+ المزعجين في حياتنا +

[شبح الصمت]

السلام عليكم ورحمة الله وبركاته ،،

المزعجين واقصد فيهم يمكن نحن او غيرنا ..

بذكر امثله ..

الموقف الاول
من فترة رحت السينما وجلس واحد احذاي وكان فيلم مصري ( تحت الترابيزه )
وكان جالس ويضحك ضحك مش طبيعي صراحة انا تضايقت حدي وانحرجت اكلمه قلت يمكن يستحي على ويه ويسكت
ولي نهاية الفلم شغاااال ضحك


الموقف الثاني
من يومين فالمطعم واحد يسولف صوته عاااالي يعني كلنا عرفنا شلي يسولف عنه حشرنا ..



الموقف الثاني
واحد يتكلم فالتلفون والعالم تسمعه


مواقف وايد نتعرض لها
ومفروض هالبني آدمين يراعون الي حولهم
يستحووون على وجيهم

[ضوى]

عيل شتقول اذا انت في فيلم رعب ومندمج وواحده جدامك كل ماجات لقطة مرعبة فرت الذرة علينا

[شبح الصمت]

عيل شتقول اذا انت في فيلم رعب ومندمج وواحده جدامك كل ماجات لقطة مرعبة فرت الذرة علينا



صراحة موقف ما اعرف وقتها اش برد فيه ..

[qatari911]

السلام عليكم ورحمة الله وبركاته ،،

المزعجين واقصد فيهم يمكن نحن او غيرنا ..

بذكر امثله ..

الموقف الاول
من فترة رحت السينما وجلس واحد احذاي وكان فيلم مصري ( تحت الترابيزه )
وكان جالس ويضحك ضحك مش طبيعي صراحة انا تضايقت حدي وانحرجت اكلمه قلت يمكن يستحي على ويه ويسكت
ولي نهاية الفلم شغاااال ضحك






هالعينات موجوده
والا الي يجيك ويجلس في جنبك والفيلم شغال ويطلع تيلفون يسولف او يكتب واتساب خير شاري تذكره علشان تتكلم بالتيلفون او تكتب بالواتساب فيه ناس بجنبك جاي تشوف الفيلم مو تسمع ثرثرتك او تشوف نور جوالك
عن نفسي اكلم الي يضايقني بالسينما لاني دافع فلوس الفيلم مو دافع اسمع ضحكتك او ثرثرتك بالتيلفون
وبالفتره الاخيره من سويت سينما ومسرح منزليه ريحتني كثير لا ازعاج ولا واحد جاي متأخر ويخرب عليك اندماجك بالفيلم مريح راسي من هالاشكال ((نادر جدا اروح للسينما ))

[MAZEN37]

الذوق ببساطه في ناس تفتقر الذوق
والافضل الانسان يحشم نفسه عنهم

[شبح الصمت]

هالعينات موجوده
والا الي يجيك ويجلس في جنبك والفيلم شغال ويطلع تيلفون يسولف او يكتب واتساب خير شاري تذكره علشان تتكلم بالتيلفون او تكتب بالواتساب فيه ناس بجنبك جاي تشوف الفيلم مو تسمع ثرثرتك او تشوف نور جوالك
عن نفسي اكلم الي يضايقني بالسينما لاني دافع فلوس الفيلم مو دافع اسمع ضحكتك او ثرثرتك بالتيلفون
وبالفتره الاخيره من سويت سينما ومسرح منزليه ريحتني كثير لا ازعاج ولا واحد جاي متأخر ويخرب عليك اندماجك بالفيلم مريح راسي من هالاشكال ((نادر جدا اروح للسينما ))



صدقت بس الموضوع عام بس هذه امثلة
عن عينات كثيرة نصادفها ..


