوسط اللي عايشين فيه قطر..

لكن اللي يحسب حساب لميزانيته او مصروفاته او الهدف من سفره تلقاه
يحاول يقنن من مصروفاته او يمتع نفسه في أمور افضل من انه يحطها في أشياء مجبور عليها في قطر
بينما هو مب مجبور عليها خارج قطر..

[معماري قطري]

عجيبة عجيبة .. الله يرزقنا .. ويعدل شوارعنا

آمين .. على الشوارع واسلوب السواقة وقوانين المرور الغريبة أحسن الواحد يسوق سيارة بدون ترخيص ويدعم اللي ما يعجبه ويمشي

صارت معانا واحد عنده عراوي قديمة دعم سيارة السائق وعطاه رقم تلفونه والسائق سجل رقم سيارته .. المرور قالوا هذي السيارة لها سنين منتهية رخصتها ولا مأمنه تبون قضية لتصلحون سيارتكم واصبروا يمكن شهر لين يمسكونه ويجيبونه ولو صلحتوا خلاص يسقط حقكم في القضية .. الحل الثاني تنسونه واحنا يالمرور بننساه وتصلحون السيارة على حسابكم

[راعي الكورفت]

انا رحت دوره 3 شهور إلى بلجيكا وشريت سيكل استخدمه للتنقل ومرات استخدم القطار وعمري مااحتجت اركب سياره

[النهار]

:eek5::eek5: انت هنا

من انتم :eek5:

[Dana’1]

طبيعي بالبلاد غير سيارة تملكها غير عن الاجار
حتى بالسفر العايله الكبيره بأطفال غير عن زوجين او عايله صغيره* والشباب هم غير
وحسب السيارات الدارجه عندهم بالدوله ووولخ

[مختلفة عقليا]

السلام عليكم

انا اركب كروه في قطرعادي والله شالمشكله !!

اخوي في ناس حديثي نعمه خلهم على جنب مو شايفين خير .,

عادي في قطر او برع اروح بالمواصلات المناسبة لي ولظرفي ., وللبيئه

يعني لو في قطار في قطر بركب ليش لا بالعكس حلو وتغيير بالروتين .,


ويسلموو

[قطريه ماركه]

سيارة راعي الكيك بس مرسيدس فيانو !!

او فالكس واجن

او تاكسي مرسيدس ف المانيا

انت شلون تتنقل ف اوروبا بالسيكل ؟؟

[pink pearl]

ماأشوف فيها شي

[بانغ بانغ]

برع

ما اركب سيارة الا يوم اكون في وفد رسمي او مع عائلة

اما لو شخصي ، حط الشنطة عالظهر ومترو وباصات وقطارات ومشي ووووو

[معماري قطري]

سيارة راعي الكيك بس مرسيدس فيانو !!

او فالكس واجن

او تاكسي مرسيدس ف المانيا

انت شلون تتنقل ف اوروبا بالسيكل ؟؟

إخوي ياخذ سيارة أجار للمشاوير البعيدة ولمدينة الدراسة في فرنسا كله بسيكل يقول أقرب وأسهل وفيه له مواقف قرب الفصول