رئيس الوزراء يوجه بتوفير أفضل الخدمات للمواطنين

[Bin sultan]

وجه معالي الشيخ عبد الله بن ناصر بن خليفة آل ثاني رئيس مجلس الوزراء وزير الداخلية، بتوفير أفضل الخدمات المقدّمة للمواطنين والمقيمين بالدولة مع الاهتمام بمشاريع البنى التحتية وجاهزيتها وسرعة تنفيذ خدمات البنية التحتية لأراضي المواطنين. جاء ذلك خلال زيارة تفقدية أمس لمركز التحكم الوطني التابع للمؤسسة العامة القطرية للكهرباء والماء (كهرماء) بمنطقة «الثمامة». وخلال الزيارة اطلع معاليه على عرض لأهم المشاريع التي تنفذها المؤسسة، من بينها مشاريع كأس العالم لكرة القدم 2022، والبنى التحتية لأراضي المواطنين وغيرها من المشاريع، إضافة إلى الخطط المستقبلية.

http://www.raya.com/Mob/GetPage/f6451603-4dff-4ca1-9c10-122741d17432/68c61288-9802-41ae-96bf-511b67c48a64

[معماري قطري]

الله يحفظه ويرزقه اللي يوضحون له تعقيدات البنية التحتية وهشاشتها

هذي هي في لها سنوات طويلة تنعمل في العزيزية على دفعات وكل حفر لو يدفنون فيه أشغال والمقاول وسعهم .. العالم تطور وبدال الحفر الغزير والبايبات الكبيرة بايبات أصغر وحتى طالعة على الأرض أو مبني ومزروع حولها بس بمضخات قوية .. القطر الصغير يستوي يمرر سوائل أكثر لكن بالجاذبية القصة طويلة

[القلب المؤمن]

يدفنون اشغال والمقاول هههههه حلوه

[مخطط قطري]

التوجيهات اذا ماتنفذت اعتقد يجب تكون محاسبه من معاليه على اهمال وتقاعس المعنين بالتوجيهات ومع الاسف الشديد هذا الي حاصل في الثلاث سنوات الي تولى معاليه رئاسة الحكومه

[المجروح81]

بيض الله وجهه

[معماري قطري]

يدفنون اشغال والمقاول هههههه حلوه

يا اخوي من القهر نشوف أُمور تاخذ سنين ومليارات وصيانتها صعبة ومكلفة .. الحلول بسيطة والتكنولوجيا متوفرة ومهما يكون تطلع أرخص وصيانتها أسهل

ألحين من استوت العزيزية حول 30 - 35 سنة وطول هالسنين بدون صرف صحي .. ومن بدوا في المشروع له حول 7 سنين ويسوون شارع ويردمونه بالغلط وكله حفر وياخذ حول سنتين لين يخلص شغلهم وبعد فترة يحولون على شارع ثاني

المأساة مستمرة ولو صار تسريب في باطن الأرض ما دروا به ولو انسد البايب المعتمد على الجاذبية والضخم جداً يركبون هوز أسود كبير ومضخة .. زين من البداية خلوها مضخة وبايب ثابت على عمق بسيط أو خلال نفق خدمات بعمق بعد بسيط وممكن صيانته بسهولة وفحصه حتى الكترونياً

[معماري قطري]

التوجيهات اذا ماتنفذت اعتقد يجب تكون محاسبه من معاليه على اهمال وتقاعس المعنين بالتوجيهات ومع الاسف الشديد هذا الي حاصل في الثلاث سنوات الي تولى معاليه رئاسة الحكومه

الله يعينه والله والضغوطات كبيرة عليه وعلى من معه

عندنا مثال القطرية تحتاج توجيهات للاهتمام بالقطريين أولاً .. المستشفيات والمواعيد وسوء العلاج استوينا نخاف حتى من الفحص العادي

طبقة المتقاعدين يحتاجون اهتمام وتسهيلات حق مشاريع منافسة ويخنقونهم البعض من بدايتهم أما بقوانين تعسفية وصعوبات وعراقيل أو بوكالات ماكلينها من عشرات السنين

[القلب المؤمن]

الفوضى صارت لاتطاق والنصب والاحتيال وفساد بعض الجهات رجعت الدوحة عشرين سنة ورا
الله كريم

[الجـــوديّ]

^

نفس الملاحظة ..

قطر ارجعت 20 سنة ورا من زود الفساد الحاصل والفوضى بكل شي .. لا متابعة ولامراقبة ومحاسبة

لين سنتين قبل ما كنا نشوف اللي نشوفه اليوم

تعبنا والله .. كل ما قلنا زانت .. نلقاها شانت .... والحمدلله على كل حال

[JN000N]

^

نفس الملاحظة ..

قطر ارجعت 20 سنة ورا من زود الفساد الحاصل والفوضى بكل شي .. لا متابعة ولامراقبة ومحاسبة

لين سنتين قبل ما كنا نشوف اللي نشوفه اليوم

تعبنا والله .. كل ما قلنا زانت .. نلقاها شانت .... والحمدلله على كل حال

هي كيكة وكلن يبي يغرف منها
محد مفتكر غير كم بيدش ف جيبه وشلون يأمن حساباته الداخليه والخارجيه
قلتها قبل
نبي مسؤولين يخافون ع فلوس الدوله وحلالها مثل مايخافون ع فلوسهم

[بانغ بانغ]

التجار الكبار اياديهم في هالمشاريع الحكومية

يعني اي ورقة اتطيح من الشجرة , بتجر وراها ورق وايد واغصان كبيرة

فطبيعي محد يتحرك

اتفق مع اللي قال انهم رجعوا الدوحة عشرين سنة ورا

فرحانيين بكم برج ايبينون من بعيد

روحوا شوفوا عجمان ( مب دبي عشان محد يزعل ويتحسس من دبي )

[الماريّة]

اللهم احفظ معاليه ويطول بعمره

ويجعله ذخر ويعينه على البلاد والعباد

ويعطيه الصحه والعافيه

[يمامـة]

نبي مواعيد في عيادات الاسنان..
نبي نزرع اسنان مب محصلين مواعيد
نبي نسوي تقويمات حق عيالنا مب محصلين مواعيد..
نبي مراجعة الطبيب تكون كل 3 شهور مب كل 6 شهور..

:(