أصحاب الصوووت العالي
بيقولون لي في ناس متعوده
لا ما عندنا مشكلة تتعود مع نفسها مع الي حولهم متعودين عليهم

لكن مع المجتمع لازم اشوي يهدأ الصوت

والي يجيك ياخذك بالصوت عشان يخلص موضوعه في مؤسسة والا في مكان
ويحرجك قدام العالم

ليش بعد هذه فئة استغفر الله العظيم ما تحشم نفسها والا غيرها
لو لها حق تاخذه بس المشكلة انت مالك سلطة او عنده نقص في اوراقه او او بس يبي يخلص

فيعطي بعالي الصوووووووووووووووووووت

[شبح الصمت]

الذوق ببساطه في ناس تفتقر الذوق
والافضل الانسان يحشم نفسه عنهم



اوكي مازن بتحشم نفسك عنهم
بس اهم مسببين لك ضيقه ومب مرتاح انت

ذاك اليوم فالمستشفى رايح زيارة لمريض
المهم الي فالسرير جمبه مشغل اغاني ومطول عليها
قلت له ليش ساكت قال ياخي من امس وهو جذيه
قلت له مب على كيفه

واقوووم اضغط زر الممرضه جات كلمناها راحت كلمته بنده ..
يعني انت على فراش المرض ومشغل لي اغاني
استغفر الله العظيم

[khaldoon]

صراحة اكره و احتقر نوعية البشر اللي تظن انها عايشه لوحدها في الكون....يعني يستعمل الجوال في اي مكان و بصوت عالي في مكان عام في الممرات في الاصنصيرات و الكل يعرف حديثه و ايش يقول و خاصة لو الموضوع تافه و مب مهم و بس سوالف يعني مب شي عاجل و سريع

غير اللي يمسك الجوال و يتعبث فيه و ماشي ع العشرين في الشارع و ما يهمه مين وراه ولا يفتكر فيه...والله هذدول يبيلهم تأديب من قلب

[qatari911]

صدقت بس الموضوع عام بس هذه امثلة
عن عينات كثيرة نصادفها ..


أصحاب الصوووت العالي
بيقولون لي في ناس متعوده
لا ما عندنا مشكلة تتعود مع نفسها مع الي حولهم متعودين عليهم

لكن مع المجتمع لازم اشوي يهدأ الصوت

والي يجيك ياخذك بالصوت عشان يخلص موضوعه في مؤسسة والا في مكان
ويحرجك قدام العالم

ليش بعد هذه فئة استغفر الله العظيم ما تحشم نفسها والا غيرها
لو لها حق تاخذه بس المشكلة انت مالك سلطة او عنده نقص في اوراقه او او بس يبي يخلص

فيعطي بعالي الصوووووووووووووووووووت

اتفق معك ((لاتنسى لكل فعل ردة فعل))
بس المراجعين يكونون عايفين حياتهم من الزحمه والمناحس ويكون ماسك نفسه بالغصب
يجي الموظف يايصرفه او يقول السستم عطلان الخ ((صارت لي وكنت محافظ على اعصابي وبالاخير ماقدرت لان الي قدامي مو محترمني ويماطل في تخليص المعامله مع انه يقدر يدخل على المدير ويوقعها بسرعه بس مافيه ضمير))



صراحة اكره و احتقر نوعية البشر اللي تظن انها عايشه لوحدها في الكون....يعني يستعمل الجوال في اي مكان و بصوت عالي في مكان عام في الممرات في الاصنصيرات و الكل يعرف حديثه و ايش يقول و خاصة لو الموضوع تافه و مب مهم و بس سوالف يعني مب شي عاجل و سريع

غير اللي يمسك الجوال و يتعبث فيه و ماشي ع العشرين في الشارع و ما يهمه مين وراه ولا يفتكر فيه...والله هذدول يبيلهم تأديب من قلب

حاس فيك لان اصادف هالاشكال في الشارع ولو اعطيه هرن طالعني كأني ذابح حد من هله او كأني شايل عصاي من جنبه

[شبح الصمت]

صراحة اكره و احتقر نوعية البشر اللي تظن انها عايشه لوحدها في الكون....يعني يستعمل الجوال في اي مكان و بصوت عالي في مكان عام في الممرات في الاصنصيرات و الكل يعرف حديثه و ايش يقول و خاصة لو الموضوع تافه و مب مهم و بس سوالف يعني مب شي عاجل و سريع

غير اللي يمسك الجوال و يتعبث فيه و ماشي ع العشرين في الشارع و ما يهمه مين وراه ولا يفتكر فيه...والله هذدول يبيلهم تأديب من قلب



لازم مرعاة خصوصية الاخرين في كل شيء ..
نفس ما انا احترم خصوصيتك احترم خصوصيتي ..

