مخفي الزجاج الخلفي

[R 7 A L]

السلام عليكم ورحمة الله وبركاته

رسالة موجهه للاخوة في إدارة المرور
انقذونا من المخفي على الزجاج الخلفي لما يسبب من حوادث
ويحجب الرؤيه
خصوصاً ان الاجواء بدت تعتدل .

[بانغ بانغ]

صحيح

البعض وايد امبالغ في المخفي 100 %

[R 7 A L]

صحيح

البعض وايد امبالغ في المخفي 100 %

ياخي على جنب بنقول مو مشكلة حق الستر للي مايبي احد يشوف اهله
بس الزجاج الخلفي وش الفايدة منه ؟

[مرتبش]

الميني فان معظمهم حاطيين المخفي في الخلف ..مستغرب عدم الانتباه لهم

[R 7 A L]

الميني فان معظمهم حاطيين المخفي في الخلف ..مستغرب عدم الانتباه لهم

صحيح ملاحظ هالشي
والله مادري وش داخلها هالباصات الله يستر

[الحياة الخالدة]

هل في قوانين محددة لتنظيم تركيب المخفي .. لكنها غير مفعلة ؟؟
والا مافي قوانين أصلاً ؟؟

[R 7 A L]

هل في قوانين محددة لتنظيم تركيب المخفي .. لكنها غير مفعلة ؟؟
والا مافي قوانين أصلاً ؟؟

الي انخبره ان فيه قوانين وان فيه تصاريح للمخفي
وانه كان فيه مخالفات
هالايام مانشوف مخالفات على المخفي والناس تمادت

[Azizuk]

في بعض الفانات والباصات مصبوغه بلون ابيض او دعاية منتج مافي قزاز في الخلف

[بومحمد المطاوعه]

وعليكم السلام ورحمة الله وبركاته ,,

اهو اصلن ممنوع ومخالفه 1000 ريال

ولكن لاتلومهم ياخوي

بعض المواتر تقول باخره واقفه وراك ,,

تحصله رافع موتره 50 متر فوق وليت الموتر كله داخل عندك

يكشف نوع الغتره الي لابسها ,,

وغير البعض الي ليتاته طايره فوق تقول كأنه مكبس لك
وغير بعض الناس مايصدق لو شاف نسوان فالسياره يقعد يقزز

الدرايش الخلفيه مع الأجناب الخلفيه لامانع من المخفي الثقيل لأن كل المواتر الجديده الحين فيها كيمرات الريوس وبعضهم على جنب وجدام

اما المخفي جنب السواق وجدام
هذي يسبب خطوره في السواقه وممكن يسبب حوادث

تحياتي لك

[بومحمد المطاوعه]

في بعض الفانات والباصات مصبوغه بلون ابيض او دعاية منتج مافي قزاز في الخلف

اي
عالشركات من بيكلمهم
الشركه بأسم فلان الفلاني

بس انت ركب مخفي 20% قدام

يطلبون موترك تقول كأنك ذابح واحد وشارد

[بومحمد المطاوعه]

صحيح

البعض وايد امبالغ في المخفي 100 %


ياريال بعضهم عندهم تصريح مخفي كامل
ومافيهم اي شي من الامراض

هذي اشلون ومن وين وليش ,,.!

الله اعلم

[مدور عقلي]

وعليكم السلام ورحمة الله وبركاته ,,

اهو اصلن ممنوع ومخالفه 1000 ريال

ولكن لاتلومهم ياخوي

بعض المواتر تقول باخره واقفه وراك ,,

تحصله رافع موتره 50 متر فوق وليت الموتر كله داخل عندك

يكشف نوع الغتره الي لابسها ,,

وغير البعض الي ليتاته طايره فوق تقول كأنه مكبس لك
وغير بعض الناس مايصدق لو شاف نسوان فالسياره يقعد يقزز

الدرايش الخلفيه مع الأجناب الخلفيه لامانع من المخفي الثقيل لأن كل المواتر الجديده الحين فيها كيمرات الريوس وبعضهم على جنب وجدام

اما المخفي جنب السواق وجدام
هذي يسبب خطوره في السواقه وممكن يسبب حوادث

تحياتي لك

اشكرك صراحه .. ياخوي اغلب العالم الحين ايجونك مرفع موتره تقول راكب ناقه مب موتر ويشوفك من فوق ,, ولا ويشق عينك في ليته بعد

[بومحمد المطاوعه]

اشكرك صراحه .. ياخوي اغلب العالم الحين ايجونك مرفع موتره تقول راكب ناقه مب موتر ويشوفك من فوق ,, ولا ويشق عينك في ليته بعد

الشكرلله تعالى
صادق اخوي
وخاصه لو عندك موتر سبورت
الله يعينك

تتبهدل من بعض الناس والبعض والله جزاه الله خير لو صف وراك فالأشاره يسكر ليته الكبير
لانه يشوف الي جدامه موتر اصغير منه ف يراعي شعورك اشوي
ولكن الاكثيره مايسوون هالشي
يشق عينك شق

[ya3coub]

لا تعليق سيارتي عليها مخفي الجوانب السايق و العبري ايضا بس بدون الأمام و ورى في الستارة مالت الوكالة


و بعض اتضايق من الليتات بس ماله داعي 100% على هاي و الله يعيني عليهم حاولو كم مرة و عديت.


بس في ناس 100% كامل ولا يهموني السؤال الواحد اشلون سواقته فالشارع اما صدام صب و مرفع و مخفي كامل و سواقه الله بالخير انت ما تعرف شنو يصير داخل في ناس تتهاوش ولا ناس تلعب ولا فالتلفون لاهي.


انا بصراحة مع المخفي لا صيف او غير صيف.

بس يكون قانوني 30% كامل كافي و فوق الكافي بعد اصلن اذا 30% كامل ما يبين شي من الي داخل السيارة إلا بليت.

المهم شي يكون منظم و قانوني, و ايضا يراعون فيه خلق الله الي يداوم 10 ساعات حاذف موتره فالشمس لأن جهة عمله ما توفر لا مواقف ولا مظلات.

و الي يداومون شفتات بأخر الدنيا فلفان او دخان او مسيعيد و بو سمرة

[بوحارب]

والبعض يركب ستاره !!

ابغي اعرف شلون يشوف اللي وراه ؟