والله يعينك يا خلدون
وطول باااااااااااالك

[Rider]

طبعا المزعجين كثار في حياتنا لكن من باب الاختصار لي ماسك جواله ومعطل حركة السير وكانه شارع ابوه لي يدخن ويقط السجاره بكل برود من السيارة ولي تصلي جنبه في صلاه سريه وتحصله رافع صوته بالقراءة يشتت تركيزك والامثله كثيره لكن الاختصار زين

[شبح الصمت]

طبعا المزعجين كثار في حياتنا لكن من باب الاختصار لي ماسك جواله ومعطل حركة السير وكانه شارع ابوه لي يدخن ويقط السجاره بكل برود من السيارة ولي تصلي جنبه في صلاه سريه وتحصله رافع صوته بالقراءة يشتت تركيزك والامثله كثيره لكن الاختصار زين



كرد شخصي منك اشلون تتعامل معاهم ذولي او انك تعطينهم الاذن الصمخه !!!

[qtr qtr]

يمكن اللي فالسينما مجنون دامه مواصل الضحك لين عقب ما خلص الفلم :omen2:

انا من النوع ان شفت حد يضايقني اكلمه باحترام بعلم الاخلاق ربما هالشخص تربى في بيئه محد علمه علم الاخلاق .

[شبح الصمت]

يمكن اللي فالسينما مجنون دامه مواصل الضحك لين عقب ما خلص الفلم :omen2:

انا من النوع ان شفت حد يضايقني اكلمه باحترام بعلم الاخلاق ربما هالشخص تربى في بيئه محد علمه علم الاخلاق .



ياخوي حشرني فجر مخي خلاني اتضايق وقلت يمكن يسكت كنت بطلع من الفلم بس الفلم حلووو

واتوقع ضايق غيري بعد

تحملت وسكت ..

[Rider]

كرد شخصي منك اشلون تتعامل معاهم ذولي او انك تعطينهم الاذن الصمخه !!!



شوف اخوي شبح بالنسبة للي ماسك جواله والمدخن لي يقط السجاره اطوفه وعطينه نظره فيه شويت احتقار واذا ماعجبه وحاول يوقفني بوقف وبقوله اتصل للشرطة على تعرف انت وش سويت اما لي يصلي جنبك ومسوي ازعاج ايا اطنش او قوله خطئه بس

[شبح الصمت]

شوف اخوي شبح بالنسبة للي ماسك جواله والمدخن لي يقط السجاره اطوفه وعطينه نظره فيه شويت احتقار واذا ماعجبه وحاول يوقفني بوقف وبقوله اتصل للشرطة على تعرف انت وش سويت اما لي يصلي جنبك ومسوي ازعاج ايا اطنش او قوله خطئه بس



شوف كلنا نفس النظام مثلك
الي ماسك الجوال او الزقارة النظرة تكفي
والحر بالاشارة يفهم

اما الي فالصلاة في شيبان ما تقدر تكلمهم او تقول له شيء ..
اما اذا من سنك تقدر تكلمه او قريب من باب النصح


تدري انه في ناس ما تقبل النصح كلش
مره واحد من السوشل ميديا حط مقطع واتوقع هبو عليه العالم اشلون وكيف ينصحونه
زعل الاخ الكريم وقال انا ما احب النصيحه والا اتقبلها اذا ما طلبتها منك !!

يعني الحين انت تنصح حلال عليك وتكلم وتقول ويوم سويت شيء غلط والعالم عاتبوك زعلت .. !!!!


شيء محير صراحة بعد ذي من اصحاب الاصوات العالية

[qtr qtr]

ياخوي حشرني فجر مخي خلاني اتضايق وقلت يمكن يسكت كنت بطلع من الفلم بس الفلم حلووو

واتوقع ضايق غيري بعد

تحملت وسكت ..



غلطان تسكت له كلمه بالطيب ان شاءالله راح يحترم الناس مافاد كلم الموظفين خلهم يطيرونه من مكانه

[شبح الصمت]

غلطان تسكت له كلمه بالطيب ان شاءالله راح يحترم الناس مافاد كلم الموظفين خلهم يطيرونه من مكانه


تبي الصج اوقات مالي في عوار الراس ..
لانه احاتي يقط علي كلمة ما اسكت عنه

وعقب تعال رقع على واحد ما يستاهل ..

[قطري]

فعلاً انزعج كثير من هذه الفئة...
البعض منهم ممكن نقول مايستحي على وجهة
وممكن نقول قلة ذوق او ذرابة...
والأغلبية حسب وجهة نظري عدم الاحساس بالآخرين
يعني انت في المجلس جاي تستانس وتسولف
يجيك واحد يشغل مقطع فيديو او صوت!!!
قاعد في مكان مراجعة تلقى واحد حذاك فاتح الواتس اب
ومشغل نغمة الكيبورد والارسال والاستقبال!!!
وتحصله مبتسم ولا يدري بالي حواليه

شخص عديم الاحساس لا تتوقع منه يحس بك
وعديم الاحساس أشبه بالميت فهل الميت يحس؟؟؟

[يمامـة]

تصير.. كنا في رحلة سفر طويلة فوق النصف يوم.. من ركبنا الطيارة وولدي الصغير كان معاي
الأخ اللي قاعد جدامنا سمعنا قصة حياته كلها وقصة زواجه من الأجنبية ورفض هله واصراراه ورفضه
من الزواج من بنت خاله.. واحنا فينا النودة بس الحكاواتي مب راضي يسكت... تغفى عيوننا ونصحى على
حسه و كلامه.. بينما اللي جالس معاه كان يتكلم ولا كنا نسمع له حس كأنه يساسره..

وفي الأخير بعد ساعات طويلة طارت النودة.. قعدت وقررت ما ارقد وتميت استغفر ربي من الوضع
اللي احنا فيه.. وشاركني ولدي الصغير نفس الشعور.. ولما قررنا بعد 7 ساعات ان ما نعود للنوم فزعل النوم ..
الا ان الأخ رقد عقب قرارنا :(..
حاولنا نسايس النوم ونراضيه ونتوسل له انه يرد لنا فاحنا محتاجين له الا انه عيى ورفض..
تسلينا في الاكل اللي يابوه لنا.. وسولفنا مع بعض وتغشمرنا ومرت 4 ساعات ثانية .. ومن رجع لنا النوم
رافع راية الندم انه تركنا.. وتونا نرحب فيه ونبتسم له الا الأخ قعد من النوم ورد يتكلم في أمور ثانية..
وكملنا المتبقي من ال 16 ساعة على انغام حديثه غير المرحب فيه بينما هو سعيد جدا بحسه المسموع وحكاياته غير الممتعة..

مثل هالمواقف تحدث ونبتلي فيها من ناس يفتقرون الى ابسط حدود الذوق وفهم حقوق الاخرين..
وللامانة ما حبيت أوجه له أي تنبيه لانه رجال ..فكنت استغل وقتي في الاستغفار راجية من الله انه يهون علينا المشوار..

لكن لو اللي جدامي كانت وحدة ممكن بكل ادب اكلمها او اطلب من طاقم المضيفين يوجهون لها تنبيه من انزعاجنا
من حسها العالي..

لذلك من خلال موضوعك هذا.. نهيب نفوسنا وكل المشاركين والمطلعين على موضوعك
الى ضرور التحلي بالذوق واحترام الاخرين في الأماكن العامة او الخاصة حتى..
حتى في البيت لابد تكون هناك مراعاة لبعضنا البعض وما يكون هناك ازعاج واحنا نمون على بعض
وما بالكم خارج البيت مع ناس اغراب؟

[شبح الصمت]

فعلاً انزعج كثير من هذه الفئة...
البعض منهم ممكن نقول مايستحي على وجهة
وممكن نقول قلة ذوق او ذرابة...
والأغلبية حسب وجهة نظري عدم الاحساس بالآخرين
يعني انت في المجلس جاي تستانس وتسولف
يجيك واحد يشغل مقطع فيديو او صوت!!!
قاعد في مكان مراجعة تلقى واحد حذاك فاتح الواتس اب
ومشغل نغمة الكيبورد والارسال والاستقبال!!!
وتحصله مبتسم ولا يدري بالي حواليه

شخص عديم الاحساس لا تتوقع منه يحس بك
وعديم الاحساس أشبه بالميت فهل الميت يحس؟؟؟



يا مرحبا فيك ياخوي ونورت المكان
ونفس ما تفضلت بعد حتى في ناس تفتح لك مقاطع في اماكن عامة او في مجالس
الي يبي يشوف مقطع يحط له سماعة فرضاً فتحته ويطلع صوت غريب وعارفين الخساس الي يصير هالايام تركيب مقاطع على مقاطع

اشلون ويه الواحد قدام العرب ..

وترى ياخوي احنا الي نخليهم يتمادون لو الواحد يوقفهم عند حدهم كانوا اسكتووو وما تمادوو

[شبح الصمت]

تصير.. كنا في رحلة سفر طويلة فوق النصف يوم.. من ركبنا الطيارة وولدي الصغير كان معاي
الأخ اللي قاعد جدامنا سمعنا قصة حياته كلها وقصة زواجه من الأجنبية ورفض هله واصراراه ورفضه
من الزواج من بنت خاله.. واحنا فينا النودة بس الحكاواتي مب راضي يسكت... تغفى عيوننا ونصحى على
حسه و كلامه.. بينما اللي جالس معاه كان يتكلم ولا كنا نسمع له حس كأنه يساسره..

وفي الأخير بعد ساعات طويلة طارت النودة.. قعدت وقررت ما ارقد وتميت استغفر ربي من الوضع
اللي احنا فيه.. وشاركني ولدي الصغير نفس الشعور.. ولما قررنا بعد 7 ساعات ان ما نعود للنوم فزعل النوم ..
الا ان الأخ رقد عقب قرارنا :(..
حاولنا نسايس النوم ونراضيه ونتوسل له انه يرد لنا فاحنا محتاجين له الا انه عيى ورفض..
تسلينا في الاكل اللي يابوه لنا.. وسولفنا مع بعض وتغشمرنا ومرت 4 ساعات ثانية .. ومن رجع لنا النوم
رافع راية الندم انه تركنا.. وتونا نرحب فيه ونبتسم له الا الأخ قعد من النوم ورد يتكلم في أمور ثانية..
وكملنا المتبقي من ال 16 ساعة على انغام حديثه غير المرحب فيه بينما هو سعيد جدا بحسه المسموع وحكاياته غير الممتعة..

مثل هالمواقف تحدث ونبتلي فيها من ناس يفتقرون الى ابسط حدود الذوق وفهم حقوق الاخرين..
وللامانة ما حبيت أوجه له أي تنبيه لانه رجال ..فكنت استغل وقتي في الاستغفار راجية من الله انه يهون علينا المشوار..

لكن لو اللي جدامي كانت وحدة ممكن بكل ادب اكلمها او اطلب من طاقم المضيفين يوجهون لها تنبيه من انزعاجنا
من حسها العالي..

لذلك من خلال موضوعك هذا.. نهيب نفوسنا وكل المشاركين والمطلعين على موضوعك
الى ضرور التحلي بالذوق واحترام الاخرين في الأماكن العامة او الخاصة حتى..
حتى في البيت لابد تكون هناك مراعاة لبعضنا البعض وما يكون هناك ازعاج واحنا نمون على بعض
وما بالكم خارج البيت مع ناس اغراب؟



اوقات نحط انفسنا في بعض المواقف

من فترة كنا رادين من السفر على البريطانية وولدي الصغير يصيح متضايق انا صراحة تضايقت وحسيت باحراج انه مزعجين الركاب

قلت للمضيفه لو سمحتي ابي اقوم اخذ الحليب من الشنطه واعطيه
ردت علي بالرفض لا

انزين انتي فتحي الخزنه وسحبي الشنطه
يرضيك يهديج الياهل ازعج العالم

ارفضت العيوز رفض تام ..
ممنوع عندهم يفتحون الخزنه والطيارة فالجو !!!!
وقلت في خاطري يارب يرقد يارب
لين رقد
والسفره كانت من البحرين للدوحة ..

الواحد اوقات يتضايق من اشياء تحصل له ويحس في الي حوله بس شنسووي
هذا شيء خارج ارادتنا كان ..

اما موضوع الي يسوولف عن قصصه ويحب العالم تسمع له هذا انسان مدري شقول لج
يا انه يبي يجذب الانتباه او انسان مرررريض ..

[JN000N]

المزعجين اللي غصب تعالو ياللي حولنا سمعو سالفتنا
تتكلم فالتلفون تسمع الكل السالفه
او تهاوش بنتها بصوت عالي ف مجمع يعني يناس شوفوني اعرف اربي بنتي
او يسب ولده قدام الناس يجرح مسامعهم شوفوني قوي اهاوش ولدي
تصدق من زمان كنا رايحين مصر
وورانا ف الطياره شباب من جنسية خليجيه
المهم هم شربو وقندو روسهم وطفحوً مكسرات وبدو يضايقونا
الطياره فل مالك مجال تغير كرسيك
شتسوي وقتها؟ مالك الا الصبر
لكن صج ذيك المره راجعين من دبي وورانا واحد قبل تطير الطياره كان عالتلفون يتكلم بصوت عالي وعقب ماسكر تم يسولف مع الي جنبه بصوت اعلى (الظاهر اذنه مسدوده) المهم ن كانت سالفته كلها شكاوي عالمرور ونكد مع الداخليه خخخخ

ماعرف هل هذول واعيين للي يسوونه او انهم مش مستوعبين انهم مزعجين واصواتهم نشاز

[الماريّة]

الازعاج في كل مكان وزمان

ومهم من هو كبير سن والسمع عنده ثقيل
ومنهم من هو مايسمع عدل

والبعض خذها عاده التكلم بصوت عالي
الله يهديهم ومانقدر نتحكم في طباع البشر

ماعلينا الا نسد اذانينا في حاله الازعاج

[يمامـة]

اوقات نحط انفسنا في بعض المواقف

من فترة كنا رادين من السفر على البريطانية وولدي الصغير يصيح متضايق انا صراحة تضايقت وحسيت باحراج انه مزعجين الركاب

قلت للمضيفه لو سمحتي ابي اقوم اخذ الحليب من الشنطه واعطيه
ردت علي بالرفض لا

انزين انتي فتحي الخزنه وسحبي الشنطه
يرضيك يهديج الياهل ازعج العالم

ارفضت العيوز رفض تام ..
ممنوع عندهم يفتحون الخزنه والطيارة فالجو !!!!
وقلت في خاطري يارب يرقد يارب
لين رقد
والسفره كانت من البحرين للدوحة ..

الواحد اوقات يتضايق من اشياء تحصل له ويحس في الي حوله بس شنسووي
هذا شيء خارج ارادتنا كان ..

اما موضوع الي يسوولف عن قصصه ويحب العالم تسمع له هذا انسان مدري شقول لج
يا انه يبي يجذب الانتباه او انسان مرررريض ..



ما اقدر اظلم الرجال وأقول انه يبي يلفت الانتباه او انه مريض ...
كثر ما احب أوضح ان مثل هالتصرفات تفتقر الى الذوق و احترام حقوق الاخرين..

[Dana’1]

انا الاحظ الاجانب امريكان وكذا صوتهم بالسوالف جهور من قلب وضحكتهم الي احسها متصنعه مرات! من طريقة القهقه !
ازعاج من قلب

مثل ما قالت جنون بالطياره

انا كان يمي اثنين بيني وبينهم الممر ... هم كبار شيبان بس صوتهم عالي مسموع يمكن مثل ماقالت جنون السمع خفيف ومع ضجيج الطياره بعد صعب يسمعون وماكانوا يسولفون طول الرحله يعني خفايف وقبل الهبوط بشوي
مثل هالحالات يمكن نعذرها

[الحياة الخالدة]

يمكن البعض ما يتعمد الازعاج .. ولما يرتفع صوته في الدوائر الحكومية وغيرها .. يكون طفح به الكيل .. وما في مجال ياخذ حقه الا برفع صوته متبع مبدأ : الحقوق تبي حلوق .. ممكن طبعاً تكون في وسائل أخرى أجدى نفعاً وأقل إزعاجاً .. لكن هو ما يدري عنها
البعض الآخر : يحب الاستعراض ولفت الانتباه
وهناك اللي إزعاجه خارج عن سيطرته : مثل اللي عنده عيال مشاغبين يجد صعوبة في التحكم فيهم

وأخيراً في ناس طبيعتهم مزعجين .. لو شتسوي ما يستحون ولا ينتخون .. واللي في راسهم بيسوونه :nice:

[شبح الصمت]

المزعجين اللي غصب تعالو ياللي حولنا سمعو سالفتنا
تتكلم فالتلفون تسمع الكل السالفه
او تهاوش بنتها بصوت عالي ف مجمع يعني يناس شوفوني اعرف اربي بنتي
او يسب ولده قدام الناس يجرح مسامعهم شوفوني قوي اهاوش ولدي
تصدق من زمان كنا رايحين مصر
وورانا ف الطياره شباب من جنسية خليجيه
المهم هم شربو وقندو روسهم وطفحوً مكسرات وبدو يضايقونا
الطياره فل مالك مجال تغير كرسيك
شتسوي وقتها؟ مالك الا الصبر
لكن صج ذيك المره راجعين من دبي وورانا واحد قبل تطير الطياره كان عالتلفون يتكلم بصوت عالي وعقب ماسكر تم يسولف مع الي جنبه بصوت اعلى (الظاهر اذنه مسدوده) المهم ن كانت سالفته كلها شكاوي عالمرور ونكد مع الداخليه خخخخ

ماعرف هل هذول واعيين للي يسوونه او انهم مش مستوعبين انهم مزعجين واصواتهم نشاز



يا جنون البعض لا شعورياُ ما نلومه صح
بس المفروض يتحكم في نفسه اذا احس او حست انها بينفعلووون يدورون لهم زاويه ..

اما بخصوص الي مغيبين عن الوعي فهذولي حدثي والا حرج خلاص ما عليه حرج استغفر الله العظيم
عقله في الترررلي وين تبون يتماسك
مره اثنين نفس الشيء بريطانين اشربوا لي قالوا بس وقاموا يطلعون سوالف وتهاوشو مع بعض
ازعجونا وسندرونا وبلغوو عنهم مطار تايلند اول ما وصلونا تلووهم..

[شبح الصمت]

الازعاج في كل مكان وزمان

ومهم من هو كبير سن والسمع عنده ثقيل
ومنهم من هو مايسمع عدل

والبعض خذها عاده التكلم بصوت عالي
الله يهديهم ومانقدر نتحكم في طباع البشر

ماعلينا الا نسد اذانينا في حاله الازعاج




صحيح يالماريا
الشيبه وغيره من ذوي الاحتياجات الخاصة ما نلومهم الا ذولي فوق روسنا بنحطهم
اعرف واحد مسكين من ذوي الاحتياجات الخاصة
سمعه ضعيف وحاط سماعة واذا يتكلم يفتح السبيكر وصوته ينسمع ونسمع الي يسولف معاه
هذولي ما نعاتبهم والا نزعل منهم
حبيبنا

لكن البعض يتجاوز حدوده ومفروض ينحرج او احنا نوعيه بس مشكلتنا احنا نحاتي نفس ذولي ما يحشموون ويردون رد يخلونا نتجاوز حدودنا فيه

[شبح الصمت]

يمكن البعض ما يتعمد الازعاج .. ولما يرتفع صوته في الدوائر الحكومية وغيرها .. يكون طفح به الكيل .. وما في مجال ياخذ حقه الا برفع صوته متبع مبدأ : الحقوق تبي حلوق .. ممكن طبعاً تكون في وسائل أخرى أجدى نفعاً وأقل إزعاجاً .. لكن هو ما يدري عنها
البعض الآخر : يحب الاستعراض ولفت الانتباه
وهناك اللي إزعاجه خارج عن سيطرته : مثل اللي عنده عيال مشاغبين يجد صعوبة في التحكم فيهم

وأخيراً في ناس طبيعتهم مزعجين .. لو شتسوي ما يستحون ولا ينتخون .. واللي في راسهم بيسوونه :nice:



قلتي ما يتعمد الازعاج بس البعض واعي وافهم ويتعمد يالحياة
يكون عاقل ورزين ورجال اشكبره

فالحيا زين ترى

[بومحمد المطاوعه]

عيل شتقول اذا انت في فيلم رعب ومندمج وواحده جدامك كل ماجات لقطة مرعبة فرت الذرة علينا

هذي ارفس الكرسي
اخليها تستحي على ويها ,,
لان هالاشكال يعني شوفوني قلبي رقيق وخفيف
ومتعمدين بالأساس يسوون هالحركات ,,


الحل الوحيد رفس الكرسي

[بومحمد المطاوعه]

وعليكم السلام ورحمة الله وبركاته ,,

صدقت والله ياخوي
حزات يصيدك مثل هذي المواقف

مره كنت في مطعم مع ام عيالي
و2 شباب ف كل اشوي يشغلون مقطع ف جوالهم من الانستقرام اعتقد
يا اغاني
يا عبط
يا مادري شنو
ويضحكون وانا كاف شري عنهم لان المكان فاضي بالأساس وصدى

قلت خلني اقط عيني اشوف شموضوعهم ذيله

طلعو يهالو مال 16 وتحت
ويالت لو رجال بعد
هههههههههه
استغفر الله

جنس 15 يمكن
بعيد الشر

بس شفتهم مرتين استحو على ويهم اشوي وخففو الصوت وماطلو

داشين طالبين عصير وطلعو
ههههههههه
ارخص شي :nice:

[مختلفة عقليا]

السلام عليكم

كنت بكتب معلقة ع الموضوع ., هههه

ع العموم .,

اول شي حاول تبتعد عن الشخص ( تستدعي الامن / اتكلمه بادب / اتقط نغزه )

اذا ما فاد .,

حاول اتركز على شي ثاني ( العقل يقتنع ) ويركز على شي محدد .,

واذا كنت من النوع العصبي ( رنه رررررن ) :nice: بعد شتسوي !! تحرق قلبك وهو يستانس !!

ويسلموو

[قطريه ماركه]

الموقف الاول
من فترة رحت السينما وجلس واحد احذاي وكان فيلم مصري ( تحت الترابيزه )
وكان جالس ويضحك ضحك مش طبيعي صراحة انا تضايقت حدي وانحرجت اكلمه قلت يمكن يستحي على ويه ويسكت
ولي نهاية الفلم شغاااال ضحك

انت داش الفيلم و تدري انه كوميدي لازم بتسمع الناس تضحك !!

بس المواقف الثانية تعتمد على الذوق العام و الأدب